الفصل 19
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ⑨⓵🌱
🍒ـــــــــــــــــــــــــــــــــــــ🍒
نزل راسه ابو طراد من ذا الذكرى السيئه وسكت علي وهو يسمع صوت طراد التعبان من المرض والقهر والعبره عجز يكمل طراد وصد وهو مقطب حواجبه وداخله نار
بعد صمت تكلم ابو طراد : توقعت نيتهم خير توقعت رجعوا لي قبلت فيهم لاني محتاج عزوه واهل ما توقعته الشينه منهم
طراد بانفعال : مانك محتاج يبه شي انا هنا انا عزوتك انا اهلك واخوانك وولدك يبه انت مانك محتاج انا وامي موجودين وعمي ابو عمر موجود علي موجود احنا عزوتك يبه وانت قوتنا
ارتخى ابو طراد هو مفتخر بولده اللي عن مية رجال رفع راسه وهو يقول : معك حق يبه يلا قوم معي وبنروح للبيت امك قلقانه عليك وانا اسف
طراد: لا تعتذر يبه ماسويت شي
تدخل علي : لا ي عمي معليش خلي طراد عندي ذا اليومين
ابو طراد:معليش ي ابوي ولدي عندي
علي :ماعليه خله عندي
ابو طراد:دخيلك ي علي لا تصر دخت انا وامه امس سبع دوخات عليه خليه يروح معنا
علي :اجل براحته
قام طراد وعلي يجمع اغراضه وقف قباله وهو يعلم ابو طراد مواعيد ادويته سلم عليه وراحوا ابو طراد وطراد سكر علي وراهم البااب ورجع لريم
ريم :راح طراد
علي :اي راح
ريم :تبي احط لك شي تاكل انت ما اكلت شي
علي : لا لا بروح انام وبحاول استجمع نفسي عشان وراي شغل وحوسه وناس تنتظر التصاميم حقتها وانت جالس
ريم : بس مو وقت دوام
علي : ماهي مشكله شغلي كله بالمحلات والناس باقي ما اشرفت على الشي اللي يبونه ولا ركزت تصميم معين عشان يبدون فيه العمال
ريم : زين الله يعينك
راح علي وينام وريم جلست تفكر وش بتسوي في صيته
٠٠٠
اما راكان اللي رمى الجوهره بعيد بعد ما افترى فيها ضرب وجلس وهو يقول : وينك عنها يمه وينك
ساره : وانا وش دراني عنها وش دراني
عبد العزيز :لا تلوم امي لوم نفسك اللي انسحبت وتركتنا كلنا وراك ولا التفت
راكان : عبد العزيز ريحنا انت
عبد العزيز : لا ماني مريحك وكل شي صار بسببك شوف اللي سويته يرجع لك
راكان : قلت اقصر الشر
عبد العزيز :ماني قاصره وبقول لامي وش سويت
ساره :وش سوى
راكان :ماعليك منه يمه ماعليك
ساره : وش صاير وش مسوي انت بعد
عبد العزيز قال لامه كل شي بلحظة غضب انهارت امه وهي تضرب راكان بصدره :ليه ليه انا ما ربيتكم كذا ما ربيتكم عمري م علمتكم تخونون اهلكم وثقتهم ماعلمتكم الغدر لييييه
طلع عبد العزيز وتركهم وسط انهيارهم وساره منهاره لاخر درجه
٠٠٠٠
في بيت ابو عمر خلصت نجلا اكل بدر وطلعته لغرفته دخلت وحصلته جالس ويدخن وهو مقابل جواله
نجلا :بدر جبت لك اكل ولا تحاول تعترض
بدر: بس مالي نفس
نجلا : لك والا مالك بتاكل وانت راضي يلا
بدر : ي نجيل والله مالي نفس
نجلا حطت الصينيه وجلست جنبه :وليش
بدر :كذا
نجلا ؛بدر تراك مكشوف عشان كذا تكلم
بدر: ياختي فعلا بديت اتشاءم من ذا الزواج اللي من مصيبه لمصيبه
نجلا :اعوذ بالله افتح فمك بالخير ي نفسيه
بدر: بالله عليك مو هذا اللي صاير
نجلا :صار بس هذا مو عذر المفروض تقر وترضى بلاش تشاؤم وابتسم وبعدين ي حبيبي هذا شي ربي مقدره لك لازم تعيشه وترضى فيه
بدر:ادري بس اخاف ذا الملكه ماتتم
نجلا : بتتم لا تخاف انت لا تصير كذا
بدر : ي رب
نجلا : شوف انا تعبت وتعبت اناملي الذهبيه وسويت لك اكل يعني اكله والا مابيصير طيب
بدر :الله الله وش ذا النبره
نجلا:ههههه احاول ادربك على اللي بتعيشه بعدين
بدر ضحك ورفع يده :اجل انا استسلم
نجلا :ههههه بالعافيه
قرب بدر الصينيه وبدا ياكل ونجلا انسدحت جنبه وهي كالعاده تقرق فوق راسه لين ما انتهى قطع كلامها جوالها وردت :هلا شيخه
جاء بدر اللي كان يغسل وجلس وهو يحاول يسمع بس مايبي يبين لنجلا
شيخه:اسمعي قررت اتصلح بصالون
نجلا :اخيرا ما بغيتي وجع نشفتي ريقي
شيخه :وش اسوي فكرت وقلت خل افرحكم بجمالي
نجلا :ايه يبعت لك الحمى شو متفاخره
