ياما تجرعت المراره عشانك - الفصل 31 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀:🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الـ⓵③🌱 🍒ـــــــــــــــــــــــــــــــــــــ🍒 جاء وقت الزفه وشيخه خايفه والبنات عندها ويساعدونها تستعد عشان يجي بدر وينزفون شيخه: نجلا نجلا : هلا شيخه: خلاص مابي ريم : وش ماتبين شيخه: مابي اتزوج خلاااص ريم ونجلا : ايش شيخه بدموع :والله خلاص والله ريم : شيخه حبيبتي وش فيك هدي الموضوع مو كذا انتي بس خايفه عشان كذا شيخه: خلاص مابي بدر ولا ابي اتزوج ابي ارجع زي قبل نجلا : شيخه انتي نجنيتي  وش ذا الكلام تعوذي من ابليس جلسوا البنات يهدون فيها الين هدت وراحو يرتبون مع البنات لزفه وشيخه سكتت وهي فيها غصه ما تبي بس بتعديها دقت نجلا على بدر وقالت له يجي عشان الزفه بدر: زين علي : تبي اجي معك بدر: اقلب وجهك بس مالي خلق ثقالة دمك طراد: خير اصلا خير وبركه ان علي يدخل معك بدر: اترك الخير لك انت وياه ...راح وتركهم علي : الله يوفقهم ي رب طراد: ي ربي متى اتزوج انا بعد علي: بدرييي مره عليك طراد: الله يسامح ابوك هو وعقابه والله صعبه سته شهور علي : الحمدلله ما تعاقبت ولا وشي طراد: ي رب ي علي يعاقبونك عقاب تبكي منه علي : اقول اسكت تراي زعلان عليك  طراد: ليش ان شاء الله علي : تتذكرون انتقامكم مني يوم العيد حسبي الله وبس وانا ما توقعتها منك طراد: تتذكر وش سويت فيني علي : وخر بس والله لاردها ي طراد واقوى طراد: اطول مافي خيلك اركبه علي : على طاري الخير نفسي اروح بكره للجامحه طراد: ايييييه الجامحه خير ان شاء الله قاطعهم عبيد اللي سحبهم عشان يدخلون معهم فالرقص وماقصروا هم بعد ٠٠٠ عند بدر دخل على شيخه اللي كانت واقفه بهداوتها وفستانها الابيض وشكلها الناعم الجميل تقدم بدر وباس راسها: مبروك شيخه ماردت ولا نطقت ما حاول بدر يكلمها لانه شايف انها متوتره سمعوا صوت الزفه اللي بدت ومسك بدر يد نجلا واتجهو للممشى انزفوا على احلى اغنيه بأساميهم وبدر طول الوقت يبتسم وشيخه جامده وترجف لدرجة انها ماعادت تركز وبدت تسود الدنيا عندها تمسكت ببدر بقوه ومسكها بدر اللي حس انها مو تماما وصلوا الكوشه وجلسوا وابتدأت الاهداءات والتوزيعات وجابوا القاتوه وقطعوها وبدلوا الدبل وصوروا وكل هذا صار وشيخه عينها بالارض ولا نطقت بحرف خلصوا وطلعوا فوق وابتدو يصورون وكانت فيه اكثر من حركه جريئه ومع ذلك ما تكلمت شيخه طلبت شيخه يوقفون التصوير شوي بدر: شيخه شفيك شيخه ما ردت وجلست وهي تحاول تاخذ نفس طول الاسبوع اللي فات وشيخه نفسيتها زفت وما تنام  وطول الوقت تبكي وقلق من حياتها مع بدر وماهي مرتاحه حاسه فيه شي كانت بتكنسل الزواج لاخر لحظه لكن منعها حبها لبدر واليوم زاد عليها الضغط وعجزت تحمل كل شي فوق طاقتها جلست تبي تهدى وتستعيد نفسها لكن صوت بدر والتعب وكل شي حولها بدا يختفي شوي شوووي