الفصل 29
عالم القصص والروايات 📚:
🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ⑨②🌱
🍒ـــــــــــــــــــــــــــــــــــــ🍒
دخلت ريم :سلااااام
نجلا :تعالي ليش تاخرتوا
ريم: وش اسوي في اخوك مايخلي أحد يجهز على راحته
نجلا : تعالي شوفي شيخه
شيخه: مافيني شي خلااص
ريم: شيخه وش فيك تبكين
شيخه : مافيني شي
ريم : اقول تكلمي
تعبت شيخه وقالت لهم عن كل شي وانا شاكه ببدر
ريم: وش يخليك تشكين
شيخه: مدري موضوع روحاته لدبي والغطات وتغير تصرفاته
نجلا : مدري حتى انا احسه متغير وصاير بس في غرفته
ريم : لا لا مايسويها بدر
شيخه: اتمنى يعني
قطع عليهم دخول علي اللي جايب القدر معه ويطبل ويغني
رمى القدر وقال :
آويها ... ياصحن مجدرة
آويها ... ومكللل بالكزبرة
آويها ... عروستنا حلوة
آويها ...ما بدها غندرة
ريم وشيخه: كلوووووووووش
علي :هههههه ايوه ي نجيل من قدك
نجلا ضحكت وراحت تضم علي : احلى زغروطه والله
علي :يلا عشان اوديكم امي تستنى
البنات :يلا
وراحوا يجهزون ونزل علي وراح ومر من الحوش وسمع بدر يتكلم
بدر: كم مره عدت الكلام انا هاااه
مهره: اووووووووه خلااااااص ذبحتنا
بدر: صوتك ما يعلا علي
علي : بدر وش فيك تصيح
ارتبك بدر ولف بسرعه: هاه ولا شي اكلم واحد من العيال
علي: وش بك معصب لذا الدرجه
بدر: معليك مافيه شي
راح علي وهو مستغرب وجلس بدر وهو خايف :اووووف والله لو مسكني علي ليدفني حي اوف
قام وراح وهو يحاول يهدا لانه خاااف من علي وقابلهم طالعين ومر وهو ساكت وكل البنات يناظرون فيه
٠
٠
عن طراد كان متورط مع عيال خالاته اللي قمة الاذاء والقرف
طراد: عيال اجلسوا اذا بتحلقون
مصعب :مابي انا
يوسف :وانا
رامي : وانا بعد
جلس طراد وهو يحتري علي اللي وصل البنات ورجع: سلاام
طراد: اخيرا جيت
علي :رحت اوصل البنات للمشغل
طراد: زين يلا عشان نبدا
جلسوا وابتدوا يحلقون وهم منغثين من عيال خالة طراد اللي بين قوسين(درباويه)
٠٠٠
العشاء الكل جهز وتوجهوا للاستراحه وطراد بيموت من الفرحه ونجلا متوتره وعلي محد في فرحته
عند نجلا اللي خلصوا وراحوا للاستراحه دخلوا الغرفه وجلست وهي متوتره :بنات كيف شكلي
نوره :نجلا والله تهبلين
شيخه: لحووول والله تهبلين كم مره سالتي
ريماس : بسم للله عليك
ريم: والله لو تشوفون ام طراد وخالاته كيف فرحوا ما تصدقون
نجلا : كيف تحت زحمه
ريم : اييه حيييل
سكتت نجلا وراحوا البنات تحت وابتدت مراسم الملكه
٠٠٠
عند الرجال كان طراد واقف جنبه علي وابوه
علي : اما عيال خالاتك غثى
طراد :تعلمني فيهم ادري بهم مغثه وربي بس مالي خلقهم
قطعوا عليهم الناس اللي تبارك وابتدوا يتوافدون وابتد الحفل اللي كان متكلف جدا بحكم انه ولدهم الوحيد تكلفوا
٠٠
بعد كل هالمراسيم والروتين المعروف جاء وقت عقد القران وكالعاده تجهزوا علي وناصر كشهود وابتدوا يكتبون العقد وابتدا الشيخ وقع طراد وقام ابو عمر عشان يودي لنجلا الدفتر
عند نجلا كانت جالسه وهي متوتره وريم وشيخه معها دخل ابو عمر :سلام عليكم ماشاء الله تبارك الله
