الفصل 25
عالم القصص والروايات 📚:
🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الــ⑤②🌱
🍒ـــــــــــــــــــــــــــــــــــــ🍒
اما علي اللي رجع هو وريم وضبطوا لهم جلسه حلوه عشان يتابعون فيلم قطع صوت جوال علي وكان نايف (اللي كان عند طراد)
علي : هلا
نايف :هلا فيك ي شريك وينك وش اخبارك
علي :تمام وانت
نايف :بخير وينك فيه
علي :والله مسافر
نايف :والله قالوا بس استغربت انك مسافر في مثل هاذي الظروف
علي :اي ظروف
نايف :انا اسف اذا ماعندك خبر
علي فقد صبره: خبر ايش تكلم زي الخلق
نايف :يعني طراد هاجمين عليه شله وضاربينه لين عض الارض ومكسر تكسير وملامحه متشوهه استغربت لما مالقيتك عنده
علي :متى ذا الكلام
نايف :اليوم الصباح
سكر علي اللي صار يرجف من الفجعه وركض لريم : ريم ريم جمعي الاغراض بنروح
ريم فزت: وش فيك
علي كان معرق وجهه اسود من الفجعه: قومي تكفين قومي
ركضت ريم تجمع الاغراض وهي خايفه اما علي اللي حجز ومن حظه في رحله بتطير بعد ساعه ركض وهو يجمع ريم الاغراض ونزل يسوي اجراءات الخروج وطلع ركض لريم وهو يدق على طراد اللي مايرد وانجلط علي وضاق نفسه ودق على ابو طراد اللي رد :هلا علي
علي :وش فيه طراد
ابو طراد: مافيه شي اذكر الله
علي بصراخ :وش فيه ي عمي وش فيه
ابو طراد دري ان علي عرف :هو بخير تهجموا عليه مجموعه وضربوه لكنه بخير وفي البيت
علي :وش صار له
ابو طراد : ماصار شي انكسرت رجله بس
علي :في ذمتك
ابو طراد :ايه لا تخاف
علي :عطيني اياه تكفى
ابو طراد :طيب
طراد وهو يحاول يعدل صوته:هلا علوش
علي بصوت مليان خوف : طراد أخوي وش فيك وش صار
طراد: علي انا بخير مافيني شي لا تخاف
علي :موجوع فيك شي
طراد: انا بخير لا تخاف
علي : احلف
طراد:والله بخير انت هدي
علي :اسمع انا بعد ساعه طيارتي بوصل بعد ٧ ساعات وبجي لك ع طول
طراد:لا لا لا تجي انا طيب
علي :مستحيل لا بجي انت سكر وارتاح لا تتعب نفسك
حاول طراد مايخليه يجي بس علي رفض وسكر اخذ الشنط وركب اول تاكسي وع المطار وكان ساكت
ريم :علي حبيبي شفيك
علي كان ساكت لفت ريم وجهه باتجاهها :علي كلمني
ناظرها علي وصد وهو يشر لها تسكت سكتت ريم لما حسته مو على بعضه اما علي اللي ماكان يدري وش وضع طراد ولا صدق انه طيب صوته بين تعبان ونايف قال مشوه ركبوا الطياره وطارت بهم .