وطاحت شيخه بين يدين بدر مغمى عليها بدر خاف : شيخه شيييخه شييييخه وش فيك شششيخه شيخه ما كانت ترد انخبص بدر ولا عرف وش يسوي راحت المصوره تنادي ام عمر اللي جت ركض وحاولو يصحون شيخه اللي صحت بعد فتره وهي تعباااانه بدر: شيخه انتي بخير فيك شي اوديك المستشفى نجلا : شيخه حبيبي انتي كويسه شيخه هزت راسها بأيه وجابوا لها عصير وبدت تصحصح والكل خايف ريم اللي كانت لابسه عبايتها وواقفه: شيخه فيك شي شيخه: لا ابتعدوا كلهم وجلسوا براحه وبدر اللي طاح عقاله وشماغه من الفجعه رجع يلبس ويتعدل وهو خايف وكل شوي يناظر لها ( بدر الفتره الاخيره ابتدا يبعد عن مهره ومشاكلها وانتبه لتغيير شيخه لذلك كان متحمس وخايف ) بعد شوي وقف بدر : شيخه انتي احسن شيخه : احسن نجلا : تقدرين تكملين تصوير شيخه : ايه رجعت المصوره وكملوا تصوير ونادوا ابوها واخوانها يصورون معها تقدموا يسلمون عليها علي : شيوخ مالك حس شيخه : وش اسوي ابتدا علي ياخذ معها ويعطي وهو مايدري عن اللي صار وارتاح بدر ان علي جاء وغير جوها شوي طلعوا وعلي كان السواق وماقصر فيهم فحط فيهم وهو يضحك علي : شيخه عززي وينك اليوم بدر: علي فكنا منك ي شيخ علي : اذا عززت شيخه بوقف تركته شيخه ماردت عليه وكمل علي تفحيط لين وصل الفندق ونزل اغراضهم ورجع للقاعه بعد ما نكد عليهم واذاهم ٠٠٠ انتهى الزواج على خير ورجعوا كل واحد  لبيته وكلهم يدعون بالتوفيق للبدر وشيخه عند علي اللي كان توه طالع من الحمام واخذ احلى دش شاف ريم قدامه تجفف شعرها علي :لييييه ريم: شفيك علي : كان تركتينا نستانس على الكشخه شوي ريم: ههههههههه والله فاضي علي : حسااافه ريم: ليه انا مو كشخه بدون مكياج علي : الا انتي ام الكشخه ريم: اه ي ربي تعب علي : تعالي تعالي احكي لي كيف كان الزواج عندكم ريم قربت وانسدحت وهي تحكي وتحكي وش صار وعلي ماكان معها ابد ولا كان يبي يسمع اخبار الزواج وكان يراقب كلامها وهو منشد لها .. عند شيخه اللي كانت جالسه ولا تحركت وبدر يحاول يكلمها بدر: انا طلبت عشا اكيد ما اكلتي شي بنتعشى سوى شيخه كانت ساكته قام بدر وجلس جنبها ومسك يدها : شيخه حبيبي شفيك وش صاير لك ليش انتي كذا شيخه الين هنا وماعاد قدرت وانهارت تبكي وهي تسحب يدها من بدر كانت تبكي بكى يقطع القلب ويحزن كان يتقطع بكاها وهي تشهق وحسها بدر من بكاها بتموت خاف عليها ما عرف وش يسوي كل ما حاول يهديها ماقدر كانت تزيد لدرجة ان وجهها صار اسود طلع شوي يبيها تهدى بس مانفع مرت ساعه وهي باقي تبكي ولا وقفت بالعكس تزيد شيخه ما تدري لييييش كذا يصير معها موقادره موقادره خايفه خايفه انها تنكسر من بدر ويخيب املها من الرجل الوحيد اللي فتحت له قلبها خايفه انه يسوي شي يطيح من عينها تبي ترجع تحبه من بعيد تبي ترجع شيخه الطايشه ماتبي كل ذا تبي ترجع لشقاوتها بدر اللي كان يتعذب من صوتها ولافاهم وش فيها دق على علي يجي ينقذه ويشوف وش فيها