الفصل 27
عالم القصص والروايات 📚:
🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ ⑦②🌱
🍒ـــــــــــــــــــــــــــــــــــــ🍒
عند شيخه ونجلا جهزوا على اساس يلحقون علي قبل يطلع ويكلمونه اشتاقوا له حيل
نجلا : ادق على ريم ما ترد
شيخه: تتوقعين نايمين
نجلا: لا لا علي هذا وقت دوامه مستحيل ينامون
شيخه : زين ان شاء الله نحصله
٠٠٠
عند بدر اللي جهز شنطته وطلع وهو متحمس لزواجه من مهره
ابو عمر :وينك رايح
بدر : يبه انا ماقلت امس نسيت الله يهديك
ابو عمر: نسيت
بدر: عندنا بالشركه مشروع في دبي واختاروني انا وكم واحد عشان نشرف عليه
ابو عمر : وكم بتجلس
بدر: اسبوع بالكثير
ابو عمر: الله يوفقك طمنا عليك
بدر : ان شاء الله
طلع بدر بعد ما سلم على الكل واتجه للمطار وع دبي
٠٠٠
عند علي وريم كان علي منسدح في حضن ريم بعد الدش وهو مو قادر يتحرك وعيونه ذبلانه وجهه مصفر
ريم : علي ي روحي خلني ادق على السواق يوديك
علي : لا ي ريم انا بخير
قطع عليهم صوت الجرس قامت ريم وراحت تفتح حصلت نجلا وشيخه
ريم :بنات
سلموا عليها :وين علي لا تقولين طلع
ريم: علي جوا تعبان وطايح بفراشه
نجلا :ااايش وش فيه
ريم : سخونه مدري من ايش
ركضت نجلا وشيخه لعلي بالغرفه حصلوه منسدح وحاط يدينه على عيونه قربوا وجلسوا
نجلا وهي تبكي : علي
علي فز لما سمع صوتها اشتاق لها حيل : نجلا
نجلا ضمته وهي تبكي : ليش كذا ليش تركتنا علي تكفى لا
ضمها علي وهو ساكت سمع صوت شيخه تبكي وناداها: شيخه تعالي
شيخه جات وضمته وهي بعد تبكي : كيف تسوي كذا كيف طاوعك قلبك تبعد عنا
علي ضمهم وهو مشتاااق لهم ومايدري وش يرد عليهم ابتعدوا بعد فتره وهم يمسحون دموعهم
شيخه: من جدك تبريت
علي : انا ما تبريت انا ابتعدت ابي ارتاح ي شيخه
شيخه: بتجلس كذا يعني
علي .: اكيد لا انتم تعالوا والا باتوا عندي
نجلا : وامي ي علي
علي سكت وبعدين قال: مدري استنوا شوي بعد لين نهدا
جابت ريم القهوه: خلونا نروق خلاص
صبت القهوه وقربت من علي وحطت يدها على جبينه : احسن الحين
علي :ايه بخير
كملوا سوالف وعتاب وعلي فرحان بشوفتهم
سمعوا الجرس وقامت ريم :اجلس بشوف انا
ريم :مين
ابو عمر : انا
فتحت ريم :هلا عمي
دخل ابو عمر وسلم على ريم ودخل جوا لعلي وقف علي وشيخه ونجلا
ابو عمر: نجلا انتي هنا
نجلا :جيت اشوف علي يبه
التفت ابو عمر على علي اللي باين انه تعبان : علي ماتبي تسلم ي ابوي
علي خنقته عبرته ونزل راسه وهو يغض شفته بقوه قرب ابو عمر وهو يقول : زعلان مني
علي صد وهو ساكت ماقدر يتكلم من عبرته ما تعود يزعل على ابوه ضمه ابو عمر وهو مشتاق لعلي وريحته : سماحني يبه انا ضقت وانفجعت وفهمت غلط وانت تدري اني مالي غناه عنك صح تعذبني وتحرق قلبي وترفع ضغطي بس احبك ولا ارضى عليك شفت وشلون اشتقت بالايام اللي راحت
علي ضم ابوه وهو يداري دمعته ولا يبي يبكي : انا بعد اسف يبه بس لا تلومني اللي صار مو قليل
اما البنات كانوا يبكون بصمت
ابتعد ابو عمر وهو يمسح دموعه ودموع علي : الله يرضى عليك لا عاد تتهور وتزعل وتفقد اعصابك وتشتتنا تعال معي امك لها اسبوع وهي حالتها حاله والكل فاقدك وعمك ابو ناصر زعلان وناصر بعد مايبون يجون لين تجي
