الفصل 33
عالم القصص والروايات 📚:
🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ③③🌱
🍒ـــــــــــــــــــــــــــــــــــــ🍒
عند علي وطراد اللي شربوا شاهيهم وتوسعت صدورهم وبدت فصلتهم شال طراد الحلزونه اللي ع الشجر وهو يدري علي مايطيقها ودخلها بظهر علي اللي انقلب قلبه مو طبيعيه وهو ينقز ونزل ثوبه ونزل الفنيله وطاحت الحلزونه وواول ماشافها صااابه غثيااان وركض ورا طراد اللي انحاش وهو يصفق ويضحك ركض علي باتجاه الدجاج الموجوده واخذ بيضتين منها وركض ورا طراد اللي اول ماشاف البيض. انجلط ويصارخ ويتخبى ورا العمال بس مافيه فايده علي ناويه ناويه طاح طراد ونط علي فوقه وضرب البيضه في راسه وانفقعت على طراد وهو يصارخ ونزلت على شعره وعيونه واخذ الثانيه ودخلها بظهره وطيحه عليها وانفقعت بظهره
طراد: يع حسبي الله بيض بيض هذا بيض دجاج
علي :ههههه ادري انه بيض دجاج
طراد: يعععععععععععع وش اسوي بنفسي الحين
علي وهو يضحك: طب بالمسبح
طراد لمعت في راسه فكره ونط على علي وسحبه سحب ورماه في المسبح وسحبه علي معاه وطاحوا كلهم بالمسبح وطلع علي ركض وراح جاب المطهر داك وكبه على طراد اللي صرخ صرخه زلزلت المزرعه وطلع وهو يتحلف ويتوعد بعلي وراح ركض وكانت في حظيرة بقر وغنم حصل واحد من العمال يحلب البقره وركض سحب منه السطل وراح لعلي اللي كان طايح يضحك ولا حس الا بالشي الحاار اللي انكب عليه ناظر نفسه وشم الريحه ولاعت نفسه وجلس يزوع
طراد: تستاااااهل احسسسسن احسسسسسسن
علي: طيب ي طراد والله والله لبكيك اصبر طيب والله لوريك
راح طراد بيتروش وهو يضحك وعلي دخل يتروش وهو يدعي على طراد وكل واحد منهم ريحته تجيب الدوخه
٠٠٠
عند ريم كانت محتاره وخايفه ان علي ماعاد يثق فيها وبيتغير عليها ونجلا اللي تدق على طراد ما يرد
نجلا : ريم طراد مايرد
ريم : وش دخلني بطراد انا
نجلا: من الصباح مختفي لا دق ولا اتصل
ريم: علي رايح المزرعه يقول عندهم مشاكل بالشركه وماحلوها
نجلا : مشاكل ايش
ريم: مدري يقول في التصاميم والاشياء الداخليه
نجلا : يالله اكيد انه الحين ذابح نفسه شغل
ريم: تتوقعين علي بيخسر ثقته فيني
نجلا: دامه سامحك اكيد انه ما خسر ثقته فيك
ريم: ياليت
نجلا: تعالي ننزل نسوي اي شي بديت امل ورب البيت
ريم: يلا
٠٠
بعد المغرب رجعوا طراد وعلي ونسوا اش صار في المزرعه وكل واحد على سياره ويتسابقون بسرعه مو طبيعيه
طراد نزل الشباك: علي مهزوم ي علوش ارتاح
علي رد بصراخ: مو انت اللي تهزمني هههههههههه
ابتدا التحدي بينهم وكل واحد بيسبق الثاني الين مسكتهم الشرطه وصكت كل واحد بغرامه تكسر الظهر
طراد: كله منك ي ابو نص شعر
علي : انا والا انت
كملوا طريقهم وهم يضحكون
٠٠٠
عند بدر وشيخه وصلوا وهم تعبانين اخذوا تاكسي وراحوا للهوتيل شيخه رمت نفسها بتعب وبدر طاح جنبها