لانها مستحيل تتحمل احد غير علي ٠٠٠٠ عند علي كان توه نايم وهو تعبان صحى على صوت جواله استغرب وسحب الجوال انفجع لما شاف اسم بدر علي: بدر وش فيك بدر: علي تكفى الحق شيخه مدري وش فيها علي : وش فيها بدر: منهاره بشكل يفجع علي : تستهبل بدر هديها طيب بدر: عجزت عجزززت علي : بببددر بزر انت كل بنت بتخاف انتبه انت وهدها شوي وطمنها بدر: علي تعال علي قام ولبس وطلع وهو مقهور من بدر ومتوقع انه شي بسيط وطبيعي انها تخاف وتبكي وصل الفندق وطلع الغرفه وحصل بدر عند الباب علي : اكيد تمزح مو من جدك بدر: علي اقولك عجزت البنت مو طبيعيه اليوم اغمى عليها والحين كل هالانهيار علي : اغمى عليها بدر: ايه فالتصوير اغمى عليها ليش ما قالوا لك تذكر علي انه ما خلا ريم تكمل : زين زين انا ادخل لها دخل علي وانصدم من شكلها والانهيار اللي فيه ماتوقع انها بذا الحاله ركض لها وهو خايف عليها: شيخه شيخه رفعت راسها : علي قرب علي وجلس جنبها: شششيخه شفيك وش اللي مسوي بك كذا ليش تبكين كذا ماردت شيخه الا انها تعلقت بعلي وانهاااارت كان نفسها تقول لعلي انها مو مرتاحه لبدر وانها شاكه فيه وانها تعبانه منه ومن تصرفاته بس ماقدرت علي انفجع فعلا ما توقع ابد عمره عمره على كثر ماطاحت بمصايب تخوف ماشاف شيخه منهاره زي كذا ابدا ابدا ابدا علي : شيخه بدر سوى لك شي اذاك قولي لي والله لدفنه حي والله قولي ي شيخه شيخه رفعت راسها : لا علي: شفيك طيب قولي شيخه : خايفه ي علي خايفه علي : من ايش شيخه: خايفه من خيبة الامل خايفه يخذلني بدر فتحت قلبي له اخاف يكسرني خايفه من الجاي ماني مرتاحه علي خاف من كلامها: شيخه ليش تقولين كذا شايفه منه شي سوى شي يضرك زعلك خاانك شيخه: لا بس خايفه من الحياه والوقت علي ما تطمن ابد وسكت عشان يطمنها : شيخه دام مافيه شي هذا مجرد خوف طبيعي ودامك حبيتيه لدرجة انك خايفه انه يطيح من عينك هذا معناته انك انجنيتي فيه شيخه عيشي حياتك واذا شفتي اخطاء على بدر صلحيها انتي وتحمليها واذا فاقت طاقتك اطلعي منها واتركيه وقولي لي عشان ادفنه لك حي شيخه اكبر مثال شوفيني انا وريم كيف كنا وكيف صرنا انا تعبت مع ريم كثير دخلت لمشاكل وعرضت نفسي وحياتي للخطر واكثر من كذا بس فالنهايه شوفينا مبسوطين ولا تخافين بدر ما يأذي احد تطمني لكن اذا ماتبين تتكملين معه من الحين اطلعي معي واتركيه ومالك الا طيبه الخاطر ومحد له دخل فيك صح اخوي بس انتي اغلى واعز شيخه ارتاحت من كلام علي وتطمنت : لا تروح اليوم تكفى علي: ابشري قومي انتي الحين غسلي وتعوذي من ابليس وبدلي وصلي ركعتين وتعالي شوفي العشاء شزينه بنخلصه على بدر وخليه ينطق برا شوي بعد شيخه ابتسمت وقامت تبدل وعلي طلع لبدر بدر: هاه شصار معك علي مسك بدر بثوبه وهو معصب: شمسوي للبنت ليش لذا الدرجه خايفه منك ليش لذا الدرجه منهاره وهذا غريب على شيخه وعمرها ما بكت كذا بدر نزل يد علي: انجنيت انت وش بسوي لها