ياما تجرعت المراره عشانك - الفصل 35 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀:🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الـ⑤③🌱 🍒ـــــــــــــــــــــــــــــــــــــ🍒 بدر: فواز لا اوصيك على اريام فواز: افا بعيوني بدر: خذ علي بيكلمك علي اخذ فواز ووصاه على اريام وواساه شوي وبعدها سكروا بدر: عليك شفيك ليش تأثرت كذا انا احاول اسكتها وانته تزيد معاها علي : بدر انت عبالك الموضوع بسيط بدر: ادري صعب بس المفروض تواسيهم طراد: خلاص الله يرحم والدينك كل شي بيد الله وهو اللي يعطي وياخذ. بدر: ونعم بالله طراد: تعالوا نتقهوى ونعين خير علي قام: انا بروح اشوف البنات راح علي للبنات وقف بالممر وهو يحاول يخفي دموعه عجز ضااااق حيل ضاااق وخصوصا بعد ما سمع صوت اريام طلع شوي برا يحاول يغير نفسيته وبعدها رجع وراح للبنات علي : بنات شيخه: نعم علي : خلاص عاد كلمنا اريام وهي كويسه بلاش تبكون وتعترضون على قدرة ربي سكتوا البنات وهم كل وحده تمسح دموعها علي : حضروا الغدا العيال مستعجلين ريم: طيب رجع علي وجلس مع العيال وهم يحاولون يسولفون ويغيرون الجو بعد شوي حضروا الغدا وقاموا يتغدون وهم هاديين عكس اول ما جو اما البنات اللي حطوا الغدا وبالقوه يتغصبون ياكلون شيخه: بنات احس مالي نفس ريم: تكفين شيخه اسكتي حتى انا نجلا: افكر بأريام كيف حالها الحين ريم: الله يعينها ولا يحرم احد شيخه : يمه وع ما احب يجيني هالشعور نجلا: شعور ايش شيخه: مدري انسدت نفسي وجع واحس بدوخه اعوذ بالله من هالاخبار نجلا: اي وربي عند العيال بعد الغدا قام بدر وهو يقول لعلي: علي نادي على شيخه ونجلا بمشي طراد بمزح: خير انا بوصل نجلا كلهم ناظروا فيها بطرف عين طراد: امزح وجع يمه منكم بدر: والله مو وقتك طراد: نفسيه علي قام: اجلسوا شوي بعد بدر: والله مالي خلق ومانمت زين امس وحالتي حاله علي : طراد اجلس طراد: معليش بروح انام حتى انا علي: مالت عليكم راح علي ينادي شيخه ونجلا لبدر اللي راح السياره وطراد بعد راح وبعد شوي فضى بيت علي ريم راحت تدور علي اللي حصلته بالحوش وبيده كاسة شاهي جلست جنبه ريم: علي شفيك علي : ريم انتي تحبين الاطفال ريم استغربت: مررره ليش علي ابتسم بضيق : ولا شي بس ضقت على اريام ريم: حتى انا الله لا يحطني مكانها مسكينه علي التفت لها وهو خلاص يأس : مدري وش اقول ريم سمعت صوت الثلاجه وقامت وراحت تسكرها وعلي يراقبها وقرر انه يبلغها انه عقيم ويترك لها الخيار يأس خلاص من سنين يتعالج والنتيجه هيه هيه قام وتوجه لها في المطبخ وحصلها واقفه تقدم وهو مصر: رييم ريم : هلا علي شفيك علي تقدم وقف قبالها خااااف ماقدر يتكلم ريم: علي شفيك ضمها علي بقوه لدرجة اوجع عظامها وهو ساكت ماقدر ينطق عجز ينطق عجز ينطق غمض وتكلم وصوته يتقطع من بكاه: ريم انا اسف ريم بعدته: اسف على ايش ي علي علي اللي ضاق صدره واختنق مسكته ريم : علي وش فيك واسف على ايش علي : ريم انا عقيم