٠
٠
عند طراد اللي عطى ابوه الجوال وهو ضايق
بدر : وش فيه
طراد: علي عرف وجاي ع اول طياره وباين انه معصب
عمر: من قاله
طراد: اكيد وصله الخبر انتشر والناس مستغربه عدم وجوده
عمر: الله يستر
طراد :امين
الكل عرفوا بجيت علي والكل خايف من ردة فعله
٠٠٠
عند عبد العزيز اللي سمع ان علي كان مسافر ورجع وخاف
راكان :وش فيك
عبد العزيز :علي جاي
راكان : ويجي وش عليك منه
عبد العزيز: اكيد بيفكر انه انا وبترفض نجلا
راكان :لا ماعليك نجلا لك مهما سوى علي وانا معك وعلي لازم ينسى الدلع اللي هو فيه لين متى وهو يسيرنا وياخذ منا اللي نحبهم مستحيل اسمح له ياخذ نجلا منك مثل ما اخذ اريام مستحيل
عبد العزيز: الله يستر بس
٠٠٠
بعد ٨ ساعات ع الساعه ١٢:٣٠ وصل علي اللي كان بدر بانتظاره اسرع علي وركب هو وريم وهو حتى ما سلم على بدر ركب بدر واتجه على طول لبيت ابو طراد
عند طراد اللي كان هو وعمر وسعود وعبيد وابوه وناصر موجودين وينتظرون جيت علي اللي بتحوس الدنيا وصل علي ونزل ركض واتجه للمجلس واول مادخل وقف في مكانه من الصدمه ناظر في طراد اللي راسه ملفوف ويده ورجله مجبره وجهه في كدمات تفجع وشكله كان يحزن حاول طراد يقوم بس سبقه علي اللي تحرك وراح له ركض جلس جنب طراد وهو يناظره وهمس : وتقول بخير
طراد حاول يتكلم ويطمن علي بس سبقه علي :من سوا كذا قول والله والله لدفنه حي والله والله ما اخليهم قول ي طراد قول
طراد اللي كان خايف من ردة فعل علي اللي وجهه يفجع من العصبيه ( طراد لما ضربوه تكلم واحد من الملثمين وقال ابعد عن نجلا ولا تلعب بالنار ..وتأكد انه عبد العزيز )
علي صرخ : طراد تكلم
طراد : علي تعوذ من ابليس
علي : قول لي والله مايروح دمك هدر والله قول
سكت علي شوي وبعدها همس وعيونه حمرا ويناظر طراد :عبدالعزيز صح
سكت طراد ولا رد علي مسك يده :هو صح هو
طراد هز راسه بمعنى (ايه ) وقف علي اللي صرخ بصوته : جنيت على نفسك ي ولد عمتي ( قالها عشان يوضح ان طراد اغلى من اهله كلهم)
انطلق علي ركض وهو مايشوف قدامه ركب سيارة بدر اللي كانت ريم فيها ركب وضرب الباب وجهه اسود وعيونه حمرا وشعره على وجهه ويرجف رجف من عصبيه شخط والعيال كلهم وراه الا عبيد جلس مع طراد وابو طراد وناصر واخوانه طلعو معه طار علي للمزرعه وهو يسب ويلعن ويتحلف في عبد العزيز اما ريم اللي كانت تصرخ من صراخ علي وسرعته الجنونيه اللي احتمال فأي لحظه يموتون صرخ علي عليها :اسسسسسسسسسكتي ..
ريم اللي كانت تبكي وهي تترجاه يوقف ويتعوذ من ابليس بس لا
حياة لمن تنادي وصل علي في ساعه وهو سرعته نار كسر البوابه الخشبيه بالسياره من قو العصبييه ودخل المزرعه وهو يصرخ من الشباك وينادي (علي كان اصلا مايحب عبدالعزيز وبعد فعايل اخوانه كرهه بشكل فضيع وبعد خطبته لنجلا زاد كرهه وبعد اللي سواه جن جنونه عليه ) ..