اصلا ماقربت منها ولا تكلمت توني جبت العشاء عشان تتطمن وترتاح الا انفجرت بذا الحال هي قالت لك شي علي : لا لكن اسمعني ي بدر شيخه حبتك تعرف اش يعني هذا يعني انك حصلت على قلب ناااادر وجوده وانسااانه صعب تحب ولو فكرت تأذيها او تضيق خاطرها مجرد تفكير والله ما اقول انك اخوي والله لابتلي فيك واخلي الدم لركب بدر خاف من جد صح انه اكبر من علي بس علي شخصيته اقوى: وش قصدك علي : جالس احذرك من انك تأذي شيخه او حتى ترفع صوتك عليها بالقوه سكتها حالها يقطع القلب الا يفجع والكافر يحن عليها اليوم انساها تماما وانا ببات هنا بجلس اقل شي تتطمن ولا يصير لها شي من ورا هالانهيار بدر: زين .. تركه علي وراح لشيخه اللي صلت وجات لعلي وهي لابسه بيجامتها اللي تحبها : ما تأخرت عليك علي:يوووووووه انتي مافارقتي ذا البيجامه شيخه:هههه احبها علي : خستي بنا فيها شيخه: والله ارتاح فيها علي : ماعلينا تعالي لا يفوتك الاكل بندقه دق الحين شي نااااطع شيخه: هههههههههه يلا علي ابتدا يوزع الاكل شيخه:علي وبدر علي ابتسم لشيخه: بدر ال حين اودي له قام علي اخذ نص الاكل واعطاه بدر يتعشى هناك وبدر متكدر وضاااااايق وزعلان من ذا الحال :اووووف هذا حال عريس بالله وين ربي قردني بالمجانين رجع علي لشيخه وابتدا ياكل مع انه شبعان بس عشانها ويأكلها ويذكرها ببعض المواقف اللي لهم مع بعض وشيخه تضحك خلصوا وقام علي غسل وجلس وجات شيخه وجلست بتعب وابتدا يغني لها لانه يدري انها تحب صوته اذا غنى ‎غفت شيخه على صوت علي اللي اختار الاغنيه هاذي عشانها توافق الجو وشيخه تحبها ناظر لها علي وقلبه متقطع عليها مايدري ليه كل ذا بس من ذا اللحظه بدا يشك ان بدر مسوي شي كان يشوف دموعها حتى هي نايمه مسح دموعها بيده ولحفها وهو يحاول يفهم ليه كل ذا ٠٠٠ اما بدر اللي كان واقف ع الباب وهو يشوف وضعهم ماكان متوقع شيخه متعلقه بعلي لذا الدرجه شاف شكثر علي يحب شيخه لدرجة انه مستعد يذبحه عشانها وكيف عصب وهو مايدري باقي عن سبب بكى شيخه رجع جلس وهو يفكر بكلام علي اللي قاله وان شيخه حبته سند راسه وهو ندمااااان على اللي سواه وتأنيب الضمير ذبحه واحرق قلبه من بعد ماشاف حال شيخه اللي كأنها حاسه ان وراه خيانه فكر في مهره وحياته معاها اللي اغلبها مشاكل وكيف ازعجته بالاتصالات وشيخه اول مايضيق تكون جنبه غفى وهو يفكر وقلبه محروق ومتعذب على شيخه ٠٠٠ من بكره الصبح صحت ريم وهي تدور علي استغربت انه مو فيه وين راح غريبه شافت اغراضه وجواله الثاني فيه راحت تدوره بالبيت ماحصلته : وين راح غريبه اتصلت عليه وشافته مايرد دقت ثاني مره وجاها صوته وبااين انه نايم وكلامه مخربط ولا فهمت منه شي ابداااا ابداااا سكرت لما حست صوته اختفى ورجع نام وراه صوت بنت سكتت بصدمه وهي مستغربه وش طلع علي من البيت وليش راح ينام في مكان ثاني ومن صوت البنت اللي وراه خافت من اي احتمال وجلست بخوف وهي ما تدري