الفصل 28
@riwait_221
📖 روايـة أنتي حمول الوقت وأنا سندها .
(البارت 28 )
.
بكت ام مقبل وبكت عزوف واتجهه ابو مقبل لهيا
فتح بابها وهو يناظرها تبكي واتجه لها وجلس اخذ يدها وهو يقول : ياهيا قرة عيني ابوتس والله ما ارضى عليتس تنرمين بورده لكن يايبه الدنيا سلت سيوفها علينا موتنا معلق بحداهن ان رفضت تسلط على رقبة مقبل سيف وان رضيت والله ان السيف بقلبي قبل قلبتس وانا ابوتس لكن نبي نخضع ونبي ناخذ السيف ونعتق رقبة مقبل بشيل السيف بقلبي وبتشيلينه ببطنتس وبنعطي السيف سند وابوه ونقص راس الحزن من بعدها يا ابوتس انتي سندي في هالمصيبه لا تحسبيني بايعتس
فزت هيا وهي تحضنه وتبكي : ابشر يبه ابشر انا سيفك وانا سندك انت تبشر ومقبل افداه بروحي
حضنها ابوها وبكى : عسى الله مايخيب رجانا فيتس
طلع وترك هيا اللي بكت بكت بكت وناظرتها عزوف اللي ماعاد تقدر تقول شي لكن مصيبه ووقعت ولازم تدور سعد
_______.
في القسم
ركض سعد يدري غلط اللي يسويه بس مستحيل يترك هيا وقف عند سليمان يترجاه يقابل مقبل
ووقف مقبل بخوف من منظر سعد : وش فيك وش صاير ابوي فيه شي امي
سعد: لا هيا اللي فيها شي
مقبل: وشووو وش فيها
سعد : هيا غرة يامقبل
طارت عيون مقبل وسحب ثوب سعد : وشوو من يقول هالحكي
سعد : كل الشيوخ انفقوا عليها وابوك وافق واهل الميت وافقوا
مقبل : معصي وانا اخو هيا معصي والله والله ماياخذها غره ولو دمي فدا
سعد : لازم تمنع الي يصير
مقبل : وين ابوي وييينه
سعد : راح البيت مافي اذنه ماء ماهو مقتنع
مقبل : سليمان سليييييمان
جا سليمان: عسى ما شر
مقبل : الا الشر بعينه وعلمه ابي اقابل الضابط
سليمان: الضابط ماهو مداوم هالحزه
مقبل : ابييه تكفى يا سليمان ابيييه
سعد : سليمان هالوقت وقت فزعتك
سليمان: ابشر
طلع سليمان يدور الضابط اللي جاء باستغراب : سليمان وش فيك
سليمان: السجين مقبل بيكلمك
الضابط: خير؟
سليمان: ماظنتي به خير قابله احسن شي طال عمرك
اتجه الضابط لمقبل : عسى ماشر
مقبل : تكفى نخيتك ابي اروح لابوي لازم اروح لبيت ابوي الان
الضابط: مستحيل مستحيل يامقبل
مقبل :تكفى الموضوع حياة وموت
الضابط: اجلس واجلس وقلي
قال مقبل الموضوع من دون مايجلس وناظره الظابط بهدوء وقال: ادري ان موقفك صعب بس حتى لو قبلوا بالحل القبيلي والغره ترا ما انت طالع الا بعد سنه سجنك بسجن اختك
مقبل : انا ابي اموت ولا تنسجن اختي
الضابط: طيب ومت مافكرت بأمك وابوك واختك ماطرا لك من بيسندهم
سعد : انا سندهم
الضابط: الدنيا ماتدوم وانا اسف يامقبل مقدر اطلعك دام فيه هالامور لو طلعت بتصير مصيبه ثانيه ارجع لزنزانتك وابوك بناديه لك لكن فكر فكر
.
.
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