شيخه: والله ان ما تكلمتي عدل لتوطى بطنك
نجلا : زين المهم وين قررتي
شيخه :مدري
نجلا :اسمعي اسمعي مافيه وقت اصلا تعالي بكره بيت علي ونطلع انا وانتي وريم ونروح نخلص لان ريم بعد ناقصها اشياء
شيخه :كويس خلاص الوعد بكره
نجلا : زين مع السلامه
بدر :مين هاذي
نجلا :شيخه
بدر :وش تبي ؟
نجلا : شغله ما تعنيك انت خلك في شغلك
بدر :وجع اشوفك قل احترامك
نجلا:الله الله الله كل هذا عشان شيخه ي بختها
بدر تلعثم : لا موب كذا بس يعني انا اخوك عيب تكلميني كذا
نجلا وهي طالعه: يصير خير
بدر بعد ماطلعت(وش تبي شيخه وين بتروح ..اووووه ي بدر بدينا من الحين نشيل هم وانا شعلي )
٠٠
عند طراد اللي دخل البيت وحصل امه تبكي وراح لها ركض وهم يبوس يدينها
ام طراد: طراد يمه انت جيت
طراد : ايه يمه جيت
ام طراد :وين كنت وين نمت اكلت يمه ؟
ابى طراد: كان عند علي وتعب شوي وسخن واخذه علي الى المستشف
ى وهذا هو كويس وعلي ماقصر معه
ام طراد : لاي حبيبي وش صار لك
طراد:لا تخافين يمه تروشت ونمت تحت المكيف واوجعني
ام طراد:كم مره قلت لك ي يمه لا تسوي كذا كم مره
طراد:عدت يمه عدت
ام طراد: لين متى بتعذبني يمه
طراد: بسم الله عليك يمه الله لا يعطيني العافيه اذا عذبتك
ام طراد :بسم الله عليك يمه بس لا تهمل نفسك
طراد :ابشري ي الغاليه
ام طراد :ماكلت شي يمه
طراد: لا لا يمه انا اكلت علي ماقصر مابي شي ابي ارتاح بس
ام طراد : ابشر يمه روح ارتاح
طراد : لا لا ابي ارتاح عندك هنا في حضنك
ابتسمت ام طراد وهي تمسح دموعها وحضنت طراد اللي على طول انسدح بحضنها وغفى كانو امه وابوه يراقبونه صح انه الوحيد بس عن الكل عمره ما زعلهم وضيقهم وشايلهم فوق كتوفه وتعبان بعمره عشانهم لو زعل عليه احد منهم ينجن وكيف تعب اول ما بعد عنهم كلهم يدعون له بالراحه وطولت العمر والذريه اللي تسعده وتبره
٠٠
بعد يومين من الاحداث وصلنا ليوم (ملكة بدر وشيخه)
في بيت ابو ناصر كانت حوسه عجيبه غريبه عمال داخلين وعمال طالعين وناس رايحه وناس جايه هذا غير صياحهم فالبيت
فواز اللي يدور بالبيت ويصيح :وين شماغي يمه وعقالي من اخذه يوه الجزمه وين
ريماس :يممممه وين الحلا اللي قلتي
فوزيه :اوووف شيخه وينها للحين ما راحت المشغل
ناصر: يمه ابوي يبي قهوه مصدع
شيخه من فوق بصراخ :نجلا ما جات يمه وين السواق
والكل له حوسه لحال وشيخه حوستها مصيبه ماهي حوسه قلبت غرفتها قلب وكل شي مرمي وكل شي حوسه وهي اصلا مرعوبه ومحتاسه وتستنى ريم ونجلا يجون
٠٠
عند نجلا اللي بدورها هي الثانيه مقومه البيت وطول الوقت وهي تركض رايحه جايه رايحه جااايه وابوها وجدها انحولوا منها ومن ارتباكها اربكت بدر معها اللي مسك معها خط ركض رايحين جايين
نجلاا :وينه فستاني ايه مع السواق وين جزمتي جزمتي بدر وين جزمتي
بدر: هنا لا لا هناك ... وقف شوي وهو يستوعب سؤالها وصفقها بالكرتون اللي معه على راسها
نجلاا :هااااه وش تبي تضرب
بدر: تسأليني عن جزمتك انا وش دخلني
نجلا : يوه نسيت انت وين اغراضك
بدر : بالسياره
نجلا :وش تسوي بالسياره ي خبل
بدر:عشان البس
نجلا :ومن قالك انك تلبس بالسياره انت بتلبس هنا
بدر:اوووووف وانتي خليتي فيني عقل اكلتيني من امس
نجلا : يوه وخر عني بروح اجمع اغراض واروح مع شيخه
بدر تركها وراح ركض يجيب اغراضه
ابو عمر: هذا اعقل عيالي انجن معهم ي خساره
الجد:هههههه لا تلومه العرس يجنن الصاحين
ابو عمر: بس هو باقي شي مابقى الا ربع وشيخه بتلحسه ً
ام عمر: ابو عمر شفت لي جزداني شي (محفظتي او بوكي )
ابو عمر: لا والله
راشد:ماما انا ابي البس الحين
ابو عمر: وشوله تلبس بدري تونا ١٢ الظهر
عمر جاء : وين بدر
ابو عمر : وش تبي فيه
عمر: وش ابي ايه ايه صح في عمال يبونه برا
نجلا نزلت :جاء علي
كلهم :لاااااااا
نجلا :شفيكم
ابو عمر:ذبحتينا بعلي ماجاء
طلعت نجلا وهي تدعس في العيال الصغار من الحماس
