ياما تجرعت المراره عشانك - الفصل 26 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀:🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الـ ⑥②🌱 🍒ـــــــــــــــــــــــــــــــــــــ🍒 قوى نبرته وقال : اللي انت حايفهم ومتحامل عشانهم ومقوم الدنيا عشانهم غدارين وخونه وش رايك باللي يواعد بنت عمه ويلعب عليها ويسرق فكرها ويجرها معه في تهالك ولما جد الجد اختفى وانكر ولما طاحت عمياء تبرى ولا جاء يشيل حتى ذنبه والا اختهم اللي تراقب وتفتري وانت تدري غير المصايب اللي بالخفاء تدعيني عليها وروحي اللي بغت تضيعها بافتراها غير سمعتي اللي تحكي عنها بكل مجلس وغير ريم اللي حاطه حيلها فيها والا اخوهم اللي عايش دور البطل ويهدد ويتوعد ويضرب ويتحلل وينكر جميل طراد اللي كان معه خطوه بخطوه لين وصله هالمواصيل كل اللي سوه وتقول انا ادور المشاكل والتفرقه لكن اسمعني والله اللي خلق النفس من النفس لتقوم القيامه بيني وبينهم ولو اشوف الكلاب تناهشهم قدام عيني ما حركت ساكن واعرف واعلم انها ما وقفت هنا وباقي لي معهم حساب ودامني افرقكم من الحين اقول انا مالي اهل وعيشوا بسلام واتركوا اللي يفرقكم .. طلع علي وصفق الباب وراه وامتلى وجهه دموع قهر وغبن ....وقف الكل وتكلم الجد :وش قصده باللي قاله بدر اللي ما تحمل هو بعد : اسال الكلاب اللي وراك الجد : عبد الرحمن وش يقولون عيالك قام ابو عمر وقال كل شي لابوه اللي مصدق والتفت على راكان : ص صدق اللي انقال غمض راكان بقهر ورد بيشرح بس ماقدر مسكه جده وهو يصرخ: صدق اللي انقال راكان بدموع :ايه بس.... سكته كف جده اللي سحبه ورماه : اطلع لا اشوفك اطلع من هنا ما اعرفك اطلع اطلع برا برا مابي اشوفك ولا اعرفك اطلع ي خاين العرض والشرف اطلع قام راكان وهو يمسح دموعه :جدي اسم... الجد :اطلع ماني جدك اطلع انا بري منك ياخساااااره ي خساااااااااره ي خسااااااااااره جلس الجد وهو يبكي : ي خسااااره تجمعوا عليه وهم يهدونه وقف وقال :وش سويت ي عبد العزيز عبد العزيز : جدي انا والله كنت ابي ابعد طراد عن نجلا انا احبها وابيها ابو عمر بقهر: كنت كلمه بأحسان كنت قلت له انك تبيها والله ما يردك والله طراد وقف معك كثير ولو قلت ابي نجلا بيعطيك نجلا وعليها حبت خشم بس ي خساره وي كسر ظهري فيكم ربيتكم سبركم من سبر عيالي لكن غدرتوا فيني وكسرتوا ظهري الجد وهو يفك ازاريره: محلك يومين وتلحق اخوك مايشرفني تكونون عندي ساره :لاااا يبه تكفى عيالي يبه لااا الجد : عيالك مالهم محل عندي وانتي ما تطلعين اذا بغوك يجون يشوفونك او تروحين وترجعين لكن ينسوني ولا اشوفهم ساره ببكى وهي تتعلق في راكان :تكفى يمه لا تروح تكفى يبببه الله يخليك عيالي تكفى الجد : وقف خذ اختك معك راكان اللي نادى الجوهره واخذها وامه تبكي الجد : اذا تبين عيالك روحي معهم بس ابوك لا تقطعينه ساره طاحت بالنص وهي تبكي ابوها وعيالها تكلم