ياما تجرعت المراره عشانك - الفصل 34 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀:🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الـ④③🌱 🍒ـــــــــــــــــــــــــــــــــــــ🍒 عند طراد نزل وراح لابوه وامه وجلس :السلام عليكم ابو طراد: وعليكم السلام ام طراد: صباح الخير يمه طراد: صباح النور ابو طراد: وش عندك قول طراد: ما اجلس معكم الا عندي شي ابو طراد: لا بس باين طراد: زين بقول الدور اللي فوق ما تحتاجونه صح ابو طراد: لا ام طراد: لا طراد: كويس انا بغى اصلحه فوق كله ويصير دور كامل لي ولنجلا اذا ماعندكم مانع ابو طراد: اكيد ماعندنا مانع البيت لك طراد: الله يطول بعمرك بس انا مابي اطلع عنكم برا ابي اجلس عندكم ابو طراد: والله انها الساعه المباركه ام طراد:يا سعد اليوم اللي بتسكن انت ونجلا فيه عندنا طراد: الله يسعدك يمه انا مالي غناء عنكم ابد ولا الف حرمه يبعدوني عنكم ابو طراد: الله يوفقك طراد: يلا انا بتيسر ي دوب اجيب العمال ونبدا ٠٠٠ عند فواز اللي كان جالس عند اريام وصحت اريام اريام بتعب : فواز فواز : لبيه اريام: شفيني ليش هنا ليش بطني يوجعني فواز: اريام حبيبتي قولي لا اله الا الله اريام: شفيك فواز شصاير فواز بعد سكوت ماعرف كيف يقولها اريام: وش صار البيبي صار له شي فواز: اريام انتي تدرين من قبل ان الحمل ضعيف وانتي ماقدرتي تتحملينه وسقطتي اريام بكت: لا لا لا لااااااااااااا فواز تكفى لا هذا طفلي ابيه تكفى فواز لا تقوله ابيه انا حبيته تكفى فواز فواز ضمها وهو يهديها:اريام ي حبيبتي تكفين لا تسوين كذا ربي بيعوضنا ان شاء الله انتي اذكري الله لا تسوين كذا اريام كانت منهاره وتبكي وهي تتمسك بفواز وفواز مكسور خاطره عليها ٠ ٠ عند علي اللي صحى ولف يشوف البنات وشافهم غاطين بنوم وكل وحده مرميه بجهه قام وراح يتروش ويلبس وهو متكسر وطلع لدوامه وهو يدري ان ريم بتزعل اذا درت انه طلع وماصحاها ولا فطر طلع واتجه لشركه وهو يدق على طراد علي: طرطر وينك طراد: علي لا عاد تقول طرطر وربك انه ينرفز علي:هههههههعه ابشر نغيره طوري وش رايك طراد: مرررره يخق مالت عليك وعلى الدلع اللي تعرفه علي : ههههههه المهم وينك طراد: رايح لشركه وانت علي : بمر المحلات واجي لشركه طراد: زين نتقابل هناك الاني ابي اخذ رايك بشغله علي : زين يلا ٠٠٠٠ عند بدر اللي صحى بملل ولبس وجهز وهو نفسه ان شيخه جنبه اليوم استعد ونزل لدوامه قطع عليه اتصال مهره بدر: نعم مهره: بدر باقي زعلان علي بدر: وش تبين مهره بصوت خلا بدر يلين غصب عليه : افا ما اشتقت لي بدر حرام عليك شهرين ماشفتك والله وحشتني وحشني صوتك وشوفك بدر اللي غمض وهو مايبي ينجر معاها ابد بس غصب عليه انجر فالنهايه هو يحبها : مهره قولي وش تبين اتصلتي علي مهره: مابتزورني بدر: بشوف بشوف مهره: ابي وعد بدر: مهره قلت اشوف اقل من اسبوعين مقدر مهره: ايوه متهني