الفصل 20
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ⓪②🌱
🍒ـــــــــــــــــــــــــــــــــــــ🍒
نجلا : بدير وش ذا الجمال مبروك
وراحت تسلم عليه وبادلها الحضن وهو يقول :عقبالك ي نجيل
نوره :يلا تعال
دخل بدر وهو متوتر بعد واول ما رفع راسه واول ما شافها انصدم متغيره حيل مو شيخه اللي يعرفها شافها ترجف واضح انها مرتبكه ثقلت خطواته وعجز يتقدم بلع ريقه وتنفس بعمق وبعدها تقدم وهو يمشي بشويش ماعرف وش يسوي وانفجع لما سمع صوت علي وراه : بسم الله عليك هونك على عمرك
بدر:الله يهديك
علي:هههههه شفت شفت إنا مانعطيك الا شي كويس
بدر:علي اطلع وفكني شرك
علي اللي تقدم لشيخه وهو يضمها :يوه ي زينهم الحلوين العاقلين يمه انا يمه
جاء بدر وسحبه بالقوه ودفه وهو تلفانه اعصابه
علي : شوف بدر اول شي بوس راسها تقديرا واحتراما
بدر ناظره بنص عين اما شيخه بغت تتوفى تقدم بدر اللي رغم ان علي غاثه بس انقذه من الحيره قرب وباس راسها وبارك لها بس ماسمع اي رد من شيخه
علي : ياالله اول مره ما اشوف شيخه ترد جعل بدر للجنه
شيخه اللي مافكرت حتى ترفع راسها وهي تدعي بنفسها وتسب ريم اللي ما اخذته
نجلا : يلا الحين الزفه
بدر:توكلنا على الله
علي:هههههههه مسافر انت
بدر:سامجه انقلع من هنا
نجلا اللي سحبت علي تسحيب ونزلته تحت وراح وقف جنب ابوه وابو ناصر وبعد شوي ارتفع صوت الموسيقى وتقدمت المصوره وتسلطت الاضاءات على الدرج والانظار ونزلو الكل ووقفوا تحت وهم فرحانين كلهم بشيخه وبدر
بدر ماعرف وش يسوي بس انقذته نجلا اللي قربت وحطت يدينهم بيدين بعض ورفستها شيخه وشافها بدر وانفجر ضحك وشيخه تفشلت شد بدر على يد شيخه البارده وهو فرحان ويتمنى شيخه دايم كذا اما شيخه اللي قلبها يدق دق مو طبيعي ارتجف قلبها لما حست بيد بدر بيدها وامتلى الجو ريحة عطره الهادي مثل شخصيته وابتسامته الحلوه نزلت راسها وهي مو مصدقه اللي يصير
٠
٠
سمعوا صوت الموسيقى وسمعوا التصفير وصوت علي بينهم اللي كان اقوى تصفير وتصفيق وكلهم يبتسمون لعلي اللي ماهو معطي فرحته لاحد كملوا طريقهم ونزلوا ووصلوا للكرسي المجهز لهم والترتيب الحلو وقفوا شوي بحيره وتقدمت نجلا اللي قربت اطقم الشبكه اللي كانوا ماسكينها(حور وجنان بنت عمر وبنت نوره) ماسكين خداديات سودا عليها الاطقم تقدم بدر والمصوره تصور اخذ الطقم ولفت شيخه وبدا يلبسها والصراخ وغطى على صوت الاغنيه ولبسها الشبكه كامله ورجع باس راسها قدمت نوره الدبل واخذها بدر ولبسها وارتخى باس يدها وشيخه شوي ترمي كل شي وتنحاش من الاحراج عمرها ما توقعت يصير لها زي كذا انتبهت على نجلا اللي دقتها وهي تعطيها الدبله ارتجفت وهي تاخذ الدبله وطاحت وابتسم بدر ما حب يحرجها وقال: طاح الشر (عشان يطمنها)
رفعت نجلا الدبله وعطتها شيخه اللي دخلتها وهي ترجف وجو ابو عمر وابو ناصر يسلمون وسط التصفيق
سمعوا صوت علي:وخروا ببارك لاخواني
تقدم علي اللي تعمد يضم الاثنين مع بعض شيخه بكتف وبدر بكتف :مبروك الله يتم لكم على خير
بدر:يبارك فيك ي علوش
علي :وين صوت شيخه
شيخه كانت ساكته
علي :ما بوخر لين تقول شيخه
وجلس ضامهم اللي تكلمت شيخه: الله لايبارك فيك
علي وبدر انفجروا ضحك عليها وواضح انها ماتدري وش تقول
تفشلت شيخه وماتت بمحلها وابتعد علي اللي وقف على جنب وشاف الكل جو يبارك طلعوا ابو عمر وابو ناصر وتركوا علي مع بدر بعد السلام والمباركات طلعوا بدر وشيخه فوق عشان التصوير وعلي اخذته ريم معاها ونجلا اللي عجزت من يدها تكمل وجلست
٠٠٠
عند علي اللي اخذته ريم بالقوه وهي تدري انه مابيخلي شيخه واخذته عشان مايأذي شيخه ويحرجها اكثر دخلت غرفة الضيوف وسكرت الباب ريم : وحشتني والله شفيك
علي وهو يضمها:وانتي وحشتيني اكثر
ريم: لاا لا مو واضح ابدا
علي:ليش
ريم: لو انك فعلا اشتقت لي كان دورتني دقيت علي وارسلت (هي كان قصدها تلهيه بالكلام)
علي :هذا مايعني اني ما اشتقت
ريم: اجل كيف اعرف انك اشتقت
علي وهو يقرب لها وهو مغمض ويهمس : تقدرين تسألين قلبي
ريم بهمس : كيف
علي اخذ يدها وحطها على قلبه: بتقولك دقاته اذا اشتقت او لا
ريم اللي انقلب عليها سحرها وهي تحس بدقات قلبه السريعه
علي وهو يحط راسها براسها :هاه اشتقت والا لا
ريم : وكثير بعد ..