نزل من السياره وهو يصرخ:عبدددد العزييييييييييييييييييييييييز اطلع ي رمه اطلع ي الكلبببب اطلع اطلللع والله لدفنك حي اطلع
طلع عبد العزيز وجده وراكان الجد :علي وش فيك ي مجنون وش اللي سويته
علي بصراخ: ايه انا المجنون الحين انا اللي بقلب الدنيا على روسكم
عبد العزيز :لم نفسك واحترم نفسك
اقبل علي وهو يركض وسحب عبدالعزيز من ورا جده وطاح جده بس مالتفت علي وهو يضرب عبدالعزيز وقبت بينهم هوشه وراكان اللي جاء ركض وهو ناوي يضرب علي بالعصا وهو خلقه متحامل على علي لكن بدر وصل في ذا اللحظه ودف راكان اللي طاح ومسكه بدر ضرب واللي زاد ان بدر ماقابل راكان من بعد اللي سواه وجت الفرصه انه يتشفى فيه ركض سعود للجد اللي طاح وضرب بالجدار وانجرح براسه رفعه وجلسه والدنيا كلها دعثه ومضاربات وكل اثنين يجلدون بعض
عند علي كان جالس فوق عبد العزيز وطايح فيه ضرب لين اخفى ملامحه رفعه بثوبه وهو يصيح فيه: من انت عشان تتجرا وتمد يدك على طراد من انت هاه من انت ومن انت عشان تطلب نجلا وتبي تاخذها هاه ..خنقه وهو يصيح فيه وعبدالعزيز يحاول يتخلص منه
وعند بدر اللي كان يضرب في راكان وهو بعد مضروب والقيامه قايمه
وقفوا على صراخ ساره اللي كان اخر صوت لها وطاحت
ترك راكان بدر وراح ركض هو وبدر اما علي اللي ما فكر ولا زال يضرب في عبد العزيز وجاء سعود وسحبه سحب وقف علي وهو يتفل على عبدالعزيز : والله ما خليها لك وباقي حسابنا ما خلص
رجع علي وركب السياره ويسمع ريم اللي تبكي وتصيح التفت لها وهو يصرخ: قلت اسكتي اسكتي
ريم : ساره ساره بتموت
علي بلحظة غضب : الله لا يردها
حرك وطلع من المزرعه وهو يتحلف ويتوعد ولا كأنه ترك وراه مجزره
عند ساره اللي كان عمر وناصر وبدر وراكان يحاولون يصحونها صحت وهي تصيح : عيالي وين عيالي
راكان وهو ينزف من كل مكان :انا هنا يمه
ساره :عبد العزيز وينه
التفتوا كلهم وحصلو عبدالعزيز طايح وسعود وابو طراد عنده ركض راكان له وطلع سعود هو وابو طراد وتركوهم
اما عمر وبدر بعد ما تطمنوا على عمتهم وجدهم تركوهم وراحوا
٠٠٠
عند طراد اللي كان بيموت من القلق واقف على الباب وهو مستند على عبيد
عبيد: طراد ادخل لا تتعب
طراد: لا لا ماني مرتاح ماني مرتاح
عبيد : بيجون ادخل
سكت طراد وهو متوتر ويتلفت وينتظر علي وابوه وبعد ساعه الا شوي وقف طراد وهو يشوف السيارات اقبلت
استند على عبيد وهو يراقب من ينزل نزل علي اللي كله دم وجاء لطراد ومسكه من كتوفه : ماضاع دمك ولا بيضيع
طراد انفجع من شكل علي وتوقع انه قتله :علي وش سويت ليش ذا كله ليش
علي : ماعاش اللي بيضرك ولو هو من دمي ولحمي هذا دمه بس رضوض والباقي باخذ حقه وافي
طراد: وش سويت انت ذبحته ذبحته
علي : ماسويت شي وبرجع اسوي
وصلو الباقين ونزل ابو طراد سعود وبدر اللي ميان دم بعد هو وعمر وناصر
طراد بصراخ وهو مفجوع : وش صار مات اكيد مااات
ابو طراد : ماندري تركناهم وجينا
طراد بخوف : كيف تركتوهم كيف بدر وش فيك انت بعد وش صار
بدر جلس وهو ماسك راسه اللي فيه ضربه وينزف : اخذنا حقنا بس
جلس طراد بصدمه من اشكالهم: ي ويلي منكم وش سويتوا
دخلوا جلس علي اللي كان جنب طراد ويتاكد انه سليم
٠٠٠
عند ساره اللي كانت عند راس عبدالعزيز اللي طايح غرقان بدمه وتبكي وراكان مثله واخس والجد كان جالس وعمره ما توقع ان ممكن يجي يوم ويصير كذا دخل الاسعاف اللي شال عبد العزيز وراكان والجد وتركوا ساره اللي كاانت تبكي لوحدها وهي ما تدري وش مصير عيالها طلعت الجوهره وضمت امها وهي ندمانه على اللي سوته ووصلتهم لهالمواصيل
٠٠٠
عند ريم اللي كانت تبكي بالسياره وهي مرعوبه من اللي صار حست بعبيد اللي جاء وهو يقول : ريم انزلي بوديك للبيت
ريم ببكى : وش صار لعلي بخير هو
عبيد : بخير لا تخافين تعالي اوديك
نزلت ريم وهي ترجف وركبت سيارة عبيد وراحوا لبيت ابو عمر وصلو ونزلت ريم وهي تبكي وعبيد رجع لاخوانه
ام عمر بفجعه: ريم شو بكي يامو
ريم اللي ضمت ام عمر وهي تبكي : قامت القيامه
ام عمر : شو بك ي ريييم
نزلت نجلا :رييييم وش فيه (خافت ان طراد صار له شي)
رهام :وش فيكم ريم وش فيك
ريم ببكى حكت اللي صار وانهارت ام عمر تبكي العواقب الوخيمه اللي بتصير
نجلا جلست ع الدرج وهي تبكي بعد وخايفه وحطت اللوم كله عليها ..
