الفصل 32
عالم القصص والروايات 📚:
🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ②③🌱
🍒ـــــــــــــــــــــــــــــــــــــ🍒
عمر ضم اريام وهو يبارك لها وجاء عبيد اللي بارك لاريام وهو يصارخ مع نجلا
عبييد: ي ربي مايجي زي ابوه نفسيه
اريام: ليييه
عبيد: نفسيه
عمر: ليه تبيه مجنون مثلك
عبيد : الله عليكم شزيني انا لو يصير مثلي بتعم الفرحه على كل الحاره
نجلا: قصدك تعم السماجه وقلة الادب
عبيد: شو تقولين
نجلا: اللي سمعت
مسكها عبيد ع اساس يطقها بس مسكه عمر: وين
عبيد: بطقها
عمر: اقول انقلع لا ادق على طراد يجي يتوطى بطنك
عبيد : اتحداك
دق جوال نجلا واخذه عمر: الو
طراد: قل اعوذ برب الفلق من شر ماخلق وش تبي انت
عمر:ههههه هذا جزاي بسلم عليك وابلغك ان زوجتك اغتيلت
طراد: افااااا من اغتالها
عمر: عبيد
طراد: والله والله والله لاجيه الحين واتوطى في بطنه دقايق بس
سكر طراد وفعلا جاء
عمر: ي ويلو ويلو ي سواد ليلو
عبيد : على شحم بس وش بيسوي يعني
عمر: نشوف ذا جاء
٠
٠
عند علي اللي كان جالس بالحوش وهو يفرك جبينه اللي اوجعه من ضربة شيخه ومعصب من ريم حس فيها وراه وصد وهو مقطب حواجبه جات ريم وجلست جنبه وهي تبكي
ريم: علي والله اسفه والله انفعلت بلحظه انت فكر فيها اصحى ما احصلك ادور عليك ما احصلك ولما ادق ترد علي بصوت مريب وراك صوت بنت ومع ذلك تسكر الجوال بوجهي وانا مو فاهمه وش فيك وانتظرك من ٨ لين العصر ولما جيت تقول كنت عند شيخه لما ادق عليها ماترد كيف تبيني ما اجن كيف
علي صد وهو ساكت وهو مقتنع بكلامها ولو هو مكانها قوم الدنيا مع ذلك حب يعلمها كيف تثق فيه وتبطل جنان
ريم مسكت يده وهي تشهق : علي الله يخليك لا تزعل انت تدري ما اقوى زعلك كانت ردة فعل سريعه بس بعدها كنت برضى وارجع لاني احبك
علي غمض بقوه ماقدر يتجاهلها اكثر وهو يسمع بكاها وكلامها شد على يدها والتفت فيها وهو يحط عيونه السودا بعيونها حوط وجهها وبيدينه وهو يهمس : لاا عاد تعيدينها وان عدتيها مابتوقف على زعل
ريم هزت راسها وهي باقي تشهق ضمها علي وهو يقول : اششششششش خلصنا بطلي بكى
سكتت ريم وهي تضم علي وتسب نفسها على غبائها
٠٠٠
عند طراد اللي وصل بيت ابو عمر وهو ناوي يمردغ عبيد طلع له عمر وهو يضحك: وصل فريق الانقاذ
طراد: وينه وينه طلعه لي
عبيد: شعندك ترااك ازعجتنا كأن ما احد تزوج غيرك
طراد: تعال قريب وانا اعلمك
عبيد قرب وهو متحدي طراد بمزح وتماسك هو طراد فالحوش وهم كل واحد يحاول يطيح الثاني وعمر ونجلا يشجعون ويضحكون وفجاءه طيح طراد عبيد وهو يثبه بعد ما قطع عبيد مخباة الثوب وطاحت فلوس طراد وبطاقته وهج راشد وعمر بالفلوس ونجلا جمعت البطاقات
عبيد: قوم ي غشاش
طراد: انت كفو تطق نجلا
عبيد: واطقك معها
طراد: لا والله نجلا تعالي اخذي حقك منه
نجلا : لا مابي خذه انت