اخذت نجلا الدفتر وقعت وابتدا صراخ البنات وتهييصهم
اخذ ابو عمر الدفتر بعد ما سلم على نجلا وبارك لها
تجمعوا البنات يضمون نجلا ويسلمون عليها واتصلت ريم على علي وقالت يجهزون عشان الزفه
علي راح لطراد: ي نسيب اجهز الزفه الحين
طراد: يييمه صادق انت
علي :هههههههههه ايه اجهز يلا
٠٠٠
عند نجلا وقفت وهي تجهز والبنات يجهزون لزفه تحت وصلت ام طراد : بسم الله عليك ي بعد قلبي الله يتمم عليكم
نجلا خجلت وسكت ولا قالت شي جات ام عمر: نجلا يامو جاهزه
نجلا : ايه يمه
ريم : بنات علي يقول انهم عند الباب هو وطراد
لبسوا البنات ونزلوا وابتدوا يحضرون المصوره والزفه
راحت ام عمر تفتح الباب لعلي وطراد اللي كانوا واقفين
طراد :علي كيف شخصيتي مرزامي ضابطه
علي : ي لييييل طراد خست من المغرب تسألني والله تهبل
طراد : بالله عليك
علي وهو يقرص خدوده يقلد نجلا : اصلا اللي يشوف غمازاتك الحلوه ينسى كل شي
طراد: يوه فكني من الدلع الحين
علي: انصحك تعود من الحين الان نجلا بتمصع خدودك
طراد: جعلني فدا
فتحت ام عمر: اهلين يامو فوتوا فوتوا
علي دخل ودخل طراد اللي سلم على راسها بارتباك وطلعوا فوق
ام عمر: علي تعا لوين رايح
علي :بشوف نجلا وش بك
ام عمر: ام طراد هون مابتقدر تفوت
علي :والله لفوت يمه والله ما فوت اللحظه
ام عمر: علي مابتسمع الحكي عم قلك ام طراد هون
علي :ايه ماعليه ... ي خاله ام طراد لو سمحتي روحي كذا والا كذا بسلم على نجلا
ضحكت ام طراد : زين يمه ...
راحت جوا
علي دخل :الله الله شهالزين شهالزين طارد لا تدخل و دق على الاسعاف قبل
طراد: جد والله
علي :هههههه يضرب الحب شو بيزل
طراد: الله يكسر رجولك ي شيخ ..
علي قرب وهو يسلم على نجلا : صراحه يعني ي نجلا ترا طراد صابغ دقنه عشان يجي حلو
طراد
انجلط برا :الله يفضحك
علي :هههههه ماعندنا غش ترا وانتي بعد ي نجلا غشاشه المكياج اخذ دور ترا حيل
نجلا ناظرت فيه وتفشلت :حسبي الله عليك
علي :يعني انتي احلا بالطبيعه صح حلو بس انتي احلى
نجلا ارتاحت : الله يلعن ذا الوجهه ي شيخ
ام عمر: طراد يامو فوت
دخل طراد اللي انشل تماما وعجز يتكلم من الجمال حتى السلام عجز يرده
علي : اذكر الله وجع
طراد غمض بجد وهو خايف عليها من عينه : ماشاء الله تبارك الله
نجلا رجفت لما سمعت صوته رد طراد السلام وقرب وهو يسحب علي ويدفه بعيد وباس راس نجلا وبارك لها
علي : افا ي جحود العشره افاااا ي قليل الخاتمه
ام عمر: علي اطلع من هون يلا
علي : شبلاك يمه بجلس شوي
ام عمر سحبته : علي اطلع من هون افرقنا بريحة طيبه
علي : امرك ي عقيد
دفته امه وطلعته وهو يضحك ورجع لشباب
بدر :هاه طردوك
علي :للاسف الخونه
بدر : بعد انت في كل مناسبه حاشر نفسك
عمر: اي والله
ناصر :هم ماخربوا عليك
علي : لو يطلع بيدينهم ما قصروا
٠٠٠
عند نجلا وطراد بعد ما سلمت امه وام عمر عليهم طلعوا عشان ينزلون تحت لزفه
طراد اللي قلبه يرجف ويدق يحسه شوي ويطلع من صدره ما عرف وش يسوي ونجلا ما كانت احسن منه محد منهم يعرف الثاني ومرتبكين ارتباك بشكل.
