الفصل 30
عالم القصص والروايات 📚:
🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ⓪③🌱
🍒ـــــــــــــــــــــــــــــــــــــ🍒
اريام : والله كل ما اتذكر ازعل من نفسي
شيخه: لا معليك انسي وعيشي مهما حصل حنا خوات
اريام : الله يوفقك محتاجه شي اساعدك بشي
شيخه: لا خلاص قضيت
اريام : زين انا بروح اشوف فواز
قامت اريام وراحت لفواز وهي مبسوطه من حياتها
٠٠٠
ومن بكره ابتدا جو العيد والحماس والفرحه الا شعوريه
كان ابو عمر جاهز وجالس في الصالون هو وراشد والجد يكبر :الله اكبر الله اكبر الله اكبر لا الله الا الله الله اكبر الله اكبر لا شريك
بدر اللي كان واقف يبلس مره عبيد وقف جنبه وهو يلبس
ونجلا اللي كانت تلبس وتصلح نفسها وهي مبسوطه ومتحمسه لاول عيد بوجود طراد وريحة العود والقهوه في كل البيت
٠٠٠
في بيت ابو ناصر شيخه اللي كانت مروقه وضحكها معبي البيت وهي تتمشى باقي ببيجامتها ولا بدلت مرت فواز اللي يلبس واريام جنبه بالعود : شعليك شعليك بعد الخدم جاتك عين السيح ارياموه
فواز: ههههههه اول مره تقولين كلمة حق لكن عزتي لك لو مقدمين زواجكم كان الحين تبخرين بدر
شيخه: ماعندك مشكله ادق عليه يجي الحين وابخره ليه لا
فواز: ههههه تسوينها والله
تركتهم شيخه وراحت لابوها: الله الله معرس معرس معرس ابد يبه ماللك الا اللي يزوجك
ام ناصر: شيخوه وجع
شيخه: وانا صادقه صرتي قديمه انتي
حذفتها امها بالجزمه وضحكت شيخه ورجعت تبوس امها: امزح امزح يمه انتي بعد ملح وقبله وباقي شباب خلي ابوي ذا الشايب ودوري لك عريس جديد
ابو ناصر محطها بالعقال وانحاشت وهي تضحك
وراحت تلبس وتجهز
٠٠٠
اما علي اللي كان لابس وجاهز وخالص اقبلت ريم عليه وهي ماسكه بيدها العود وصارت تبخره وهي تسمي عليه وعلى هيبته وطلته اللي تجذب
ابعد علي وهو يتعطر ويشخص شماغه
التفت لريم اللي واقفه: ريم شفيك
ريم : ولا شي ابي احصنك
علي ابتسم : المفروض احصنك انتي
ضحكت ريم وبدأت تحصن علي وبعدها بعدت وراحت تكمل وتلبس وعلي جالس يكبر جابت ريم الكاميرا وابتدت توثق الاحداث وبعدها طلعوا يصلون العيد وبيروحون بيت ابو عمر
٠
٠
في بيت ابو طراد كانت ام طراد جالسه تبخر طراد وابوه
ام طراد: عقبال ما ابخرك عريس
طراد: انا والا ابوي
ام طراد: اكيد انت
طراد : لا بس يعني قلت يمكن لان ابوي ناوي الزواج
ابو طراد ضربه: يكذب عليك ي بنت الحلال