نوره:نجلا وجع ذبحتي ولدي
نجلا :ماعليك مابيموت
نوره: بلا في شكلك اذكري الله
نجلا:اووف ماشاء الله
عبيد: يبه وش باقي اودي
ابو عمر:روح اسال امك
عبيد: حشى انا المعرس كل شي على ظهري
بدر من فوق : ماشاء الله وش سويت
عبيد :اصلا انا لو ماني في ذا العايله ضعتوا
الكل:يوووووه
عبيد: بسم الله سكنهم مساكنهم
وراح عبيد لامه وبدر طلع للعمال ونجلا جات :علي جاء
حذفها عمر بعلبة المناديل :انقلعي
ورجعت تركض لغرفتها وهي تسمع صوت جوالها اول ماردت على شيخه سفلت فيها وقالت تجين الحين
٠٠
اما عند علي وريم اللي كلهم فيهم وناسه ما تقارن بأي احد ثاني من الفرحه ما ناموا علي اللي كان واقف قبال المغسله وهو معه المكينه ويحلق وريم اللي من الوناسه مشغله السماعات وصوتها فالبيت كله ومره ترقص ومره تركض ومره تشتغل وعلي ميت ضحك عليها
جات ريم : فرحانه لهم
علي : الله يتمم لهم وربي متحمس
ريم : ترا نجلا تستنى خف يدك
علي : اطير يعني انتي خلصتي
ريم :يب
علي : كويس خليني اخلص اجل
كمل علي حلاقه
٠٠٠
اما عند العمه ساره اللي كانت جالسه بصمت من بعد هذيك الليله ولا تكلمت بحرف جاها راكان : يمه يمه دخيلك سامحيني وربي ما كان قصدي اغلط وابليس شاطر يمه تكفين لا تزعلين
عبد العزيز : يمه الله يخليك تكلمي يمه
قامت ساره وتركتهم وراها وهي تقول :ليتني ما جبت ولا ربيت ما كان هذا العشم فيكم الحمدلله مات ابوكم ولا شاف اللي شفته
تركتهم وراحت لغرفتها وانسدحت اما الجوهره اللي تشوهت ملامحها من الضرب وكانت ماتقدر حتى تبكي من اخوانها
اما عبد العزيز وراكان اللي ضايقين وزعلانين على حال امهم ..
عند نجلا اللي ازعجت بدر والدنيا وهي كل شوي تطل وتقول(علي جاء )ويجيها بعدها ملاعق وصحون وعلب من كثر ماطفشوا منها وبدر اللي كان يحلق وهو متحمس حماس ممكن يوقف قلبه منه
عبيد: بدير من قدك بتتملك انا بس ابارك لك انك تملكت بس ما ببارك لك على شيخه
بدر: ليه ان شاء الله
عبيد : والله يعني
اختيارك سيء مالقيت الا ذي الجنيه
بدر :ما احد اخذ رايك قم ضف وجهك وروح للعمال في بيت عمي واشرف عليهم
عبيد :ضحكتني مالي شغل
بدر:عبيد اقصر الشر وانقلع لا تخليني افرشك هنا
عبيد: قبل شوي محد اخذ رايي معليش مقدر اخدمك
بدر حذفه بالعلبه :وربي لو ماتروح افقع وجهك
عبيد.بروح عشان بس ماتبكي
بدر:نتفاهم ان شاء الله
راح عبيد بعد ما فقع مرارة بدر
٠
٠
عند علي اللي طلعوا من البيت بالقوه وتوجهوا لبيت ابو عمر وصوت الاغاني يسمعونها من اول الحاره وصلو لبيت ابو عمر وباقي اسلاك الرقص شابكه معهم
علي وهو يدق بطريقه موسيقيه على الباب : سلاااااام علييييكم
عمر وهو يجرايه بنبرة الصوت:وعلييييييييكم السلام
علي راح يسلم عليهم واحد واحد وهو متحمس :وين المعرس
عمر : المعرس انهبل هذا هو فوق
علي جاء بيطلع بس تفاجأ بنجلا اللي نازله ركض بعبايتها واغراضها مع الخدامه بغت تطيح ومسكها علي :بسم الله وينك طايره
نجلا وهي تشده من شعره: وينك تعبت استنى
علي : يوه ليش كل ذا بعدنا بدري
نجلا :مافيه وقت يلا يلا شيخه احترقت
طل بدر من فوق:علي انت جيت تعال الحقني
علي : وش فيك
بدر: اطلع
تقدم علي بيطلع ومسكته نجلا :مافيه تروح لين تودينا
بدر:نجلا موب وقتك فكينا
نجلا : والله تودينا قبل علي شيخه ماتت هناك لحالها
ابو عمر:ودها ي علي ازعجتنا من الصبح
علي : بدر اوديهم واجيك
بدر: يوه استعجل لا تقعد تلت وتعجن
علي : طيب
تقدم علي ومسك اريام وهو يساعدها تنزل عشان تروح معاهم
اريام:علي انتبه لا اطيح
علي : لا ماعليك اعتمدي علي
نجلا :يمه بتروحين معاي
ام عمر: لا مابدي هلا بيوصلني عمر بطريقه
نجلا :زين
طلعوا وركبوا السياره
نجلا :ريييييم
ريم التفتت عليها وقاموا يحضنون بعض بنص السياره : اوووه مستانسه
نجلا : من جد
علي : خييير وش ذا التحضين ما اشوفك حضنتيني
ريم تفشلت :هههههه شوي شوي
وتحركوا ..
