ياما تجرعت المراره عشانك - الفصل 23 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀:🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الــ③②🌱 🍒ـــــــــــــــــــــــــــــــــــــ🍒 علي حط يده على يدها وقال كل اللي صار بس ماقال لها سالفة شيخه وبدر ريم :عبد العزيز وطراد علي :ايه ريم : مدري وش اقول كان رفضت عبد العزيز ولا رميت طراد كذا علي : يعني انا غلطت ريم : بس انت تقول ان طراد اصلا كان بيطلبها و وافقت كذبتك اللي هو يبي بس هو معترض على الاحراج علي : ايه ريم : مدري وش احدد بس الاكيد انك ما كذبت الا حب في نجلا ونجلا تكره عبد العزيز مستحيل توافق عليه علي : خايف ابوي يضغط عليها ريم : لا ما عليك مايسويها عمي قوم الحين ونام وارتاح عشان تصحى من بدري ونروح لاريام علي : مابي ي ريم روحي نامي انتي ريم :لا لا اصلا انا ما اعرف انام الا معك وبحضنك بتتركني اليوم ابتسم علي : بس قلقان ريم : لا تقلق ولا شي خذها مني نجلا بتختار طراد تطمن علي وقام ينام بعد اصرار ريم ٠٠ عند فواز اللي رجع البيت وهو مرتاح وصار يجمع شناطه ويأكد حجوزاته وضبط كل اموره انتبه على شيخه اللي واقفه فواز: تعالي وش فيك شيخه : وش طرا لك بموضوع اريام فواز : وش فيه موضوع اريام شيخه : مدري زواجك منها غريب فواز: لا غريب ولا شي ابيها وبتزوجها وبعالجها واعيش معها وش اللي غريب شيخه: مدري بس كذا استغربت متى رحلتك بكره فواز: الساعه ١١ الظهر شيخه: زين عشان يمديني اقوم اودعك فواز: هذا اذا نمتي بدري شيخه :ايه ماعليه انام الحين فواز :زين طلعت شيخه وهي قلقانه على بدر ونفسها تدري وش يسوي الحين وش وضعه ٠ ٠ من بكره الصباح في بيت ابو عمر اللي كانوا كلهم صاحين ويراقبون اريام اللي امها ونجلا مجهزين شناطها برا وجالسين ينتظرون فواز يجي ام عمر ببكي : تعالوا ننزل نفطر سوا نزلوا كلهم وقفهم صوت بدر : يمه علي على الطريق انتظروا جلسوا كلهم بصمت اريام اللي كان باين على وجهها انها باكيه وباين انها تعبانه بس ساكته ونجلا اللي ماوقفت بكي وام عمر ونوره ورهام اما العيال اللي كل واحد في قلبه غصه بس ساكت واخذوها من باب انها بتتعالج وتتشفى قطع علي الصمت ودخل هو وريم: السلام عليكم الكل :وعليكم السلام جلسوا يفطرون وهم ساكتين بغير العاده ( هم متضايقين عشان اريام بتسافر وماهو محدد وقت رجعتها واحتمال ترجع بنظرها او لا وخايفين تتعشم ومعاد تشوف وحاسين كلهم بالندم ٠٠ في بيت ابو ناصر كان نفس الحال كلهم صاحين يودعون فواز اللي تعودوا يودعونه من سنتين لكن هالمره كانت معه اريام افطروا وسلمو عليه ودعوه طلع فواز مع شناطه وناصر يدخلها له بالشنطه لان هو بيوديه المطار ابو ناصر: فواز يبه لا وصيك على بنت عمك حطها بعيونك فواز : ابشر يبه ام ناصر : انتبه لنفسك وكل شوي طمني عليكم فواز: ابشري فوزيه :اذا وصلت بلغنا فواز : ان شاء الله يلا استودعكم