جلست شيخه وراحت للحمام اخذت دش سريع ورجعت نامت
بدر: ماشاء الله شذا النوم
شيخه: بدر وخر خليني انام مالي حيل
بدر: من يوم اقلعنا لين وصلنا وانتي نايمه باقي بتنامين الحين
شيخه ماردت وغطت بنوم قام بدر واخذ له دش وفتح جواله حصل مهره محرقه جواله احراق رسايل واتصالات اشكال الالوان
ابتعد عن شيخه وراح برا وهو يدق على مهره
بدر؛ الو
مهره ؛ خير توك ترد ي عريس
بدر: مهره قصري حسك وانا قلت لك لا تدقين من وين تفهمين
مهره: بدق وبدق وبدق واذا اضطر الامر ادق عليها هي بعد
بدر: اذا فيك خير جربي
مهره : تهددني
بدر: افهمي زي ما تحبين لكن شيخه ابعدي عنها
سكر في وجهها وهو بدا ينقرف منها ومن تصرفاتها رجع لشيخه ونام جنبها وهو يوعد نفسه يحبها
٠٠٠
عند البنات دخل عليهم علي وهو يضحك ومروق سلم وجلس جنب ريم
نجلا : سبحانه مغير الاحوال
ريم: روقت
علي : اووه الحمدلله
ام عمر: شو ياللي رجع لك رواقك
علي جلس وهو يضحك وجلس يعلمهم وش صار وش سوى طراد فيه وكيف ردها
ريم: وعوه ي مزحكم ثقيل
نجلا : بيض عاااد وحليب بقر
ام عمر: يييييي ييييي ييييي شو هاد اللي عاملينوه ببعض
علي :والله اني كنت عاقل هو اللي بدا
نجلا : وعوه كل حركه اقوى من الثانيه
ريم: وليش كبيت عليه المطهر
علي: عشان ينظف من ريحة البيض
نجلا : ربي لا يرميني بيدينكم
علي: والله ما جربتيها كيف تجي مع الصراخ ينبرد قلبك جد
ريم : والله فلتكم مدري كيف
علي : اااخ ي ليت شيخه فيه عشان اكمل معها هنا
نجلا : عاد شيخه على جوكم
علي : انسانه تعرف كيف تفلها مو مثلكم
٠٠٠
اما طراد اللي وصل البيت وهو ماسك خط ضحك
ام مصعب : ايوه راح يتضحك مع علي واحنا الضرب لعيالنا
طراد: لا حول الله ي خاله عيالك ماقصروا فينا لا نوم زي النوم والاغراض تتكسر وتنرمي وتبينا نتضحك معاهم
ام طراد: طراد رد زين على خالتك
طراد: اصلاً بريحكم واطلع انام
مصعب : نوم الظالم عباده ..
طنشه طراد اللي طلع وحصل الغرفه مرتبه فيه فيها تكسير وحالتها مزريه وعطوراته مافيه ولا واحد
منها سحب جواله وشاف اتصالات نجلا ورسايلها ابتسم ورجع اتصل عليها
طراد: الو
علي : اهلاً
طراد: ي ليل ابو نشبه انت هنا بعد
علي : ايه فضحتك وقلت لنجلا عن هزيمتك
طراد: هزيمة ايش ي ابوي انا اللي هزمتك وبحليب بقر
علي: ي شيخ كيف تحس نفسك نظيف( قصده ع المطهر)
طراد: اقلب وجهك وعطني نجلا
علي : معليش
طراد: ي بزر اعطيها الجوال
علي: بعيطها بعطيها مو عشانك عشانها جالسه تضحك على اسمك ي طرطر
طراد: الله يفشلك
اعطى علي الجوال نجلا بس ماقدرت ترد من الضحك وطراد صار يضحك على ضحكها وبعد شوي هدت
نجلا بضحكه: طرطر
طراد:ههههه ي بعد عيون طرطر
نجلا انفجرت:هههههه الاسم متعوب عليه ماعاد بناديك الا هو