ابتسم علي اللي حس انه بخير : ابشر يبه
ابو عمر: البس الحين وتعال معي بنروح كلنا يلا ي بنات وبعدين وش فيك حار
علي ابتسم : مافيني شي سخونه جات وعدت
راح علي يلبس وريم والباقين طلعوا يستنون فالسياره
ابو عمر: شيخه تعالي معنا
شيخه: بروح ي عمي البيت اكيد امي الحين معصبه
ابو عمر: تعالي مافيه احد غريب حتى بدير سافر اليوم
نجلا :وين سافر
ابو عمر: يقول موكلينه الشركه على مشروع في دبي وبيروح اسبوع
شيخه انصدمت ماقالها بدر وسكتت وهي ماهي مرتاحه لروحان بدر المتكرره تعوذت من ابليس وطنشت
جاء علي وركب هو وريم وهو مبسوط والفرحه بوجهه كلم طراد وقاله انه راح وبيكلمه شوي
٠٠
عند الجد حاكم اللي جاء عشان يروح يعتذر من علي وصل بيت ابو عمر ودخل وسلم عليهم
ام عمر: شرفت
الجد:عبد الرحمن وينه
ام عمر :مابعرف
دخلوا ابو عمر وشيخه ونجلا وعلي وريم
ابو عمر: ام عمر تعالي شوفي من جاء
وقف الجد حاكم : عبد الرحمن
وقف علي وقطب حواجبه اول ماشاف جده وانصدم الجد وسكت ابو عمر وهو خايف يزيدون الطين بله
علي صد : اشوفك مره ثانيه يمه يلا ي ريم
الجد :افا ي علي ما تسلم علي
علي : مو انا اللي افرقكم مالي قعده ابد
ابو عمر مسك علي :تعوذ من ابليس واذكر الله
علي :الف من ذكره بس مالي محل
اخذ علي ريم وطلع بعد ما سلم على امه
الجد :وش السوات ي عبد الرحمن
ابو عمر: صعب تصلح اللي انكسر وانت تعرفه
جلس الجد بضيق وهو ندمان بس علي ماعطاه فرصه ..
عند علي كان ضايق من شوفة جده اتجه لاحد المطاعم يتغدا فيها وهو زعلان
ريم : ليش رفضت
علي : مابي ي ريم دايم وانا انسى واتجاهل هالمره ماني مسامح
ريم: بس باين ان
ه ندمان وهو يحبك
علي : اللي يحب مايسوي سواته
ريم سكتت نزلو المطعم وتغدوا وهي تشوف علي ضايق وبعدها طلعوا لبيتهم
٠٠٠
عند بدر اللي وصل واستقبلته مهره وراح معها البيت وهو مستانس سلمهم المهر واتفقوا الزواج الليله عشانه على الساكت جاء الليل وجهزت مهره وصارت احلى عروس وبدر اللي كان خاق عليها لاخر درجه وطاير معها فالفرح اخذها بعد حفله بسيطه وراح معاها الفندق وتمم زواجه على خير
٠٠٠
بعد اسبوع مشت في الاوضاع روتينيه جدا جدا جدا وباقي علي زعللاااااان على جده وبدر رجع بعد ما قضى احلى ايامه مع مهره
في الليل كانوا الكل مجتمعين عند ابو طراد والمجلس مليان حتى الجد اللي اعتذر لطراد عن اللي سواه عبد العزيز
عند الرجال كانوا يسولفون وعلي متجاهل جده تماما
وقف ابو طراد وهو يقول :اليوم وفي مجلسي نبيها بدايه جديده ولا نبي احد يطلع زعلان على احد
ابو عمر:وانا اوافقك الراي
ابو طراد :علي ي الغالي اليوم نطلبك طلب وقول تم
علي اللي عرف وش يبي وسكت
ابو عمر:تمم ي علي
المجلس كله: هاااه ي علي
علي انحرج: تم
ابو طراد: نبي اليوم نصالحك مع جدك والله لا يعيد الزعل
ابو عمر : ايه يا ابوي ادحروا الشيطان وتعذوا من ابليس
الجد كان يناظر في علي اللي تقدم وباس راسه ورجع لورى ضمه جده : انا اسف ي ابوك لا تزعل مني انا ماقصدت لحظة شيطان
