الفصل 20
@riwait_221
📖 رواية أنتي حمول الوقت وأنا سندها .
(البارت العشرون )
.
ماقدر يمسك ابوه اللي انهار وبكى بكل قهر كان اول مره يشوف دموع ابوه
طلحعوا ابو سند بالقوه وبقى سند اللي حضن مجاهد وهو يمسح على وجهه ويسلم عليه : ودعتك لله ياعضيد اخوك ودعتك الله ياسندي ودعتك الله خليت السند بلا سند
نزله بهدوء وهو يبكي وطلع
_______.
انتشر خبر وفاة مجاهد لجت به القريه وفاض بيت ابو سند بالناس
وكان ام سند وخواته في حالة فاجعه مرعبه
كانت ام شايع تحاول تهديهم وهي موجوعه كانت خزاري تركض بينهم وهي تمسح دموعها بشيلتها
ماتدري وش تسوي
فالمستشفى قرروا يغسلون مجاهد ويدفنونه مايبون امه تشوف وجهه بهالحاله
وفي وقت قصير غسلوه ودفنونه ورجعوا للبيت يجرون حبال الفقد معهم
وقفتهم ام سند وهي تصرخ وتبكي : وينه وين ولدي وين مجاهد
تعلقت في رقبة سند اللي ضمها يسلم عليها :مجاهد في ودايع الله
ام سند : ليه ماجبتوه ايه ماخليتوني اضمه واودعه ليه ماخليتني احب راسه
مسح عليها سند بحنية مايدري كيف يواسيها لكن جاء وقت ابو سند اللي ترك كل حزنه بالمقبره وجاء اتجهه لها وهو يمسك كتفها سلم على راسها وقال: الله اللي عطاه والله لللي اخذه لعل موته اخير له اصبري يا ام سند واحتسبي
اجتمعوا عيالهم حولهم يضمون امهم ويلمون جرح فقدهم لاخوهم
_______.
وفي بيت ابو مقبل
وصل ابو مقبل يجر المصيبه وراه وش بيقول وكيف بيرد وكيف بينقذ ولده من شر هالمصيبه
دخل البيت وقبل يوصل قابلتته هيا بقلق ماتدري وش السالفه : يبه وش فيك ؟ ليه طلعت عجل عسى ماشر
ام مقبل : وين مقبل ماجاء معك تأخر
ناظرهم ابو مقبل وهو حان عليهم من الخبر لكن قبل ينطق وصلت عزوف اللي بلغها سعد وقالها تروح لهم كانت مرتعبه وخايفه واول ماشافوها خافو وهاذي اول مره يخافون من جيت عزوف
هيا: وش فيكم؟
ام مقبل : يمه ياقلبي وليدي فيه شي وين مقبل وييينه ؟
ابو مقبل : اذكري الله
طاح قلبها وركضت تمسك يده بترجي : تكفى لا تقول فيه مكروه
غمض ابو مقبل وقال: مافيه شي بس تهاوش مع واحد ...
هيا: وش صار له تكلم يبه
ابو مقبل : توفى ومقبل بالحبس
صرخوا مع بعض برعب وبدت ام مقبل تبكي وتون وخايفه وهيا مثلها وكانت عزوف حيرانه ماتدري وش تقول وهي تعرف زييييين وش عواقب هالمصيبه
_______.
وفي السجن
وقف مقبل يناظر سليمان اللي جاه ووجهه اسود
مقبل :سليمان وش بلاك ؟ الرجال فيه شي؟ تكلللم
سليمان بهدوء: يطلبك الحل
غمض مقبل بقوه وفي هالثواني انعادت قدام عينه شريط حياته وامه وابوه واخته وكل شي حوله
.
#نوقف هنا ونكمل معاكم قريبا ..
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