الفصل 28
عالم القصص والروايات 📚:
🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ ⑧②🌱
🍒ـــــــــــــــــــــــــــــــــــــ🍒
قبل ملكة نجلا وطراد بيومين ويوم عملية اريام
عند ام عمر اللي كانت جالسه تهدي بأريام
اريام : والله خايفه والله
ام عمر: معليش يامو لشو الخوف
ابو عمر: اريام ي ابوي لا تخافين كلنا معك وجنبك وبتشوفين ان شاء الله واخوانك معانا ع الخط
اريام :واذا ماشفت
فواز: اريام ليش الوساويس اتكلي على ربك وهو كفيل فيك
كانو يهدونها لين هديت وروقت وابتدوا يحضرون اريام للعمليه وهي ترجف خوف والكل متوتر
٠٠٠
عند نجلا وريم وشيخه اللي كانوا ببيت علي
نجلا :اخاف اريام ما ترجع تشوف
ريم :تفائلي خير بسم الله
شيخه: لا ان شاء الله
نجلا: يربي لا تكسر بخاطرها ي رب والله اذا سوتها وما رجعت تشوف لغير يموتون علي وبدر
شيخه : اعوذ بالله خلاااص
ريم : مادريتوا عن الجوهره
نجلا: شفيها
ريم : تزوجت واحد على الساكت والرجال محد يعرفه زواج يفشل
شيخه: خليها الله لا يقوم لها حظ تستاهل قليل اللي سوته
نجلا:استغفر الله الله لا يبلانا
ريم :مدري وش غيرها
شيخه:الغيره
نجلا:فكونا تكفون منها
سكتوا وهم قلقانين وخايفين
٠٠٠
اما عند الشباب اللي كلهم كانوا بمكتب علي ناصر وعمر وبدر وطراد وعبيد وراشد اللي بايت عند علي وسعود والكل ساكتين ينتظرون قرار شوف اريام
بدر وقف بتوتر : علي دق على ابوي
عمر: بدر اجلس ابوي يقول لا تدقون وتوتروني هو بيدق علينا
بدر : اخاف ما ترجع تشوف
علي طارت عيونه في بدر وهو خايف من هالهاجس
ناصر: قولوا خير والا اسكتوا
سعود : اذكروا الله ي شباب
راشد :علي ابغى مويه
قام طراد واخذ راشد اللي محد يمه : تعال انا اعطيك
عطاه مويه وجلسه الكل ينتظرون اللحظه الحاسمه
٠٠٠
بعد ٤ ساعات من التوتر طلعوا الاطباء من عند اريام
اقبلوا على الاطباء وهم خايفين سألهم ابو عمر وقالوا له ان العمليه نجحت وبأذن الله بتشوف
ام عمر ببكى: الحمدلله ي ربي دخيلي اسمك شو كريم ي رب
ابو عمر وهو يمسح دموعه وضم فواز: الحمدلله الحمدلله
فواز اللي ماكان احد بفرحته وهو وده لو يبلغ العالم ان اريام شافت
٠٠٠
عند الشباب اللي كانت عيونهم على جوال علي اللي دق وقفوا كلهم ورد علي : طمنا يبه
ابو عمر :العمليه انجحت وان شاء الله انها شافت
علي رمى الجوال وصد وحط يدينه على وجهه وهو يبكي فرح:الحمدلله الحمدلله
بدر: وش صار وش صار
علي: نجحت نجحت ي بدر نجحت
ضم بدر علي وهو مو مصدق اخيرا اخيرا قتله تأنيب الضمير على اخته
٠٠
عند نجلا اللي اتصل بدر وبلغهم ورمت الجوال وهي تصرخ : الحمدلله الحمدلله
ريم : نجحت
نجلا :ايييييه
ضموا بعض وهم مستانسين رفعت شيخه جوال نجلا وردت :بدر
بدر : شيخه
شيخه: الف مبروك والحمدلله
بدر : اه ي شيخه ليتني اقدر اوصف فرحتي الحمدلله
شيخه: الحمدلله
بدر: شيخه شكرا على وقفتك معي
شيخه: لا تقول كذا ازعل منك هذا واجبي
بدر : والله مافي مثلك والله و
شيخه سكتت واستاذن بدر وسكر والكل فرح وانتشر خبر نجاح عملية اريام
٠٠٠
عند اريام طلعوها من العمليات وهم لافين عيونها بالشاش ولا صحت