علي :حصل خير
الجد :وانا ماخليتهم انا طردتهم
علي : راحوا بخيرهم وشرهم
ابو عمر: دام القلوب صفت انا عندي لكم خبر بيفرحكم
الكل:وشو
ابو عمر: بما ان طراد تقدم وخطب جاه الرد اليوم ونقول الله يتمم لك ويشرفنا انك نسيبنا ي طراد
تنوعت الردود اللي كلها فرح وكمل ابو عمر: لكن عشان اللي صار والمذابح قررت اعاقبه عقاب بسيط
علي:لااااااااااا
بدر : ههههه اوووه بدت منافسات النسايب
ابو طراد : لا لا لا كذا لا وشهوله تعاقبه
ابو عمر: هدوء هدوء عقاب بسيط قرصة اذن
طراد:هههههه فداك ي عمي قول
ابو عمر: كل شي يمشي تمام بس مافيه زواج قبل ٦شهور
علي: ههههه يوه بسيطه بسيطه
طراد:الله يهديك خبصت قلبي
وابتدا المجلس بالطقطقه وطراد فرحان فرحه ما احد يتخيلها
٠٠٠
عند الحريم اللي وصلهم خبر موافقة نجلا على طراد
والكل قام يسلم ويبارك
شيخه:هههههههه انا اول مره اشوف وحده توافق على واحد في بيت اهله
نجلا تفشلت وقامت ام طراد وهي تضحك: خليها بعد قلبي وزوجة ولدي
نجلا تفشلت وابتدت الطقطقه اللي مالها نهايه
تعشوا الكل وبعدها افترقوا واتفقوا بعد اسبوع اذا فك طراد رجله يسوون الملكه
٠٠٠
رجعوا للبيت ونجلا وشيخه انشبوا الا يروحون مع علي لبيته
علي : ياليل ليتني تبريت منكم
شيخه:المفروض تفرح عشاننا معك وعشان اختك وافقت على صديقك
علي ضحك وهو يشد شعر نجلا : وانتي بعد شفتي جبت لك عريس زي شيخه
ريم:هههههه شفتوا كيف بس
نجلا :ماقصرت صراحه بس من الحين اقولك فستان الملكه عليك
علي:ههههههه ابشري من عيوني وثوب طراد علي بعد
شيخه: افاااا وانا ماسويت لي شي
علي : يلا فستاان زواجك علي
ريم:وانااا
علي:ههههههههه وانتي بعد يمممه منكم
شيخه: يلا يلا اليوم نبي فيلم رعب
ريم:لااااا مابي ما احب
نجلا :الا نبي
علي :وانا بعد ابي
شيخه :التصويت ضدك ي ريم
جهزوا للفيلم وجلسوا يتابعون ومره يصرخون ومره يضحكون وريم قلبتها بكى وهي شوي وتدخل بجوف علي
٠٠
اما بدر اللي كان يكلم مهره بالحوش وهو يضحك
بدر: هههههه باقي برجع ان شاء الله ونستانس اكثر
مهره : بس منكده علي هاي بنت عمك
بدر: لا حول الله انسيها ي بنت الحلال انسيها هي بدار وانتي بدار
مهره : انزين بدر انا محتاجه شوي فلوس فشله اطلب من ابويه وانت زوجي
بدر :تمام كم تبين
مهره: الفين دينار
بدر: زين توصلك الحين
مهره : انزين وحشتني
بدر خق:وانتي وحشتيني اكثر
ابو عمر كان نازل يشوف عبيد وينه : بدر
بدر بخرعه وخايف انه سمعه:يبه
ابو عمر:وش فيك انخرعت
بدر: ولا شي
ابو عمر: هههههه سلم على شيخه وادخل لا تجلس في ذا الحر
بدر وقلبه يرقع :زين يبه
دخل ابو عمر وزفر بدر ورفع الجوال:مهره حبيبي اكلمك بعدين
سكر بدر وهو يرجف متخيل ابوه يكشفه بيذبحه اكيد دخل وراح ينام وهو مو مستوعب كيف نجى
٠٠٠
عند علي اللي خلصوا الفيلم وريم ذبحتهم تبكي
علي يضمها: يوه ي ريم انتي بزره مايخوف
ريم :نعم والله يخوف عليكم
شيخه: لا يخوف ولا شي بس حماس
نجلا :صراحه كان يخوف
ريم :شفت
علي: ههههه تراه تمثيل روقي المهم انا بروح انام وراي اشغال سلام
شيخه:وحنا بعد بننام ..