لا تتأملين بطفل عجزت وما معي حيله هذا قدر ربي علي حاولت اسكت واتعالج بس مافيه فايده ريم: ايش اكيد تمزح اكيد مستحيل علي صد وهو يحاول يتماسك مسكت ريم يده: علي ما تنتقم صح تمزح علي بصراخ: اي انتقام ي ريم هاذي الحقيقه اللي احاول اخفيها بس عجزت ريم بعدت عنه وهي تبكي : كيف تخدعني طول هالفتره وتخليني احلم بطفل وتخليني اعيش واتخيل ليش علي : ريم انا اسف كنت متوقع اني بتعالج ريم : لا لا لا ي علي ما اقدر ما اقدر علي: ريم شفيك ريم دفته وبعدت : مستحيل اعيش مع واحد عقيم واظلم نفسي وانحرم من العيال مستحيل ابعد عني علي ماكانت الصدمه عليه خفيفه وقف يناظرها ببطء وهو يكرر كلامها تكلم بهمس: وش تقصدين ريم: اقصد طلقني مستحيل اجلس بدون اطفاال مستحيل علي : ايش انجنيتي نسيتي كل شي وقفتي هنا ريم: كل شي ايش وايش ابغى في حياه مافيها اطفال اجلس طول عمري لحالي واداريك معليش ي علي دور وحده تتحملك مستحيل علي دارت فيه الدنيا ما تحمل هالكلام من الانسانه اللي طول عمره عاش وتعب وابتلى بمصايب عشانها في الاخير تتخلى عنه ببساطته وتقول ما تقدر تتحمل عقيم ما حس بنفسه وطاح من طوله من هول الصدمه ركضت ريم له لما حست بارتطامه ع الارض : علي شفيك علي ٠ ٠ عند شيخه وبدر اللي وصلوا نجلا ورجعوا البيت شيخه كانت واقفه تنزل عبايتها شافت بدر مقبل عليها شيخه: ليش ما نمت زين امس بدر ببتسامه وهو ياخذ عبايتها من يدها : تعودت انام بحضنك عجزت امس بدونك ابتسمت شيخه بأحراج وهي تاخذ العبايه وراحت تعلقها : والله انك نصاب بدر: ههههه وربي من جدي شيخه: عيني بعينك اشوف بدر قرب وحط عينه بعينها وضحكت شيخه بقوه: صدقتك ي بزر ههههه بدر قرب: من البزر شيخه ابتعدت خطوه: امزح معك شفيك بدر صار يقرب وشيخه تبعد وهو يقرب وشيخه تبعد الين تعثرت بجزمتها وبغت تطيح ومسكها بدر : بسم الله عليك شيخه: يمه بغيت اطيح بدر: مافيك شي زي العسل ... دفته شيخه بقوه وطاااح وركضت هي للحمام قام بدر : شيخه وجع وش ذا شيخه اللي كانت ترجع بالحمام وراح لها بدر: شيخه شفيك شيخه وهي تغسل: بدر شفت شسويت بدر: شسويت شيخه: جبت لي لوعه بدر: الله عليك من شهر تو تجيك لوعه شيخه: ابعد بس وربي قلبت معدتي بدر : وش صااار لك شيخه: ولا شي بشرب مويه ٠٠٠ اما عند نجلا اللي كانت تهدي امها اللي قابله الدنيا نجلا: خلاااص يمه ام عمر: شو بدها تعمل لحالها هلا شو بدها تساوي والله اريام مو خرج تعب والله نجلا : يمه بدر وعلي كلموها وهدوها وهدت خلاص وفواز معاها بعد ساره: تعوذي من ابليس ي حياة انتي ادرى كم طفل مات لك وتصبرتي ام عمر: بس انا بتحمل اريام ما بتتحمل والله بتروح فيها نجلا: يمه والله اريام طيبه شفيك ابو عمر: حياة انتي ما قضيتي بكى خلاص خلااااص سكتت ام عمر اللي كانت تتحسر على اريام ونجلا تهديها ٠٠ اما طراد اللي رجع لامه وابوه وهو فرحان وقالهم ان نجلا تقول ماتبي تقسيم ولا شي وضيوفها ضيوفكم وهي تحب تجلس معاهم ابو طراد: الله