وش تسوي ٠٠٠ عند بدر اللي صحى وهو ماسك رقبته اللي اوجعته من نومته الغلط وقام بيشوف علي وشيخه صحوا طل براسه وشافهم نايمين في الصالة طلع بدر وهو مغبون على ليلته اللي راحت عبث ومايدري وش صار لشيخه وخلاها كذا ٠٠٠٠ وعلى العصر صحت نجلا على اتصال طراد وردت وصوتها كله نوم : اهلا طراد : صح النوم باقي نايمه نجلا : ايييييوه طراد : كل هذا تعب قومي صلي وصحصحي وكلي شي وارجعي كلميني نجيييل ي ويلك ترجعين تنامين اجي بيتكم والله نجلا: هههف زيييين طراد: يلا احتريك قامت نجلا تتروش وتصحصح وتصلي طلبت اكل ٠٠٠ عند ريم اللي من الصبح وهي جالسه على اعصابها وتنتظر علي وتدق مايرد وبدت تخاااف وتشك ٠٠٠ اما بدر اللي عجز ينام وراح تغدى ورجع وشيخه وعلي نايمين باقي مالقى حل الا يصحيهم تقدم بدر: علي علي يلا قوم شيخه قومي يلا صلو ترا راحت عليكم الصلاة ما احد رد وما اثقل من علي الا نوم شيخه بدر بصراااخ: علييييييي ششششيييييخه فزوا الاثنين مع بعض علي :اااااه شيخه: وججججججع علي : بدر خير تستهبل شيخه : ااااه ي راسي بدر:قوموا الساعه خمس يلا علي : واذا خمس خير ي طير بدر: لا يا شيخ اشوفك مره اخذت راحتك قم طس تراي انا العريس علي تذكر ورجع انسدح : طيب صجيتنا خلااص شيخه قامت وهي ترفس علي : وجع فجرت راسي علي : اقول اذلفي بس تبين تطقين طقي بدر راحت شيخه للحمام عشان تتوضي وبدر جلس جنب علي بدر: علي خلاص ياخي قوم انقلع لبيتك علي : ايه عشان ترجع تخوف شيخه بدر: بلا سماجه علي انت تدري انه كل خوف طبيعي علي : مدري والله ي بدر لكن بروح واياني واياك تزعلها بدر: خلاص اذلف قام علي وراح يتوضي ويصلي وبعدها راااح لبيته وهو ناسي انه رد على ريم ولا هو متذكر ٠٠٠ عند نجلا اللي رجعت تدق على طراد وهي باقي فيها نوم طراد: ايييوه كذا صحصحي نجلا : والله باقي فيني نوم طراد: بنت وش ذا النوم اثاريك زي علي قلبا وقالبا وعوووه ي النوم الزايد من متى نايمه نجلا : اوووف والله تعبانه من يومين ما نمت طراد: ليش نجلا : ياخي شيخه مدري شصار لها من يومين وهي معلقه بس تبكي وكل شي تسويه يخرب فضطريت اباات عندها وطلعت عيوني في ذا اليومين طراد: معليش خوف طبيعي اكيد بترتبك وتخاف وتحوس شوي كل البنات كذا نجلا : ايه بس هي متعوده على بدر وكل شي اوكي لين قبل الزواج بيومين حتى كانت تكلمه .. طراد : السالفه ماهي سالفة تعود هي داخله على حياه جديده تغيرات جديده تصرفات جديده معاد هي البنت اللي مدلعه بيت اهلها صار لها مسؤليات .. نجلا : ايه انت شسويت اليوم طراد فهم انها بتغيير السالفه ومشاها: ابد صحيت الظهر رحت خلصت كم شغله ورجعت البيت خالاتي بيجون وحوسه نجلا : اشبك كذا ما تحب خالاتك يجون طراد: مو سالفة ما احبهم يجون بس اذا جو يقوم البيت واقعد احط الغرض ولا عاد احصله كل شي ينقلب وازعاااااج وحوسه وتعب غيييير قرف المبزره نجلا :هههههه والله حلوين الاطفال طراد: حلوين ادري