نجلا :اي والله تعبت اليوم
شيخه:هههههه مو منك من المراكض ورا ام طراد
علي : مراكض
شيخه: ههههه لو تشوفها تقول ماصدقوا يخطبون
نجلا:شيخه انكتمي كلنا كنا نساعدها مو بس انا وامي قالت لي وبعدين دايم نساعد
علي:ههههه اوه طلعتي هطف زين انه خطبك ورحمك من نار العنوسه
ريم : لا تسال عن الثقل والعقل اللي بقدرة قادر تحلت بها
علي : بدينا تزبيط ههههههه ما انتي هينه
نجلا تركتهم وراحت وهي تحلطم وهم يضحكون عليها راحوا ينامون عند عل
ي اللي ما خلته ريم ينام وهي كل شوي تتوهم اللي بالفيلم يجون
علي : رييييم ريييم تكفين ابي انام صاحي من٧ الصبح
ريم :والله خايفه لا تنام
علي : وش نسوي طيب اسمعي والله تمثيل اقري المعوذات ونامي
ريم : لا خلك صاحي تكفى ي علي تكفى
علي اللي كان بيموت من النوم بس ريم ما خلته ينام قام وطرت له فكره
ريم :وين
علي : دقيقه بحوس البنات شوي
ريم : ليه
علي راح وطلع قناع وجلال ابيض حق صلاه
ريم: علي حرام عليك
علي : نتسلى فيهم اصبري
راح علي وخلا ريم بالصاله وهي خايفه دخل الغرفه وشافهم نايمين وراح لجهة الحمام ودخل وصار يضرب الباب ويحذف على البنات قامت نجلا وهي مستغربه وراحت لشيخه: شيخه
شيخه :همممم
نجلا: شيخه قومي
شيخه:هااه
نجلا : شوفي فيه احد يدق باب الحمام ويحذف
شيخه:وشو
علي حذف الصابون عليهم وصرخت نجلا
شيخه:اصصصص قومي نشوف ايش
هجد علي وبالقوه قامو البنات وهو متمسكين في بعض شيخه طلت ماشافت شي راحت لباب الحمام وفتحته وطلع علي وصرخ في وجههم صرخوا وانحاشوا وشيخه تصارخ وتصفق بالابواب ونجلا مسكره اذانها وتصرخ
لحقهم علي وهو يبي يمسكهم ويقول لهم بس كانوا يركضون مسك نجلا وهو بيقولها وخافت نجلا اللي تحسبه جني واغمى عليها انفجع علي وشاال القناع وهو يحاول يصحيها وسحب المويه اللي بجنب السرير وصبها عليها وصحت نجلا وهي تضم علي :علي علي في جني مسكني يمه علي انا خايفه تكفى تكفى
علي :انا انا ي نجلا لا تخافين امقلبكم بس
شيخه لما عرفت انه علي جات وهي معصبه :خير تستهبل انت بغيت تذبح البنت هذا مزح هذا مزح
علي انفجر على شكلها وشعرها اللي انفش من الفجعه : ههههههه شيخه شوفي نفسك بالمرايه
شيخه: اقول انطم بس انت والمزح الخايس احد يمزح مثلك
نجلا وهي تبكي :حرام عليك
علي:ههههههه خلاص عاد ي خوافات