مع المدام الجديده ونسيتني بدر :لا حول الله خلااااص خلااااااص ذبحتينا ذبحتينا سكر في وجهها وتركها تتصل ولا رد وراح للدوام وهو قرفان ومو رايق ٠٠ عند ام عمر اللي كانت تبكي والكل يواسيها اتصلت على اريام اللي كانت منهاره بشكل يفجع والكل خايف عليها اخذ ابو عمر الجوال من ام عمر: اريام اريام : يبه راح طفلي يبه ابو عمر: ي ابوي ي حبيبتي اذكري الله حرام اللي انتي تسوينه اريام: بس انا ابيه ابو عمر: بيرزقك ربي ي ابوي اذكري الله اريام سكتت وهي تذكر الله وسكرت فواز: اريام ي حبيبي خلاص ان شاء الله ربي يعوضنا خلاص اريام: ان شاء الله فواز: زين كلي عشان تقوين نفسك اريام: مالي نفس فواز:لا لا ضروري تاكلين عشان تتقوين يلا دخيلك بعد اصرار اكلت اريام وهي تبكيي وفواز يحاول يسكتها ٠ ٠ عند علي اللي دخل الشركه وقرر اليوم يلف عليها ويشوف كيف الشغل والموظفين كان يمشي بهيبته الطاغيه وهو جامد وكل واحد يمر عليه لازم يوقف من الخوف علي : ماجد كيف الشغل عندك ماجد: كويس طال عمرك بس يعني عندنا مشكله فالتصميم تبع شركة ..... علي: اش المشكله جلس ماجد يشرح له واعطاهم علي التعليمات في حلها قطع عليهم دخول طراد: السلام عليكم صباح الخير كيفكم ردوا على طراد وترك علي الاوراق وهو يكلم ماجد: سوي لي جدول عن ذا الشركه وابي دراسات كويسه لكل محل يحتاج تصميم وبعد ساعه في اجتماع سريع ابتعد علي وتوجه لطراد وسلم عليه وراحوا المكتب خالد: سبحان الله اموت واعرف كيف صاروا اصحاب ماجد : شف علي ذا حيد حتى السلام مايقدر الواحد يرده عليه خالد : ي رجل فالنهايه معه حق الشغل يبي له صرامه ماجد : ايه ماقلنا شي اقل شي يدخل بهدوء مو كانه داخل حرب .. خالد: طبيعي بيكون كذا شفيك انت شايف الشركه هاذي كلها بناها وتعب عليها وسهر وتمرمط عشانها تبيه بكل بساطه يدخل بشويش وتبيه يدخل مثل طراد اكيد لا هذولا ناس تعبوا على انفسهم مو مثلنا احنا اعمارنا ب٣٠ وباقي ناخد رواتب وديون وهم توهم٢٦ يصرفون امور شركات صاروا يأمر ون ما ينأمرون لولا ذا الصرامه والقوه مابنا ذا كله وخلا الناس تشتغل صح انت شفت طراد مسك الاداره شهرين خسفت الشركه خسوف فضيع عشان الضحك والمهيصه والاستئذانات لكن علي رجعها في خمسه ايام زي الالف ولا احد لف ولا دار ماجد : الله كريم ي رجل ٠٠٠ عند علي وطراد كانوا جالسين وصلهم الشاهي اخذوه علي : طراد وش فيك طراد : بيني وبينك خايف خايف حيل بعد علي نزل كوبه: خايف من ايش طراد: اخاف اعيد تجربه انا مابيها اخاف تتكرر نفس مشاكل وتخرب حياتي خايف حيل ارجع اعاني واتعب اخاف اواجه اصعب القرارت مع اللي احبهم علي فهم عليه وقام جنبه: طراد اصابعك ي اخوي ماهي سوى والسالفه صارت وانتهت هذا مايعني انك تسلم نفسك وتستسلم للخوف مو معناته انك بتعيد نفس التجربه تكلم طراد وهو خايف فعلا : اه ي علي اه كل ما اتذكر ينحرق صدري وربي علي ضمه : طراااد خلااااص