طراد:ههههههههههههههه افا يبه طلعت من جنبها
ابو طراد: عاد امك محد يحصل مثلها
طراد: رقع جزاك الله خير رقع هههههه
ابو طراد: اصبر لين تجي نجلا اصبر
ضحك طراد وطلعوا يصلون وبيتجمعون في بيت ابو عمر
٠٠٠
بعد الصلاة اجتمع الكل في بيت ابو عمر والبزران يراكضون يبون عيديات وصافين طابور ويدورون على الشياب وصف معهم علي وطراد
الجد : وش تبون انتم
علي : عيديه
بدر:يمممممه مالقى يطلب عيديه الا انتم حبايبي انتم المفروض توزعون عيديات
طراد تخصر: ليه ان شاء الله
عمر: عندكم شركه والفلوس ماشاء الله عندكم خير وبركه
علي :عمى بعينك اذكر الله وبعدين حنا يالله يالله بشغلنا
ابو عمر: وهم صادقين انتم تصرفون رواتب ناس كثير عجزانين عن العيديه
طراد : لحووول حنا ورانا مسؤوليات ماحنا فاضين للحركات هاذي
الجد : خذوا واخر مره ..عطاهم ١٠٠
علي:بس
الجد :وش تبي بعد هاذي نعمة كريم
طراد: الحمدلله بس يعني قليله
ابو عمر: تعالوا ازيدكم
وراحوا له ولفوا المجلس كله وبعدها جلسوا يعدون
طراد: علي كم معك
علي : ١٣٠٠ وانت
طراد: ١٤٠٠
علي :خير من اللي غاش
طراد: ابوي عطاني ميتين
التفت علي لابوه : يبه افا معطيني ميه وابوه عطاه ميتين
ابو عمر : هو ولده الوحيد وانت غيرك كثير
علي : انا احتج ترا بتبرا منكم
الكل: يوووووووووه
علي :بسم الله الرحمن الرحيم خلاص مابي شي طراد اقسم الميتين بينا
طراد: اقول اقلب وجهك
علي : اوريك ي نجلاااا
طراد عطاه الميه كامله : خذ وجع
علي : ايووووه كذا هههههههههههه
وقف علي على الطاوله : اسمعوا طراد بدر وفواز ومشاري (زوج نوره) مافيكم ولا واحد ياخذ زوجته الا لين يعطيني ٢٠٠ ولا حتى يشوفها
طراد: على كيفك
بدر: اقول اقلب وجهك
فواز: مشاء الله باقي يتكسب من ورانا
مشاري :عاد انا ماعلي منك باخذها باخذها
علي : هيا والله والله والله ما تخذونهم اليوم ولا تشوفونهم الا ب ٢٠٠
ابو عمر: انت وش دخلك الحين هم بناتي انا ترا
علي تفشل :وخواتي
ابو عمر: اقول انزل وانت ساكت وروح كفر عن يمينك
الجد: ابدا مايشوفون الا ب ٢٠٠
العيال: يوووووه
علي : ايوه يلا يلا طلعوا المني طلعوا
حلف الجد واضطروا العيال يعطون علي ٢٠٠
علي جلس ويعد :٨٠٠خير وبركه حسافه لو الباقين جايين
ناصر: من الباقين
علي : ريماس وفوزيه
طراد: جعلها ي رب تضيع تراها يعتبر مال غصيبه ولا يجوز لك
علي :طيب اوريكم ..
