الفصل 32
@riwait_221
📖 روايـة أنتي حمول الوقت وأنا سندها .
(البارت 32 )
.
ناظرها سعد بهدوء وقال: ماعلي خوف عزوف اختي ماعلى هيا خوف وانتي معها
ابتسمت عزوف بهدوء مكسور : اجل قم معي
قاموا وهم مالهم نفس لكن حيل الله اقوى
_______.
في بيت ابو مقبل
لللي يعمه الحزن ما احد قادر ينام ولا احد قادر ياكل
كانوا متقابلين بدون عيالهم حزينين وكسيرين
_______.
وفي بيت ابو سند
راحت ام شايع ابو فزاع والكل راح وهنا حست هيا انهت فعلاً وحيده وايقنت بالهلاك اول ما اتجهت لها ام سند بغضب : قومي قامت قيامتس اذلفي لهاذيك الغرفه ولا شوفتس
قامت هيا بهدوء وراحت وانصدمت كانت غرفه جداً صغيره ٣ متر ب ٣ متر
مغبره ماهي نظيفه جلست فيها بحزن ولفت بخوف على اصوات الرجال
ابو سند : وينها
ام سند: منقبره في هاذيك الغرفه
سند كان متكتف والتفت له ابوه : سند ألحقني
راح مع ابوه ودخل الغرفه وهو مكتئب والتفت له: سم
ابو سند: اسمعني يا سند انت ما انت مخير انت مجبور توفي العاده وتاخذ حقنا لا تاخذك رأفه ولا رحمه اخلص بموضوعنا واعجل
سند: ابشر ابشر لكن
ابو سند : مافيها لكن ولا فيها تردد لا تحسب اني ذابحني حب بنتهم عندنا ابي فرقاها اليوم قبل بكره ساعه وحده ماهي في لزومها تطلعني في طوري ثارنا في يدك ياسند
سكت سند ماله حيله هز راسه بهدوء: ابشر
طلع ووقف في الصاله يحس الدنيا تدور به التفت وشاف امه واقفه بغضب ودخلت وتركته والبنات واقفين بهدوء وبعدها الكل دخل لغرفته
ناظر الغرفه الصغيره واخذ نفس يلم فيه نفسه وتقدم بهدوء مرعب
دف الباب ودخل وشافها قاعده على فراش فالارض وهي حاطه يدها على راسها ولبس الاسود مغطيها
فزت هيا ورفعت راسها بهدوء ومن ملامح وجهه عرفت ان الخير ماعاد يدق ابوابها
ماكانت تعرف عنه شي حتى اسمه ولا تدري وش هالانسان لللي تشوف موتها بين عيونه
اعتدلت بهدوء وهي كل تفكيرها في موقف ابوها واخوها اللي صارت هي تشيل الثار عنهم
احتار سند يرد السلام ولا وش يقول موقفهم موقف اعداء ماعرف كيف يبتدي
ناظرها بهدوء وقال: سلام الله عليكم
من طريقة سلامه عرفت هيا انه يرد السلام لله ماهو لها وقالت بهدوء: وعليكم سلام الله
من ردها هدا سند وعرف كيف بيتكلم تقدم وجلس بالطرف المقابل وقال: تسكر علينا هالباب ماهو حب ! سكره علينا ثار ثار الدم والدم بالدم
للحظه عجز عقل هيا يستوعب توقعته بيذبحها لكن رفعت عينها بهدوء :ثاركم بولدكم
سند ما توقع ترد عليه توقعها في قمة انهياها بس ارتاح : هذاتس قلتيها بيني وبينتس مجاهد تجيبينه وتنسينه
هيا ما تقبلت انها بتترك ولدها لكن غصب عليها : هو لكم
.
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