انسى انتهت مر سنين عليها خلااص لا تخليها عقده في حياتك  ان شاء الله ما تعاني من جديد ان شاء الله تكفى طراد لا تتعب نفسك الله يخليك ماني مستعد افقدك طراد اصحى بأذن الله مايصير شي طراد تمسك بعلي وهو ماوده تضيع ثقه نجلا ولا يخسرها طراد: تدري ليش ماخطبت نجلا من اول ما حبيتها علي : لانك خايف انها تطلع مثل سمر طراد: ومازلت خايف والله حبيتها والله ما توقعتها منها طعتها وعصيت الكل علي : معذور ي طراد معذور ( طراد قبل تقريبا ٣ سنين حب وحده يقالها سمر تعلق فيها بشكل انه ماعنده مشكله يقتل عشانها كان صغير وهي اكبر منه اغوته وجرته معاها اصر انه يتزوجها وتزوجها فعلا واستغلت حبه لها وسحرته وخلته يطلع من بيت امه وابوه يبعد عنهم وصوته يعلا عليهم ويجلس ٦ شهور ما كلمهم ولا يدرون وينه حتى علي سحبت كل شي معه وفوق هذا خانته وقدام عينه ودور عليه علي لين حصله واخذه لشيخ وفكوا سحره ومن بعدها دخل طراد في حاله نفسيه ظلت معه سنه وهو حابس نفسه ومتأزم لدرجه ان ابوه قرر يدخله الصحه النفسيه بس علي رفض وقف معه لين طلعه وانقذه من اللي هو فيه ومن بعدها صاب طراد عقده وعشان كذا تردد ماخطب نجلا ..) سعود دخل : شعندهم احضان وحركات طراد ابتعد وهو يمسح دموعه : هلا سعود تعال سعود حس ان جوهم متوتر وحب يصرف نفسه : لا ي رجل وراي شغل بس بسألكم ما حصلتو بوكي هنا علي : لا والله اسال العمال اللي نظفوا سعود : زين يلا فمان لله علي : الله معك طلع سعود وتكلم بعدها طراد وشرح لعلي انه بيسكن مع امه وابوه وانه بيسوي فوق دور كامل لنجلا بمدخل مستقل عشان تاخذ راحتها طراد: تتوقع نجلا ترفض علي : مدري بس اكيد لا مستحيل ترفض واصلا ليش ترفض ما دامك مسوي لها دور ومستقل ونجلا ما تحب الوحده عشان كذا بتستانس انها مع امك وابوك طراد: اخاف ترفض علي : لا ما بترفض واذا تحب اكلمها انا وتسمع وترتاح ابشر طراد: ايه تكفى علي سحب جواله وهو متأكد ان نجلا ما بترفض حطه سبيكر وصلهم صوت نجلا اللي كله نوم: همممم طراد ابتسم و علي: نجيل قومي اصحي زين وكلميني نجلا : وش فيك علي : نجلا قومي مو وقتك خافت نجلا وجلست : شفيك صاير شي علي : لا بس انتي مصحصحه الحين نجلا : ايه علي : زين اسمعي كويس نجلا : اسمع علي : شوفي نجلا طراد قال قبل شوي انه بيشتري لكم بيت لحالكم وتسكنون لحالكم وش رايك نجلا : خير وشو صاحي والله ما اسكن لحالي علي : بس طراد معك نجلا : تستهبل علي طراد بيطلع بيروح يجي وانت تدري انا حتى غرفتي ما احب اقعد فيها لحالي وبعدين امه وابوه من بيسكن عندهم ومين بيجلس عندهم اكيد انه انجن يخليهم لمين علي: يعني انتي راضيه تسكنين مع اهله نجلا : في عقلك شي اكيد برضى الا بفرح وبتقطع انا مجنونه اجلس لحالي وبعدين حرام امه وابوه مالهم غيره يخليهم كذا مستحيل اذا بيخليهم يسكنون لحالهم من الحين اقولك يطلقني علي: بشويش ي مهبله وش تخربطين طلاق ايش