٠٠٠
عند شيخه اللي كانت طالعه نازله وهي تنتظر علي
فواز: مارحتي للحين
شيخه: لاا انتظر علي
فواز :وينه علي
شيخه : مدري حتى مايرد
ناصر :خليني اوديك انا
شيخه: اتفقت مع البنات
طلعت شيخه لغرفتها وهي تحوس باغراضها
٠٠
وصل علي اللي عبى الحاره بواري ونزل وهو يضحك ومعه نجلا وريم
علي بنص البيت:وخروا لو سمحتوا وخروا وين شيخه وين شيخه
طلت شيخه من فوق : بدري كان تأخرت بعد شوي
علي وهو يضحك : روقي ي عروس ولو شو هالخاطر المفروض انك تغنين وترقصين
شيخه: علي خلصني لا ترفع ضغطي
طلع علي وريم ونجلا قباله طلعوا وهم يضمون شيخه
شيخه: يوه ي بنات متوتره
علي:هههههه والله وانتصرنا اخيرا عرفتي التوتر
شيخه : علي فارق جد والله مالي حيلك
ريم: شيخه اغراضك جاهزه
شيخه: ايه
نجلا وهي ترجع تضمها: واه ماني مصدقه
شيخه : تكفين خلاص لا توتريني
علي بعدهم وضم شيخه: هاذي ضمه عشان تروقين بس انتبهي لا تحمسين انا علي ماني بدر
شيخه ضربت بطنه :وخر بس
علي :والله لو تشوفين بدر ما تصدقين
شيخه وهي تسكر اذانها:علي امش لسياره بسرعه
ريم سحبت علي :يلا ي علي اتركها في حالها
لف علي على ريم :على امرك ي اسطه
شيخه ونجلا : هييييييه
نزل علي وهو يضحك ونزلوا وراه البنات
ناصر : جيت ي سبع البرمبى
علي : خير ي سنجاب
ناصر :لعنه انا سنجاب ي ابو نص شعر
علي :ههههههه خير وش فيك
ناصر :ولا شي بس قروشتنا الاخت من اليوم
علي :اقول تيسر خلنا نمشي بس فيه معي حريم
ناصر: مالت عليك يعني تزوجت خلاص فارق
علي : خذ طريق ي معلم
عبيد : اخيرا جيت
علي : بسم الله الرحمن الرحيم انت وش جابك هنا
عبيد :مرسلني المعرس اشرف على الوضع ما اقول الا ي نكبته
شيخه: عبيد تيسر لبيتكم لاا اقسم بالله افتري فيك وانسى اليوم
عبيد : اقول وخري بس
شيخه اسرعت بتنزل ومسكها علي: مستعجلين ما نقدر نتاخر امشي بعدين حاسبيه
شيخه: ادعي لعلي ولليوم بس
٠
٠
عند فواز كان طالع وشاف سيارة علي وشاف وحده جالسه جواها دقق في عيونها حصلها مثبته في مكان معين توقع ريم بس ريم ليش تركب ورا توقع نجلا بس نجلا مستحيل ما تنزل شك انها اريام وقرر يختبر اذا هي صدق اريام او وحده ثانيه وقف قبال السياره واشر بيده قرب جنب بابها ولا التفتت له عرفها لما صارت تلمس علبة المويه من كل جهه عشان تفتحها
ابتعد وهو مكسور. خاطره عليها وقرر اليوم يملك عليها ..
رجع فواز البيت وقابله علي : ابو الفوز من وين جاي
فواز: من هنا من البقاله
علي :اخبارك
شيخه بقلة صبر : باقي كل واحد يمرك تسولف معه خلصنا ي ابوي
فواز : ي شيخ ودها وفكنا منها لا تضحي بنا
شيخه :مين هذي اللي بالسياره
علي : اريام
فواز تحرك قلبه بألم
شيخه: ليه مانزلت
علي : تقول مالها حيل
شيخه : امش امش باقي يسولف ولاطع البنت عند الباب
ركبوا السياره وحركوا
علي : يووووووه
كلهم : شفيك
علي : حتى امي ما سلمت عليها
ريم: مين امك
علي : امي ام ناصر
ريم : اول مره اسمعك تقول امي
شيخه نطت بين المراتب الاماميه :وعندك اعتراض
ريم :لا بس استغربت
علي
دف شيخه على ورا :واذا عندها وش دخلك انتي
علي سحب الشاحن وضربها فيه ونجلا وريم يصارخون: انتبه لطريق ي علي انتبه
التفت علي على الطريق وهو يهدد شيخه وصلوا الصالون ونزلهم بعد ماتطاق هو وشيخه ورجع لبدر
٠٠٠
عند بدر اللي كان حايس هو بنفسه ومو من عادته التوتر بس مدري وش صار له
عمر: بدر وش فيك
بدر : يوووه ي عمر علي ما جاء
عمر: يوه انت مسكت مكان نجلا
بدر: ياخي ابيه يزبط لي دقني