عند عمر اللي قام وقال :ابوي ضروري يعرف ويجي
ابو طراد: ابوك مو فاضي لا تفجعه
عمر: ضروري يجي لا تحسبون انها بتوقف هنا العواقب وخيمه
بدر: بلاش تفجعه
علي : عواقب ايش هو صار شي عشان تصير له عواقب باقي مابرد دمي ولا قلبي
عمر بصراخ: انت وش ماسويت انت انت وش خليت ما خربت مصايبك كل يوم تزود وانت مو حاس والحين قومت مشكله س
نين ما بتهدى
علي : هههههه انا اللي قومتها طيب خلها تقوم ونشوف كيف تقوم المشكله اذا بقومها
ابو طراد وهو يلف راس بدر : خلاص هدوا وروقونا
عمر طلع وهو يدق على ابوه اما علي اللي قام وهو مقرر يبات عند طراد
علي. : عبيد وين شنطتي لا يكون وديتها
عبيد : وديتها
طراد : انا اجيب لك الحين ملابس ..
كلم امه ترسل مع الخدامه ملابس واعطوها علي وراح علي يتروش وهو يحس انه ما سوى شي بس فالحقيقه ولع ناااار وهدر دم
عند عمر اللي كلم ابوه وقاله وعصب ابو عمر ودور اقرب رحله وكانت بعد ساعتين جهز شنطته وهو قلقان ومعصب وخايف من عواقب الامور واللي فهمه من عمر ان علي كسر ولا جبر واحرق ولا طفى وقوم قيامة ما بتهدا
صحى فواز وقال انه بيرجع لامر ضروري ما حب يفجعه وصاه على اريام وطلع فواز اللي كان بيروح للجامعه بس خايف على اريام تجلس لوحدها راح وطل عليها حصلها نايمه في امان راح يجهز الفطور وكان التوقيت عندهم ٨ الصباح اما ابو عمر اللي تجهز وطلع للمطار وكان طول الوقت يدق ولا احد يرد دق على ام عمر وردت وهي تبكي : اهلين
ابو عمر: وش اللي صاير
ام عمر قالت له وقالت عن طيحة ساره وعن ابوه وانفج عمر ماقال الا عن عبدالعزيز وبس حكت له ام عمر كل شي وهي تبكي سكر ابو عمر وهو يحس نفسه انخنق يبي يطير بأسرع وقت غمض عيونه وقام وهو يحوس بالمطار لين اعلنوا طيارتهم وطاروا
٠٠٠
اما علي اللي نام مع طراد بغرفته وهو كل شوي يطل على طراد
طراد : علي ترا مانمت تعال
علي قرب وجلس : يوجعك شي
طراد جلس : يوجعني قلبي عليك ليتك ما سويت اللي سويته علي انت ماتدري وش ممكن يصير السالفه بتكبر والله ما تنتهي
علي : طراد انت عشانك احرق الدنيا مو بس عبد العزيز
طراد : ادري بس ارفق بروحك والله مو مرتاح قلبي انت تعبااان تعبااان مشاكلك ما تلحق عليها الحين بتصير زياده وممكن يكبر وتصير بينك وبين ابوك عداوه ي علي انت مو بس ضربت عبد العزيز اذيت جدك وحطمت بيته وعمتك ماخليت شي في محله