طراد: هههههههه حسبي الله ونعم الوكيل فوق شين اسمي تشينونه
نجلا : اامزح امزح ههههه شهالبطولات ي معلم حليب البقر
طراد: هههههه والله خوش انتقام
كملوا سوالف وهم يضحكون
٠٠
عند ريم اللي لحقت علي فوق وحصلته جالس يتروش من جديد انتظرته الين طلع
ريم : نعيما
علي : ينعم عليك .. جلس علي وهو متفكك تعب : ريم تكفين تعالي جففي ومشطي شعري
ابتسمت ريم وقربت اخذت المنشفه وصارت تجفف شعره
علي : وش فيك قولي
ريم: ماعندي شي
علي : في فمك كلام قوليه
ريم : باقي زعلان
علي: ازعل من ايش
ريم: يعني سالفة شيخه
علي: يوه ي ريم معاد نسيتيها خلاص والله نسيتها ولا بزعل منها بس قلت شوي مشاكل بالشركه
ريم: انا بس خفت ان صار في قلبك شي علي
علي: صاحيه انتي انتي قلبي كيف بيصير فيه شي عليك
ريم ابتسمت ووقفت
علي : بنام اليوم هنا اوك
ريم : اوك
٠٠٠
من بكره عند شيخه وبدر اللي صحوا من بدري وطلعوا يتمشون وهم فرحانين ومستانسين ببعض وبدر يحاول قد مايقدر يسعد شيخه ولا يضايقها وشيخه مو مصدقه كل هالسعاده اللي عايشتها مع بدر كانوا يتمشون في كولمار بالقوارب وكان المنظر جميل بشكل
بدر: هاه شرايك
شيخه: ما توقعتها كذا وربي جميله
بدر: فيها طبيعه جميله
شيخه: كم مره جيتها
بدر: مره مع علي وطراد اللي من هبالهم الورد هذا كل نتفوه وهم يلعبون
شيخه : الله يسعد علي
بدر: فاقدته
شيخه: حيل احسه نصفي الثاني نفسي بكل شي استانس معه كثير
ظلت شيخه تحكي لبدر عن مغامراتها مع علي وبدر صوت ضحكه معبي الدنيا من هبالهم
٠٠٠
عند فواز واريام اللي كانوا طايرين بالحمل وماكان فواز يخلي اريام تشتغل او تشيل اي شي هو يسوي كل شي عنها رجعوا لامريكا وابتدا وحم اريام اللي طلع عيون فواز اللي كان ميت عليها وعلى الطفل اللي بيجي منها
٠٠٠
بعد شهر الاوضاع كانت تمام علي وريم حلوين مع بعض وباقي علي يتعالج ويدعي ربي يرزقه بطفل
ونجلا وطراد اللي كل يوم يكبر حبهم لبعض ومستانسين على بعض
اريام وفواز اللي كانو يراقبون نمو الطفل وهم فرحانين
اما راكان اللي قرر يخطب ويتزوج بنت حلال يسترها وتستره وزواجه بعد شهر
اما شيخه وبدر اللي رجعوا من كولمار بعد ماقضوا احلى الايام واستانسوا فيها بشكل وزاد حب شيخه لبدر وبدر تعود على جنان شيخه الحلو اللي يغير له روتين حياته كان علي بأستقبالهم وهو مشتاق لهم الاثنين ضم بدر وهو يسلم عليه وابتعد وتوجه لشيخه اللي ضمته بقوه
علي :وحشتوني الله يلعن ابليسكم
بدر : انت اكثر وربي كيفكم وش مسوين
علي. : كلنا بخير انت كيفك كيف شيوخه
شيخه: يمه ي علي اشتقت لكم حيل كلكم ما توقعت كذا بشتاق
علي :هههههه توقعي توقعي ي سعد ذا الطله
مشوا من المطار وهم متوجهين لبيت ابو ناصر اللي كانت الجمعه عنده الكل كان يستناهم وفرحان برجعتهم وفاقدين شيخه ولقافتها وضحكها وهبالها
