الفصل 19
@riwait_221
📖 رواية أنتي حمول الوقت وأنا سندها .
(البارت التاسع عشر )
استفاق وهو يحاول يوقف : ابوي ابوي مجاهد
مسكه فزاع: عمي مع ابوي اهدا انت اهدا
سند : وينه مجاهد وينه
فزاع بغصه: اخذوه
سند : وين اخذوه وين لمستشفى المدينه ؟
فزاع : لا
تصاعب فزاع الكلمه لكن غصب عليه تكلم وقال : اخذوه يكملون اوراق الوفاة
وقفت عيون سند ماعاد قدر يرمش ولا يتحرك ولا ينطق
لكن صحته دمعته الحاره اللي احرقت عينه كان مكذب مستحيل يصدق لين ضمه فزاع وهنا انهاااار بكل قهر
وبعد نوبة انهيار كان لازم يتماسك ويلحق على ابوه اللي وصله خبر وفاة مجاهد وحتى هو ماقدر يتحمل وطاح من طوله
بعد ساعات الرعب فتح عينه وهو يشوف سند واقف ووجهه احمر وجنبه فزاع وابو فزاع
حاول يستند ويقوم على ذراع سند وناظر عيونه بتكذيب : اخوك ما مات صح؟
ماقدر سند يتكلم بس انه حضنه بقوه وبكى وبكى معه ابو سند اللي يضرب ظهر سند ببكى: ياكسر ظهري ياسند يا قلة حيلتي ياسند ياليتني مادعيت عليه ياسند
ابو فزاع: دخليك ياشايع اذكر الله مكتوب ومقدر مكتوب ومقدر
فزاع: ياعمي اذكر الله انا لله وانا اليه راجعون
كان يحاولون يهدونهم بس الفقد ماهوب هين
_______.
في الطرف الثاني
كان ابو مقبل وسعد يدورون اللي تهاوش معه مقبل وبعد عناء لقوه لكن صدمتهم بموته فجعتهم جلس ابو مقبل وانهد حيله من المصيبه كان يضرب على رجله ويردد: وش سويت فينا يامقبل عدمت شبابك وشبابه يامقبل
سعد : تكفى ياعمي اذكر الله تكفى
ابو مقبل : لا حول ولا قوة الا بالله وش السوات يا سعد
سعد : السوات بيدين اهل الميت
ابو مقبل : وش بنقول وش بنواسيهم فيه
سعد : الله يدبر الامر اول شي لازم نشوفهم ونعزيهم
ابو مقبل : بأي وجهه ياسعد
سعد : توكل على ربك وتذكر مقبل ما نقدر نخليه
كان ابو مقبل يحاول يستجمع نفسه بس ماقدر وقرر سعد يطلع به لين يهدا ويرجعون
_______.
عند ابو سند
كان يطلب سند يشوف مجاهد يضمه ويحضنه يتسامح منه ويودعه كان سند مايدري كيف يخليه يشوفه حاول يمنعه بس ماقدر اتجهوا لغرفه اللي فيها مجاهد واقبلوا عليه وقفوا وسحب ابو سند الغطاء بصعوبه كانوا ممسحين دمعه منظفين وجهه لكن يعم عليه لون الكدمات كانوا مسكرين خشمه بقطن واذانه كان جامد وبارد رمى ابو سند عصاته ورفع مجاهد بحيله وهو يبكي ويضمه بحرقه ويردد: سامحني وانا ابوك سامحني دعيت عليك قطعت عمرك عسى مايطول عمري
فز سند : لا يايبه لا دخليك لا تلوم نفسك
ماقدر يمسك ابوه اللي انهار وبكى بكل قهر كان اول مره يشوف دموع ابوه
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