دخل علي عند الحريم بما ان اغلبهم محارمه وابتدا يعيد عليهم ويسلم عليهم بعد ما خلص سحب ا
ريام ونوره ونجلا وشيخه وريم معه وراح المجلس الثاني
علي : اسمعوني الحين بدور كل وحده بيجي زوجها يعيد عليها ويطلع بس تسمعين ي نجلا من بعيد
نجلا تفشلت وهي متأزمه من علي و اللي صار ايام الملكه مانساها
شيخه: وش دخلك انت هاه
علي : انتي اسكتي لا امنعك اصلا ليش تشوفينه وزواجكم بعد ٦ ايام خلاص روحي انتي ممنوعه
شيخه: اقول طس بس والله لاشوفه واعيد عليه
علي : شيخوه لا تخليني احوس كشختك وماخليك تعيدين
شيخه: وش تبي ي نفسيه
علي : تبين تشوفينه ادفعي ٣٠٠
شيخه: خييير على كيفك
علي : ايه على كيفي ماتبين روحي جوى
شيخه :اشمعنا انا
علي: انتي زواجك بعد ٦ ايام
شيخه: يووووه ي علي
علي : بكيفك ماتبين برا
شيخه : مامعي ولا ريال
علي : موب شغلي اقولي لبدر اسرقي سوي اللي تبين مافيه
شيخه : مابي خلاص
وراحت شيخه وهي اصلا ما كان ودها تقابل بدر قبل الزواج ماتدري ليه ماعاد ترتاح له
علي: يلا نبدا بنوره اجهزي واطلعي لزوجك اصلاً يبيك عشان تروحون لاهله هو نفسيه مالي خلقه
نوره: مالت عليك ... وراحت تلبس وطلعت لمشاري
علي : الحين اريام خمس دقايق واجي التزموا الادب
قال لريم ونجلا يدخلون جوى شوي وراح وقف عند الباب حق الرجال : المدعو فواز سامي يتفضل لزياره خمس دقايق بشهادة الجميع
بدر:خير سجناء
علي : انت بالذات اسكت لانك ممنوع من الزياره
بدر : لييييه
علي : ادخل فواز المجلس الثاني خمس دقايق واجي هاااه
فواز: يالللييييل طيب
بدر: انا ليش
علي :اول شي طاقني ثاني شي انت وشيخه عليكم غرامه
بدر :غرامة ايش
علي : زواجكم بعد ٦ ايام وتبي تشوفها ليييش اذا تبي طلع ٣٠٠
بدر: خيييير اقول اقلب وجهك بس
علي :شوف انا طلبتها من شيخه بس شيخه مفلسه عشان كذا طلبتها منك وانت بكيفك
االكل كانوا يضحكون على شكل بدر اللي قام وعطى علي ٣٠٠ ورفسه معها
علي : يلا انتظر شوي دورك بعد طراد
ابو طراد: ابي اعرف انت مين يسوي بك مثلهم
علي :هههههههههه افا عليك انا ذيييييب
طراد: يجي لك يوم بس انتظر
علي : لا تهدد ثم امنعك
طراد:خلاص سكتنا
علي :ههههههه ي زيييييين الانتصار
وراح يطلع فواز بالغصب
٠
٠
علي :فووواز يلاا
طلع فواز وقرص علي في بطنه: وجع عساك الزهايمر ااااااي اوريك اورويك
طلع علي ونادى نجلا علي : نجللللا اعقلي هااااه
نجلا :اووووف طيب
علي:ههههههه
وراح ينادي طراد وطل من الباب : طراد شرف ي قلبي
طراد قام وهو مبتسم وضحك علي بهمس :اركد هاه وترا حاطين مناديل مسح يعني
طراد: على شحم
دخل طراد وشاف نجلا واقفه وهي لابسه الفستاان اللي امس جابه اقبلت تسلم عليه وهي فيها خجل ابتسم طراد وسلم عليها :كل عاااام وانتي معي
نجلا ببتسامه: وانت معي وبخير وسلامه
طراد: كيف يومك
نجلا : حلو
طراد: تدري علي قبل شوي اخذ مني ٣٠٠ عشان اشوفك
نجلا :اما
طراد :والله
نجلا : يبي له احد يأدبه والله
طراد ابعد وهو يشوف فستانها: واااااو ما توقعته يجي زي كذا عليك يجنن بسم الله عليك حصنتي نفسك
نجلا انحرجت:ايه