شيخه اللي ركضت وعضت علي بظهره وعلي يصرخ:وجع ي الدب بغيتي تشيلين ظهري
شيخه :تستاهل
وبعد ما ضحكوا على شكل شيخه وعصبيتها قام علي : ههههه خلاص تكفون امزح ناموا ناموا
نجلا : وين بتروح
علي :بنام
شيخه: على كيفك تروح وتتركنا خايفين
علي : وش اسوي طيب
نجلا :نام عندنا
علي : لا لا اكيد تمزحون
نجلا: لا جد
علي : بنات وراي دوام
شيخه:انت اللي جنيت على نفسك تستاهل
٠٠٠
من بكره صحى طراد وهو يحجز ويستعد لملكته وهو مستانس وفرحان وامه وابوه نفس الطريقه اتصل على علي مايرد استغرب انه تأخر ما داوم ولا يرد وكتب له رساله (اذا صحيت كلمني ضروري )وكمل بحماااسه باقي التجهيزات
٠٠٠
اما عند علي اللي مرمي كأنه جثه وراحت عليه نومه هو والبنات من كثر ماجننوه امس ما درا عن الدنيا والبنات نفس الحاله علي كان من ربكة امس رمى ولاعاته على الفواحه وكانت الشمعه شغاله وحرارتها صارت قويه على الولاعات وكانوا اكثر من ولاعه انفجرت وحده وانفجروا الباقيات معها وطاحت الفواحه وانكسرت صحوا البنااات يصرخون وصحى علي على صراخهم: وش فيه وش فيه
شيخه وهي تصارخ وتركض: اشهد ان لا اله الا الله اشهد ان لا اله الله بنموت ياربي اقبلنا شهداء يمه تفجير
سمعوها نجلا وريم اللي صدقوا وابتدوا صراخ معها وهم يتشهدون اما علي اللي انلخم وانفجع فز وهو يركض وراء شيخه :وينهم وينهم
شيخه: لا اله الا الله اشهد ان لا اله الا الله واشهد ان محمد رسول الله
علي صار يركض معها ويتشهد مر من عند الطاوله اللي عليها فواحه حصل الفواحه مكسره والولاعات قطعها جنبها وقف وهو مرعوب واستوعب بعدين انها ولاعاته وشمعه والفواحه مسك شيخه بشعرها وهو يقول :انطمي
سكتوا كلهم ويناظرون علي: مهبل انتم مرضى على طول تفجير افجعتوني
شيخه اللي ما زالت متأثره: الله لا يوفقهم فجروا المسجد
ريم ونجلا رجعوا يبكون علي بصراخ: من قال انهم فجروا المسجد
شيخه : اجل حزام ناسف في السوبر ماركت
ريم ونجلا كملوا بكى
علي :ماهم ارهابيين ي مجنونه
ريم :وشو
علي:ولاعاتي على الفواحه وانفجرت من الحراره وطاحت الفواحه وانكسرت وانتم على طول تفجير الحمدلله والشكر
شيخه تفشلت وجلست:وش عرفني
علي :وجع في شكلك
ريم ونجلا قاموا على شيخه وجلدوها وهي تصارخ فككهم علي :خلااااااص ذبحتونا كم الساعه
ريم شافت الجوال: ١١ونص
علي :ايش
ريم :والله ..