راكان وهو مخنوق :يممه خليك عند جدي محتاجك هو وعبدالعزيز وانا باخذ الجوهره ونروح وكل جمعه بنجي نزورك  بعد محاولات راكان جلست ساره اللي تبكي وتوجهوا لها عمر وبدر وهم يرفعونها ويغسلون وجهها التفت الجد على ابو عمر: عبد الرحمن ابو عمر: سم يبه الجد :انا اسف ي ابوك جرحتك وجرحت عيالك وحديتكم تظهرون سر بنتك اسف ابو عمر : وانا اسف بعد يبه عن كل شي سووه عيالي من قهرهم والله الجد :مالومهم والله ما لومهم جلسوا الكل وناصر وابو ناصر مصدومين من كل اللي صار والحقايق اللي انكشفت ٠٠ اما علي اللي مات من قهره وطار لريم واخذها وطلع وجهه ما يتفسر ريم :علي حبيبي وش صار علي ما كان يرد عليها لانه مايبي يعصب عليها ريم :علي التفت علي وهو يهمس بأنفاسه اللي زي النار:  تكفين اسكتي سكتت ريم بخوف من شكله وصلوا البيت ونزلها وراح وهو يوصيها ما تفتح لاي كان  وراح لطراد ٠ ٠ في بيت ابو عمر الكل خاف من بعد ما اخذ علي ريم وهم مايدرون وش صار وخايفين والاغلب يبكون ٠٠ عند الجد حاكم طلع ابو عمر وعياله بعد ماتطمنوا انه بخير واتجهوا لبيت ابو عمر اما ابو ناصر وناصر اللي ماكانوا متوقعين كل ذا طلعوا هم بعد وراحوا لبيتهم اما ساره اللي كانت عنذ عبد العزيز وتبكي وهو يواسيها تركهم الجد وابتعد لاخر المزرعه وهو يبكي وندمان على اللي قاله بعلي وظلم علي به طول عمره يحب علي ومع ذلك دايم يجرحه جلس تحت الشجر وهو يبكي ما رحم شيبته وقل حيلته ٠٠٠ عند علي اللي راح لطراد وهو جاااامد ولا يتحرك فيه طرف دخل بهدوء غريب :سلام عليكم طراد وابوه: وعليكم السلام طراد: وش فيك ي علي علي التفت لطراد بأبتسامه غريبه : مافيني شي انا بخير كيف رجلك توجعك جروحك توجعك طراد : لا علي : الحمدلله وقام ابو طراد وطلع عشان ياخذون راحتهم طراد:علي انت بخير فيك شي علي :طراد ماعليك انا بخير لا تشيل هم طراد: وش صار معك علي رفع كتوفه : ماصار شي جيت بدون اهل طراد : كيف يعني ؟ علي : يعني انا مالي اهل انفجع طراد من كلامه ومسكه :علي ي اخوي وش تقول علي :طراد وش فيك طراد بخوف : تكفى ي علي وش فيك علي : طراد سم بالله مافيني شي انا جيت اتطمن عليك وبرجع لبيتي ريم لحالها طراد اللي امتلى قلبه خوف وهو مايدري وش صار ولا وش الهدوء اللي بعلي طلع علي وتركه وراح لبيته ٠٠٠ في بيت ابو عمر وصل ابو عمر وعمر وبدر وعبيد دخلوا وسلموا وجلسوا ام عمر: شو صار ابو عمر : صار اللي ما حسبنا حسابه طلع ابو عمر لغرفته وطلعت وراه ام عمر وعمر اخذ زوجته وراح وعبيد طلع فوق وام ناصر وبناتها رجعوا لبيتهم وبدر طلع لغرفته وطلعت وراه نجلا نجلا : بدر بدر : نعم نجلا : وش صار بدر : نجلا تكفين خليني الحين نجلا :الله يخليك قولي بموت من القلق قال بدر كل شي صار لنجلا اللي بكت وخافت ان علي فعلا يقطعهم وعلي يسويها وبكت على عمتها ساره ما تستاهل بدر: نجلا انا ما اقول عشان تبكين نجلا : اخاف علي فعلا يقطعنا بدر: والله مدري علي يسويها قامت نجلا وطلعت وهي وتبكي وتنهد بدر ورمى نفسه على السرير وللحظه حس انه بحاجه لاحد يواسيه سحب جواله اتصل بمهره ماترد وحول على شيخه اللي ردت بسرعه شيخه : بدر بدر: شيخه شيخه : ي عيونها وش فيك بدر : محتاجك ي شيخه شيخه: وانا معك بدر : تعبان شيخه: جعله فيني وش فيك قول بدر قام يحكي لشيخه وشيخه تحاول تواسيه وهي مصدمه اكثر منه وخايفه من ان علي فعلا يروح ( شيخه حبت بدر من قلب وتواسيه وهي محتاجه اللي يواسيها ) جلست معه لين نام ع الخط وهي تواسيه سكرت وانهارت هي بكي وهي خايفه من فقد علي ٠٠٠ عند علي اللي رجع للبيت بهدوء غريب دخل وجلس بالصاله جات ريم وجلست جنبه : علي علي :نعم ريم : وش فيك علي : ولاشي ريم : وش صار معك التفت علي عليها وهو يناظرها : ريم لا تتركيني انا محتاجك ي ريم ريم من بعد كلامه عرفت انه خلاااص انهار ضمته ودفن علي راسه بحضنها وانهار يبكي ( علي قوي علي طاغي يصيح ويعصب ويكسر الدنيا ومحد يقدر عليه الكل يخاف منه والكل على بالهم انه ماهمه وطايش وينسى بس علي مو كذا من جوا علي ريشه بس يقوي نفسه يتحطم من جوا بس من برا يبين القوي اللامبالي عمرها ماظهرت شخصيته الضعيفه والحقيقه الا عند ريم وطراد انقلب مثل الطفل وهو يبكي قهر طول عمره يساعد فلان وفلان وفلان في الاخير يقابلونه بنكران ويقولون انت سبب للمشاكل ولا نبيك بحياتنا والله يحبهم ويخاف عليهم بس محد فاهمه) ارتمى في حضن ريم الملاذ الوحيد اللي يحس فيه يضعف عنده اما ريم اللي تعودت على حالة علي الضعيفه اللي تعود يغطيها بقوته وينهار لحاله ضمته وهي تواسيه وتسمع تمتمته المقهوره والمكسوره ٠٠٠ عند فواز اللي اضطر انه يصحي اريام وراح فواز بهمس : اريااام اريام اريام فزت : هلا فواز بحنيه : قومي تعالي افطري اريام : كم الساعه فواز : ٩ الصباح بفطر عشان اطلع الجامعه اريام: ابوي وينه صحى فواز : عمي دقوا عليه المستشفى واستدعوه وراح بس بيرجع قريب اريام بخوف : ليش ما اخذني معه فواز: ليش ياخذك انتي تجلسين عندي هنا ونروح المستشفى ونشوف فحوصاتك والا ماتبيني اريام بخوف: ابي ابوي تكفى فواز: بيرجع لا تخافين انا معك اريام :انت بتروح الجامعه فواز: بروح ربع ساعه اقدم الاوراق وارجع اريام : لا انا اخاف لا تروح فواز:تروحين معي طيب اريام : لا ابتسم فواز وقال: تعالي نروح اسلم الاوراق وارجع ونروح نتمشى وبعدها المستشفى اريام : بس اخاف احرجك فواز:ليش اريام :عشان عميا فواز بنبره قويه :لا لا ما توقعتها منك وش تحرجيني فيه لا لا هذا ابد مو طبعي وانتي ماسويتي عار هذا ابتلاء من ربي اريام سكتت ساعدها فواز تقوم وتجهز وبعدها طلعوا للجامعه وفواز يداري اريام بعيونه ٠٠٠ من بكره الصبح ابتدا يوم لجميع ابطالنا والكل متأمل انه يوم حلو عند علي اللي صحى على صوت ريم وهي تصحيه رفع راسه وهو يحاول يستوعب وينه ووين ريم اللي تناديه غمض وتذكر انه نام بحضن