ياما تجرعت المراره عشانك - الفصل 24 - بقلم أديم الراشد - مكتملة | روايتك

عالم القصص والروايات 📚: 🌺🎀🌼🎀🌼🎀🌼 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الــ④②🌱 🍒ـــــــــــــــــــــــــــــــــــــ🍒 الجزء الرابع والعشرون طلع ولحقته ركبوا التاكسي اللي كان مغيم تماما ماينشاف شي منه وكان هذا ضمن تخطيط علي عشان ماتدري هم وين وقفوا نزل علي وقال:لا تنزلين قفل الشبابيك وتأكد ان كل شي جاهز ونزلها بعد ما سكر عيونها وريم بس تبكي وهي تدعي انه يكذب ماهو متزوج واستغربت انه سكر عيونها بس توقعته شرط زوجته مسكها علي وهو يطلعها الدرج وكانت ريم تسمع صوت مويه وقفها علي وسحب الغطاء اللي بعيونها وهو يضمها من ورا ويبوسها :انا اسف اضطريت اكذب عليك عشان ما تخرب المفاجأه ريم اللي فتحت وهي مصدمه من كلام علي ومن المنظر اللي قبالها حطت يدها على فمها والتفتت لعلي وهي تبكي علي سبقها وتكلم: كل شي كذب ماني متزوج ولا عندي عيال ولا شي طلبتي مني تطلعين لمكان هادي وانا جبتك هنا ماحبيتها تخرب المفاجأه واضطريت اكذب عليك واصيح واسوي حركات وربي اسف ماردت ريم غير انها بكت وهي تضربه :ليش حرام عليك طيحت قلبي حرام علي مسكها علي وضمها وهو يبوس راسها:والله اسف عشانك وربي بعدين ي خبله كيف صدقتي كيف اني ازعلك وازعل عليك واتزوج غيرك دفته ريم وهي تبكي :ملامحك تقول صوتك يقول كل تصرفاتك تقول وخر عني لا تكلمني قرب علي وضمها : خلاص ي حبيبي انسي المقلب والتفتي كذا وراك شوفي ريم التفت وهي تحس بعلي يضمها كان المنظر جميل بشكل يبكي ما توقعتها ابد :وين حنا علي ابتسم :حنا في جزر المالديف التفتت ريم له وهي تبكي : حرام عليك جبتني لها بكي علي :عشان تحسين كذا بطعم الفرحه ريم : والله حرام عليك شوف قلبي كيف يدق عجزت استوعب علي : بسم الله على قلبك معليش كذا نغير الدلع ونفجعك ولو مره ريم : والله انك نحيس ما تعرف تمزح زي الناس علي : عديها عاد وخلينا نروق ريم صدت ضحك علي وسحبها وجلسها على الكرسي وجلس على الطاوله اللي مقابله الكرسي وقرب:خلاص صافي ي لبن ريم ببتسامه :عشان المفاجاه الحلوه  حليب ي قشطه ضحك علي وشالها بين يدينه وهو يضحك وصار يدور بها ضحك علي و دار بها في كل  المنتجع ويوريها الاطلالات الحلوة وماكان احد قريب منهم وتقدر ريم تاخذ راحتها ٠٠٠ عند بدر اللي صحى وهو متحمس ليوم جديد مع مهره لبس واتصل على امه وتطمن عليها وسكر جواله بدخول متعب وابتدا يومه ومهره تحت انظاره افطر وطلع معاها ع اساس بيروح مكان سياحي وراح يتمشى مع مهره اللي تغرقه بشبر مويه من دلعها وثقافتها القريبه جدا من ثقافة بدر ٠٠٠ اما عند طراد اللي بدا يومه بعد ما حلم بحياه حلوه مع نجلا وطلع لشغله بحماس وفي قلبه احساس ان نجلا له ابتسم على رسالة علي اللي يشرح له فيه كل شي صار معه ونصها حلطمه وقهر على دموع ريم ونصها ضحك واغلبها اخبار ابتسم وهو مرتاح لحياة علي الحلوه ورفع راسه لسما وهو يقول(ي رب تمم علي بنجلا واسعدني فيها ) سكر جواله بعد ما رد على علي ودخل لشغله بحماس ٠٠٠ عند اريام اللي طلعوا للمستشفى ودخلوا لدكاتره اللي بدا ابو عمر يشرح لهم حالتها واللي صار معها وابتدوا يشخصونها وابو عمر وفواز واقفين على راسها وكلهم يدعون ان فيه امل تكلم احد الاطباء وقال انه بيصلحون لها بعض الاشعه والفحوصات والاجراءات اللي تاخذ وقت وخلال اسبوع يقررون طلعوا كلهم وهم متأملين خير استاذن فواز من عمه انه بينزل يشتري بعض الاغراض وهم يرجعون