طراد: اقولك تعالي
نجلا : مابي ي طراد خلااااص
عبيد بحركه سريعه قلب طراد وطيحه وابتدت معركه عنيفه دخل ابو عمر وهو مستغرب من حالهم : طراد عبيد
فكوا بعض وقام طراد يسلم عليه وهو ثوبه مشقوق وعبيد كذلك
ابو عمر: شصاير
عمر: يبه عبيد طق نجلا وطراد جاء فزعه ومثل ما انت شايف
ابو عمر:هههههه من الحين فزعات ي طراد
طراد تفشل : نمزح لا اكثر
ابو عمر: تعال تعال ادخل خلنا نتقهوى
طراد اخذ بطايقه من نجلا هو يتحلف في عبيد وعمر وراشد
نجلا : يبه عندي لك بشاره
ابو عمر: وشو
سبقها عمر وعبيد وراشد : اريام حامل
نجلا : يوه ليش قلتوا
ابو عمر: ماشاء الله الله يرزقها هي هنا
راشد: ايوه ي بابا
عمر: يبه نبي بشاره
ابو عمر: البشاره لنجلا هي اللي كانت بتقول
عبيد: بس هذا ظلم يبه
ابو عمر: لا موب ظلم نجلا هي اللي كانت بتقول
طراد عشان يقهر عبيد: ولها بشاره من عندي بعد
عمر: ماشاء الله وش هي البشاره
طراد دور فلوسه في جيبه ما حصلها وشافها مع عمر: عمر جيب الفلوس
عمر: معليش والله رزقي
طراد: عمي شوف فوق ماهم طاقين نجلا سارقين فلوسي
ابو عمر: عمر اعطي طراد فلوسه
عمر:بس يبه
ابو عمر:خلصني
عمر وراشد اعطوه وقام طراد واعطى نجلا ٢٠٠٠ وصاحوا كلهم
عمر: يبه لايكون باقي بتعطيها بشاره
ابو عمر طلع ١٠٠٠ واعطاها نجلا
عمر: يلعن ابو الحظ
عبيد: انا ابي تعويض عشان ثوبي
طراد: مافيه وتستاهل عشان ثاني مره ماتمد يدك على نجلا
عبيد: اقول جيب قيمة تفصيل ثوب
طراد: اشرب موية البحر
قام ابو عمر بيبارك لاريام وطراد قام بيروح عنده كم شغله ونجلا دخلت وهي وعبيد وعمر وراشد
ام عمر: عبيد شبك يا ابني شو هاد
عبييد: هذا طراد يمه
ام عمر : لشو عمل هيك طراد
عمر: عشان عبيد طق نجلا
ام عمر: هههههههه استغفر الله شو هالمجنون
عمر: وزود اعطى نجلا بشاره عشان اريام ٢٠٠٠
اريام: لي الف انا الحامل
نجلا : ههههههه ضحكتيني اشربي موية البحر
عبيد: ايوه بدينا بالتقليد
نجلا : حررره موت حررره ..
طلعت وتركتهم وطلع عبيد يبدل وعمر راح وبعد ش
وي جاء فواز عشان ياخذ اريام دخل المجلس وجات اريام
اريام وهي مبتسه : فواز
فواز: لبيه
أريام قربت هي شوي وتبكي : عندي لك بشاره
فواز بشك : وشو
اريام بكت: انا احامل
طلعت عيون فواز: وربك
اريام: والله
فواز ضمها وبعد شوي ابتعد : اريام ما تمزحين جد
اريام : والله شوف التحليل
اخذ فواز التحليل وصرخ من الفرحه والحماس : الحمدلله الحمدلله اللي كمل فرحتي الحمدلله
اريام:الحمدلله
فواز: اركضي البسي وتعالي نروح نبشر امي وابوي
اريام : طيب
٠
٠
عند بدر اللي كان يسولف مع شيخه اللي بدت تمون وترجع تضحك
بدر : اسالك شي
شيخه: وشو
بدر: وش معنى الاغنيه اللي غناها علي اليوم
شيخه: اي اغنيه
بدر: اواه ي قلب عليل تعلقت ليش غناها هي بس وليش انسجمتوا كلكم عليها وش تعني لكم الكلمات