علي : لا تشيل هم انا اشيلها ولا احد يأذيك والله لدفعه ثمن كلمته والله
طراد تعب منه ومن عناده : مدري وش اقول زياده تعبت
علي باس راسه : لا تتعب عمرك ونام وارتاح
انسدح طراد ونزل علي تحت وهو طول الليل يراقب طراد ويتوعد ويتحلف وخايف عليه وباقي يحس انه ما اخذ حقه
٠٠٠
اما عند عمر وبدر وعبيد اللي رجعوا البيت وحصلوه مقلوب قلب ام عمر : بدرررر يامو شو صار لك وينو اخوك احكو يامو احكو
بدر : انا بخير ضربه بسيطه يمه وعلي بخير وعند طراد
ام عمر: ليش ماجاء معكن
بدر: يمه تعرفين علي يبيع الكل عشان طراد
ام عمر: شو صار خبروني
عمر: وش اللي ماصار عيالك قلبوا الدنيا مجازر
بدر: عمر لا تكبرها
عمر: وش ما اكبر هاه ما اكبر طيحة جدي ولا عمتي ولا عبدالعزيز اللي ماندري حي او ميت ولا راكان ولا بيت جدي اللي حطمتوه وش اللي ما اكبر
تركهم بدر وطلع لغرفته وهو معصب عمر دخل غرفته بعد ونجلا اخذت ريم وطلعوا فوق تفرقوا
٠٠٠
اما عند راكان وعبد العزيز والجد كل واحد منهم يداوي جروحه في غرفه الجد كانت ضربته بسيطه بس الضغط اتش وسبب له طيحه اما راكان اللي كانت جروحه كثيره بس بسيطه اما عبد العزيز اللي معدوم بشكل يفجع
جت الشرطه وقابلهم الجد اللي قالهم انهم تعرضوا لسطوا من قبل اشخاص ما يعرفونهم وقال مايبون يشتكون لانه يبي يفهم وبعدين اذا بيشتكون او لا راحوا الشرطه وطلع راكان اللي شاشات عليه في كل مكان
راكان: ليش ما اشتكيت
الجد : مافيه شكاوي موب عايلة حاكم اللي يتشاكون في الاقسام والمحاكم حنا نحل مشاكلنا بأنفسنا
راكان : بس
الجد :اقطع الصوت وشوف اخوك وش صار عليه
راكان : تأمر
راح يشوف عبد العزيز اللي بين ايدي الدكاتره وهم يعالجونه
٠٠٠
في بيت ابو ناصر حكى ناصر اللي صار لابوه اللي جلس وحط راسه بين يدينه : ي ويلنا من الجاي
ناصر : يبه الموضوع مو هذا لا ولا موضوع جوهره في مصيبه بينهم اكبر وسببها راكان وكل عيال عمي متحاملين على عيال عمتي ساره
ابو ناصر: وش بيكون بينهم
ناصر : مدري
ام ناصر: الله يستر من الجاي الله يستر
ابو ناصر: ابو عمر عنده خبر
ناصر: ايه عمر اتصل عليه وبلغه ولا ادري وش صار
ابو ناصر : وابوي وش صار عليه
ناصر :مدري
اخذ ابو ناصر الجوال ودق على راكان اللي رد وقالهم وينهم وراحوا هو وناصر ..