نجلا : ايوه لو فيه خير مايرضى يخلي امه وابوه لحالهم وهم كبار بالسن تبي يصير لي خير منه علي : نجلا خلاص انقلعي وصلت الهرجه ولا بيسكن لحاله ولا شي بس حبينا نجس نبضك طسي يلا نجلا : عمى في عينك خرعتني بغيت اقول راح الرجال اللي انقذني من العنوسه علي وطراد انفجروا ضحك وانفجعت نجلا وسكرت الخط وهي تسب علي اللي ماقال ان طراد عنده وهي من طلقني لعنوسه علي : هاه ارتحت قام طراد بفرحه وضم علي : والله والله والله اني لو الف الدنيا ما احصل مثلكم. . علي وهو يضحك: هههههه اعطتك من الاخير وحطت الطلاق بوجهك طراد: هههههه انا ارتحت والله علي : تعال تعال ماقلت لك امس انتقمت لك مني طراد: وشو علي جلس يحكي لطراد وش سوت امس نجلا عشانه وابتسم طراد ووقف وراح لمكتبه وهو يدق عليها ردت نجلا وهي متفشله : الو طراد : يالبى الالو انا كيف الحلوه اليوم نجلا : تمام وانت طراد: مبسوط اكيد دامك معي نجلا : شو عم تساوي فايق بكير طراد: ههههه نجلا حبه حبه ي قليبي وانتي تعرفيني اخق على الحكي السوري بسرعه نجلا:ههههههه طراد : سمعت اللي قلتي لعلي انا من جد فخور فيك انا اليوم تأكدت فعلا اني حبيت بنت مافي مثلها لو تدرين شكثر فرحت ما تصدقين نجلا ابتسمت: لو قلت غير هالكلام معناته انت مافيني خير مستحيل ارضى بذا الشي اول شي عشان امك وابوك قبلي انا طراد: والله اني ماخبت لما اخترت نجلا ابتسمت: طراد هذا شي من فطرتنا اكيد اكيد بوافق اسكن معهم اكيد طراد ابتسم وهو يشرح لها شلون بيصلح الدور اللي فوق ويخليه مستقل فيها بس نجلا رفضت طراد: ليش نجلا : مابي ليش العزله طراد: عشان تاخذين راحتك اذا بيجيك ضيوف خاصين تستقبلينهم براحتك صاحبتك ريم وشيخه وهبالكم اكيد تبين شي لحالك نجلا : لا مابي ضيوفي هم ضيوف امك بعد ما بنعزل بأي شي دام لنا جناحنا الخاص خلاص مايحتاج شي كل شي موحد بيتنا ومطبخنا وكل شي موحد لا تسوي مدخل مستقل ولا تتعب نفسك وبعدين اذا قصدك عن شيخه وريم بنوسع صدر امك وامك اصلا شبابيه ولا بتضيق من الموضوع واذا مره حسيت ازعاج بنطلع فوق اما مسأله انك تبني وتخرب لا لا كله واحد انا ماهمني ومستحيل انعزل عن امك انا اصلا احبها واحب اسولف معاها طراد كان ساكت ويسمع مايبي يفوت كلمه كلامها فعلا كان بلسم لجروحه فرح حيل حيل لدرجة انه ما عرف يرد نجلا: طراد وين رحت طراد: مدري وش اقول انتي فعلا الجمتيني وسويتي لي معروف ما انساه نجلا: لا معروف ولا شي هذا واجب ويكفي اصلا انك تبتسم يابو الغمازات الحلوه ابتسم طراد وهو يضحك: قال علي انك انتقمتي لي نجلا:ههههههه انتقمت ايه بس هو بعد انتقم مني ٠٠٠ عند بدر اللي كان طفشاااان بكل ما تعنيه الكلمه ومقفله اخلاقه نايف : افااا ي عريس شبلاك مطنقر بدر : ابد مصدع نايف وهو يغمز: اجل ما نمت زين البارح بدر ابتسم: لا مو كذا بس تعودت على الرباده والنوم لين العصر نايف :هههههه تساهيل تساهيل ودام المدير