علي اللي كان يدقدق بوري من اول الحاره والكل طلع برا يستقبلونهم
عمر يقلد امه؛ اووويها اسم الله عليكن
العيال بضحك: اووييييها
عمر: عين الله عليكن
العيال وهم متفجرين ضحك ومتحمسين: اوويها
عمر:عين الحسود بتعمى
العيال: اويها
عمر: اللي ماتسمي عليكن كللللللللللووشششس
الكل قام يصارخ ويضحك ودخلوا جوا وابتدوا يسلمون بحماس مو طبيعي
نجلا اللي ركضت لبدر وضمته: وحشتنا ي دب
بدر: وانتي اكثر ي نجيل كيفك وش مسويه
نجلا :تمام
الكل كانوا مبسوطين وفرحانين
علي : بتنازل مني وتواضع في هاذه المناسبه الشيقه بصب القهوه اليوم
عبيد: ايييييوه ي كبييييير الله عليييك
علي : ولا تحسب انك طالع منها وراي بالفناجيل
عبيد: يووووه
طراد: اجلس اجلس اجلس اما اللحقه فيها
ابو عمر:من اللي داعي لنا اليوم
ابو طراد: سبحانك ي رب
الكل كانوا مستغربين ان علي وطراد يصبون القهوه
نجلا : شيخه من جد بيت عمي بدونك دمار
شيخه : ادري
ريم : والله ياعلي يتحسر ويتوجد عليك بيموت من الطفش المسكين ..
شيخه: بي عنه وربي هو اللي يسليني انا بالقوه اقنع بدر هناك يلعب ويتحرك
نجلا: ماحصلتي الا بدر
شيخه: اسكتي بس قولولي اخباركم
جلسو البنات يسولفون لها كل شي صار معهم
اما علي اللي كان يسولف ويضحك مع بدر وهو يشوف انه مبسوط وانبسط معاه
طراد: طفوا المكيف تكفون تجمدت
علي: بسم الله عليك ي طرطر
الكل انفجر ضحك على اسم طراد
طراد:
علي ابلع العافيه احسن لك لا تخليني افتري فيك
علي : شبلاااك ندلعك
ابو طراد: ههههههههههه ي شين الدلع ي علي
علي : اسمه الشين مو الدلع
ابو عمر: اها بس لا احد يغلط على طراد
طراد : يمه اخيرا احد دافع عني
ابوعمر: انا دوم ادافع عنك
طراد وهو يغمز لابو عمر: ايه انت شزينك بس لو ترفع الحظر اللي مسويه تصير قمه
ابو عمر: اي حظر
طراد: حظر الزواج والا نسيت ايييه ينسى الضارب ماينسى المضروب
من بعد كلام طراد طاحوا كلهم من الضحك
علي : ههههه حظر وضارب ومضرووب ي عزتي لك ي صديقي
طراد: والله خلاص يعني
ابو عمر اللي كان حاط شماغه على وجهه ويضحك
عمر: ههههه بي عن وجهه قد هي فاضت نفسه
طراد: ههههههه والله اني صادق سته شهور صعبه
ابو عمر وقف ضحك بالقوه: دامك متأزم لذا الدرجه رفعناه عنك
نط طراد لا شعوريا : ايوه كذا
الكل يضحك على حماسه الفضيع ونجلا انفشلت واستحت خصوصا الكل يناظرها حتى طراد
بعد الضحك والسوالف حضروا العشاء وتعشوا كلهم وراحوا لبيتوهم
علي : شيخه تعالي روحي معنا لبيتنا
بدر: وش تروح على كيفك بنروح للبيت
علي : انا ما كلمك اكلم شيخه
شيخه : اي والله حتى انا اشتقت لكم
بدر : معليش ي دوب نرجع نرتب اغراضنا
علي : رتب لحالك شيخه بتروح معي
نجلا: وانا بعد بجي
علي: يلا اكتملت شلتي لو سمحت لا تخرب
شيخه : تكفى بدر بروح معاهم وحشوني
بدر ابتسم وطالع وهو مقطب حواجبه : وتخليني لحالي
