الفصل 17
@riwait_221
📖 رواية أنتي حمول الوقت وأنا سندها .
(البارت السابع عشر )
.
وقف وطلع وناظر سعد براحه: هلا يا سعد اذا تدور مقبل ارسلته لسوق
سعد: لا ياعمي ابيك انت
ابو مقبل طلع ورد الباب:خير ان شاء الله
سعد بتوتر: والله ياعمي مدري خير ولا شر
انقبض قلب ابو مقبل : تكلم ياولد
سعد : مقبل تهاوش مع واحد وضربه والرجال بين الحياه والموت والشرطه طالبينا
ابو مقبل دارت به الدنيا ومسك يد سعد اللي سنده وهو يسمي عليه: عمي فيك شي عمي
ابو مقبل : لا لا بسرعه بسرعه بنروح لمقبل بسرعه
سعد : وشماغك
ابو مقبل : مابي شي اعجل علي
طلعوا مستعجلين للقسم
_______.
وفي بيت ابو فزاع
وقف سند اول ما سمع اذان العصر : اكرمكم الله ياعمي ان استاذن بروح
ابو فزاع: يارجال اقعد بدري
ام شايع: وش انت عجل عليه
سند: والله اني جيت ماقلت لاحد اكيد امي قلقانه الحين بصلي واروح اشوفكم على خير
ام شايع: الله يحفظك
ابو فزاع: لا تقاطع
سند : ابد لا توصي
طلع سند وقلبه مقبوض ماهوب مرتاح ابد اتجهه للبيت
ودخل وشافهم مجتمعين على القهوه : سلام عليكم
فزت ام سند : هلا يمه وينكم وين تاخرتوا مالكم حس
سند : ابد يمه رحت لمحل ومن بعده عند عمي
ساره بضحك: وش فيك نقعت عند عمي
سند : بشوف الناس العدله مب انتي
ثريا: الحين صرنا ماحنا عدلين
ضحك سند : الا انتي يالثريا
ام سند : وين اخوك
التفت سند: قاله ابوي يجيب بضاعه اكيد انشغل بها
ام سند : ا ..
قطع صوتهم دق الباب المرعب وواحد ورا الباب يصرخ: الحق ابوك يا سند اسند ابو ياسند
حس سند بكهرب ضرب جسمه كله فز ووقف على صوت الصراخ مايدري وين يودي نفسه ابعدهم عنه وفز وطلع برا البيت مسك الرجال اللي يصرخ : وش فيه ابوي وش فيه
الرجال : ابوك طايح بالسوق
تركه وما انتظره يكمل وركض مايدري وش السبب بس كل اللي يعرفه انه يركض ويركض حييييل
وصل لسوق وهو يبعد الناس عنه وكأنه يبعد حجاره
وصل لابوه اللي طايح على ركبه ورفعه وهو يسنده : يبه بسم لله عليك يبه وش فيك
ابو سند تعلق فيه سند وهو يون بخوف : اخوك يا سند راح مجاهد ياسند
ارتخت يدين سند برعب لكن رجع يشد على ابوه : وين راح وين راح مجاهد وين راح
مسكه ابو فضه: اذكر الله ياشايع اذكر الله ان شاء الله انه كذب وبس مصاب
سند : وش تقول ياعمي وش تقول
ابو فضه : اذكر الله ياسند اخوك تهاوش مع واحد وضره بالحيل لكن ماندري هو حي ولا ميت لكن تلقاه بالمستشفى
تلقى سند الخبر المفجع بصدمه رفع ابوه وهو متجهه للمستشفى الوحيد اللي يجمعهم بالقرى اللي جنبهم
وصلهم وهو مايدري وين يروح ابوه اللي متعلق فيه خايف يواجهه كلمة ( احسن الله عزاك ) ولا خوفه هو من فقدت عضيده
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