الله مشى فواز وناصر وابو ناصر متجهين لبيت ابو عمر ٠٠٠ عند طراد اللي مابات ليله زي الناس وهو يفكر وش ممكن يكون رد نجلا صحى وهو مايدري وش يسوي ومرتبك ومعاد يستوعب اللي يصير حوله اتجه للمواقع المباني والشركات المتفقين معهم وهو يحاول يشتغل يحاول وعقله هناك في بيت ابو عمر ٠٠ في بيت ابو عمر قام ابو عمر وقف بنص الصاله ابو عمر: نجلا يبه قبل اروح ابيك بموضوع نجلا :سم يبه ابو عمر : امس يبه تقدم عبد العزيز ولد عمتك يخطبك نجلا قاطعته :وشو ابوعمر: خليني اكمل يبه عبد العزيز طلبك وصادف ان طراد طلبك من علي الصبح ونسى علي يقول لي واحترت بينهم يبه عشان كذا بخلي الاختيار لك عبد العزيز وانتي تدرين وش عبد العزيز وتعرفين كل شي عنه وطراد بعد تعرفينه صلي واستخيري والخيره في ما اختاره الله نجلا انصدمت طارت عيونها وهي مو مستوعبه طراد وعبد العزيز ابو عمر كمل :ولا تسمعين لاي ضغط من اي احد اللي يختاره قلبك وعقلك اختاريه ... التفت لعياله :وانتم ابعدوا عن الموضوع تماما مالكم شغل بذات انت ..وهو يأشر على علي ..وكمل كلامه: انا بغيب اسبوع مع اريام او اسبوعين انتبهوا لامكم وخواتكم وانتي ي نجلا خذي الاسبوعين مهله واذا جيت ابي احصل قرار سمعوا صوت الباب وقام عبيد وحصله عمه وفواز وناصر ودخلهم عبيد :يبه عمي وفواز وناصر برا قاموا كل الرجال وراحوا لهم واريام اللي تمسكت في امها وبكت: يمممه خايفه ام عمر ببكي: ما تخافي يامو ابوكي معك يامو وحدي الله اريام تبكي وهي ترجف : خايفه تكفين ضميني ام عمر : وحدي الله يامو وحدي الله نجلا اللي كانت مصدومه ودخلت في دوامه مالها نهايه ٠٠٠ عند الرجال اللي سلمو وجلسوا فواز : عمي بنطلع الحين اذا جاهز يالله يمدينا نلحق الطياره ابو عمر :جاهز يبه جاهز  عبيد جيب الشناط يبه عبيد :ابشر دخل عبيد واخذ الشناط وطلع حطها بالسياره ورجع لابوه: يبه الشناط قضت وقف ابو عمر :توكلنا على الله .. وقفوا الباقين وجو عياله واحد واحد يسلمون عليه وجلس عاد يوصيهم ما يضغطون على نجلا ولا يتعبونها وينتبهون للبيت ولامهم دخل ابو عمر وعياله والعم ناصر بيسلمون على اريام توجه ابو عمر لنجلا وريم ونوره وسلم عليهم واخذ اريام اللي سلمو عليها الكل وهم متحفظين على دموعهم طلع ابو عمر وهو ماسك اريام وعياله وراه تقدم علي وفتح الباب لاريام وساعدوها تركب وسكروا الباب غمضت اريام وبكت وهي فعلا خايفه من خيبت الامل وحست انها بتسكيرة هالباب انتهت حياتها السابقه وابتدت تخوض في شي ماتدري عنه وخايفه منه ركب ابو عمر وفواز وناصر وركب ابو عمر جنب اريام عشان يطمنها واتوجهوا للمطار ٠٠٠ رجعو العيال جوا وهم يحاولون يسكتون امهم اللي انفجرت بكي عجزوا فيها واستأذن علي بيطلع لشغله بس قبل نادى ريم في الغرف الجانبيه ريم: علي شفيك علي : اسمعي لا تجيبين طاري لنجلا اني كذبت وقلت طراد طالبها خليها تعرف بس ان طراد طالبها