ريم فتح ورفع راسه وهو يشد عليها ريم : انت بخير علي : انا معك بخير ريم وهي تمسح على شعره : مابتداوم علي :لا ريم : بترجع تنام علي وهو يتمسك فيها ويشد عليها : ريم ريم : لبيه علي : لذا الدرجه انا وجودي شر لذا الدرجه انا انسان مخرب ومدمر لحياة الناس لذا الدرجه كريه ومحد يتحملني ريم : علي ليش تقول كذا علي : حتى انتي كنتي تكرهيني ريم : اللي ما يعرفك ي علي اكيد ما بيحبك علي انبح صوته : جدي قالي اني احاول افرق العيله واني دايم موقد الشر ومحرض صدق ي ريم انا كذا ريم :نعم لا اكيد علي انت تعرف نفسك مستحيل تسويها انت تحاول تدافع بس تغلبك عصبيتك هاذي بس علي هم لو يعرفونك من جوا يعرفون انك مثل القطن لا تسمع لاحد ي علي ولااحد يأثر عليك .. قعد علي وشعره على وجهه وعيونه حمرا : تقولين كذا عشانك تحبيني ولا تبين تجرحينني ريم : لا ي علي لا مستحيل علي انت اللي دايم تحرص على انك تجمعهم تجيب القريب والبعيد وتحل مشاكل الكل دون استثناء وتخسر عشانهم روح ومال علي رجع انسدح وتغطى باللحاف و هو يحاول يتذكر شي سواه وضدهم وخدعهم فيه طول عمره واضح ما كذب غمض وهو يداري دموع القهر ريم اللي عرفت انه مستحيل يتجاوز اللي صار قالها امس وش صار معه بالتفصيل وعذرته اكيد بتعذره عذره واضح اذا عصب وكسر .. .... عند طراد اللي عجز يتحمل ويصبر قلبه محرقه على علي يدق ويرد ويرسل ومايرد وامس هدوءه غريب خاف صار له شي نادى السواق وطلع مع لعلي ابو طراد: وين رايح طراد: بروح لعلي ابو طراد: وش فيه طراد: ادق عليه مايرد امس كلامه غريب وهدوءه غريب خايف يكون فيه شي ابو طراد: اجلس بس مافيه الادمي نايم طراد: تكفى يبه خلني اروح ابو طراد: بروح معك طراد: لا يبه ساري (السواق )معي بيسندني ابو طراد:انتبه لنفسك طراد :زين اتجه طراد لبيت علي وهو خايف عليه ٠٠٠ اما بدر اللي صحى على اتصال متعب وقال انهم موافقين وجيب المهر وتعال قام بدر وهو مروق لاخر درجه ممكنه رغم المشاكل دخل واخذ له دش وابتدا يجهز التفت على صوت جواله بدر: هلا والله شيخه : هلابك كيفك اليوم بدر: عاااال العاااال شيخه:لاااا اليوم رايق عساه دوم بدر: وياك ي رب شيخه: وش السر بدر : انتي تقولين ابتسم دوم شيخه:ههههه براڤو ياللي يسمع الكلام بدر : وش عندك صاحيه من بدري شيخه : قلت اتطمن عليك قبل تروح لدوام بدر: الحمدلله دامك بجنبي انا بخير دايم شيخه: اجل اخليك بدر: فمان الله سكر واتصل على مهره وهو فرحااان ومستانس ٠٠٠ اما عند فواز اللي رجع هو واريام بعد ما تعبوا لف وسوالف ومستشفى جلس فواز يحضر الاكل واريام دخلت تبدل فواز وهو يدق على اريام: ارياام قضيتي اريام: ايوه خلاص جايه الحين طلعت اريام وجلست على الطاوله بمساعدة فواز جلس فواز جنبها وهو يمد لها اللقمه: خذي يلا اريام انحرجت بس فواز اصر انا تاكل من يده اريام : فواز فواز:هلا اريام : ليش سويت كذا فواز: وش سويت اريام: كل اللي سويته