علي ونجلا صرخوا وسكر علي اذان شيخه ونجلا سكرت عيونها عشان ماتتأثر وتروح معاه
علي : معليش يالغدار ارجع اليوم لايام العزوبيه
نجلا: ايه روح غرفتك فاضيه نام فيها
سحب علي شيخه وركبها بالسياره وركبت نجلا وريم ودعسوا وخلوا بدر اللي صعب عليه يروح لحاله تعود عليها كيف بيسوي
٠٠٠
في سيارة علي الكل متحمس ومستانس
شيخه: يوه خساره بدر بيجلس لحاله الحين
علي وريم ونجلا كلهم لفو عليها وعيونهم طايره: وش عندها الحبيبه هااااه وش عندها
شيخه:مو عن كذا بس حرام ما عنده احد
علي: لا لا ماعليك يروح لاصحابه ينام يسوي اي شي مابيجلس كذا طول عمره لحاله اليوم وقفت يعني
ريم: اشوفك نسيتينا عشاانه
شيخه: مانسيت ي اغبياء بس بالله عليك لو اقول اتركي علي لحاله تتركينه
علي: ايه عادي
ريم: ايوه
شيخه: والله انكم نصابين يالاثنين
نجلا : علي بالله وقف عند سوبر ماركت والله مشتهين شي باااارد
ريم: اي والله
علي: بشرط
نجلا : وشو
علي: ولا وحده تروح جهة الدجاج لو تموت
شيخه : ههههههه انت جنيت على نفسك وذكرتني
علي : والله والله والله لو تجبينها لاكبها فوق راسك
شيخه: طيب ي علي تتحدا يعني
علي: هيا والله ما تنزلين
شيخه: والله لنزل
نزل علي وقفل الابواب وفتحت شيخه ونزلت هيا والبنات وراحوا لسوبر وعلي جوا ما درا عنهم حاسب علي ورجع بس ما حصل احد دخل الاغراض وراح يشوف وين المخبلات هذول اول مادخل شاف شيخه تأشر وهي عند المحاسب ومعها ٤ عربات محمللللله من كل شي واغلبها دجاج ومشتقاته انجلط علي عند الباب ورجع لسياره وتركهم وهو يتحلف بشيخه
عند شيخه اللي كانت تفتش شنطتها ولا حصلت معاها فلوس الا الفرنسيه تورطت وريم ما معاها شي ونجلا معها ١٠٠ بس
شيخه: الله يشله
ريم: انتي شفتيه شافنا اكيد
شيخه: ايه الله يصيبه
نجلا : لا تدعين ي خبله
شيخه: الحين كيف ناخذها
ريم: انتي اصلا ما تبين ذا كله بس مجاكره
شيخه : دقي عليه خليه يجي
ريم دقت ومارد عليها والناس وراهم بيحاسبون والمحاسب يطلب الفلوس
شيخه: اسفين اخوي مانبيها خلاص
المحاسب : وليش جمعتيها
شيخه: اكتشفت ان مامعي غير فلوس فرنسيه ولا عاد نبي اغراضكم خلاص ولا تجلس تنافخ
نجلا سحبت شيخه وطلعتها وطلعت وهم يسمعون حلطمة الناس والمحاسب رواحوا لسياره وحصلوا علي ميت ضحك عليهم وهو شاف اللي صار لهم
علي: ههههههه اتعب ي فلوس فرنسيه
شيخه حذفته بالشنطه: جعلك بالمغص ي شيخ حسبي الله عليك
علي: ههههههههه اقولك لا تنزلين وتلقفين احسن
شيخه ركبت السياره وتسب وتلعن ركبوا كلهم وعلي طول الوقت يطقطق ويضحك عليهم نطت شيخه وعضت علي بكتفه وصرخ علي وهو يتحلف فيها وصلوا البيت واخذت شيخه المفتاح وركضت فتحت الباب وهي تركض وعلي وراها وهاتك ي طيحات وضربات وزحلقه طاحت شيخه وضربت بالباب ومسكها علي وهي تصارخ ..