مب فيه قوم روح لبيتك وانت بغطي مكانك بدر: لا ي رجل نايف : لا تعترض وروح يلا ابتسم بدر اللي فعلا محتاج يروح لشيخه وقام بعد اصرار نايف وراح ركب واتجه لشركه بيمر علي وبعدها يروح معاه لبيته ٠٠٠ عند اريام اللي كانت منسدحه بالغرفه وطول الوقت تبكي فواز: اريام خلاص تكفين والله والله قلبي يتقطع عليك والله اريام: حلمت فيه كثير ي فواز فواز: اريام الدنيا ما وقفت بكره ربي بيرزقنا بغيره ونجيبه ونربيه ونستانس فيه اريام : اخاف معاد احمل فواز: لا تطمني الدكتور طمنا وانتي تدرين وقال كل شي كويس وتقدرين تجيبين بدل الواحد عشره اريام ضمت فواز وهي تمسح دموعها بحسره على طفلها ٠٠٠ عند ريم اللي صحت ع الساعه ١١ وحصلت نجلا صاحيه وتكلم طرااد تركتها وراحت ترتب وتصلح فطور وتنظف البيت من الحوسه اللي امس وشيخه نايمه وداخله جو ولا تحس بالدنيا عند نجلا سكرت من طراد وراحت لريم نجلا : صباحو ريم: صباح الخير وش مصحيك نجلا : اسكتي صارت معي قصه بقولك الحين ريم :وشو قالت نجلا كل اللي صار معها وكلام طراد انه بيسكن عند اهله ريم: براڤو عليك تدرين لو قلتي غيره ممكن انهي صداقتي معك نجلا : انهبلتي اكيد ما بقول غيره ريم : والله مسكين اكيد جات له عقده من بعد هاذيك اللي تزوجها نجلا : تصدقين خايفه من ذا الشغله ريم: لا تخافين طراد يحبك ولا تحاولين تفتحين سيرتها معه انسي السالفه وانتي تدرين شصار له  بسببها نجلا: لا مابفتحها كملوا شغل مع بعض وهم يسولفون ٠٠٠ عند علي كان في اجتماع وقطع عليه رسالة ريم اللي تهدده فيه ( علي ليش ما فطرت او صحيتني اصلح لك فطور كم مره اقولك لا تطلع من دونه ليش ما تسمع الكلام طيب ي علي لا تكلمني زعلانه عليك) ابتسم علي على اسلوبها وسكر الجوال والكل يناظر فيه مستغرب الابتسامه حتى طراد كمل الاجتماع وهو باقي مبتسم ٠ خلص الاجتماع وطلعوا وجاء طراد: خير وش فيك علي: ابد اضحك من ريم طراد: كالعاده هواش على الفطور علي :هههههه ايه طراد: الحمدلله والشكر ي شيخ افطر ذبحت قلبها ذا المسكينه كل صباح وهي تهاوش فيك علي : ي طراد تعرفني ما احب الفطور ما احب افطر طراد: خليك لين يجيك السكري والا عله وقول ما افطرً علي : اذكر الله بدر: السلام عليكم علي وطراد: وعليكم السلام علي : حي الله العريس اللي نام لحاله امس هاه ما اكلتك العجوزه طراد: هههه يمه منك توك مالك شهر امداك تستوحش بدر: بسم الله الرحمن الرحيم خلوني اخذ نفس طيب علي: خذ نفس ي اخوي طراد: خير اي رياح رمتك هنا بدر: ابد جيت اسلم عليكم وشبك طراد معه يغني وعلي يدق ع المكتب : يفرح القلب فيكم انتم اغلى الحبايب جيت اسلم عليكم بدر: الحمدلله والشكر الله يعطني روقانكم مع الصبح  بعدين شذا الاغاني القديمه شخباري ساريه سواس علي : المهم انها نفس الكلمه طراد: صادق يالبومه ي نفسيه ي عدو الروقان بدر: ريحونا بس واطلبوا لنا كبده نطب فيها شوي طراد: اي والله وقتها