42 والاخير
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #الجزء_الـ②④والاخيرررة🌱
🍒ـــــــــــــــــــــــــــــــــــــ🍒
اما علي بعد ما بدل وانتهى راح لريم اللي كان حملها ثقيل حيل ومتعبها: ريم شفيك ليش ما بدلتي
ريم : مالي حيل
علي : يوجعك شي
ريم: كل حاجه
ابتسم علي اللي تعود على حالة ريم وثقل حملها اللي مخليها طول اليوم تعبانه ابتسم
ريم : تعبت وربي
علي : ماقلت لك وش سويت لطراد
ريم: وشو
ابعد علي وابتدا يحكي لها عن الثعبان
ريم: لااااا ليش كذا ي علي حراااااام
علي: حاجه بسيطه
ريم: وش ذا المزح علي انتبه يقلب جد
علي:ههههه لا ماعليك انحلت بس روقي انتي
سكتت ريم وهي مرعوبه من مزح علي اللي مو صاحي وظل علي يحكيها الين اخذها بالسوالف ونساها تعبتها
٠
من بكره الصبح صحت نجلا وهي تشوف طراد اللي مره اخذ راحته ومتشقلب في السرير كله وحاشرها بمكان صغير تذكرت اللي صار امس وصرخت : طراااااااد ي غدار
فز طراد برعب : وش فيك
نجلا : وخر وخررر ي غدار قال ايش قال قلبي يوجعني
ابتسم طراد لما شاف ملامحها ورجع انسدح وهو يقول : هههههه فجعتيني
نجلا : مره مبسوط هاه
طراد: شفيك ترا حلال
نجلا : ليش ماقلت لي
طراد: لاني ادري انك خوافه وبتوسوسين وتسوين من الحبه قبه
نجلا : اوف بعد انا مخاصمتك
وقامت تاخذ شور وهي تسمع صوته يضحك
٠٠
اما بدر اللي تحرك بأنزعاج من صوت علي وشاف شيخه جالسه وهي شويه وتبكي : وش فيه
شيخه: شوف ولدك وربي مالي شغل حرام عليك انت نايم وانا اتعذب
بدر ابتسم وتعدل وهو ياخذ علي منها: خلاص ي عيني نامي انا اخذه
شيخه انسدحت وهي تتحلطم وبدر مبتسم لها وقام وهو يسكت علي اللي سكت وصحصح خلاص وراح يحوس بالبيت ويجهز له فطور
شيخة صحت وهي تقول : وين علي
بدر وهو بالمطبخ: هذا هو نايم بالصاله
شيخه: شتسوي
بدر: تعالي شوفي حاجه تحبيها
قربت شيخه وشافته يصلح عجه هي تحبها حيل وشاهي وحركات
شيخه: يمه زين الريحه جوعانه حيل
بدر ابتسم وهو يمد لها لقمه : كليها تصبيره
٠٠٠
عند علي اللي كالعاده صحى عشان الشركه
وراح يصحي ريم : ريمي حبيبي يلا قومي
ريم: شفيك
علي : انا بروح الشركه
ريم: لااا اجلس
علي : بجلس شوي وبعدين اروح
جلس علي شوي الين نامت ريم واخذ عطره تعطر فيه وعطر الغرفه عشان ريم وطلع وهو متحمس ليوم جديد
٠٠٠
وبعد ٥ شهور كملوا ابطالنا حياتهم وكل واحد منهم دل طريق السعاده وكل واحد يكافح عشان حبه اللي ياما تجرع المراره عشانه عند علي اللي وصلت ريم لشهر التاسع والكل مترقب ولادتها وعلي خايف اكثر من ريم نفسها ويدعي ربه ليل نهار ان ريم تقوم بالسلامه خصوصا ان حملها كاااان مرررره ثقيل ومتعبها حيل
ونجلا وطراد اللي كانوا اجمل ثنائي ومرتاحين ومبسوطين ويستنون مولود جميل جاي بالطريق وكل يوم يمر عليهم كان يكبر حبهم
بدر وشيخه رجعوا يبنون من جديد وهالمره كان القرار واحد والبناء قوي بالحب والتحدي وعايشين احلى ايامهم مع علوش الصغير اللي اخذ قلوب الكل وكان مزيج جميل من شيخه وبدر