ام عمر: ايمتى بدا تصحى
فواز: باقي ي عمه تصحى اخر الليل
ام عمر: لشو
فواز: عشان ترتاح عيونها بعد العمليه
ابو عمر: روحي ارتاحي بالشقه وانا انتظر
ام عمر: لا والله بدي اقعد هون لحد ما تصحى بنتي
ابو عمر : براحتك
فواز اللي طلع دق عليه ابوه
فواز: هلا يبه
ابو ناصر: هلا ي فخر ابوك الله يجزاك خير على اللي سويته وفرحت اهلك وبنت عمك وجبرت خاطرها
فواز: ماسويت شي يبه هذا واجبي مالي فضل
ابو ناصر: والله اني فخور فيك ومحد يزاهي فخري
فواز: كل شي تعلمته منك يالغالي
ابو ناصر :سلم على اريام وعمك وبارك لهم واذا صحت قولي
فواز ابشر وانت سلم على الكل
سكروا وهم كل واحد فخور بالثاني والعايله كلها ممتنه لفواز ومقدره موقفه البطولي بالنسبه لهم
٠٠٠
عند علي اللي رجع البيت وهو فرحان فرحه محد يتخيلها فتحت ريم الباب واول ماشافها ضمها وهو يدور فيها
ريم :ههههه الحمدلله على سلامة اريام
علي :ااااه ي ريم الله يسلمك وربي كنت شوي واموت من التوتر والخوف
ريم : الحمدلله اللي رجع لها بصرها
نجلا جات تركض من بعيد : علي
ضمها علي وهو يضحك على فرحتها ونجلا بكت من الفرحه
علي : يوه ي نجلا على طول دموع
جات شيخه من ورا وهي تسحب نجلا :ماعليك منها باقي خزانها ما فضى
سلمت عليه وهي تتحمد له بسلامة اريام
ريم : وين راشد ي علي
علي وهو يغمز لنجلا : والله في واحد نشب بلعومي الا بياخذ راشد ويوديه البقاله يقاله يقردنه عشان ياخذ اخبار البكايه
شيخه:عشتوا والله دنيا نجيل صار احد يهتم لاخبارها
نجلا : احسن منك ي دبا ي نفسيه
شيخه: اصه بس اسمعوا اليوم لازم نحتفل بنجاح العمليه ..
علي رفع يدينه: انا خارج المهمه معليش ابي انام والله بكره وراي اشغال متأجله وتجلط الحما
ر وربي
نجلا وهي تقرص خده :يوه ي دلوعين اللي مو متحملين السهر
علي : نجلا تكفين لا تقرصيني كفايه ريم
شيخه: شعليه شعليه وش ذا الدلع وعوه بس
علي : مابرد لان مالي خلقك ابد ابد فارقي وريحيني
دق الجرس وقطع المعركه اللي كانت بتصير وكان طراد جايب راشد
علي اخذ راشد :هاااه اشتريت خلااص
راشد :ايوه
علي :يلا ادخل روح نجلا تحتريك
طراد وهو وده لو يشوف نجلا: علي بالله عطني مويه
علي وهو فاهم وش يبي : والله هي لو ما تنقلع من هنا لمردغك هنا قال ابي مويه اعنبوك رايح البقاله ما اشتريت مويه
طراد عرف انه انكشف :اي انقلع الله لا يسامحك ي عدو الانسانيه والحب والرومانسيه
علي : والله لو ما تضف وجهك لصير عدو الصداقه بعد
طراد : نظره ولو جبر خاطره
حذفه علي بالنعال : وجزمه ولو جبر خاطر
ضحك طراد وراح وهو يدري ان علي يمزح وكاشفه دخل علي وهو يضحك ورايح يبدل وينام وهو تعبان
نجلا :راشد يلا عشان تنام
راشد: مااااابي
شيخه :وش به ذا
نجلا : يبي ينام زي علي بدون تيشيرت
ريم : طيب خليه
نجلا : لاااا يمرض
شيخه :علي ذا دمار محد مخربه الا هو
نجلا: يلا طيب نام
راشد: لاا بنام مع علي
نجلا : ياليل ذا العلي
ريم :تعال تعال نروح عند علي
شيخه:لا تطولين ارجعي عشان الفيلم
ريم : طيب
عند اللي كان مقفل كل شي ومتعوذ من ابليس وبينام سمع احد يفتح الباب
ريم :علي نمت
علي:لا وش فيك