هات هات خليني ادق عليهم دق طراد وطلب ورجع الجوال وبعد شوي وصلت وهجموا كلهم عليها وخلصوا الصحون كلها علي : ي سلاااام من زمان والله بدر: قسم بالله مسكت معي في فرنسا طقت نفسي عليها يمه كنت بموت عليها طراد: والله عليه نفس في الطبخ مجنون بدر: اقولك علي ترا بروح معك البيت علي : باقي بدري تونا ١١ بدر: ايه اقولك يعني طراد: وانا بعد بجي معكم احسبوا حسابي فالغدا علي: باقي بتتغدا بعد هذا الطفح طراد: مالك شغل احسب حسابي وبس علي : زين ٠٠٠ عند ريم وصلت لها رساله من علي ان بدر وطراد بيجون يتغدون عندهم وركض هي ونجلا طبخ وترتيب وشيخه مو راضيه تقوم ابدا تركوها يجي بدر يتصرف معها ٠٠٠ عند عمر اللي كان جاي بيت ابوه وشاف عبيد جالس ورا السور واستغرب وراح اول ماقرب شاف شي في يده بس ما عرف ايش وقرب وشاف زقاره : عبيد وش ذا عبيد رماها من يده وهو خايف : اول مره والله اول مره تكفى عمر لا تقول لابوي عمر مسكه من اذنه: وش اللي لا اقول مجنون انت تشوف الموت وتروح له عبيد: انا قلت بجرب والله اسف والله عمر ضربه : امش قدامي والله والله لاقول لابوي قال اجرب اخذه عمر وهو يهاوشه ويهدده يقول لابوه وعبيد يترجاه دخل البيت وهو ينادي على ابوه ابو عمر: خير ي عمر شفيك عمر: شوف شوف الحمار هذا شمسوي عبيد: يبه والله اول مره ابو عمر: شصاير عمر: جالس يدخن ورا السور ويقول اول مره ابو عمر: ايش عبيد :والله اسف يبه ابو عمر عصب بشكل يخوف وسحبه وضربه وحلف لو يعيدها ليموته ورماه بغرفته وحبسه .. ابو عمر: لا ان شاء الله تبيني اقول وش سويت ي بابا واطبطب عليه باقي يصير زي علي وبدر ويموت مثلهم ام عمر: اي كان نصحتوه ابو عمر: وخري بس واتركيني لحالي عمر : يبه تعوذ من ابليس ابو عمر: ماهو ابليس دخل بيتي وخلص ولعب بعقولهم سكت عمر وانسحب بهدوء وهو يشوف ابوه معصب ٠٠٠ عند علي وطراد وبدر طلعوا الساعه ١ وراحوا لبيت علي دخلوا المجلس وراح علي يبدل وينادي شيخه لبدر ونجلا لطراد علي : ريم ريم لفت عنه وهي مسويه زعلانه ابتسم علي وهو يكلم نجلا : وين شيخه نجلا : نايمه علي : زين روحي لبدر وخليه يروح لها وانتي روحي لطراد يستناك بالمجلس ريم راحت لغرفة الملابس وهي تطلع له ملابسه وتحطها على جنب وجلست بزعل قرب علي منها وهو يضحك على زعلها اللي باين انه تمثيل سحبها وقفها وهو يضمها : افا والله اجي ولا تستقبليني ولا تضميني ولا حتى تبوسيني وفوق هذا زعلانه ريم: بعد انت تعرف ليش علي : طيب انا قلت لك ما احب افطر ريم : تبي تمرض اقل شي لو توسته وحليب ابتسم علي : اوك افطر بس بعد ساعه لاني ما احب اكل اول ما اصحى خلاص عاد شذا الزعل ريم : اسامحك بشرط علي : وشو ريم: تنسى الانتقام اللي امس الاربعه كلها علي سحب على كلامها وهو مستحيل ما ينتقم ٠٠٠ عند بدر اللي دخل عند شيخه وحصلها كعادتها نايمه وهي كانها مرميه قرب وهو يبتسم على شكلها وجلس جنبها ونزل