الفصل 18
@riwait_221
📖 رواية أنتي حمول الوقت وأنا سندها .
(البارت الثامن عشر )
.
في قسم الشرطه
دخل ابو مقبل وسعد للقسم خايفين من مصيبه
وواجهم سليمان اللي قال: هنا ياعم
ابو مقبل : وينه مقبل وين ولدي
سليمان: هنا تعال معي
دخلهم على مقبل للي قاعد مكلبش يدينه ورجلينه ووقف اول ماشافهم لكن قصرت خطوته الكلبشات وطاح على ركبته ومن بعدها عرف ان هذا اول طريق طيحاته وياخوفه مايقدر يقوم بعدها
سنده سعد وهو يرفعه ووقف مقبل يناظر ابوه اللي مكشوف راسه :وش سويت يامقبل وش سويت وانا ابوك
مقبل : يبه الله يخليك اهدا لايصير لك شي
ابو مقبل : وهو باقي هدوء ؟ وين كان هدوءك يوم سويت اللي سويته
مقبل: والله يا يبه والله انه هو اللي حدني عليه والله مانويت الشر والله
سعد : ليه طاوعت نفسك ليه مارحت وخليته
مقبل : ماقدرت كلامه اذآني حيييل
ابو مقبل: وش فايدة اذاك لو يصير به شي وش فايدته لو اذيت امه وابوه فيه وأذيتنا واذيت امك وش فايدته
سعد :باذن الله مافيه شي حنا بنروح المستشفى ونشوف
مقبل : طمنوني طمنوني
طلعوا وتركوا مقبل اللي خااف من كلام ابوه وتوتر
_______.
في بيت ام سند
قامت القيامه مايدرون وش صار ولا وش جرا تركوهم مفوجعين وطلعوا لين دخلت عليهم ام فضه وقالت اللي صار وهنا انهار البيت كله
وطلعت ام سند تصرخ وتبكي من البيت لكن وقفها جيت ابو فزاع وام شايع وفزاع وخزاري
ركضت خزاري تمسكها ودخلوا وام شايع تحاول تهديها لكن مافيه فايده كانت تجاهد هي خزاري عشان يهدون البيت بس ابد مافيه فايده
_______.
فالمستشفى
وصل ابو فزاع وفزاع مع وصول سند وابوه
مسك ابو فزاع ابو سند يجلسه لايطيح وتركوا سند وفزاع يركضون بالاسياب يدورون مجاهد لكن وقف سند اول ما ارتطم بسرير طلعوه من الطوارئ وطاح عليه واول ما وقف بيبتعد انسحب الغطاء عن وجهه المريض اللي بالسرير لكن تركه سند اللي مايعرفه وراح لكن وقفه صوت فزاع اللي ينادي بألم ورعب : هذا مجاهد ياسند هذا اخوك
استدار ورجع ماهو مستوعب وقف فوق السرير مستنكر ومكذب : لا لا ماهوب مجاهد
ماعرف ملامحه اللي غرقانه بدمها ووجهه اللي تغطيه الكدمات والجروح ماعرفه
لكن اتجهت عينه للبطاقه اللي دبسوها المستشفى على الملف اللي على رجوله رفعها ويده ترتجف وهو يقرا الاسم كامل وبرعب (مجاهد بن شايع )
طاح الملف منه وقبل هو يوصل للارض مسكه فزاع وهو يسنده : اذكر الله ياسند
غابت الدنيا عن سند لحظات ماقدر يشوف منظر اخوه ما قدر يتحمل لكن فتح عينه على صوت فزاع اللي يهزه بخوف : سند وانا اخوك سننند
استفاق وهو يحاول يوقف : ابوي ابوي مجاهد
مسكه فزاع: عمي مع ابوي اهدا انت اهدا
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