ريم قربت وهي تشغل النور: شوف راشد يبي ينام بدون تيشيرت زيك ويبي ينام معاك
علي : رويشد بعدين تمرض البس يلا
راشد: بس انت ما تمرض
علي :عشاني كبير
راشد: وانا كبير
علي ماله خلق يجادل : طيب يلا تعال نام مو المفروض تنام عند نجلا
راشد: مابي شيخه تزعجني
علي : اوووف يلا نام يلا
ريم قامت : يلا انا بروح البنات
وطلعت وسكرت الباب اما علي اللي حضن راشد وهو يدعي ان ربي يرزقه بولد ينام ويصحى في حضنه ويقلده في كل شي وبكل تفاصيله
٠٠
عند راكان وصل له خبر انه اريام رجع لها نظرها وفرح فرحه محد يتخيلها غمض عيونه وهو يبكي تمنى لو يقدر يشوفها ويشرح لها كل شي تمنى لو يقدر يصلح كل شي تمنى لو انه في كابوس ويصحى
اما عبد العزيز اللي سأت حالته من بعد ما عرف ان نجلا لطراد وقرر يتناسى نجلا وابتد حياته من جديد
اما الجوهره تزوجت واحد ماش حاله وعايشه بخير وسلام
٠٠٠
عند بدر اللي كان كعادته يدق على مهره ما ترد عليه واستغرب كان طفشان وقرر يدق على شيخه
عند شيخه شافت اتصاله وطنشته خصوصا انه صاير يغيب بدون عذر ويروح ما تدري كيف قلبها طاوعها تتركه ما ترد بس غلب عليها انها ماترد
استغرب بدر وارسل لها ما ردت وسكر جواله وهو مستغرب وهو يدري مو نايمه
٠٠
من بكره الصبح عند اريام اللي صحت وابتدا الدكتور يفتح الشاش عن عيونها وامها وابوها وفواز جنبها غمضت وفتحت وبدت تشوف صرخت وهي تبكي : يييمه يبببه انا اشوفكم صرت اشوفكم فواز انا انا اشوف
ضمها ابوها : الحمدلله ي حبيبتي الحمدلله
ضمتها امها وهي تبكي معها اما فواز اللي تردد كيف يضمها لدرجه حس ان مهمته انتهت ووقف وهو ساكت قامت اريام وراحت له وضمته : شكرا فواز على كل شي شكرا
ابتسم فواز وهو خايف انها تروح وتخليه
٠
٠
عند علي اللي كان بالشركه وطول اليوم مشغول دخل عليه طراد : علي خلصت
علي من بين اوراقه: لا
طراد:يوه تكفى خلص
علي: وش تبي
طراد : بطلع انا وياك نجيب لنجلا هديه بعد
علي رفع راسه : مجنون انت لا ابد ما انت بصاحي
طراد: ليه
علي : انت جايب غير الشبكه٣ هدايا غير اللي امك جابتهم خلاص كفايه
طراد: وش دخلك البنت خطيبتي والفلوس فلوسي اذا صرت جايبها لك تعال تكلم
علي : هيا روح جيبها انت لحالك
طراد جاء وجمع الاوراق وسحب علي معه: حركات النسايب مابيها
علي عجز صح تعب في ملكته بس ما تعب زي كذا واستسلم وراح
ياسر احد الموظفين: وش فيه طراد يسحب بعلي كل يوم
ماجد : يقولون ان طراد بيتزوج اخت علي وملكته بعد بكره وجالس يحضر بمساعدة علي
ياسر : اي والله وليه طاير كذا كأن محد بيتزوج غيره
ماجد : ي رجل اكيد بيطير اذا شفت ان بهم عرق سوري والعيال لحالهم يقطعون القلب عندك علي وعندك بدر وعمر كل واحد يتحدى الثاني بالزين اكيد ان اختهم مزه
ياسر : صدقت بس حتى طراد جميل ويستاهل واذا هي مثل علي ي وجه الله اكيد انها عصبيه ومجنونه
ماجد : ههههههه دايم عيال النعمه حلوين وما اتوقع انها مثل علي البنات رايقين
انقطع كلامهم لما جاء علي راجع بياخذ اغراضه ورجع طلع
٠٠٠
عند نجلا اللي كانت هي وريم وشيخه بالمشغل ويسوون تنظيف بشره
ريم : تصدقون اليوم طلع علي ما حسيت عليه ..