علي:الله يلعن ابليس وش اسوي الحين راح علي كل شي
ريم : وش نسوي كلنا راحت علينا نومه
علي :كله منكم ما خليتوني انام
شيخه:من اللي تلقف وصحانا
علي : الله يكسرني يديني يوم صحيتكم
شيخه ونجلا :اميييين
علي :وجع انتي وياها
ريم :يمه وش الوضع بتروح والا لا
علي رجع انسدح : بنام اكيد انتهى الدوام باقي ساعتين بس
رجعوا البنات انسدحوا علي :نعععععععم
شيخه:انا والله خايفه يطب علينا ارهابي
نجلا:وانا خايفه يمسكني جني
ريم :وانا خايفه منهم كلهم
علي :ياااااااا رب انا وش سويت بنفسي اسمعوا لا اسمع صوت ابي انام
سكتوا البنات وناموا ونام علي معهم في الصالة
٠٠٠
عند بدر اللي صحى وهو مخروش من امس واستغرب ما ارسلت شيخه بس قال : زين عشان ما تعلق زياده
نزل وحصل امه وابوه :صباح ا
لخير
ابو عمر: مساء النور وين الدوام
بدر: اجازه اليوم يبه
ام عمر: كويس من شان توديني اجيب كم شغله لملكة نجلا
بدر: يمه ظهر
ام عمر: بعرف انا احكي عن العصر من شان ما تطلع بشي عذر
بدر: ابشري وين نجلا
ابو عمر: ليه ماقالت لك شيخه انهم نايمين عند علي
بدر تورط :ايه قالت لي بس نسيت
بدر اللي وقف قلبه وعرق راح بيفطر وهو يقول : يوه شفيه ابوي علي من امس لا يكون شاك فيني اعوذ بالله
٠
٠
عند طراد اللي كان مشغول وهو يحجز الاستراحه والاستقبال وووووووو اشياء كثير لان امه من فرحتها مابقى احد ما عزمته
كان يتصل على علي وعلي مايرد استغرب: وش فيه ذا
رجع لامه وكمل هو وياها باقي الاشغال
٠٠
بعد العصر صحى علي على صوت جواله اللي ازعجه مد يده وسحب الجوال: الو
طراد:وجع ان شاء الله من متى ادق انا هاااااه
علي :وش فيك
طراد: وش فيك
علي :كم الساعه الحين
طراد: ٤العصر وانت باقي نايم
علي : اوووف لا جد
طراد: قوم البس يلا وتعال ساعدني
علي: يلا يلا ارسلي مكانك وانا اصحصح واجي
طراد :يلا
قام علي تروش ولبس وجهز وشخص وكل شي ورفع ثوبه وربطه على بطنه وراح المطبخ وجاب قدر ملياااان مويه بارده وملعقه كبيره ووقف فوق راس البنات وكب المويه عليهم وهو يضحك صحوا وهم يشاهقون ويصرخون قام علي يدق الملعقه في القدر :يلاااااااااااااااا قوموا العصر اذن وانتم نايمين لا صلاة ولا عباده (يقلد ابوه وجده )
شيخه:جعلك بالحنش قول امييييين
علي وهو عند الباب وباقي يدق : يلا ريم نجلا شيخه يلا
قاموا عليه كلهم وانحاش وهو عاض ثوبه وماسك شماغه وطلع وسكر الباب وهو يضحك رجعو البنات وهم يسبون في علي ودخلت كل وحده تاخذ دش عشان يصحصحون
٠٠٠
عند بدر كان يتمشى هو وامه بالمولات وراشد معاهم وطول الوقت وهو يكلم مهره لدرجة امه عصبت
ام عمر: بدر سكر لي هالشيخه هلا وامشي معي يامو
بدر ارتبك : طيب طيب
راشد: بدر ابغى اشتري جزمه جديده
ام عمر: بدو يلبس اديداس على الثوب كيف عم تزبط معه ما بعرف
بدر:ههههه راشد خلاااص اتجننت مع اديداس
راشد: خلاص طيب باخذ نايك
بدر: ههههه مايصلح ي حبيبي
راشد: مابي والله لقول لعلي
ام عمر: ايه هلا بدو يجلس يصهلهل على راسي