شيخه تنهدت وبعدها تربعت : هاذي اغنيه كان علي دااايم يغنيها يقول انها تلامس شعوره وكنت اضحك عليه دايم صح يعجبني صوته واحب الاغنيه بس ما كنت احبها مثل علي اللي كان مهووس فيها غناها لي امس عشان يبيني اعرف وش كان يحس وليش تلامس احساسه
بدر : حسيتي فيه
شيخه: اليوم ايه
بدر: وش حسيتي
شيخه : حسيت بعلي يوم كان يقول الحب صعب ي شيخه وانا كنت اطقطق واضحك عليه
بدر: لذا الدرجه حسيتي بصعوبة الحب
شيخه: الحب يلوي ذراعك اشياء كثيره تضطر تسكت عنها وهو مو من عادتك تسكت عنها وتتغير ويغير اسلوبك منه
بدر ابتسم: يعني لذا الدرجه حبيتي وتغيرتي
شيخه ضحكت: تقدر تقول
بدر : ليش ما حطيتي لي عذر لما حسيتي بتغيري وقلتي يحب
شيخه : بس انا ما كنت اغلط واجفاك عشان تعذب وتغير
سكت بدر وبعدها قال : وش اكثر شي حبيتيه بالاغنيه
شيخه ناظرت بيدها وهي تقول : حبه ذبحني وليتني ما تولعــت
منه العذاب وزايـد الشـوق منــي
ليقلت أبى أسلى رغبتي ما تمكنت
أنا الذي في حُبه أبكــي وأغنــي
بدر وصلته الرساله من شيخه وسكت وبعدها ابتسم وقال:
واوااه ي شيخه واواااااه
سكتت شيخه لانها حست بعيون بدر عشق وماتدري ليه ماسألته
قام بدر وقف قبال الشباك وطلع زقارته وابتدا يدخن وهو ضايق وحاس ان شيخه تحبه وهو وده يحبها بس هي ما تساعده هي اللي تركته يتوجه لمهره هي ماعاد قدر يتحمل اكثر ويدري انه يظلم شيخه وقرر يريحها ويريح ضميره
التفت لها وقال كلمته اللي زلزلت شيخه وخلتها مثل الجثه
٠٠٠
عند ريم وعلي اللي كانوا جالسين ع درج الحوش ومسكرين الانوار وريم حاطه راسها على كتف علي وعلي يغني بصوته اللي يدخل القلب
لاهي نار ولاهي ما ولاهي غيمة ولاسما ان حكت .. غنت سنابل من رضا والسكوت .. إن صار نيران الغضا يارضاها ..وقف وناظر شوي شف غلاها .. ايش سوى بشخص حي وكيف حي ولا لقاها.. وان لقاها ما بقى في يدينه..شي غير انه يحتريها
آه .. من قلبي نصحته بس عيا ينتصح نبضه يبيها آه .. منه ليه عيا ليه عزم يترك الكون ويجيها ماقدرت القى لهذا القلب حل الجواب اقفى بظله وارتحل ما عرفت اوصل مع قلبي لحل وما فهمتك تجمعين الضد في كل الامور غامضة مرة .. ومرة مثل نور تشبهين ايام .. اوقات الخريف وتمطرين احيان.. احساسك زهور صدقيني صرت من بعدك اخاف
٠
ريم رفعت راسها وناظرته لما وقف وقالت: ليش غنيتها
علي تنهد : ابد كذا طرت لي
ريم: بس انت ما تغني شي عبث
علي : دامك عارفه ليش مافهمتيها
ريم: ابيك تفهمني انت
