طفلتي اليتيمه - *بارت17و18* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت17* *ليلة_من_فبراير* *☆☆ ☆* لن تحصل إلا على فرصة واحدة لتربية ابنائك فابذل فيها جهدك فبعض الأبناء يبكي خوفا من والديه وبعضهم يبكي شوقا لهما الفرق واضح ❤️ نهاوند ـ صار العصر واجئ صباح احس جسمي صار ينتفظ من الخوف فتح الباب ودخل .. صفن بالغرفة وفتح عينة وخزرني عيونة انتقامية جانت ومرعبة ـ هــــاي شمســــــــوية بالغـــــرفة؟! ـ اريد احجي احس لساني نعكد .. ضلبت واكفة وارجف بمكاني ـ ااااااحــــــجي شمــــوية بالغــــــرفة انـــــــي مــــو كلـــــــت لا تلـــــعبين بـــشي ولــــج حتــــئ كــلامــي مـيـمشي عـــلئ مرتـــي ـ يمشي والله يمشي بس مـ مـ ماكدر انام بهيج غرفة ركض عليه وضربني راشدي ـ وووووطــبج مررررض عســـاااااج لاانطمررتي .. لــج ليشش ســـجئ راااحت واااثرهه هم راااااح لـــج ليـــشش مرررررتيي هم متسمع كلاااامي ميكفيي النااس كلهه ضديي ومئذيتنيي وووج سجــــئ ميــــن اجيبهه واشمهه بعـــد مييين ـ بقيت بالكاع اخاف اكوم ركض علئ الكنتور وشاف ملابسهه نضيفة .. رجع عليه ملخني كتل كام يشيل ويطب بية بالكاع يضربني بكل مكان وبأي طريقة جانت بايدة او رجلة احسة فقد ومو بوعية صار.. صرا اصرخ جوة ايدة اريد احد يخلصني ـ اااني رجال غصبااا عننننج وتمشي كلمتيي علييج وعلئ الخلفووج كووولي اننني رررجااال كووووولي ـ اي والله انت رجال بس وخر عنيي الله يخلييك.. ماعرف شلون خلصت نفسي منة بس احس دخت من الضرب ابتعدت شوي عنة وهو راح كابلهن وكعد يبجي فركت راسي وايدي من الالم صح ضربني واذاني بس شكلة يقهر بين الخايفة منة والمقهورة عليه مادري شسوي ـ كلتلج غرررفتي خـــــط احمـــــر ليــــش نضفتيييييهه ليشششش.. اني اريدهه بخرابهه وووصخههة انتييي شعليييج ـ الجو جان حار بس ماعرف ليش كمت ارجف اتمنيت احد يغطيني ببطانية واضل لوحدي ماشوف بشر .. شكلة يخوف من يغضب كلشي ينكلب بي .. فجأة كام من مكانة عبالك اتذكر شي.. راح يركض علئ الكومدي والمجرات كمت ادفع بروحي اريد ارجع ليورة لو بيدي احفر الحايط و ادخل بي من الخوف شاف المكياج والقراصات كلشي بمكانة ونضيف .. راح للاحذية شافهن بمكانهن ونضيفات رد رجع لكنتورة لكة ملابسي وية ملابسة راسا شالهن وشمرهن وكام يدوس عليهن ـ بنـــت الكلـــب متسمعييين كلاممي زوووجتي همييين متسمع كلامممممي اااني رررجاال وغصبااا عليييج تسمعيين كلاممي وتمشيين بأمررري والاكووولة يمشي علييج وعلئ الخلفوج ووولج اااني بالف ررجااال افتهمتتتي لو لاا ـ اهز براسي و ابجي ـ اللليوم اموووتج ااااقتلللج وووولـــج اليوووم ذبحتتتتج علئ ااايدي واااالله الا اخللييج تتندميين علئ سوااايتج هاااي… ـ يحجي ويدوس علئ ملابسي ختلت بين البردة والشباك غمضت عيني ومنتضرة ينفذ كلامة جنت منتضرة احد يصعد من اهله ويهدئو او يحجون وياه ويخلصوني منة بس كأنو لوحدنة بالبيت محد اهتم ولا اجئ سألنة شبيكم.. دقايق مرت علية عبالك سنين شطولهه .. اتخيل شنو راح يسوي بية وشلون راح يقتلني .. ماعرف شكد مر من الوكت يلة هداء بس اسمع صوتة يبجي وينحب اسمعه يستنجد بأمة بس مدفهم كل كلامة.. بعدت البردة شوي عني وباوعتلة لكيتة كاعد بالكاع لاف ايدة حوالين راسه ويبجي مثل الجهال انقهرت عليه .. زحفت من مكاني واتقربت شوي شوي يمة.. أ أ اني ـ اااش ماريد ااسمع صوتج حتئ لا اذيج اكثر اسكتي الله يخليج ـ سكتت خفت لا يصير عصبي مرة ثانية ويضربني شوي واندكت الباب اوف واخيرا احد من اهلة اهتم بينة وصعد علينة .. صباح ـ مارريد اااحد يدخــــل ريتال ـ ااااااالله شنو هالغرفـــــة شلوووون صايـــرة حلوة وتخبــــــل ـ شعندج دخلتي مو كلت ماريد احد يددخل ـ حتئ اني يا اخوية ـ عود بشنو تفرقين عنهم انتي نفس طينتهم ـ بس تدري شلون حلوة صارت غرفتك.. والله صارت بالضبط مثل ماجانت عايشة بيهه سجئ جانت هيج دائما تنضفهه وتسويهه تخبل وريحتهه ترد الروح ـ طلعي منا ريتال ـ يلة راح اطلع .. جبتلكم بيبسي ومي .. اكيد هسة عطشتو نهاوند ـ ملابسي مطشرة وكاعد عليهه وضام راسة ميقبل يرفعه .. ريتال تأشرلي بس كلشي مدفهم منهه شنو تريد تكول ما ادري هزيتلهه راسي يعني شنو شتريدين ريتال ـ افيشش والله ياصباح غرفتك رجع بيهه عطر سجئ شوف شلون تغيرت وصارت تشرح الكلب يعني معقولة بالوصاخة تتذكر سجئ شلون تقبلهه صباح ـ كملتي حجيجج يلة طلعي منا ـ خلت البيبسي وبطل المي والكلاصات بعدين غمزتلي وطلعت غير افتهم شتريد مني .. هو اني بقئ بية عقل حتئ افكر .. ضليت لوحدي وياه ماعرف شسوي تشجعت شوي وكمت سحبت الجنطة مالتي وبديت الم بهدومي .. هو هم راس كام من مكانة وبدة يلم بهدومي وياية ويخلي بالجنطة باوع عليه وعيونة حزينة بس اني ماطايقتة كلش كارهتة ـ اذيتج ـ ماجاوبته ـ مبين اذيتج أني أني مو شرير والله وولا حقير بس اني رجال والرجال لازم يسمعون كلامة ـ اي ـ انتي ليش نظفتي تـدرين مكدرت أإاضربج اكثر أأني ماحب اضرب احد ولا احب أئذي احد خطية ـ بقيت ساكتة و الم بملابسي .. ـ هية حجتلج شي عن سجئ ـ ها ..وكف كلبي معرفت شجاوبة ـ لا تصدكيهه .. أأني نمت وية سجئ وحتئ حبلتهه بس اهله ماقبلو تبقئ يمي لان ابوية بخيل ومرابي مو لان اني بية شي اااني مابية شــــــي نهاوند اني مابية شــيي فتهمتتي اااحجيي كوولي بييية شــــي ـ لا.. لا والله مابيك شي ـ أصلاا انــي يوومية اسوي علاقة وية وحدة .. اني مو بعازتج اكدر انام وية الف وحدة غيررج ـ احس ريكي نشف ودخت ـ تعاي هسة انام وياج اذا تريدين شنو شايفتني صغيرر بعينج موو بعيينج اانــــــي ـ واالله انت بعيني جبير ورجاال والله واالله بس لا تاذيني وتضربني عفية الله يخليك احجي وياه وحميت راسي بايدي من الضرب… ـ لاا تسوين هالحركة اني مو شرير ـ لزم ايدي وبعدهه عن وجهي وابتعد عني طلع برة الغرفة .. رجعت الم ملابسي علئ السريع بس هو مطشرهه بكل الغرفة .. ثواني ودخل للغرفة كلت راح يضربني بس اجئ و كعد يلم ملابسي وياية بس كل شوي اتخيل راح تجيني ضربة.. باوع علية وحجئ بحنية ـ بعدج متأذية ـ لا ـ لا تزعليين مني ماردت اضربج بس.. ـ ماجاوبت بس امسح بدموعي والم بملابسي .. ـ شوفي شجبتلج ـ مد ايدة بجيبة وطلع علبة صغيرة مامكتوب عليهه شي .. باوعت عليه وماحجيت بقيت ساكته ـ ما سألتيني شنو هذا ـ شنو هذا ـ رحت للعطار وكلتلة اريد خلطة اطول الشعر حتئ تخليه عله شعرج ويطول ـ بعد الضرب الاخذتة احس روحي فقدت الرغبة بكل شي .. بقيت واكفة مابدر مني اردة فعل ـ اخذي .. ـ يحجي بحنية وملامح وجهه بريئة هالوحش الجان متلبسة قبل شوي اختفئ ما اعرف وين راح .. خايفة منة لان مدكر افهمة ولا اعرف شنو يريد ولا اكدر اعيش بالشكل اليريدة.. اخذتة منة وخليتة علئ المراية حطيت الجنطة علئ جهة ورجعت كعدت علئ الفراش ـ تتغدين؟ ـ اذا جوعان انزل اصبلك ـ اذا تاكلين وياية اكل ـ اني مااشتهي ـ لعد اني هم ما اشتهي ـ انت من الصبح طالع اكيد جعت هسة ـ خلصت عمري واني اكل لوحدي ماريد اكل لوحدي بعد ـ يباوع علية بنضرات تقهر .. عجيب هالرجال ساعه يخوفني وساعه يكسر كلبي عليه… يلة راح اتغدة وياك راسا ابتسم والضحكة ترست وجهه رحت للحمام غسلت وجهي اباوع بالمراية اثر ايدة بعدة مطبوع علئ وجهي شلون راح انزل جوة ويشوفوني كلش مقهورة علئ نفسي بس شنو بيدي… نشفت وجهي ولبست الشال ورجعت للغرفة.. هنا تتغدة ـ لالا نتغدة جوة ـ اوك.. نزلنة سوية لكينة ريتال وام خزام بالمطبخ ريتال ـ يااهلا والله نورتوو ااني راح اصبلكم الغدة سويتلكم شلون تبولة تلوك لهلحلووك صباح ـ عاشت ايدج ام خزام ـ وانتي مسوويته النة لو لحلوكهم ـ يلة يا امي لكمة هنية تكفي مية واذا نطيتهم شوي ـ اكوول شبيهه مرتك هيج وجهه صاير احمر نهاوند ـ تحجي وتباوع عليه ياكاع انشكي وبلعيني كلش اكره هيج مواقف اكره احد يضحك عليه ويستهزء بية ـ اضاهر مطكطكج صبيح صباح ـ معليج بمرتي ام خزام ـ ها الخصي صاير يحجي صباح ـ اااني موو خصييييي ـ ااااانجب لــــك واحترم نفسسسك وياية لا اخلي ابوك يشمرك بالشاارع مثل الجلب الاجرررب نهاوند ـ راحت ريتال تركض تسكت امهه اشوف لصباح انكلب وصار غير شخص نضراتة تخوف ومتنحزر ام خزام ـ سمعناك وانت تكتلهه فلا تسوولي نفسككم سرانين ومتحجون شي كلشي سمعنة وعرفنة .. ريتال ـ كاافي يامي ـ بس شجعب اشو لا حرركت ولاا ذبحت ولا كتلت مثل مجنت تتوعد غرفتك جانت بوصاختهه يعضهه الجلب ينجلب من القذارة والوصاخه البيهه وفنة اليمد ايدة عليهه اشو هسة ساكت مثل المطي صباح ـ لاا تغلطيين نهاوند ـ مو كلتي سمعتي ضربة الي بعد شلون ساكت يعني تريدي صدك يموتني ويحركني ريتال ـ صدك جذب يووم شبيج حامية عليهم شعليج بيهم ام خزام ـ لا بس اليحجي يكون رجال كد كلمته ـ صبيت تمن وتشريب لحم وروبة وطرشي وخليت التبولة علئ السرريع بس اريد اطلع من المطبخ .. هنا لو بالهول نروح ـ لا نروح للهول هناك ناكل حالنة حالهم .. جيبي الصينية اني اشيلهه ام خزام ـ ليش انت تشيلهه ايديهة بيهه نقش الحنة لو خايف علئ ابنك البطنهه ههههههه ـ ماعرف شلون تشجعت وراسا جريتة لصباح اتصورت راح يضربني او يهيني كدامهم بس ماحجئ شي .. سمع كلامي واجئ ويايه وطلعنة من المطبخ خلينة الصينية بالهول ماجان موجود احد فارغ .. كعدنة سوية وصباح اخذ ريموت التلفزيون وكعد يكلب بالقنوات مديت ايدي اريد اضوك التبولة شنو هاي اول مرة اسمع بيهه ـ عوفي هاي الزلاطة اكلي لحم ـ جنت بالبداية اخجل منة بس هسة اتعودت عليه .. اكل انت .. عاجبني اضوك هالتبولة واشوفهه شنو دناكل ودخل ابو صباح للهول ابو ـ دجيب جيب الريمونت طاح حظك وحظ الي يخلي بيدك صباح ـ ليش يايابة شسويت اني ـ اني كالبة علئ الاخبار ليش اخذتة وتكلب بي ـ مالكيت احد وكلت اكلب بي ـ ااانجــــب صاير زلمة تالي وكت ـ عمي ماريدة ماريدة اشبع بي .. اكلي نهاوند لاتضلين تحشين بطنج بالزلاطة هذا لحم اكلي حتئ تشبعين ابو صباح ـ انتيي هيي.. كومي جيبيلي مي صباح ـ ريتاال جيبي مي لابوية ـ لاا خلي الكرعة هناوند تجيبلي شبيهه ناقصة ايد لو رجل لو تخاف عليهه حضرتك دافع بيهه دفتر الاربع من جيبي وطبت ابطنك شمحصل منهه خلي تخدمني لو ميعحب حضرتك نهاوند ـ شفتة محتار مديعرف يرد ابوه وبنفس الوكت ميريدني اكوم ابتسمتلة وكمت .. اني هم عطشانة.. اروح اجيب مي واجي رحت للمطبخ ورجعت لكيت عايفة خاشوكتة وكاعد .. انطيت المي لابوه ورجعت .. ليش مدتاكل ـ انتضرج اكل وياج ـ يلة كمل اكل رجعت .. خلصنة اكل بالكوة كل شوي ابو صباح يصخرني بشغلة جيبي تلفوني من الشحن ودي تلفوني علئ الشحن جيبي مكراضة اريد جداحه طلع عليه الاكل سم بالاخير انسدت نفسي بس كوة اكلت علمود صباح اخذت الصينية للمطبخ وهو وياية يمشي .. غسلت المواعين واجئ يريد يشطفهن بالمي .. شدسوي ـ خلي اساعدج ـ لالا هسة اكملهن عوفهن ـ لا اني احب اشطفهن بالمي يلة كملي ام خزام ـ ههههههههه الطول طول النخلة والعقل عفل الصخلة ـ عرفت دتحجي علئ صباح خفت لا يتعصب باوعت عليه شكلة انكلب فد مرة.. ـ لا تسوين نفسج دور الزوجه الحبابة ترة عادي من زمان هو يغسل مواعينة وهدومة هو هذا شغل الخصي اذا سوالف الزلم ممدبرهه ننطي شغل النسوان خو مو نخلي كاعد وساكت ـ شمر الماعون بالكاع وتكسر وكام يعيط ويصيح عليهه ـ اااغسليهن عاااد شكد فااهية يلةة بسررعه كمليي اااني ما اشتغل ويااج هذاا مووشغليي هذا شغلل النسواان اااني رجال هنـــا ـ كمت اغسلهن علئ السريع بس اريد اخلص واصعد فوك كملت وكنت الم بالكزاز .. ام خزام ـ اتوهم البزون شاف روحهة بالمراية اخترع عباله صار اسد ريتال ـ يايمة عوفيهم هسة ليش هالحجي شنو معناه ام خزام ـ اش اش كومي شوفي منو بالباب خاف اخوتج الفحـــــولة .. صباح ـ امشي نهاوند نصعد فوك ـ كلش كارهتة لصباح يعني ام خزام عيني عينك تدفعه عليه حتئ هيني وهو يسوي التريدة .. كلتلة بس الم الكزاز واجي ام خزام ـ شبيك اندكرت من كلمة فحوولة ـ ماندكرت ولا شي كلشي مابية يلة نهاوند فضيهه ام خزام ـ اوووكف يابة وين ماخذ عروستك ترة صاررلكم اسبوع متزوجين تتزقنبون وتصعدون وحضرة جناب مرتك لاتنضف لا تطبخ لا تخبز كل خاي الايام مسكتتني ريتال عنكم شنو ياابة جايبهه هناا اتفرج علئ طولهه الحلوو مثلاا ريتال ـ اجتي ماوية ام خزام ـ يبووو لا هلةةةة ماوية ـ ليشش لا هلة ولج خاف عبالج جاية علئ خلقتج يمرت ابوية ـ احترمي نفسج لج ـ ولجلاااجة تلجلجج وتلصمج بمكانج انتي البديتي فـ احترمي نفسسج افتهمتي ريتال ـ مو هيج ماوية هاي شبيج ـ مابية شي سكتي امج احنة بخيرر جااية لبيت ابووية حتئ اشوف اخوية شدخلهه بالنص .. ريتال ـ يايمة سكتي جاية علئ ابوهه واخوهه ليش هيج تحجين ام خزام ـ انجبي عوذة منج ماوية ـ ها شلوونك خوية صبيح سمعت زوجوك ـ اي.. يلة نهاوند خلي نصعد ـ وين وين خلي اشوفهه اتعرف علئ مرة اخوية تعاي وج يحليوة انتي شسمج ـ نـ نهاوند ـ نـه شنو ؟شنو هالاسم ـ نهاوند اسمي ـ تعالي اريد اشووفج يكولون حلوة.. بلة اني هناك ابيتنة واسمع من الجوارين زوجتو اخوية اشو لاحجيتو لا نطيتو خبر ريتال ـ علئ السكتة زوجناهم ابو صباح ـ تعاالو هناا يمي شعدكم بالمطبخ ملتمين ادوورون اكل من قزقررط بكلبكم بس المطبخ يرادلة كومة فلووس شبيكم بس تعلفون ـ جرتني من ايدي هاي البنية واخذتي للهول وصباح يمشي ورايه ابو صباح ـ ها ولج ماوية شبيج اول ماجيتي ركضتي للمطبخ ـ وشبيك خايف علئ ثلاجتك لاتخاف شبعانة اكلت ابيت رجلي واجيتك ـ شتريدين ـ شنو شريد ؟ يعني زوجتو لصباح لاحجيتو لاكتلو ليش يا يابة علئ الاقل خابروني انطوني خبر احضر عرسة اني والمكاميع خواتي ـ واصرف رصيد علمود هالخصي صباح ـ ياابة اني مو خصيي ماوية ـ ليش تكووول علييه خصيي تررة ما اقبل احد يحجي علئ اخوية ابو صباح ـ اشششش انجبي انتي ويااه يومية هالقوانة يعيدهه ويريدنة نصدك ماوية ـ لعد شكو زوجته اذا هيج تنتقص منة ـ حظيي المصخم والاسود خلاني ازوجه ريتال ـ هسة شلكم بهالحجي وبعدين ياماوية رجلج عندة خبر يمكن خزام او فلاح كلة ـ ليش مو تدرون هو سايق تريلة ومالافي يمي بالبيت يطلع اسبوعين ويرجع اسبوع ويرد يروح اسبوعين وين اشووفة .. لا كلي ولا خابرني وانتي شبيج يحضي ليش ماخابرتي ريتال ـ والله رصيد ماعندي ـ اي اي كلكم صرتو تجدون براسي يابة رمشي واني ادك عليج .. بس كولي ماذكرتج ناسيتج.. اكلج اي ـ غير احنة عشيرة والله حتئ انسئ اسمائكم وكوة اتذكرهه ابو صباح ـ هسة كل هالهوسة علئ شنو؟ لان زوجنه هالخصي ترة لا زفة ولا نعل وهيانة كدامج لا زاد ولا نقص منة شي صباح ـ امشي نهااوند خلي نصعد ماوية ـ اوكف صباح شبيك هسة انت مامتعود علئ ابوية هو هذا حجيه من زمان .. وبعدين يا يابة ليش هيج دتحجي عليه كافي دمرتو بحجيكم ميصير شكو زوجته اذا كل شوي تعيد هالحجاية ابو صباح ـ صارت بعد ام خزام ـ شوف شلون يحجيهه وماعاجبة .. كلش زين تدرين بأبوج شكد نفسة دنية.. اصلا هو جان يريدهه الة ماوية ـ اي ليش لا نزوجه بعد شباب ام خزام ـ خااف متقبليين يأ ام شباب مكافي صار عمرة بالسبعين ومتزوج 8 وعندة فوك التلاثين ولد وبنية واحفاد بكد سليمة حتئ منعرف نعدهم شنو ميخجل من روحه يتزوج وحزة بكد حفيداته ماوية ـ كولي ما اقبل وفضيهه ـ لااا .. الحجي ميقدم ولا ياخر وياه بس الفلوس هية التسوي شغل واتنزل اكبر راس .. ابو صباح ـ شفتي مرة ابوج شلون تحجي علئ ابوج .. ماوية ـ اضاهر مهددتك بالفلوس وما اخذتهه الك ام خزام ـ اي هددته اذا يتزوجهه بعد ميشوفهن فلوسة ماوية ـ اافااا مسلم لحيتك بيد النسوان يابة .. مو عواديك ـ لا تخافين ابوج مينطي فلوس لله هيج بس هذا شغل وصارن جوة ايدي من فضل ربج ـ يلة خيرهه بغيرهه.. والله يسعدك خوية صبيح ان شالله زواجه الدهر ام خزام ـ ماكلتيلة بالرفاه والبنين تعرفين ميدبرهه ههههههههههههه ماوية ـ احترمي نفسج ام خزام لا اشوفج ماوية منو نهاوند ـ ما تحمل هالحجي صباح راسا عافنة وصعد للغرفة عافت ايدي ماوية والتهت تحجي وتتعارك وية ام خزام صعدت اركض وراه دخلت لكيتة كاعد ومتربع علئ الجرباية اجيت كعدت يمة .... معليك بأهلك ـ كلتلج لا تختلطين بيهم ميجي منهم غير هالحجي ـ بس اني معلية شفتني شلون ماوية جرتني من ايدي ـ هاي اختي عود من امي وابوية ـ صدك هاي اختك ـ اي بس يكرهوني كلهم يكرهوني وهيج يحجون عليه ـ بس ماوية دافعت عنك وحتئ عفتهه تتعارك وية ام خزام ـ ميفيد كلهم يكرهونة ومحد يكدر عليهم كسرونة وبقونة معلكين لا لازمين سما ولا لايحين كاع ـ لا تضوج .. اني هم مرة عمي كلش تكرهني وتسميني المخبلة ـ مخبلة؟ ـ اي والله وكالت لكل الناس نهاوند مخبلة ـ ليش هيج تكول عليج ـ اني سالفتي طويلة .. وانت تعبان مابيك حيل ـ منو كلج تعبان .. احجيلي اريد اسمعهه ـ اممم معرفت مين ابدي واسولفلة عني.. ماعرف مين احجي ـ زين ليش هية تكول عنج مخبلة ـ لان شمرتني اني وخواتي بالشارع ومن رجعونة الناس خافت تنكشف كدامهم وتخجل منهم كالت هاي جذابة وهية مخبلة وانهزمن من عدنة وكامت تألف حجي ـ شمروكم بالشارع؟ ـ اي .. ماعرف صار شكد بس من ماتت امي ازدهار مابقالنة احد بعد اخذونة بيت عمي وصارت عركة احنة الجهال بيناتنة وكتلونة اني وخواتي ورديت اني كتلتهم من اجئ عمو ناصر كلتلة منال لو اني لو بنات اخوك بالبيت هو اختارهه واخذنة وشمرنة ـ وعمج ارشد وين ـ موجود حتئ عمو توفيق جان عايش بعدة بس محد منهم اهتم ـ احجيلي بعد اريد اعرف كلشي عنج ـ كعدت اسولفله من البداية عن حياتي من اول ماجيت للدنية وشمرتني امي رحمة وكبرت يم عمي عماد وزوجته وعبالي همة ابوية وامي وبعدين علئ غفلة عافوني وسافرو بدون ميحجون ويايه وبعدين عشت وية ابوية وامي ازدهار واعتبرتني بنتهه الميتة نور ولبستني ملابسهه ونطتتي اغراضهه الئ ان ماتو واجينة يم عمامي .. اشكال كتل شوفتني شوف حتئ ايدي حركتهه ـ هاااي ليش هيج ايدج ـ جوتهه بالنار لان طلعت اصرخ بالشارع عمامي باعو خواتي ـ باعو خواتج؟ ـ اي .. كعدت اسولفلة شنو صار بهذيج الليلة بالتفصيل جانت كلما تغضب عليه منال تكص شعري والله جان شعري طويل وحلو امي ازدهار جانت تعتني بي اني واخواتي تخليله حنة واشكال زيوت تجيبلنة جان شطولة لنص ضهري واصل ـ هاااا زين شكد بقيتو بالشارع والمن باعو خواتج وشلون رجعوهن ـ بقينة يومين جان منع تجوال وصار تراب بالجو رادت اختي الحان تموت من الكحة بس بعدين راحت العاصفة رحنة دكينة البيبان نطلب اكل لو مي متنة من الجوع ومن مالكينة اكل راحن خواتي الصغار صبا ولحونة يركضن للزبل وياكلن وبعدين اكو بيت نطانة اكل بس ماقبلو يدخلونة يمهم بالبيت يخافون.. كعدت احجيلة كلشي بالتفصيل عني اني وخواتي ـ انتي همين حياتج تعيسة مثلي ـ اي .. شوف انت امك ماتت خطية وراحت بس اني امي عافتني وعمري ايام ـ متعرفين شكلهه ـ لا ..بس عندي هاي الصورة ـ عندج صورة الهه ـ اي هسة اطلعهه كمت فتحت الجنطة وطلعت الصورة بس هاي عندي ـ قديمة كلش ومكسرة ـ هية بس هاي عندي ماعندي غيرهه ـ زين تعرفين هسة هية وين بيت جدج وين ـ محد يعرف وين كالو شالو من الاعظمية بس عمة كميلة كالت امج بكركوك .. عبالي كركوك ابغداد طلعت هية محافظة بعيدة عن بغداد ـ هههه كركوك شي وبغداد شي ـ ما اعرف ماجنت اندل بعدين قريتهه بالجغرافية عرفت كركوك شمال العراق واحنة بنص العراق ـ انتي وخواتج اربعه واني عندي اربع خوات اكو قواسم مشتركة بناتنة ـ وين خواتك البقية اشو ميجن ـ ميحبن يجن لهنا .. بس ماوية تعاند وتجي شوي وترجع هنة هم حالهن امر من حالي كرهن ابوية وكرهن كل واحد عايش بهالبيت خصوصا ماوية هواي تكره ابوية بس متبين هالشي ماوية ـ يابة رجلية حكتني جوة وكلت اكيد صبيح ومرتة ديحجون عليه واجيتكم ووطلعتو صدك دتكصون بيية الله الله الله الله شنوووووو هاااااي الغررررفة نضييييفة وووولكم صلوات كلوووووووووووويششششش صباح ـ كافي صوتج غير ادكين الباب متعرفين رجال ومرتة كاعدين ـ غير انتو فاتحين الباب اني شكوو وبعدين خليني فرحانة بييك وهسة صارت فرحتي فرحتين فرحة زواجك وفرحه الغرفة القبلت تنضفهه نهاوند ـ همست بكلبي والله لو شفتي الكتلة الاخذتهه منه علمود التنضيف ماوية ـ ولج خو ماضربج ـ فزيت منهه عزة هاي شلون سمعتني اهمس .. اباوع علئ صباح عيونة حزينة .. المهم الغرفة صارت نضيفة وحلوة ـ والله عمي سبعه سويتي المحد كدر يسوي ـ همست بكلبي .. والله لو رايدات تنضفنهه محد يمنعجن بس انتن مستروحات الشغلة .. ابتسمتلهه وسكتت اجتي وكعدت يمنة ماوية وبيدهه علاكة بيضة شوفو شجبتت الكم كليجة من صنع ايدي تخبل و تذوب بالحلك وكلت لريتال تسوي جايات وتجينة نكعد نسولف صباح ـ هاي صارت كعدة نسوان واني رجال ماكعد بنص النسوان ماوية ـ فدوة لكلبك انت رجال ونص منو يحجي غير هالحجي والله اشگ حلكة زين وين راح تروح ـ اروح اسبح واطلع نهاوند ـ احضرلك ملابسك ـ لا ميحتاج ـ اخذ ملابسة والمنشفة وراح للحمام ـ وج شلون قنعتي تنضفين الغرفة ـ ماقنعته نضفتهه بدون ما اكلة ـ لاااااا بشرررفج ـ اي والله ـ وشسووة؟ ـ كتلني ـ اوووف ..شوكت هالحجي ـ اليوم ـ ها يعني اليوم نضفتيهه وكلشي كملتي ـ اي دنسولف واجتي ريتال شايلة صينية بيهه كوابة جاي وكعدنة بالكاعد ناكل كليجة وجاي ريتال ـ وين صباح ـ راح يسبح يريد يطلع ـ سمعتة يضربج بس خفت اصعد فدوة لا تزعلين مني ـ لا عادي قابل شنو بيدج انتي ماوية ـ ترة صباح حباب والله صح عصبي ويثور علئ اقل شي بس كلبة طيب الاذية الشافهه من جان طفل متنسي اووووف استغفر الله شسوي لابوية احس ابد ميحبة ولا عبالك هذا ابنة من دمة ولحمة. و شايل اسمة ـ اني هم ابوية ميحبني ـ انتي هم .. ليش ؟ ـ لان ميحب امي .. امي بنت شيخ جامع وابوية يحب الاغاني واللحن والطرب واطلكو ماكدرو يعيشون سوية ـ يعني انتي بنت وحدة مطلقة مو يتيمة ـ اي امي مطلقة و عافتني من عمري ايام ابيت جدي اتربئ ـ شوووف سبحاااان الله نفس قصة رجلهه وج ابوية هم ميحبنة لان همين ماجان يحب امي امي كرهتة لان بخيل مكرمد لازم ايدة وميصرف فلس احمر لوويشوف واحد من جهاله يموتون يكول عدي خلي يموت بس المهم ميطلع فلس من جيبة وهية جانت هواي تشتكي منه ومن بخلة واذيته والمن تروح تشتكي لجدي ابو ابوية ويجي جدي يرزل ابوية رزاله ناشفة ومنهه كرهه وكرهنة احنة جهالهه هم ـ صدك ـ اي واللله.. جان يحب نسوانة القبل امي لان معتمدات علئ نفسهن يخبزن للناس ويغسلن هدوم العالم وعايشات بس امي جانت غير شكل ودائما مشاكلهه وية ابوية ويضربهه وياذيهه جدي جان ميقبل علئ ابوية من هيج يسوي بس جدي مالافي بالبيت طول النهار بالشغل وبالليل يرجع وبيبتي ام ابوية ادافع لابنهه شعجب تنطي بي متسويهه وجانت دائما العركات عالكة بين امي وبيبتي وابوية بس خطية جدي جان الوحيد ينطيهه فلوس ويشتريله بس هم مجانت مقتنعه نهاوند ـ دخل صباح للغرفة وكال اني طالع.. نهاوند. ـ وين ملابسك صباح ـ غسلتهن وشريتهن ـ ليش غسلتهن جان بقيتهن اني اغسلهن ماوية ـ بعدة ممتعودة علئ مرة منا وهيج عوف ملابسك مرتك تغسلهن صباح ـ تحتاجين شي نهاوند ـ لا سلامتك ـ اني رايح ماوية ـ يا شوف شلايكين لبعض وشحلوين الله يهديك ياخوية نهاوند ـ زين شكد عمركم وماتت امكم ريتال ـ جانو كلش صغار ماوية ـ اووف شذكرتيني .. اني جبيرة امي جنت بلأول ابتدائي احنة اربع بنات اثنين اكبر من صباح واثنين اصغر منة و جانت امي حامل بوكتهه واتعاركت وية ابوية ذيج العركة الجبيرة يابة ليش شتريدين كالت اريد اشتري قماش واخيطة يم الخياطة وتسوي هدوم النة والهه وللطفل الجاي بس ابوية ماقبل ينطيهه فلوس كللهه اشتغلي مثل ضراريج وصرفي علئ نفسج وجهالج بس امي ماقبلت ماجانت تقبل تشتغل تكلة انت ملزم تصرف علية اني وجالي غصبا عليك علئ هالحجي لزمهه شبعهه كتل هية هم عافتنة بالبيت ولبست عبايتهه وطلعت طايرة تريد تروح للبستان تشتكي لجدي ومناك تروح لاهلهه ابوية ماسكت الهه و طلع وراهه اني جنت جبيرة افتهم بس اخوتي صغار ركض وراهه صباح بس مرة ابوية كلتلي الزمي لان جان كلش صغير عمرة تقريبا تلث سنين طلعت امي وبعد مارجعت ـ وين راحت ـ بقو ايام يدورون عليهه اشكال الحجي سمعنة من نسوان الاب امكم انهزمت وية عشيقه امكم مو زينة امكم كحــ والدك والضرب يشتغل علينة عبالك جانن ينتقمن من عدنة لان يكرهن امي ورة اكثر من خمس ايام مدري اسبوع لكو امي غركانة بدجلة ـ ليش غركت ؟ ـ مو اهل امي عبور الشط و جانو يصعدون بلم حتئ يروحون للصوب الثاني ويكولون زلكت ووكعت هذا السمعناه بوكتهه وكبرنة احنة بالظلم والاذية واكثر واحد اتاذة بينة هو صباح ماجنت اكدر ادافع عنة ضدهم كلهم كبار واكبر من عدنة واقوياء وهو صغير ميعرف حتئ يدافع عن نفسة حسبي الله ونعم الوكيل عليهن عساهن نار تحركهن بكبورهن وماتنطفي ويحرك كلوبهن ببزرهن نهاوند ـ امين ريتال ـ بس والله اني طليقي كلي صباح بيهه امل يتعالج بس يحتاجلة كومة فلوس ماوية ـ ومين اجيب هالفلوس من هذا البخيل الجوة لو من امج الكل شوي تعيرة لو من شغله الديهلك بي وياكل حقة ابوه مين اجيب والله لو رجلي عندة الا اخلي يساعدة بس هو همين مسؤل عني وعن اهلهه بركبته.. عيوني نهاوند اني مستبشرة خير بيج والله مستبشرة راح تغيرين صباح ـ اني اغيرة شلون ـ مثل ماغيرتي غرفتة وخليتيه تلج لج من النضافة ريتال. ـ شبعت كتل من نضفتهه ماوية ـ ماكو شي بلاش كلشي اله ثمن ريتال ـ بس اني شفته يحن عليج ويميلج يعني انتو اقل من عشر ايام متزوجين وكدرتي تكسبي هذا انجاز نهاوند ـ اني ؟ شلون كسبته؟ ماوية ـ شنو شلون كسبته ميحتاجلهه علم وفهم ريتال ـ ترة نهاوند طفلة بعدهه وكلشي متفتهم ـ ليش شكد عمرج؟ ـ 14 سنة ـ ياابة ياطفلة اني وخواتي بعمرهه اتزوجنة وحبلنة والله هذا التغيير رهيب ولج محد كدر يلعب بغرفته ابد اني صح اجيهم كل فترة طويلة بس ما ابات يمهم وكلما اجيب جراجف لو بردات اريد اغير غرفته يتعارك ويطردني وتالي رجلي كلي معليج بيه بعد ريتال ـ يوو تدرين شكد ذبيت زاهي وتايت وقاصر علئ البردة والجراجف والهدوم يبووو اشتريت كيلوات تااايت يمكن 7 كيلوات اشتريت حضرتهن قبل يوم و3 بطاله قاصر وزاهي وعلبة معطر واغسل بالغسالة واذب المي يمكن خمس مرات اغيرلهن مي جديد يلة هيج طلعن ماوية ـ راح اجيبلج جراجف وفد زوجين بردات عندي والله مضمومات وجديدات وعندي مال بالة يخبلن هسة اجيبلجياهن بس شريد منج يا نهاوند ابد لا تعاندي ودائما حسسي هو رجال وماناقصة شي نهاوند ـ يعني شلون ريتال ـ خلي نفصل بالحجي بلكي تفتهم ماوية ـ تفتهم يابة شدعوة ليش متفتهم تعالي احجيلج .. ـ كعدن يعلمني شلون اتعامل وية صباح وشلون ارد علئ اي واحد يحجي عليه وهواي امور علموني عليهه حسيت نفسي ماراح ادبرهه شلون اكدر اتعامل وية هالعائلة كلهه بهيج اسلوب جديد عليه .. ماوية ـ انتي تكدرين تحجين هالحجي لان زوجته .. بس احنة خواتة منكدر نحجي هيج ومنكدر ندافع عنة بهالطريقة فهمتي شنو مطلوب منج ـ ها ..اي .. ريتال ـ كلامهه كلش صح .. صدكيني بهالطريقة راح تتحسن نفسية صباح وتنسد الحلوك ماوية ـ واذا كلولج علئ خلفة كليلهم مو كل واحد اتزوج خلف هواي اتزوجو وماخلفو .. فهمتي ـ اي فهمت ـ خليج سباعية هالسوالف يرادلهه وحدة قوية وتعرف تحجي وانتي كدهه مبين عليج شكد سباعية ونچرة والله ريتال ـ اي والله صدك سباعية التنضف غرفة صباح وهية مخايفة هاي بطله ـ كلامهن شوي انطاني ثقة بنفسي ماوية ـ يلة عيوني لازم ارجع لبيتي ولدي وبناتي عفتهم واجيتكم ـ جان جبتيهم حتئ اتعرف عليهم ـ غير وكت كلت اجي اشوف شمزوجين اخوية بصراحة متصورتج هييج عبالي وحدة مخربطة علئ ذوق ابوية كلت هاي اكيد زايعتهه الكاع.. ـ ههه ـ اي ضحكي شكو عليج بس والله متأملة بيج خير فدوة لاتخيبينة مرة اخوية الوردة.. يلة عيوني خلي ارجع للبيت لا اتاخر مع السلامة ـ بيباي ماوية ـ يا شوف تكول بيباي ههههه ريتال ـ مو كلتلج صغيرة بعدهه ـ يلة عيوني بيبايات .. ـ راحت ماوية وريتال اخذت صينية الجاي ونزلت بقيت كاعدة بمكاني افكر بكلامهم مادري احس صعب احجي هيج حجي بس لازم اكولة بلكي يعوفون صباح بحاله ومياذو بعد واني هم ارتاح.. دقايق وسمعت ام خزام تصيح ام خزام ـ هيييي انتييي ياعروسة الغفلةة ـ هاي عليمن كاعدة تصيح اكيد عليه طلعت من الغرفة ووكفت يم الدرج .. ها خالة ـ وخلخااااااله تخللخل عظاامج نزالي غسلي صينيتكم بنتي مو خدامة عند الخلفوووج ريتال ـ يا امي عوفيهه هسة هية استكانات شنو قابل ـ اي خاله هسة جيت نزلت اركض رحت للمطبخ لكيت ابو صباح كاعد ياكل يمكن ممتغدي بعدة عفتة ورحت غسلت الستكانات و اكو مواعين هم غسلتهن كلت خاف تجيني حجاية صفح .. المطبخ مابي احد بس اني وابوه ـ هناوند تكدرين تجيبين الجداحة مالتي ـ اي عمو وينهه ـ انشمرت جوة المجمدة ومبية حيل ادنك واجيبهه ـ هسة اجيبلكياهه عمو لحظة دنكت شفتهه ليورة مديت ايدي وطلعتهه ـ اوووف كل هالجسم يروح للخصي حتئ حرام والله ـ شمرت الجداحة عليه وطلعت اركض من المطبخ كلبي يرجف من كلامه ردت اصعد الدرج واجتي ام خزام ـ وين رايحه ـ اصعد لغرفتي ـ تعالي كعدي اتعرفي علئ مرة خزام مرة فلاح ذني نسوان حموينج تعاي تعاي صارلج اسبوع هنا لا هنة شايفاتج ولا انتي تعرفيهن حابسة نفسج بالغرفة فوك ـ جرتني من ايدي واخذتني يمهم كاعدين كلهم بلهول سلمت وكعدت يمهن ـ اني شيماء مرة فلاح اخو لصباح بس من غير ام ـ بقيت ساكتة ماعرف شنو اكللهه ريتال. ـ كليله اهلا وسهلا وعرفيهه بنفسج ـ اهلا وسهلا.. اني نهاوند مرة صباح ـ هههههه ندري مرة صباح شكد عمرج شيماء ـ شبيج ساجدة ليش تضحكين عرفيهه بنفسج احسن من ما تضحكين ـ يابة اسمي سااجدة مرة خزاااام عرفتيني هسة .. ماكلتي شكد عمرج ـ 14 سنة ـ اي جبيرة شنو خبصتونة صغيرة وصغيرة اصغر منهه ومتزوجات وفاتحات بيوت.. ريتال ـ يمعودة صغيرة والله .. هاي اتزوجنة شحصلنة يعني ـ اي انتي مابيج خير وماحصلتي بس غيرج حصل ـ احترمي نفسج ساجدة ـ شفتي عمةة شفتي بنتج شتحجي قابل اني شحجـيت شكلت وهيج تردني ـ شبيج وية مرة اخووج وولج احترمي نفسج ولا تتجاوزين عليهه ـ مدتسمعيهه شحجت ـ اي جذذذب حجيهه ؟ انتي ماحصلتي شي بس غيرج حصل اصلا لازم تفتخرين بهالكلمة يعني اخووج زلمةة فحــــل ريتال ـ ليش هية بس بهاي السالفة اني هم اتزوجت وخلفت اربعه عود طليقي فحل ـ تذكرت كلام ماوية وريتال .. يعني هسة لازم احجي وادافع عن صباح اي.. صباح ...هم فحل زلمة وخوش رجال ام خزام ـ يا هههههههههههههه هاي نكتة والله .. عاشت ايدج ضحكتيني بلة شلون فحل وزلمة فهمينة ـ غمزتلي ريتال ماعرف شتريد ... من ضحكت ام خزام هي وجنتهه ساجدة ارتبكت و نسيت كل الحجي ماعرف شنو احجي بعد .. بس من شفتهن هيج يستهزئن كلش ضجت .. ليش تحجون هيج عن صباح اصلا رجال واحسن رجال همين كلبة حنين وطيب ساجدة ـ اي من الكتلة الاخذتيهه منه اليوم .. بس صدك شلونهه كتلته يكولون ضرب الحبيب مثل اكل الزبيب صدك لو لا شيماء ـ شعليج عود انتي خزام ماجان يضربج ـ وفلاح همين يضربج ويخبزج بعد شيماء ـ اي خلص كلنة متساويات ومتعادلات ليش تعيروهه للبينة نهاوند ـ اتذكرت كلام ماوية كوة استجمعت قوتي وحجيت… اي صح ضربني اليوم لان نضفت غرفته المسكين عودتو يعيش بنص الخيسة وماتعلم علئ النظافة من شافني نظفت استغرب هالشي بس بعدين اتأقلم و اجئ وحضني وباسني همين ام خزام ـ هو هذا اكثر شي يكدر يسوي وياج لاتحلمين بشي ثاني ـ واني ماريد اكثر من هيج واحبة لصباح بكل حالاتة هو زوجي وشيسوي ع راسي اني قابلة… عفتهم يضحكون وصعدت للغرفة ماحب اكون مضحكة لاحد كعدت ابجي لان حجيت شي مو من طبيعتي اني ماريد احد يضربني بالعكس اليضربني اكرهه بس مضطرة احجي هيج حجي هنا حتئ لايضحكون عليه دقايق ودخل صباح للغرفة.. ـ انتي صدك تحبيني ـ راسا انهاريت وكمت ابجي اجئ عليه حضني وكام يبجي وياية ـ لاتبجين ليش تبجين ـ لاانك ضربتني واذيتني لانك خليتهن يضحكن عليه ويستهزئن بية اااني ماسويت شي غلط نضفت المكان الاعيش بي لان ماعرف اعيش بوصاخة… ـ كافي لااتبجين مسحي دموعج مو قصدي اضربج والله مو قصدي بس اني ماكدر اسيطر علئ اعصابي من اغضب واتعصب كلتلج لاتسوين شي يغضبني وانتي عاندتي ـ قابل بشنو معاندة نظفت نظفت ماسويت شي حرام وخر عني وخر لاتلزمني مقبل يبتعد وضل حاضني ويبجي .. ـ سامحيني والله بعد ماعيدهه ابد ـ مسح دموعي بيدة واخذ العلاكة الشمرهه .. ـ شوفي شنو جبتلج .. جبتلج حنة هاي الجانت امج تخليهه علئ راسج حتئ يطول ـ شكد جنت مقهورة بس ضحكتني كلمته هه شعري يطول ..مو راسي ـ اي هو هذا شمدريني .. متتخيلين شكد حبيتج من سمعتج ادافعين عني ـ شوكت سمعتني ـ دخلت من باب المطبخ وسمعتج تحجين بزود صدر بيناتهم تعرفين حايط بين المطبخ والهول اني اشكرج لان هيج حجيتي ـ ماكو داعي تشكرني انت حباب وتستاهل واحد يدافع عنك بس بعد لاتضربني ـ ابد والله .. يلة يلة كومي خلي براسج ـ لا هاي حنة تضوج اخليهه الصبح ومن اخلص شغل اسبح مو هسة بالليل ـ يلة براحتج.. ليش احسج حزينة ـ احس روحي مختنكة ـ يعني شتريدين ـ مادري بس لو عدنة تلفزيون اتفرج ضوجة ـ ماعندي فلوس اشتري .. زين عاجبج تطلعين ـ كمزت من مكاني .. صدك اطلعني ـ اي ليش ماطلعج .. يلة كومي ـ كمت اركض ممصدكة راح اطلع لبست القاط الكابوي التنطياه دعاء ولبست الشال والحذاء علئ السريع .. يلة كملت صباح ـ بـ بس يعني ـ شنو ماراح نطلع ـ لالا نطلع.. بس مابجيبي هواي فلوس بس الفين ونص عندي ـ اي وليش ضايج عادي والله نطلع نفتر ونرجع موشرط نشتري ـ اني رجال شاغول والله بس ابوية ياخذ يوميتي كلهه ميبقيلي غير عشرتالاف ـ لعد مين جبت الزيت مال الشعر الضهر وهسة جبت حنة وهالغراض ـ العطار صديقي وينطيني بالدين شوي شوي اسدد اله.. يلة كملتي ـ اي من زمان ـ اي .. اخذني ونزلنة همزين محد حجئ من البيت طلعنة نتمشي بس خلصت الدربونة وشفت السوك .. الله صارلي شكد ماطالعه للسوك ـ كل النسوان تحب السوك ـ اي مو هو حلو كلشي تلكة بي هدوم قراصات ملاعيب تغير جو شوي ـ من يصير عندي فلوس كلشي اشتريلج ـ ان شالله… بقينة نتمشة ونسولف .. بكلشي سولفنة هو يحجيلي عن اهلة واني اسولفلة عن اهلي .. ـ وهسة خواتج وين ـ يم خالتهن وداد طلكت من رجلهه وبقت تربي جهالهه وخواتي ـ خطية اليتيم محد يرحمة ـ ان شالله اجتمع بيهن ونعيش سوية ـ شلون .. واني كل يوميتي ياخذهه ابوية ـ ميخالف بلكي يجي يوم ويحن لو يتعدل الحال ـ ابوية يحن؟ هذا حتئ الشيطان احن منة واحسن منة مرة جان عمري 7 سنين تمرضت وصخنت واالمنطقة الحساسة التهب عندي كلش حتئ مشي ماكمت اكدر امشي اختي ماوية حارت بية متعرف شسوي وشلون ادوايني .. جدي بوكتهه جان جبير بالعمر وحاير يوكلنة ويوكل اخوتي وخواتي المن غير امهات ابوية عرف بية مريض اجئ عليه سألني شبيك كلتلة هيج وهيج حالتي كلي ضل نايم هسة تصير زين حتئ ماكلف نفسة يكعد يمي منطقة خطرة وحساسة شلون كلبة مارف عليه اتخيلي مارمشة عينة عليه ولا اهتم بية واني جنت اون من الاذية من شافتني ماوية هيج حالي ضلت تنتضر شوكت يرجع جدي واتلكته من الباب تسولفلة عن حالي اخذني ووداني للحلاق ـ حلاق ؟ ـ اي الحلاق جان بوكتهه مضمد يشتغل ويطهر الولد يعني عود فاهم بشغلة.. عرف اني مضروب علئ هالمنطقة وكلة لجدي .. كلة هاي ضربة مو وكعه ونطاني اعشاب وشغلات اشربهم رجع جدي للبيت كام يصيح ويعيط علئ نسوان ابوية كاللهم منو ضارب صباح بس محد حجة منهن كلهن يدارن علئ ولدهن بس اني وخواتي محد يداري علينة ـ وطبت علئ الادوية ـ اي صرت زين كمت اكدر امشي بس جدي وراهه ماصحه صارت صحته بالنازل واستفردو بينة مرة ثانية ـ حاسة بيك لا تكدر ادافع عن نفسك ولا احد يدافع عنك وصاير بين نارين ـ احنة توالمنة بهاي النقطة منبوذين من الكل.. ـ ميهم المهم انت حباب وهسة احنة سوية ابتسم ابتسامه شكبرهه وضغط علئ ايدي ولزمني بقوة وخلة ايدي جوة ذراعه هواي ضلينة نتمشئ تقريبا ساعة ونص كفخت بخشمي ريحة فلافل كلش اشتهيتهه بس استحيت احجي ـ أ..