شيخه: وش صار ماصار شي
ريم :لا اقصد دايم مستحيل يطلع لين يصحيني افطر معاه ويروح
شيخه: ي بنت الحلال روقينا بس قالت يصحيني هاذي نعمه نامي ولا تصحين تصلحين فطور
نجلا : والله تصدقون مدري وش صار على بدر دايم اصلح له فطوره ومن يوم بت عند علي مدري عنه اكيد مبتلي بالخدم الحين
شيخه: بدر مو عادي عنده الخدم
نجلا : الا بس انا تعودت على علي وعقدته من الخدم وص
رت خلاص كل اخواني انا اشتغل لهم وصارو متعودين
شيخه: اما انتي تدورين الشقا
نجلا : لا بس خلاص تعودت
ريم: من جد عجرت افهم عقدة علي اتجاه الخدم
نجلا : اسكتي ما يطيقهم ولا يطب مكان الا لين يطلعون منه ويدخل وهو متلثم
ريم: ليه
نجلا : يقول فيه ريحه تحوم الكبد واذا درا انهم داخلين غرفته قامت قيامته
شيخه : والله عجيب
نجلا : اوه اسكتي حتى السواق قاعد له قعده مو طبيعيه
ريم : بعد ليش
نجلا : تخيلوا كل مايشوفه يقول يتروش وكل ما اشترى لنفسه شي اشترة لسواق معاه من ادوات الترويش والنظافه وكل شي وكل شهر يعطيه فلوس يشتري ملابس جديده والقديمه يرميها غير العطورات ومعطرات الجسم ومكاين الحلاقه
ريم : اوف لذا الدرجه
شيخه: اسكتي بس علي موسوس نظافه شخصيه
ريم: ادري بس ماتوقعت لذا الدرجه
نجلا : يوه ي كان ابوي يوميا يهزئه يتروش قبل ينام وينام تحت المكيف ويتروش الصباح ويطلع للهوا وشوي الا هو تعبان وطايح اسكتي بس وسوسة امي بالنظافه بشكل كامل وعلي بالنظافه الشخصيه
ريم : والله ماهو صاااحي ماعمري شفت احد موسوس مثله
٠٠٠
عند علي اللي كان يحوس هو طراد من مكان لمكان
طراد : وش رايك بذا العطر حلو
علي : اوووف اووووف تعبت خلاص اقولك من الحين العطورات القويه نجلا ما تحبها
طراد: وش اسوي طيب
علي :تبي شي تحبه نجلا هاه
طراد : ايه
علي سحبه معاه ووقفوا قبال ماك ( ماك تبع المكياج ) : شوف هنا لو تجيب لها بس قلم الايلاينر تصير فارس احلامها وبطل الليالي السود
طراد :وش الايلاينر (طراد بحكم ان ماعنده خوات وامه ما تحب ذا الاشياء مايعرف )
علي:هههههه الكحل السايل اللي ينحط فوق العين
طراد: ايه والله اني ما ادل فيها شي تكفى ادخل معي
علي : ي مسلم اصلا ما يدخلونا ما تشوف مكتوب عوايل بس
طراد : وش السوات طيب
علي : مدري
طراد: جيب زوجتك تكفى
علي :تستهبل انت البنات عندها وبيعرفون