ولا حس الا باللي نطوا على ظهره وطاح علي
علي: افاااااا تكاثرتوا علي طيب طيب
نطت نجلا وجابت المطهر كبته على علي وهي تضحك: انا انتقمت لطراد
علي اللي كان مغمض وهو يصارخ: اوريك ي نجيل بعتي اخوك عشان طرطر طيب ريم ترا محد بيندم غيرك
ريم خافت وابتعدت بس شيخه مسكتها: انطقي ي خوافه
وبحركه سريعه انقلب علي ومسك شيخه وريم ونجلا انحاشت
ريم: لااااااا علي تكفى والله والله نجيل اللي قالت
علي وخر ريم : انتي انتقامك غير اوريك كيف تطيعينهم
انحاشت ريم ومسك علي شيخه سحب باقي المطهر وكبه عليها وقام وهو يضحك وراح يدور على نجلا اللي مقفله الباب وتصارخ لحالها
علي : والله لتطلعين بس اصبري اجل مسويه محاميه لطراد طيب
طيب
نجلا : علي والله اسفه والله
علي : اسفه طيب طيب راجع لك اصبري بس
راح علي يشوف شيخه اللي تبكي وتدعي وتضحك بنفس الوقت وراح يدور ريم اللي بغرفتهم وتبكي
علي : ريم افتحي
ريم: والله اسفه ي علي والله والله
علي: اطلعي انتي مابسوي لك شي الحين اطلعي
ريم: قول والله
علي: اطلعي ي بنت الناس
ريم مافتحت وهي تترجاه من وراء الباب تركها علي ورجع لشيخه
شيخه : الله يشلك وش ذا شوهت وجهي وش بيقولون الحين وش بيقول بدر طيب ليش ما انتقمت من ريم ونجلا
علي : مقفلات الباب والا بنتقم
شيخه: تكفى خلاص خلينا نجلس وربي اوجعني ظهري
علي راح يغسل كتفه وشيخه راحت تطلع البنات وتوعدهم ان علي مابيقرب عليهم رجع علي وحصلهم فالصاله اول ماشوفوه نجلا وريم وقفوا: عليي خلاص والله اسفين مزح
علي : ريم خلوها على جنب انا اعرف شلون اعلمها تفزع ضدي اما نجلا الحين بنتقم منها
نجلا : ي علي تكفى اخر مره والله والله
علي : لو انك فزعتي مع شيخه كنت عديتها بس فزعتي مع طراد
نجلا انحاشت وركض وراها علي ومسكها وهو يكب عليها غسول الفم وهي تصرخ قام علي وتركها
علي: تستاهلين
شيخه: خلاص اجل استبينا خلونا نتنظف ونجلس نتابع لنا فيلم او اي شي
راح كل واحد منهم يتنظف ويبدل ملابسه ورجعوا وحصلو علي جالس بالصاله
شيخه: هاه اي فيلم
علي : اليوم مافيه فيلم
نجلا : اجل
علي : اونو
شيخه: الله عليك فيها تكسير روس
علي : ايوه يلا تعالوا
شيخه وعلي كانو ماهرين في الاونو اما ريم ونجلا فاشلين فشل شنيع ريم كانت مقابله علي ويحاول يغششها بس انها فضيحه وشيخه منجلطه من نجلا اللي ما تعرف شي وبعد طلوع الروح فاز علي
علي: ايوه كذا تكسير روس
نجلا : غش غش عيدوا توني اعرف لها
شيخه: ايوه نعيد
علي : ريم عرفتي
ريم: ايوه
عادوا اللعبه وابتدا فعلا الحماس والصراخ والتصفيق والاكل وبعد جهد وجهيد فازت شيخه
علي: يوووووه
ريم: قهر وربي فزتي بدعوة والدين
علي : معلوووم
شيخه: اقول وخر اندقت خشومكم دق
نجلا : لا والله غلط
علي : هيا اسمعي نعيد وحده بيني وبينك ونشوف
شيخه :يلا
وابتدت من جديد وريم تعزز لعلي ونجلا لشيخه وتصفيق ومضاربات ورفس وهواش والاكل كل شوي ينكب وانواع السب والجلطات والتسحيب وفاز علي اللي قام وهو يهز كتوفه
علي: ايوه نوريهم الدق زين
شيخه :والله انك غشاش وريم مثلك
علي :المهم اندقيتوا والا لا
شيخه تصرف : تلعب فيفا