علي التفت لها : تمثلك ذي الاغنيه يعني احيان تقلبين لدرجة توصل اني اعصب منك واخاف اني ابتلي فيك وتطري عليك اشياء تجيب الجلطه واحيان ينزل عليك الرضا وتروقين وتطلعيني فوق فوق فوووووووووق تخليني مثل المسحور ما اشوف الا انتي انسى نفسي وامي وابوي وكل شي اذكر اول شهرين من زواجنا تعبت فيها لدرجه اني صملت اطلق واخليك تروحين في حالك بس للاسف الحب يلوي الذراع خلاني اصبر وانجن فوق جنوني جنون وكملت وبعدها حمدت ربي اني صبرت وتحملت وشفت الايام الحلوه هاذي كنت اشوف رضاك صعب صعب صعب ومع ذلك سعيت له ونلته ومهما حاولت ابعد احصلني واضيع وارجع لك لدرجة اني فعلا صرت اخاف يجي يوم واكون علي بدون ريم
ريم : لا تخاف مابيجي ذا اليوم
علي : لا تجيبنه ي ريم تكفين وبطلي جنان لا تخلينا نبعد عن بعض بسبب اختلافنا تكفين
ضمته ريم وهي توعده ما تتركه وهي تدري انها نقطة ضعف علي
٠٠٠
عند بدر اللي قال لشيخه : شيخه اذا مانك مستعده للحياه معي وخايفه انا مستعد اطلقكك واتركك في حال سبيلك
كان بدر مفكر انه بيريحها ما درا انه اشعل في قلبها حريقه
شيخه: وشو
بدر: اذا ماتبين تكملين معي واذا تبين انا مستعد من ذا اللحظه ابدا معك من جديد ونبدا كأنا ما نعرف بعض ومن اليوم نرسم طريق جديد بعيد عن كل شي فات
شيخه: انت مستوعب اللي تقوله عبالك بتريحني اذا قلت نفترق ..
بدر: انا ما اقولك نفترق اقول اللي يريحك اذا تحبين نبدا من جديد
شيخه: تدري ان افتراقنا صعب وتدري ان كثير بيقومون عليك وتدري انك بتحرق قلوب كثيره واولهم انا
بدر: اذا كذا مافيه الا اننا ننسى كل شي ونبدا من جديد
شيخه غمضت: عمرك حبيت من جديد
بدر: عشاانك ارجع
من جديد
شيخه: اوك ي بدر نبدا من جديد واتمنى ما تخذلني
بدر: وانا عند وعدي
ابتسمت شيخه لبدر اللي رد لها الابتسامه وقرب لها
ومن هنا كانت بداية حياه جديده لشيخه وبدر اللي قرر يعيد حساباته بموضوع مهره
٠٠٠
ومن بكره الصباح ابتداء يوم جديد وحلو لباقي ابطالنا
عند شيخه اللي صحت من الصباح على صوت بدر اللي كان يهمس لها : شيخه حبيبي يلا صحصحي ورانا طياره
فتحت شيخه وهي تتمغط ورجعت تنام: باقي مانمت زين ي بدر
بدر:هههههه ي بنت من امس الساعه ١١ نايمه والحين الساعه ١١ يلا عاد
شيخه قامت وهي نفسها ترجع تنام : متى الطياره
بدر: بعد ٣ ساعات
شيخه رجعت انسدحت:: مو من جدك ٣ ساعات لو ابي اصنع طياره صنعتها فيها خليني انام ي بدر
بدر:ي بنت قومي اجلسي معي شوي وبعدين باقي بنروح نسلم على اهلنا ونروح ناخذ اغراضنا من البيت وبعدها بالقوه في الزحمه توصلين بساعه
شيخه: يوووه ي ربي
بدر: صحصحي الحين ونامي بالطياره عندنا وقت
شيخه: الا حنا وين بنسافر
بدر: شيخه انتي عندك زهايمر ي عيني
شيخه: ليش
بدر : مو قلنا بنسافر فرنسا بالتحديد كولمار
شيخه: والله ان قلبي ناغزني من اسمها احسها مخيسه فيها عرق هنود
بدر: ههههههههه انتي لو تشوفينها ما تتصورين الجمال مالها شغل حتى بالهنود
شيخه: الله يستر من ذوقك لا يكون مضروب
بدر: هذا جزاي وبعدين انا بوديك لمدينه ماتشوفين فيها عربي واحد محد يدري عنها ابد
شيخه: ماهم العرب اقتحموا تركيا ودبي وماليزيا واندونيسا
بدر: يلا قومي طيب