عشاني فواز حط اللي بيده وتعدل وقال : بنت عمي اكيد بساعدك اريام: بس انت مو بس ساعدت انت تزوجتني ليش فواز : لاني ابيك زوجتي اريام :وليش ماطلبتني قبل انعمي فواز: لا تنسين انك كنتي لراكان اريام سكتت ماحبت تكبرها وترضى بقسمة الله ٠٠٠ اما عند طراد اللي وصل بيت علي ودق الباب ريم : مييين طراد: انا طراد ريم فتحت الباب وراحت بعيد : تفضل طراد ادخل الصاله طراد: علي فيه ريم :الحين اناديه راحت ريم تنادي علي وفز اول ما سمع ان طراد فيه وركض لباب علي : طراد انلجم طراد من شكل علي التعبان وعيونه الحمرا قرب ومسك كتوفه :علي وش فيك علي : انت وش فيك ليش جيت طراد : ليش ما ترد اشغلتني عليك خفت عليك علي ارتاح ودخل طراد وجلسه : مافيني شي بخير(علي ماكان بخير بس ما حب يشغل طراد) طراد :علي من متى اعرفك انا هاااه ادري مانك بخير لا تكذب علي وقول من متى صرنا نخبي سكت علي وبعدها التفت لطراد وقاله كل شي وهو كل شوي ينبح صوته طراد وقف بعصبيه : نعم نعممممم يتسهبل جدك يتكلم بعقله نسى اللي انت سويته عشانه نسى الخساير اللي خسرتها عشان تشتري له المزرعه اللي هو متمشيخ فيها نسى الديون اللي سددتها والا السيارات نسى ركضك من مدينه لمدينه عشان تجمعهم والحين جاي يقول انت تفرق دايم وانت تشيل كل شي على ظهرك من مشاكل ومن مصاريف عشان تجمعهم ولا تكلف على احد حتى قهوته جبت له اللي يسويها والحين نكر كل شي عشان عيال بنته اللي عنده علي كان ساكت ولا هو ناقص قهر طلع طراد بغضب وقام علي : وين رايح طراد : بروح اعلمه واذكره انه لولا الله ثم انت ما تجمعوا طلع طراد وترك علي اللي جلس وهو فعلا كان ناسي انه سوى ذا كله عشانه ٠٠٠ عند الجد حاكم كان جالس بمجلسه وعنده ابو عمر وابو ناصر ويدورون حل لذا المشكله ابو ناصر : وش بتسوون مع علي ابو عمر: علي انجن خلاص معاد براسه عقل ضروري يتربى ابو ناصر: انا ما اشوفه اخطى علي معه حق لو انفجر الجد : وشلون ابو ناصر : مايحتاج اعيد واشرح كل شي واضح من سالفة راكان لاخته لاخوه كلها تطلع من الطور وكلها تكسر الظهر وانتم تدرون وشهو طراد لعلي وش بيسوي عشانه الجد : عبد العزيز غلطان لكن علي المفروض يتروى ابو ناصر: اي تروي اي تروي كلكم دايم ضده مع انه مايقصر ودايم ترمون المشاكل عليه وتبونه يجلس ساكت ولا ينفجر بدر شارك مع علي ترا وكلكم جيتوا على علي وتركتوا بدر ابو عمر: علي طفح الكيل من طيشه .. جاء مأمون القهوجي : ي عم طراد برا يبغاك الكل : طراد طراد دخل : ايه (كان مستند على السواق ) الجد انفجع ما توقع طراد مضروب كذا ابو عمر: طراد وش فيك ي ابوي طراد : جيت ابي الجد حاكم بذكره بشي هو ناسيه الجد : وش بك ي طراد قرب طراد وقف قدامه : سؤال بس من اغلى واحد على قلبك الجد بدون تردد :علي طراد: هذا وانت تغليه مابقى شي ماسويته فيه عمرك شفت اللي يحب يجرح او ينكر او يعذب ابو عمر: طراد وش حصل طراد: تكفى ي عمي لا تتدخل