طراد : وش نسوي طيب
علي : اسمع نبي نكلم البنت اللي تشتغل هنا ونقولها طلبنا وهي تجهزه ونحنا برا
طراد: اخاف يخمونا يحسبونا نغازل
علي :لا لا تعال بس
كلم علي العامله بماك وقالها طلباتهم وراحت تجهزها له
علي : شفت كيف انت فكر بس
طراد : ماشاء الله عليك مافيه منك اثنين
ضحك علي وشوي وجابت البنت الاغراض واعطوها الفلوس وراحوا يغلفونها
عند علي كان نفسه يجيب لريم هديه ومايدري وش يجيب بالضبط وطرت له فكره صح ان ريم بتحط هديته على راسه بس ماعليش اهم شي هديه
علي : طراد انت روح غلف الهديه وانا بوصل قريب واجي
طراد ما ركز وراح وهو يفتش بالاغراض وهو يفكر بشعور نجلا بالهديه
راح علي وتوجه للمحل وهو يفكر وشلون يدخل تقدم وهو يراقب المكان وفكر وتقدم وقال طلبه جهزوا له الطلب واعطوه اياه وفتح وحصله نفس اللي يبيه ابتسم وراح اشترى بوكس هدايا وحطها فيه وهو يتخيل بس وجه ريم حطها بالسياره ورجع لطراد اللي خلص وتوجه لستار بوكس وطلب قهوه له ولعلي وجاء علي
علي:اووووه قهوه وحركات
طراد: وين رحت
علي : حمامات هنا قريب
طراد : ايه شفت التغليف
علي : حلال عليك ي بطل
جلسوا يتقهوون وطراد يحاول يسحب كلام من علي عشان يعرف وش تحب نجلا وش تكره لكن علي فاهم عليه ومستقعد له ومعند ما يقوله شي اخر شي انقهر منه طراد ومن لكاعته وكب القهوه عليه
علي: يييي ليش كذا
طراد: عشان تتكلم زين
علي : نشوف ي طراد اذا ما خربت هديتك وقلت لنجلا ما اكون علي
طراد مسكه من شعره: اذا فيك خير انطق
دفه علي :اوريييك ... وكب القهوه هو بعد عليه
وطلعوا من المول وكلهم مغرقين قهوه ومع ذلك مبسوطين ويضحكون
٠٠٠
اما عند اريام اللي رجعت لشقه وهي تلف فيها وتشوف ذا الشقه وامريكا وكل شي وهي فرحانه
ابو عمر: اريام يبه جهزي اغراضك عشان نطلع للمطار عشان بكره ملكة نجلا
ام عمر: فواز ي ابني مابدك تحضر معنا
فواز بضيق عشان اريام بتروح : عندي دراسه مقدر اخليها
ابو عمر: موفق يبه
راحت اريام تجهز اغراضها وهي مبسوطه وابو عمر وام عمر راحوا يجهزون بعد قام فواز وراح لاريام
وقف على الباب وهو يناظرها تجمع اغراضها: مبسوطه
اريام التفتت له : كثير
فواز: دوم ي رب متى بترجعين
اريام :مدري يمكن اجلس اسبوع
فواز: مو كإنه طويل
اريام: لا باقي بشوف اهلي كلهم وصحباتي
فواز صد : زين ..
