الفصل 11
@riwait_221
📖 رواية أنتي حمول الوقت وأنا سندها .
(البارت الحادي عشر )
ودها عزوف تاخذ مقبل ولا ودها انه ينكسر قلبها لو ما رضى بها مقبل
لكن قالت بنفسها ( بكلم مقبل ان رضا خير وبركه مارضى الله المستعان )
_______.
الليل
وفي بيت ابو فزاع
على العشاء والكل ياكل بهدوء قالت ام شايع: اقول فزاع
فزاع: قولي ياعيونه الثنتين
ام شايع : يسلمك ربي، متى ناوي تعرس ؟
سكت فزاع والتفت يناظر ابوه وقال ابو فزاع: لا تناظرني صرت رجال وصار وقتك تعرس كل اللي في عمرك عندهم عيال سكت عنك ابيك تجي والظاهر محد حولي
ام شايع : لين متى وانا جدتك ولا تنسى خزاري بتعرس بكره وبعدها من بيشيلك ويشيل البيت
خزاري : افا ياجدتي انا اشيلكم
ام شايع بغمز:مدري ماتقصرين لكن شبعنا منتش مانبيتس
ضحكت خزاري والتفت لهم فزاع: والله انتم فصلوا وانا اللبس الشور شوركم
ابو فزاع: جدتك عندها العروس
ام شايع: وماهي مخفيه العروس وحده من بنات عمك طب وتخير
ابتسم فزاع اللي ماعنده ادنى فكره عن بنات عمه بس اكيد له الشرف : والله مدري
ابو فزاع: فكر لين بكره ورد لنا يصير عرسك انت وسند سوا
فزاع: ابشر
_______.
وفي بيت ابو سعد
كانوا جالسين سعد وعزوف يتعشون وكان سعد وده يسال عن هيا بس مايدري كيف يبدا
وقال : وش عندها هيا اليوم جايه ؟
ناظرته عزوف بطرف عين : وش الجديد انت تدري هيا كل يوم تجيني ولا اروح لها
سعد بفشله: ادري وش بلاتس انتي اقصد يعني كانت مستعجله
عزوف بهدوء: اسمعي ياسعد ان كانك في قلبك شي لهيا روح لبيت ابوها واطلبها وريح قلبك من العنا ادري باللي فيك واعرف اسالتك وش مقصدها ووين اتجاها تبي تعرف اخبارها وعلومها تبي تسمع اي شي عنها
لكن وانا اختك انت تدري هيا مزيونه خطابها واجد
واخاف يجي يوم وتطير الطيور بارزاقها وانت تناظر
انا وانت جربنا الفقد ومابي قلبك يتلوع من جديد
ناظرها سعد بخوف من كلامها وحس ان فعلاً الوضع يخوف : انتي سامعه شي؟
ضحكت عزوف وهي تخبط على قلبه: سمعت ذا
سعد : طيب ا ا تحسين بتوافق
عزوف :ما اعطيك خبر اكيد لكن هي ما اعلنت رفض لك لكن خلك رجال واددخل من الباب اطلبها على الشرع والسنه ان وافقوا الله يجمعكم على خير وان ما وافقوا خيره وانت ما ناقصك شي
انقبض قلبه من احتمال الرفض وسكت وهو يدري ان كلام عزوف كله صح من بدايته لنهايته
كان يفكر بينه وبين نفسه ( وهي صادقه ماناقصني شي شغل وعندي وبيت وعندي ) غمض وهو متخذ قراره يخطب بكره
_______.
وفي بيت ابو مقبل
بعد ما تعشوا وكلٍ صار في فراشه ويستعدون لنوم دق باب المقلط على مقبل اللي كان متلحف ويبي ينام: هيا ؟
هيا: ايه انا
.
@riwait_221
#أنتي_حمول_الوقت_وأنا_سندها
___.
ابيكم تفاعل قوي
#ملاحظة : طريقة التفاعل مع الرواية هو الضغط على احدى الايموجات التي تأتي في نهاية كل بااارت
👇👇👇👇👇👇