علي : شكلك ماشبعتي تكسير
شيخه: الفيفا بالذات بدق خشمك فيها
علي قام وجاب البلاستيشن وشبكوه وابتدوا يلعبون ونجلا وريم مشجعات بشكل يخلي الواحد يتجنن ابتدا اللعب وخذ لك حماااااس مجنوووون وفي نص الحماس نطت ريم وانفصل البلاستيشن
ريم: اسفه
شيخه: وجعه لما جيت اسجل
علي قام وشال ريم وراح باتجاه المسبح ورماها فيه ورجع وهي تصارخ
شيخه: علي وجع البنت ما تعرف تسبح
علي : الا تعرف بس شبكي يلا
نجلا : علي بلا استهبال ما تعرف
علي : انا معلمها بلا جنان
بعد شوي اختفى صوت ريم
نجلا : علي قوم مالها صوت
علي : ي بنت بتطلع الحين يلا شيخه
طولت ريم ما طلعت واختفى صوتها وبدوا شيخه ونجلا يخافون
شيخه: علي ريم مالها صوت
فز علي وركضوا اتجاه المسبح وماحصلوها صرخت نجلا : يمممممه ي علي والله غرقت شوفها تحت
انفجع علي وصرخوا شيخه ونجلا وهم يبكون ونط علي بالمسبح وهو يشوف ريم تحت وشيخه ونجلا يبكون
طلعت ريم من ورا الباب ودفت شيخه ونجلا بالمسبح على علي وهي تضحك ( ريم طلعت وراحت غيرت واخذت ملابسها اللي كانت عليها ورمتها بالمسبح واتخبت عشان يخافون ويطلعون واول ما جوا دفتهم بالمسبح )
ريم: ههههههه مقلبتكم ي ابوي
علي : تستهبلين انتي طيحتي قلوبنا
شيخه: ريم وجع وش ذا وربي متنا خوف
نجلا : الله يأخذك ي مجنونه
ريم:هههههههه شفيكم نمزح
طلع علي وهو يسحبها ويمريها معهم وهم يضحكون على اشكالهم فعلا خافوا
علي : من متى تسوين مقالب وتنتقمين انتي وجهك
ريم: يوه من زمان
شيخه: ماقلنا لك اش سوت بصيته
نجلا : انا اقولك ..
جلسوا البنات يسردون وش صار لصيته من ريم وعلي عيونه طايره ما توقع كل هالعبط فيها
علي : لا لا انا هنا اوقف ريم والحركات وانا كنت احسبها عاقله وما تأذي احد
نجلا : مو بس كذا يوه ما قصرت فينا وفي بنات الجامعه مقالب
علي: كفو والله تستاهلون انتم وصيته
شيخه: تراك اكلت المقلب معانا كمان
علي: ايه ادري لكن كل شي ماخوذ حقه حطي في بالك اليوم فيه اربع انتقامات
ريم: لييييه
علي : اول شي الفزعه مع شيخه وثاني شي الروحه معها للسوبر والثالث البلاستيشن والرابع المقلب
ريم: لااااااا حرام عليك علي انا ريمك حبيبتك
علي : ريمي حبيبتي على عيني وراسي بس انتقام بانتقم وانا ادوره من ربي
ريم: يوه مايصير
شيخه: يصير شوفي كيف وجهي
نجلا : ههههههه اما وجهك حاله ثانيه
علي : تستاهلين
ريم: ليش سويت فيها كذا
علي : انتي خليك على جنب بيجيك اقوى
ريم: اوووووف
نجلا : بس والله حرام
علي : شوفي كتفي وتعرفين الحرام
شيخه: خلونا نطلع خسنا مويه اليوم
طلعو
ا وراحوا يبدلون من جديد وبعدها حطوا فيلم كوميدي وفرشوا لهم جنب بعض وانسدحوا وهم يضحكون ويسولفون وناموا علي وشيخه بنص الفيلم وريم ونجلا كملوا لين الاخير وبعدها طفوا وناموا هم بعد
٠٠٠٠
عند بدر اللي رجع البيت ورتب اغراضه وترك اغراض شيخه لها ترتبها براحتها انسدح وهو فاقد هبالها وسوالفها اللي تمسك معاها قبل النوم والاستعباط غمض وتذكر مهره (هاذي لازم اتصرف بموضوعها ضروري اروح اشوف وش علتها قبل تسوي لنا مصيبه بس انتظر اسبوعين واتحجج بالدوام واروح مستحيل اجلس كذا ).