طراد اخيرا تقدم : نجلا كيفك
نجلا : تمام
طراد حس ان سؤاله غبي لكن وش يقول ما عرف ابد قاطعهم دخول امه اللي تقولهم يطلعون عشان الزفه
رجفت نجلاء ومسكها طراد وتقدم معاها وابتدت الزفه نزلوا طراد ونجلا على اجمل اغاني الزفه بأسمها واسمه وطراد واضح حب نجلا بعيونه عجز يصد عنها ونجلا ماتت خجل منه نظراته وصلوا الكوشه وابتدا يلبسها الشكبه وسط التصفير والتصفيق لبسها الدبله وباس يدها ولبسته نجلا وهي خايفه
طراد ببتسامه وهمس لها: الحمدلله اللي فرح قلبي بذا اليوم
نجلا سكتت ما عرفت وش تقول خلصوا وطلعوا فوق لتصوير
ابتدوا تصوير وطراد متنح فعلا مع نجلا اللي رغم خجلها الا انها بريئه واضح عليها الشقاوه اللي تطلع ببعض حركاتها غصب عليها وكانت اغلب حركات المصوره جريئه بس مع ذلك كانوا منسجمين تماما خلصوا وطلعت المصوره وجلسوا
طراد بهمس : كنت متوقع انها خمس دقايق وتقول تفصخوا
ضحكت نجلا والتفت طراد لها : ي جعلني فدا هالضحكه والله
نجلا سكتت وضح عليها انا ارتبكت عجز طراد يسيطر على نفسه اكثر وقرب بدون شعور وضمها وتفاجأت نجلا اللي بدت تتنفس بسرعه وهي مو مستوعبه ابتعد طراد بعد فتره وهو ماوده يبعد بس ما حب يخوفها حاول يصد ويشتت انظاره بس ما قدر رجع لها وابتعد لما حس بأحد عند الباب وكان علي النشبه نجلاا بدت تدور الدنيا فيها دخل علي اللي انقذها
علي : وش عندهم العرسان
طراد اول مره يفرح بدخول علي لانه لو طول ممكن يجيب العيد
نجلا جلست ماقدرت توقف
دخلوا اخوانها كلهم وباركوا لها وابوها وابو طراد اللي سلم عليها وبارك وطلع وابتدوا يصورون وعلي كل شوي يطالع بطراد ويقول :اعوذ بالله من اول مره
بدر: وش السالفه
طراد ذبح عيونه تغميز وضحك علي :ابدا ولا شي
صوروا وطلعوا واخذوا طراد معهم
ودخلوا ريم وشيخه : نجيل وش صار
نجلا : يمه ي بنات
شيخه:وش فيك
ريم: انطقي
نجلا قالت لهم وهي ترجف
شيخه: العن خيره ردي مثل علي
ريم : يمممه
نجلا : قسم كنت خمس دقايق ويغمى علي
انتهت الليله بعد احلى هيصه ورقص و رجعوا الكل لبيتهم
٠٠
رجع طراد لبيتهم طلع لغرفته بسرعه مايبي يكلم احد ويتشوش لا يبي يجلس كذا مع نفسه ويتذكر اللي صار بكل تفاصيله مايبي يضيع شي من يده دخل غرفته ولا تروش عشان ماتروح ريحة نجلا من ملابسه انسدح وتغطى وهو يتذكر كل شي نجلا الملكه ضمته وكل شي غفى وهو مبتسم ويحلم بنجلا
٠٠٠
عند علي اللي كان رايح لبيت ابوه وهو معه نجلا وشيخه : ايوه اجل ي نجلا من اول مره
نجلا غمضت بقهر ولا ردت عليه
شيخه ضحكت وهي تدري باللي صار: وش عليك انت ي ملقوف ما كأنك سويت اردا منه واخس وصرعت المقروده اللي جنبك وبعدين وش المانع دامها صارت حلاله هاااه
علي : هههههه والله يعني تفاجأت نجلا العاقله لو انه انتي كان بالطقاق بس نجلا
شيخه: على شحم ي رجل وبعدين نجلا مالها دخل صاحبك المخيس هو اللي بدا
علي : هههههه هذا مو ذنبه ذنب نجلا
الكل :ليه
علي :ههههههه بسم الله عليكم بس نجلا محد قالها تصير مده وفوق هذا متكشخه اكيد بتجيبه على وجهه
نجلا خجلت وسكتت ريم: وربي انكم ما انتم صاحين وش تبيها تسوي
علي :انا مقدر اتكلم لانك انت بعد بلا علي
شيخه: يمه منك انت كلهم ي زينهم عندك
علي : اقول قومي طسي لبيتكم لا تخليني احرض بدر عليك .