يبارك فيها ويسعدها ويخليكم لبعض بنت اصول والله ام طراد: والله والله لو ندور في كل العالم ما نلقى زيها ابتسم طراد وهو يقوم يبوس راس امه وابوه: انا اهم شي عندي رضاكم ام طراد: الله يرضى عليك يمه ابو طراد: الله يوفقك ويسخر لك تركهم طراد وطلع وهو يتمشى فوق ويشوف وين اكبر جناح عشان يستقر فيه . . عند راكان اللي كان يحضر لزواجه قاطعه دخول عبد العزيز عبدالعزيز : راكان راكان : نعم عبد العزيز: كلمت امي اليوم راكان : كلمتها الصباح وقالت انها في بيت خالي عبد العزيز: ما قالت لك شي ثاني راكان رفع راسه: وش فيك ماقالت شي عبد العزيز وهو يلعب بالمفتاح ويناظر الارض ويدري وش ردت فعل اخوه: اريام راكان : الله يستر عليها شفيها عبد العزيز: كانت حامل قبل شهر وما تحملت الطفل وسقطته راكان طاحت اللوحه من يده والتفت بقوه على عبد العزيز : شقلت عبد العزيز: هي بخير بس نفسيتها دمار راكان توجه لعبد العزيز : حملت من فواز عبد العزيز : اكيد من مين يعني جلس راكان وهو مقهور ومحروق قلبه صد وهو يتعوذ من ابليس: حسبي الله على علي اللي فرقنا الله يفرقه عن اغلى احبابه حسبي الله عليه ٠٠٠ عند اريام اللي كانت تحاول تداري نفسها وهي تمسح دمعها وتقرا قرأن دخل فواز اللي جاب معاه شوربه وحطها وجلس يستناها تخلص خلصت اريام وهي تلتفت لفواز فواز: تقبل الله اريام: منا ومنك فواز: خير ما سويتي والله هذا افضل حل يجبر قلبك ربي فيه اريام: الحمدلله فواز: تعالي كلي عشان تصيرين كويسه اريام قربت وجلست :انت بعد اكل معايه ما اكلت شي فواز: ابشري ٠٠٠ صحى علي من سرحانه على صوت ريم اللي تهز كتفه: علي وش فيك علي : هاه وش فيه ريم: وين وصلت من ساعه اناديك ما ترد حط علي يدينه على راسه بعد ما استوعب ان كل شي مجرد خيال واحتمال براسه من كثر ماوسوس ببعد ريم التفت لها ويناظر عيونها اللي خايفه عليه شال فكرة انه يخبرها من راسه وهو يسندح ويحط راسه بحضنها : ريم ريم: لبيه علي : لا تخليني ريم: الله لا يخليني اذا خليتك ريم كانت تراقب علي اللي باين على ملامحه الضيق وباين فيه هم كبير ومشكله كانت محتاره دايم تشوف الضيق هذا على وجهه والحيره والانكسار بس يحاول مايبين استغبرت انه تأثر من تسقيط اريام ماخلتها في نفسها وسألت : علي علي :همم ريم: شفيك ليش ضقت لذا الدرجه تأثرت من تسقيط اريام علي ( ليتني اقدر اقول واريحك واريح نفسي ليت): يعني فالنهايه هذا ضنا ريم سكتت وماحبت تجادله لانه مو في مزاجه وقف علي ومسك ريم معه: تعالي بنروح نريح شوي وبعدين نروح لامي ريم: زين قامت ريم معه وهي نفسها تسأله بس تخاف تجرحه او يكون موضوع كبير ٠٠ عند نجلا اللي طلعت غرفتها وهي ضايقه اخذت جوالها وجسلت ع السرير شافت اكثر من رساله من طراد ومكالمه رجعت اتصلت عليه وجاها صوت طراد: نجلا شفيك انتي بخير نجلا : ايه ي طراد شفيك طراد: فجعتيني عليك والله خفت عليك نجلا :هههههه تخاف من ايش طراد: مدري قلت اكيد انك تأثرتي من اريام وعلي