اريام لحقته :فواز
فواز: هلا
اريام :وش فيك كأنك متضايق
فواز: لا ولا شي
اريام: افا ما بتقولي
فواز: ولا شي بس تعودت كذا عليكم معي فجاءه برجع اجلس لحالي تضايقت يعني
اريام: ماعليش انا برجع ما بطول ثلاثه ايام
فواز: توه كان اسبوع
اريام :مابخليك لحالك
تقدم فواز بدون شعور وضمها ضمته اريام بعد وابتعدت شوي وهي تقول : روح خليني اجهز
ابتسم فواز وراح وهو فعلا ضايق يحس ماله خلق يجلس لحاله
خلصوا كلهم وتوجهوا للمطار وفواز مايبيهم يروحون وطاروا
٠٠
عند بدر اللي كان جالس بالبيت لحاله وهو يكلم مهره
بدر: من امس ادق ليش ما تردين
مهره : بدر انا انسانه مشغوله وانت عارف
بدر: اقل شي ارسلي رساله وبعدين مشغوله مع مين
مهره : اووو
ف بدر مع احد السياح
بدر: ثاني مره اول ما ادق تردين حتى لو مشغوله
مهره : خلاص زين مع السلامه
سكر بدر وهو معصب منها ومن شغلها اللي ماحبه ابد وهو معصب بعد من شيخه اللي ما ترد عليه بزعم انها مشغوله
٠٠٠
عند شيخه اللي ما ردت على بدر اليوم وهي ما تبي تبين له حبها وتخليه يستغلها
نجلا : شيخه ما تدرين وين بدر
شيخه: لا
نجلا : ليه ما كلمتيه
شيخه: الا بس ما سألت
ريم : وش بك صايره راكده
شيخه: ابد
نجلا : شيوخ تكلمي احسن لك
شيخه: اوووف مافيني شي
ريم : ها الاوف بذات وراها شي
شيخه: ما تفهمون انا بروح امي اكيد معصبه
قامت شيخه ولبست واخذت اغراضها وراحت وهي معصبه من حالها ما تبي تحب بدر وتتعلق فيه ماتدري ليش
نجلا قامت : انا بعد ي دوب اروح البيت اشوف اخواني واجهز نفسي يلا ي راشد
راشد : مابي بجلس هنا
نجلا عصبت: اقول قوم ما ناقصني دلع انا
قام راشد وهو شوي ويبكي وراحت نجلا تجمع اغراضهم واتصلت على السواق وريم قامت تنظف وتخلص
نجلا : يلا ريم فمان الله
ريم : فمان الله ي قلبي
طلعوا وراحت ريم تتروش وتنتعش بعد حوسة بيت وجلسة تبخر البيت وانسدحت بالصاله ولا حست بنفسها ونامت
٠٠٠
عند شيخه وصلت البيت وحصلت امها قبالها: بدري كان طولتي
شيخه: يمه تكفين مالي خلق
فوزيه: ليش مالك خلق هاه من الحوس عند علي وريم
ريماس : وكلكم مجانين
شيخه راحت وهي مطنقره وتركتهم
ام ناصر: شبلاها هالبنت
ريماس : مدري لها ايام ماش
فوزيه : شكلها متطايقه مع بدر
ام ناصر: والله تسويها هالبنت
٠٠
نجلا وصلت البيت ودخلت هي وراشد اللي يبكي بيرجع عند علي
نجلا : اووووف خلاص انت
راشد : مابي ابي علي
نجلا : راشد انكتم احسن لك
بدر: وش فيكم وش ذا
نجلا : تعال خذه مو قدامي لافقع وجهه
بدر : وش فيك
نجلا : من يوم مشينا وهو بس يبكي الا بيرجع عند علي
بدر : خلصنا انت وعلي راشد فكنا من الدلع احسن لك
راشد كمل يبكي وطلعت نجلا وهي معصبه منه وبدر طلع برا يدخن وهو يدق على شيخه وماترد :وش فيها هاذي ابي اعرف
٠٠٠
عند طراد اللي رجع للبيت وطلع الهديه وهو مبسوط وحطها بجنب الهدايا الباقيه جلس يناظرها وهو مبتسم وتخيل بس كيف بيكون يومه مع نجلا غمض وهو يتخيل فتح على صوت امه :طراد
طراد: هلا يمه
ام طراد : شوف اي واحد البس
طراد ببتسامه : هذا يمه
ام طراد: تدري خالاتك بيجون الليله كلهم هنا
طراد: الله يحيهم يمه
ام طراد : ومعهم عيالهم يعني خبي اغراضك لا يخربونها
طراد: اووووف يلا مو مشكله نخبيها
ضمته امه : الحمدلله اللي لحقت اشوف زواجك
طراد وهو يبتسم : الحمدلله يمه الله يخليك لي ويطول عمرك
ابو طراد: لا لا كذا عاد من دوني
قام طراد وهو يسحب امه معاه : افا عليك مافيه شي بدونك
ضم ابوه وابتعد وهو يقرب امه لابوه : انا اسف اخذت حقوقك
ضحك ابو طراد: اصبر تجي نجلا وناخذ حقوقك
ابتسم طراد وهو يخلي ابوه يضم امه ويضحكون على شكل امه المنحرجه
ام طراد: وخروا بس
طراد: شعليك ي خجلان
ابو طراد قرص طراد من اذنه : جوز عن امك لا تحرجها
طراد: وش قلت انا
راح ابو طراد وهو يضحك ورجع طراد يخبي اغراضه عن عيال خالاته
٠٠
اما علي رجع للبيت ودخل ماسمع حس وابتسم لما شاف ريم نايمه نزل الهديه على السرير ودخل يبدل ملابسه
ورجع لها وجلس على الكنبه بشويش وهو يشوفها غاطه بنوم عميق نزل راسه وحط خده على خدها وصار يحك دقنه فيها (عشانها ما تحب هالحركه)
ريم : يممممه علي وجع
علي : يوجع العدو ي رب
ريم: اوف منك لازم تحوس
علي : قومي وش بك نايمه وين البنات
ريم: راحوا
علي:وانتي ليش نايمه تعبانه
ريم: لا غفيت ماحسيت
علي : يلا قومي معي بوريك شي
ريم : وشو
علي : تعالي اوريك
قامت ريم وراحت معه دخلت وانصدمت اول ماشافت الهديه على السرير
فرحت وفتحتها وانصدمت من الفستان اللي كان شكله رقيق وناعم ..