شيخه قامت وراحت تجهز وهي قلبها مو متطمن للمدينه اللي اختارها بدر
٠٠٠
عند علي اللي كان بالشركه وماكانت اخلاقه كويسه ابد من يوم صحى صحت معه شياطينه كان ماسك المشاريع بيد وكوب الشاهي عنده ورامي شماغه على طرف والازارير مفتوحه ومشمر اكمامه دخل طراد وهو مستغرب من علي ليش معصب كذا باااين على وجهه ومولع الدنيا برا : سلاام
علي :عليكم السلام
طراد: خير وش فيك
علي : مافيني شي
طراد: تستهبل انت تستهبل اخلص قول مالي خلق اناقشك
علي : ابد من امس ما نمت
طراد: ليش للحين متخاصم انت والجامحه
علي ابتسم بضيق: لا بس جالس افكر بشيخه
طراد: ليش شفيها
علي : مدري احس اني ظلمتها
طراد: لا حول ولا قوة الا بالله ي رجل ي ابن ادم قول هرجتك كلها مره وحده لا تجلس ترمي كلام
علي : انا احس اني ظلمت شيخه وبدر بعد يوم حذفته عليها على طول احس بينهم شي كبير انا واثق ان بدر يسعدها بس احسه مسوي شي قايل شي فيه شي بالجو الوضع مو مجرد خوف شيخه قالت لي كلام كأنها فيه مغصوبه
طراد: وش قالت
علي قاله كل اللي قالته له شيخه سكت طراد : علي هي قالت خايفه ولو فيها شي جد ما كانت بتسكت
علي: لا بتسكت بتسكت شيخه حبت بدر وهذا اللي مسكتها شيخه وصلت بمرحله انها تخاف ان بدر يطيح من عينها
طراد: علي لا توسوس شيخه طبيعتها غير عن بدر غير هي مثل ما تقول حبته تخوفت من حياتها معه لان الكل يقول شيخه ماتصلح لبدر وبدر ما يحب اللي مثل شيخه عشان كذا خافت انها تحبه ويطلع مايحبها ويكسرها لكن امس بدر كلنا شفنا كيف بدر متحمس واضح عليه الفرح
علي : ادري بس اخاف بدر ما يحبها اخاف يجرح شيخه او يزعلها
طراد: اذكر الله ولا تتشائم انت ماتدري وش يصير بينهم وان شاء الله مابينهم الا الخير ولا توسوس
علي: ي رب ي شيخ
طراد: انت رووق بس وهدي بالك وعلى ربك كل شي
علي : اليوم طيارتهم بيسافرون بيتغدون عند ابوي وبعدها بيروحون
طراد: كويس اليوم اجل دقق بشيخه بتشوف انها مبسوطه وفرحانه وكله كان خوف لا اكثر
علي : ان شاء الله اسمع تعال معي انت نتغدا وبعدها نطلع للمزرعه دام جدي عند ابوي ومافيه احد
طراد: ليش بتروح هناك
علي : بريح بالي شوي وبشوف الجامحه اشتقت لها
طراد: اي جامحه
علي : الفرس
طراد: ايوه لا والله روح لحالك
علي: ليييه
طراد: دامك بتروح تريح بالك انا وش ابي
علي : ابيك تفكر معي
طراد: تعود تفكر بدوني انا ماني مخلد بذا الحياه
علي : طراد وجع تعوذ من ابليسك وش ذا الفال
طراد: اقول الحقيقه
علي : مانبي حقيقتك هيا انطم
طراد: هههههه امزح معك شبلاك تغير وجهك
علي : طراد بلا مزح سامج تكفى انت تدري اني اذا صكتك سخونه يوقف قلبي مو يصيبك مكروه الله لايقوله
طراد وقف وراح لجهة علي وضمه: ادري ي بعد اهلي بس اطقطق عليك انت روح وروق وشوف الجامحه وفكر واذا صعب عليك شي دق علي
علي: من جدك ..