قال انك بكيتي نجلا : والله انقهرت عليها ما تستاهل والله كانت فرحانه فيه ي طراد طراد: معليش ي روحي هذا قضى وقدر ولربي حكمه فيه ما تدرين لو ان قدوم الطفل عليها مو خير وسقطه ربي عشانها ما تدرين وش الخيره نجلا : صادق طراد: خلاص عاد لا تضيقين وتضيقيني الدنيا حلوه مابي هالصوت الشين ابي نجلا الفرايحيه الحلوه نجلا ابتسمت: ان شاء الله طراد: ي لبى الابتسامه ي شيخه نجلا : بسم لله شدراك اني ابتسم طراد: اعرفك ما يحتاج تقولين نجلا كملت سوالف مع طراد اللي بفتره قصيره وصل لمرحله في قلبها كبيره واثبت وجوده وحبه وغرسه في نجلا .. مرت اليومين روتينيه جدا وكل واحد رجع لحياته ومشاغله عند علي اللي كان طالع من عند الدكتور اللي قاله نفس الكلام من سنين ( ان شاء الله خير ) وقف جنب سيارته وهو تايه فعلا ولا يعرف وين يروح فكر يرجع البيت بس مايبي يرجع وتشوفه ريم ضايق وتصر عليه انه يقول ولا يبي ي روح لاي مكان ولا له خلق احد ركب سيارته بضيق وراح لابعد مكان يخطر على باله ٠٠٠ عند شيخه اللي كانت منسدحه بتعب ولا لها خلق اي شي دخل بدر اللي مقرر انه اليوم يسافر لمهره ويحط حد لعلاقتهم ي يعلن زواجهم ي يطلقها بدر: السلام عليكم شيخه: وعليكم السلام .. بدر: شيخه مافي غدا انا جوعان شيخه :ماسويت شي بدر طارت عيونه :كيف ماسويتي شيخه: ما سويت كم لها معنى بدر: انتي خير شهالنفس الخايسه كلميني عدل شيخه: يوه ي بدر مالي خلقك الله يرحم امك بدر اللي كان فعلا دايخ من الجوع ما افطر ولا تغدا وعلى كوب شاهي بالدوام وماتعود على هذا النظام ابد : وش اللي مالك خلقي انجنيتي نسيتي اني ما فطرت جاي على لحم بطني ماشوف قدامي من الجوع وفي الاخير احصلك نعيانه بذا الحاله ولا تقولين ماسويت شي شيخه: يوه خلاص ماصارت جوعان اتصل على مطعم نص ساعه عندك الاكل وريحني بدر اللي فقد اعصابه وراح لها ومسكها من يدها: شيخه اوزني كلامك مو انا اللي تكلميني كذا فاهمه شيخه سحبت عندها : انت خير وش صاير لك شايفني مهدود حيلي وتعبانه باقي اصلح غدا مابي ماابي هيا روح وبعدين روح تروش او شوف لك اي صرفه قرفتني بريحتك هاذي بدر : ايييييييييش شيخه: اللي سمعت بالقوه تمالك بدر نفسه لا يضربها ودفها وراح وتركها : قومي البسي بسرعه شيخه: ماني لابسه وين اخذني بدر: بوديك بيت اهلك شيخه: نعم بدر:اللي سمعتي شيخه اللي خافت انه يطلقها : بدر تستهبل توديني عشان سبب تافه بدر اللي تعوذ من ابليس وهو طافح الكيل عنده منها: بوديك لاني بروح لدبي عشان المشروع وانتي انثبري عند ابوك لين اجي اكيد مابتجلسين هنا لحالك شيخه ارتاحت: بس انا مابي اروح بدر: اللهم طولك ي روح شيخه بلا جنان لا تخليني يطلع خلقي عليك احسن لك فضي السيره وامشي شيخه: بدر مابي مااابي بدر: وش اللي ماتبين تستهبلين انتي شيخه: لا بظل هنا بدر: لحالك شيخه:لا بنادي نجلا وريم وعلي يجون عندي بس مابي اروح هناك بدر: ليش شيخه . تكفى بدر والله مالي خلق والله واذا تبي انت دق