فواز واريام كانوا هم بعد ينتظرون مولود جميل وعايشين بأحسن حال
٠٠٠
عند علي كان يشتغل بالبيت اخر فتره وكانت ريم منسدحه وفجاءه حست بألم قوي اجتاحها وابتدت تصرخ وهي تستنجد بعلي اللي كان خايف ويرجف نادى امه اللي كانت موجوده عنده واخذو ريم ودوها للمستشفى وعلي خايف عليها وكان مع كل دمعه وصرخه من ريم تنزل من عيونه دموع والكل لاحظ خوفه اللي كان مبين وكانه يخبي شي وصلوا وعلى طول اسعفوها وعلي ماكان يكن ويهدا رايح جاي ومتوتر توتر مو طبيعي وخايف يصير لها زي شيخه وقف قبال الجدار وهو يضرب برجله فيه مسكه ابو عمر وهو يقول : علي اجلس وهدي
علي مارد وجلس ما كمل دقيقه ورجع وقف بتوتر وخوف
ابو عمر: علي
علي مسك يد ابوه: اخاف افقدها يبه خايف عليها تكفى يبه سوؤ شي تدخل تكفى بدخل عندها مابخليها لوحدها تكفى
ابو عمر : كيف تدخل
علي : بدخل يبه هاذي ريم تكفى
اصر علي على ابوه انه يتدخل ويخليه يدخل وبعد جهود دخل علي جوا وهو يرجف شاف ريم اللي كانت تصرخ وهي تبكي اسرع لها وهو يمسك يدها: رييييم ريييم انتي بخيير
ريم: لا ي علي بموت
علي : شفيها
الدكتوره: بسيطه الالام الولاده
علي كان عند راس ريم وهو معها بكل لحظه ويبكي معها وكل فتره يبوس راسها كتهوين عليها
٠
٠
علي كان مع ريم إلى ان ولدت وجابت (((توأم ))) وكان علي يدري ومخبي عنهم كلهم عشان مايوترون ريم وحتى عن ريم مخبي ابتدوا يباركون له وسلموا اطفاله وريم تبكي وهو يبكي من شدة الموقف كان يتمنى بس طفل ورزقه ربي بأثنين ومن الانسانه اللي حبها كان علي يبكي والدكاتره والكل يباركون له طلع وهو يبكي ومسكه ابوه : وش صار
علي : يبه ريم ولدت وجابت توأم ولد وبنت
الكل ارتفع صوته بالفرح واقبل طراااد وهو يضم علي ويبارك له وانتشر الخبر اللي كاان مفرح للكل
بعد فتره صحت ريم وهي تشوف علي
يصلي بجنبها بالغرفه وكان يدعي همست: علي
سلم علي وفز لها وضمها : ريم انتي بخير
ريم: بخير ي علي وين ولدي
علي ابتسم وهو يأشر : مو واحد اثنين بنت وولد
ريم بكت: مو من جدك
علي :وربي
ريم: كيف محد قال
علي : ماكان ودي اخوفك انتي كنتي متخوفه من واحد فما بالك لو اقول اثنين
بكت ريم وهي تقول : شفتهم
ابتسم علي : يجننون ي ريم حلوين مثلك صغااار عيونهم حلوه اصواتهم تنعش
ريم مدت يدها : الحمدلله علي جيبهم
ابتسم علي اللي راح وطلبهم يجيبون الاطفال وجابوهم كان علي شايل البنت وريم الولد وكلهم كانوا يبكون علي كان يبوس اصابعهم رجولهم كل شي كان فرحان فرحه ما يعرفها الا المحروم وريم كانت تبكي فرح لما شافتهم
دخلوا الكل وهم يباركون لعلي وقالوا له يطلع الشباب برا يبونه اول ماطلع علي قابله طراد اللي فرح لعلي ضمه وهو يحمد ربي وعلي ما كان ناقص وكمل معاه
عمر: ي شباب خلااص الحمدلله هاذي فرحه
ابتعد علي اللي كان وجهه احمر وخشمه وكان يبتسم ابتسامه تدل على فرحته قربوا له العيال وهم يباركون له
ناصر بمزح عشان يغير الجو: علي الحين الاثنين ذولي تجميع السنه كلها
علي :قول ماشاء الله .
