ياما تجرعت المراره عشانك - الفصل 41 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀🌼🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الـ⓵④🌱 🍒ـــــــــــــــــــــــــــــــــــــ🍒 عند البنات كانوا يدقون ومحد يرد نوره: الله يستر ليش مايردون ريم: ادق على علي مايرد ريماس : الله يستر مره بدري عليها فوزيه كانت رايحه جايه وتدعي وتستغفر رهام: الله يسهل عليها يرب خلود : دقيت على ناصر بس اعطاني مشغول ريم وقفت وهي تمسك بطنها: ي رب كون معها نوره: جربوا دقوا على نجلا ريماس : ماترد ٠٠ عند صيته اللي كانت تصرخ والممرضات يحاولون يهدؤنها وماقدروا :طلعوني من هنا طلعوني ولد السوريه جابني هنا ي كلاب .... ي..... الممرضه : اعطوها مهدئ صيته كانت تضرب فيهم بصراخ ولا احد سمع لها ٠٠٠ عند بدر اللي كان طايح وعمر ماسكه ويبكي : لا ي رب تكفى لااا الا شيييخه خذ روحي بس هي لاااا شيييخه لاا والله لا علي اللي كان ينوح وهو طايح بالارض والكل متجمعين عليه ويهدونه ونجلا الجهه الثانيه طلع الدكتور وهو يركض بصراخ للممرضات : نبغى متبرعين سريع الكل كانوا يبكون وتكلم الدكتور: من اهل شيخه سامي وقفوا الكل بصدمه ابو ناصر: وش صاير الدكتور: شيخه محتاجه تبرع بالدم سريع الموضوع خطير سريع بدر بصرااخ: شيخه عااايشه الدكتور: ايوه توقف النبض بس رجع لو سمحتوا تستعجلو قام علي وابو عمر وبدر وناصر ونجلا بيتبرعون وتطابقت واخذوا منهم الدم وانطلقوا يسعفون شيخه وبعد حوالي ساعه طلع الدكتور وهو مبتسم : الحمدلله ع السلامه شيخه رجعت الحمدلله وجابت ولد بدر وعلي ونجلا وطراد والكل كانوا يبكون ويضحكون بنفس الوقت علي وهو يمسح دموعه ويضم بدر: مبروك بدر ما كان يرد على احد كان باقي يبكي بفرح ترك الكل وركض بيشوف شيخه اللي كانت نايمه بتعب وقف عند راسها وهو يبوس راسها ويبكي : الحمدلله انك هنا الحمدلله انك ما متي شيخه تكفين لا تروحين وتتركيني شيخه انا مقدر مقدر اعيش بدونك وربي ي شيخه شيخه عادي ازعلي علي لا تكلميني تطلقي لو بغيتي بس لا تموتين شيخه علي مسكه من كتفه وهو يضمه ويهديه : خلاااص ي بدر خلاااص تكفى وقف بكى الحمدلله شيخه بخييير بخيييير تعال خلها ترتاح طلعو وكان علي ضام بدر وكلهم يبكون فرح ونجلا اللي كانت تبكي وطراد يهديها انتشر الخبر والكل فرح بعد موجه حزن زعزعه هدوءهم ٠٠ بعد اكثر من خمس ساعات صحت شيخه وهي تتألم فز بدر وهو يقول : شيييخه انتي بخييير شيييخه شيخه: اااي بدر شصار بدر وهو يبوس راسها ويدينها: انتي ولدتي ي روحي جبتي ولد ي شيييخه انتي بخييير شييخه شيخه بكت : من جد ي بدر بدر: اي ي عيون بدر وكل حياته ضمها بدر بخفه وكان يبكي : شييخه تكفين لا تروحين عني شييخه انا ولا شي بدونك شيخه الله يخلييك سامحيني بكت شيخه وهي مو مستوعبه بكى بدر ليش دخل الدكتور وابتعد بدر وهو يمسح دموعه وتأكدو ان شيخه بخير وقالوا انه بيجيبون الطفل يشوفونه وترضعه شيخه .. دخل علي اللي قرب بركض ومعاه ريم ونجلا ماقدر يمسك عبرته: الحمدلله ع السلامه الحمدلله انك معانا الحمدلله انه ماصار لك شي الحمدلله شيخه ضمته وهي تقول :علي شفيك كل