على علي وقوله يجي بدر مسك راسه وهو مايدري وش بيصلح بذا المجنونه اللي حالها منقلب : زين ي شيخه زين راح لغرفة الملابس واخذ شنطه صغيره حط فيها كم لبسه وطلع وقف يدورها حصلها منسدحه : انتي ناويه تموتين وانتي منسدحه اكلتي شي شيخه: مالي نفس بدر بصراخ : انهبلتي في عقلك اكيد لا ابد ما انتي صاحيه رفع جواله وهو يتصل على المطعم وطلب غدا وهو يناظرها شلون نامت بسرعه سكر وصرخ: شيخه وجع لين متى ذا النوم من امس نايمه شيخه: بدر خير تراك فجعتني شتبي بدر : قومي على حيلك والحقيني الصاله شيخه: مابي بنام حاول بدر يقنعها بالطيب بس ما تفهم مصره تنام وصل عندها وسحبها : فزي على حيلك شيخه بكت من سحبته القويه وهي مو طايقه تشوفه حتى: بعد ماااابي ماااابي ماااااااابي روح تغدا لحالك مابي منك شي بدر انفجع من سبب بكاها التافه بنظره وتركها وراح وهو لو جلس شوي بيذبحها نزل لها فلوس على الطاوله وطلع وهو حتى ما اكل وترك الاكل بالصاله قامت شيخه بعد ماشافته راح واتجهت للاكل وهي تاكل بشراهه وبعد ماخصلت ي دوب جمعت الحوسه ورجعت تنام ٠٠٠ عند بدر اللي اتجه للمطار وهو يستغفر ويحاول يخفف غضبه قبل ينفجر وهو مايدري وش غير حالها في يومين ليش قلبت كذا كانت شزينها تعوذ من ابليس وهو يدق على مهره اللي ما ترد عليه؛ بلعنتك انتي الثانيه رمى الجوال وهو معصب ٠٠٠ عند طراد اللي كان بالشركه مر من عند خالد: علي اليوم داوم خالد: داوم نص ساعه وطلع طراد: ماتدري وين راح خالد: لا والله طراد:زين طراد( اوف وين راح ذا وادق عليه ما يرد يستهبل ) طلع وهو باقي يدق عليه جاء علي من ورا: طراد شفيك طراد: بسم الله انت من وين طلعت علي: ابد رحت المستشفى وبعدها رحت الفلف في الشوارع شوي طراد: وش فيك انت ما تلفلف الا وراك مصيبه علي: لا مصيبه ولا شي رحت الدكتور وقال نفس كلامه كل مره وضقت وطلعت اتمشى طراد: انا قلت لك اتركها لربك ما تسمع الكلام علي: ي طراد انت تحسب الوضع عادي طراد: ادري مو عادي بس خلاص لو فيه شمس بدت امس علي : على الله المهم تعال خلينا نشوف شغلنا ٠٠٠ عند نجلا اللي كانت جالسه وهي تتشحذ عبيد يعلمها كيف تلعب بلاستيشن في الاخير وافق لها واتعلمت وازعجت الكل بصراخها ام عمر: نجلا لك ي عيب الشوم عليكي شو عم تعملي نجلا : العب مع عبيد يمه ام عمر: شو تلعبي عيب عيب مابيصير هي لعبة الرجال يامو مابيصير انتي بنت نجلا : وش اسوي يمه طفشانه عبيد : خليها يمه تسليني ام عمر: تعو انا بلعبكم لعبه كتير حلوه شو رايكم نجلا : يلا يمه عبيد: وشو يمه ام عمر جلست وتربعت ونادت راشد وعبيد ونجلا وهي تجلسهم قبالها: سمعوا بدنا نلعب قريمشه شو رايكم نجلا : الله حلوه عبيد : مو مره بس حلوه ام عمر : يلا قوموا دوروا حوليه قاموا وهم يدورون حوالين امهم وامهم تغني لهم اغنية اللعبه( قريمشة يا قريمشة، ياحبة المنيمشة، بعتنتني معلمتي اشتري كوز بصل وقع مني وانكسر، خ بي ايدك يا عروس ما أم الحلق والدبوس.) ( قريمشه لعبه