ناصر : ماشاء الله بس يعني بسم الله عليك
علي : تكفى ناصر ماصدقت يجون
ضمه ناصر: ماشاء الله ياخوي الله يبارك لك ويرزقك برهم
اقبلوا الكل وهم يباركون لعلي
عبيد:علي خلاص ذبحت عمرك ربي انتقم لي منك اول مره اشوفك متأثر كذا
ابتسم علي وصوته بالقوه يطلع : والله انتقم والله
ابو عمر: وش ناوين تسمون
علي : الولد طراد والبنت لريم تسميها
الكل أيد علي بأسم طراد وطلع علي لطراد اللي ضمه: ليش سميته بأسمي الخايس كان سميته اسم حلو
علي : لا تقول كذا انا ادعي ربي يكون مثلك بكل شي والله لو صار مثلك بعده مابي اي ولد
طراد: علي انا معك دايم لو نطب النار مع بعض علي لا تفكر اني ممكن اتركك
علي : عشان كذا سميته طراد مابيه يكون الا وفي مثلك ويقدر العشره
ابتعدوا عن بعض على صوت بدر اللي يقول : معليش ي طراد ولدك الجاي سمه بدر عشان يجون علي طراد بدر
طراد بمزح: بأي صفه هاه من زين اسمك والا من زينك مابي ياخي ولدي ابيه يتسمى بأسم انسان كويس ولا بلا
بدر: مالت عليك وعلى ولدك معك خايس كأنه ابوه
طراد: مقهور من طرطر
الكل ضحك عليهم وبعدها راحوا كلهم وكان علي مع ريم بالمستشفى ويساعدها بكل شي ومن بكره طلعوا وراحوا بيت ابو عمر
دخلوا وراحت ريم للغرفه المخصصه لها اما العيال كان طراد الصغير مع طراد والبنت اللي سموها ( بيسان )
الجد : حي الله الحامل والمحمول
طراد ركض : خذ خذ هذا طراد احسن من البنت
الجد :هههههه لا لا ليدي فيرست(النساء اولاً)
طراد انصدم: اتحداك ي الشياب اجل ليدي فيرست لا يبيبي وين متعلمها هاذي من اللي مخليها قبل
علي:هههههههه افاااااااا ي جدي بعت سلومنا
الجد :ههههههههه مابعت شي لكن اذكرها زمان
علي : لا ترقع لا ترقع معليش مقدر اعطيك عيالي تخربهم علي
طراد: ههههههههههههه من جد اجل تركت كل اللي سمعته ونطيت على ليدي فيرست ما انت بهين
الجد : اها انت وهو جيبوا البزران
اعطوه وهم يضحكون والكل فرحان فيهم وكل واحد يمر ويبوس فيهم
طراد بنغزه: ايه هذا الانتاج الحلو مو بعض الناس اللهم يا كافي ولده كأنه اسطوانه غاز خسارة الاسم
بدر: شقصدك
طراد: اللي على راسه بطحه
بدر: زين ي طراد ... ي شييييييخه شوفيه يتكلم على ولدنا
طراد: يلعن ابو التهديد مره خوفتني
شيخه من ورا الباب : من يتكلم
بدر: طرطر
شيخه : وش يقول
بدر: يقول ولدنا كأنه اسطوانه غاز
شيخه : عشتوا يالافغاني وش اللي مو عاجبك ي مندوب ديلفري ( طراد كان لابس تيشرت اصفر وبنطلون اسود ،،،وطراد يعتبرونه من اهل البيت عشان كذا ردت شيخه)
الكل انفجر على التشبيه تفشل طراد ولا عرف يرد بس قال: والله ولا شي ب ربي لك الحمد بس وراي عيال
٠
شيخه: من زين عيالك اقولك من الحين بيجون محفرين (تقصد ان طراد ونجلا كلهم بهم غمازات وعيالهم زيهم)
بدر: هههههه شكرا ي زوجتي العزيزه خلي الباقي علي
واستلموا طراد طقطقه .