ذا عشان ولدت علي ابتعد وهو يمسح دموعه: لا عاد تحملين بعمرك كله كفايه اللي صار فينا اليوم شيخه : شفيكم تبكون ريم ونجلا تقدموا وهم يضمونها ويبكون وبعدها ابتعدوا لما علي حكى  لشيخه اللي صار معها وانفجعت شيخه والتفت على بدر اللي طلع وهو مو قادر يتماسك ابدا ابدا شيخه : بدر يبكي عشان كنت بموت علي : بدر مات وحيا معك كان بينجن والله دخلوا كل العايله وابتدا الفرح والضحك والوناسه علي وهو حاط البيبي في حضنه: بدير وش بتسمي ذا اللوح كإنه انت وربي شيخه : لا وين بدر ماكان معهم ابد كان يناظر شيخه وعيونه تحكي خوف وتعب ماعنده مانع لو خسر ولده بس شيخه لا كان تعبااان ومهدود حيله هان عليه ان شيخه تطلق منه بس ماتموت تسوي اللي تبي فيه بس ماتموت ناصر : بدر وين رحت بدر : وش فيه علي: وش بتسميه بدر : الاسم لشيخه انا ماعاد فيني حيل ماهمني اي شي المهم انهم بخير والله لو تسمونه مطلق الجد : ههههه اما بدر وطراد ما يصلح لهم الزواج ابدا مدلعين بالحيل بدر بأنفعال: زواج ايش شيخه كانت بتموت وانت تقول مدلعين ابو عمر: خلاص ي بدر هدي علي : شيخوه هاه شيخه كانت تناظر بأنفعال بدر وقالت: بسميه علي الكل التفت لها شيخه كملت : اكيد بسميه علي وان شاء الله يصير مثل علي بكل شي ناصر: مالقيتي الا علي ماقصين مجانين بالعايله بدر : والله صادقه على جنانه مافيه مثله انحرج علي واعطى امه الطفل وقام وهو يضم شيخه وبدر : ماسويت شي ينذكر كلها واجب ولا تكبرونها وبعدين انت هي نويصر وش دخلك غيران ناصر: انا كم سنه اخوها في الاخير تسمي عليك اتفق الكل على الاسم واتفقوا بعد ان علي رغم جنانه الا انه ما احد يعيش بدونه ومعهم على الكل بخيره وجمال حضوره .. عند شيخه طلعت من هنا وراحت بيت ابوها بتج لس عند امها طول الاربعين يوم وبدر ماكان يبيها تروح بس المهم عنده انها تكون بخير وكان كل يوم عندها وهي باقي مسويه زعلانه عليه والا هي بتموت من شوقها له .. رجعوا الكل لحياتهم الطبيعيه بعد حوسة وتعب ومشاكل وانهيارات طراد رجع هو و نجلا يجهزون لبيتهم والزواج وابتدوا الكل يجهز لزواج نجلا علي اللي كان مكرس كل اتجاهاته لريم ومنتبه لها ولولده ومع ذلك يساعد طراد ٠٠ بعد شهرين كان يوم زوااج ( نجلا وطراد) وكالعاده الدعثه قايمه بكل بيت عند شيخه اللي كانت مجهزه اغراضها عشان تروح الصالون وجالسه ترضع علي الصغير اللي كان صغير حيل وجميل اما بدر كان يكلم طراد وهو يضحك على حماسه واستعجاله ودخل بيبدل ويروح لطراد عند الحلاق رفع راسه وتنح على شكل شيخه وهي ترضع علي الصغير وكانت قمه الجاذبيه غمض بدر ودخل بهدوء وهو يتوجه لغرفة الملابس وهو يسمع صوت شيخه تلعب علي طلع بعد مابدل وقف قبال شيخه : شيخه يلا عشان اوديك المشغل شيخه وهي منزله راسها: لا بروح مع علي بس علي الصغير بيظل عندك بدر: كيف شيخه: اللي سمعت انا ماني فاضيه له اليوم ابد جهزت كل اغراضه بالشنطه بدر: وليه ما تتركينه عند احد الخدم شيخه بأنفعال: هو ولدنا والا ولد الخدم وبعدين انا ما احب الخدم يمسكون ولدي بدر ابتسم وهو مستعد يتحمل كل طلباتها : تامرين خلاص اتركيه شيخه باست علي الصغير ونزلته وهو