شاميه احتمال تعرفونها او لا بس بشرح لكم هي الحين ::يدرورون حوالين امهم وهي تغني لهم وهم يخبون يدينهم تحت اباطهم واذا وقفت يمدون يدينهم واللي يده بارده تضربه ضربه خفيفه .. اتمنى فهمتوا ) مدوا يدينهم لامهم وطلعت يد راشد بارده وضربته امه ضربه خفيفه وهم يضحكون وعادوا اكثر من مره وباقي يضحكون دخل ابو عمر اللي استغرب الضحك وابتسم : وش صاير اليوم ام عمر بضحكه: عم لعبهن شوي عبيد: يبه تعال اللعب معنا نجلا : ايه يبه ابو عمر: وقت ثاني يبه الحين بروح ارتاح تعبان راح ابو عمر ولحقته ام عمر ورجعوا نجلا وعبيد للفيفا وراشد رجع لايباده ٠٠٠ عند ريم اللي كانت ترتب وتحوس في البيت دخلت مكتب علي وهي ترتبه حصلت اوراق وجمعتها فتحت الدرج وحصلته ملياان حبوب وادويه استغربت وكلها اسمائها اجنبيه استغربت وش جابها في درج علي وليش هنا وليش بهالحجم وليش يستخدمها جمعتها كلها بكيس وحطتها على جنب وهي شاكه ان فيه إنا جاها فضول تشوف وش هالاوراق المرميه وزحمه اغلبها كانت رسم ومشاريع وشخبطة شغل قامت بتروح بس لفت انتباهها ورقه صغيره كاتب فيها علي عباره وحست انها ترمز لشي (أكثر الأشياء إيلاما للإنسان أن تتوفر له المعرفة وتنقصه القوه) حصلت ورقه ثانيه مكتوب فيها ( صل فرضك ولا تنظر لبعض الامور ‎القلوب *السليمة دايمٍ *راضيه ‎واكتم السر في قلبك وخلك صبور ‎لو زمانك ضربك الضربة القاضيه سحبت الدفتر وطاحت اوراااق كثير ومنها شكت ان علي وراه شي وطاحت بيدها ورقه جديده( أراكَ عـصـيَّ الـدَّمْـعِ شيمَـتُـكَ الصَّـبْـرُ  أمــا لِلْـهَـوى نَـهْـيٌ علـيـكَ و لا أمْــر ‎بَـلـى، أنــا مُشْـتـاقٌ وعـنـديَ لَـوْعَــة  ولـكــنَّ مِـثْـلـي لا يُـــذاعُ لـــهُ سِـــرُّ) بعدها تأكدت ان فيه سر وسر كبير يخبيه علي وهو سبب الانكسار اللي بعينه ابدت تفتش وهي تبي تعرف وش مخبي راحت للخزنه اللي كانت مقفوله حاولت تفتحها ما قدرت لفت المكتب كله ما حصلت شي يدلها جمعت اورراقه ورجعتها وهي مصره تفتش وراه وتعرف ٠ ٠ عند بدر اللي وصل دبي ع الساعه ٥ تقريبا عجز يدق على مهره ما ترد اخذ تاكسي وتوجه لمطعم وهو تعبااااان وبيموت جوع نزل المطعم واكل ورجع دق بس ماردت استغرب وعلى اذان المغرب اتجه  لموقع وظيفتها وقالوا من امس اجازه وراح بيت اهلها وقالت لهم الخدامه انهم مو موجودين ومهره ما هي معاهم استغرب بدر وهنا اضطر انه يروح لشقتهم  احتمال تكون هناك وصل بدر وطلع للشقه وهو باقي يدق ولا ترد عليه وقف الاصنصير قبال الشقه مباشره واقترب بدر وهو يفتح الباب والشقه هدوء وصوت المكيفات شغاله وكان الجو بارد وريحة زقاير مغطيه الجو استغرب بدر اتقدم لصاله وشاف شنطة مهره وعبايتها واغراضها طايحه تأكد انها هنا وتقدم بس تعثر وناظر فالشي اللي تعثر فيه رفعها وحصله شماغ اتسعت عيون بدر بصدمه بس سرعان ما ابتسم وتوقع ان اهلها مسافرين ومتعب ظل عندها تقدم لغرفتهم  بس سرعان ما التفت اول ما سمع صوت في البلكونه اللي اخر البيت