اتركها بيني وبينه الجد : وش مقصدك طراد : تقدر تقول مزرعتك هاذي بكم ومن اشتراها لك ولا تدري خلني اقول انا ب مليون وثلاث مية الف واشتراها علي وخسر فالسنه اللي اشتراها خساره عظيمه لدرجة انه يجمع الريالات تجميع عشان مين عشاانك كل سنتين تتغير سيارتك وبأحسن السيارات وافخمها و مأمون من جابه وعلمه القهوه عشانك مجلسك اللي مشهور بأطيب السفر وافخم الاستقبال ومزرعتك والعمال اللي فيها من وقف عليها لين كملها بأحسن شكل وكل انواع الفواكه والخضار فيها وتنحصد بأحسن حال كل ذا من سواه "علي راكان وديونه من سددها كلها وطلعه من السجن غير علي وعبد العزيز من ركض له في كل مكان وكل واسطه نقله من جازان لرياض في ظرف شهر وجمعهم عند امهم من اللي كل صيف يجهز السيارات يصرف من دم قلبه عشان يجمعكم ويطلعكم تستانسون وتغيرون جو علي صح من اللي اول ما تطلب منه شي يحضر غير علي اشياء واشياء واشياء سواها علي وكل واحد فالعايله لعلي جميل عليه ما احد منكم ينكر وش سوى علي عشانكم ودايم اللي في يده مو له والحين تجون تقولون انه بيفرقكم ويدور المشاكل وتجاهلتوا كل شي مر فيه علي وسكت عليه عشان ما يفرقكم واشياء كثير ما تعرفونها عشان مايفرقكم وانتم ترمون على ظهره كل شي وتلومون وتضربون وتصارخون وتبونه يتكتف ويسكت هه ي خسارة المعروف في غير اهله لكن بوصلك شي انسى علي من حياتك احسن لك وقبل ما تنكر التفت حواليك وتحصل كل شي من علي ي جده وياليت واحد مثل علي ما عاش معكم وش فيها اذا طاش وضرب وعصب خاطر علي بألف خاااطر وتروح عشانه اوراح طلع طراد بعد ما رمى الكلام عليهم وهو مقهور جلس الجد وهو يدري ان كلام طراد صدق وحقيقه ابو ناصر: عرفتوا ليش علي كسر الدنيا عرفتوا ليش زعل عشانه عرفتوا انا لو احصل صديق مثل طراد يحطم الكل اذا زعلت ويحق الحق ويوقف معي كان بعت نفسي عشان مو بس اكسر طلع ابو ناصر وترك ابو عمر اللي ابتدا يحس بالذنب والجد اللي مثله تماما ٠٠٠ طلع طراد ورجع لبيت علي واتصل على ابوه : يبه انا بتاخر عند علي بعد ابو طراد:وش فيه علي طراد: مافيه شي بنسهر مع بعض شوي ( طراد ما يحب يبين لاحد ان علي ضعيف او مكسور لا دايم يبينه بالصوره القويه ويسنده حتى بالكلام) ابو طراد : زين يبه ارجع بدري عشان امك طراد : زين ٠٠٠ اما بدر اللي طلع من الدوام واتجه لبيت علي بيقوله وش صار هناك وهو مبسوط ومروق اولا ان جده طرد عيال ساره وثانيا عشان مهره وصل بيت علي وشاف طراد ينزل من السياره ومعه ساري (السواق) راح له وسنده : طراد وش جابك طراد كان معصب : حرام اجي يعني بدر : لا بس انت مريض طراد : مافيني شي استند طراد على ساري وكمل طريقه لبيت علي وبدر مستغرب العصبيه فتح علي الباب ومسك طراد ودخلوا كلهم دخل ساري يصب القهوه لهم بعد امر طراد علي : وش صار معك طراد : ولا شي هزئتهم شوي وذكرته بكل شي ورجعت كان نفسي اتكلم بس ما حبيتها تكبر اتوقع اللي قلت كفايه