راشد سكت وهو متعود ان علي دايم يلبي له حوايجه حتى لو هي صعبه ومستحيله
٠٠٠
عند طراد اللي كان جالس بالمقهى وينتظر علي دخل علي اللي وهو يضحك : سلاااام
طراد: بدري والله بدري
علي :وش اسوي لا تسال عن اللي صار لي
طراد :وش صار
علي قام يحكي لطراد كل شي صار وانفجر طراد من الضحك
طراد: شيخه هاذي ماهي صاحيه قسم بالله وبعدين ليه تخوف نجلا
علي طالع بنص عليه: وشو من متى تدافع
طراد :من امس
علي :اقول احترم نفسك والا بهفك بذا الورده اللي قدامك باقي تتكلم على محارمنا
طراد: احترم نفسك انت لا افرشك هنا قال ايش قال محارمنا تراي خاطبها والاسبوع الجاي بتملك عليها
علي :وحتى ولو احترم نفسك
طراد: على شحم ازين لك بس
علي:هههههه امزح معك لكن اطلب لي شي جوعان حيل
طراد: غريبه خلتك ريمك تطلع جوعان
علي : بي عنها والله ما تقصر لكن الظروف
طراد:وعوه ي ربي تديم النعمه بس
علي :اص اص واطلب
طلب طراد ولما وصل الاكل تعدل طراد وقال: علي فيه موضوع خبيته عنك وبقولك اياه بس بلاش زعل وانت تعرفني
علي خاف: وش فيك وش اللي خبيته عني
طراد توتر وهو يعرف مدى حساسية علي في ذا الموضوع: شوف بداية والله ما قصدت ولا طرا لي حاولت امنع نفسي بس كل طريق اسلكه عشان ابعد يرجعني لنفس النقطه وكله بسبب عبيد
علي : طراد تكلم خبصتني وش السالفه وش دخل عبيد
طراد: علي تتذكر ملكة بدر لما جينا كلنا بيتكم
علي :ايه
ابتدا طراد يحكي لعلي تفاصيل حبه لنجلا وعلي مفتح عيونه للاخر
طراد: انا ما نويت اخونك ابد كنت بطلبها بس احتري اختك اريام تصلح العمليه ولا يكون فيه عايق بس انت سبقتني ..
وقف علي وهو يناظر طراد: عمري ماتخيلت انك انت تطعني توقعت حتى اخوانك بس ما توقعتك
طراد وقف :علي ادحر الشيطان والله ان حبي لها عفيف
علي : لا تزيد كلام احترام للعشره اللي بينا لانك لو تكلمت بضربك وانا مابي لكن من الحين اعتبرنا انتهينا
طراد بفجعه:علي لا تستهبل انت تدري اني ما اسويها علي لا تنهي كل شي لامر تافه وانا ماكذبت خطبتها
علي : قصدك انا اللي رميتها عليك
تركه علي وراح وحاول طراد يوقفه بس ماقدر جلس طراد بصدمه ما تخيل انه بينهي كل شي توقع يزعل يضرب ويعصب بس ماتوقع ينهي علاقه من ١٩ سنه عشان سبب تافه
٠٠٠
عند البنات كانوا جالسين بالصاله
نجلا : بنات احتاج اطلع السوق ضروري
ريم :حتى انا
شيخه: كلموا علي طيب
ريم : ايه احسن
نجلا :مدري علي اكيد بينشغل مع طراد
شيخه: ودامه تكفل بفستان الملكه اتركيه وخلينا نحضر للاشياء البسيطه
ريم : بس كذا كل شي بيتوقف على علي والفستان
نجلا :عشان كذا بنطلع معاااه
شيخه: ماعليكم اذا جاء قولوا له
نجلا :تعالي صح وش اخبارك مع بدير
شيخه تذكرت بدر اللي له اسبوع مطنشها: ماشي حالنا
ريم: وش يعني
نجلا:متهاوشين
شيخ
ه:لا اعوذ بالله بس بدر مشغول ذا الفتره
نجلا :وشو شغله
شيخه: عشان مشروعهم اللي بدبي بس
ريم بمزح:ههههه ي خوفي يطلع متزوج هناك
نجلا :يمه تخيلوا ههههه
شيخه:اعوذ بالله من الفال الخايس
ريم :امزح امزح