عمر : مايبي لها زبطه انت
بدر : انت وش عرفك لكن روح تكفى جيب ثوبي من الكواي
عمر: اوف منك اوف
بدر : تكفى ي عمر
عمر: طيب لا تقول تكفى
راح عمر وبدر جلس يحوس بين نفسه وبينه
٠
٠
عند طراد نزل وهو بعد متحمس : يمه ياامي
ام طراد: وش فيك ي امي
طراد : ابي شماغي وعقالي وطاقيتي وثوبي وجزماتي الله يعزك
ام طراد: معاد تشوف يمه هذا هي بغرفتك
طراد : وين
ام طرااد: يا امي بجنب السرير
طراد : بروح اشوفها
طلع يركض وامه تراقبه وتدعي ان الله يطول بعمرها وتشوفه يركض بزواجه رجع طراد : يمه متى بتروحين
ام طراد: العشاء يمه
طراد: يوه يمه متإخرين
ام طراد: ي حبيبي اروح بدري ايش اسوي
طراد: ساعديهم
ام طراد: موب بحاجتي يمه
طراد: على راحتك
طلع طراد بيخلص كم شغله
٠٠٠
علي وصل لبيت ابوه دخل وهو يدندن
ابو عمر : انت جيت تكفى روح لبدر ذبحنا
علي : وش فيه
الجد : ماندري بس اطلع اطلع جنن الامه
طلع وهو يضحك دخل غرفة بدر اللي مرتبه بس بدر حايس
علي : اوووب اوووووب بدر وش ذا ي عريس وش فيك
بدر: جيت وجابك الله جيب المكينه اللي جنبك وتعال سوي لي دقني عجزت الظاهر لو جلست عليه شوي حلقته كله
علي:هههههه وش صار لك
بدر: لا تسال مدري وش صكني من توتر
علي : روق الدنيا ما بتطير وبعدين واذا ملكتك ارتاح بس
بدر: ايه شفناك فوق وشفناك تحت تذكر ملكتك اللي بغى يغمى عليك مرتين
علي : ههههه عاد انا عاشق
وبدر: واللي موب عاشق ياكل هوا المفروض اللي مو عاشق هو اللي يخاف واللي في موقفي لازم يخاف عشر مرات
علي سحبه وجلسه:ابلع العافيه ولا تسمعك شيخه تقول كذا بتزعل
بدر: ليه
علي: وش اللي في مثل موقفك بدر اسمع شيخه اذا لقت منك القبول الصدق وربي وربي مايتعداك احد بالسعاده ولتعطيك كل شي تملكه فلا تضيعها من يدك
بدر : اوف منك انت ونجلا وش ذا
علي : نحنا نتكلم عشان نعرف شيخه من زمان فاهمينها ونعرف كيف تفكر ونقولك عشان ما تتوه بعدين وتعرف تتصرف
بدر: زين بس خلصني الحين
٠٠٠
بعد المغرب في الصالون جهزوا ريم ونجلا وكانت اشكالهم قمه بس بهداوه ونعومه وراحوا لشيخه اللي متوتره
شيخه لفت: كيف ي بنات
ريم ونجلا انصدموا كانت تهبل بشكل مو طبيعي
شيخه: وش فيكم مو حلو انا ادري ادري انه مو حلو
ريم :لا لا وربي تجننين ما عمري شفتك كذا
شيخه : جد
نجلا : من الحين اضمن لك بدر تحت جناحك
شيخه: جد
البنات وربي جد مو طبيعي يجنن
شيخه : احس اوفر
البنات :لااااا
وبعد مجادلات اقتنعت شيخه بشكلها واتصلو البنات على علي يجيهمً
٠٠٠
عند الشباب اللي كانوا كلهم متجمعين في بيت ابو عمر حتى طراد وجالسين يجهزون وغرفة بدر اللي مايحبها تنحاس انلعب فيها وكانت فوضى الشباب بشكل مو طبيعي
بدر : ي عيال وش بكم كذا خربتوا
طراد وهو منسدح عند الشاحن : ابوي انا ياللي خربتوا اشبنا ي هويه
علي : الله يطعني على ذا النعومه
عبيد: لو سمحت تكلم زين والا تمردغك شيخه
بدر لحقه بالعلاقه ومحطه تمحيط برد فيه قلبه وعبيد يضحك
عمر : يلا ي عيال
بدر: طراد قوم تجهز خلاص تراك مره فليتها
قام طراد واخذ الشاحن معه مسكه بدر: وين
طراد: باللبس
بدر: جيب الشاحن
طراد: ي بدر بشحن
عبيد :نصاب هذا اكبر سراق شواحن في التاريخ
طراد بنص عين : وربي ي عبيد وربي هاه ان ما فارقتني ليجيك شي ما تخيلته
عبيد وش بتسوي
طراد : امسك بدر...
عطى بدر الشاحن والجوال وركض وراء عبيد اللي انحاش في البيت وطراد يدور عليه في كل مكان ودخل بالغلط غرفة نجلا اللي كانت شوي حوسه ..