جد من دون تعرف كذبتي ريم : بس ماكأننا نخدعها علي :اي خدع الله يهديك طراد قال انه فعلا كان يبيها بس انا سبقته ريم :وليش مانقول ان طراد مايبي يحرجك ويقول مابي اختك علي: لا لا طراد في المواضيع هاذي ما يجامل اعرفه مستحيل ريم :مدري علي : ماعليه انتي بس لا تقولين لها وانا رايح الدوام تبين شي ريم : لا صد علي من التوتر وكان بيروح بس مسكته ريم من يده علي التفت : وش فيك ريم بوزت : كنت بتطلع ما تسلم علي ترا صاروا يومين كذا علي ابتسم وضرب راسه : وربي من ذا البلاوي ماعاد اجمع قرب وباسها في راسها :انا مدري لو مانك جنبي وش ممكن يصير ريم ابتعدت : مابيصير شي انت مانك محتاج احد يوقف جنبك انت توقف بلد بحاله بس انك دلوع حبتين علي ابتسم : معليش ماورانا شي نتدلع عليك ريم : روح يلا عشان ما تتأخر علي : يلا فمان الله طلع علي وراح لدوامه وطلعت ريم لنجلا فوق وبدر وعمر رجعوا لدواماتهم ٠ ٠ بدر :ههههههه مافيها شي الرياض بس نبعد عنها شوي شيخه: وين ماتروح روح المهم ريح بالك وارجع كذا لطبيعتك بدر :تأمرين امر ..شيوخ انا بسكر اكلمك شوي طيب شيخه: زين فمان الله سكرت شيخه ونزل بدر للدوام وهو مقرر يطلع دبي يومين ويرجع جلس وابتدا شغله وهو يدق على مهره اللي ماردت عليه وسكر ورجع لشغله ٠٠٠ عند علي وصل موقع العمل واتجه للعمال اللي جوا وبتدى يعطيهم ملاحظات ويدقق على الشغل انتبه لطراد اللي واقف في اخر الممر تنهد واتجه له وقف جنبه : انا اسف المفروض ما ادخلك في ذا المتاهه طراد التفت له : اي متاهه انا تايه من قبل سافر ابوك واختك علي :ايه طراد: وكيف الاجواء علي :ابد صياح طراد:ليش علي : تعرف كيف راحت اريام هذا خلق جو متوتر بالبيت طراد: يزينها الله تكلم ابوك مع نجلا علي : ايه وهي بعد دخلت في دوامه طراد : الله يعين علي : طراد بجد انا اجبرتك على شي ماتبيه طراد التفت لعلي وهو مقطب حواجبه :في راسك عقل انت انا اذا مابغيت بقول مابي واسحب نفسي بأي طريقه ولا اقحم نفسي كذا لكن انا فعلا ابيها علي ارتاح : ادري بك والله بس خفت طراد : اصلا انا كنت ناوي اناسبكم كذا والا كذا ما قلت بتزوج وحده فيها عرق سوري انتمي هناك علي:هههههههه ي ذا العرق اللي جاب لك ازمه طراد :شفت كيف  المهم باقي بتسافر علي : ايه يعني خليني بعيد ذا الفتره شوي ابوي مشدد علي ما اضغط على نجلا فاذا سافرت بتفكر نجلا زين طراد : وش دخلك انت علي :ابوي مفكر اني بضغط عليها عشان توافق عليك او يمكن نجلا تتحيز لي وتوافق عشانك صاحبي وتفكر انها ممكن اذا رفضت تخرب بينا او تحسب اني بزعل ماتعرف تفكير البنات انت طراد : يمكن ازين انك تسافر علي : ايه اصلا طيارتي بعد المغرب طراد: زين موفق ..