عند الجد اللي كان جالس ويراقب عبدالعزيز اللي انتهوا منه الاطباء وكان وجهه ماينشاف من الضرب وكتفه مخلوع ورجله مجروحه وكان نااايم بعد التعب جاء راكان وهو حاله اخف من عبد العزيز ومعه ابو ناصر وناصر
ابو ناصر: يبه انت بخير
الجد هز راسه : بخير بخير
ابو ناصر :كيف عبد العزيز
راكان : ماهو بخير
سكتوا وهم مايدرون وش بيصير
٠٠٠
عند ابو عمر اللي كان وده يطير هو بدال الطياره من القهر كان يفكر ومقهور من علي اللي صارت مشاكله ما تنعد
٠٠٠
من بكره وصل ابو عمر على الظهر وهو يركض فالمطار قابله عمر اللي سلم عليه واتجهو لبيت طراد واتصل عمر ببدر وناداه لبيت ابو طراد اللي
كان فيه علي
٠٠
في بيت ابوطراد اللي كانوا جالسين وينتظرون ابو عمر دخل بدر وسلم وجلس وهو خايف من ردة فعل ابوه اما علي اللي بايع الدنيا ولا فكر حتى دخل ابو عمر وجهه مايبشر بخير سلم على ابو طراد وطراد واول ما قرب علي بيسلم عليه ضربه كف انتشر صوته بكل المجلس مسك علي من ياقته وهو يهزه : انت ماتستحي وش بقى ما سويته وش بقى قلي متى بتصير رجال تكلم
ابو طراد: عبد الرحمن تعوذ من ابليس
حاولوا يبعدون عبد الرحمن اللي ضرب علي كف ثاني وهو فاقد اعصابه وعلي اللي كان جامد وانفجر : شد حيلك شده باقي في قلبك شي طلعه لكن تأكد برجع وبضربه وبلعن خيره والله والله ما اخليه
انفلت ابو عمر ومسك علي وهو ماسكه بشعره : ترفع صوتك بعد ي كلب لا انا ما ربيت انا ما ربيت
سحبوا ابو عمر وقعدوه وطلعو علي لكن صرخ ابو عمر: جيبوه هنا هو والكلب الثاني (بدر)
علي طنش وطلع ولا فكر في احد وهم ينادونه بس ماعطاهم وجه ركب السياره وراح اما بدر اللي كان واقف قبال ابوه وساكت
ابو عمر بصراخ: اخذك معه في جنانه وصرت زيه كنت شاد الظهر فيك واقول بدر العاقل لكن اي اعقل هذا زباله
عمر : يبه اذكر الله
ابو عمر: وانت وش وظيفتك مهيتهم لي ولا منعتهم
عمر: يبه انت تدري ان علي محد يقدر عليه
ابو عمر: اذا بغيتوا بتقدرون لكن انا اللي ما اعرف اربي انا
سكتوا كلهم وتكلم ابو عمر: انطقو وقولو وش صار
بدر ابتدا يشرح لابوه اللي صار من يوم سافر لين اليوم وختم وقال: يبه انت تدري ان عبدالعزيز غلطان ومو من حقه يتعدا على طراد ولا يهدده بترك نجلا وغير كذا انت تدري باللي سواه راكان وقهرنا كلنا
ابو عمر: ولو انه غلطان كنتوا دقوا علي قولوا يبه وش نسوي ماتتصرفون مثل قطاع الطرق
بدر : لحظه شيطان
ابو عمر: انتم الشياطين بكبرهم ما اكتفيتوا باللي سويتوه ما اكتفيت باللي سويته بأريام ما اكتفيت لكن وش اقول وش اقول
وقف وهو ماسك راسه ويدور
ابو طراد: ابو عمر تعوذ من ابليس واللي سواه علي دافع من قهره وحبه لطراد شف حال طراد طراد ولدي الوحيد روحي وسندي وش كان ذنبه غير انه طلب ولا تعدا ما زعلت على اللي سواه علي ابد طراد روحه ماهي رخيصه
ابو عمر التفت : والله مو رخيصه في الف طريقه وطريقه بياخذ طراد حقه فيها والله طراد مثل اغلى عيالي واحبه حتى اكثر منهم ولا رضيت باللي صار وعبد العزيز غلطان بس مو معناه يتهجم علي ويكسر الدنيا والله مالومك بس حط نفسك مكاني عايلتك بتشتت ويتفرقون وش بتسوي انت قول