دقق في الغرفه باين انها غرفة بنت صد بيطلع بس شدت انتبااه صوره معلقه بالجدار لبنت وكانت فيها كثير من ملامح علي وصورتها مع علي تنح طراد وحاول يبلع ريقه ما قدر كانت في قمة الجمال والنعومه ومن حركتها بالصوره باين مرجوجه شوي التفت على السرير وحصل خدايدات عليها اسم (نجلا بالخط العربي ) صد بسرعه وطلع وهو فعلا مصدوم (هاذي نجلا اللي يتكلمون عنها ايه والله هاذي ) رجع لغرفة بدر وهو يحاول يرجع تفكيره لشباب دخل وهو يجر نفسه جر قابله علي وهو يضحك: هاه غالب والا مغلوب
عمر: هههههه شكله كذا مغلوب
دقق طراد بوجه علي اللي ذكره بنجلا وهو متنح ضربه علي على راسه :افا هزمك عبيد
طراد استوعب : هاه لا لا لا اصلا مالقيته مدري وين دخل بدر اعطيني اغراضي بدخل البس يلا
عطاه بدر اللي كان هو بعد يلبس ومتوتر وراح علي يلبس وعمر وعبيد اللي انحاش وراح يلبس بعد
٠٠٠٠
٠
٠
عند البنات وصل علي اللي كان بقمة كشخته وهيبته الطاغيه طلعوا وركبوا البنات
البنات: سل
ااام
علي : اهلا اهلا
البنات : هلا فيك
ريم :احلى وش ذا الكشخه انا لو درايه ماقلت لك تجي كان جينا مع السواق
علي : هههههه ليش
نجلا : يعني المفروض ان مكانك بين الشيوخ مو توصل وتودي وتجيب
علي : هههههه افا والله احنا بخدمة الشيخات الا على الطاري وين شيخه
شيخه: همممممم
علي : ههههههههههه وش بك نعيانه
شيخه :والله مالي حيل ي علي فكني منك
علي :لا لا لازم اشوف الكشخه.. لف لورا بيشوفها
شيخه: لا علي تكفى بالبيت
علي : لا لا لازم هنا اخاف تفجعين اخوي
نجلا:يوه ي علي اجلس بالقوه اقنعناها انه حلو
ريم : علي خلاص اجلس
علي اللي خق ورجع جلس والتفت لها : ي ابوي انا
نجلا ضربته على راسه :ترانا معك
علي :نجلا انقلعي لا اسوي اكبر
نجلا : ايه انت ماعدت تستحي
علي : انا ما استحي هاه
كمل الطريق وريم تتحلطم ونجلا تسب وتلعن فيه وشيخه تفكر بالجاي
٠٠٠
عند العيال اللي وصلوا بيت ابو ناصر وراحوا للمجالس الخارجيه
ناصر: ايوه جاء العريس
فواز: ارحب ي النسيب
وقاموا يسلمون عليه وهم فرحانين
ابو ناصر: تعال تعال سلم على عمك
عبيد: عمي الله يهديك مسوي قافط انت عمه من قبل
ابو عمر:هههههه خله يستانس
سلم بدر على الكل وسط التعليقات اللي غرقته تغريق وهو مو في حالهم ابد
٠٠٠
عند راكان اللي كان واقف قبال بيت ابو ناصر وهو مقرر يشوف اريام ويتكلم معها كان يراقبهم ويشوف كيف فرحانين ومستانسين سند راسه على المرتبه :آخ وش سويت بنفسي وبأهلي انا وش سويت محد خسر غيري وهم مبسوطين محد انقهر غيري وهم يقيمون اعراسهم ليتني ما سمعت كلامها ليت
٠
٠
عند علي اللي وصل وهو باقي يضحك وصوت الاغاني من اخر الحاره مر من قبال الباب واخذ تفحيطه سريعه والعيال يشجعونه والبنات يصارخون يخافون تخترب اشكالهم كمل علي لين المدخل الثاني وهو معبي الدنيا بواري وصراخ الشباب مكملينها
نزلوا البنات وهم يتحسبون وريم اللي قرصت علي بكتفه اول مادخلوا جوا ودخلوا نجلا وشيخه
علي:اااه وش فيك
ريم :احسن اول شي احرجتني وثاني شي خربت شكلي
علي : وفي البيت بكمل على الباقي بعد ههههههههه
ريم ضربته : اوريك ي علي
دخلت وعلي رجع لشباب يضحك
٠٠
عند البنات دخلت شيخه وجلست وهي تشوف شكلها اذا اخترب او لا
ريماس دخلت:شيخه واو وش ذا ي بنت والله لو اموت ما تخيلتك كذا اش الجمال
شيخه:صدق ريماس
ريماس وهي تضمهاا:وربي تجننين
بدأت ريم تعدل شكلها والبنات يلبسون والباقين نزلوا تحت وابدت عندهم الاجواء وبدوا يجون ناس معينين من الاقارب
٠٠٠
عند ريم اللي خلصت اغراضها ونزلت مسرعه للمطبخ ودورت العصير اللي هي جابته منتهيه مدته وحطت فيه حبوب مسهله واعطته الخدامه تعطيه صيته وطلعت فوق وهي بقمة حماسها
٠٠٠
اما راكان اللي اتفق مع خدامة عمه ابو عمر تطلع اريام له بالحوش بعزم ان عبيد يبيها وهو بيكلمها راحت الخدامه ونادت اريام بالجهه الخلفيه واستغربت اريام وش يبي عبيد فيها وهو يدري بوضعها قادتها الخدامه لين ودتها هناك وراكان كان ينتظر
٠٠
اما اريام اللي كانت واقفه وتنتظر عبيد حست بأحد وعرفت الريحه وتكلمت عشان تتأكد : عبيد
راكان : وحشتيني
اريام انهارت تبكي وهي تدفه :ابعد ابعد ابعد مابيك وخر عني
راكان شد عليها: اريام والله احبك والله ابيك بس علي علي
سمع صوت شهقه وراه والتفت وشاف نجلا واقفه وحاطه يدها على فمها ركض ووقفت قباله نجلا ودفها وطاحت واريام انهارت تبكي ونجلا طاحت بقوه على يدها اما طراد اللي شاف كل شي وركض ورا راكان بس ما لحقه ورجع مسرع لنجلا اللي طايحه ورفعها :فيك شي ..