علي : ليتك ما قلت يفكرون اني امن عليهم طراد بصراخ: وخلهم يفكرون انك تمن خلهم يحسون باللي سويته خلهم يزعلون ويضيقون بدالك مره خلهم يذوقون اللي ذقته بدر : وش السالفه علي سكت وطراد بدر : قولوا عشان اقول انا بعد قال طراد كل شي لبدر وقال بدر: جدي عرف باللي سواه راكان وعبدالعزيز وطردهم وتبرى منهم هم واختهم علي وطراد رفعوا روسهم:وشو قال لهم بدر كل السالفه وسط ذهولهم طراد : يستاهلون حقهم وماجاهم بدر: ي علي ابوي كان معصب وفاهم غلط عشان كذا ... قاطعه علي : مابي اسمع تبرير انا ادري بكل شي لا تضغط علي طراد: وجدك توه يفوق ويحس بدر :هذا اللي صار وعمي ناصر ولع هو ووقف ضدهم وقال ان كلمته وحده سوا عرف حقايق او لا. علي: وش كلمته بدر: يقول ان علي دايم على حق بس مايعرف يتصرف وانه معك وبيسندك سكت علي وتكلم طراد : هذا اللي احاول اشرح بس تنك بدر : علي انت من جدك بتتبرى منا ضحك علي وعيونه مغورقه : وهذا جاي يسأل وهو بعقله بدر: بصراحه انا ما افهمك انت كل شي تسويه علي ترا البيت قايمه قيامته غير شيخه ونجلا اللي بيموتون سكت علي وهو يمسح وجهه ورفع راسه وقال: بدر لا تسأل ابد قام بدر وهو فعلا مايدري : انا استاذن .. طلع بدر وراح وجلس علي وهو يداري نفسه طراد : وش قلت بتتركهم علي التفت لطراد :صاحي انت تدري اني مستحيل اعيش بدونهم مستحيل لكن بنقطع فتره ولا بطب بيت احد واللي يبيني يدل بيتي سكت طراد وقام : انا بروح امي اقلقتني انت ارتاح وربك يحلها علي : الله معك بس انتبه على نفسك طراد : ماعليك معي ساري علي بهمس : والله ي ساري لو اصيح عليه ليخليك ويروح طراد: ههههه لا يغرك ترا فزعه طلع طراد وسكر علي الباب وجلس وهو يحاول يستجمع نفسه ريم جات جلست جنبه : علوش خلاص والله مو حلو وانت زعلان علي ناظرها : اي روقان ي ريم وهذا حالنا ريم : وش جد علي قالها كل شي قاله بدر وسواه طراد ريم : معليك تنحل كلها ولا تفكر ولا تضيق محد يستاهل سامعني علي ناظرها بتعب وهو ساكت سحبته ريم : تعال تعال فيه فقره انت تحبها تعال علي : ريم والله مالي خلق ريم : اشش وتعال مشى معها وهو ما يدري و ش بتسوي سحبته ريم وراحت فيه للجهه الخلفيه من البيت (كان علي مسوي فيها مسبح صغير كذا على قدهم عبته لما كانوا طراد وبدر فيه بمويه دافيه عشان علي يحب السباحه والمويه ) ريم : علي انزل اشوي ولا اجلس علي : ليش ريم : اجلس جلس علي وسحبت ريم تيشيرته ونزلته وهي تمد له الشورت ريم : اللبسه وبس لبس علي وسحبته ريم فتحت باب البلكونه واخذت علي وماعطته مجال يعترض ودفته بالمويه طاح علي بالمسبح وهو يحاول يسحبها بس ما قدر : اوريك ي ريم طيب ريم : خلك ولا تطلع علي : والله مالي نفس ريم ضحكت ونزلت معه وهي تدفه يسبح وابتدا علي يستجيب لضحكها ووناستها وبدا يروق حبه حبه ٠٠٠ عند نجلا اللي راحت لشيخه وهم كلهم خايفين من ان علي يتركهم جد نجلا : تتوقعين يتركنا شيخه: مدري علي