الفصل 30
@riwait_221
📖 روايـة أنتي حمول الوقت وأنا سندها .
(البارت 30 )
.
واستعدت تكون غره استعدت تشيل دم اخوها وعشم ابوها
تركتهم يبكون وهي جامده طلعت لابوها لابسه اسود ووقف وهو يبكي تقبلها يحضنها ويودعها
وسعد يناظرها بحزن مانزل عينه ابد كان وده يشبع منها لكن مايشوف الا السواد اللي دفن تحته هيا هيا اللي عمرها ماكانت الا سحر الجمال وعنوانه
صد بقهر يكابر على نفسه وحزين
وطلعوا بهيا لديرة ابو سند
_______.
في بيت ابو سند
الكل كان موجود والكل حزين
ام شايع اللي معتنزه على عكازها بحزن وغضب جنبها خزاري اللي ماهي قادره ترفع عينها من كل شي يمر فيها
ام سند اللي تبدلت دموعها بحقد وغضب وانتقام
جنبها ثريا اللي رافضه هالكلام وحزينه
مزون اللي تكيل الشر وتشيل الانتقام
اما ساره كانت في صمت مابعد تقبلت دفن مجاهد عشان تقبل دفن حياة سند وفرحة اهلها
_______.
فالمجلس وسط جموع القبيله
كان سند واقف برا يحس انه في عالم اسود ماقدر يطلع منه
كان فزاع حوله مايدري كيف يواسيه يعزز انتقامه ولا يعزز الحق ويكون ضد الظلم
طلعوا كل اللي بالمجلس على جيت ابو مقبل
نزل وهو بالقوه يشيل نفسه ويسنده سعد رفع راسه بحزن وقال: سلام عليكم
جينا بدية ميتكم الله يرحمه وجينا بغرتكم
قال ابو سند بغضب وحقد : اترك ماجبت عن مكانك وارجع من مكان ماجيت
سكت ابو مقبل اللي ماله حق يرد رجع بصعوبه لهيا وقال وهو يبكي : تعالي ياذرى حزني تعالي
نزلت هيا تبكي ووقفت بعد ماودعها ابوها وراح هو وسعد وقفت غريبه بين العالم وهي تبكي لكن صحاها صوت ابو سند اللي قال بكل غضب: يمينتس الباب ادخلي لعمتس
دخلت وهي خايفه لكن اول ما دخلت استقبلتها ام سند بغضب : عسى الله لايحي الشر عسى الله لا يحيتس
وبعد هالكلام انقضت عليها مزون بحقد وضربتها كف لكن وقفت على صوت جدتها: مزون ارجعي محلتس
تركتها مزون ورجعت ووقفت هيا وهي تردد( الله يسامحك يامقبل تركتني ذليله )
ام شايع : ادخلي
تقدما هيا اللي محد سلم عليها وقالت وهي تأشر على مجلس فاضي : روحي لغرفتس
ام سند :تخسي مكانها هالمستودع
ام شايع: ام سند
سكتت ام سند وقالت ام شايع: روحي لغرفتس
دخلت هيا المجلس وجلست بهدوء وهي ماطلعت غطاها ابد كانت ترجف خايفه
التفت ام شايع لام سند: لا تطلعين غضبتس على ضحيه مسكينه اتقي لله فيها وانتي يا مزون لو انعاد لللي سويته عرفت شغلي معتس
ام سند : تبيني ارجب بعدوتي ؟
ام شايع : لا ترحبين لكن راعي حق الله ودعوة مظلوم
وبعد شوي وصل الشيخ وكتب عقدهم وتم الزواج وطلع وهيا جداً حزينه وسند صار يحتاج لسند في هاللحظه
.
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