تعال خلنا نشوف شغلنا وربي يكتب اللي فيه الخير ٠٠ عند نجلا كانت جالسه وهي ماتدري وش تسوي ريم : وش فيك وش قررتي نجلا :اقرر ايش ايش هذا مصيبه ريم : دقيقه بدق على شيخه تجي ونفكر كلنا اصبري دقت ريم على شيخه وقالت لها تجي بسرعه عند شيخه اللي بألف ويلاه لين تركتها امها تروح وجات ركض ودخلت وماحصلت احد وسيده على غرفة نجلا شيخه:وش فيكم وجع جيت طايره مابدلت وربي نجلا :تعالي شوفي اللي صار فيني ريم: قولي لا اله الا الله انتي الثانيه شيخه:لعنه وش فيكم ريم قالت كل شي بأستشناء كذبة علي شيخه:نعم كنا بمجنون صرنا بأثنين وش ذا نجلا :المشكله اني مقدر ارفض عبدالعزيز وتخرب بين ابوي وعمتي وجدي ولا اقدر ارفض طراد وتخرب بين علي وطراد ولا اقدر ارفضهم الاثنين ريم : اوووف وش ذا بس مستحيل تأخذين عبد العزيز شيخه: ايه باقي يسوي فيك مثل اخته واخوه لا لا انسي عبدالعزيز تخرب ما تخرب انسيه .. ريم : بس طراد الكل يعرفه وانتي تدرين وش سوى عشان اريام ولا قال لعلي وحفظ السر وهذا ان دل دل على انه يخاف عليكم ويحبكم نجلا : ي ربي وش ذا اصلا انا ما اطيق عبد العزيز تخيلي بس اتزوجه لااااا مستحيل شيخه :ماهي صعبه قولي لا و وافقي على طراد نجلا : على بالك بتمر كذا اكيد جدي بيتحيز وش يفكني منه شيخه :خليه يتح يز من اللي بيعيش انتي والا هو اسحبي بس ريم:فكري بنفسك ي خبله نجلا :اووف مدري خلوني ارفضهم الاثنين ريم وشيخه: لااااا اكيد نجلا :وش بكم ريم :وافقي على طراد والله كويس وابن حلال وغير كذا امه تموت عليك شيخه:صادقه وبترتاحين معه والرجال معروف نجلا :هقوتكم شيخه :توكلي على الله ريم: ثقي بربك واستخيري نجلا :خليني استخير واشوف شيخه: بما انها انتهت حالة الطوارئ خليني ارجع للبيت  قبل تموت امي نجلا :مع السلامه طلعت شيخه وحصلت غرفة بدر مفتوحه تسللت بحرص ودخلت واخذت ورقه وقلم وكتبت (فمن ذا الذي عن حسن ابتسامك يصبر ..ابتسم دوم ) حطتها على سريره وسكرت الباب وطلعو لبيتهم ٠٠٠ اما بدر اللي كان مو داري عن هوى شيخه وجوه جو مع مهره كان منعزل تماما عن زملائه وطول الوقت سوالف معها وبلغها انه بيجي ذا اليومين لدبي بيسلم عليها ويشوفها ويرجع ولا تسألون عن فرحة مهره اللي سكرت وابتدت استعدادتها لجية بدر ٠ ٠ بعد الظهر رجعوا كلهم لبيت ابو عمر وحصلوا امهم مجهزه الغدا علي :يااااااه وش ذا الريحه اللي تنعش ي ربي بدر : يمممه عذاب ام عمر: عاملتلكن شبرك بتاكلو اصابعكم وراها ومحشي كوسا ولا اطيب علي :ايوه كذا خليني اطلع حرتي فيها بدر :عطيني خمس دقايق ببدل وانزل اغوص عمر: بنغوص قبلك استعجل علي : وانا بعد بروح اغسل واجي راح ركض يغسل ورجع ركض اما بدر اللي بغرفته بدل ولبس ونزل ماشاف ورقة شيخه واجتمعوا على الغدا وماينسمع غير صوت التشفيط ٠٠٠ عند طراد اللي كان جالس مع امه وابوه وهو ساكت ابو طراد: سافر ابو عمر طراد: ايه ابو طراد: مارد لكم خبر طراد :لا ام طراد : قال للبنت طراد: ايه ام طراد : وماردت طراد :لا ابو طراد : ومتى بيردون طراد بسهو: ايه ابو طراد :وشو طراد : لا هبده ابوه : وش تقول انت طراد:هاه وش فيك ابو