الفصل 22
@riwait_221
📖 روايـة أنتي حمول الوقت وأنا سندها .
(البارت 22 )
.
ساره:امين
خزاري : اسمعي خواتس ما رضوا ياكلون حاولي فيهم
ساره : خليهم الحين لين يجي ابوي وسند وياكلون سوا
خزاري : كيف عمي وسند
تنهدت ساره بضيق: يقولون بخير ولازم يكونون بخير ما وراهم الا ضلوع رهيفه ( تقصد نفسهم ) حنا في وجيهم نتذرى بهم من لواهيب الفراق نبي نوقف على ظلهم نبي نحس إنا بخير
خنقتها العبره ولفت على خزاري بضيق : للحين ماني مصدقه موته ! ودي اقول كذب بس كل شي صدق قرصت نفسي ماصحيت حلفتهم وحلفت دموع ابوي
ودي ادعيي على اللي اخذ مجاهد منها لكن اذا شفت امي طايحه احن لإمه من هالحزن ماودي قهر قلبي يذوقه مسلم
وقفت خزاري وركضت لها تحضنها: ساره يابعد قلبي اذكري الله اذكري الله ادعي له ادعي له راح للي اكرم منا وحقه مابيضيع
غمضت ساره بقوه وهي تمسح دموعها: ونعم بالله
_______.
وفي قسم الرجال
كان اخر ايام العزا اثقلها واقفين بالقوه يصبرون الناس وهم يبون من يصبرهم
وقفوا لمجموعة الرجال اللي جاين لهم مايعرفون منهم وقال ابو مقبل : احسن الله عزاكم ورحم الله ميتكم
الكل :جزاكم الله خير تفضلوا
ابو مقبل وقف وسحب ثوبه وقطع ازاريره كشف صدره وهو يقول : انا خصيمكم انا ابو مقبل اللي بالغلط قتل ولدكم
طارت عيونهم بصدمه وانطلق سند في لحظة غضب لكن مسكه ابو فزاع بقوه والتفت لابوه اللي استند على عصاته بيدينه الثنتين وهو يدري دام ابو مقبل سوا هالشي حسب العادات والتقاليد مايقدر يقوله شي
ناظره بحده : انتم جيتوا في بيت مجاهد بيت ضمه طول عمره قطعتوا رجله عنه لكن لا عزاكم مقبول ولا شوفكم مقبول واكيد انه غلط يوم مد يده على مجاهد لان يدٍ مسترمجاهد بضر نقطعها ومابينا وبينكم الا الدم
ابو مقبل : لك حق باللي تقوله وتسويه وادري بنار قلبك اللي مثل نار قلبي انت فقدت ولدك وانا يمكن افقد ولدي لكن قبل كل شي اسال وشوف الشهود يعلمونك على من الغلط
ابو سند : جايني في عزا ولدي تعلمني من الغلطان؟اطلع برا بيتي يتعذرك
طلع ابو مقبل وسعد وكل للي معهم وهم ودهم يحلون الامر
_______.
وعند مقبل
اللي من بعد هذاك اليوم مانام ولا غمضت له عين يفكر فالمصايب اللي نهلت عليه يفكر في امه وابوه واخته
كان يتمنى ان ما اخذته العزه بنفسه ولا تهاوش لكن فات الفوت
اعتدل على صوت الباب وكان سليمان : مقبل
مقبل : سم
سليمان: تعال عندك زياره
مقبل: ابشر
طلع بعد ما حطوا له الكلبشات راح لمكتب الزياره وشاف نظرة ابوه الحزينه اللي صابته فالمقتل
قدر يتوقع سببها لكن اقبل يبوس راسه بندم: شلونك يبه
ابو مقبل : ادع انك تكون بخير عشان انا اصير بخير
.
.
#أنتي_حمول_الوقت_وأنا_سندها
#يتبع👇 ..
___.
@riwait_221
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