بس عيال خالاتي لا لا لا نجلا : شفتهم مره شقيين بس طراد: شقاوه بس ي ربي لا تبلاني نجلا : حرام عليييك طراد: هيا اشوفك بكره زهقانه من عيالنا نجلا انح رجت وسكتت وكمل طراد سووالف ٠ عند ريم اللي كانت تداري دموعها وهي مو مصدقه ان علي يسوي كذا ليش طيب لييش سمعت الباب ينفتح وشافته داخل وهو بااين انه توه صاحي من النوم تقدم علي بيسلم عليها لكن ابعدته بيدها علي قطب حواجبه: رييييم وش فيك ريم: ابعد علي: شفيك ريم :وين نمت ووين كنت علي :اييه كنت شيخه ريم: نعم علي : ايه كنت عند شيخه ريم: تستهبل تكلم طفله انت علي : ريم وش صاير ريم: مين اللي كنت عندها علي كان عذره بشيخه بالواقع مو مقنع وش تبي فيه شيخه بليلة زواجها : قلت لك عند شيخه ريم: علي انت قاعد تضحك علي وش تبي فيك شيخه وهي عروس وهذا اول يوم وشيخه ما عمرها نادتك عندها وهي باقي ما تزوجت بتناديك وهي عروس وش تبي فيك علي : ريم بلا جنان قلت عند شيخه يعني عند شيخه ريم: قول الصدق ي علي وش اللي خلاك تقوم من جنبي الساعه ٣ وتروح تنام عند وحده ثانيه ليييه ليييييييييه علي: ريم شيلي هالافكار من راسك وانتي تدرين مستحيل اسويها ريم: انا ادري انك مستحيل تسويها بس انت سويتها توقعتها من الكل الا منك علي : لا حول الله ي بنت الناس دق علي بدر وقال شيخه تبكي ومنهاره ولا عرف يتصرف معها ورحت وطلبتني ابات عندهم وبت وكنت برسلك بس مافضيت ريم وعيونها مليانه دموع : ههههه تراك تكذب الكذبه وتصدقها علي: اي كذبه ريم اصحي لنفسك واذا ما انتي مصدقه دقي على شيخه وبعدين من وين جبتي سالفة اني نايم عند وحده ريم : لما رديت علي سمعت صوت علي : رديت عليك انتي متى اتصلتي اصلا ريم هنا تأكدت شكوكها وبكت : دقيت عليك ورديت انت مدري الزفت اللي جنبك وكان كلامك مخلبط مو مفهوم وهي تتكلم علي يحاول يتذكر بس ما اتذكر انها دقت : ريم تعوذي من ابليس وادحري الشيطان اكيد دقيتي وانا نايم ورديت ماحسيت على نفسي وبعدين هالزفت اللي تقولين شيخه وحتى دقي واسأليها ريم: بدق بدق واتمنى تكون صادق اخذت الجوال ودقت على شيخه اللي ماردت ودقت مره ثانيه ولا ردت حذفت ريم الجوال وهي تلتفت على علي : شفت شفت انك صادق شيخه حتى ماهي فاضيه ترد ع الجوال تركته وراحت غرفتها وهي تبكي بحرقه ودموعها مغرقه وجهها علي وقف بصدمه مو معقوله تكون مصدقه مو معقوله طلع جوالها ويشوف اذا صدق دقت والا مقلب وفعلا طلعت متصله عليه غمض عيونه وهو يدري ان محد مصدقه لو يقول عند شيخه راح يبي يكلمها ويفهمها بس ما سمعته ماحصل حل الا انه يكلم شيخه تكلمها دق على شيخه ما ترد ودق على بدر مايرد علي: وجع ان شاء الله وجع والمجنونه هاذي وش اسوي فيها انا وش اسوي فيها .. راح لباب الغرفه وهو يدق : ريم ي حبيبي افتحي واسمعيني والله اني كنت عند شيخه والله ماردت ريم اللي كانت تبكي قطع عليه اتصال طراد وكأنه منقذ لعلي علي :هلا طراد طراد: هلابك شفيه صوتك