طراد بهواش: لا لا لا عقلك ماهو معك طراد: اسف يبه سجيت ابو طراد : تغد وقم روح نام ازين طراد سكت وكمل غدا وهو كاتم ضحكته على اشكالهم ٠٠٠ عند شيخه ماكان لها نفس للغدا وجلست بغرفتها وهي تفكر في بدر اذا شاف الورقه او لا صارت تقلب بجوالها وترد على الناس اللي هي ساحبه عليهم من ايام الملكه مالها خلقهم وتستنى بدر ٠٠ في بيت ابو عمر خلصوا غدا وجلسوا بالصاله بدر :الله يعطيك العافيه يمه والله لذيذ علي : والله من جد انا احس مالي حيل اتحرك على كثر ماكلت ام عمر: ريتوه مطرح مايسري يمري ومطرح مايأسس يبني بهنا يامو علي :ههههه عمر باقي عايش عمر وهو بالقوه يتنفس: والله امهلوني خمس دقايق ان ما قمت والا دفنوني ام عمر: ييي تف من تمك يامو عمر: مالي خلق اتفل يامو علي:ههههههه اعوذ بالله من حالتك بدر : على كذا ناقصني نومه بس اروح بغيبوبه علي :انا وضعي كذا لا بدبر لي دبره اخف فيها شوي بلاش انام وانا بنفجر كذا عمر : اااه ي ربي قوموني علي :تعال ...وقومه وهو يكلم راشد: روح قول لريم تجهز بنروح البيت ام عمر: لشو رايح يامو ظلك عنا علي : معليش يمه ي دوب ارجع احرك جسمي واتحرك انا بعد ام عمر : الله يخليك يا يامو علي وهو يبوس راسها : يمه ي حبيبي انا مرتب على شغله ضروري اسويها ام عمر : شو فيه علي بأذنها : مسوي مفاجأه لريم بسفرها اسبوع كذا تغير جو وتنسى جدتها شوي ام عمر: اذا هيك الله ينور دربك يامو علي : يلا سلام عليكم طلع وتركهم وراه في حاله رهيبه من كثر ما طاحوا بالاكل ٠٠٠ عند بدر طلع لغرفته واول ماشاف الورقه ابتسم بس تجاهلها اول ماشاف اتصال مهره وسرح معها بالكلام والغزل وحماسها المفرط لجيته وترك شيخه تنتظر اتصاله ولا اتصل وكان ناسي وش هي شيخه واتبع قلبه وهواه ٠٠٠ اما شيخه اللي انتظرت بالساعات لكن ما رد بدر اتصلت على نجلا بتسأل بطريقه غير مباشره شيخه: نجيل هاه وش قررتي نجلا : باقي شيخه: لا يضغطون عليك اخوانك نجلا :لا اصلا علي توه رايح ماقابلته وبدر دخل ونام وعمر تحت ما قابلتهم كلهم شيخه: بدر نام نجلا :اييه شيخه: اها زين اجل فكري وقرري زين سكرت وهي تفكر ليش مارد بدر (يمكن الهوا طير الورقه ولا شافها او جواله مافيه شحن او تعب ونام بيرد ان شاء الله) .. عند علي بعد المغرب اخذ ريم وهو مجهز شناطهم من قبل وطلع فيها وهي تسأل :علي وين بنروح علي بمزح وهو يمثل العصبيه : معاد لنا قعده هنا ريم انفجعت:تمزح صح وش تقول انت وش صار علي :اسكتي لا تناقشيني ريم انصدمت: لي ذا الكلام علي مازال مصر يمثل :ايه لك وارجعي على ورا واسمعي الكلام ريم انصدمت من اسلوبه وسكتت كيف كذا علي اللي كان من جواء يضحك وهو يمثل العصبيه وريم صدقت لما شافت ملامحه والشناط اللي جمعها فجأه وسكتت ولما شافت طريق المطار ماقدرت تسكت:علي وين بتروح وش صار علي التفت فيها وهو يبي يخرعها : بنروح لزوجتي وعيالي ريم دققت فيه بس ملامحه واضح انه صادق (وعلي شاطر بالمقالب والتمثيل وكانت ملامحه فعلا صادقه) علي تكلم:عندك اعتراض ي زوجتي الثانيه ريم تكلمت بصدمه :من جدك انت علي : ليش مو مصدقه ريم دفته : وخر مالي خلق مزحك علي ماكان وده يكبرها بس اعجبه انها صدقت وقرر يزيدها شوي ومسكها من يدها: يدك هاذي لو تمدينها اذبحك سامعه ..