نايم وقامت تلبس وبدر يراقبها ( ياما قالوا لي صعبه ما سمعت الكلام لكن اليوم اقول انك اصعب من الوصول لسماء ) نزل يبوس علي وهو ياخذه معاه وشيخه نزلت لعلي تحت علي اللي كان جالس يكلم طراد ومعاه كل البنات علي : طراد قضينا ي مسلم قلت لك اوصلهم واجي طراد: واذا تأخرت علي : ما انا بمتأخر خلاص طراد: زين يلا شيخه : سلام علي : اهلا اهلا بأم علي شيخه: هلابك علي : كيفكم اليوم شيخه : اسكت امس بغى يغمى علي نجلا : ليش شيخه: علي الصغير الله يهديه طلع براسي قرون علي :هههههه كفو عليه شيخه: ريمه كيفك اليوم ريم : فيني تعب يهد الحيل كملو سوالف معتاده الى ان وصلو الصالون ونزلوا البنات ورجع علي لطراد اللي كان بالحلاق ومسوي زحمه علي : السلام عليكم طراد: بدري بدر وهو يرفع يد علي الصغير :عليكم السلام ي عمو علي : هلا وغلا ي اهلين وسهلين ومرحبتين طراد: انا اكلمك علي وهو يبوس علي الصغير: وش تبي ي عله طراد: تعال شوف كيف احلق علي : استغفر الله ماعاد عرفت تحلق طراد: علي تعال بس علي : بدير شعندك جايب علي طراد: هاذي ضريبه الابوه علي : زين تسوي فيه شيخه بدر ابتسم وهو يعطي ساري علي جاء علي وهو يقنعه انه ما يحلق دقنه واقتنع طراد اللي كان متوتر وابتدوا كلهم يحلقون وعلي الصغير مع ساري ٠٠٠ عند البنات اللي كانوا يجهزون وبحماس مجنون ريم : شيخه وش صلحتي مع بدر شيخه: مدري بشوف وش ممكن يصير معي ريم: ترى زودتيها ما يصير كذا والله الرجال محترم معك بس شكلك ماتستاهلين .. شيخه: ماعليه .. نوره: وش فيكم تتساسرون ريم : ابد اسألها عن علي الصغير ٠٠٠ بعد العشاء وبعد كمية حمااااااااس مو طبيعيه وتوتر جهزوا الكل واتجهو للقاعه بكل فرح ووناسه عند علي اللي وصل طراد للقاعه وهو مسوي زحمه وصوت الاغاني والمسيره اللي مسوينها مع بعض تجنن وطراد قلبه يدق بقوه ومو مصدق انها جاات الساعه اللي يتزوج نجلا خلاااااص اما نجلا اللي كانت على قد فرحتها خوفها منكد عليها ومتوتره بشكل مو طبيعي نجلا : بنات خايفه شيخه: ليش نجلا : من طراد ريم: لا تخافين ولا شي وين تحصلين واحد مثله ماشاء الله عليه شيخه: من جد ارتاحي وريحي بالك الموضوع ناكت وطراد ي زينه بس سكتت نجلا اللي كانت تطمن نفسها بحبها لطراد عند طراد اللي كان يستقبل الحضور وهو مو معهم ابدا كل تفكيره عند نجلا اللي تممت فرحته كان يحاول يتخيل شكلها بس ماقدر قاطعه علي اللي كان كل شوي يجي يسوي مشلحه او شماغه او عقاله او يعطره طراد: علي قلبي يدق بقوه علي : بسم الله عليك شفيك طراد: متوتر علي : ماعليش هدي مافيه شي يوتر انت روق وبس وبعدين احمد ربك متزوج وحده تحبك وانت تحبها وفاهم مشاعرها اتجاهك وهي فاهمتك بعد ليه الخوف وليه التوتر طراد: متحمس بشكل علي ضمه: الله يتمم عليك ويوفقك ويرزقك وما اوصيك بنجلا طراد : بعيوني لا تخاف بدر وعمر وناصر وفواز وعبيد تجمعوا وضموا كلهم علي وطراد وصاروا متكدسين طراد بصراخ: وخروا بمووووت علي : وخروا وخروا لا يموت يوم زواجه عمر :طراد يلا نبي تنكس اليوم طراد: اعتذر معليش ما عطوه وجه العيال وسحبوه وهم اكلين الجو بالرقص والحماس وابو طراد بيموت من الفرحه