نزلت شيخه بعد ماقرصته قرصه خلت صراخه يعبي الدنيا
علي :عساااااااااااك بالحنش
ريم : تستاهل وش تبي فيها
علي قرب منها: انتي دواك عندي بس نرجع البيت
سكتت ريم وهي ندمانه انها تكلمت ونجلا مو معم ابد وصلو ونزل علي نجلا والهدايا اللي معبيه السياره وراح لبيته
طلعت نجلا ودخلت الغرفه وقالت للخدامه تنزل الاغراض وبدلت ونامت وهي فرحانه بذا اليوم السع
يد اللي حمدت ربها فيه على طراد
٠٠٠
ومررت الايام بحلاوتها على ابطالنا وكانت ايامهم جدا سعيده
عند طراد اللي انجن رسميا من بعد ما تملك وصار اربع وعشرين ساعه في بيت ابو عمر وهو ميت الا صاير وطي عند نجلا
وعند بدر اللي زادت مشاكله مع مهره من بعد ما حدد زواجه بعد العيد وصار يحاول يهدي مهره ويداري شيخه اللي من بعد اخر موقف صارت اذا دقت وما رد تجلس اسبوع ما ترد عليه
اما علي اللي واقف لبدر وطراد ومسوي عليهم منع مايكلمون البنات واذا صاد واحد مكلم توطى في بطنه طبعا مزح ولدرجة انهم يدقون على ريم تشغله عنهم
اما اريام رجعت لفواز اللي بغى يموت من الفرحه وبعد غيبه تمموا زواجهم على خير وبدت اريام تنسى راكان تماما
٠٠٠
دخل رمضان على ابطالنا وكانوا كل عيال ابو عمر متجمعين ببيته اولاد وبنات من الظهر كانت ام عمر بالمطبخ هي ونجلا ورهام ونوره وريم
وبعد العصر صحى علي وصلى وقرا القران وبعدها دخل المطبخ وكعادته جالس على الطاوله وسوو ولا تسوون هذا ايه وهذا لا وانحرق وخرب ويشوش عليهم في النهايه اعطته امه يقطع السلطه وليتها ما اعطته ي يقطع كبيره ي فرمها فرم
اخر شي طردته امه من المطبخ وطلع فوق وراح لعمر وكب عليه مويه وصحاه وصحى عياله وبعدها حول على بدر ونكد عليه تنكيد وصحاه وطلع وراح لعبيد ومسكه من رجوله وسحبه تسحيب فالدور اللي فوق كله لين صحوا وراح للراشد وصاح وبعدها نزل لابوه وفقع مرارته اخر شي طرده ابوه
والساعه ٥ جاء ابو ناصر وعايلته وابو طراد وعايلته والجد حاكم
طراد بهمس : عساكم بس ما كرفتوا نجلا
علي : افا عليك مسحنا بها بلاط المطبخ تمسيح
طراد: في ذمتك
علي حط رجل على رجل : يعني تعرف انا ما احب اكل من الخدم هي تسوي لي
طراد ضرب رجله وطيرها: وجع ان شاء الله والا مغص واسهال
علي : يهب وجهك اذكر. الله
طراد: وين مرتك هاااه
علي : بي عنها والله ما تقدر صايمه وتعبانه
طراد: وعوه عليك انت وهي
ابو عمر: يلا يلا تعالو سمعوا
( كان ابو عمر معودهم من هم صغار كل ليله يعطيهم جزئيه من القران يحفظونها وبالعصر يسمع لهم واللي مو حافظ يفطر لحاله وبس مويه وتمره)
تجمعوا الكل وبدأو يسمعون وبعد ما خلصوا كلهم تسميع اذن المغرب وطاروا للسفره
٠٠٠
بعد المغرب تجمعوا البنات ونظفوا المكان وتركوا الغسيل للخدم
ريم: تفكك ظهري قسم بالله
نجلا : اوف الحمدلله ما نغسل مواعين
نوره : احمدوا الله ع النعمه
الكل : الحمدلله
وبعد شوي اجتمعوا كل العايله بالصالون الكبير وابو طراد يعدونه واحد من العايله ومتعودين عليه من زماااان