طراد: والله ي نجلا حاولي قد ماتقدرين تشينين نفسك
نجلا : ليه
طراد: والله اخاف عليك من العين
علي فتح الباب : اقول اطلع بس قال عين اذا نجت منك تعتبر نجت من جميع المخاطر
طراد: انت تعال وانا اوريك المخاطر
علي : يلا بس بدر ازعجني هناك
طراد التفت على نجلا وسلم عليها ورفع ثوبه وعضه واخذ عقاله وانطلللللق وراء علي اللي انحاااش ونط ورا جده
طراد: انت اطلع بس اوريك
علي : والله ياخي ترا بس سلام ماهو جهاد
طراد : والله ي علي لوريك
طلع علي بعد ماراح طراد جلس وراح لشيخه
علي : شيخه يلا
شيخه: مابي
علي :يوه خلاص سامحتك
شيخه: مابي خلاص
علي : ي بنت حرام عليك بدر جالس ينتظر مسكين ودفع ٣٠٠ يلا
شيخه قامت عشان بدر ودخلت المجلس وشافت بدر جالس ومنزل راسه اول ما حس عليها رفع راسه وابتسم ابتسامه تذوب الصخر وقام وقف وتقدمت شيخه اللي كانت بتسلم سلام عادي بس سحبها بدر وضمها: تراي مشتاق لك مابي سلام عادي كل عام وانتي في حياتي
شيخه دق قلبها بقوه وهي خايفه من حياتها مع بدر سكتت ما ردت وسمعت بدر يهمس بأذنها:لذا الدرجه ماتبيني
شيخه:ليييه
بدر : اقل شي ردي علي
شيخه ماحست الا هي تضمه بعد وتشد عليه ولا تكلمت واكتفى بدر بضمتها اللي حس انها تعبر عن اشياء كثيره اكبر من الرد والكلام
ابتعدت شيخه وهي فيها صيحه ماتدري ليش نفسها كذا تمسكه وتقوله كل شي بقلبها وتقول انها مانها متطمنه معه وتحس ان وراه مصيبه كبيره وانه تغير وانها طاحت على وجهها في حبه ولا قدرت تردع نفسها جلس بدر ومسك يدها: شيخه شفيك ..
شيخه: ولا شي بس تعرف توتر العرس كذا يعني
بدر: اها تدرين اني متحمس بطريقه ما تتخيلينها ودي اقدم الدنيا بسرعه لذاك اليوم ومتحمس لحياتي معك اكيد حلوه
التفتت شيخه له ودققت فيه حسته رجع بدر الاول مرت عليها نسمة امان هاذي المره وابتسمت له لا شعوريا
شيخه: بأذن الله حلوه
بدر طلع من جيبه علبه صغيره فيها سواره بأسمها : خذي هاذي هديه بسيطه للعيد
ابت
سمت شيخه واخذتها وهي فرحانه انه تذكرها ولبسها بدر وهو يحسها فيها شي
بدر: اخذتها وانا ادري انها عليك اكيد حلوه
شيخه : من ذوقك
دخل علي : يلااا انتهى الوقت
بدر: مالت عليك ي شيخ
علي : يلا قوم
شيخه قامت وطلعت وبدر تقدم بيطلع بس مسكه علي : شفيها شيخه
بدر: مدري تقول ارتباك الزواج
علي :ما زعلتها
بدر: لا والله
علي : حط في بالك لو تضيق شيخه منك شوي بس بتحصل مني ردة فعل ما تعجبك ي بدر
بدر خاف من لهجته انه عرف بموضوع مهره: علي خير وش ذا التهديد
علي : ما اهددك بس اعلمك
تركه بدر وطلع ودخل علي يبي الحين يشوف ريم لكن ماخلوه كسروا الباب تكسير وطلع علي عليهم وتمحيط
بعد شوي ابتدوا يشغلون الالعاب الناريه حماس الشباب مو طبيعي وبعدها جاب عبيد السماعه واقتحموا الجو بالرقص
وبعد الظهر كانوا العيال محذفين بالمجلس ونايمين والشياب بالمجلس العربي (المقلط )
والبنات والحريم والبزارين نفس الحاله
عند ريم اللي عجزت تنام من مغصها ولوعة نفسها كانت بالحمام واقفه وهي حاسه انها دايخه وبترجع