بعد ما راحو الكل توجه علي لغرفة ريم وهو مصر ينام معها ويتحمل ازعاج عياله ريم كانت جالسه ترضع بيسان وبعدين خلصت واعطتها علي واخذت طراد وابتدت ترضعه وعلي يراقب بصمت وهو فرحان تكلم وهو يناظر ريم : تدرين للحظه قطعت الامل انك من نصيبي او اكون فرحان معك بس سجدت لربي سجده وسهل كل شي علي مع اني تعبت بس كانت ابتسامه وحده منك كفيله انها ترجعني للحياه وانولد من جديد ولما يأست من موضوع الاطفال سجدت بعد سجده ورزقني بأثنين ومنك انتي فرحتي كانت بتقضي علي حسيت قلبي بيوقف للحظه حسيت اني احلم حسيت اني بصحى احصلني بسريري في بيت ابوي بين اخواني ولا شي صار عشت حياتي معك صح بخوف برعب بأكشن ويأس لكن للحظه تغيرت وصارت كلها حب وسعاده واستقرار ماقدرت اعبر عن هذا كله الا بدموعي والله ي ريم اني مبسوط رغم كل اللي صار لي وكنت مرتاح بس لانك معي تعبت حيل حيييييل كل الدروب تسكرت ياما حاولت وياما تعبت (ويا
ما تجرعت المراره عشانك) لكن في النهايه نهاية المراره هاذي سعاده ماقدرت اعبر عنها الا بدموعي
قربت ريييم وهي تبكي بعد وهالمره بكت فرح وسعاده وعرفت ان ربي عوضها عن كل شي بشخص واحد اللي كان يبكي معها ويضحك ومعها ويتألم معها ولا يقول اخ ..
٠٠
وبعد سنتين عاشوها بسعاده وفرح وارتاحوا من كل الهموم كانت حياتهم كالاتي (علي وريم ) كانوا مع بعض بكل شي حتى وجع الضرس كملوا حياتهم مع عيالهم بفرح ووناسه وسعاده ومبسوطين ولا احد قدر يفرق بينهم وكان حب علي اللي من ١٦ سنه اساس لسعاده اللي هم فيها تعلموا ان محد فيهم يخبي على الثاني وان قبل يقول الاول اخ يقولها قبله الثاني واستمر علي في حبه اللي كان اشبه بالمستحيل وريم استمرت في استقرارها اللي كان من المستحيل قبل لا تعرف علي وعلي اللي هدا عن جنونه قبل وعصبيته وصار يفكر قبل يقحم نفسه بأي شي
( بدر وشيخه ) اللي عاهدوا بعض على الحب والصدق والوفاء وتعلم بدر من شيخه كيف تحب وتعلمت شيخه من بدر كيف الاصرار كانت علاقتهم قويه رغم المصاعب وفرحانين بولدهم وينتظرون الثاني بالطريق اللي اصر بدر انه يبي طفل ثاني يبي يعيش كل لحظه معاه مايبي يجي على اخر شي مثل ولده الاول
( نجلا وطراد ) اللي من بدايتهم كانو حلوين وحياتهم واضحه وتعلموا من اخطاء غيرهم وأسسوا حياه حلوه بوجود اول ثمار حبهم بنت ( لانا )
( علي وطراد) اللي عاشوا وكملوا حياتهم بكل اخوه ونفس مابدوها من قبل ٢٠ سنه كملوها بالصدق والفزعه والحب وكانوا القدوه لكل الناس بصداقتهم اللي ياما وياما حاولوا الاعداء يحطمونها بس ما قدروا
الجد سامح عيال ساره ورجعهم بعد ماتزوجوا وكونوا عوايل والعايله كلها اتفقوا يبدون صفحه نظيفه
( فواز واريام )اللي رزقوا بولد سموه سامي وكان مالي عليهم حياتهم
وعبيد اللي باقي سنقل وباقي بطل المجالس وصب القهوه
وابو عمر اللي كان فخور بعياله رغم كل اخطائهم ومستانس عليهم ..
🎋 #النهااااااااااااااايه...🎋
🎋 #وصلنا_للنهههههاية🎋
ودمتم...
🍒ــــــــــــــــــــــــــــــــــــ🍒
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