انفجع وحس على الضرب اللي بالباب اللي وراه :بسم الله مين ذا
ريم اللي انفجعت وتذكرت ان صيته هنا وضحكت: لا تخاف هاذي صيته
علي :وش جابها هنا
ريم :ههههه اعلمك اذا رجعنا البيت
علي :وش صار ي ريم اصلا ماشفتها بالمل.....
سكت لما حسها مسكت يده وهي تضحك وطلعته من الباب اللي يودي قسم الرجال وهي تضحك سكرت الباب وراحت وهي تشوفه ماهو معها ..
اما عند بدر وشيخه اللي دخلوا المجلس وكل واحد منحرج من الثاني دخلت المصوره وكانت مصريه ردت السلام وردوا عليها بدت توصل اغراضها وبدر محتار مايدري وش يقول او يتكلم وش
يخه انتهت خلاص تعبت كثير اللي صار جلسوا وشغل بدر المكيف وهو بيموت من التوتر والحر نطق ومايدري وش نطق بس لازم يتكلم: شيخه شلونك
شيخه اللي بطلت تفهم وحست وشلونك اختبار رياضيات والا عرفت ترد تكلم بدر وهو مبتسم:انا الحمدلله بخير
شيخه انلخمت وتذكرت علي دايم اذا ماقالت له وشلونك يقول ذا الجمله وتفشلت وسكتت بدر وهو باقي مبتسم : ان شاء الله انها بداية خير في حياتنا كلنا ويسخر ربي لنا اللي فيه الخيره
شيخه بالقوه نطقت وقالت :امين
بدر لا ارادي :اوه اخيرا
شيخه تفشلت وقطع عليهم المصريه : يلا ي عرسان مستعدين
بدر: ان شاء الله يلا شيوخ
شيخه كانت بتقوم بس تسمرت من الدلع ورفعت راسها له
بدر :مستعده والا ننتظر شوي
شيخه انجلطت تماما عمرها محد سألها كذا هي اللي كانت تقتحم الاجواء وتسوي اللي تبي فجأه بدر :شيخه جاهزه
قربت المصوره :قاهزه قاهزه ي عريس بس شوية دلع
وهي تسحب شيخه توقف
ناظرتها شيخه وبطرف عين وهي تسحبها ودفت يدها :نعم اشتغل عندك
بدر ابتسم لشيخه :حصل خير ..
وجه كلامه للمصوره : خفي شوي الدنيا ماهي طايره
المصوره:اسفه ي باشا اصل اناا
بدر قاطعها: خلصنا مانبي تبرير
قامت شيخه اللي قفلت معها منها وهي ودها توطى في بطنها وقفت جنب بدر وابتدا التصوير وكانت المصوره جريئه ورفضت شيخه وبدر كثير من الصور اخر شي طلبت المصوره شيخه تجلس بحضن بدر عشان تصور لكن هيهات انفلتت عليها شيخه :نعم نعم وش تحسبين انتي
بدر : وش في راسك هاه لا احسن شي قولي تفصخوا
انبرشوا عليها الاثنين وكلهم مقهورين منها وهاذي اول نقطه
المصوره:معليش بس دا حلال
بدر:وانتي وش دخلك حلال حرام مصيبه وش دخلك اطلعي اشوف اطلعي
شيخه نست نفسها: بعد هذا اللي ناقص يالبرميل
بدر التفت لها ورجع التفت للمصوره المليانه وانفجر ضحك وطنقرت المصوره وطلعت وهي تهاوش وبدر وشيخه ييضحكون بعد شوي انتبهت شيخه وتفشلت من بدر
بدر :ههههه الله يسامحك ي شيخه وش ذا القصفه
شيخه تحاول ترقع: قهرتني
بدر وهو يقرص خدها بعفويه لانه تعود على نجلا : ماعاشت والله اللي تقهرك لا ابوها ولا ابو تصويرها
تجمدت شيخه وطارت عيونها وهي تشوف حركته وضحكته
حس بدر على نفسه ووقف ضحك وهو يشوف نجلا داخله :وش صار
بدر وشيخه :وش صار
نجلا :وش فيها المصوره
بدر جلس :قليله ادب
شيخه:وماتستحي
نوره :ليش
بدر:اسف اتحفظ ماودي احرجكم
شيخه:وانا بعد
نجلا : خير تبونها تخرب صوركم
بدر :تجرب
شيخه:اذا فيها خير تسويها
نوره :نعم وش ذا العربجه
بدر: ماهي عربجه حق
شيخه: صادق
نجلا:اشوفكم صفيتوا مع بعض
بدر وشيخه اللي انتبهوا ورجعوا تفشلوا
بدر :خلصنا موضوع خالص
نجلا :خليني اروح اكلمها يلا
بدر: مع السلامه
نوره: انت اللي مع السلامه يلا
بدر :وين
نوره:عند الرجال تراك مره فليتها اقلب وجهك خلصت
بدر: وين خلصت باقي
نوره: نعم تراها ملكه باقي الزواج ماجاء
تفشل بدر من نوره اللي فشلته وطردته برا وهو وده يقعد بعد
رجع لشباب وهو ضايق
علي :هاه جيت ما طولت
ناصر:شكلهاا شيخه كفت ووفت
فواز:وجهه كذا يقول
بدر: لا بس نوره النفسيه شاتتني
عمر:هههه كفو عليها ليش
بدر:نفسيه
علي :نفسيه والا انت اللي تعلقت
تركهم بدر اللي دخل جوا يتقهوى وهو يفكر بشيخه اللي كانت قمة النعومه والجمال والروح الحلوه
٠
٠
اما عند البنات اللي كانوا متجمعين على شيخه :وش صار
شيخه: وش دخلكم
نجلا : وش اقولكم عشان اقولكم تخيلو بس متطاقه هي وبدر مع المصوره عشانها قالت لها اجلسي بحضن بدر
البنات انفجروا ضحك وشيخه انحرجت
فوزيه :وش تحس
نوره: والله ماهي صاحيه عاد بدر مره لا
اريام:لو قالت لعلي لعبيد ايه اما بدر
ريماس :وش فيها يعني
ريم:هههههه تخيلي بس يمه
شيخه: وربي بغيت انتفها
نجلا :فاتت علي وربي لاقوله
شيخه :والله ي نجلا اذا تكلمتي لذبحك
نجلا : والله لقول
نوره:عاد علي خلقه مغسول وجهه بمرق مايعرف الحيا
نجلا :من جد والدليل اليوم
خلود: هههه بالله ي شيخه وش شعوركً
شيخه:لا تسألون انا انتهيت خلاااص
رهام: باقي قبالك يوم الزواج الجلطه جد
البنات :يووه
شيخه:لعنه فارقوني ابي انام من امس مواصله
نجلا :مو من جدك
ريم: شيخه لو تدري بس وش كان بيسوي فيك علي
البنات :وشو
ريم:هههههه تخيلي جايب معاه علبة فيمتو وعلبة عصير طماطم بيكبها عليك
البنات: لااااااا
شيخه: يمه زين انك مسكتيه الله يسعدك
رهام :يمه شذا المزح
نجلا :يوه هذا نقطه من بحر ..