نجلا انفجعت وعرفت انه طراد دفته وراحت تركض لاريام وهي ماسكه يدها : وش سويتي انتي تبين تجيبين لنا بلا ما كفاك اللي صار والا تبين تنتقمين من بدر وتخربين ملكته
اريام :لا لا وربي لا الخدامه قالت عبيد يبيك بس مو عبيد والله ما ادري والله
سندتها نجلا وهي تمشي وماتدري تصدقها والا لا كانت ساندتها بيد وهي تتألم من يدها دخلت ودخلت اريام وهي مو مصدقه
اما طراد اللي كان واقف مكانه وهو يحس انه بدوامه من اللي شافه من جهه نجلا اللي بدت تأسره ومن جهه بلاوي راكان اللي مالها نيه تخلص صحى على صوت جواله سكر ورجع عند الرجال
٠٠
اما نجلا اللي كانت تسكت اريام بس عجزت تركتها وطلعت فوق وهي مصدومه
شيخه:نجلا وين فستاني
نجلا جلست على السرير وهي مفجوعه وسرحانه
ريم :نجلا
شيخه:نجيل
التفتت نجلا وهي تناظرهم ببلاهه
ريم: وين فستان البنت
شيخه: بنت تكلمي لا تقولين ضاع او انسرق
نجلا : ياليت
ريم :وش صار له
شيخه :انطقي
نجلا :راكان
كلهم: وش فيه
نجلا : واريام
كلهم:وش فيها
نجلا : وعلي وطراد
صفقتها شيخه :تكلمي عدل وجع نعرف اسامهم مو غريبين
تكلمت نجلا وقالتهم اللي صار انصدمو بصدمتها وانفجعوا وجلسوا
ريم: ي ويلي لا يروح طراد يقول لعلي
شيخه : ي ربي يستر لا يقوله
نجلا :تتوقعون اريام قاصده
كلهم :ماندري
سكتت نجلا اللي خافت من عواقب هذا الشي وجابت الخدامه فستان شيخه وبدوا يجهزون ونجلا داخلها يعالم القصص والروايات 📚:
رجف من اللي صار
٠
٠
عند العيال اللي كان جوهم قمة الفله ومحد جالس بمحله اللي يرقص واللي ياكل واللي يستهبل واللي يركضون رايحين جايين
جاء طراد وجلس بمكانه بصمت جاء علي ومعه شاهي وهو يضحك:وين غطيت فاتك بس وش جايبين مراد ورائد (اصحاب بدر )
طراد بشرود : وش جايبين
علي :وش فيك
طراد بتصريف : ولا شي بس تعب نوم
علي : تراني ملاحظ عليك من البيت لايكون زعلت من كلام بدر
طراد : لا وربي ولا شي بس تعب نوم واليوم سعسعت في المحلات الين تعبت عشان كذا
علي : في ذمتك وش فيك
طراد: والله والله ان مافيني شي بس تعبت حتى اني مواصل
علي : اتمنى انك ما تكذب والا وربي لزعل عليك
طراد : ي خبل لو فيني شي بقولك اكيد من جدك
علي عطاه فنجان الشاهي : كمل هذا والحقني بنطقطق على بدر
طراد: علي خاف ربك من الصبح نشفت ريقه
علي: هههههه ماعليه خير له
قاموا وراح لبدر اللي كان بنص الشباب والدنيا كلهم رقص دخلوا معهم في اجواهم بنص الرقص
٠٠٠
اما عند صيته اللي ما حضرت شي من الملكه وكانت طول الوقت رايحه جايه لحمام( الله يكرمكم ) نزلت ريم تدورها في كل مكان وحصلتها في اخر حمام بالبيت في قسم الضيوف ابتسمت واستانست وراحت وقفلت الباب الفاصل بين الغرفه والحمام وقفلت باب الغرفه وقفلت باب قسم الضيوف وراحت وهي ترقص من الوناسه ودخلت الصالون وهي ترقص وكملت رقص
وبعدين طلعت لشيخه ونجلا وهي ترقص وتهز
شيخه:خير وش فيك
ريم : ابشركم صيته مابتحضر الملكه
شيخه : في ذمتك كيف قولي
نجلا : ريم تكلمي
ريم قالت لهم وش سوت وهي تضحك والبنات مصدومات من ريم وبعدها انفجروا ضحك
شيخه: والله انك بطله كيف سويتيها
ريم : علي زمان اتسمم واعطوه الحبوب المسهله ولقيتها وانا ارتب واخذتها وكان عندي عصير من زمان وحطيته
نجلا :وربي لو افكر مية سنه مابيطلع بيدي كذا
ريم: افا عليكم قلت خلوها علي
شيخه: تعالي اضمك وربي انك بطله
جات ريم وضمت شيخه وجات معها نجلا
ابتعدت شيخه: هي تكفين كملي جميلك وامسكي علي بعد والله ما يعديها اعرفه تكفين مالي خلق احراج
ريم :من عيوني
٠
٠
عند العيال اللي كانوا ماسكين بدر ويرمونه بالهوا وضحكهم معبي الدنيا
ابو عمر: هههههه خلاص ي عيال نزلوه ذبحتوه
علي : بعد وحده بعد وحده
بدر وهو متمسك فيهم: ياعيال عفطتوا الثوب نزلوني
عمر : هاذي اول بلاوي الزواج
وبعد زحمه نزلوه بس ما نزلوه كذا علي سحب شماغه وهرب وناصر اخذ عقاله والطاقيه اخذها فواز وانحاشو
بدر: هيييييييييه الله يشلكم جيبوا يوه
علي : تحمل وش بيجيك ما تأخذ شيخه كذا بارده مبرده
ناصر: ايه بنتنا ماهي رخيصه
فواز: نعم نعم هذا نقطه من بحر
علي : الباقي عند شيخه
بدر : ي عيال تكفون والله مالي حيل اركض
المجلس كله يضحك وعلي وناصر وفواز واقفين جنب بعض ويرقصون
بدر: تكفى ي عمر وتكفى ي عبيد وتكفى ي طراد
ماصدقوا عمر وبدر وطراد وانقضوا عليهم وامتلى المجلس صراخ ومضاربات وبعد جهد وجهيد اخذوها العيال ورجعوها لبدر بس رجعوها حالتها حاله ..