دفها بشويش عشان ماتتعور وصد مايبي يشوفها ريم انصدمت وعلى طول بكت على الصامت وناظرته وهي مو مصدقه اعتدلت وجلست مصدومه بصمت دون اي نقاش وكمل علي طريقه وهو وده يقولها امزح بس ماعليه بيراضيها شوي ٠٠٠ عند بدر اللي حجز وخلص وراح لامه وقالها ان عنده صفقة عمل يومين ويبي يصفي مزاجه شوي بعد  ويرجع وسلم عليها وعلى نجلا وطلع وراح للمطار وهو ناسي شيخه تماما وتفكيره مع مهره طلع الطياره وتوجه لدبي ٠٠ عند ابو عمر وفواز واريام كانوا باقي بالطياره باقي لهم ٥ ساعات عشان يوصلون (من الرياض لواشنطن ١٣ ساعه) كانت اريام غافيه على كتف ابوها وهي متمسكه بذراعه وابو عمر كان ماسك كتابه الطبي ويقرأ فيه اما فواز اللي كان متوتر وخايف من نهاية هاذي الشغله وغلبه النوم ونام ولا حس بنفسه ٠٠٠ عند علي كان حزنان على شكل ريم بس قال احسن خليني اخبص قلبها شوي عشان تجي حلوه المفاجأه عند ريم اللي كانت تراقب ظهر علي وهو يمشي قبالها وهي مو مصدقه ان علي يسوي كذا كانت تراقب ملامحه تحاول تلاقي محل للمزح بس ماحصلت انعصر قلبها وخافت يكون جد ركبوا الطياره وهي من الفجعه مادققت ولا تدري وين بيروحون ٠٠ عند شيخه اللي كانوا رايحين لخوالها وكانت طول الوقت تراقب جوالها مو معقوله الحين نايم كان جوها هادي مو عوايد شيخه خالها فارس : شيوخ وش بك شيخه:مافيني شي فارس جلس جنبها:لا لا شكلنا كذا بنكنسل زواجك اشوفك هجدتي وماعاد طلع صوتك شيخه:ههه لا والله بس فيني نوم وانت تعرفني اذا جاني النوم فارس :اعرف اذا فيك نوم تسحبين على الكل وتنامين شيخه: لا عاد عقلنا بعد تهزئ الوالده استمروا فالسوالف والضحك وشيخه مع ذا كله بالها مع بدر ٠٠٠ عند مهره اللي كانت مشتطه ورايحه المطار من بدري وقالت لها ان صديق متعب اخوها بدر جاي والكل استعد وهم عبالهم صديق متعب بس ٠٠ عند بدر اللي بعد ساعتين تقريبا وصل وحصل مهره ومتعب بأنتظاره ابتسم وتقدم وهو يسلم على متعب وعيونه على مهره اللي تبادله النظرات مد يده وصافحها وقلبه يدق دق كان متعب يتكلم لكن بدر مايسمعه وقلبه وسمعه وروحه مع مهره اللي كانت كل فتره تعطيه نظره تجيب راسه ٠٠٠ اما نجلا اللي كانت تحوس وتحوس وتحوس وتفكر في عبد العزيز وطراد كانت حاطه قبالها صوره لطراد وصوره لعبد العزيز وورقه وقلم وتكتب محاسنهم ومساؤهم بس مافاد رمت القلم وقامت وقفت قبال القبله ولفت جلال الصلاه عليها وكبرت وصلت ركعتين استخاره ٠٠ عند ريم اللي ركبوا الطياره ونادى علي المضيفه تسكر لها الحزام عشان يضبط معها المقلب ريم انصدمت هنا فعلا