طراد: انت تدري ان بيتنا مليان ناس وخالاتي وزحمه تجيب الغثيان
علي : زين تعال معي
طراد: لا ي رجل مسوين احتجاجات علي يقولون من لما تملكت معاد جلسنا معك
علي: اجل يلا انا ي دوب للحق على ريم اخذها واروح بيت ابوي
طراد: دربك خضر
راح علي وهو باقي متكدر وطلع طراد ورااح بيتهم
٠
٠
عند ريم كانت تستنى علي سمعت صوت سيارته وطلعت ركبت سلمت عليه وهي تشوفه مو رايق
ريم: علوش شفيك
علي : ولا شي
ريم : باقي زعلان مني
علي : ريم لا تستهبلين السالفه انقضت خلااص
ريم: طيب شفيك
علي: شوي مشاكل بالشركه وتصاميم وغيرها
ريم : ماقدرت تحلها
ع
لي : لا عشان كذا بعد الغدا بطلع للجامحه بظل عندها شوي يمكن احصل حل
ريم: زين
٠٠٠
عند شيخه اللي جهزت ولبست وتكشخت ووقفت تلبس عبايتها
بدر كان واقف بالجهه الثانيه ويصلح شماغه وهو يراقب شيخه (جميله وصدرها وسيع ومجنونه وكل شي فيها حلو ليه ما حبيتها ليه صح ما تهتم بنفسها كثير بس اذا اهتمت كسرت الدنيا تكسير ) صحى على شيخه اللي كانت جايه باتجاهه ومعها عود
ابتسم بدر واخذ منها وصار يتبخر اعطاها : طاب طيبك
شيخه: عاش حبيبك
سكت بدر وهو يبتسم ما عجبته الدعوه اللي تعني بطولة العمر لحبيبه وحبيبته مهره تكلم: يلا
شيخه: يلا
٠٠٠
في بيت ابو عمر الكل كان موجودين بأستثناء ابو طراد اللي كان عنده ضيوف وصل علي اللي رد السلام وجلس وجهه باين انه معصب وحتى صوته ومو رايق
ابو عمر: خير حاضرين معك اليوم
علي : ايوه
الجد : شبلاك من مكدر خاطرك
ناصر: انا الحين اعطيه خبريه تروقه بسرعه
العيال كلهم مع بعض : ارياااااااام حاااامل
انفجع علي : بسم الله بشويش
عمر: اريام حامل
علي اوجعه قلبه وابتسم رغم هذا : ماشاء الله مبروك مبروك الله يتمم على خير ..... وقام يسلم على فواز واريام
فواز: عقبالك ان شاء الله
علي ابتسم بضيق : ان شاء الله
ام عمر: الله يعطيني العمر لحتى شوف ولادك يامو ناطف قلبي لحتى شوف ابنك بيشبهك هيك ورجال وسيد الرجال
علي باس راس امه : ان شاء الله يمه
عمر: خير يمه وحنا مو رجال
ابو عمر: بس ولعت الغيره
عبيد: والله كل ماتشوفه توصله لسما مدح وحنا بالشحاطات
ام عمر: ي ويلكن من الله والله مابفرق بينكم
عمر: مزح مزح يمه والله مزح
علي ماكان رايق يجاكرهم خلقه حاس بالذنب اتجاه شيخه وحاس انه ظلمها وزود عليها ضايق من موضوع الاطفال اللي كل شوي يطلعون له فيه وهو مو بيده ما بقى ولا خلا علاج ما جربه بس مافي فايده وغير ازمة الشركه اللي ملوعه قلبه وباقي ما سوى فيها شي ..
..
دخل بدر: السلام عليكم
الكل :وعليكم السلام وقاموا سلموا عليه
وقام علي سلم عليه وبعدها توجه لشيخه
بدر: شفيهم حاضرين اليوم
عمر: ابشرك ما ناقص واحد قافله مرررره
بدر: اعوذ بالله
علي اقبل على شيخه اللي انتهت من السلام وسلم عليها وهي تشوف في عيونه القلق عليها علي همس بأذنها: انتي بخير
شيخه: ايه بخير الحمدلله لا تخاف ومبسوطه بعد
علي : وربك
شيخه: والله انا خرفت قبل امس عشاني سمعت كلام اللي يقولون ماتصلحون لبعض
بدر شد عليها: لا تسمعين لهم تكفين راحتك اهم شي
شيخه: وش فيك والله انا بخير والله حتى شوف وجهي
ابتعد علي لما سمع عمر يقول: ايوه عشان كذا مطنقر فاقد شيوخه
ناصر: ايوه حركات
علي : شوفوا وخروا عني لا تختبرون صبري مالي خلقكم طيب
بدر: ليش على كيفك الدنيا انت اشوفك اخذتها حلاوه خلاص ي ابوي انسى .