اذا حبوا لشقه فضل ابو عمر انه يتمشى مع اريام شوي ٠٠٠ عند نجلا اللي كانت شوي وتشق ثيابها من الحيره ماتدري طراد والا عبدالعزيز دقت على شيخه اللي هي بعد اخلاقها ماش بسبب بدر : شيخه وش فيك شيخه :ولا شي بس ما تلاحظين ريم من امس مختفيه نجلا : امي تقول علي مسوي لها مفاجأه وبيسفرها بدون علمها وسافروا بس مدري لوين شيخه: خير كأن مابقى غيري انا وانتي نجلا : شكله ههههه اسمعي تعالي وربي بموت من الحيره شيخه: اقول تعالي انتي ماله خلق وربي نجلا :اصلا يمكن اجي انا وامي ونوره ورهام شيخه :زين تعالوا نسلي بعض نجلا :يلا جايين شيخه: على كيف ابوك هي يمكن محد بيروح غيرك. نجلا :ههههههه لا تخافين يموتون على طاري الطلعه جهزوا القهوه بس شيخه : يلا نزلت شيخه ركض وقالت لامها اللي بدت تحضر القهوه ونجلا كلمتهم وافقوا ونادوا السواق يجهز السياره ٠٠٠ عند علي وقف على المطل اللي يطل على البحر وضحك: ريم شوفي تحت ريم ناظرت وهي تشوف البحر اللي يدوخ تمسكت في علي وهي تصرخ: علي لا لا ارجع ورا لا تطيحني علي :ههههه ي خوافه مابتطيحين ريم :ارجع ط يب حرام عليك جاي تمشيني والا تبكيني .. اما بدر اللي كان يتمشى مع مهره ويسولف قطع اليه صوت جواله رفع الجوال وحصلها شيخه مهره :منو هاي بدر : خطيبتي اللي قلت لك عنها مهره سحبت جوال بدر واعطتها مشغول : لا تحاكيها وانت وياي طيب عشاني بدر سكت بدر وهو ماعرف كيف يتصرف بس ماكان له خلق شيخه عشان كذا سكت ٠٠ اما شيخه اللي احترقت وهي مو مستوعبه وش فيه قاطعها دخول ام عمر وقامت تسلم عليهم وهي تحاول ما تفك بدر وابتدت جلستهم اللي خلت من سوالف شيخه ٠٠٠ عند طراد اللي كان طالع هو وسعود يسولفون سعود : مارد عليك علي عشان راي اخته طراد :انا مابي علي يجبر اخته عشاني صاحبه مستحيل سعود : ادري بس ماعرفت رايهم طراد: لا اصلا منافسي قوي ولد عمتهم فخسارتي تعتبر واضحه سعود : في هاذي صدقت بس ماتدري عن النصيب طراد : من جد قام طراد ووقف :سعود انا بوصل السياره اخذ جوالي وارجع سعود : طيب مشى طراد وهو ماهو حاس بالعيون اللي تراقبه ما حس الا واحد كتفه على السياره وثلاثه هجموا عليه ضرب بالعصي ويدينهم تجمعوا الناس والتفت سعود بيشوف وش صاير وفز لما نغزه قلبه وشاف طراد طايح والناس متجمعه وركض سعود وهى يصرخ:طراد طراد وش صار وش صار طراد ماقدر يتكلم وهو ينزف من كل مكان من قوة الضرب ٠٠٠ عند شيخه ونجلا اللي كانوا جالسين بالحوش شيخه: نجلا قلنا لك طراد ليش كل ذا نجلا : بس انتي تعرفين وش بيصير اذا رفضت عبد العزيز شيخه : ولعنته وش تبين فيه واذا بيزعل جدي يوم يومين وتنتهي لكن حياتك لا تضحين فيها سكتت نجلا بحيره وهي اكثر ميولها لعبد العزيز عشان ما تفرق العايله ٠٠ عند فواز رجع الشقه وحصل اريام بالصاله وعمه بالمطبخ نزل الاغراض من يده وسلم: السلام عليكم ردوا وتوجه فواز لعمه: عمي اترك من يدك عطني عطني انا اسويه ابو عمر : وخر بس تراني باقي شباب ماعجزت خلني اكمل شغلي فواز: ادري انك باقي شباب بس عطني اساعدك ابو عمر: اقلب وجهك رتب اغراضك اللي جبتها بس وانا خلني في شغلي ضحك فواز وراح يجيب الاغراض وهو يسولف مع عمه ويضحك واريام مستمعه لهم ومتأمله خير مع فواز ٠٠٠ اما عند علي وريم اللي كانوا جالسين بجلسه قبال البحر والجو ينعش وهم ياكلون وعلي كعادته هو اللي يسولف واكل الجو اكل ريم : ههههه اما ماضيك ماهو صاحي علي : ياخي وش اسوي احاول اجدد نفسي بس ماش ريم : صح وش اكثر موقف كذا جلطك وما تنساه