( ريم ما درت انها ضغطت على جرح شيخه اللي مستغربه من حركات بدر وتحس فيه إنا )
٠٠٠
عند فواز اللي كان طول الوقت قاعد يهدي اريام اللي تبكي خوف من العمليه
فواز: اريام ي عيوني والله بسيطه ليش الخوف
اريام وهي تشهق : خايفه ي فواز ما ارجع اشوف
فواز: بتشوفين لا تخافين
اريام: واذا ما شفت وخربت ملكة نجلا
فواز : تفائلي خير وان شاء الله بتشوفين
اريام : فواز تكفى لا تخليني
فواز ضمها :ابشري ي عيون فواز
سكتت اريام وهي توها تحس بحب فواز لها اللي يتعب تعب مو طبيعي عشانها يروح الجامعه ويطلع بالبريك يطمن عليها ويرجع الجامعه وبعدها يطلع يحضر لها الاكل وبعدها ياخذها يمشيها غير انه رايح جاي للمستشفى عشانها وعلى همسها يصحى ويداريها ضمته هي بعد وهي تبكي راكان اللي ماعاد سمعت عنه شي
٠٠٠
اما طراد اللي كان جالس بالمقهى وهو حاط يدينه على راسه ومو مستوعب حس بأحد يمسك كتفه والتفت بسرعه وحصله القارسون تبع المقهى مد له ورقه سحب طراد بوكه بيحاسب وهو يناظر اكل علي اللي ما اكله وهو جوعان فتح الدفتر بيشوف الحساب بس لقى ورقه مكتوب : مقلبتك ي ابوي ههههه التفت وراك
علي من بعيد : هههههه يخبل صدقت
انفجع طراد اللي رجوله ماعاد شالته من الفجعه واستوعب ان علي يمقلبه وصاح صيحه كل اللي في المقهى ناظروا له : علييييييييييييييييييي والله لاخذك عمرك
علي ضحك من بعيد وهو ينحاش بين الطاولات: وربي امزح خلااص وانت خبل يعني لو قايل لي من قبل بزعل الا بفرح واتشقق
طراد :والله دين حق لا اوريك
علي : خلاص اعقل امزح امزح لا تخليني اغير رايي واروح اقول لنجلا واكذب واقول انك داشر وبخيل وصايع هاه
طراد: تعال اعلمك الصياعه زين
علي :ههههه طراد ورب البيت خلاص والله جوعان مالي حيل اركض
طراد : والله لنتف شاربك بس انت قرب
ضحك علي وقرب وهو يضم طراد وكل اللي فالمقهى يضحكون مع انهم مافهموا وش فيه
طراد وهو يطقه بالمسبحه: ما تخاف الله هاه وربي مت من الخوف
علي نتف شعره من شاربه وهو يضحك:خذ هذا عن يمينك بس ولا تعودها ي نسيب
طراد: لا لا انا بنتف
علي :اقلب وجهك بس قال بنتف مافيه كلها كم شعره
طراد: انت اللي كم شعره انت مزرعه قرب اشوف
بعد ضحك قرب علي ونتف طراد شعره وهو يضحك ورجعوا ياكلون ويضحكون
٠
٠
كملوا ايامهم بحماس وابتدوا بالتحضيرات كلهم وعلي كالعاده هو اللي اختار الشبكه وذبح طراد كل ما تكلم قاله ( احترم نفسك ولا تتكلم في محارمنا او يهدده انه يشوه سمعته عند نجلا )
والبنات انشغلوا بالحجز والفساتين والتجهيز والزفه
والكل مشغول وبدر اللي ابتدا ينسحب من شيخه حبه حبه ويتجه لمهره
اما ابو عمر وام عمر اللي سافروا لامريكا عشان يكونون جنب اريام بوقتها الصعب
واريام اللي خايفه حيل وتعبانه نفسيتها بس فواز داعمها وماهون عليها
اما راكان وعبد العزيز اللي صاروا يشتغلون بنفس المكان وزوجوا الجوهره واحد جابه عبد العزيز وزواج ع السكيتي ...
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⑦②
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