طلعت وانسدحت وهي دايخه وغطت بنوم من التعب ونست تعبها
٠
بعد العصر صحى ابو عمر الكل ولبسوا من جديد وتجهزوا عشان يتسقبلون الضيوف من جديد والمهنئين
علي واقف جنب الباب : ييييمه بموووت ابي انااام
طراد: وربي اني اشوفهم كل واحد عشر من التعب
علي :شكلي ..... قطع عليه اتصال ريم: هلا حبيبي
ريم : علي وينك
علي : تحت وش فيه صوتك
ريم : علي تكفى تعال فوق
علي بخرعه: وش فيه
ريم ببكي :تعااال ا... رمت جوالها وركضت ع الحمام
فز علي وراح ركض وهو خايف عليها طلع من الدرج الخلفي وراح يركض لغرفته دخل وسمع صوتها ترجع بالحمام ( الله يكرمكم ) اسرع لها وسندها : ريييم ريييم حبيبي وش فيك وش صار معك
ريم وهي تبكي : مدري مدري
علي سندها وهو يغسل وجهها ويدينها حملها واخذها وحطها على السرير: وش فيك وش تحسين
ريم: بطني ي علي بموت تكفى وديني المستشفى
علي : يلا يلا الحين
راح وجاب عبايتها ولبسها وحملها ونزل من الدرج وقابلته نجلا :علي وش فيكم
علي :ابعدي ي نجلا ريم تعبانه بوديها المستشفى
نجلا : وش فيها
علي : ابعدي الحين
بعدت نجلا ونزل علي مسرع وركب ريم واسرع وركب هو بعد وهو خايف عليها ويشوفها كيف تبكي وترجف
٠٠٠
طراد اللي استغرب ان علي طول دق عليه مارد ورجع دق على نجلا : الو نجلا
نجلا :هلا طراد
طراد: علي عندكم
نجلا :علي نزل بيودي ريم المستشفى
طراد: وش بها ريم
نجلا : مدري علي حملها وهي تبكي ومدري شصار
طراد: خير بأذن الله انتي لا تشيلين هم ولا تقولين لاحد وتقلقينهم
نجلا: طيب
طراد: يلا خليني اشوفه
سكر طراد وهو مستغرب وش فيها ريم
٠٠٠
عند علي وصل المستشفى ونزل ريم واستقبلوها الطوارئ وبلغهم عن حالتها وش صار فيها صلحوا لها تحاليل وفحوصات وقالوا ان معها نزله معويه وركبوا لها سيروم واعطوها ادويه تسكن الالام عليها
جلس علي : وش صار عشان جاتك نزله
ريم: مدري يمكن برد او شي
علي : تهون ان شاء الله اهم شي انتي بخير
ريم غمضت وهي تعبانه ومنهد حيلها تمسكت بيد علي ونامت وجلس علي ينتظر السيروم يخلص عشان يوديها البيت وترتاح
دق طراد ورد علي:هلا طراد
طراد: وش صار فيكم
علي :ابد ريم كان معها نزله معويه وديتها
طراد: لا اله الا الله من ايش
علي: مدري اتوقع برد اكلت شي مو كويس مدري
طراد: طيب وش قالوا لها
علي : ابد ادويه ومسكنات وهذاني انتظر السيروم يخلص
طراد: زين اجل اخليك
علي : اوك
٠
٠
ابو عمر: عمر قم جيب العود
عمر: ابشر يبه
بدر: يبه وين علي عشان يساعدنا برا
ابو عمر: مدري وينه
طراد: علي راح يودي زوجته للمستشفى
الكل :وش فيها
طراد: لا تخافون نزله معويه وهي بخير بس يخلصون السيروم ويجون
ابو عمر: لا حول لله ان شاء الله انها بخير
الجد : الجيل هذا محد ينتبه لنفسه رامين انفسهم لتهلكه
ابو عمر: اي والله صدقت
٠٠
عند علي قضى السيروم وصحى ريم وطلعوا منها السيروم وهي تبكي عشان الابره سندها علي : ي خوافه كل ذا البكى عشان ابره
ريم: اخاف منها شفيك
علي : هههههه وربي انك عجيبه عطيني شي ما تخافين منه
ريم: ولا شي كل شي اخاف منه
علي : دلوعين ي ناس
ريم : علي
علي : ي عيوني ..