كانوا الكل يسولف ويضحك وعلي كان جالس بجنب جده ومعاه مطاط ومعاد خرز المسبحه ويمغط بالرايح والجاي وكل شوي ماغط واحد ولا يدرون مين
طراد: اوووه وش ذا من ذا اللي جالس يمغط
بدر: من جد اقلقنا
عمر: والله ي عبيد اقوم افقع وجهك
عبيد مايمديه تكلم الا انمغط هو بعد والكل التفتوا على علي اللي انفجر ضحك وقاموا علي وسحبوه من ورا جده سحب ورنوه
علي : وجع ماينمزح معكم
عمر: انت بذات تنطم كفايه صوفتك حمرا( يعني حاقدين عليه بس بالشامي )
بدر: شوف عاد تقش قشك وتطس لبيتك
علي : اذا صار بيتك تكلم
ابو ناصر: وش فيكم عليه
علي بتمثيل :هذا جزاي اقومكم لصلاة لكن على قول المثل اعمل خير وارمي للبحر
ابو ناصر: متحاملين عليه عشانه صحاكم لصلاة ي خساره
عمر: صدق عمي على طول نصاب جاي بعد الصلاة بساعتين بعد مافقع قلب امي وطردته وجاء يطلع الحره فينا
ابو عمر: مسوي صايم وهو محد سلم من شره
علي : هيا لا تخلوني اتبراء منكم
حذفه بدر بالفنجان : مع السلامه اخذتها حلا انت وجهك روح والله ما ندق الباب عليك
علي : انت بالذات لازم تحافظ علي لاني اذا زعلت بتزعل شيخه معي وتتبرا منكم زي اول مره وتجي تبات
بدر: هاه
علي : اللي سمعت فالنهايه ما تبيع اخوها
قطع عليهم صيته اللي قالت : اقول بدال ما تبرى منا ما ودك تزيدنا ولد للعايله صار لك سته شهور ما شفنا لك ضنا
علي انلخم وضرب قلبه من ذا الطاري وفتحت عليه باب هو خايف منه التفت لها وقال: مالك شغل عمره لا جاء لي عيال وعمركم ما شفتوا ضناي شي ما يخصك ولا يخص احد
صيته: والله ماندري وش وراك اكيد انها ساحبتك على وجهك وممشيتك ع العجين ما تخربطه
علي : ايه وش تطلبيني عساها تدعس على رقبتي هنا مالك شغل
صيته: ايوه راحوا الرجال بجد والا انتم فاشلين في كل شي
وقف علي بصراخ : ابلعي لسانك واحترمي نفسك
الجد : صيته قومي من هنا يلاا
ابو عمر: علي اجلس خلصنا
صيته قامت وراحت وعلي جلس وحاول يبين انه طبيعي عشان مايلفت الانظار له ويتوتر يعرفون بعلته اخذ طراد فنجان الشاهي واعطاه علي : خلاص روق
علي بهمس : الحين وش يسكر هالباب
طراد: الله يعينك مدري وش بتصلح في ذا الباب
سكت علي وهو يراقب ريم وحس انها تأثرت من الكلام
عدت السهره على خير وبعد السحور توجه كل واحد لبيته وطلع علي لريم وحصلها جالسه تنزل اكسسواراتها استند على التسريحه وهو يناظرها
ريم : شفيك
علي وهو يدري انها اخذت ع
لى خاطرها: تحسستي من كلام صيته
ريم : بيني وبينك هي ماهمتني بس انا نفسي كذا بطفل
سحبها علي وقفها قباله : لا تفكرين بأحد كل شي بيد ربي وهو بيرزقنا ان شاء الله
ريم سكت وضمت علي وعلي اللي انحرق قلبه وهو بعد نفسه بطفل بس مافي اليد حيله
٠٠٠
ومرت ايام رمضان بهدوء وروحانيه على ابطالنا وشيخه جالسه تجهز لزواجها اللي بعد العيد ب ٧ ايام ونجلا اللي عايشه احلى حب مع طراد اللي ما تمر الساعه الا يدق عليها
وعلي اللي كل يوم يجرب علاج جديد وهو يدعي ربه بطفل يكمل حياته