علي : ااااخ في موقف يشق قلبي شق كان في واحد من زملائنا بالمدرسه ابوه ماشاء الله عليه دايم واقف مع ولده واذا اخطى ينصحه والولد مايخبي عن ابوه شي حتى اللي ماينقال يقوله لابوه يعني مصادق ابوه صداقه فضيعه وكان مهما سوا يبلغ ابوه وابوه يوقف معه المهم في يوم من الايام سويت مصيبه انا وطراد فقلنا نسوي زي الولد ونروح نقول لأبائنا احسن مايدرون من الشرطه ونخليهم يوقفون بصفنا بما أنها اخف مصايبنا تفرقنا وكل واحد راح لبيته رحت لابوي وسلمت عليه وقلت له اني بقوله شي طبعا ابوي ماتعود اني ابلغه بشي ابدا يمكن اخواني بس انا دايم الشرطه هي اللي تبلغه قلت له وانا متردد لكن ليتني خليت الشرطه تقول ريم:ههههههه ليه علي : جلدني جلد رنني رن ما تصدقين وليته اكتفى سحبني وداني للقسم وانحبست اسبوع كامل انا لين دفع ابوي الغرامه وطلعت وبعد ما طلعت حبسني فالبيت اسبوع بعد ريم : اووووف ليش كل ذا وش مسوي علي :هههه يعني هو مو بس ذا الموقف ابوي جمع قهر اللي فات كله انا وش سويت انا وطراد اول شي انحشنا من المدرسه وثاني شي رحنا نفحط وثالث شوي واقوى شي صدمنا جيب المرور بالغلط وعدمناه عدام ورابع شي انحشنا من الشرطه ريم حطت يدها على راسها: يمممممه ي قلبك ي علي وش ذا كله ما الوم عمي يوم جلدك وربي لو اني منه لذبحك ولا ويقول اخف مصايبنا علي : هههههه معليه اخذت نصيبي وزياده كلها بالغلط ريم :وطراد وش صار عليه علي : لا طراد بس انحبس معي ما طقه ابوه ولا شي مايقوى فيه لكن انا اذا ما انجلدت فاليوم احس اني غريب عنهم ريم : هههههه استغفر الله ي علي ي خوفي عيالنا يصيرون زيك واموت انا بعد منهم علي ضرب قلبه وبهت لون وجهه وحاول يتدارك ويضحك : بسم الله عليك معليك بنأدبهم كويس قامت ريم ولا انتبهت لوجه علي اللي انخبص وقفت عند المسبح ريم : علي تعرف تسبح صح علي : ايه ريم : يمممه ي شكل المويه تخوف علي قام ووقف جنبها: ماتعرفين انتي ريم: لاااا ولا ابي اعرف علي :ههههههه ليش ريم : كذا ما احب علي دخل رجله بالمويه يقيس برودتها وكانت دافيه وحلوه ابتسم  والتفت على ريم ريم : وش فيك علي علي طنشها واتجه لشنطه اللي هو مجهزها وفتحها وطلع لريم لبس سباحه كامل  وشهقت ريم اللي شافت : انت صاحي انت ما راح انزل المويه لو تموت هنا قرب علي لين حط راسه براسها : والله لانزلك للمويه وانتي بكيفك طلع علي وتركها وهو يدري انها بتلبس ابتسم وراح يلبس هو بعد ٠٠ نرجع لبدر اللي كان يحوس هو ومهره في دبي مول بدر فجر قنبله محد توقعها: مهره مهره : هلا قلبي بدر : عندك مانع لو نتزوج ذا الفتره يعني نتزوج هنا وتظلين هنا وارجع انا لرياض اقل شي لين اتفاهم مع بنت عمي وافهمها اللي صار مهره : وليش ماتطلقها بدر: ي مهره هاذي بنت عمي صعبه اطلقها مهره : بس انت ماتباها واخوك اللي جابرنك عليها بدر : اخوي خيرني وانا اخترت ماكنت اتوقع بتصدف واحبك وبعدين انتي مابيضرك شي تبقين زوجتي وبنزل لك كل فتره اقلها ٣ اشهر واخذك معي الرياض مهره : بس انا احبك اغار عليك لا تتزوجها بدر: معليش اسم انها بنت عمي ولها حق عندي وانتي زوجتي وحبيبتي مهره : واهلك بيعرفون بدر: فتره بس بخبي وبعدين بقول لهم لان انتي عارفه ظروف اريام والحوسه مهره : اللي تباه عمري ابتسم لها بدر اللي فعلا حبها ويبي ياخذها على سنة الله ورسوله فتره وبعدين يعلن زواجهم بعد ما يبلغ شيخه ٠ ٠ عند الجد حاكم اللي كان يراقب عبدالعزيز اللي كان باين عليه التوتر ومو قادر يجلس من ليلة الخطبه ساره: تشوف يبه حاله اخاف عليه ينجن ما توقعته يبيها لذا الدرجه الجد : اشوف اشوف ي ساره بس ماندري وش يصير طراد وماهو هين بعيون عبد الرحمن وعياله واحتمال توافق عليه نجلا ساره : تكفى يبه سوي شي والله بينجن والله مو كفايه علي راكان اللي دموعه ما جفت  عشان اريام والا جوهره الله شبه مجنونه من ورا حب علي تكفى يبه صيته : عشان تعرفين ان عيال السوريه ساحرين عيالك وهذا هم كملوا على عيال سامي (ابو ناصر ) واخذوا فواز وزفت الطينه شيخه وباقي مستمرين الجد : انكتمي ي صيته لا اسمع صوتك اسكتي ساره : وش الحل يبه الجد : الحل عندي ٠٠ عند ريم اللي لبست لبس السباحه الكامل وهي ما تبي بس تعرف علي المجنون والله ليتمم حلفه وتعرفه ما عنده مشكله ينزلها بدون شي التفتت لما سمعت الباب انفتح وهي رافعه شعرها فوق وتناظر علي اللي جاي وهو لابس شورت سباحه  دقها تصفيره :ايوووه كذا اسمعي الكلام ريم : وخر بس دب علي قرب وحملها واتجه فيها للمسبح وهو ناوي اليوم يكسر خوفها من المويه ويعلمها السباحه قرب من المسبح ونزل فيه من الدرج شوي شوي وريم متمسكه في رقبته بقوه ريم : علي لا لا تكفى الله يخليك بموت والله بموت تكفى ي علي علي : ههههههه ريم انتي معي وتخافين ريم : علي لا والله المويه كثيره بنغرق ونموت علي : ههههههه لا لا ماعليك انتي تمسكي فيني وازهليها ريم ضمت علي وهي خايفة ابتدا علي يدخل فالمويه وحست ريم فيه ينزل رجولها وهو ماسكها من خصرها ودخلوا كلهم في المويه وريم متمسكه بعلي بقوه ترك علي خصرها وهو يقول : ريم ابعدي شوي شوفي كيف المويه حلوه ريم : لا لا لا معصي طلعني طلعني خلااااص علي سحب يدينها من رقبته بس ريم متمسكه بقوه : ريم نزلي يدينك خنقتيني ريم : طلعني طيب خلاااص علي :هههههه لا افا اثاريك فعلا جبانه ريم : علي هذا موت مافيه مزح علي : ههههههه اسمعي طيب اتركي رقبتي وامسكي يدي ريم : لا تتركني علي : افا ريم تركت رقبته بشويش وتمسكت بيده على طول مسكها علي وهو يضحك على خوفها: ريم حركي رجولك حسي بالمويه ريم :اخاف علي : تمسكي فيني وارفعي رجولك ريم ضمته من خصره ورفعت رجولها وهي مغمضه علي كان يضحك وصار يتحرك فيها شوي شوي ٠ ٠ عند سعود اللي كان خايف على طراد ونقله للمستشفى  دخلوه وابتدوا يعالجون الجروح اللي فيه والحمدلله ماكانت خطيره كانت يده مكسوره وضربه في راسه وكانت عميقه وكم رضه بجسمه وجهه فيه رضوض كان سعود معه لين صحى سعود : طراد طراد قول من سوا فيك كذا طراد بونين :مدري مدري سعود : وش يوجعك طراد: كل شي سعود:  طالع من الشر ان شاء الله ادق على ابوك طراد : دق بس لا تفجعه ولا تدق على علي سعود : طيب دق سعود على ابو طراد وقاله وانفجع ابو طراد وجاء ركض وهو دموعه تسبقه ابو طراد : يا ابوي ي طراد طراد حاول يقوم بس مسكه ابوه: وش صار لك من سوى فيك كذا والله لحرقه حرق والله قول يبه سعود : مايدري مين ي عمي ملثمين طراد : يبه لا تخاف مافيني شي ابو طراد : كيف مافيك كيف انت مافيك شي سليم والله والله لاخذ حقك والله سكت طراد وهو يمسك راسه ويدري ان عاقبة الامر هذا ماهي بسيطه ٠٠ عند بدر اللي رجع هو ومهره لبيت ابومتعب ودخلوا طلب بدر انهم يجتمعون واجتمعوا بدر وقف : متعب انت ما قصرت معي عنتني في اصعب اوقاتي وعرفتني على اختك وماقصرت معي واهلك بعد انا ماني طالع من جزاكم لكن عندي طلب واتمنى تممونه متعب : ابشر ي بدر ابو متعب : افا ي ولدي انت تامر .. بدر : تسلمون لكن انا طالب مهره على سنة الله ورسوله