٠٠٠
عند طراد اللي رجع البيت وهو فرحان ومستانس ويفكر يحدد زواجه ويتزوج قام وهو يلف بالدور اللي هو فيه ويشوف اذا يصلح يكون جناااح كامل مستقل له ولنجلا لانه مستحيل يخلي امه وابوه ويسكن بحاله فقرر يسوي جناح كبير لهم
٠٠
اما عند فواز اللي كان طول الوقت مع اريام اللي اوجعها بطنها بطريقه مو طبيعيه واخذها المستشفى وقالوا عندها نزيف
كان جالس فالاستراحه وهو خايف يصير لاريام شي او الطفل
طلعت الدكتوره من عندها واتجهت لفواز وقالت له انهم فقدوا الطفل ولا يقدرون يخاطرون بحياة الام اللي تحتاج رعايه كويسه وجو مناسب تتجاوز فيه هالازمه
جلس فواز بصدمه وانهارت فرحته بطفله وهو كان عارف من البدايه ان حملها ضعيف ويحاولون يدارون بس ربي ما كتب
غمض وهو يمسح دموعه وقام بيروح يشوف اريام دخل وحصلها نايمه وهي باين انها تعبانه جلس جنبها وهو خايف
من ردة فعلها وصدمتها
٠٠٠
من بكره الصبح صحت ام عمر وهي قلبها مو مرتاح تحس احد فيه شي صلحت الفطور وجهزته وراحت تصحيهم وتجمعوا ع الفطور
ابو عمر: حياة وش بك تعالي افطري
ام عمر : مالي نفس
ساره: تعالي ي بنت الحلال وش صاير لك
ام عمر: مابعرف قلبي قارصني حاسه فيه شي صاير اولادي مو منيحين
ابو عمر خاف: اذكري الله ي بنت الناس وش بيكون فيهم
الجد : تعوذي من الشيطان وتعالي مافيهم الا العافيه
قاطعهم صوت جوال ابو عمر والكل خاف
ابو عمر: هلا فواز
فواز: كيفك عمي طيب
ابو عمر: بخير وانتم
فواز: الحمدلله .. عمي انا اتصلت ببلغكم ان اريام سقطت كان حملها ضعيف وماقدرت وسقطت
ابو عمر: لا حول ولا قوة الا بالله
ام عمر: شبهن شو صاير فيهن
الجد : شصاير ي عبد الرحمن
الكل وقف بخوف وابوعمر:واريام كيفها
فواز: باقي ماصحت بس ان شاء الله بخير
ابو عمر: زين يبه الله يعوض عليكم ويرزقكم وطمني على اريام اذا صحت ولا تخاف تراه بأذن الله شافع لكم
فواز: ان شاء الله انا بسكر بروح اقول لابوي
ابو عمر: الله معك
ام عمر وهي تبكي : شو صار
ابو عمر: اريام سقطت
ام عمر: ي ويلي عليكي ي بنتي ولي عليكي وعلى حظك شو معتر
ابو عمر: تعوذي من ابليس ي حياة هذا قدر ربي كاتبه لا تعترضين
ام عمر: شو بدها تعمل هلا والله كانت كتير فرحانه والله
ساره: اذكري الله ي ام عمر ربي كاتبه وان شاء الله بيكون شفيع لها
كملت ام عمر بكاها الكل ضايق من اللي صار ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ③③
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