شيخه:لو سمحتوا فارقوا بنام خلاص اغمى علي انتهيت
حاولوا البنات يمنعونها بس طردتهم كلهم وقفلت الغرفه وبدلت وتروشت وانسدحت بس ماجاها نوم واحداث اليوم تنعاد قبالها
٠٠٠
عند البنات اللي نزلوا تحت وحصلوهم حاطين العشا
نجلا :اوووف مسرع جات الساعه ٢
ريييم :الوقت سريع
نجلا :انا مالي نفس بروح ابدل زهقت
ريم: انا بروح بس اسد جوعي
راحت نجلا للغرفه تبدل وهي موجوعه خلاص من يدها
وريم راحت تتعشى ونست صيته
٠
٠
اما بدر اللي فضى للعيال واستلمهم واحد واحد تمحيط بالعقال
وبالقوه جلسوه وهو فيه طاقه مو طبيعيه
علي : ااااه انت اخذت جرعه وجيت
طراد:الله لا يعطيك العافيه لو دارين ما زوجناك
ابو عمر:انتم اللي مأذينه
الجد : عقبال ما نشوفك عريس ي طراد
طراد طرت له نجلا وابتسم :على خير
ناصر:تمو على عشاكم حياكم الله
قاموا الكل يتعشون
٠٠٠
في بيت ابو عمر اتجه كل واحد لغرفته وكل واحد له تفكير
بدر اللي كان اليوم اسعد يوم له ما توقع ابد جماله بيكون كذا تروش ولبس وانسدح وهو يفكر ببكره واليوم والجاي ومسبتشر خير
اما اريام اللي كانت تبكي راكان اللي رجع وجدد جروحها وتركها متحطمه وفاقده بصر
ونجلا اللي كانت تفكر في اليوم كله ويدها منكده عليها عيشتها
٠٠٠
عند علي اللي وصل وهو يحكي ريم وش صار وريم تضحك عليه اول ما دخل توجه للحمام
٠٠٠
اما طراد اللي رجع وهو تارك قلبه في بيت ابو عمر طلع لغرفته بهدوء غريب اثار شك امه وابوه بدل وتنظف عن القرف اللي عليه وانسدح وهو يفكر بذا اليوم (والله طلعت ي علي اخو نجلا فعلا سبحان من خلقها لو فكرت بعمري كله ما توقعت مثل ذا الصدفه انا وين وهي وين قال ايش قال اتزوج اريام بلا اريام بلا بطيخ احد يخلي نجلا واللي وش زينها ...حس بنفسه...خيييير. ي طراد اشوفك قمت تتطاول على عرض اخوك اعوذ بالله من ابليس اعوذ بالله انقلب وهو يحاول يشتت انتباهه ولا يفكر فيها لانه يحس انه يخون علي
٠٠٠
اما في عند العمه ساره اللي ماباتت ليلها وهي تبكي كيف اليوم ملكة ولد اخوها وبنت اخوها ولا حضرت من سواد وجه عيالها من اليوم اللي قال لها عبد العزيز اللي صار وهي ساكته ولا ترضى تكلمهم قامت تدور بالبيت وحصلت عبد العزيز صاحي
عبدالعزيز: يمه فيك شي
ساره جلست بتعب : فيني اخوانك ي عبد العزيز فيني الذل فيني سواد الوجه
عبد العزيز جلس عند رجولها: لا وربك لا ماعاش اللي يذلك
ساره: اخوانك ذلوني
عبد العزيز :الله لا يسامحهم يمه انتي لا تضيقين
ساره: كيف ما اضيق كيف وانا غريبه عن اهلي بفعل اخوانك
عبد العزيز :ما انتي غريبه بس المسأله وقت
ساره : من له وجه يقابلهم بعد فعل اخوانك
عبد العزيز : معليش يمه معليش بكره ينسون وننسى
ساره :اللي انكسر ما يتصلح
عبد العزيز : بنصلحه يمه بنصلحه
قامت ساره وراحت لغرفتها وهي ما زالت تبكي اما عبد العزيز اللي اشتعل في جوفه نار من دمعة امه وطلع من البيت وهو ضايق
٠٠٠
في بيت ابو مشعل كانت الاسعاف هناك وشايله ام محمد اللي تصارع الموت واخذتها للمستشفى وكانت حالتها سيئه جدا وابو مشعل محروق بيروح مع امه بس كيف يروح ومشعل محد يدري عن اراضيه وام مشعل ماطقت خبر
٠٠٠
اما نجلا اللي ماقدرت ابدا تنام من يدها وقامت وهي تبكي وراحت تدور مسكن بس ما حصلت توجهت لغرفتها وهي مو حابه تزعج احد الكل تعبان بعد الملكه حاولت انها تعدي الليله بس ماقدرت وقامت وراحت لغرفة امها وابوها دقت الباب ماجاها رد ورجعت دقت ماجاها رجعت لغرفتها وهي غرقانه بدموعها اما بدر اللي كان صاحي مانام ينتظر الفجر سمع دق باب وقام ماشاف احد بس سمع صوت بغرفة نجلا وبابها مفتوح تقدم وهو يسمع صوت احد يبكي طل براسه وحصلها منسدحه وتبكي انفجع وركض لها :نجلا نجلا وش فيك
نجللا وهي تبكي : يدي ي بدر