لفت على علي وضمته وشكرته وراحت تلبسه علشان تفرح علي ..
عند طراد اللي كان منسدح بينام بس تفاجأ بالاقتحام اللي حصل وعيال خالاته كلهم عنده بالغرفه
طراد: وش فيكم وجع
مصعب : طراد بتتزوج
طراد: لا بلعب وش رايك
رامي : طراد والله جد فرحنا لك
طراد: عقبالكم
يوسف :مابغيت عيد عيد
طراد: امسكو اخوازكم ذا المبزره
يوسف : خلهم يلعبون
طراد: لعب ..لا لا ..الله يصيب العدو كسر العطر
وابتدت ازمه طراد مع عيال خالاته وهو بس يحامي عن الاغراض
دخلوا خالاته وسلموا عليه وباركوا له وطلعوا
٠٠٠
من بكره الصبح يوم الملكه طراد اللي عجز ينام اولا من توتره وخوفه وفرحته بنجلا وثانيا من عيال خالته اللي قلبوا بيتهم قلب
نزل وهو ينادي : يممممه يمممه
ام طراد: نعم يمه
طراد: تبين شي انا طالع
مصعب :بروح معك
رامي :وانا بعد ويوسف
طراد : بس انا مشغول
خالته ام مصعب :خذهم معاك مابيأذونك
طراد (اووووف انا ناقص بعد): يلا تعالوا يمه تبين شي
امم طراد: لا بروح الحين مع ساري للمشغل
طراد : اوك
طلع وهو معه رامي ومصعب ويوسف
٠٠٠
عند نجلا اللي ما نامت هي بعد وهي تفكر في ذا اليوم
نزل
ت وحصلت امها وابوها صاحين
نجلا : يوه عساني ما انحرم من ذي الطله
سلمت عليهم وركضت تضم اريام : الحمدلله ع السلامه وحشتيني
اريام : وانا اكثر
نجلا : تعالي جهزت لك فستان وحجزت لك معانا الحين بتوصل شيخه وريم ونروح
ام عمر: وين بدكن تروحوا خدوني معكن
نجلا :ابشري
بدر : ي هلا ي هلا شرفتوا
راح يسلم على امه وابوه وهو مبسوط وراح لاريام وضمها وهو شوي متحفظ ورجع لنجلا : يبه يمه بنتكم هاذي فاشله لا تزوجونها احسن
ابو عمر:ليش
بدر: اجل حاطيني انا وعبيد امانه عندها وسحبت وراحت تبات عند علي
ام عمر: نجلا شو هاد بدر بيحكي الصدق
نجلا : اي يمه كيف تبيني اجلس بالبيت لوحدي وهم سهرانين طول الوقت برا
ابو عمر: وهي صادقه كيف تجلس لوحدها
بدر: انا كنت اجي بدري
نجلا : وخر عني ي نصاب والله ماكان يجي واذا جاء دخل غرفته وسكر الباب لو نحترق ما درا عنا
ابو عمر: متى تتزوج ذا الشيخه وتريحنا من تقفيلات الابواب
ام عمر: اخذتلو عقلوه هالشيخه ماكان يكن ويهدا
بدر سكت ماعنده رد لانه من يومين ما كلم شيخه
٠٠٠
عند علي اللي صحى على اتصالات طراد اللي احرق الجوال
علي : وش فيك ذبحتني اتصالات
طراد: نااايم قوووم قوووووم يلا
علي : وين اقوم
طراد: علي قوم معي اليوم ملكتي قوم بنشوف كل شي تمام والا لا
علي : ي ذا الملكه اللي ازعجتنا فيها من اسبوع طيبب اجيك الحين
طراد: يلا عجل
سكر علي والتفت على ريم وهو يصحيها: ريم ريم يلا قومي ورانا ملكه
فزت ريم : يمممه نجلا والمشغل قوم قوم ..