استاذن ابو عمر وطلع بيشوف ابوه وعيال اخته وراح لهم المستشفى دخل وهو يسأل عنهم ومعهم عمر اللي كان موقفه مثل موقف ابوه توجهوا لغرفة عبد العزيز ودقوا الباب ودخلوا وحصلوا الجد وراكان قاموا يسلمون على ابو عمر وراكان متفشل من اللي سواه ولا قدر يطالع عمه
سلم ابو عمر : يبه وش فيك وش في راسك
الجد : مثل ما تشوف بارك الله في عيالك
سكت ابو عمر اللي كان يناظر حالهم اللي يكسر الخاطر وزاد ضيقه : يبه انا اسف وادري ما تنفع بس افهم اول شي
الجد : بنفهم بنفهم اسمعني عبدالعزيز بيطلع بعد ساعه في المزرعه جب عيالك وتعال نفهم وش السالفه
ابو عمر : ابشر
شاف ابو عمر الجو مشحون واضطر يطلع وهو مايدري وش بيصير اتجه لبيته ودخل وسلم عليهم وجهه يفجع
ابو عمر: عمر اتصل على المصيبه هذاك وقله يجي حالا
عمر : ابشر يبه
جاء بدر وجلس وهو ساكت والكل مجتمع وبعد نص ساعه وصل علي اللي بينفجر خلاص
جلسوا ووقف ابوهم : ناظروني زين المغرب تجهزون بنطلع للمزرعه
علي جاء بيتكلم لكن سكته ابوه بعصبيه :انت بالذات ابلع لسانك
سكت علي اللي حقد زياده وهو يناظر ابوه كمل ابو عمر: بنطلع وبتشرحون كل شي صار ولا اسمع نفس ولا واحد يتأخر واللي مابيطلع معي يطلع من حياتي وانا برئ منه ليوم الدين
نزل الكلام عليهم مثل النار وهم مو مستوعبين اللي يصير
قام علي وطلع وهو معصب وبدر طلع لغرفته ولا احد وافق الراي الا عمر ..
في بيت ابو ناصر كانت شيخه قلقانه على اللي يصير ودقت عليها نجلا وقالت لها كل شي صار معهم
شيخه: ي ويلي على علي وش ذنبه ماله ذنب ماله ذنب
نجلا : ابوي شياطينه كلها على علي واحتمال يذبحه من العصبيه وعلي هو الثاني قايمه قيامته ويقولون عبدالعزيز ماينعرف من الضرب وراكان بعد وجدي مضروب
شيخه:هئئئ جدي
نجلا : ايه شكله بالطوشه ضربوه بالغلط
شيخه: عز الله كبرت انا سمعت جدي دق على ابوي ويقوله تجي انت وعيالك
نجلا : الله يستر من اللي جاي
دخلت ريم :نجلا علي مدري وينه
نجلا : ريم حبيبتي ارتاحي اكيد راح لطراد مابيروح لغيره
ريم ببكي :اخاف يصير له شي
شيخه بصراخ: ريم اذكري الله مابيصير شي
ريم : ياليت بس يرد علي
نجلا: انسي يرد من العصبيه انسي
شيخه : تعوذي من ابليس وان شاء الله خير
٠٠٠
عند طراد اللي كان ندمان انه قال لعلي وتمنى لو هو سكت وانتقم هو ولا فرقهم ويدق على علي ولا يرد وخاف عليه( ي ربي وين راح ذا المجنون الله يستر بس )
٠٠٠
اما علي اللي كان يدور بالسيارة وضاقت عليه وقلبه محروق من ض
رب ابوه له من غير سبب ويدور المستشفى اللي فيه عبد العزيز بيكمل عليه
٠٠٠
بعد المغرب كان ابو عمر وعمر وعبيد وبدر جالسين وهم يحترون علي يجي وخايفين يعصي ويسوي مصيبه الكل خايف ومرتبك وريم اللي بس تبكي وخايفه يصير له شي قطع الصمت دخول علي اللي يرعب وشكله اللي يخوف بلد قام ابو عمر وهو ساكت وركبوا السيارات وتوجهوا للمزرعه
٠٠٠
عند طراد اتصل عليه علي وهو كان بيموت من القلق
علي :كيفك الحين يوجعك شي