بدر ناظر ليدها وحاول يحركها بس صرخت انتبه بدر على كدمه بيدها : نجلا وش ذا من ايش
نجلا ببكي. :طحت عليها اليوم
بدر:من متى توجعك ليش ماتكلمتي
نجللا :قلت بتعدي بس ماعدت توجعني حيل ي بدر
بدر مسح دموعها :معليش بسيطه قومي البسي عباتك
ساعدها بدر تلبس عباتها وراح هو يبدل ورجع سريع واخذها وطلعوا المستشفى وسط بكى نجلا وصلو ونزل بدر ونجلا لطوارئ واستقبلوها وشخصوها وقالوا لها انه كسر بسيط في الذراع وجبروه لها وهي بس تبكي وبدر يحاول يهديها بس مافيه امل بعد جهد وجهيد خلصوا منها واعطوها علاجات وطلعت وهي تبكي للحين
بدر: نجلا ي خوافه وش ذا البكي كله
نجلا ببكي: عشانك ما تحس
بدر : معليش ما احد يلومك بس خلاص وقفي بكى سكنوها لك
نجلا سكتت
بدر: كيف طحتي
نجلا تورطت : كنت نازله من الدرج وطحت عليها
بدر: ولا احد انتبه لك
نجلا : الا بس توقعناها خفيفه
بدر :خير ماهي مشكله ..
وصلوا البيت ونزلوا وكان الفجر يأذن طلعوا وقابلهم ابوهم
ابو عمر بفجعه: نجلا وش فيك يبه
نجلا : ولا شي يبه بس طحت على يدي وبدر وداني المستشفى
بدر: ايه يبه دقينا عليكم ما احد يرد وديتها
ابو عمر قرب من نجلا : اشوف
نجلا :بسيطه يبه
بدر : قالوا كسر بسيط شعر يعني
ابو عمر :الله يهديك من يوم شفتك طايره رايحه جايه حسيت بيصير لك شي
نجلا :سليمه ان شاء الله
بدر : خلونا نطلع قبل تجي امي وتنفجع
ابو عمر:لا تطلع انت ارجع للمسجد
بدر: ابشر
نزل عبيد اللي كان يمشي وهو نايم ولا انتبه لنجلا ولا ليدها ونزل ومسكه ابوه:وجع ان شاء الله انت رايح لي بذا الحال للمسجد
عبيد:وش فيه يبه
ابو عمر: صحصح وغسل وجهك زين والحقني لا يكبر الا وانت موجود
عبيد : ان شاء الله
راح ابو عمر وبدر لصلاة وبعد شوي لحقهم عبيد اما نجلا الل
ي دخلت غرفتها وصلت ونامت من التعب
٠٠
اما ابو ناصر اللي كان طول الليل يسمع صوت خبط تحت وطنش وهو ماوده يخوف عياله اما العيال اللي كانوا بيموتون من الخرشه عبالهم جني
ام ناصر:لا تروح ي ابو ناصر
فوزيه: ايه يبه تكفى
ريماس : يمممممه
فواز: يبه لا تروح
ابو ناصر راح وتركهم ولا سمع لهم وفتح باب قسم الضيوف والدق كل شوي يزيد فتح باب الغرفه ودخل والكل مرعوب ويراقبه وفتح الباب الفاصل اللي الدق صادر منه وهو مغمض والكل برا يرجف طلعت صيته:حسبي الله عليكم حسبي الله عليكم
انفجع ابو عمر من شكلها :مين انتي
صيته:ماعاد عرفت اختك
انفجعوا كلهم من شكلها ابو ناصر: وش جابك هنا ي صيته
صيته : وش جابني قفلتوا علي ياللي ماتخافون الله الله لا يتمم لكم ولا يوفقكم الله ينتقم منكم ودوني لابوي الحين
دق ابو ناصر على السواق يوديها وهو مفجوع منها ومن قفل عليها طلعت وهي تحسب وتدعي وركبت وراحت لبيت ابو عمر
ابو ناصر مسك عياله واحد واحد :من قفل عليها
الكل حلف انهم ماقفلوا ولا يدرون عنها وبعد احلاف ايمان صدق ابو ناصر :ما فيه الا شيخه وينها
ام ناصر :نايمه
فوزيه :لا يبه وربي مو شيخه شيخه طول الوقت فوق ولا نزلت وبعد الزفه نامت
ابو ناصر: اجل من
ناصر :علي يمكن
ريماس :من جد محد يتجرا يسويها الا علي
ابو ناصر: هالعلي ما يخلي مشاكله امشوا نصلي يلا
طلع ابو ناصر وعياله للمسجد وهو يفكر بحال صيته المزري
٠
٠
اما عند ام محمد اللي كانت حالتها سيئه وكانت بالعنايه ولا معها احد
الطبيب صلاح :وين اهلها ما معها احد
الممرض :لا وصلها لنا الاسعاف وراحوا
الطبيب صلاح :لا حول ولا قوة الا بالله كيف نسوي الحين
الممرض :ننتظر لصباح ما باليد حيله
صد صلاح وهو يرفع جواله ويرد:هلا مشاعل
مشاعل :كيفك
صلاح:كويس انتي كيفك
مشاعل: الحمدلله متى راجع
صلاح :كنت بطلع بس جات لي حاله تكسر الخاطر
مشاعل :ليه
صلاح :عجوز ي مشاعل رايحه فيها وباين انها تعبانه حيل رماها الاسعاف وراح ولا احد معها ولا احد جاء