واريام وفواز اللي مستانسين بحياتهم ورجعوا عشان يعيدون مع اهلهم
وبدر اللي غرقان في تجهيز بيته وهو تايه بين مهره وشيخه
في ليلة العيد الكل كانوا محتااااااسيييييييييييييين
في بيت ابو عمر نجلا كانت تجهز اغراض اخوانها قابلت بدر اللي توه جاي من الحلاق ومحلق وضربته نجلا كف : كيف الحلاقه ي عريس
بدر :هههههه بعديها عشان ليلة عيد
قطع عليهم صوت جوال نجلا اللي ردت وسحبت على بدر اللي نزل لامه وهو جوعان
٠
نجلا : اهلا
طراد : هلا بهالصوت ي بعد الهلا انا
نجلا :ههههه اخبارك وش مسوي
طراد: ابد توي راجع من الحلاق
نجلا : نعيما
طراد : ينعم عليك تعالي بس قولي لي شخبارك بالتفصيل
نجلا : اخباري اني جالسه احضر ملابس اخواني للعيد وامي تحت قالبه الدنيا تعزيل وبدر زاد الطين بله وجالس ينقل في اغراضه لبيته
طراد: ايييه يحق له معرس الله يخلف علينا بس
نجلا : وش فينا احنا حلوين
طراد: حلوين ماقلت شي بس خلاص طفشت لو نتزوج معاه ونرتاح
نجلا : ليش العجله ياخي
طراد: اول شي انا ماني اخوك انا زوجك ثاني شي عجز قلبي يتحمل والله اول مره احس اني كاره العزوبيه الله لايوفقك ي عبيد
نجلا : اول شي انا قلت ياخي على سياق الكلام ومتعوده على اخواني وبعدين ليش كاره العزوبيه وش دخل عبيد
طراد : بكره اقولك ليش وجه لوجه وبعدين لا تشيلين هم انا زوجك واخوك ولو تبين ابوك بعد كم نجلا عندي انا
نجلا ابتسمت : طراد
طراد: لبيه
نجلا : اسمع شبغيت اقول يوه نسيت
طراد: ههههه لا تمزحين وشلون نسيتي
نجلا : منك انت
طراد : طيب اسمعي انا جاي لبيتكم طيب بعطيك شغله واروح
نجلا : وشو جاي على كيفك وبعدين بيتنا زحمه مايمديك
طراد: معليش ثواني بس اعطييك واروح والله ما اطول
نجلا : برسلك راشد طيب
طراد: انا ما جيت ابي اشوف راشد
نجلا : والله مشغوله
طراد: يلا فضي نفسك دقيقتين
وسكر
نجلا: يوه وانا شكلي يجيب الضيم وش اسوي والله انزله كذا مالي حيل ابدل ( كانت لابسه بيجامه وشعرها جاي على كيرلي تعطرت وحطت روج ومسكرا ) ورجعت تكمل شغلها
بعد شوي وصل طراد وحصل بدر واقف وعبيد
بدر: عبيييد بشويش على الشنط فيها اغراض تتكسر ترا
عبيد: انت تتزوج وانا انكرف خييير
طراد :خير خييييير وش صاير لكم
بدر: هلا طراد
طراد: هلابك وش صاير وش مسوي
بدر : اقوله شيل الاغراض بشويش وصار يحذفها تحذف كأني ذابح له احد
طراد: عبيدوه بشويش ولا كل هاذا حره انك عزوبي
عبيد:اقول اذلف بس
طراد: والله معصب وش صاير
بدر: خلك منه وش عندك
طراد: ابد فيه اغراض امي مرسلتها لنجلا
بدر: شعليك شعلييييك اغراض ومراسيل من قدها
طراد: اي شعرفك على بالك انت ي نايط
بدر: نشوف ي نايط انت هات انا اعطيها
طراد: ضف وجهك بس نادها انا اعطيها
بدر: معليش البيت قايم قاعد جوى وما فيه رجال يشوفون بنات عندنا
طراد لوى ذراع بدر: اقول طس نادها بس
بدر: خلاص اتركني طيب
تركه طراد وراح يجيب الاغراض ودخل المجالس اللي برا ..
