الفصل 14
@riwait_221
📖 رواية أنتي حمول الوقت وأنا سندها .
(البارت الرابع عشر )
طلع وتركهم وهم ضايقين وبعد ماطلع قالت ام سند : ليه يا يمه ليه ما عاونتوا ابوكم
سند : انتم اللي ليه ماصحيتونا ؟
ام سسند : انا كنت عند ام مصلح واحسبكم رحتوا له
ثريا: وانا مع امي
ساره: انا كنت اغسل الملابس
مجاهد التفت لمزون بعضب: وانتي
مزون :كنت نايمه
مجاهد: هذا اللي فالحه فيه
مزون : هذا انتم نايمين بعد محد قالكم شي
سند : بس انتي وياه بس
سكتوا كلهم ومحد تكلم
ام سند : تعالوا افطروا تعالوا
سند : بس انا مابي
مجاهد : ولا انا
طلعوا كلهم من البيت متجهين للمحل
_______.
وفي محل ابو مقبل
كان مقبل يستعد بيطلع لكن وقفه ابوه لللي قال : مقبل خذ هااظرف وروح لسوق المواني (سوق زي المستودعات تجي البضاعه فيه من المواني)
مقبل: بدري على بضاعتنا يبه
ابو مقبل: ادري هالمره نبي سجاد تركي عتيق نبي نغير فرش البيت
مقبل: ابشر على خشمي
ابو مقبل :لا تبطي
مقبل : ابشر باخذ سعد وبنروح سوا
ابو مقبل: سعد ماهوب فاضي لك عنده شغل اعجل انت
مقبل : طيب طيب
طلع مقبل وهو وده ياخذ سعد يحس مايبي يروح الا معاه بس ما قدر
_______.
وفي محل ابو سند
دخلو سند ومجاهد وهم ساكتين وبدا ابو سند يهاوش من جديد وكلهم ساكتين
ابو سند : سند رتب القماش وسكر المحل صرنا الظهر وحنا ما استفدنا من يومنا شي
سند : ابشر ابشر
التفت ابو سند لمجاهد : خذ الدفعه هاذي ووروح لتاجر الاقمشه في سوق المواني جب البضاعه الجديده وصفها كلهت قبل العصر وياويلك يامجاهد لو تاخر والله ما تعين خير
مجاهد: على خشمي على خشمي
طلع مجاهد اللي لو تمره الذبانه انهبل من غضبه
وسند قفل المحل وراااح لفزاع وهو ماوده يتقابل مع ايوه ويحط الحره فيه
_______.
في المزرعه
كان فزاع يشتغل فالنخل لكن نزل اول ماشاف سند تحت: انزل ابيك
فزاع :عسى خير وش بلاك مجمع الشياطين وجاي
سند: ياخوي اذكر الله
فزاع: حق
سند: سو لنا قهوه بنتقهوى راسي يطبخ من النكد
راح فزاع وهو يسوي قهوه وسند يقوله وش صار والتفت سند : معه حق عمي يعصب ولا وش جاكم مسكرين المحل نايمين
سند: انا تكلم وين وانت وين وش اشرح من ساعه اقول خذانا الننوم
فزاع : اجل تحمل كل لللي بيجيك من عمي
سند: غير السيره خلاص
فزاع: واخوك الخبل وينه
سند: قاله ابوي يجيب البضاعه وبحتريه لين يجي ونرتبها
فزاع: اجل قم روح معنا البيت تتغدا
سند : والله مالي نفس
فزاع: قم جرب اكل مرتك قبل تاخذها يمكن تغير رايك
ضحك سند : قولك ؟
فزاع: هههههه ضحكتني مافي قولي بتاخذها اكلها زين ولا شين
سند :على راسي والله
فزاع : يلا اجل قبل ابوي يوصل
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