راسه جنب اذنها : شيخه شيوخ ي شيخه شيخه:همممم بدر: يلا اصحي ما وحشتك شيخه كانت تحسبه حلم وضمت بدر : الا وحشتني حيل ماقدرت انام بدونك بدر استغرب كلامها طول الشهر اللي فات ماقالت له كذا ولا حتى تجرأت وضمته او مسكت يده اليوم صارت كلها ابتسم وهو يضمها بعد : حتى انا اصلا ما نمت ولا قدرت اداوم وانا ماشفتك ولا سمعت صوتك شيخه فتحت بقوه وهي مفجوعه تحسست بدر واول ماحسته حقيقه صرخت وانجلع بدر وابتعد : شفيك شيخه : من متى انت هنا بدر: من زمان شفيك شيخه :شقلت انا بدر عرف انها كانت نايمه ولا انتبهت وبدا يكذب : يوه ي شيخه وش بقيتي انا ما توقعتك كذا يوم واحد بعيد عني سوا فيك كذا لا لا صراحه لو داري ما اخليك تروحين زين انك صحيتي قبل تجيبين العيد وتفشلينا في علي شيخه فزت: في ذمتك شسويت شقلت بدر: مقدر والله اقولها مره يعني صعبه لدرجة اني مقدر اقولها استحي معليش شيخه لطمت خدها وهي خايفه فعلا انها خارتها وجابت العيد تغطت باللحاف وهي منحرجه وتفكر وش قالت بدر انفجر ضحك على شكلها وهو يسحب اللحاف : امزح عليك ما قلتي ولا شي ولا سويتي شي غير انك ضميتيني وقلتي وحشتني بس شيخه : في ذمتك بدر: والله شيخه : انقلع ي دب والله خفت اني جبت العيد بدر وهو مقطب حواجبه : شيخه وش اللي في خدك شيخه: من علي شفت كيف بدر: كيف من علي شيخه :امس ...وبدت تحكي له وش صار وضحك بدر عليهم وعلى جنانهم بدر:زين قومي البسي عشان انتقم لك من علي الحين شيخه: قومني طيب سحبها بدر وقومها بسرعه وصقعت فيه شيخه :اي بدر اوجعتني بدر: بسم الله عليك اسف اسف شيخه: تساهيل ماعليك ٠٠٠ اما طراد اللي اول ماشاف نجلا وهو مايدري وش يقول لها بعد اللي قالته طراد: والله ما جيت الا عشانك والله نجلا انحرجت ؛ دخل علي اللي قطع عليهم: هاه عسى قضيتوا طراد: احد يعرفك ويعرف القضا علي : والله عطيتكم وقت انا طراد: مالت على وقتك ي شيخ نجلا طلعت وهي منحرجه من سوالف اللي كل واحد اجراء من الثاني ٠٠٠ عند ريم وشيخه كانوا جالسين يتقهوون ويضحكون نجلا : ياخي وربي هذولا فيهم جراءه ماهي طبيعيه شيخه: ليه نجلا : ي اختي علي وطراد كل واحد اجرأ من الثاني شيخه: يوه ما جبتي شي جديد قاطعهم اتصال نوره على نجلا : هلا نوره نوره : كيفك نجلا : تمام نوره: وينك نجلا : عند علي بت نا عنده انا وشيخه امس نوره: اها زين حاولي تستعجلين وتروحين لامي نجلا : شفيها امي نوره: مافيها شي بس اريام سقطت نجلا : ايش شتقولين انتي لااا ريم: نجلا شفيك نجلا : نوره قولي غير هذا الكلام نوره: اذكري الله ي نجلا اشبك هذا قدر ربي نجلا ببكي : يالله كيف بتتحمل نوره: شفيك انتي الحمدلله ما تعلقت فيه اكثر وبعدين الله بيرزقها روحي انتي لامي انا العصر بجي نجلا : طيب ٠٠٠ عند علي وطراد وبدر كانوا ماسكين علي وبدر يحلف يطفي الزقاره بخده عشان معاد يشوه شيخه وطراد مكتفه علي: بدر ي حمار حرق لا بدر: لا حرق عشان تتوب طراد: وطفي وحده بعد في جبينه عشان الغسول على نجلا علي : افا ي طراد افا بدر شغل الزقاره وعلي يحاول يتخلص من طراد وفجاءه هرب من يد طراد وهو يصرخ وطراد وبدر وراه بس دخل عند البنات ولا قدروا يمسكونه سكر علي الباب بقوه وهو يضحك لف للبنات وحصل كل وحده بجهه وجهها غرقاان دموع اختفت ضحكته وراح لهم: نجلاا شفيك ..