سكتوا كلهم مصدومين وتكلم متعب : بس انت خاطب بنت عمك بدر : صدقت عشان كذا بتزوج مهره وبعد ثلاث شهور باخذها معي وبنت عمي بتظل زوجتي وانا شاري مهره ابو متعب : كيف بتسوي بدر : بنت عمي ما اقدر اخليها ومهره حبيتها ولا اقدر اخليها متعب : بس بدر : لا تقولون بس انا اقدر اوفق بينهم و٣ شهور وباخذ مهره معي اب متعب : خلنا نفكر يبه بدر : زين فكروا انا راجع بكره الرياض بعد اسبوع ابي اجي واخذ قرار سكتوا وتجمعوا للعشاء وبدر خايف يرفضون ٠٠ ٠ عند فواز اللي دخل عمه واريام يرتاحون شوي وهو جلس يرتب اغراضه عشان يبدا دوام بالجامعه كان بالمطبخ وسمع صوت طيحه وفز وركض على غرفة اريام فتح الباب وحصلها طايحه عند باب الحمام وتبكي ركض لها : اريام وش فيك اريام : طحت مدري كيف طحت فواز رفعها : بسيطه معليش اريام قامت وجلست جلس جنبها فواز وهو يمسح دموعها: تعورتي اريام: لا فواز : معليش بسيطه انا بشيل كل شي يعيقك سكتت اريام وراح فواز وشال كل شي ممكن انه يعيقها ورجع لها بكاسة مويه: كيفك الحين اريام: احسن فواز: اذا احتجتي شي ثاني مره ناديني اريام: طيب طلع فواز وتركها ترتاح بعد ما تطمن انها بخير ٠٠٠ عند علي اللي كان يضحك على ريم اللي طول الوقت ماسكه فيه ولا هي راضيه تتركه رفعها وجلسها على طرف المسبح عشان يسبح ويوريها كيف عشان تسبح هي بعد وابتدا هو يسبح علي : راقبي ترا بتنزلين بعد شوي ريم : تكفى علي خلاص علي : شفتي لو نجلس طول الاجازه بالمسبح ماعندي مشكله اهم شي تسبحين زين ريم : اوف منك جلس علي يعلمها كيف بالكلام وبعدين نزلها معه وهي شوي وتبكي ومتمسكه فيه ريم : تكفى والله والله ما اعرف علي : تعلمي وش سويت قبل شوي انا ريم :مابي اصلا ماني مضطره اسبح اصلا علي : الا مضطره تتعلمين افترضي وحنا راجعين تطيح الطياره بالبحر كيف تسبحين ريم:انت تنقذني علي :انا مت او صار لي شي او انجرحت من يساعدني ريم : بس خلاص مابي اسمع علي : اجل يلا تركيني وابتدي حبه حبه ابتعدت ريم وهي تدري انه مابيتركها لين تتعلم وابتدا يعلمها وهي تطبق مره وثنتين وثلاث وعشر وعشرين لين اتقنت شي بسيط وقدرت تسبح وتكسر خوفها بس يبي لها ممارسه ٠٠٠ ٠ عند طراد اللي كان باقي فالمستشفى وبيجلس لين اليوم الثاني وهو تعبان وابوه وسعود عنده ابو طراد: اموت واعرف من سوا فيه كذا سعود : مدري اعدائهم كثير ابو طراد :والله لو يطلع اللي في بالي لحرق الدنيا حراق سكت سعود وهو تقريبا يعرف من في بال ابو طراد ٠٠ عند نجلا اللي جاها اتصال من جدها نجلا : هلا جدي امر الجد : يبه ي نجلا انا مابي اضغط عليك لكن اذا ماتبين تشتتين العايله وافقي على عبد العزيز وانتي تعرفين مقصدي واللي تعرفينه احسن من اللي ما تعرفينه نجلا انصدمت ولا توقعت الاتصال واللي خايفه منه صار سكر جدها بعد ما رمى كلامه ورمت نجلا الجوال وهي تبكي ماتطيق عبد العزيز ما تطيقه ماتطيقه وش تسوي وش تسوي ٠٠٠ عند عبد العزيز اللي كان يكلم : هاااه وش سويتوا ....: حليناه لك بس نبي الفلوس عبد العزيز :حولتها لكم بس وش سويتوا بالضبط .....: تجيك اخباره سلااام سكر عبد العزيز :بااااقي ما جاك شي ي طراد اجل انت بتاخذ نجلا انت توقف سبرك بسبري انت نشوف وش يصير نشوف اذا ما ربيتك عشان ما تدخل بأمور غيرك طيب ٠٠ عند علي اللي اتقنت ريم السباحه وصرخت وضمت علي علي : هههههههه شفتي قلت لك مايحتاج خوف بس انتي ما تسمعين ريم : وربي ماتوقعت وربي الحمدلله علي : الحين بتدمنين السباحه ريم : انا احبها بس اخاف