يسويها نجلا : جدي ما خلا شي ما سواه شيخه:وربي حق من ذبحه ذا الشايب نجلا : استغفري ي بنت شيخه : وخري بس هذا بس حاط حيله فينا ما يوقف مع الحق نجلا : اتركينا منه بس تجين نروح لعلي شيخه: مدري اخاف انه مايبي يشوف احد والا باقي معصب ويزعلنا نجلا : ايه صح خلينا نجلس ونروح بعدين ٠٠٠ بعد اسبوووع كامل من ها الاحداث كانت الاوضااع هاديه علي اللي ما جاء ولا واحد من اهله ولا يرد عليهم طول الاسبوع ومن بيته لشركته لبيت طراد  وبس وريم مكفيته عنهم كلهم اما عبد العزيز اللي تشافى وراح مع اخوانه ووعدوا امهم يزورونها كل جمعه اما بدر اللي كان يتجهز عشان يروح ويتزوج مهره وهو يحاول يقسو قد ما يقدر على شيخه مايبي يعلقها اكثر ويصدمها اما طراد اللي تشافى بس باقي رجله وخايف من رفض ابو عمر له بما انه عبد العزيز انلغى تماما ولا عاد فيه احتمال  انه ياخذ نجلا اما اريام اللي خلصن فحوصاتها وقرروا لها عمليه بعد اسبوع وبدأت تتأقلم وتمون وتتعود على فواز اللي شايلها بعيونه وهو يعشقها من كل قلبه اما نجلا اللي ارتاحت من هم عبدالعزيز وابدت تميل لطراد بذات بعد موقفه مع علي  وصارت تفكر انها توافق عليه اما شيخه اللي طاحت على وجهها وحبت بدر اللي تفكيره مع غيرها وصار هو جزء من يومها اما ابو عمر اللي كان مشتاق لعلي تعود على طيشه وهباله وازعاجه حتى بالجوال وهذا اسبوع ما شافه ولا سمع صوته وعرف انه غلطان مع علي لو علي غطان كان رجع بس علي معه حق ضاق صدره على علي وقرر يروح يشوفه اما الجد اللي كان بعد ضايق على علي ولا تعود يمر اسبوع ما يكلمه ولا يرد عليه حس بالذنب والقهر خصوصا ان كل شي حلو يذكره بعلي اللي قرر الابتعااد عنهم وابو ناصر اللي بعد زعلان من بعد اللي صار وحلف ما يرجع لين يرجع علي ٠٠٠ عند علي صحى وهو ماله خلق يروح لدوام ابد ويحس راسه ثقيل  مو قادر يفتح حتى التفت يشوف ريم اللي كانت نايمه بجنبه غمض بقوه ورجع فتح  حست ريم على الحركه وقامت ريم : علي بتداوم علي :لا ريم : لييش علي : مالي خلق ولا لي حيل احس راسي ثقيل ريم جلست وهي تجمع شعرها وحطت يدها على جبين علي اللي كان نااار فزت :انت مسخن ي علي علي مارد نطت ريم وهي خايفه عليه وركضت وجابت دواء والكمادات وراحت بسرعه له جلست جنبه وهي تعطيه الدواء وتحط الكمادات على جبينه ( علي بمجرد ما تتعب نفسيته يعتب هو بعد ويطيح بفراشه ) كانت ريم جالسه وتحاول تخفف حرارته كان علي منسدح على رجولها وهو مهلوك ريم : شفت شفت كيف سويت بنفسك شفت علي : ريم خلصنا ريم ببكى : علي محد يستاهل تتعب نفسك عشااانه الله يسعدك لا تخوفني عليك علي ابعد الكماده من على راسه وجلس : ريم ي حبيبي لا تزيدينها انتي وش دخلهم الحين ريم : قوم خذ دش تخف شوي الحراره علي ما اعترض لانه محتاج دش فعلا  .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ⑥② 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