وتطل ع البحر تقدم بهدوء وهو يسمع صوت حكي وضحك كان كل مايتقدم خطوه يدق قلبه بقوه فتح الباب واتسعت عيونه بصدمه من اللي شافه كانت مهره بحال مزري جدا في احضان رجل غريب وبوضع مايرضي الله ولا رسوله قامت مهره بصدمه وهي تترنح من تأثير الشرب ووقف معها الرجال بدر بصراخ هز الشقه كلها: ي بننننننت الحراااااااااااااااااااااااااااااام انقض بدر عليها وهرب الرجال من الشقه ونزل بدر ضرب ضرب في مهره اللي ما كان عندها قوه تساعد نفسها خنقها بدر بقوه وهي تحاول تبعده وسحبت القزازه اللي جنبها وضربت بدر فيها اللي ابتعد لما حس بالضربه وجبينه ينزف : لك عين ي بنت الحرام لك عين ي اللي ما تربيتي كنت حاس انك ما غطتي على خير هذا جزاي اللي حبيتك وعزيتك ورفعتك تخونيني تخونين وفي بيتي وفي مكاني ماخفتي من الله ما خفتي من الله وين بتودين نفسك مهره اللي كانت تحاول تستجمع نفسها وهي تبكي قامت بتهرب بس بدر اسرع منها ومسكها وهو باقي يضربها وهو منهار بصدمه فضيعه هزت كيانه .. ما عمره توقع انها ممكن تسويها قدرت تهرب مهره واخذت السكين وركضت بتطعن بدر بس مسكها بدر وبحركه غير متوقعه وبغير وعي لف السكين جهتها وهو ماسك يدها اللي فيها السكين وطعنها والسكين بيدها وكانت الطعنه في جهة القلب صرخت مهره اللي طاحت بين يدين بدر وهي تنزف والسكين بصدرها انفجع بدر وارتجف وهو خايف من كل شي صار وهو مصدوم ابتعد وهو يهز براسه ويأشر بمعنى  لا طاح بدر جنب مهره وهو يصرخ: لا مستحيل انا ماقتلتها هي قتلت نفسها هي اللي اتجهت للحرام هي ماسويت شي انا ماسويت وقف وركض وهو تايه وقف قبال الباب وهو يرجف رجفه مو طبيعيه طاح وعجز يوقف من الصدمه وقف وهو يستند للباب وسحب نفسه لغرفته وهو يدور له ملابس عشان يغير ملابسه اللي كلها دم طلع له ملابس اي كلام وراح يغسل عن الدم وهو يرجف ودموع الصدمه ما وقفت غسل وجمع كل اغراضه وطلع وهو مربوك وخايف وير جف ومهره باقي طايحه مقتوله وغرقانه بدمها ابتعد بدر عن الفندق وهو يركض ويركض ويركض وهو خايف ركض بخوف ورجفه وبكى ضاع بشوارع دبي الكبيره الكل كانوا جايين سياحه ومبسوطين وهو ضايع اتجه للمطار وهو مو قادر يستوعب ويبكي بحرقه كيف تسوي اللي سوته فيه ومن متى وهي تخونه وقف بالمطار وجلس على اول كرسي واجهه حاول يستجمع نفسه وهدا وغسل وجهه واتجه للموظف يسأله عن موعد الطياره من دبي لرياض وكانت على حظه بتقلع بعد خمس دقايق وفيه مكان واحد فاضي ركض بدر بعد ما اكد حجزه وخلص وهو يبي يرجع لاهله وديرته مايبي شي غيرها طلع الطياره وهو خايف جلس وهو اول مره يحس انه ضايع جاء لدبي وهو كله ضيقه عشان شيخه ماسوت غدا ورجع منها قاتل ومغدور وانخان من الانسانه اللي حبها وعزها ورزها وستر عليها وخذل بنت عمه عشانها حط يدينه على راسه وهو يبكي بكى ألفت الانظار والكل صار يناظر فيه والاغلب توقع ان احد من اهله ميت وقربوا يواسونه وهو مو حولهم ابد ٠٠٠ عند علي اللي توجه لبيت بدر بعد ما فتح