واليوم خلاص علي قرب : وانا احبك انتي ريم ابتسمت : وش ارد عليك الحين علي وهو يقرب : لا تردين بس قربي ... ٠٠٠ عند بدر اللي راح يجهز شنطته وطلع من بيت ابو متعب وراح لفندق وصل ونزل اغراضه واخذ جواله وفتحه حصل اكثر من مكالمه من شيخه ورسايل فتح الرسايل وقرا رسالتها امس وغمض وهو قلبه معوره عليها ما تستاهل بس وش يسوي قلبه مع مهره والله وده يحبها بس هي تبعده بجنانها وتصرفاتها صح هدت اخر فتره بس بعد ايش بعد ما تعلق في مهره حول على رقمها ودق عليها وجاه ردها سريع : الو بدر انت بخير بدر : هلا شيخه انا بخير وش فيك شيخه: من امس ادق واكلمك واتس ما ترد ومالك حس بدر بترقيع : ايه عشان كانت عندي كم شغله تخص العمل ولا فضيت للجوال الا الحين وبكره راجع شيخه: بس انت قلت سياحه بدر : ايه بس هاذي طلعت فجاءه من الشغل وانتي تعرفين الشركه اللي اشتغل فيها لها علاقات بدبي عشان كذا شيخه صدقت : زين يعطيك العافيه اخليك ترتاح اكيد تعبان بدر ماحب يعلقها زياده فيه : طيب فمان الله سكر وهو مكسور قلبه عليها ولا يدري كيف يتركها ٠٠ انتهى يوم ابطالنا اللي كلهم نامو الا الاميره نجلا اللي ذبحتها الحيره والبكى ماكانت تدري وش تسوي من بعد كلام جدها صارت احتمال كبير توافق على عبد العزيز بس هي تكرهه ولا تبيه وقفت وهي تمسح دموعها اخذت الجلال وكبرت وصلت وهي تدعي ربها يفرج لها اما طراد اللي كان وجعه وجعين وجع عشق نجلا و وجع جسمه كان متأكد ان عبد العزيز السبب غمض عيونه وهو يقول في قلبه ( والله اني كنت ألوم علي يوم كان يرمي نفسه عشان ريم وهذا انا على كثر مافيني متحمل عشانها لكن الايام بينا ي عبد العزيز ) ٠٠٠ من بكره الصبح خرج طراد من المستشفى وراح لبيت ابوه ام طراد: يمه ولدي وش فيك طراد يمه ابو طراد: قولي لا اله الا الله مافيه شي متهاوش مع رجال وعدت على خير ام طر اد ببكي وهي تضم طراد : يمه وش صار لك وش يوجعك طراد توجع بس قال: يمه والله اني بخير والله بس مضاربه خفيفه ام طراد : اي خفيفه يمممه اي خفيفه ابو طراد : ي بنت الحلال اتركي الولد يرتاح ابتعدت ام طراد وانسدح طراد عالكنبه وهو يتوجع ٠٠ عند ابو عمر وفواز اللي اخذوا اريام للفحوصات والاشعه وابتدوا يصلحو لها الاشعه الاطباء المشرفين وابو عمر وفواز معهم بعد تقريبا ٥ ساعات طلعوا من المستشفى واريام مهلوكه من كثر الاشعات والفحوصات قاطعهم اتصال ام عمر ابو عمر: هلا ي حياة ام عمر : كيفك ابن عمي شو عامل انت منيح ابو عمر : بخير دامكم بخير انتم كيفكم كيف نجلا ام عمر:مشتاقين لك نجلا حايسه فوق عم تفكر لهلا ابو عمر: الله يكون بالعون كيف العيال ام عمر : مناح تئبرني اعطني اريام والله اشتقت لها ابو عمر: ابشري ...اريام يبه امك بتكلمك . اريام : يممه ام عمر ببكي : اهلين يامو كيفك وحشتينا اريام : وحشتوني كثير يمه والله وحشتوني ام عمر: وانتي اكثر شو يامو رحتي المشفى اريام:تو طلعت يمه تعبت من كثر الاشعه والفحوصات ام عمر : هيك لازم يامو ادعي الله يصبرك اريام ببكي : ادعي لي يمه ام عمر: قلبي وربي معك يامو سحب ابو عمر الجوال : ام عمر الله يهديك تعبتي اريام خلاص ام عمر:شو بدي اعمل مشتاقه لها ابو عمر: ايه بس بشويش يلا تبين شي ام عمر: الله معكن انتبهو على انفسكن ابو عمر : وانتم بعد وسلمي على العيال سكر ابو عمر وشاف فواز يداري اريام ويحاول يسكتها وهو يمد لها المناديل ابتسم ابو عمر وقال: اذا بتراضيها ي فواز جيب لها فراوله ونوتيلا وترضى ضحك فواز : من عيوني