توك صاحي علي : انا طحت بمصيبه ما كانت ع البال ولا ع الخاطر طراد: لييييش علي قاله كل السالفه وانصدم طراد: انت صاحي بعقلك علي : ليه طراد: ي حمار حتى لو قلت عند شيخه الحمار وهو الحمار مابيصدقك وش تبي فيك شيخه بذا اليوم علي : بس هذا الحقيقه طراد: ادري انها الحقيقه بس محد مصدق لين تدق على شيخه وتتأكد وخصوصا انك رديت وانت نايم وشيخه تكلمت علي: اعوذ بالله من ذا النهار وش اسوي طيب ذبحت نفسها تبكي هناك طراد: مالك الا شيخه هي اللي بتقول الحقيقه هي وبدر علي : المشكله مايردون طراد: دق لين يردون بتجلس متكتف كذا علي : طيب يلا طراد: روح الله يعينك ٠٠٠ عند شيخه اللي كانت تتغدا هي وبدر وهم ساكتين ولا واحد تكلم والجوالات بعيد عنهم بدر وهو يناظر الاكل : شيخه شيخه بهمس : نعم بدر: ليه سويتي كل ذا وليش صار معك كل ذا شيخه حطت الملعقه وهي ترجع لورا: كنت خايفه بدر: خايفه من مين مني انا انا ي شيخه شيخه: ايه بدر: ليه وش سويت عشان تخافين شيخه: مدري بس جاني خوف عجزت امسك نفسي وكنت تعبانه من يومين ونفسيتي تعبانه بدر: مو من يومين من فتره انا حاس فيك بس ما حبيت اضايقك الحين قولي وش فيك ماراح نكمل كذا شيخه: بدر قلت لك سوالف الناس عن الزواج وغير هذا الكل يقول ان احنا مو متناسبين وانك بتمل وانك ماتقدر تتحملني وتصرفاتك الاخيره كل ذا اثر فيني بدر: مو تكلمنا في تصرفاتي وقلنا خلاص شيخه سكتت بدر كمل : شيخه انا وانتي من امس بدينا بطريق حياتنا والبدايه انتي عارفتها شيخه اذا شفتي مني شي يزعل قولي لي وانا احله شيخه احنا بنعيش عمر مع بعض احنا نكمل بعض مو معقوله نجلس كذا ونبني حواجز شيخه : انا اسفه خربت عليك ليلتك بدر: لا تقولين كذا ولا تتعاملين معي برسميه ماهمني اذا راحت ليله انا انتي تهميني ما رضيت عن حالك ابد عشانك مو عشاني شيخه انا ماني سيء ولا عمري اذيت احد ولا جرحت احد عشان تخافين من الحياه معي وانتي كل واحد يتمناك وانتي كثير علي بعد وانا اعتبر ما استاهلك شيخه انتي انسانه نادره حيل محد يحصل مثلك وانا محظوظ لكني غبي ماعرفت اتصرف مع الجوهره اللي عندي انا اسف اذا زعلتك وضايقتك واذا فيك شي قولي الحين وخلينا نحله شيخه ا رتاحت من كلامه وطارت فرح ابتسمت: مافيني شي زي ماقلت لك ابتسم بدر لها ورجع لاكله وهو مبسوط انه حل هالمسأله ورجع يسولف ويضحك مع شيخه ٠٠٠ في بيت ابو عمر كانت اريام عندهم وتسولف مع امها فجاءه حست بغثيان وركضت للحمام ام عمر: شبكي أريام شبكي يامو اريام: مدري يمه من يومين ماسكه معي لوعه غريبه وألم ببطني ام عمر: اريام يامو ما تكوني حبله اريام: مدري يمه حتى ريحة البيت كارهتها ام عمر: يامو خلينا نجب لك تحليل وبتشوفي نجلا : شفيكم ام عمر: وين السواق نجلا : برا اكيد ام عمر: روحي ابعتي وراه خليه يجي بدي روح الصيدليه نجلا : وش فيكم طيب ام عمر: خلصينا روحي نجلا : طيب راحت نجلا وقالت لسواق يجهز عشان يودي