وكان يردح معاهم بوناسه على الساعه ٢ اعلنت ام طراد ان الزفه بتبدا وابتدوا الحضور يتغطون ونجلا بدت ترتبك وتخاف وطراد نفس وضعها طراد: علي تعال معي تكفى علي : انت بزر هاه ذبحتنا عشان تتزوج والحين ترجف بخوف طراد: مو وقتك تكفى علي : زين يلا دخل علي وطراد وطلعوا الجناح فوق وكان خالي تماما من الكل ولا فيه الاام عمر و نجلا اللي واضح خوفها وارتباكها علي وطراد : السلام عليكم ردوا السلام وتقدم طراد بربكه وهو يبوس راس نجلا ويبارك لها وحب علي ان يظل ساكت وما يوترهم وتركهم وراح يشوف ريم طراد: اخيرا جاء هذا اليوم نجلا ما ردت وكانت ترجف طراد مسكها من كتفها البااااارد وهو يقول : نجلا شفيك نجلا : ولا شي ابتسم طراد: لا تخافين مافي شي يخوف وهذا يومنا خلينا ننبسط ابتسمت نجلا بخوف وهي قلبها يدق وتسمع كلام طراد اللي كان مثل المهدئ لها وجلسوا يتجهزون لزفه ٠٠٠ عند علي اللي كان واقف هو وريم بغرفه وكان الباب مفتوح وكان علي ضام ريم اللي ماشافته من الصبح واشتاقت له حيل ولا رضت تبعد عنه كان فيه مجموعة بنات يوايقون ( يطلون من بعيد ) عليهم ولا انتبه لهم احد علي : ريم فيك شي يوجعك شي ريم: لا بس فيني خمول يهلك علي وهو يضمها بخفه : معليش بسيطه تعدي يلا انزلي عشان تحضرين الزفه وانا برجع لرجال ريم تمسكت بعلي : لا لا تروح خليك شوي علي: مضطر اروح ..وغمز وهو يقول : الوعد بالبيت فتحت ام عمر الباب وهي تكلم وانفجعت وانحرجت لما شافت ريم قريبه من علي صدت امه وطلعت باحراج وطلع علي وهو بعد منحرج وريم نزلت تحت وهي تحس بنظرات لها شيخه: وين كنتي ريم : مع علي شيخه وهي ماسكه ولدها: مدمنة علي ريم ابتسمت وهي تضحك ولا ردت لان الزفه بدت وطلوا طراد ونجلا .. ٠٠٠ عند طراد نجلا اللي كانت قلوبهم تتسابق ومتوترين وكانت اشكالهم قمه في الاناقه والجمال نزلوا وبدلوا الخواتم ولفت نجلا وهي ترمي المسكه ٠ ٠ عند الشباب اللي فرحوا فرحه عالميه وكانوا الكل يتنكسون وعلي منهم بعد طلع علي وبدر اللي قرروا يطلعون عيون طراد وراحوا لسياره وجلسوا فيها نزلو نجلا وطراد وتفاجأ طراد ان فيه طراد: خييييير علي : بنروح مع اختنا بدر: اي والله ما يقوى قلبي اخليها معك ما تنضمن علي : خصوصا انك من ٧ شهور ذبحتنا عشان تتزوج طراد: هيه انت واياه قوموا طسوا وربي مو وقتكم علي : تعرف تحلم بدر: هيا احلم طراد سحب عقاله وراح بيضرب فيهم بس تكلمت نجلا اللي كانت خايفه فعلا: خلهم يجون معايا تشنج طراد والتفت : وشو نجلا نزلت راسها وهي بتبكي خلاص ونطوا علي وبدر وطراد لها علي : نجلا شفيك نمزح معك بدر: كنا نطقطق بس نجلا : لااا تعالو معايا طراد: نجلا حبيبي وش يبون يجون لا تسمعين كلامهم ترا يكذبون علي : من جد نكذب خلاااص نجلا : مابي ابتدت مناحة نجلا وطنقر طراد منهم وتورطوا العيال وراحوا معاهم وصلو الفندق ونجلا بس تبكي وهم يهدونها وبعد عنا انسحبوا بهدوء لانهم شافو نفسية طراد قلبت ونجلا بعد رجعوا للقاعه وهم ناوين يكملون تهييص ٠٠٠ طراد نزل مشلح وشماغه وجلس جنب نجلا : نجلا عيوني ليش كل هاذي الدموع نجلا كانت تبكي بخوف طراد قرب ومسك يدها: نجلا هدي والله ما اسوي