الفصل 27
@riwait_221
📖 روايـة أنتي حمول الوقت وأنا سندها .
(البارت 27 )
.
وفي بيت ابو سند
دخل سند وابوه وابوه فزاع وفزاع وهم محد منهم يتكلم من الصدمه جلسوا بالمجلس ساكتين
ودخلت ام شايع : سلام عليكم
الكل: وعليكم السلام
ام شايع : خير وش فيكم ساكتين وش صار معكم
نزل راسه سند وصد والتفت ام شايع بغضب وخوف : ضاع حق مجاهد؟؟؟
ابو سند : يخسون مايضيع حقه
ام شايع: اجل علامكم ؟
ابو فزاع: يعملتس شايع
ابو سند : يمه طول الله بعمرتس مجاهد الغلط عليه وعلى هذا الغلط محدٍ بيحكم بدمه ولكن حكم الشيوخ كان الغره والديه
اعتتنزت ام شايع على عاصتها وهي تقرب راسها بحذر : وقبلت الغره؟
ابو سند : ايه
ام شايع بغضب : دم مجاهد تقبله بغررررره تقبله ببنت
ابو سند: بنتٍ بتكسر خشم ابوها واخوها يمه دم مجاهد بداله دم ولد اخوه اللي بيجي ماهيب احسن من كم قرش يعايروني الناس فيها
ابو فزاع: يمه عطينا كلمه والغره بتوصل بعد ايام
سكت المجلس وطلعت ام شايع غضبانه وهي مارضت ينوخذ حق رجال من بنت قليلة حيله
_______.
ابو مقبل
كانت هيا وام مقبل وخزاري ينتظرون ابو مقبل ينتظرون الفرج ودخل ابو مقبل عليهم وفزوا
ام مقبل :عطني البشاره
ابتسم ابو مقبل بغصه: مقبل بيطلع
بكت ام مقبل وسجدت وهي تبكي ورفعت راسها تزغرط ببكى وهيا معها تبكي وعزوف
ووقفت هيا : وشلون رضوا يبه وشلون رضو
ناظرها ابوها بألم وهو حزين وحضنها بقوه فجعت قلب هيا لللي تحاول تبعد : ليه يبه ليه مانك فرحان
وقفت ام مقبل على كلام هيا وهي تناظره؛ مقبل حصله شي
ابو مقبل : لا
ام مقبل : اجل وش فيك
ابو مقبل نزل راسه وقال: هيا غرة يا ام مقبل
شهقت ام مقبل وناظرتها هيا اللي نست كل معاني هالمصطلح ماعاد عرفت تعبيره لين سمعت صوت عزوف تقول : لا تكفى ياعمي حرام عليكم حرام
هنا استوعب وش بتكون ووش بيصير لفت عليه تناظره وكسرتها نظرت الحزن فيه بكت للحظه بس ارتسم قدامها اخوها لو رفضت بيموت
طال النظر بينهم لكن قطعه ام مقبل تبكي وهي تضرب نفسها: ياويلي ضاعوا عيالي ياويلي ياكسر ظهري
كانت عزوف تهديها لكن مافيه ابد نتيجه وقلبها مع سعد وش بيصير فيه
راحت هيا بصمت لغرفتها وقعد ابو مقبل وقال : ام مقبل تكفين اسمعيني تكفين
ناظرته بحزن : وش بتقول بتدفن عيالي
ابو مقبل: لا لا لكن وش اسوي قلة حيلتي تبين ارفض ويموت مقبل وتبقون بلا سند
ام مقبل : وهيا بتموت فالغربه
ابو مقبل : هيا بتحزن سنه وبتجي وتعيش في ظل اخوها هاذي الدنيا وانفرضت علينا وش في يدينا يا ام مقبل
بكت ام مقبل وبكت عزوف واتجهه ابو مقبل لهيا
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