انتي حمول الوقت وانا سندها - الفصل 24 - بقلم أديم الراشد | روايتك

@riwait_221 📖 روايـة أنتي حمول الوقت وأنا سندها . (البارت 24 ) . يحميهم من الحزن وحرق الدموع قدر يسكتهم ويمسح دموعهم ويعدي هالليله الكئيبه وبعد ماراحوا ينامون ضاق وطلع اخذته رجله لفزاع وقف عند بابهم وقبل يدقه طلع فزاع : سند كنت ادري بتجي سند : ضقت يا فزاع ضاقت بي الوسيعه ضمه فزاع : اذكر الله وانا اخوك اذكر الله والله اذا حب عبد ابتلاه اصبر واحتسب لامر ربي وقول إنا لله وإنا إليه راجعون سند : لا لله اله الا الله لا لله اله الا الله فزاع/ك: تعال تعال بسوي لك شاهي يريح اعصابك دخلوا للمجلس وفي لحظة ان فزاع يسوي الشاهي لفوا على صوت عصا ام شايع اللي جت : سند؟ عسى ما شر يا وليدي وش فيك ؟ سند : سلامتك يا جدتي جات وجلست جنبه وهي تمسح على كتفه : ادري باللي في صدرك وادري وش كثر تضيق لكن ياجدتك انت الحين على اسمك سند لابوك اللي يلوي ذراعه الفقد لازم تكون قوي وتعاونه وتعاون امه وخواته ما انخلقت الرجال الا لشدايد حزنت بما فيه الكفايه قوم وانفض حزنك وحق اخوك بياخذونه المهم لا تطيح عزومك خلك سند هالحمول الثقيله سند : ابشري ابشري فزاع: وهو لها ياجدتي لكن يقول اشتقت لشاهيك قلت اذوقه اياه ابتسمت ام شايع : تقهوو ولا تطولون فزاع: ابشري دخلت وتركتهم وجلس فزاع : كلامي الللي بقوله لك اختصرته جدتي لكن اللي باقي بقوله حق مجاهد دين وبناخذه لاتشيل هم سند : باذن الله ماطولت جلستهم ورجع سند اللي كان تعبان لكن ثقلت رجوله وانفجع اول ماشاف فراش مجاهد وهو نايم فيه ركض له مرتعب ورفعه وشهقت امه وهي تناظر فيه ناظرها بضيق : يممه؟ وش تسوين هنا اعتدلت ام سند وهي تمسح دموعها: اشتقت له يا سند نز لها سند يحضنها مرتعب : لا يا ام سند تكفين ادعي له بالرحمه ووالله كريم تكفين لا تعذبينه وتعذبين نفستس تعلقت فيه تبكي وانقذ سند ابو سند اللي اخذها وراح وهو يحااول هديها وارتمى سند ضايق ونام من التعب .. _______. وبعد شهر من التعب والعناء والانهيار عدا هالشهر بطلعت الروح ثقيل على بييت ابو سند اللي ماقدروا يتقبلون فراق مجاهد وثقيل على بيت ابو مقبل اللي فاقدين مقبل وهو حي وخايفين من الثار وعلى بيت ابو فزاع اللي شايل حزن اخوه وفزاع اللي كان خير فزعه لهم في اشد الظروف وعلى مقبل اللي كل يوم يموت من التفكير والخوف من المصير . #أنتي_حمول_الوقت_وأنا_سندها #يتبع👇 .. ___. @riwait_221 ابيكم تفاعل قوي #ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت 👇👇👇👇👇👇