ام عمر للصيدليه ورجعت تقولها انه جاهز وراحت ام عمر لصيدليه نجلا :اريام شفيك اريام: مدري حاسه بغثيان وامي تقول احتمال اكون حامل نجلا :هييييييه بجدك ي رب ي رب تكونين حامل نفسنا بطفل صغير بالبيت اريام: ان شاء الله ي رب ٠٠٠ عند علي اللي كان يحاول ريم اللي تبكي للحين بس ماردت عصب وضرب الباب برجله وابتعد ريم خافت من ضربته وزادت بكي علي رجع يدق على شيخه ردت شيخه: شفيكم علي : دقي على ريم الحين وفهميها اني كنت عندك لا ابتلي فيها شيخه: شفيكم علي : شيخه خلصي سكرت شيخه ودقت على ريم اللي ردت عليها وهي تبكي ريم : شيخه شيخه بفجعه: شفيك ريم: علي يخوني ي شيخه شيخه: نعم من وين جبتي هالكلام ريم :البارح بات عندها ورد علي وصوته موطبيعي وهي تتكلم وراه واليوم جاء العصر وهو يقول ماشاف اتصالي ويكذب ويقول عندك شيخه: وجع ي خبله وجع ريم: ليييه شيخه: علي كان عندي ي مريضه امس قلبت على بدر وانهرت عليه ماعرف يتصرف وخاف يدق على امي وابوي ويفجعهم فدق على علي وجاء علي وانا ما خليته يروح وقلت له يبات عندنا لاني خايفه وبات وبالماريه في جبينه ضربه عشان صقع فيني اول ما صاح بدر ريم: بذمتك ما تمزحين شيخه: اي مزح ي غبيه لو انه بيخونك ما حبك عمره كله ولا رمى نفسه للموت عشانك ي بقره ولا كان تزوج وانتي تكرهينه علي يجيه بنات كثير بس ما ملا عينه غيرك امس طول الوقت يسولف عنك وانتي تفكرين انه يخونك وشكله رد وهو نايم وانا صحت من ازعاج الجوال وكنت اقوله يسكره ريم انصدمت مو معقوله شكت بعلي بس بعد روحته لشيخه مو مقنعه شيخه: قومي شوفيه اتجنن لحاله ي هبله سكرت شيخه وريم مصدومه قامت بتتأكد اذا جد او لا فتحت الباب وحصلت علي جالس اول ماشافها وقف ناظرت جبينه وحصلت فيه ضربه ابتسمت انه كذب مو حقيقه ركضت لعلي وهي تضمه : انا اسفه والله اسفه تجننت تجننت لما ما حصلتك جنبي اتصلت وانت مارديت مزبوط وعذرك بشيخه كان غبي والله اسفه ي علي والله اسفه عرف علي انها عرفت الحقيقه وابتعد : بكل برود شكيتي ما كنتي واثقه فيني لدرجه انك تكذبين اذنك وتصدقيني ريم: علي من الغيره انهرت والله علي : ليتك كسرتي ظهري بثقتك ليتك رااح وتركها علي وهي مصدومه انه تركها علي كان معصب كيف تشك فيه بعد كل اللي سواه عشانها كيف مهما كان عذره مستحيل المفروض تصدقه ٠٠٠ عند ام عمر رجعت وجابت التحليل لاريام اللي رجعت تحلل وهي تدعي ربها انها فعلا تكون حامل اخذت التحليل واعطته امها وابتسمت ام عمر وهي تضم اريام : مبروووووك يامو انتي حبله ي ضو عيوني حبله اريام بكت من الفرحه وضمت امها وهي تبكي نجلا عبت البيت صراخ وهي مستانسه وتضم اريام دخل عمر على صراخهم عمر: شهالصراخ شفيكم ام عمر: عمر يامو اريام حبله بارك لاختك يامو عمر ابتسم: والله نجلا : والله بيجي بيبي للبيت .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ⓵③ 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