ريم : تسلم عيونك بس وش رايك توديني لمشاعل وخالي خليني اعيد عليهم حرام
علي : ابشري المغرب اوديك بس انت ارتاحي الحين عشان ماتنتكسين
ريم: زين
٠٠٠
عند العيال كانو مجهزين انتقام لعلي عشان اللي سواه فيهم اليوم وصل علي وطلع فوق وصل ريم وتطمن عليها ونزل لشباب تحت
ابو عمر: علي كيف ريم
علي : الحمدلله كويسه
الجد : لا توجع بنت الناس ي علي
علي : اوجعتها بأيش
الجد : انت تشغل المكيف وتنام ولاا تحس وهي مسكينه اكيد وجعها المكيف
علي :ابشر ي جدي ابشر
طراد جاء ومد له فنجان الشاهي :خذ روق
اخذ علي الفنجان وشربه : اه ي ربي قسم اني خلااص تعبان بشكل
بدر : معليك اشرب شاهي وبتصير طيب نبيك توقف معنا فالكرف
علي :مالي شغل فيكم بشرب الشاهي وبطلع عند ريم
عمر: سحرتك ريم هاذي ا
جلس معنا
علي :والله انها تعبانه بجلس عندها شوي
بدر: لا صادق كيف يخليها
طراد: ايه معه حق
علي استغرب انهم وقفوا معه واستأذن وطلع بعد ماشرب اكثر من فنجان شاهي ولما طلع حس بألم في بطنه فضيع وراح الحمام ( كانوا العيال متفقين يحطون لعلي حبوب مسهله وينكدون عليه ويدرون ان علي يوجعه كل شي ولا يوجعه بطنه يكره الم البطن وممكن يتجنن منه)
علي اللي عجز يطلع من الحمام بطنه ماسكه بألم بشكل
علي : اعوذ بالله وش صاير معنا احنا لا يكون انعديت من ريم
علي جات له البكيه يكره الم البطن بشكل مو طبيعي
٠٠٠
بدر: والله شكله اكلها
طراد: ي ويلنا لو يعرف
عمر: والله ليمسح فينا البلاط
طراد: احسن اجل قليله الفلوس اللي اخذها منا
بدر: اخاف يسبب مضاعفات
طراد: لا لا ماعليك هذا كويس اصلا انا اذا تعسر عندي الهضم وحده تفك الازمه طبيه اشبك
بدر: اشوى
كملو العيال استقبال وعلي فوق بيموت من الالم ولا يدري عن احد طول الوقت رايح جاي ع الحمام
٠
٠
ع العشاء استغربوا العيال ان علي ما نزل الحين وخافوا لا يكون سببوا له ازمه او شي طلع بدر يدق على علي اللي فعلا طاح منها وتعب خصوصا انه كان جوعان واخذها فا سلقت حاله سلق
نجلا : بدر وش تبي
بدر: علي وين زوجته عندكم
نجلا : لا مو عندنا وعلي مدري عنه
بدر: شوفي اذا جوا او لا
دقت نجلا الباب محد رد ودخلت طلت حصلت ريم وعلي طايحين كلهم ع السرير قربت وحصلت ريم نايمه وباين تعبانه وعلي يرجف هو ماسك بطنه
نجلا : علي شفيك
علي : نجلا نادي ابوي
نجلا : شفيك
علي: نادي ابوي
ركضت نجلا لبدر: نادي ابوي علي تعبان ويرجف
بدر : ايش بذمتك
نجلا : اي وربي الحق
راح بدر ركض ونادى ابوه وهو خايف من اللي سووه دخل ابو عمر عند علي وحصله هو وريم طايحين
ابو عمر : علي وش فيك
علي : مدري يبه بطني بطني يتقطع
ابو عمر: من ايش
علي : مدري يبه مدري
التفت ابو عمر على ريم اللي كانت طايحه جنبه وتعبانه: ريم فيها شي
علي : لا ريم بخير