ابتسمت اريام وبكت على ذكرى راكان اللي كل يوم كان يجيب لها راح فواز واشترى لها ورجع وجلسوا بالحديقه وصار فواز يحط لها الفراوله بالشوكه ويغمسها بالنوتيلا ويعطيها وابو عمر  يراقب بصمت ٠٠٠ عند بدر اللي طلع من بدري للمطار بعد ما ودع مهره وركب الطياره وسافر وهو مشغول باله مع شيخه ومهره واريام وصل بعد ساعتين وفتح جواله وارسل لمهره انه وصل مع انها ماسألت ولا ارسلت وارسل لشيخه اللي احرقت جواله وهي تسأل وخايفه عليه ٠٠٠ عند نجلا اللي دقت على شيخه وهي تبكي شيخه : نجلا وش فيه نجلا : تعالي تكفين شيخه : وش صار نجلا : الله يخليك تعالي ابيك سكرت شيخه وهي مفجوعه ولبست وطارت لبيت عمها وصلت ونزلت ركض وقابلت ام عمر ام عمر: شيخه شو بكي شيخه: ولا شي جايه اشوف نجلا تبين شي فمان الله طلعت ركض وام عمر تحمد ربها على نعمة العقل فتحت الباب شيخه: نجلا نجلا ركضت وضمت شيخه : وش اسوي ي شيخه شيخه : وش صار ؟ قالت لها نجلا السالفه وهي تشاهق شيخه :نععععم على كيفه ذا انجن بعقله في حريقه العيله واجتماع العيله كأننا استفدنا شي منهم ومن اجتماعهم خليه يولي ولا تفكيرين ووافقي على طراد ولا تفكرين بعبدالعزيز نجلا : بس ابوي بيفترق هو وجدي شيخه: صدقتي الكلام كذب بكذب وانتي تعرفين انه مايقدر يعيش بدون عمي وبيموت طنشيه بيزعل يوم يومين شهر سنه مع نفسه نجلا : والله خايفه شيخه بصرامه : وقسم بالله لو توافقين على عبد العزيز لا اعرفك ولا تعرفيني وتنسيني نجلا : تخيرني ي شيخه شيخه: اخيرك لمصلحتك عبد العزيز ما يصلح لك وفوق هذا اساليب التهديد بداية خير معه نجلا : ساعديني تكفين شيخه : انتي ساعدي نفسك وامسكي جوالك واتصلي لابوك وقولي وش صار وارفضي عبد العزيز نجلا : لا لا ياشيخه شيخه : انتي انجنيتي نجلا : بنجن منهم بنجن شيخه: عبد العزيز شيليه من راسك وفكري بطراد نجلا : وجدي شيخه: ماعليك منه مايقدر يسوي شي نجلا : واذا سوى شيخه: حزتها انا اتصرف سكتت نجلا وقامت تغسل ورجعت : شيخه والله خايفه شيخه: لا تخافين توكلي على الله نجلا : بستنى لين يجي ابوي شيخه: زين بس لاتغيرين رايك سامعه نجلا: طيب شيخه: انا برجع طلعت ولا قلت لاحد بلاش ينفجعون نجلا :اسفه وربي شيخه: اقول انثبري بس اخذت شيخه اغراضها ولبست ونزلت وقابلت بدر بطريقها بدر : شيخه هنا شيخه : اهلين الحمدلله ع السلامه بدر: الله يسلمك وش عندك من بدري هنا شيخه: جيت اخذ اغراض من نجلا وبرجع بدر : اجلسي تغدي شيخه :بالعافيه بروح بدر : مع السلامه نزلت شيخه وراحت للبيت ٠٠٠ عند علي اللي كان محضر لريم مفاجأه حلوه حيل لبس ونزل تحت واخذ الجت سكي (دبابات بحريه ) وطلع لريم ركض علي : ريم ريم ريمي ريم : وش فيك علي : جهزي ريم :ايوه بس باقي عباتي نزلت ريم مع علي وهي مستغربه استعجاله وصرخت اول ماشافت الجت سكي :لا لا اكيد تمزح الا تمزح اكيد علي : ليييه ريم : لا ي علي بتنقلب فينا وبنموت بالبحر لا تكفى الله يخليك علي :رييييم ليش الخوف ذا كله انا معك وبعدين انا اعرف اسوقها وانتي صرتي تعرفين تسبحين ريم : لا لا لا تكفى لا الله يخليك قرب علي لها ومسك يدها: ريم حبيبي انا معك وبعدين انا حلفت اني ابعد  الخوف عنك في كل شي مابيك تخافين وانا معك ريم : والله ادري بس مابي علي : جربي والله ماتندمين وبعدين في فرقة انقاذ ريم ركبت مع علي بالهوايش وهي شوي وتبكي جلس علي وجلست ريم وراه وهي ضامته بقوه وتدعي وتستغفر وعلي يضحك حركها علي وابتداء صراخ ريم يعبي الدنيا علي :ريييييم