٠٠٠
في بيت ابو عمر جات شيخه وسلمت عليهم وطلعت فوق لنجلا
نجلا : تاخرتي ي شيخه
شيخه: وش اسوي السواق مشغول بالقوه فضى اليوم
نجلا : ايه ماعليه شفتي له ريم
شيخه: ماشفت احد ي دوب جبت اغراضي وجيت
نجلا :انا بروح اشوف اريام واغراضها وش سوت
شيخه :زين وانتي جايه جيبي مويه
طلعت نجلا وراحت وجاء بدر اللي قاله راشد ان شيخه جات دخل وماشاف نجلا سكر باب الغرفه وفزت شيخه: مسرع ما جيتي
بدر:انا مو نجلا
تعدلت شيخه: ليش سكرت الباب
بدر جلس :لا تخافين ما باكلك لكن ليش ادق عليك ما تردين
شيخه: قلت انشغلت
بدر: انشغلتي بأيش
شيخه :مع نجلا
بدر: بس انا ما ادق الا لما تكون نجلا هنا
شيخه: مو شرط تكون عندي عشان انشغل معها
بدر: انتي وش صاير لك هاه انهبلتي
شيخه: انا والا انت جاي تعاتب من بالضبط
بدر: انا شفيني
شيخه :ابد مافيك شي لكن تقول ليش ماتردين وانت اصلا ما تدق واذا ارسلت لك تجلس بالايام لين ترد وفي الاخير اسمع من الكل انك مسافر وانا اخر من يعلم وادق ومشغول طول الوقت لا تقول ليش ما تردين وانا تسوي نفس الشي...
انتهى الفصل السادس والأربعون...
الفصل السابع والأربعون....
شيخه بكت فعلا لما حس فيها ضمها بدر وهو يقول :انا اسف ما كنت ابي اصرخ عليك بس استغربت ليش ماتردين ما توقعت انك زعلانه كذا شيخه ماردت وابتعدت وهي تمسح دموعها مسكها بدر : شيخه انا من جد اسف ادري ما معي حق ابد وانتي ماتستاهلين بس اوعدك ما تتكرر
شيخه: اصلا خلاص الموضوع عادي بس بكيت لاني مصدعه ومانمت زين
ابتسم بدر وهي يدري وش كثر تكابر ولا تحب يبين ضعفها مع انها ضعيفه : اوك زين المهم الحين خلاص روقنا
شيخه:خلاص
بدر: يعني بتصيرين تردين وتبطلين التطنيش
شيخه:اذا بطلت انت انا ابطل
ابتسم بدر: انا بطلت خلاص
شيخه: وانا بعد
دخلت نجلا : شيخه تكفين اتصلي على علي وهزئيه و.....بدر وش تسوي هنا
بدر ابتعد : ابد جيت اسلم على شيخه حرام
نجلا بشك : لا عادي بس توكل من هنا بنخلص شغلنا (شكت نجلا انهم متهاوشين لان شيخه باين انها بكت )
طلع بدر واسرعت نجلا لشيخه: وش صاير
شيخه: ولا شي
نجلا : تكلمي والا...
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⑧②
#نكمل_غدا_باذن_الله
#اللهـم_صلي_على_سيدنا_محمد_ﷺ_وعلى_آل_سيدنا_محمد
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