مشاعل:لا اله الا الله وش بتسوي طيب
صلاح:بتواصل مع الاسعاف واخذ العنوان عشان اروح لهم ضروري احد يكون موجود
الممرض :دكتور صلاح
صلاح:هلا
الممرض :جبنا عنواًن الخاله من الاسعاف
صلاح : طيب امليني خليني اكتبه واطلع لهم
الممرض املئ العنوان على صلاح كانت مشاعل على السماعه وتسمع العنوان فجاءه صرخت وهي تقول:لا لا لا ي صلااااح لا
صلاح انفجع واعطاء الممرض الورقه:وش فيك
مشاعل :عيد العنوان ي صلاح عيده تكفى عيده
عاد صلاح العنوان وزاد صراخها :تعال اخذني من البيت بشوفها بشوفها
صلاح انفجع ولا يدري وش السالفه وراح لبيته اللي كان قريب من المستشفى وجاب مشاعل اللي تبكي ومنهاره اتجه بمشاعل للعنايه ودخلها بعد مالبسها اللبس الطبي دخلت وهي ترجف واول ما شافت ام محمد بكت وطاحت
صلاح سندها:مشاعل وش فيك وش صار
مشاعل وهي تبكي ماسكه قميص صلاح: هاذي جدتي جدتي ي صلااااااااح
صلاح نزل عليه الكلام مثل حد السيف :كيف
مشاعل: ماقلت ان عندي جده هاذي هي
بعد شوي حاول صلاح يسند مشاعل ويبعدها وهو يستوعب الصدف العجيبه اخذها وجلسها بالاستراحه وهو يهديها بس من غير فايده
٠٠
في بيت ابو عمر صحوا على صوت الضرب على الباب ونزل ابو عمر يفتح وهو مفجوع حصل صيته بوجهه دفته ودخلت:وين ابوي وين ابوي
ابو عمر:وش بك ي صيته
صيته: وش مافيني وين ابوي
طلع الجد من ورا وهو مفجوع :وش فيك ي مجنونه
صيته: طبعا نايمين ولا سألتوا عني ولا تدرون ويني
ابو عمر :وين كنتي
صيته :وين كنت كنت محبوسه في الحمامات ورحتوا ولا سألتوا
حاولوا يفهمون منها وقالت لهم اللي صار معها والكل استغرب من ذا الفعله وحاولوا يهدون الوضع بس صيته ما هدت وراحت ركض ع الحمام وترجع (الله يكرمكم ) لحقها ابو عمر وحاول يساعدها ..
بس ماخلته وبعد ما تعبت طاحت وهي مسخنه وترجف واخذها ابو عمر وهو يشوف قد ايش تعبانه شالها وع المستشفى على طول ومعهم الجد حاكم دخلوها الطوارئ وبدا ابو عمر يشخصها وحصل عندها تسمم وابتدا يعالجها
الجد :وش فيها
ابو عمر:بسيطه يبه شكلها صيته مخبصه باكل اكله شي مكشوف وتسممت لكنها كويسه وتعبت على كثر مارجعت الله يكرمك الحين بس اعطيها العلاج والسيروم وبتكون كويسه
الجد: انا مدري كيف حضها ذا البنت
ابو عمر :سهالات يبه سهالات
جلس الجد عند صيته وراح ابو عمر يباشر عمله
الدكتور صلاح:دكتور عبد الرحمن
ابو عمر:هلا صلاح كيفك
صلاح:تمام كيفك انت
ابو عمر:كويس امر
صلاح :لا بس عندي مريضه كبيره بسنها وقالوا لي انك مشرف عليها معي
ابو عمر:ايه ابشر الحين اخذ الملف والحقك
صلاح :زين
رجع صلاح لمشاعل اللي مارضت تروح البيت وهي طول الوقت تبكي :مشاعل قومي روحي البيت رنا ماعندها احد جالسه مع الخدامه لوحدها(بنتهم)
مشاعل: لا بجلس عند جدتي
صلاح :جدتك بخير والحين بيشوفها دكتور شاطر وان شاء الله تقوم
مشاعل: لا لا بجلس
حاول صلاح يخليها تروح بس رفضت عجز ورجع لغرفة ام محمد
ابو عمر اللي اخذ مل
فها واستغرب مافيه اسم وتوجه لصلاح
ابو عمر:دكتور صلاح بيانات المريض مو كامله
صلاح :اصل هي جابها الاسعاف ورماها وراح ما معها احد
ابو عمر: ولا احد
صلاح :في الحقيقه انا معي عنوانهم والرقم اللي تصلوا منه بس ادق محد يرد
ابو عمر:اعطيني اشوف
مد صلاح الورقه لابو عمر اللي صعق لما شاف العنوان والرقم :كم عمر المريضه
صلاح:ماندري بس كبيره بعمرها
ركض ابو عمر ودخل وعرفها ورجع مسرع وهو يدق على ام مشعل بس ماجاه رد شاف حالتها قد ايش سيئه واحتمال كبير ما تعيش مرت الساعات وابو عمر وصلاح يحاولون يعالجونها بس ماقدروا سمعوا صوت الاجهزه وفزوا كلهم وكل واحد مايدري وش يقرب الثاني لام محمد حاولوا يسعفونها بس ما قدروا وتوقف قلب ام محمد ..........