والتفتت لعلي ريم بدموع : وااه لذا الدرجه علي طنشها وصد وهو يحترق من جوا سكتت ريم وصدت عنه وبكت كيف يقدر يطيرها بحبه بعدين يرميها بالغدر والخيانه قلعت الطياره وهي تبكي وعلي صاد ٠٠ بعد خمس ساعات وصل ابو عمر وفواز واريام ارض واشنطن واتصلو على اهلهم وقالوا لهم واتجهوا لمكان سكنهم بقيادة فواز اللي كان حافظ شوارع واشنطن دخلوا الشقه وكانت صغيره على قدهم ٠ كان ابو عمر يقود اريام وهي متمسكه فيه بقوه ابو عمر: اريام يبه وصلنا الشقه ارتاحي اريام: يبه خايفه ابو عمر ضمها: لا تخافين الله معك سمعها فواز من عند الباب وسكت ودخل وسكر الباب وانتبه لابو عمر اللي كان يساعد اريام تنزل عبايتها وتعلقت عيونه بجمال اريام رغم ارهاقها وتعبها وبدون مكياج ماحس بنفسه الا عمه يقول :فواز يبه شفيك ادخل دخل فواز وهو متنح ونزل الشنط بالغرف وطل من الباب وهو يبي يتأكل لملامحها الفاتنه( ما لوم راكان يوم حبك سبحان اللي اعطاها الجمال سبحانه ) طلع من الغرفه وتوجه لعمه فواز: عمي تبي نطلب اكل اكيد جعتوا .. ابو عمر: اي والله ي ابوي اريام ما كلت شي من الصباح ولا حتى بالطياره فواز: زين تبشر اريام الحين نطلب بس وش تحبون ابو عمر: بيتزا هت اريام تحبها فواز: من عيوني كانت اريام متمسكه بأبوها وهي ساكته وخايفه سمعت فواز يكلم وطلب وسكر الخط وقال: شوي ويوصل انتم ادخلوا بدلوا وروقوا عمي هذا هي غرفتك وهاذيك غرفة اريام وانا هاذي غرفتي قام ابو عمر ووصل اريام جوا واعطاها الملابس وصلح لها المويه وقرب لها كل شي ودلها على كل شي وطلع وفواز بعد راح يتروش وابو عمر بعد ٠٠٠ عند بدر اللي كان في بيت ابو متعب وماخذين عليه ويسولفون ويضحكون وهالمره حلف متعب الا يبات عندهم بدر وهاذي جات في صف بدر ومتعب كان بدر ومهره نظراتهم متبادله من تحت لتحت تعشوا وقام الكل ينامون بعد مادلو بدر على غرفته عند بدر اللي تروش ولبس وانسدح على السرير بتعب وهو ناوي يرد على شيخه بس تفاجاء بمهره اللي تدخل له من باب البلكونه اللي مخصصه للغرفه اللي هو فيها انفجع :مهره مهره بدلع : ماسولفت وياك زين قلت حق روحي ايي (اجي) اسولف وياك شويه شو قلت بدر انصدم ولا عرف يرد سحبت مهره منه جواله وقفلته ورمته وجلست جنبه :ايه ماقلت شو رايك بالاستقبال ٠٠ عند شيخه اللي كانت فعلا قلقانه واتصلت على نجلا اللي قالت لها انه سافر ولا دققت على قلق شيخه لانها هي بعد متوتره وقلقانه سكرت شيخه وهي مو مصدقه كيف يسافر ولا يقول اقل شي عبرها بمكالمه هذا وهو رايح على قوله يغير جو رمت جوالها وقررت تنام بس ماقدرت تبي تعرف ليش ما رد وقالت : يمكن يحسبها واحد من اخوانه اكيد يحسبها هم سحبت جوالها ارسلت (كيفك بدر شخبارك قالت لي نجلا انك سافرت افاا كان قلت لي عشان ما اقلق عليك على العموم ترا الورقه اللي بغرفتك كتبتها انا  ابتسم دوم) ارتاحت وسكرت وهي تنتظر رده .. ... عند اريام اللي تروشت