..
طلع بدر لنجلا :نجيييل طراد يبيك
نجلا : زين
ام عمر: بدك تنزلي هيك
نجلا : ايوه ليش
ام عمر : ما حزرتي روحي بدلي هلا
نجلا : يمه مابيطول بس بيعطيني اغراض وبيروح
ام عمر: نجلا لا تجني
بدر : صاحيه انتي احد ينزل بالبيجامه
نجلا : يوه خلوني براحتي
نزلت وهي ما تبي تسمع وليتها سمعت وبدلت راحت للمجلس وحصلت طراد جالس ومقفي جات بشويش من ورا ومسكته من خدوده : سلاااااااام
طراد :اااااه ..
وقف ومسكها من شعرها : وعليكم السلااااااااام
سلم عليها وهو يناظرها بطرف عين : انتي ناظري المرايه وتعرفين ليش اقول ليتني اتزوج مع بدر
نجلا : وش فيني
طرراد : سلامتك بس تعورين القلب
نجلا : تستاهل انا قلت ارسل راشد ما تسمع
تركها طراد وراح سكر باب المجلس ورجع لها
نجلا: ليش تسكر الباب
طراد مارد عليها واقبل وهو يمسكها من خدودها
نجلا ابعدت : انجنيت طراد
طراد: والله محد قالك تنزلين باالبيجامه وتقولين انجنيت
نجلا ندمت وهي تحسه مو طبيعي طراد مد لها بوكسين : خذي هاذي وحده من امي وحده من ابوي
نجلا : يوووووه يجننووووون الله يسعدهم ماقصروا
طراد: اصبري شوي
جاب بوكس كبير هديه منه وحطها قبالها: وهاذي مني
نجلا ابتسمت : يمه فديت الغمازات يمه
طراد: نجلا لا تخليني اتجنن واجيب العيد الحين ترا خلقه ضربت اسلاكي من شكلك
نجلا : وش فيه شكلي لذا الدرجه بشع
طراد ضمها وهو يهمس لها: مو بشع لكن يجيب السكته الا يفتن الا يخرفن انا ماسك
نفسي بالموت عشان كذا بستناك تفتحي الهديه واطلع على طول
نجلا خافت من همسه وبعدت شوي وهي تبعد شعرها عن وجهها وارتبكت
ابتسم طراد : يلا افتحيها
قربت نجلا وهي منحرجه وفتحت البوكس وطارت منه بالونات الهيلوم وضحكت وطلعت الهديه ووكانت اكثر من بوكس فتحت البوكس وحصلته فستان ناعم يجنن ومقاسها بالضبط وفتحت الثاني وحصلت شوز وفتحت الثالث وحصلت كمالياته التفت على طراد : مدري شقولك صراحه عجزت اعبر يعطيك العافيه ليش كلفت على نفسك كذا
طراد وهو يمسح جبينه:ابد مامن كلافه دامها اعجبتك كنت خايف ما تعجبك
نجلا :لاااااا مررره تجنن حبيتها
طراد: اذا كذا اجل عيدي فيها بكره
نجلا : من عيوني بس اسمع اصبر دقيقه
طراد: ليش
نجلا :دقايق بس
وراحت ركض فوق نجلا اشترت لطراد هديه وكانت تبيها يوم العيد بس لما شافت هديته قالت تعطيه الحين اخذت الهديه ونزلت تحت ركض ودخلت المجلس وشافته واقف جنب الهديه
نجلا : ماطولت صح
طراد :لا بسم الله عليك
نجلا مدت له البوكس : يعني مو قد المقام بس ان شاء الله تعجبك
ابتسم طراد: مجنونه انتي لو هي قلم ابو ريال يسوى كثير عندي
نجلا : زين افتحها
فتح طراد البوكس وكان فيه بوك وميداليه وقلم وكبك ومسبحه وكلها محفور عليها اسمه.
