الفصل 26
@riwait_221
📖 روايـة أنتي حمول الوقت وأنا سندها .
(البارت 26 )
.
وبيقولون قتل ٍ ماهو عمد وبيضيع حق ولدك بكم قرش
لكن انا اشور عليك شور العادات والتقاليد شور يضمن لك عوض ويضمن لك بديل ودم ولدك ماينهدر ولا يضيع ويجي بدال الدم دم
ابو سند : وشهو حلك؟
الشيخ : الغره تاخذ بنتهم مع الديه تزوجها ولدك وتجيب لكم ولد بدال رجالكم تحفظ دمكم وتسد ثغركم وتبري علة ام مجاهد
هاذي عادات العرب ان ماقبلت بها ولا المحاكم تسد لزومك
انذهل ابو مقبل ودق قلب سعد بخوف والتفت على ابو مقبل
ولف على اصوات الشيوخ اللي يقولون : هذا احسن حل لحقن الدم وحفظ الثار
التفت سند بصدمه لابوه وهو يعلن الرفض لهالعاده الحمقى لكن بردت اطرافه اول ماقال ابوه : انا اقبل بالغره و الديه
وافق ابو سند لانه يدري لو وصلت للمحاكم بيسكتونه بديه لان ولده غلطان لكن اذا قبل بالغره ذل ابو مقبل ومقبل وكسر عيونهم بيبري قلب ام سند بتاخذ حق ولدها ويجي لولده عوض
( الغره هي : ياخذون اهل القتيل اخت القاتل غره واسيره عندهم يتزوجها اخو المقتول او احد من اهله بدون اي حفل زواج تنحط عندهم بالبيت و لازم تحمل وتجيب ولد خصيصاً عشان يصير بديل للقتيل وتكبره واذا بلغ رشده تقدر ترجع لاهلها )
انهبل سند عجز يتقبل الموضوع ناظر ابوه بصدمه لكن مايقدر يناقشه عند الرجال
وفي الجهه المقابله سعد لللي بيطق فيه عرق : ياعمي عمي اذكر الله
اشر له ابو مقبل يسكت وقال : انا موافق لكن ولدي يطلع اول
الشيخ : تم
وقفوا الناس واختلفت الردود وسند يحاول في ابوه والتفت له ابوه بحده وقال : ان رضيت ادفن دم اخوك تحت رجلينك ودس عليه
سند : ما ناخذ حقنا من بنت يا يبه مجاهد اكبر من كذا
ابو سند : مجاهد كبير لكنه غلط وغلطت الشاطر بألف هذا جنا ندفع الالف واولها مانقدر ناخذ حقه اسمع العلم ولا تبي تروح تذبحه ويجي احد يذبحك واروح انا اخذ ثارك ويرجعون ياخذون ثارك ويبقون امك وخواتك مالهم سند معصي معصي ياسند
سكت سند مذهول من ابوه كان سند قادر ينقض على مقبل ويطلع بروحه بس كلام ابوه منطقي والثار ما يخلص
اما سعد كان يحاول في ابو مقبل ويحاول مايبي هيا تروح منه وكيف تروح منه لعدوها كيف ؟
ابو مقب التفت يناظره بغضب: وش رايك يا سعد تحسبني راضي ان بنتي تروح غره لا والله مارضيت هاذي هيا فرحة قلبي وقرة عيني لكن مجبور مقدر ارضى بموت مقبل ويجلسون بدون عزوه وسند
سعد : افا ياعمي وانا وين رحت ؟
ابو مقبل : انت الله يعزك وماقصرت لكن مافيه مثل الاخو بنتي بتغيب سنين وبترجع وبتلقى سندها
راح وترك سعد اللي اختنق مايدري كيف بيتصرف اخذ طريقه بدافع الحب والغيره وراح للقسم بعجله
_______.
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