وطلعت وحاولت تلبس وخلصت وجسلت ولا عرفت تمشط شعرها مافيه فرشه ونادت ابوها لكن ابوها كان يتروش ولا سمعها فواز اللي خلص وجاء ركض دخل وشافها بقمة براءتها واقفه وباين محتاره: اريام شبغيتي عمي يتروش مايسمعك اريام بخوف : ابي ابوي فواز: بس عمي باقي ما قضى وش محتاجه امد لك اريام برجفه بانت بصوتها: ابي فرشة الشعر من شنطتي ما عرفت وينها فواز :ابشري اتجه لشنطتها وطلع الفرشه وعطاها وطلع وهو يذكر الله على الجمال قضت اريام وجلست سمعت صوت ابوها :اريام يبه خلصتي اريام: ايه يبه مسكها ابوها وطلعها الصاله ووصل الطلب وابتدوا يتعشون وكلهم تعبانين من السفر ٠٠٠ عند بدر اللي كان مو عارف يجلس من التوتر وهو خايف متعب يجي ويلاقي مهره تفاجأ بجرأة مهره وقوتها بس الحب اعمى كان يسولف معها وعيونه على الباب وطلعت مهره بعد ماطلعت روح بدر اللي خاف اخوها يطب عليهم انسدح بدر بتعب ونام ولا شاف جواله ٠٠٠ عند شيخه قالت اكيد نايم وجلست تتابع لها فيلم وبعدها نامت دخل عليها ابوها وحصلها نايمه وسكر الانوار والتلفزيون وطلع وسكر الباب وهو مستغرب هدوء شيخه الملفت ٠٠٠ عند علي اللي وصلوا للمكان اللي يبونه والتفت لريم اللي نامت من التعب ونادى المضيفه تصحيها وصحت ريم وتجمعت دموعها في عيونها لما شافت المضيفه تصحيها مو علي اللي صاد قامت واخذت اغراضها ونزلت بضيق وكانت تراقب علي اللي يخلص  الاجراءات وجه للحين بصرامته عورها قلبها من انه صدق يكون عنده زوجه وعيال وخافت شافته متوجه صوبهاا وهو نظرته حاده عند علي اللي ماعاد قوى التمثيل بس قال بكمل اللي بديته اشر لها وركبوا التاكسي ووصلو الفندق ودخلوا جلست ريم على اول كرسي واجها وهي تنتظر زوجة علي وعياله تكلمت بهدوء وهي مليانه دموع : وين حنا علي التفت لها : في قلعة وادريد مو شغلك ريم انصدمت وناظرته وهي تدقق بعيونه : انا علي : ما اظن فيه غيرك انخمدي ونامي ولا اسمع حسك ريم بدلت وهي تبكي وانسدحت ونامت وهي تشوف علي اللي جاء بجنبها وانسدح واعطاها ظهره عجزت تتكلم معه وطول والوقت تبكي لين غفت علي اللي كان ياكل نفسه ويدعي ان ربي يصبره ارتاح لما نامت والتفت وباس راسها (وربي اسف وربي ) رجع نام وهو مو متعود ينام وريم مو في حضنه ٠٠ ٠ الصباح عند علي صحى من الصبح وكان يكلم فريق متفق معهم لمفاجأة ريم وصحت ريم وسمعته يكلم بس مافهمت لانه يرطن رطن انقلش وريم مو ذاك الزود باللغه وهي ماتدري هم وين ولا في أي ديره انتبه علي اللي التفت وقال بحده : اشوف اعجبتك النومه فزي على حيلك ماشين يلااا ريم اللي انفجعت من صراخه وخافت من انقلاب علي هذا وطول الوقت وهي تبكي لبست وجهزت وطلعت وهي تبكي وعلي واقف وكان لابس شورت كحلي وتيشرت ابيض ورافع شعره بنظراته صدت ببكى وهي ماتبي تشوفه .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ③② 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