حبها طراد حيل واعجبته جاته من ناس كثير بس من نجلا غير : والله والله والله انها اغلى شي في حياتي بعدك
ابتسمت نجلا وصد طراد وهو مغمض :انا ضروري اطلع والا مابيصير خير
ضحكت نجلا واخذت اغرااضها وطلعت توري امها
وطراد اللي ابتسم وتوجه لسيارته وركب وهو قلبه يخفق ( ي زين صدفه جمعتني فيكم اي والله )
٠٠٠
اما عند علي كان واقف يحلق وهو يشوف ريم رايحه جايه وهي تحضر وترتب
علي : ريمي ي قزمتي بشويش على نفسك لا تطيحين
ريم : قزمه بعين العدو
علي : تعالي طيب شوفي ضابطه
ريم: لو انك مريح نفسك ورايح الحلاق احسن
علي: ي بنت الحلال الحلاق طق مطاقق عليه
ريم وقفت وهي تناظر : اييه خلاص يجنن
علي : زين انا رايح الحوش شوي طيب
ريم : وش عندك هناك
علي : ولا شي بدخن
ريم تركته وراحت تخلص وراح علي للحوش وجاب بوكيه الورد اللي جابه لريم والبوكس وجاء وهو يدورها وحصلها بغرفة الغسيل
وقف وراها وطلع البوكس والورد وحطه قبال وجهها انفجعت ريم وانصدمت وفرحت :علي وش ذا
علي ضمها وهو باقي ماسك الاغراض بيده : هاذي حاجه بسيطه بما انه اول عيد واحنا مع بعض وكل عام وانتي معي وكل عام وانتي حبيبتي وحياتي وكل عام وهالعيون الحلوه معي
ريم بكت بفرح والتفتت عليه وضمته
علي: ليش البكا ي ريم
ريم : ابكي فرح فيك كل عام وانت معي ي علي والله لا يحرمني منك
علي شد عليها وابتسم وحب يغير جو البكاء : خذي الهديه طيب
اخذت ريم الهديه وفتحتها وكانت كاميرا وعطرها اللي تحبه
وعقد لولو يتوسطه اسمها فرحت ريم فيها حيل وخصوصا انها تحب التصوير ماعرفت وش ترد وناظرت فيه بقل حيله
ابتسم علي وضمها : لا تقولين شي وصلني اللي بتقولينه بس ابي منك تبقين معي طول العمر
ريم : اوعدك مهما صار ما ابعد عنك
ابتعد علي وقال: تعالي باقي حاجه كذا انا احب اسويها هالسنه بسويها معك
اخذها وراحوا للحوش وكان فيه كرتون مليان ألعاب ناريه وابتدا علي يشغلها وريم متحمسه وتصارخ واذا تفجرت تخبت ورا علي وهي تضحك
٠٠
عند شيخه اللي كانت تحوس بين دبشها واغراضها وهي متوتره ماتدري ليش متردده من ذا الزواج
اريام دقت الباب : شيخه فاضيه
شيخه: تعالي
اريام : شيخه ممكن اطلب منك طلب
شيخه: اكيد امري
اريام: انا اسفه على كل اللي سويته فيك
شيخه :افا عليك نسينا اللي صار خلاص واحنا عيال اليوم انتي الحين اختي وزوجة اخوي واخت زوجي اكيد بسامحك ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⑨②
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