علي : عطيناك عشان الشيخ جاء
بدر :الله لايعطيكم خير
علي : حنا عطيناك شيخه اغلى واحسن عطيناك الشيخه
بدر :اقول على شحم
الجد :خلصنا خلاص يالله تعال ي بدر وتعالو ي الشهود
وبدوا الشيخ يكتب عقد القران والعيال ماسكين خط طقطقه لدرجه ان الشيخ يضحك منهم
٠٠
اما عند عند صيته اللي كانت تدق الابواب ومحد يرد عليها عشان صوت الاغاني
صيته: حسبي الله عليكم الله لا يتمم لكم الله لا يوفقكم
٠٠٠
اما عند نجلا اللي كانت تصارع ألم يدها بشكل فضيع ومع ذلك جالسه تشرف على كل شي لان الزفه بعد عقد القران
ريم :نجلا شفيك
نجلا :ولاشي بس يدي شوي توجعني
ريم : تحتاجين مستشفى
نجلا :لا لا لا خليني لين بعد الملكه
طلعوا فوق لشيخه اللي كانت تسوي اخر ترتيب لها بتنزل خلاص
وجلسوا يساعدونها
٠٠٠
اما راكان اللي حاول يبعد قد مايقدر وهو مايدري كيف نجى من يد نجلا وطراد :اوف كنت بنكشف لاخر لحظه وطراد هذا وش يبي وش يبي وليه جاء ورا اريام وش يبي منها ونجلا بعد لايكون يواعد نجلا لا لا لا مستحيل لايكون علي زوجه اريام لا اكيد لا مستحيل ياخذها مني لا مستحيل
حرك بسرعه وهو مو متقبل فكرة ان أريام تتزوج غيره
٠٠٠
اما عند فواز اللي نادى عمه برا وكان واقف يستناه
ابوعمر: فواز وش فيك ي ابوي
فواز : انا ي عمي بغيت شورك بشغله يعني بعد اذنك
ابو عمر: قول ي عمي
فواز: انا اقول بما انه الشيخ موجود ليش مانملك مع بدر والبنت موافقه
ابو عمر بحيره : والله وانا عمك راي زين بس مدري عن البنت اخاف ما تبي والا شي
فواز :انت ي عمي روح الحين واخذ رايها وانا بروح اقول لابوي واذا وافقوا خير وبركه
ابو عمر :زين زين خلني اخلص بدر وبعدين اروح لاريام
فواز: على راحتك
٠٠
اما بدر اللي وقع وهو متحمس وقع علي وناصر الشهود
وقام علي بيودي الدفتر عشان توقع شيخه
ابو ناصر :تعال تعال
علي :امر
ابو ناصر :جيب انا اوديه
علي :يوه تكفى تكفى ي عمي انا
قام ابو ناصر وهو يسحب الدفتر من عل
ي وعلي متمسك فيه والكل يضحكون وبعد جهد وجهيد اخذه منه وراح وعلي الا يلحقه ويستهبل على شيخه وبعد ما تشحذ فيه عمه لين مااااااات اخذه معاه وهو بيتقطع من الوناسه
٠٠٠
اما عند شيخه اللي كانت جالسه هي وريم ونجلا سمعوا صوت نحنحه برا وفزوا دخل علي :جاء الدفتر جاء جااااء
شيخه ارتاحت لما درت انه مو بدر تقدم علي وهو يضحك ويضم شيخه :مبروك ي حرم بدر مبروك
شيخه ما كانت بجوه وضمته وبعدت سريع ودخلت ريم جوا عشان ابو ناصر ودخل ابو ناصر وام ناصر وخواتها كلهم
ابو ناصر مد الدفتر :خذي يبه وقعي
وقعت شيخه وسط صراخ الكل البنات وتصفيق والتصفير ضمها ابوها وسلم عليها وجاء بعده علي وبدوا البنات يسلمون عليها وراح ابو ناصر وسحب علي معه
علي :ي عمي اتركني
ابو ناصر : لا لا امش
علي :والله ماسوي شي ابي اكلم مرتي ي عمي
ابو ناصر: بعدين تشوف مرتك امش قبالي
سحبه سحب وعلي متمسك بالباب وهو يترجاه بس سحبه ولا فكر لانه يعرف نيته ماهي طيبه
رجعوا عند الرجال وعلي ضايق
عمر: وش فيك
علي جلس:ولا شي
عمر : هههههه مسكين ما خلوك تطقطق
زفر علي وهو يراقب بدر يقوم عشان يقوم معه دقت نجلا على بدر ونادته عشان ينزف مع شيخه ويلبسها الشبكه وراحوا معه ابو عمر وابو ناصر وعلي اللي شوي ويبكي والكل يضحك عليه
علي :والله ما اسوي شي وربي والله
بعد حنه ورنه خلوه يروح بعد تعهدات انه مايسوي شي
٠٠٠
اما شيخه اللي كانت بغرفتها ومرتبكه اشد ارتباك
شيخه: نجلا كيف شكلي
نجلا : يوه تهبلين وش بك
شيخه: جدد
نجلا :وربي خلاص روقينا
شيخه : اووووف وش ذا الرجفه
نوره جات :شيخه بدر جاء
شيخه اللي بغى يغمى عليها وحاولت تتماسك وهي تشوف نجلا ترش العطر عليها اما بدر اللي كان قبال باب الغرفه ويصبط شخصيته للمره الالف
نوره: والله تجنن خلصنا ي عم
نجلا : بدير وش ذا الجمال مبروك
وراحت تسلم عليه وبادلها الحضن وهو يقول :عقبالك ي نجيل
نوره :يلا تعال ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⑨⓵
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