شيخه ريم وش فيه نجلا ببكى: اريام سقطت البيبي نزل الخبر على علي مثل حد السيف تأثر لانه مايبي احد يخسر طفله وفرحته فيه مايبي احد يذوق طعم حرمان الطفل هو يعرف ذا الاحساس زين مايبي احد يحزن ويتعب غمض عيونه بقوه وهو يحاول يهدي طول عمره يفرح لاي احد زوجته حامل او بيجي له طفل ويتحمس معهم ويتأثر اذا احد فقد طفله جلس بهدوء على الكرسي : متى صار نجلا: امس الليل علي: كيف اريام نجلا : منهاره قام علي وطلع وهو يداري دموعه من جد انقهر انقهر وهو ماله دخل لانه حاس قد ايش نعمه الاطفال حلوه وكبيره انقهر حط نفسه في مكانهم وماقدر يتحمل اتجه للمجلس وملامحه شاااحبه بدر وطراد نطو عليه عبالهم مقلب بس تركه طراد لما حس وجهه جد مقلوب طراد: علي شفيك علي كان وجهه باهت وزي المفجوع بدر: علي ي ويلك يكون مقلب علي جلس بهدوء : اريام سقطت طراد: وشو بدر: لا حول ولا قوة الا بالله متى هذا الكلام علي : امس بدر: واريام كيفها علي : يقولون منهاره طراد: من قاالك علي : نجلا سكتوا وابتعدوا عن بعض وهم مفجوعين من الخبر بدر: خلنا ندق عليها علي وهو يصد: زين طراد خبط على كتف علي وهو يدري انه يكره مثل هالاخبار ولا يحبها بالذات اذا كانت متعلقه بالاطفال بدر: الو اريام اريام اللي ردت ببكى: بدر بدر ضاق من صوتها: الحمدلله على سلامتك ي عيني معوضه خير بأذن الله اريام : راح بسرعه ي بدر بدر : اريام حرام اللي تقولينه الله اللي عطى والله اللي اخذ وبعدين ما تدرين وش الخيره فالموضوع اريام: الحمدلله بدر: خذي علي يبي يكلمك علي : اريام حبيبي اريام : هلا علي علي اللي لا شعوريا امتلت عيونه دموع وتغير صوته: الحمدلله ع السلامه وعوضك بالجنه ان شاء الله اريام بكت : الحمدلله على كل حال والله تمنيت اشوفه اضمه واحمله بحضني علي صد عنهم وهو يمسح دموعه: ماعليه ي حبيبي احمدي ربك على هالنعمه واحمدي ربك انه عطاك فرصه وحملتي وان شاء الله بتجيبين غيره عشره مو واحد احمدي ربك غيرك محروم الحمدلله ي اريام ما صار لك شي وبكره يعوضك ربي غيره احمدي ربك ولا تجزعين اريام هدت بعد كلام علي وهي تحمد ربي بدر اخذ الجوال لما حس علي خلاص : اريام كلي كويس وتغذي اريام: طيب بدر: فواز جنبك اعطيني اياه اريام: خذ فواز: هلا بدر بدر: معوض خير ي فواز فواز: جزاك الله خير كيفك بدر: الحمدلله لا تضيق ولا تزعل عوضك بالجنه بأذن الله فواز: الحمدلله .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ④③ 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