ابتعد ابو عمر بنهيار وهو يفكر بحال. ريم وابتعد صلاح اللي حاول ينقذها عشان مشاعل بس ماقدر جلس ابو عمر وهو يهمس : ي ويل قلبي عليك ي ريم
سمعه صلاح:تعرفها ي ابو عمر
ابو عمر :كيف معرفها كيف
صلاح :وش تقرب لك
ابو عمر : زوجة عمي وجدة زوجة ولدي
صلاح : من هي زوجة ولدك
ابو عمر :ليش تسأل
شرح لها صلاح كل قصته مع مشاعل لين اليوم وابو عمر مو مصدق اللي صار
ابو عمر: كيف ي صلاح كيف وين مشاعل
صلاح :مشاعل هنا
فز ابو عمر :وينها
اخذ صلاح ابو عمر لمشاعل اللي كانت تبكي وفزت :صلاح وش صار لجدتي تكفى
صلاح صد وهو متأثر خلاص
ابو عمر:مشاعل
مشاعل :عمي ابو عمر
ابو عمر: وين ايامك يبه ليش ما رجعتي
مشاعل :ارجع لمين
ابو عمر:لاهلك
مشاعل :اي اهل اللي رموني
ابو عمر :مهما صار هم اهلك
مشاعل بكت : كيف جدتي
صد ابوعمر وهو يمسح دموعه: تطلبك الحل يبه
صرخت مشاعل ومسكها صلاح وهي تبكي وتلطم خذها حاولوا يهدونها بس عجزوا تركهم ابو مشعل واضطر صلاح يعطيها مسكن راح ابو عمر وهو يبكي مسح دموعه راح يدور ابوه حصله طلع هو وصيته جلس وهو منهار سمع صوت اذان الظهر وقام يصلي وهو مايدي كيف يبلغهم بالخبر
٠٠٠
امما علي اللي صحى على ريم وهي تصحيه
علي :وش فيه ي ريم تونا بدري
ريم :لا مو بدري قوم صل وخلينا نروح بيت عمي
علي :وش ذا التمسيكه الغلط وش تبين في بيت ابوي
ريم :قوم صلي وخلاص
علي رجع ينام وصحته ريم من جديد وهي تسحبه لين جلس :علي قوم بنروح لنجلا تعبانه
فز علي :وش فيها
ريم بهدو:امس طاحت على يدها وانكسرت كسر بسيط شعر يعني
علي :وشو متى وكيف
ريم:طاحت من الدرج ووجعتها يدها توها كلمتني وقالت لي
علي :جبروها
ريم :اكيد ي علي يلا قوم
فز علي واسرع للحمام وهو يتروش ويتوضي وطلع وصلى وركض يلبس وهو كل شي عنده الا نجلا مايصيبها شي حتى ألم الضرس يخاف عليها منه لبس وركض لريم اللي كانت جاهزه ولبسوا وطلعوا لبيت ابو عمر
٠٠
في بيت ابو عمر كان عمر واهله هناك ونوره والكل متجمع عشان نجلا
عمر: كيف طحتي انتي
نجلا :طحت من الدرج
عمر :وليش طايره كان ركدتي
نجلا :اوف طحت غصب علي وش اسوي
عمر :عدت سليمه الحمدلله
الكل كان يعاتب نجلا على سرعتها ومحد يدري بالسبب الحقيقي دخل علي مسرع :نجلا
قامت نجلا : هلا
علي تقدم وهو يمسك يدها:وش صار لك
بدر: تطمن ي علي حاجه بسيطه ماله داعي القلق
علي :وليش جبروها
بدر: عشان في شعر بالعظم وعشان كذا جبروها
علي ضم نجلا :سلامات ي حبيبي
نجلا :الله يسلمك
علي :وانتي ليش ما انتبهتي لنفسك
نجلا:والله غصب عني
ام عمر :الله يبعت لن حمى روحوا لبنتي ايدا
عمر:من هم يمه
ام عمر:الحريم
علي :ليش
ام عمر:اكيد عاينوها اكيد اكيد طرقوها شي عين ..