ارفعي راسك وشوفي ريم : مابي ماااابي علي :ريم والله ماتندمين شوفي رفعت ريم راسها بشويش وهي تشوف المناظر والبحر خالي ماحولهم احد والمويه تطير عليهم وضحكت وهي تسمع صوت ضحك علي :هااااه شفتي كيف ريم ماردت وهي تناظر وعلي مبسوط لفرحتها ٠٠٠ عند شيخه اللي رجعت للبيت وهي زعلانه من جدها ومن تصرفه وخايفه نجلا تضعف وتوافق على عبد العزيز انسدحت بضيق وهي زهقانه سمعت الباب يدق خلود: شيوخ صاحيه شيخه: تعالي خلود خلود :وش فيك شيخه:ولا شي انتي وش فيك خلود :ابد راح ناصر الدوام وجيت اسولف معك شيخه: قولي خلود :ماحددتي زواجك ي بنت باقي على رمضان اسبوعين شيخه : لا ماحددت ارتاحوا خلود :وش بتسوين شيخه: مدري خلود : وش بك معصبه طيب شيخه: ماني معصبه اتكلم خلود كملت سوالف وشيخه بالها مع نجلا ٠٠٠ عند طراد اللي دروا الكل وتجمعوا يزورونه نايف (زميل عمل لطراد وعلي ): غريبه وين علي طراد: علي مسافر ولا عنده خبر ي ليت محد يقوله عمر: ليش طراد: بلاش يرجع ويقلب الدنيا تعرفه انت عبيد: ضروري. يقلب الدنيا انا لو اعرف بس من سواها سعود : انت عاد مجنون مثل اخوك ابو ناصر: الا ازين لا تقولون علي مجنون بيخلق مشكله ثانيه نايف: والله ماينقدر عليه انا استاذن وان شاء الله اخر اوجاعك طراد :فمان الله دخل بدر : السلااام عليكم سلامات طراد وش صار لك طراد:هلا بدير الله يسلمك بدر: ماتشوف الشر طراد: مايجيك بدرر:وش صار طراد : والله مدري كنت ابي اغراض من السياره طلعت جبتها وانا راجع ماحسيت الا بثلاثه ملثمين انقضو علي اثنين كتفوني واخد ضربني بدر :ماعرفتهم طراد:لا بدر:من له مصلحه طراد: اعدائي واجدا اكيد منهم بدر :الله يهديك بس عمر:مااااش طلع رخمه بنبطل مابناسبه بدر:ههههههه اي والله طراد:هههههه الكثره تغلب الشجاعه بدر: اي افترض انهم تكاثروا عليك ومعك نجلا وش تزين طراد:ههههههه يحلها حلال عمر: هاه هاه انسحب بطلنا بطلنا وكلموا سوالف وضحك ٠٠ عند علي رجع للمنتجع لانها خلاص بتظلم وقفوا ونزلت ريم وهي مبسوطه ونزل علي وسحب جت سكي لشاطي ودخله رجع لريم : الله لا يحرمني منك علي علي :هووووب هوووب مانبي دموع ريم :فرحانه علي : حتى ي حبيبي وربي ما احبك تبكين ريم :من جد ربي عوضني فيك ابتسم علي وهو فرحان ٠٠٠ اما نجلا اللي كانت محتاره وصلها خبر باللي صار لطراد وفزت وهي خايفه :شيخه صار له شي شيخه: رجله مكسوره وفيه جرح براسه وفيه رضوض نجلا :ومين ضربه شيخه: مدري بس اكيد عبد العزيز نجلا: ياويلي لو يطلع هو شيخه: والله اذا هو لتقوم قيامه ماصارت نجلا :الله يستر شيخه : امين سكرت نجلا وهي خايفه على طراد وخايفه من اللي بيصير ٠٠٠ عند فواز اللي رجعوا لشقه وكانوا جالسين يتابعون فيلم واريام معهم بس تسمع غفت على كتف ابوها وقام ابو عمر بيشيلها بس سبقه فواز :عنك ي عمي ابو عمر: خليني انا فواز: لا ي عمي عطني شالها فواز واتجه فيها لغرفتها وهي نايمه ابتسم ابو عمر اللي شاف ان فواز هو فعلا اللي يستاهل اريام رجع فواز وجلس وهو مرتاح من حاله ابو عمر تكلم : فواز فواز: سم ي عمي ابو عمر: الله يجزاك خير على اللي سويته واللي تسويه جزاك يبه فوق راسي فواز: افا ي عمي واجب ابو عمر: وش اللي دفعك تسوي كذا فواز تورط : كذا حبيت اساعدها واريام تستاهل ابو عمر ما اقتنع بس ما حب يحرجه: الله يعطيك العافيه سكت ابو عمر وفواز ورجعوا للفيلم .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ④② 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