علي : ي ليل مالكم شغل مالكم شغل خلصنا
ابو عمر اشر لهم يسكتون ويتركونه بحاله وابتدو يسولفون ويطقطقون وعلي ما نطق بحرف بعد ماكان صوته ما يوقف
بعد شوي حضروا الغدا والكل قام يتغدى
٠٠٠
عند طراد اللي كان جالس بين خالاته وهذه تعطيه قهوه وهاذي حلا وهاذي شاهي وهاذي معجنات
طراد: بس تكفون بس اصبروا لين اكمل اللي معي
ام طراد: بسم الله عليك يمه
مصعب : اقولك طراد كيف الزواج معك
طراد يناظر فيه بطرف عين: خير وش دخلك
رامي: بنتعلم منك
طراد: اقول قوم انت وياه بزران يسألون عن ذا الكلام
ام رامي : شفيك عليهم هذا بدال ما تفرح فيهم وتصادقهم بدال هالعلي
طراد: يالله وش دخل علي الحين مابي اصادق احد انا مرتاح كذا
يوسف : طرااااد الحق البزران كسروا لابتوبك
نط طراااد من فوق القهوه وركض لغرفته لما دخل انصدم بالمنظر كل شي طايح ومكسر والملابس طايحه وعطوراته عصب لما شاف عطر نجلا اللي اهدت عليه وعطر علي وهنا قامت فعلا قيامته وضرب الباب برجله وتسكر سحب سلك الشاحن وطاح فيهم ضرب ..
عند شيخه كانت تغسل وجات لها ريم وشيخه
ريم: شيخه. انتي بخير وش صار معك
نجلا : جد اللي سمعته
شيخه: رخوا صوتكم وتعالوا اقولكم جوا
دخلوا وجلست شيخه وقالت لهم كل اللي صار معاها
نجلا : وعلي كيف جاء
شيخه: بدر دق عليه لما عجز فيني
ريم: والحين تمام انتي وبدر
شيخه: الحمدلله تمام
نجلا : الحمدلله والله مابيكم تفترقون
شيخه : عمى في شكلك استغفري
ام عمر: شيخه يامو يلا بدر بينادي عليكي
شيخه: حاضر
طلعت لهم وسلموا عليها وقربت من علي اللي سلم وهمس لها: شيخه اذا زعلك بدر او ضقتي او طفشتي دقي علي طيب
شيخه: من عيوني
راحوا شيخه وبدر ياخذون اغراضهم ويروحون المطار
اما علي طلع وتوجه للمزرعه وهو ضايق وصدى صوت ابو نوره بكل السياره
٠٠٠
عند طراد اللي ضرب عيال خالته ضرب ولا ابعد لين دخل ابوه : طراااد ي مجنون حرام عليك هذولا اطفال
طراد: اي اطفال انت شايف وش سوو وتقول اطفال
ابو طراد: عيب عليك هذولا ضيوف ضيوف
رمى طراد السلك من يده وراح يناظر في اغراضه اللي كلها في حاله يرثى لها رماها برجله وطلع وهو معصب ويسمع هواش خالاته جوا ركب سيارته وراح لعلي بالمزرعه
٠٠٠
عند
نجلا وريم كانو جالسين في غرفة نجلا ويسولفون
نجلا : بنت شفيه علي
ريم : مدري يقول ضغط شغل وانا احسه زعلان مني
نجلا: ليييييه يزعل
ريم قالت اللي صار نجلا وهي تناظرها بصدمه: ريم مجنونه مستحيل تكونين بعقلك مهما كان عذرك تستهبلين تستهبلين نسيتي وش سوى عشانك نسيتي كيف حبك نسيتي كيف ترك الكل وراح لك لو يبي بنات وحريم ويبي يخون كان من قبل عمره عمره على كثر اللي تحذفوا عليه ما رفع عينه بنت ولا ناظر بنات خوالي يجلسون قباله بملابس ما تنذكر ولا فكر حتى يطل لو يبي في دقايق يحضرون له ملايين ي ريم وانتي بكل برود تنسين كل شي وتقولين يخون
ريم: نجلا افهمي انعميت من حبي