لك شي روقي بعد محاولات طراد وهو يسب ويلعن بعلي وبدر هدت نجلا طراد: ليش خايفه نجلا وهي تمسح دموعها: خايفه منك ابتسم طراد وهو يقول : نجلا لا تخافين مافيه شي بيصير الا برضاك سامعتني انا ما اخذتك عشان رغباتي انا اخذتك عشان احبك هدت نجلا وهي تقوم تبدل وطراد طلب العشاء واول ما رفع السماعه سمع صراخ نجلا ورماها وقام بخوف نجلا رجعت ركض لطراد وهي تبكي طراد: شفيييييك نجلا تعلقت في يده وهي تبكي : ثعبااان ثعباااان طراد اتسعت عيونه وبغى يغمى عليه ثعبان وفي فندق زي هذا وخر نجلا وقرر يدخل ومسكته نجلا : لا تروح تكفى طراد: نجلا ابعدي شوي شفييك نجلا : لا تروح بتموت والله طراد ماكان ناقص خوف بس قرر يروح: معليش بس بشوفه دخل طراد واول مافتح الباب شاف ثعبان كبير يتحرك بشكل يخوف صد بيطلع بس شاف ورقه وسحبها ( ههههه تتذكر شسويت فيني هذا بس دعابه هههههه وعلى فكره ترا مسحوب سمه يعني تقدر تشيله وترجعه القفص حقه وترميه .....لشلش ي طرطر (علي) رمى طراد الورقه وهو يسب في علي اللي دايم مزحه مثل وجهه وهو خلقه يخاف من الثعابين وقرر انه يدق على خدمة الغرف ويبلغهم عن المشكله بس بيقول حصلته كذا اتصل طراد وهزأهم وهددهم انه اذا ما جو شالوه بيبلغ عنهم وطلعو وهم مخروشين واخذوه وراحوا وهم مستغربين كيف دخل نجلا كانت تبكي وهي تحلف ماتجلس هنا بالقوه اقنعها طراد انه مقلب من علي ورضت تدخل تبدل بس وقفت طراد عند باب الحمام دق طراد على علي اللي رد وهو منفجر ضحك: ابوي انا .. طراد: الله لا يخليني اذا خليتك علي: هههههه شي بسيط ماعليك سكر طراد في وجهه وهو مغبون منه وصل العشاء وراح ياخذه طراد وطلعت نجلا اللي كان وجهها مزرق من الفجعه وطراد يحاول يشتت افكارها ولا يخليها تفكر ٠٠٠ عند الشباب اللي بعد ماتعشو الناس وبدوا يخفون قرر علي يدخل جوا ويردح مع البنات واتغطوا الناس ولا بقى الا ناس قليل ومن ضمنهم البنات اللي شافو علي وريم دخل علي اللي كان مضبط الشخصيه والحركات وابتدا يرقص والكل معاه وكان معاه سيف ويرقص فيه وريم واقفه وهي تبتسم له قرب علي وهو يبتسم لها وكانت المطربه تغني ( يحبونه وانا يتعب فؤادي ‎ يودونه مثل شوقي ودادي ‎ ودخلوا كل الشباب وهنا بدت الفصله والتنكس اللي من جد وبعد ما انهلكو رقص قلبوا على بعض بالمويه وخذلك تغريق ٠٠٠ عند العرسان الحلوين قضوا من العشاء وطراد يحاول قد مايقدر يطمن نجلا اللي بدت تلين شوي وباين انها تعبانه وطراد بعد تعبان وقف طراد وماحب يخوفها لانها اكيد بتتجه افكارها لشي ثاني وقال: نجلا عيوني متى نمتي امس نجلا ما ركزت وجاوبت: ما نمت مواصله طراد بتمثيل: لا لا مايصير ابدا ابدا كيف تتعبين نفسك شوفي عيونك كيف تعبانه نجلا كانت متطمنه ومتجاوبه مع طراد اللي يحاول يستدرجها عشان ما تخاف وتدري ان كل اللي براسها وسوسة بنات بس نجلا : غصب علي ماجاني نوم طراد: والله تصدقين ولا انا شكلنا كذا بتصكنا غيبوبه نجلا : شكله انا خلاص تعبت طراد : زين يلا مادام كلنا تعبانين ومالنا حيل اكيد بنام يلا قامت نجلا وهي ما تدري ابد عن اللي بيسويه طراد دخلت باللحاف وهي تقول . تصبح على خير طراد ببتسامه : وانتي من اهل نامي كويس طيب نجللا : زين ٠٠٠ في القاعه راحوا الكل لبيوتهم وبعد قمة زحمه عند بدر اللي اول ما دخل تروش وبدل عن القرف اللي صار فيه وهو طالع شاف شيخه واقفه تنوم علي وكان شكلها قمة قمة  في الجاذبيه خصوصا انها انحفت عن اول وصار جسمها روعه وهذا كله خلا بدر يتنح اقبلت شيخخه وهي تعطيه علي : انا ببدل امسكه شوي راحت شيخه واخذت دش ولبست لبس مريح وجات واخذت علي وهي تشوف بدر اللي كان شكله غريب بس ما دققت وهي زهقانه تبي تنام وعلي يبكي ولا راضي يسكت شيخه: اووووف بدر خذه شوي بنام بدر قرب وهو ياخذ علي اللي سكت اول ما شاله بدر ومن هالحركه تنرفزت شيخه :الحين انا اولد واتعب وانت تجي بكل راحه وتخليه يتعلق فيك بدر ابتسم : يعرف شكثر احبه هادي حبيبي شيخه :شقصدك بدر: ولا شي سكتت شيخه لما شافت علي ينام وقرب بدر ونزله بهدوء ووقف وهو يقول : لين متى ي شيخه شيخه ارتبكت : وشو بدر : لين متى هالبعد والجفى مو كفايه ما تعبتي شيخه انا اعتذرت الف مره بقول وفعل وانتي مو راضيه تنهينها شيخه كفايه تكفين ماعاد لي حيله تعبت والله تعبت والله اسف والله غلطة ومعك باللي تسوينه بس خلاص انا كاني نصيبي واكثر والله ي شيخه معاد لي حيل للبعد شيخه انا احبك والله احبك ولا تحسبين اني راجع عشان علي لا كان يمديني اخليك براحتك وولدي اقدر ازوره وانتي ما بتمنعين بس انا ابيك انتي ي شيخه تكفين لا تخلين الشيطان يدخل بينا شيخه اليوم نبي نحط حد خلاص ي نتفق ونعيش عيشه حلوه ورضيه او نفترق على الاقل واحنا نحب بعض ما ابي كرهك لي والله مابيه انا الشي اللي يريحك وربي اسويه لو هو يعميني شيخه انصدمت: بس اللي سويته ما ينغفر بسهوله بدر : والله والله والله اسف خلاص يا شيخة طولتيها سكتت شيخه وايقن بدر انها مستحيل تسامحه وتكلم بحسره: انا استاهل ياما قالوا شيخه صعبه بس ما سمعت وياما قالوا اذا زعلت بتعيش بمراره بس ما طعت لكن الحين انا اقول من يوم حبيتك وندمت على اللي سويته شفت قسوتك اللي ما احبها وياما تجرعت المراره عشانك لكن اللي بيريحك بسويه ي شيخه ودامك ما تبيني الله يسعدك ويوفقك انا بروح خلاص دامي خسرتك معاد لي حياه لكن دخيلك ي شيخه قولي لولدي اني كنت كويس بس سرقوا بدر مني صد بدر وقررر فعلا الروحه وشيخه انهارت تبكي وقالت: بددددر التفت بدر وهو ملهوف: عيون بدر شيخه: لا تروح تكفى لا لا تخلينا ثاني مررره ركض لها بدر وهو يبتسم : شيخه انا مابخليكم بس مابي اتعبك شيخه: : انت كذا تنهيني بدر انا كنت انتظر اني اثق فيك وكنت خايفه انكسر تكفى بدر لا تكسرني مره ثانيه لا تروح لا رفعها بدر وهو يقول : طمني قلبي شيخه ضمته وهي تبكي : لا تروح والله احبك والله والله انا احتاجك والله مقدر ابعد عنك والله ضمها بدر وهو مشتاق فعلا لشيخه اللي تحبه بكى علي الصغير وابتعد بدر وهو يقول : بدينا بالحسد ضحكت شيخه وهي تمسح دموعها وقامت تسكت علي وبدر يراقبها ببتسامه وهو فرحان ما صدق ينام علي عشان يرجع لشيخه اللي فعلا وحشته كثير .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ⓵④ 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