نوره:لا حول ولا قوة الا بالله يمه مايصير كذا
ام عمر :ي عليه عليكي ي بنتي
سكتوا الكل وهم يسمعون امهم تدعي
الجد :مايصير ي ام عمر خلاص
سكتت ام عمر واشرت ريم لعلي انها بتسلم على نجلا
علي : ي عيال ابعدوا شوي ريم بتسلم على نجلا
ابتعدوا العيال وتقدمت ريم وسلمت على نجلا وجلست جلسوا كلهم
عمر :وربي اني جوعان بشكل
علي :لا تسال حتى انا
الكل :كلنا
ام عمر: معليش بدنا نستنى ابو عمر لحتى يرجع
علي : وش مسويه يمه
ام عمر :كل شي طيب
جلسوا يسولفون ويستنون ابو عمر
٠
٠
اما ابو عمر اللي رجع وهو مايدري كيف يبلغ علي يبلغ ريم ارتجف داخله وهو يتخيل وش ممكن يصير خلص كل إجراءات ام محمد ودخلها الثلاجه وجاء وصل البيت وهو يشوف سيارات عياله كلهم فيه وقف شوي بس وهو يستجمع نفسه ودخل
ابو عمر:السلام عليكم
الكل :وعليكم السلام
تقدم علي وعمر يسلمون على راس ابوهم ابتعدوا وجلس ابو عمر ومزاجه واضح مو كويس
ابو عمر : نجلا كيف يدك
نجلا: الحمدلله يبه كويسه
ابو عمر:كيف صيته يبه
الجد ماعليها هاذي هي نايمه
عمر :وش فيك يبه
ابو عمر : ولا شي
بدر بهمس :عليان وش فيه ابوي غريبه
علي:اكيد حاصل شي بالمستشفى
بدر :ضيقته ما تطمن
علي : ياخي فكنا من التشائم
راشد ركض وجلس بحضن ابوه:بابا انا صرت كبير واصلي ليش ما اخذتني معك المسجد
ابو عمر :بكره اخذك معي ي باابا
راشد: بس انت قلت اليوم
ابو عمر: خلاص نسيت بكره اخذك
راشد: لا لا ابي اعالم القصص والروايات 📚:
روح معك الحين لصلاة العصر
ابو عمر:خلاص طيب روح مع بدر
راشد:مابي بدر
بدر:وليش ان شاء الله
راشد:ابغى بابا بابا اخذني معك
ابو عمر اللي كان مو متحمل الحرف :خلاص قلت تروح مع بدر تروح مع بدر والا انطق هنا بعد
ابتعد راشد وراح وهو يبكي والكل متفاجئ من اسلوب ابو عمر
ابو عمر : بدر
بدر:سم
ابو عمر:قوم شوف اخوك باقي تناظر وشوي خذه معك لصلاة وانت المسئول
قام بدر وهو مستغرب عصبية ابوه بالعكس دايم كان يشجعهم
الجد :عبد الرحمن وش فيك
ابو عمر: مافيني شي يبه ..علي فز على حيلك خل امك تحضر الاكل
قام علي وهو سااكت وراح لامه وقالها تحضر الاكل مدوا السفره وانقسموا قسمين الحريم بسفره والرجال بسفره
سفرة الرجال الكل كان ساكت وابو عمر يستناهم يخلصون عشان يقولهم
اما سفرة الحريم همست ريم لنجلا :قلبي يحرقني مدري ليش
نجلا وهي تضحك:حوبة صيته امس لو تشوفين شكلها يوم رجعت
ريم:هههههه لا بس من جد فيني قلق
نجلا :بسيطه لا تتشائمين انتي
٠٠
اما شيخه اللي قامت وهي مبسوطه رفعت جوالها وحصلت رساله من نجلا تقولها وش صار معها ومع صيته انفجعت لما قرت رسالة نجلا وانفجعت اكثر لما شافت رساله من رقم مكتوب فيها(صباح الخير كيفك اليوم ان شاء الله بخير ..حبيت اتطمن عليك واقولك ان مسبحتي طاحت عندكم امس خليها معك لين نتقابل ......... بدر )
انجلطت شيخه وارتبكت :يوه و ارد عليه ذا يمه قلبي ي جلعني مسبحه ي شيخ يوه خليني ارد (صباح النور الحمدلله بخير وانت كيفك ...ابشر مسبحتك بالحفظ والصون ) ارسلتها وهي ترجف وقامت تركض للحمام غسلت وبدلت وهي تضحك من حالها نزلت تحت وهي مبسوطه وشافتهم متجمعين :اس اس السلاام عليكم
فواز:ايوه كذا صفى الخاطر
شيخه:مابي ارد عليك ...يمه في غدا
ام ناصر : فيه يمه بس ننتظر ناصر يجيب اغراض ويجي
ابو ناصر: شيخه شفتي عمتك صيته امس
شيخه:لا اصلا امس ما شفت احد عشان اشوفها
ابو ناصر:يعني مو انتي اللي قفلتي عليها
شيخه سوت نفسها متفاجئه :وين اقفل عليها
ابو ناصر:في حمام الضيوف
شيخه :هئئئ في ذمتك من قفل عليها والله بطل
ابو ناصر :وجع وش بطله هاذي قلة حيا
شيخه:معليش يبه بس اختك بيض ازين انهم قفلو عليها وربي لو اعرف مين لحب راسه
ابو ناصر :شيخه احترمي نفسك
شيخه:اسفه يبه
ام ناصر : يلا تعالو الغدا
ناصر :اوووه اوووه العروسه بتتغدى معنا
شيخه: شفت كيف الرضا
ناصر :بندلعك اليوم بس
شيخه:الا صدق وين بزرانك اليوم هدوء
ناصر:وش قصدك عيالي ازعاج
شيخه: اي والله
ناصر: احترميني قدري خاطري
شيخه:اكذب يعني اكذب
ناصر:هههههه مريضه وربي عيالي عند خوالهم
شيخه:زين
٠٠
في بيت ابو عمر عند بدر اللي كان يغسل وسمع صوت رساله مسح يدينه وجلس وفتح الجوال اول ماشاف الرساله ابتسم ورد (ان شاء الله انك دايم بخير وانا بخير دامك بخير ) سكر جواله وقام وهو يبتسم توجه لصالون وحصل ابوه واخوانه متجمعين والحريم جوا جلس وهو يشوف ابوه مو تمام
ابو عمر: بما انكم تغديتوا وخلصتوا في شي بقوله بس وين علي
علي :هذا انا جيت يبه
ابو عمر: تعال هنا ..
