الفصل 29
@riwait_221
📖 روايـة أنتي حمول الوقت وأنا سندها .
(البارت 29 )
.
وابوك بناديه لك لكن فكر فكر
كأن الضابط ضرب مقبل على وجهه كف جلسه بأرضه دارت به الدنيا وفكر كل الحلول فيها موته لا محاله
جلس سعد يناظرهم وهو وده يصرخ( تكفون انا سند هيا بس لا تروح لا تصير الضحيه )
طلع من القسم مايدري وش يسوي ووين يروح
_______.
وفي بيت ابو سند
عرفت ام سند جت وهي تصرخ وتبكي رافضه ان دم مجاهد يضيع في بين يدين بنت لكن احتدم الامر وصرخ ابو سند : حزني على مجاهد اقو من حزنتس عليه لو ابكي دم مايبرى حزني لكن وش في يديني وش في يديني بتجيتس الغره خذي حق حزنتس منها واتركي حق مجاهد يجي عوضه دم سند
طلع وتركها واتجهت لسند تعلقت برقبته تبكي وتنخاه مايبيع دم اخوه
لكن سند مافي يده حيييله كان في عالم غير عالمهم كان بيموت من القهر والحزن بس لازم يصمد
راح وترك كل شي وراه وكان الوضع جداً حزين ومرفوض
_______.
في بيت ابو سعد
كانت عزوف تحوم ماتدري وينه سعد
لكن دخل سعد يجر الحزن على اكتافه قعد عند الباب بحزن وركضت له عزوف : سعد
قال سعد بأسى: لا تناديني سعد ماعدت سعد ولا عاد يعنيني السعد
عزوف: لا تقول هالكلام يا اخوي مستحيل هيا ترضى مستحيل
سعد: هيا اااه يا هيا وش بقى لها هيا الا تلبس الاسود وتروح غره
عزوف :قلت لمقبل
سعد : مقبل ورا الحديد مايقدر يسوي شي وابو مقبل مايشوفني لهم سند وش في يدي ياعزوف
عزوف : بحقهم يا سعد والمصيبه ماهي هينه
سعد : وش اسوي ياعزوف
عزوف :حيل الله اقوى ياسعد
انتهت بكلامها احلام سعد وقف وراح وهو جداً حزين
وجلست بمكانه عزوف وهي تبكي بحرقه على هيا وعلى سعد
_______.
قامت الدنيا وقعدت
كلٍ رافض الغره لكن يُقال ( وش حدك على المر غير اللي امر منه)
رفض ابو سند اي راي ورفض ابو مقبل اي اعتراض
كلٍ واحد مصر برايه مقبل ماطلع له يسوي شي سعد كتم حزنه مثل ما كتم حبه
وهيا انفرض عليها تضحي وترضى بالبلاء
وسند مابقى منه الا اسمه اللي صار وقت يعبره
وخزاري اللي من الصدمه ماققدرت تقول شي الا انها تبكي
وفي وام سند وبناتها اللي رافضين كل شي وجب عليهم الصمت
_______.
وفي يوم سموه ( المشؤوم)
في بيت ابو مقبل اللي نزله عقاله وحرم يلبسه لين ترجع هيا كان قاعد بحزن وسعد جنبه
وكانت ام مقبل وعزوف يجهزون هيا اللي دفنت ايامها الحلوه وحياتها المليانه فرح والالون ولبست الاسود واستعدت تكون غره استعدت تشيل دم اخوها وعشم ابوها
.
.
#أنتي_حمول_الوقت_وأنا_سندها
.
.
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