نجلا : تدرين وش اكثر شي يكرهه علي انعدام الثقه اذا انعدمت ماعاد ترجع وانتبهي
ريم خافت من كلام نجلا واسكتت وهي تفكر اذا فعلا انعدمت ثقة علي فيها او لا
٠٠٠٠
اما علي اللي وصل المزرعه واتجه للجامحه اللي اول ماشافته اقبلت عليه تركض الين حطت راسها على كتف علي اللي كان فعلا مشتاق لها
ابتعد علي اللي ركب الجامحه بمهارته المعتاده نزل شماغه ورماه وانطلق بالجامحه اللي كأنها حاسه باللي فيه وصارت تركض بالمزرعه وتجتاز الحواجز وعلي غارق بتفكيره ومعتد عليها
وصل طراد اللي سمع صوت ركض الجامحه وعرف ان علي هنا وراح له اول ما شافه اقبل عليه علي ومسكه بيده ونط طراد بكل مهاره وركب ورا علي
علي : وش فيك وش اللي رماك هنا
طراد: ضقت وجيت
علي : قول
طراد قال لعلي وش مسوين عيال خالته وانفجر علي يضحك
علي:اذا ع العطر ابشر بمثله
طراد: ي رجل اي عطر الغرفه كأنها لها سنين حتى الابواب مخلعه
علي: زين سويت فيهم
طراد : ماعلينا انت شسويت عساك رسيت على بر
علي: من ناحية شيخه رسيت بس ابتديت في مسأله الحمل والعيال
طراد: كيف يعني
علي : اريام حامل ومن بعد سالفة صيته وامي كل ما تشوفني تطري لي الحمل وليش ريم ما حملت
طراد: اوووووهوووووه هنا عاد الله يعينك
علي : ي رجل كرهت نفسي لدرجة توصل معي ودي ارمي الاوراق في وجيههم واقول خلااص معاد ابي
طراد: انت وش سويت مع الادويه علي : هاذي معي الاوراق بجلس زين واشوف وش فيها
طراد فتح يدينه للهوى : علي سوي كذا ترتاح وربي
علي : وشو
طراد: افتح يدينك للهوى
علي: انا رامي نفسي عليه اصلا
طراد: لا افتح يدينك كذا
علي:هههههه طراد اتمسك ي خبل بلاش تطيح وتجيب لي مصيبه
طراد: ي رجل الحياه حلوه
وقف علي ونزل : يلا تعال خلينا نقول لمأمون يسوي لنا شاهي نروق عليه
طراد : تعال قرب مالي حيل امشي
علي: علي لايكون تبيني احملك
طراد: والله ماني ثقيل قرب
قرب علي وحمل طراد على رقبته وهو ماسكه بيدينه: قال ماني ثقيل قال
طراد: اخف منك هيا اسكت
ركض علي بطراد اللي يصارخ ومتمسك في شعر علي وعلي يضحك وقف جنب الجلسه ونزل طراد وجلس
علي : اااه ياربي كسرت رقبتي
طراد: ماعليش كم طراد عندك وبعدين انا انسان ضايق المفروض تحملني وانت تضحك
علي : اقول وخر بس ...مأمووون سوي شاهي
٠٠٠
عند شيخه وبدر اللي اخذوا اغراضهم واتجهو للمطار وركبوا الطياره وجلسوا
شيخه : بدر كم ساعه نوصل
بدر : ٨ الى ٩ ساعات
شيخه : يعني يمديني انام
بدر: يمدي يمدي
شيخه: زين صحيني قبل الهبوط ب خمس دقايق
بدر: ابشري
شيخه: وانت بعد نام
بدر: لا لا انا ما احب اكثر النوم عشان كذا بجلس اقرأ كتاب
شيخه: يوه ي ربي كتاب
بدر : ايه احب اقرا
شيخه: ي طول بالك لكن يلا بنام
شيخه نزلت كرسيها وضع النوم ونامت وبدر اللي كان يقرا وبين فتره وفتره يناظرها ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ②③
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