عم الصمت والكل خايف تكلم ابو عمر وفي صوته حجرشة بكى : علي ي ابوي اليوم ..غمض واخذ نفس وتكلم ..اليوم كانت ام محمد عندي بالمستشفى كانت حالتها سيئه جدا ولا قدرنا ننقذها وعطتكم عمرها
الكل :وشو
انصدم الكل واول ماطرا لهم ريم
علي ماصدق : يبه دخيلك لا تمزح
ابو عمر: ماهو وقت مزح ي علي ضروري تخبر ريم عشان اذا بتشوفها قبل ندفنها
الجد :لا حول ولا قوة الا بالله
جلس علي وهو حاط يدينه على راسه وماهو قادر يستوعب كيف توفت بالاصح كيف يقول لريم ريم اللي كانت مشتاقه لها وكانت جدتها زعلانه عليها كيف كيف يقولها
سكتوا الجميع وهم خايفين ويترقبون ردة فعل ريم
ابو عمر وهو يخبط على كتف علي : علي قوم يبه عظم الله اجرك واجر زوجتك
علي رفع راسه ووجهه احمر مايحب ذا الموقف ولا يحب يخبر احد فيه : كيف اقولها كيف اقولها يبه بتموت والله بتموت تكفون مابي اقولها انا تكفون
الجد :علي تماسك وانا ابوك تماسك محد يقدر يقولها غيرك اسندها في ذا الوقت
جلس علي وهو متمسك في ذراع ابوه ويحاول يستجمع نفسه صح مايطيق ام محمد بس الموت صعب والاصعب ريم استجمع شوي ووقف والكل يناظره ومحد حاسده على وضعه توجه للقسم الحريم وهو يحاول يتمالك ويبين طبيعي قال لراشد ينادي ريم من المطبخ جات ريم وهي تضحك وكانوا رهام ونوره ونجلا بالصاله يناظرون علي اللي وجهه مايبشر بخير
ريم :هلا علي وش بغيت مابنمشي الحين باقي ما شبعت من البنات
علي صد وهو يشتت نظره ويبلع ريقه
ريم :علي وش فيك تكفى لا ترفض تبي تنام نام هنا فوق
علي زاد توتره ولا عرف كيف يتكلم او حتى ينطق
ريم :علي وش فيك وش فيه وجهك
نوره :علي وش صاير
ريم :وش فيه وجهك تعبان
علي مسك ريم من كتوفه وهو يحاول يسيطر على نفسه ماعرف وش يسوي غير انه ضمها وقال :ريم اذكري الله
ريم بعدته :وش فيك
علي :قولي لا اله الا الله
ريم :لا الله الا الله علي تكفى لا تقول جدتي فيها
شي تكفى
وقفوا البنات وطلعت ام عمر على صوت علي :شو بكن
علي مسك يدين ريم : جدتك جدتك تطلبك الحل
دفته ريم :لاا لااا لا لا تمزح تمزح اكيد الا تمزح علي حرام عليك تتفاول على جدتي جدتي بخير بتكلمني اكيد اكيد ام مشعل كذبت عليها وقالت كذا لا صح علي صح كذب
البنات ورا بكو من الخبر وهم يشوفون علي يصد وهو يحاول يتمالك نفسه مسكته ريم من ثوبه :علي تكفى قول كذب تكفى لا ي علي لاا الا جدتي تكفى ياعلي لاااااااااااااااااااااااا ي علي لااااا طاحت ريم وهي تصرخ ومسكها علي وهو يحاول يهديها :ريم تعوذي من ابليس قولي لا اله الا الله قولي ان لله وانا اليه راجعون ريم يم
ريم كانت صرخ باسم جدتها وهي تبكي وتضرب علي وتضرب نفسها وصراخها عبى المكان بكى علي معها وهو مو متحمل انهيارها
وقفوا الرجال اللي يسمعون بكاها وصراخها صد ابو عمر وهو يبكي مايبي يدخل ويشوف منظرها تشتتوا كلهم وهم حزنانين على ريم اما علي اللي كان جالس وريم طايحه بحضنه ولا عرف كيف يواسيها : ريم حبيبي قومي هذا قضاء وقدر
ريم : بس انا مالي غيرها مالي غيرها هي امي هي اهلي برجع يتيمه من جديد ...
بعد كلمة ريم هاذي تزلزل البيت كله ولا احد عرف يواسيها
علي : انا معك ي ريم معك قولي لا اله الا الله
سكت صوت ريم اللي كان معبي البيت وارتفع صراخ علي اللي وقف قلبه لما طاحت بين يدينه : ريييييم رييييييم رييييم قومي يبه يبه
دخل ابو عمر ركض وهو يشوف علي جالس ودموعه مغرقه وجهه وريم طايحه رفع ريم وهو يحاول يصحيها: ريييم ريييم يبه ردي ريييم
الكل انفجع ووقفوا بصدمه وخافوا ابو عمر :عطوني مويه
ركضت نوره واعطته مويه : خذ يبه
رش ابو عمر على ريم مويه بس ماصحت ضربها على خدها ما صحت سحبها من حضن علي وهو يحاول يصحيها ولا كانت تصحى ابتعد علي اللي خاف وهو حاط يدينه على راسه ومغمض : يبه سو شي يبه سو شي يبه
ابو عمر خاف فعلا لانها ماصحت باي طريقه سدحها ورفع رجولها وطلب بصل مرر من قبال خشمها ورجع صوت ريم شوي شوي وبدت تصحى ورجعت تبكي ركض علي وجلس :رييم ريم انتي بخير ريم
ابو عمر: ريم ي ابوي قولي انا لله وانا اليه راجعون مايصير ي بنتي
ريم رجعت تبكي وهي تتمسك بعلي وصوت بكاها يقطع القلب وعلي ما قدر يوقف بكى معها وعليها وهو محروق من حالها ضمها علي وهو يمسح دموعها
ريم : علي ابشوفها ابي اشوف امي تكفى ي علي
علي: ابشري من عيوني بس انت اهدي
انقلب بيت ابو عمر كله بكى وانتشر الخبر وعم الحزن على حال ريم اللي تكسر الخاطر ساعدها علي تلبس عبايتها واخذها وراح المستشفى دخلوا المستشفى وعلي عجز يمشي وريم تثاقلت خطواتها تقدم ابو عمر وفتح الباب ودخلوا وتمسكت ريم بعلي اللي ضمها وهو حاس بغربتها وخوفها ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⓪②
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