انتي حمول الوقت وانا سندها - الفصل 15 - بقلم أديم الراشد | روايتك

@riwait_221 📖 رواية أنتي حمول الوقت وأنا سندها . (البارت الخامس عشر ) فزاع : يلا اجل قبل ابوي يوصل طلعوا للبيت ابو فزاع ودخل فزاع المطبخ: خزاري وش طابخه اليوم خزاري : رز ولحم وش بطبخ يعني فزاع: يوووه بتسقطين فالاختبار ضحكت خزاري بإستهزاء: وشو اختباره فزاع: سند جاي معي بيختبرتس تطبخين زين ولا يهون طارت عيون خزاري برعب : وشوو ضحك فزاع: اييه يعني انتي بتطول اقامتس عندنا خزاري : يا ثقل دمك يافزاع وش هالمزح فزاع: ما امزح والله هذا هو سند فيه انهبلت خزاري وبدون تفكير قررت تطل وتشوف صدق ولا لا لكن صحصحت على مسكة فزاع لها من طرف ملابسها: خييير وين النيه تفشلت خزاري: بشوف صدق ولا لا فزاع: لا احسن شي روحي قولي وش ودك تاكل خزاري عرفت انه فيه صدق وتفشلت ضحك فزاع: يلا يلا خلصي ناديني طلع فزاع وترك خزاري اللي ماعندها مشكله في وجوده لكنه يربكها _______. وفي سوق المواني كان السوق مزدحم والناس رايحه جايه والكل يزاحم على البضاعه دخل مقبل وهو يدور محل التاجر عشان ياخذ السجاد وهو يحوس يدور فقد احساسه بكتفه اول ما صقعه واحد بقوه التفت بغضب و ألم: ماتشوف طريقك انت؟ التفت له مجاهد بغضب اكبر : اقصر حسك وفتح عيونك عسى عيونك العمى مقبل : نعم ؟ وش قلت؟ مجاهد : وعساها الفقع بعد ما برد قلبك كان مقبل عادي لكن عصب من كلام مجاهد لللي يدور الشر :انت قد كلامك ذا مجاهد بتحدي واستحقار: قده وانا ولد شايع وش بتسوي يعني مقبل بغضب :ان كنت ولد شايع انا مقبل ذخر ابو مقبل وراسٍ يتحداني اكسره اجتمعوا الناس وقبل لا يتدخلون غلط مجاهد غلط عمره وضرب مقبل لكمه على عينه واول ما تلقاها مقبل دارت به الدنيا وازرقت واحمرت بعينه وقبل يستوعبها حس بضربه ثانيه على كتفه وهي كانت نقطه انفجاره وقف بكل حيله والتفت وهي يرد  الضربه لمجاهد وابتدت حرب طاحنه بينهم والناس تحاول تفك بس ماقدروا لكن فكها الضربه المميته اللي ضربها مقبل لمجاهد بالماصوره على راسه بكل غضب وهو يصرخ : والله ما تسلم بها وانا مقبل سكتوا كل الناس على طيحة مجاهد اللي طاحرمن طول على الارض وانتشر دمه على الارض حوله وصرخ واحد فالسوق : ذبحته ذبحته طاحت الماصوره من مقبل على الارض وهو يتنفس بسرعه ودفه واحد وهو يجلس جنب مجاهد وحط يده على رقبة مجاهد وصرخ : مافيه نبض مافيه نبض اسعفوه اسعفوه دفوه الناس يمين ويسار واخذوا مجاهد واقرب سياره ونقلوه للمستشفى البسيط اللي حولهم لكن مقبل للحين ما استوعب المصيبه لين ناظر الدم على ملابسه ومايمديه يستوعب الا حاوطوه خفر السوق وهو ينزلونه على بطنه ويكتفونه ماكان يقاوم لا كان يحاول يستوعب اللي صار _______. @riwait_221 #أنتي_حمول_الوقت_وأنا_سندها ___. ابيكم تفاعل قوي #ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت 👇👇👇👇👇👇