ابو عمر خاف لا يكون فيهم شي الاثنين
بدر اللي من الخوف ما عرف وش يسوي نزل لطراد وقاله
طراد: وش تقول كيف
بدر: والله وعلي تعبان حيل
طراد: في ذمتك
بدر: والله وش بنسوي
طراد : ضروري نقول لعمي عشان يتصرف بسرعه
بدر: والله ليقطعنا
طراد: ماعليه المهم علي بخير
نادوا ابو عمر وقالوا
ابو عمر: ايش تستهبل انت وياها انت تدري ان الحبوب هاذي ما تستخدم الا لتسمم او عسر الهضم وانت معطينه على معده فاضيه
طراد: احنا بنمزح ما توقعنا كذا
ابو عمر: مالت عليك انت ومزحك فارقوني من هنا
اخذ ابو عمر علي وداه المستشفى وقالهم اللي صار وابتدوا يعالجونه وكان علي مثل الريشه يرجف
ابو عمر لبدر: حسابك معي عسير خليني ارجع البيت بس
بدر خاف هو وطراد
والكل مشغولين على علي وحاقدين على العيال اللي مزحهم مثل وجيهم
٠٠٠
بعد شوي طلع علي وهو تعبان من المستشفى ولا درا ان العيال مسوينها عمدا طلع فوق وهو بس يبي يناااام انسدح جنب ريم
ريم : علي انت بخير لا يكون اعديتك
علي : انا بخير ي حبيبي بخير لا تخافين لكن من كثر ما احبك مرضت زيك
ريم: يوجعك شي الحين
علي : لا الحمدلله بس ابي انام
ريم قربت منه وحضنته : وانا بعد
غطوا ريم وعلي بعد رعب ومرمره في نوم عميق
٠٠٠
وتحت عند العيال كان ماسكهم ابو عمر تهزئ قدام الكل
طراد: دايم انا اكلها ماسوت لي شي
ابوعمر:تاكلها على معده فاضيه
طراد: لا
ابو عمر : جرب ونشوف وش يصير فيك
سكت طراد وهو حاس بالندم فعلا وبدر مثله ..
عند البنات كانوا متجمعين بالصالون
نجلا : اما العيال مزحهم ثقيل
شيخه: انا مدري كيف طاوعهم قلبهم
نوره : المشكله انهم طراد وبدر اكثر اثنين يخافون على بعض
خلود : ي شيخه ييعتبرونه مزح
نوره: مالت على ذا المزح
نجلا : وربي امي هزئت بدر تهزئ وابوي بعد مسحوا فيه الارض
شيخه: وطراد بعد تهزاء
رهام : الله الله حتى بهاذي غيره
شيخه: ماسكه غلط يالحبيبه
رهام : وانا صادقه
ريماس :علي فهمنا علته لكن ريم وش علتها
شيخه: يمكن العيال بعد حطوا لها الحبوب
الكل ناظر فيها بطرف عين
نجلا : لا عاد مو لذا الدرجه
شيخه: يسوونها ليش لا
سكتوا البنات وهم يفكرون اذا ممكن يسوونها العيال او لا
٠٠٠
انتهى اليوم وكل واحد راح لبيته عند بدر اللي كان يكلم مهره
بدر: انتي وش صاير لك ابي افهم
مهره : والله بتتزوج تباني اكون مبسوطه
بدر: انتي تدرين ان قلبي معك وشيخه بنت عمي مقدر ارميها واروح
مهره: ما يخصني ي بدر دبر عمرك انا مابتحمل هالحال كلام الناس اكل وجهي
بدر: هانت كلها شهر انتظري
مهره: مابتجي لدبي
بدر: هالوقت لا
مهره: شلون يعني
بدر: يعني بظل مع شيخه وبعدها بنسافر ماني فاضي
مهره: انزين خل شيخه تنفعك
وسكرت بوجه بدر اللي سكت وهو يدري ان الجاي اعظم
٠٠٠