أ لفة الفلافل ب500 دينار .. تعالي نشتري وناكل ـ خاف ماعندك فلوس ـ لا عندي الفين ونص .. اوكفي هنا ـ وكفت علئ جهه وراح جاب لفتين وقوطية سفن واجئ ... يلة اكلي ـ ها لا مو هنا ممتعودةة اكل بالشارع ـ لعد وين تاكليهه ـ من نرجع للبيت ـ لالا خاف ياخذوهه من عدنة امشي هسة نتمشئ ومن نوصل راس شارعنة اكليهه فرعنة اظلم محد يشوفج ـ يلة .. رجعنة ودخلنة الفرع وكمنة نتمشئ علئ كييفنة اكلنة اللفات وتقاسمنه قوطية السفن .. اطيب اكل اكلتة بحياتي احس نفسيتي تغيرت وصرت ابتسم للهوئ الطاير رجعنة للبيت نضحك ومتونسين دخلنة سلمنه عليهم ودنصعد ابو صباح ـ وين رحتو بلة صباح ـ طلعنة تمشينة بالسوك شوي ـ صارلكم ساعتين ياشوي ـ ليش يابة رايد شي مني ـ لا قابل شريد من خصي مثلك .. نهاوند ـ حسيتة تعصب راسا لزمت ايدة .. منو كلك خصي ليش تحجي هيج عن ابنك ـ لا والله بنت البارحه تعلمني شلون احجي عن أبني ـ اي اعلمك بأبنك لان انت مو زوجته حتئ هيج تحجي عليه انت ابو .. اني زوجته واكلك صباح مابي شي رجال كامل مكمل مينقصة ااي شي فلاح ـ هاي عليمن دتحجي عن اخوية صباح لو غيرة ـ عيب عليك تحجي هيج .. هذا اخوك .. ابو صباح ـ يلة يابة راح نصدك صار رجال وكدر ... خلي نشوف راح يحبلج لولا صباح ـ الرجال مينقاس بالخلفة اكو ناس عدهم كوم بنات وولد عود صارو رياجيل ترة حتئ الحيوانات تخلف ابو صباح ـ والله الفار طلعلة لسان ـ امشي نهاوند امشي نصعد ابو صباح ـ اي اي انهزموو نهاوند ـ صعدنة وسدينة الباب يادوب غيرنة ملابسنة وكعدنة وكعد صباح بعد ماتحرك الضحكة الضحكناهه بالشارع والونسة طلعت من خشمنه ماادري ليش هيج الاهل يتلذذون بأذية اولادهم احجي وياه ساكت العب بشعرة ميهتم نفس وضعه ماكو فايدة صافن وميحجي تركته .. وكعدت يمة ـ نهاوند ـ ها صباح ـ راح اجرب انام وياج طالما عرفتي حالتي وقدرتي وضعي بلكي اكو امل ـ عرفت شيقصد .. جنت خايفة وبنفس الوكت راغبة هالشي بلكي يكدر وتنفتح العقدة بس طول هالايام مانزعت ملابسي كدامة ولا متعودة انزعهه كبال احد خجلت منة ماعرف شصار بية بس هو ساعدني يروح الخجل مني واتقرب عليه حاولنة وحاولنة بس ماكو فايدة .. احس الوقت ميمشي ابد وهو انهار تماما طبطبت علئ جتفة وكلتلة لاتهتم يكولون الطب اتطور ليش هيج مقهور لاتخلي هالشي يكسرك ـ سمعي شيحجون عليه مابقئ بية صبر صار عمري 34 سنة وحالي حال الـ ـ لاتكمل صباح ليش هيج تحجي عن نفسك.. بقئ يبجي وخليت راسة علئ حضني وامسد بشعرة .. الئ ان وغفئ .. هم شكبرة علئ كلبي ماريد اشوفه بهالحال.. صار ثاني يوم وراح صباح للشغل ونزلت اني هم اشتغل بالبيت لكيت ريتال صباح الخير ـ صباح الخيرات حبيبتي ـ شنو الشغل الاسوي ـ دتعاي نتريك هسة ـ لالا اتعودت اشتغل يلة اتريك ـ روحي مسي الهول خاف احد يجينة ـ اوك .. اخذت السطل والوصلة ورحت فارغ مابي احد كمت اعصر وامسح الكاشي ثواني واحد طخ بجسمي من ورة فزيت التفت شفت ابو صباح انصدمت ونفسي لعبت منة… وخرر عني شترريد… *البارت18* *ليلة_من_فبراير* إياك والأعتقاد بأنك لا تستطيع أن تتجاوز كل ما حل بك حتى وإن وصلت الأمور لاقصى حد من السوء، لا تجعل شعور اليأس يسيطر عليك"♥️ ❤️ ريتال ـ دتعاي نتريك هسة نهاوند ـ لالا اتعودت اشتغل يلة اتريك ـ روحي مسحي الهول خاف احد يجينة ـ اوك .. اخذت السطل والوصلة ورحت جان فارغ مابي احد كمت اعصر وامسح الكاشي ثواني و ااحد طخ بجسمي من ورة فزيت التفت شفت ابو صباح انصدمت ونفسي لعبت منة وخرر عني شترريد… ـ ها ماريد شي يعني شريد منج ـ لعد ليش واكف ورايه وانطخيت بية ـ مو قصدي لاتمدين لسانج مترين ممتقصد ـ عافني وراح وكف يم البلابل شوي بعيد عني .. اتقيدت شلون ادنك وامسح مادري .. بطشت نفسي بالكاع وكمت ازحف وامسح مو واكفة علئ رجلية حتئ لا يبين شي .. دنكت جوة القنفة وحسيت بايد تتلمسني راسا جريت الوصلة وضربته بيهه وبقيت لازمتهه… شسويت مخبل انت ـ لج والله حرامات هالجسم يروح للخصي وميعرف يستعملة ـ وخر عني لا والله اصيح واعيط وافضحك ـ لج اني دافع فلوس يابو فلوس بيج الفلوس من دم كلبي كطعتهن وطلعتتن تالي تروحين لابني الخصي من خرب حظي النايم ـ يحجي ويتقرب عليه .. شبيك شتريد شنو تخبلت اتوجيت علئ القنفة وكمت وكفت.. ـ اي تخبلت ليش ما اتخبل اليشوف هالجسم يتخبل ويطير فص من دماغه لج انتي شنو الله صابج صبابة ـ هاي شنو طلعت تعرف الله عبالي متدري بي ـ دتعالي يولي والله اعلمج علئ سوالف تخبل وتخبلج خبال اكيد ممسويهن وياج صبيح وين يكدر هالخصي ـ لاتكول خصي افتهمت ـ يابة ماكول ماكول بس تعاالي ـ جرني من ايدي وبدون تفكير شمرت وصلة المسح عليه وراسا عطت بعالي صووتي ريتاااااال الحكيـــــــــــــــــني شفتة ارتبك وخزرني وراسا ابتعد عني راح كعد علئ القنفة الي يم الباب ـ احذريي تحجين شي ادمرج والله ـ رفعلي اصبعه ويحذر بية احسس جسمي يرجف واريد اوكف ماكدر ريتال ـ شبــــيج نهاووند شنوو انتلتييي احتركيي شبييج شنــو صااار ـ تحجي ريتال وادور بية عبالهه متاذية لو بيه شي الحقير راسا كعد وسوة نفسة يدور بتلفونة ولا عبالك موي شي ـ شنو القصة يابة ماسمعتهه عاطت؟ اشو كاعد بمكانك ابو صباح ـ عيارة نسوان تلكيهه شافت ابو بريص لو فارة وهيج صاحت ـ نزلن ام خزام و شيماء وساجدة من فوك ووكفن بعيد عني ويباوعن شيماء ـ خير خو ماكو شي ريتال ـ ترة مدفهم شي .. شبيج نهاوند احجي شنو صاير ـ خفت احجي ومحد يصدكني.. لا ماكو شي بس طلعلي ابو بريص واني اخاف منة ام خزام ـ طاح حظج اي والله شكد عيارة لعد ريتال. ـ والله نشف ريكي حرام عليج عبالي انتلتي صار عليج شي ابو صباح ـ ها شحجينة نهاوند ـ عفية ريتال انتي مسحي واني اروح بالمطبخ اشتغل ـ ليش كملي يمعودة هو ابو بريص قابل ديناصور ـ لا الله عليج ريتالي خلي نتبادل ـ عجيب امرج .. يلة بكيفج .. اني حمست الثوم والمعجون بس بقة تخلين البانية ومي اللحم ـ ها اي ميخالف هسة اسويهن ـ اكلج انتي تعرفين تطبخين تمن .. ـ ما مضبوط مرات يعجن ـ ولا مركة؟ ـ ممجربة اطبخ ـ زين روحي نضفي المطبخ وعوفي الطبخ بعدين اني اجي اكملة بس طفي النار لايحترك ـ رحت اركض للمطبخ بس اريد اخلص من جهرتة الزفرة غسلت االمواعين نظفت الكاونترات مسحت الثلاجة والمجمدة وبقئ مسح الكاع.. مسحت علئ السريع وكل شوي عيني طايرة علئ الباب . . اووف همزين ما اجئ العار ابو صباح ـ هنااااااوند ـ همست ووجع .. ها ـ جيبيلي مي ـ اوووف .. اااي.. اخذت كلاص مي ورحتلة خليتهه يمة علئ الطبلة وردت ارجع ـ تعالي وين ـ التفتت عليه وكارهه اشوف شكلة .. هاا ـ جيبلي جداحة من المطبخ اريد اورث جكارة ـ رحت المطبخ جبت جداحة ونطيته اخذهه مني وفرك اصبعي مفهمت شنو معنئ هالحركة راسا جريت ايدي منة وابتعدت عنة ـ تعالي وين ـ شنو تريد بعد ـ جيبلي هذيج النفاظة ـ شفتهه يم ميز التلفزيون... رحت جبتهه ونطيتهيا وراسا صعدت اركض لغرفتي سديت الباب وكعدت ازااا ياربي اخلص من منال وعقابهه ومصايبهه يطلعلي هالعجوز الگرگمة ياربي شلون شدة هاي بقيت صافنة بتصرفاتة ملابسي محتشمة دشداشة طويلة. وردان طويلة ولابسة شال علئ راسي وحتئ محافة وجهي مثل النسوان ولاحاطة مكياج علئ شنو يباوع ابو عيون الوسخة عمت عينة شكد حقير ايع شلون اتزوج 8 نسوان شلون قبلن بي وهو هيج حاله عووووذة ريتال ـ عبالي دخلتي تسبحين ـ فززتيني .. ـ دكيت الباب بس انتي مانتبهتي شبيج ادردمين ـ مابية شي شالفة ابالي .. بس والله ماسمعتج تعالي دخلي ماريد اسبح هسة.. ـ هاج هاي الج ـ هاي شنو بيدج؟ ـ خرب اموت من هالسؤال مدشوفي فراش يعني شنو بيدي بطانية قابل ـ اعرف فراش بس ليش جايبتة هنا ـ عدنة هواي فرش المخزن مليان فرش وبطانيات مخدات .. كلت اجيبلكم هذا شوفي يصير علئ جربايتكم لان فراشكم تعبان ـ اخذتة وخليتة علئ الجرباية طلع شوي صغير مو نفس لقياس ... بس حلو ثخين ومريح مو مثل هذا عبالك جودلية كسر عظامي اي تقريبا نفس القياس ـ دهاج اخذي مالكيت اكبر منة جان جبتة .. هسة اجيبلج فد لحافين وبطانيتين و مخدات ـ تعالي خاف امج متقبل ـ هية علئ شنو رضت يمعودة خليهه تحجي عادي شوي وتسكت يلة هسة اجي .. ـ راحت جابتلي الغراض ووياهن جراجف كيفت بيهن وراسا فرشتهن اووف واخيرا صار عندي فراش مثل البشر ومخدات منفوشات مياذن راسي من انام لبست الجراجف وضميت بطانية ولحاف علئ جهه وفرشت الباقي .. دخلت ريتال وبيدهه جنط اثنين جبيرة وجنط صغار .. ـ هذه الج ـ شنو هذني؟ ـ هذني ملابس واغراض مني الج يمكن لو تصير علئ كدج لو شوي اكبر بس عادي تكدرين تلبسيهن ـ جانت الجنط قماشهه مثل قماش الكونية مالت الطحين .. بس شكد حلوات يخبلن كلش مرتبات .. اخذته الجنطة وفتحتهه بيهه اشكال الغراض احذية بوتات جنط .. اووي شكد حلوات ..شكرا حبي ربتال ـ قابل شمسوية هذني ملابسي مالبسهن احس روحي كبرت علئ هيج لبس وهيج الوان .. ـ شنو هالحجي بعدج بعز شبابج ـ ياشباب جهالي مو يمي نهاوند احس روحي عجزت وصرت بالسبعين ابوية وامي عدهم روح خضرة اكثر مني كل تفكيري يم اطفالي نامو اكلو شربو بردانين نضيفين مرة ابوهم زينة وياهم لو لا الف فكرة براسي لو الله ياخذني ولا هيج حالي ـ لا شنو هالحجي ان شالله يرجعولج بالسلامة لا هيج تكولين ـ يارب امين يالله والله تعبت من الانتضار صارو كبار وماشوفهم الا بالسنة حسنة وكوة اشوفهم يجون ساعه ويروحون ما اشبع منهم ـ دتعالي كعدي ليش واكفة ـ خاف تريدين تنامين ـ لا شينومني هسة تعالي يمعودة خلي نسولف ـ اوكفي خلي اجيبلج الكرزات العندي صارلة يومين ماكدر اكلة ـ يلة .. ثواني واجتي بيدهه الكرزات وكعدنة نسولف اندكت الباب وكمت فتحتهه شفت شيماء واكفة .. شيماء ـ ها هلو ـ هلوات شيماء هلو بيج ـ.ادخل لو ممنوع ـ لا يمعودة تعالي شنو ممنوع قابل شعدنة .. ـ الله شنو هاي الغرفة صايرة صدك غرفة عرسان تخبل ريتال ـ اي شفتيهه شلون معدلة سوت المكدر احد يسوي ـ عاشت ايدهه والله معدلة نهاوند ـ ابتسمتلهن وكعدنة نسولف وسالفة جرة سالفة ضلينة ننكت ونضحك .. ماجنت اعرف شيماء هيج اريحية وتنكت .. نيالج شكد حلو تضحكين للهوئ الطاير ريتال ـ يمعودة من ضميهه ـ باوعت عليهه استغربت ليش تكول من ضيمهه .. اشو حاطة مكايج وصابغه شعرهه واحلئ لبس لابسة وزوجهه عندة جهال ويحبو اهله مياذو مثل صباح .. شيماء ـ ليش استغربتي ـ مادري بس يعني ليش عندج ضيم اشو صابغه ومكياج وزوجج يحبو اهله وعندج جهال محد يعيرج انتي وزوجج ريتال ـ هاي السوالف متكعد بخت واذا حاطة مكياج قابل صارت مرتاحه ـ ليش شنو شبيهه ـ يمعودة اخوي ميكعد راحه ـ يعني شلون شيماء ـ يصادق علية بنات ويحجي وياهن كدامي وابد ميحترمني ولا يراعي شعوري ويضربني ويهني علئ الزايدة والناقصة ويتغزل بعشياقتة كدامي ويفضل عليهة وووووو شحجيلج بعد ـ يا .. زين كولي لابو وامة بلكي يعقل ـ اصلا همة يشجعو عود هوة فحل وورجال مينخاف عليه شما يسوي محد يشوه صورته ـ عزا ريتال ـ شفتي كل وحدة بلوتهه شكل.. شيماء ـ يتباهه بنفسة بهاي السالفة العوجه عود يكدر ينام وية الف وحدة غيري والله مرات اكول لو الله يكلبة مثل صباح كلشي ميكدر يسوي ولا هيج حاله نهاوند ـ من حجت هيج عن صباح ضجت واتذكرت كلام ماوية وريتال من اسمع هيج كلام لازم ادافع عنة راسا نترت بوجهه .. وشبي صباح عيني؟ شمدرريج كلشي ميكدرر يسووي شنوو نايمة وياه حتئ تحكمون عليه ـ ها .. اسفة والله موو قصدي شي بهالكلام .. أأني اروح اشوف الجهال اترخص ـ مبين عليهه زعلت ماادري نقهرت وطلعت من الغرفة.. بس ماهتميت ليش هية تحجي علئ زوجي اشو اني ما احجي علئ ازواجهم ريتال ـ عفية خوش رد رديتيهه ـ يعني ماضجتي ـ لا ليش اضوج .. لو تحترمج متحجي هيج كدامج .. زين سويتي حتئ تروح تنقلة لساجدة وللبقية ويعرفون نهاوند مو قليلة اليحجي علئ رجلهه يكدامهه تثرمة ـ حسيت بنفسي مسوية عمل بطولي .. خلصنة الوكت بالسوالف عرفت صباح شنو يحب من الاكل وشنو يكره ويالون يحبة وشيعجبة يعني صارت عندي فكرة بسيطة عنة.. ريتال ـ اهاا اجئ صباح .. خلي اطلع من الغرفة ـ تعالي كعدي قابل غريبة انتي ـ لالا خطية خلي يبدل يرتاح.. يلة باي راح انزل جوة .. صباح ـ هلو نهاوي ـ هلو بيك الله يساعدك دخل صباح بيدة علاكة سودة بيهه مدري شنو .. شنو هذا ـ هدية الج ـ هديــــة .. كمزت من مكاني وركضت افتح العلاكة طلعت باكيت صغير بي صورة تلفون .. ردت اطير من الفرحة جبت تلفون ـ ااي .. هذا الج ـ الي؟ بس انت ماعندك تلفون ـ لالا ما احتاج تلفون الي .. شسوي بي .. خلي الج هذا مالتج بالعافية عليج ـ بس صباح مين دفعت فلوسة ـ معليج بالفلوس .. ـ لا صدك مين فلوسة ـ يعني مين.. غير بالدين اخذتة ـ شكد راح يصير دينك ـ يمعودة ينسد .. دة احاول ادور شغل ثاني بلكي الكة ـ كمزت عليه حضنته وكمت ابوس بيه وهو صافن عليه.. شكد احبك الله يخليك الي يارب ـ واني هم احبج.. انتي هواي حبابة وخوش بنية ـ وانت وردة.. بس عفية هذا شلون ينفتح ـ هسة افتحه.. ـ اخذه وشغلة وخلاله رصيد وحطة علئ الشحن .. ـ خلي يقبط شحن واستعملي يكولون الباتري يهبط اذا ميقبط شحن ـ اي اوك .. كمت اركض للجنطة طلعت منهه الورقة المكتوب بيهه رقم وداد .. هاك عفية صباح دخل هالرقم ـ هذا رقم وداد خالة خواتج ـ اريد اخابرهن كلش مشتاقة الهن ـ جيبي .. ـ دخل الرقم ورجعة للشحن .. تريد غدة ؟ ـ انتي جوعانة ـ اذا انت جوعان اتغدة وياك ـ اني مجوعان ما اشتهي ـ ولا اني .. التفت من يم الشباك ووشاف الجنط ـ شنو هاي الجنط مال منو؟ ـ هاي ريتال انطتني هالغراض تكول مالبسهن ـ ها.. ـ اخذ ملابسة وراح سبح ورد رجع .. ـ جيبيلي علاليك من المطبخ تكدرين ـ علاليك ؟ ـ اي واذا جبيرات بعد احسن ـ شسوي بيهن؟ ـ دجيبيهن وتعالي ـ اوك .. نزلت اركض شفت ريتال سألته عدكم علاليك ـ عدنة مال زباله بالمجر اخذي منهن ـ رحت اركض للمطبخ شفت العجوز كاعد ياكل .. عفته ورحت للمجر اخذت رولة علاليك الزباله كلهه ـ شسوين بيهن ـ كلت بكلبي لو بيدي اذبك ابطنهن واشمرك بالشارع .. مادري صباح يريدهن ـ هههههع والله وكت صبيح صار جوة ايدة مرة ويتطلب براسهه ويصخرهه ـ وانت شعليك زوجي ويصخرني مثل ميريد .. انت مو اتزوجت 8 عود شنو ماصخرتهن ـ تزوجت 8 وكلهن حبلتهن خلفت فوگ التلاثين ولد .. انتي شراح تجيبيلنة ـ طلعت روحي منة ومن كلامة .. جاوبته .. الجلاب هم تخلف .. وطلعت اركض من المطبخ وصعدت الدرج ماعرف شلون سويته خطوتين ودخلت للغرفة ـ شبيج ليش تركضين ـ كمت انهت مبية احجي ها ..لا .. بس هيج عجبني اركض ـ عجبني اركض شنو الدرج باياتة تزحلك بلة وكعتي وتفلشتي مو مالحك عليج يمعودة.. ـ لا لتخاف عليه مابية شي هاي جبتلك الرولة كلهه .. لس ليش شتريد منهة ماجاوبني اخذ العلاكة وفتح الكنتور وطلع ملابس سجئ استغربت من تصرفة كام يشيل ويحط بجيس الزبل كلبي كام يركص من مكانة واخيرا عاف سجئ وعاف حبه الهه.. ترس 3 علاكات ورد اخذ بعد وخلئ احذيتهه ومكياجهه فرغ كلشي بالمجرات والكنتور .. ـ صارن فارغات تكدرين تستعمليهن ـ يعني اخلي هدومي بالكنتور ـ اي ـ زين وين راح تودي هاي العلاكات ـ ضل ساكت بالبداية وعينة عليهن.. سحبهن وراد يطلع .. بقيت واكفة اترقب معقولة يذبهن معقولة بهالسرعة نساهه لسجئ بس ثواني وغير قرارة شالهن وخلاهن فوك الكنتور… ـ هنا ميأذنج مو ـ شوي ضجت بس مابينتلة .. اي عادي براحتك خلين فوك اخذت الجنط وكمت ارتب ملابسي هواي هدوم نطتني ريتال اشكال شكد حلوات والجنط تخبل مال بنات كبار واني اموت علئ هالسوالف وهو همين كعد يرتبهن ويايه نهاية الجنطة شفت مجموعة مكياج وحمر وماعرف شنو بعد يييي شكد حلوات ـ تحبين المكياج ـ اي ..