رسالة بدر اللي يقوله ان شيخه بالبيت ولا يخليها لحالها استغرب ليش شيخه ما دقت عليه وراح لبيتهم ٠٠ عند شيخه اللي صحت من النوم على لوعه وركضت للحمام ورجعت اكرمكم الله وطلعت وراحت لسرير وهي تبكي ما تحب هذا الشعور سمعت صوت الجرس وراحت وهي تعبانه وتبكي فتحت الباب وحصلت علي واقف علي اول ماشاف حالها ركض : شيخه وش فيك وش صاير معك ليش انتي كذا شيخه وهي تبكي: تعبانه بموت ي علي علي خاف : شيخه شفيك شيعورك شيخه:مدري مدري ركض علي وجاب عبايتها وساعدها تلبس واخذها للمستشفى دخلوا وعلى طول ابتدوا يعالجونها وبعد فحوصات وتعب وسيروم طلعوا علي وشيخه وكانوا ينتظرون بالاستراحه المقابله وشيخه مستنده على كتف علي وهو ماسك يدها وكل اللي بالاستراحه يناظرون فيهم شيخه: يمه ي علي فيني مغص علي: انتظري الحين تطلع النتايج ونشوف وش فيك طلعت السستر ونادت :شيخه سامي الحاكم شيخه قامت وعلي وهم يسمعون بنت تقول : ي حسرة كبدي طلع متزوج الثانيه: نفسي اشوف وجهها تستاهل والا لا طنشوهم ودخلوا جوا وردوا السلام وجلسوا الدكتور: شيخه شيخه: ايوه ابتدا الدكتور يسألها اسئله وهي تجواب وبعضها محرجه الدكتور : اوك النتايج جات وبنشوف الحين وش تشتكين منه علي وشيخه كانوا يراقبون الدكتور اللي ابتسم وهو يقول : اليوم اجل نبي بشاره علي: بشارة ايش ي دكتور الدكتور: مبروك زوجتك حامل اختفت ابتسامة علي اللي انصفع على وجهه ياما تمنى ذا الكلمه وتشفق وحلم فيها ياما حلم وحلم بس في النهايه حلم رجع ابتسم لما سمع صوت شيخه اللي شهقت وهو يداري جرحه وسره شيخه بدموع : علي سمعت سمعت علي بضحكه : هههههه سمعت سمعت مبروك ضمته شيخه وهي تضحك وتبكي بنفس الوقت مو مستوعبه انها تحمل طفل ببطنها عمرها ما تخيلت ابدا انها شيخه الطايشه تحمل ويصير في بطنها بزر علي اللي ضمها وهو فرحان لها فرحه مو طبيعيه وهو يبتسم وعيونه فيها دموع مسح دموعه قبل لا احد يشوفه وابتعد علي: شكرا ي دكتور وبشارتك هاذي هي (طلع علي ١٠٠٠ ومدها لدكتور) الدكتوربذهول : لا لا لا ما نقبل كذا لا مستحيل اقبلها اعتبرها وصلت انا قلت من باب المزح علي اصر وحلف والدكتور يحلف وبعد جهد وجهيد قبلها الدكتور وهو يقول : الله يوفقكم في حياتكم ويرزقكم بره ابتسم علي وهو يقول: امين لكن هاذي اختي الدكتور: ايش معليش وربي ابد مو باين ما لاحظت علي : معليك حصل خير ويعطيك العافيه طلعوا وشيخه تضحك وتمسح دموعها وعلي يقول بشويش وبشويش علي : حركااات والله وكبرتي ي شيخه عمري ما تخيلت انك بجد بجد تحملين شيخه: وجع وش شايفني علي : مو كذا. بس ما تفاجاأت ي الله الحين مافيه لعب وتحويس شيخه : لا ابعد عني خلني احتفظ بطفلي العزيز علي : ادعس ي عزيز ما عرفتك .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ⑤③ #نكمل_غدا_باذن_الله #انتظرونا_غدا_في_الاجـزاء_الاخيررة #اللهـم_صلي_على_سيدنا_محمد_ﷺ_وعلى_آل_سيدنا_محمد 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