طراد: انت بخير انت وينك وش صار عليك
علي بقهر الدنيا: انا هه انا تمسحت بي الاراضي لكن والله والله ما اخليها ..انبح صوته وتنحنح وهو يقول : ابوي حلف ان مارحنا معه للمزرعه وتفاهمنا معهم زي الناس ليتبرى منا
طراد:ايش وصلت لذا المواصيل
علي : للاسف اليوم بذات عرفت وشهو علي عند ابوه
طراد : علي الله يخليك انت تدري ان ابوك معصب لا تحكم عليه
علي ابتسم من بين دموعه اللي يحاول يخفيها من القهر: ماعليه ي طراد انا ماعندي اي مانع يعادوني كلهم بس انت لا لا
طراد ما عرف وش يرد :علي انا معك لو اخسر الدنيا عشانك مابي زواج ولا ابي شي ابيك تبقى معي انتبه لنفسك تكفى
ابتسم علي :ابشر انت انتبه لنفسك
٠٠٠
في سيارة عمر اللي كان فيها عمر وابو عمر وعبيد وبدر وعلي رفض يركب معاهم
ابو عمر: المجنون اللي ورانا انتبهوا لا يسوي مصيبه ولا اسمع نفس اي واحد الا لين اقول
كلهم: طيب
٠٠٠
عند ابو ناصر اللي تحرك هو وناصر من بدري وراحوا المزرعه وصلوا ودخلوا وحصلو عبد العزيز مسدوح على الكنبه وامه عنده وتبكي سلموا وجلسوا وهم يشوفون الحال الكسيف
صيته: قووو عليكم عيال السوريه قوووووو
ساره: اسكتي ي صيته اسكتي
صيته : ليه اسكت الحق ينقال هم وما احترموا ابوي وطقوه بيحترمون عيالك
قام ابو ناصر اللي فاقد صبره ومحد متحمل شوشرتها في ذا الوقت سحبها واخذها لغرفتها وحطها وقفل وهو يطلع ابرتها المهدئه وصيته تصارخ:لاااااا بعد عني بعد
ابو ناصر: لازم ي صيته ترتاحين
صيته :لا لااا ي سامي انا اختك لا تسوي كذا لاااااااااااااا
ثبتها ابو ناصر واعطاها الابره وبعدها راحت صيته في نوم عميق وطلع وسكر الباب ورجع جلس
الجد : وش سويت فيها
ابو ناصر: اعطيتها الابره حقتها محد له خلق شوشرتها الحين
سكتوا كلهم ويترقبون الباب ووصلوا ابو عمر وعياله
٠٠٠
دخلوا ابو عمر وعياله وسلمو على الجد وجلسوا والنظرات بينهم وبين عيال ساره لو تذبح ذبحت وقف الجد وتكلم : انا لو تخيلت عمري كله يمر علي مثل الموقف هذا ما تخيلت انا لو يوم جاء واحد وقال بيجي يوم يتذابحون عيال عيالك عشان غريب ماصدقت
قطع علي كلامه بصوت يرعد ويبرق غضب : طراد مو غريب طراد اقرب من الروح
ابو عمر: علي ابلع لسانك
سكت علي وهو يشوف جده يأشر انه بيكمل : قد قلت لك عصبيتك لا تحطها علينا واخطائك لا تمسحها فينا وطراد غالي عندك بس ابي افهم وش وصلها لذا الدرجه ليش دايم تدور اسباب تفرق فيها العايله ماتلاحظ انك اكثر واحد صاحب مشاكل ماتلاحظ ان بلاويك عمت الكل على بالك ارواح الناس لعبه بيدك ليش تبي تفرقنا ليش
وقف علي بصراخ : انا ابي افرقكم انا ادور المشاكل انا ياما سكت على مصايب وانا اقول عيال عمتي وجدي ياما بلعت وسكت وصرت افرقكم انا كل مره تحط اللوم وتحذفه علي وتسوي نفسك الفاهم العارف وانت ماتدري وش صاير تقول اكرهم وادور الزله وانا اكثر انسان ساعدهم وجمعهم .. ضحك بقهر وقال.. خلني اقولك ونشوف وش تسوي انت بعد ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⑤②
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