ماكو بنية متحب هالسوالف ـ هسة اشتريلج منه ـ لالا ميحتاج هذني كافي اصلا ماعرف اخلي مكياج ـ اسدد اقساط التلفون واشتريلج تلفزيون ـ وكف كلبي من هيج حجة صددك صباح ـ اي والله ليش ممصدكة قابل هو شنو ترة اني رجال عادي اشتغل واشتريهن مو فد مندلة ـ اي لعد ليش لا والنعم منگ انت كدهه شفتة انتعش من هيج حجيت .. ـ يلة امشي نتغدة حتئ تجين تخابرين خواتج ـ يلة.. خليت الشال علئ راسي ونزلنة سوية صبيت الغدة ولكيت صباح فرش الجودلية .. عرفت يريد هنا نتغدة… طبخ ريتال كلش طيب ـ اي نفسهه طيبة بالاكل هي خطية من اطلكت لزمت المطبخ لان جان علئ ساجدة وشيماء وبعدين هية لزمته ـ طبخهن طيب نسوان اخوتك ـ اي هم طيب عادي اني ما اتبطر علئ احد اي شي كدامي اكلة واسكت خطية يتعبون ليش اقلد عليهم ـ شكد انت كلبك طيب ـ اي علئ امي طالع ـ اي ـ والله شبيج حتئ بشكلي اشبه امي كلشي مماخذ من ابو خزام ـ لالا انت تشبه ابوك بالشــ ـ كـــــلتــــج ااااشـــبه ااامـــي لا تــــجادلــــين ـ فزيت من عصبيته غصيت باللكمة الا شوي .. اوك اوك ليش تعصبت ـ مو عــصبي منـــو كلـــج ااني عــصبي ـ اصلا حتئ عيونك كلش حلوة اكيد تشبه عيون امك الله يرحمهه ـ شفتي حتئ من احجي متعاندين بعد ـ همزين سكت.. قشمرت عليه وكلتلة عيونك حلوة وهو عيونة دكم كلش صغار بالضبط مثل ابو .. خطية كلش يكرهه لابو شلون علاقة تعبانة هاي مثل حالي اني وابوية الله يرحمة بديت شوي شوي اكتشف شلون اتعامل وية صباح خلصنة الغدة وصعدنة فوك قفلنة الغرفة وجبت التلفون ودكيت الرقم .. من الفرحة كلبي يدك علئ السريع ـ الو نعم؟ ـ شلونج خاله ودااد اني نهاووند ـ يااهلا ومية. هلا شلونج نونة شخبارج عمامج شلونهم ـ ياعمام خاله ..اني اتزوجت راح يصيرلي شهر وشوي ـ اتزوجتي ؟ عزة بعدج طفلة المن زوجج ظالمين النفس وبعدين مو عدكم عزة عمتج وعمتج وولدهم شنو القصة فهميني ـ شفت صباح يأشرلي يكلي استعجلي بالحجي لا يخلص الرصيد ـ بعدين اسلولفج خاله هسة خابرت عليج اريد احجي وية خواتي كلش مشتاقتلهن ـ يا حبيبتي .. هيانهن قبل شوي رجعن من الدوام ـ ليش صار الدوام ـ اي بدة صارلة يومين تقريبا تعالن نغم صباا لحوونة تعالو هاي نهاوند تريد تحجي وياكن ـ كعدت اسولف وية خواتي نسيت الوكت ونسيت الرصيد بس سمعت صوتهن بجيت ماتحملت اتمنيت هنة يمي واحضنهن بعدني ماشبعت منهن وخلص الرصيد كلش خجلت من صباح .. اسفة والله ما انتبهت للوكت ـ عادي يمعودة هو اني ردتج تحجين وية خواتج مو تخلصيهه وية هالمرية .. ـ اي ـ ادري هسة ليش تبجين مو حجيتي وياهن ـ مشتاقتلهن ياريت يمي واحضنهن ـ زين تندليهم انتي ـ لا وين اندلهم .. ـ زين راسليهه كليلهه تنطينة العنوان حتئ فد يوم اخذج الهم ـ صــــــــدك واالله ـ اي ليش لا قابل هية وين بالمريخ ـ لا بس والله ممصدكة .. ـ جيبي هسة اخليج تصدكين .. ـ اخذ التلفون مني وطلع الرقم وكعد يكتب… دقايق واجتي رسالة كلتلة نلتقي خارج البيت شوكت متحبون دزو رساله لو خابرو ونلتقي بأبو نؤاس .. وين هاي ابو نؤاس ـ حدايق عامة بالكرادة فد يوم نتواعد ونروح تشوفيهه ـ زين اطلب منك طلب ـ اكيد كولي ـ دزلهه رساله لخاله وداد حتئ ادزلي رقم خاله ام حسين ـ انتي تعرفين هواي ناس ـ هاي جيرانة ابيتنة هذاك من جان بابا وماما عايشين وكلش خوش ناس ـ هسة اراسلهه بس ماكو رصيد تخابريهه ـ ميخالف عود من تخلي رصيد مو الا هسة اخابرهه ـ راسلهه واخذ الرقم.. وراسل اختة ماوية وباقي خواتة وعرفهم علية كلهم بس نخلي رصيد نتصل عليكم بس خواتة هنة اتصلن عليه مبينات حبابات وخوش بنات فقيرات بس يخافن يجن لبيت ابوهن بسبب ابوهن وزوجاته مرة الايام وصباح يحاول ميقصر عليه بشي خطية احسة غرك بالدين وشكد ما احجي وياه ميقبل يكلي ماريدج تحتاجين شي بوجودي عشت وياه ايام حلوة صح مثل الاخوان بس ميهمني طالما يحبني وساتر عليه ومماذيني كلش كافي يجي يوم ويصير عندة فلوس ويتعالج كالت ماوية الرجال يبقئ يخلف مينخاف عليه كلشي جان تمام وحلو بس ابو صباح نغصة بالكلب من عرف مشتريلي تلفون ضل يكفر ويصرخ ويعيط وراد يضرب صباح بس ادخلنة اني وريتال هية لزمت ابوهه واني جريت صباح للغرفة وراح ثاني يوم للمكان اليشتغل بي صباح وكلة بعد فلس احمر متنطي كل الفلوس بيدي صارت ضروفنة كلش صعبة جنت متأملة يشتريلي تلفزيون هسة حتئ رصيد ميكدر يشتري بسبب ابوه الجشع بطل من مكانة وراح لغير محل ونفس الشي يسوي ابوه يروح يفشلة وياخذ راتبة بالاخير رجع لنفس المكان الجان يشتغل بي من البداية بس ابو المحل انقهر عليه وكال لابو راح يقلل يوميتة لان الشغل مو قوي وبمكان ال25 الف صارت 20 كوة قبل ابو صباح بهالشي وككردت رجعت النة ال5000 دينار هالعجوز الشيطان نغصة علئ كلبي وين ماروح يجي يتحرش بية ويذبلي كلام سم مثل وجهه كمت كلش اكرهه يعرف شوكت يحجي ووين يتحرش من يشوف ماكو احد بالمكان يشهد عليه واني خايفة منة ماعرف شسوي كل مرة اريد احجي لصباح واتراجع اتمنيت ريتال تلكفة لو تشوفة بس ابد ميسوي شي كدام بناته واهله صار كلش يتمادة بحجية ويايه جان وكت ضهرية ومحد موجود نزلت للمطبخ اشتهيت فواكه فتحت الثلاجة دة اخذ تفاحة وانمدت ايد علئ صدري وايد علئ وركي راسا دفرتة وتفلت عليه واخذتهه ركضة للغرفة مالتي ريتال ـ شبيج نهاوند ـ ماجاوبتهه دخلت وقفلت الباب ـ سمعته جوة يصيح ويعيط ـ هالساااااااقطة الساافلةةةة اصخرررهه متسمعلييي ولكم ااني تتجااهلني اااحرك الخلفووهه اليووم ريتال ـ يابة صيحلي الي بدون هالعياط ـ انجبييي مشترريهه بفلوووسي صبيح ماداافع بيهه فلــس ولا عاانة ـ كاعدة اسمع وكلبي يرجف رجف اكيد راح يحجي كلمة عوجة لو يذب براسي تهمة اندكت الباب وكمت .. منو ـ لج شبيج شنو الفلم دفتحي الباب من شمو خايفة ـ فتحت الباب ودخلت ريتال ـ يعني شيصير لو صخرج ت هو رجال جبير ـ مادري اخاف منة ـ ليش تخافين منة؟ ـ مو اني .. غير الصدك ماسمعته وجنت افكر وما انتبهت ـ اشو حجيج مخربط شنو القصة نهاوند احجي ـ كوة لزمت لساني ماعرف ليش ماكدرت احجي شي لريتال كلش خايفة من الفضيحة .. دتعالي كعدي والله بعد ماعيدهه ـ شنو متعاركين انتي وصباح ـ لا والله ابد كلشي ماكو .. واكفين يم باب الغرفة ودك التلفون رحت شفت منو لكيت ماوية داكة عليه.. هلو ماوية شلونج ـ هلو قلبي .. شلونج نهاوي ـ بخير الحمد لله ـ شلونة صبيح ـ زين الحمد لله ماشي حاله ـ عندي بشارتين حلوات الكم ـ شنو كولي يالله ـ اول بشارة زوجي اشترالكم تلفزيون وستلايت حتئ تتفرجون بي ـ صدك والله شكرا ياعمري بس هسة ماعدنة فلوس نذفع ـ لج غبية هدية منة الكم بلاش مو بفلوس ـ يييي واخيرررا راح اتفررج ماعرف شلون اشكركم ياعمري ـ والبشارة الثانية بعد اكبر ـ كولي فدوة كلبي كام يركض كووبس يدك ـ رجلي راح ياخذ رجلج لاربيل جاي وفد اجنبي خاص بالاعضاء التناسلية يروح يكشف عليه هنا ـ يعني شنو تقصدين.. يتعالج ـ ان شالله يارب ويرجعلج مثل العتوي مابي شي وتجيبيلنة بزازين صغار وللحكاية بقية………….. 🥀