الفصل 25
@riwait_221
📖 روايـة أنتي حمول الوقت وأنا سندها .
(البارت 25 )
.
وعلى مقبل اللي كل يوم يموت من التفكير والخوف من المصير
وثقيل على الناس المصلحين لللي بيحلون الامور واللي كلهم شهدوا ان الغلطان كان مجاهد وهذا اثر على موقف ابو سند
_______.
وفي صباح اليوم الاول من الشهر الثاني
في بيت ابو مقبل
كان ابو مقبل يفطر على عجل يبي يلحق على اجتماع الشيوخ اللي بيحلون قضية مقبل
ام مقبل : تكفى يا ابو مقبل تكفى لا تجي الا منقذ ولدي
هيا : تكفى يا يبه لا تجي الا معك بشارة مقبل
ابو مقبل : لا توصوني على قرة عيوني
طلع بدخول عزوف : سلام ياعمي
ابو مقبل بعجل: هلا هلا
طلع لسعد ينتظره ودخلت عزوف وهي تبي تغير جوهم : خساره افطرتوا
ابتسمت هيا بخفه: تعالي فيه خير
قربت وهي ماتبي الاكل بس تبي تشتت تفكيرهم عن هالهم
_______.
وفي بيت ابو فزاع
ام شايع : طيب وهالشيوخ وش بيديهم يحلون ؟
ابو فزاع: كان ابو سند رضى بغير الدم فيه مليون حل
فزاع: عمي مابيرضى الا بدم وحق مجاهد مايضيع
ابو فزاع: لا تشب النار يافزاع وتحسب عليك غلطه مثل غلطة مجاهد
سكت فزاع وكانت خزاري تناظرهم بضيق طول هالشهر ماتسمع الا الثار والدم وما تشوف الا الضيق والعبوس
وطلعوا ابو فزاع وفزاع لبيت ابو سند
_______.
وفي بيت ابو سند
ام سند : طالبتكم لا تهدرون دم ولدي
سند : لا تخافين يمه دم مجاهد مايروح هدر
ابو سند : الله يكتب اللي فيه الخير يلا يا سند
طلعوا ولفت مزون بهدوء: يارب مايتنازلون ولا غيرون رايهم
ام سند : بسم لله عليهم
ثريا : الله يجيب العواقب سليمه
كانت ساره ساكته وتسمع هالكلام كل يوم وهي تشوف اهلها للي نسوا ملامح الفرح وضيعوا ملامح الضحكه غمضت وهي تردد ( حسبي الله ونعم الوكيل )
_______.
وفي مجالس الشيوخ
كان مكتض بالناس والشيوخ والعالم تواجدوا كل الطرفين والشر حاضر والخير صوره بسيطه محبوسه ورا كلام اللي يقولون ( اخذوا بثاركم )
عم الصمت بعد ما بدوا الشهود يدلون بشاهداتهم وكلهم اجمعوا بغلط مجاهد واختلفت الاراء وكثرت الاقاويل وابو سند رافض الصلح طالب الدم لكن قال احد الشيوخ : ابو سند كلنا سمعنا الكلام وكل الشهود نطقوا نطق الحقوحلف الحق وان شاء الله محد ظالم ولدك لكن لو راحوا هالشهود للمحكمه بيطلع لك نفس الكلام وبيقولون قتل ٍ ماهو عمد وبيضيع حق ولدك بكم قرش ١
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