عند شيخه اللي عجزت تنام من التفكير ببدر وبحالاته عجزت تفهمه تحسه فيه شي يبي يقول لها بس مايقدر غمضت وهي تدعي ربها ان يسخر لها بدر ويفكها من شعور الضيقه اللي ملازمها
٠٠٠
مرت الاياااام بسرعه عند علي اللي عرف ان
العيال هم اللي سوو فيه كذا ومسكهم ورنهم ررررررن الين عضو الارض وزعل عليهم
جاء اليوم المنتظر اللي هو يوم زواج بدر وشيخه والكل حاااايس ومتحمس وشيخه كانت هي والبنات يجهزون بالمشغل وكانت شيخه هااااديه ما تدري ليه وفيها شعور يخوف ما كأنه زواجها تحس ان بدر غريب عليها وانها انرمت في بحر ماله مرسى وبدر كان مع الشباب ويحلقون ويجهزوون كان فرحان ومتحمس ومستغرب هدوء شيخه الفتره الاخيره بس برره بخوف الزواج
٠
٠
الكل جهز وتوجهوا للقاعه وحماس كاااان مو طبيعي
عند شيخه اللي كانت بجناح العروس وجالسه بهدوء وماسكه نفسها لا تصيح
نجلا : شيخه وش فيك
شيخه : ولا شي
ريم : شيخه فيك شي غريب
شيخه : تكفون مابي اتكلم واصيح
سكتوا البنات ودق جوال نجلا وكان طراد
نجلا : الو
طراد: ي مرحبا بأحلا الو كيف الحلوين
نجلا : كويسه وانت كيفك
طراد: انا مشتاق لك
نجلا دق قلبها ولا ردت طراد كمل : تدرين ابقولك شي
نجلا : وشو
طراد: حاولي تجين ابشوفك
نجلا : مقدر ي طراد مافي مكان
طراد: تكفين حاولي
نجلا ابتسمت وقالت : تعال مع الباب الخلفي تبع العرسان
طراد: متى على الله نصير حنا عرسان
نجلا : بتجي والا لا
طراد: جاي لا تخافين
سكت طراد وتوجه للجهه الغربيه ونزلت نجلا بعد ما رتبت نفسها وتعطرت وقفت جنب الباب وهي تستنى ودق طراد وفتحت نجلا الباب وهي مبتسمه اول ماشافها طراد غمض عيونه بقوه وهو يقول : ماشاء الله ماشاء الله تبارك الله
نجلا : طراد شفيك
طراد: اصبري حصنتي نفسك
نجلا :ايوه
طراد وهو يسلم عليها: وحشتيني
نجلا : وانت بعد
طراد: هيا تدرين اني احبك
نجلا خجلت: يييوه منك ضروري ذا الكلام
طراد:ههههههه الناس يبون الغزل وانتي ماتبين
نجلا : انا مابيك تتغزل وتضحك مع بعض اختار وحده
طراد:ليش
نجلا : محد يقدر يتحمل الابتسامه والغمازات والغزل مع بعض وبالذات اذا صارت منك
ضرب طراد وجهه وهو يقول : وتقول ي طراد لا تتغزل اقسم بالله هي شوفيها جمله بس لكنها تضرب بعروق قلبي
نجلا : بسم لله على قلبك
طراد : نجلا تكفين خلاص
نجلا : هههههههههه شفت كيف الحين
طراد: شفت شفت انا بروح قبل يوقف قلبي
سلم عليها وراح
رجعت نجلا ودخلت القاعه وابتدا جو الزواج والناس تجمعت وابتدا حفل مو طبيعي
٠٠٠
عند بدر اللي كان يستقبل الضيوف واحد واحد وهو متحمس بشكل فضيع علي اللي كان مشتط ورايح جاي طول الوقت ويستقبل هذا وهذاك ويسولف مع هذا ويكلم هذا وهو مشرف على جو الحفل ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⓪③
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