الفصل 17
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ⑦⓵🌱
🍒ـــــــــــــــــــــــــــــــــــــ🍒
ريم مدت له شماغه : عاد الشماغ ما اعرف اسويها لك
علي نزل شوي بجسمه :لبسيني الطاقيه وبعدها حطي الشماغ وسط على راسي
ريم لبسته الطاقيه وبعدين الشماغ وسطته له اخذ علي العقال بيده اليمنى وحطه على راسه وضبط شماغه ولا شخص خلها كذا رسميه واخذ طرفها اليمين ورماه على كتفه اليسار
مدت له ريم العود : خذ اليوم بس عود عطورات مافيه
علي: ليش
ريم :عشان جرحك
علي: والعود
ريم:العود ما يأثر على شي بس العطورات تأثر
علي : زين اصلا العود يكفي وانتي ضميني وتبقى ريحتك فيني وخلاص
ريم :هههه علي من حد تراك تحرجني شوف بغيت احرقك
علي اللي مصر يحرجها: جعني فدا
ريم احترت وصار وجهها احمر: خلاص عاد علقت اليوم
علي سحب المبخره من يدها وحطها على جنب وقرب ريم : المفروض اللي مثلي يعتكف في بيته مايروح ولا يجي
ريم وهي تصلح ياقة ثوبه:ليش
علي : احد عنده ريم ويخليها لكن الله ينتقم من اللي ازعجوني برا
ريم : انا اقول احسن لك ما تعتكف عشانك بس ههههه تعال افطر
ومدت له الشاهي
ابتسم علي لريم واخذ الشاهي وافطر وطلع للشركه وهو ما زال متأثر من ريم وريم دخلت. تنام
٠٠٠
عند طراد اللي صحى من نومه مثل الجني وبسرعه بسرعه يلبس ويجهز نزل وهو شماغه بيده ويركض
ابو طراد: بشويش وينك طاير
طراد :صباح الخير يبه بروح مستعجل ...قطع عليه اتصال علي
علي: ابو بريص وينك
طراد: حي ذا الصوت ي بعد حيي جعله دايم بخير
علي :لا تحاول تشتت انتباهي ليش متأخر
طراد: وجع تراني مدير زيك
علي:ههههه بجاكرك شوي كيفك اليوم
طراد: الحمدلله بخير دامك بخير انت كيفك اليوم
علي : الحمدلله احسن بكثير
طراد: زين نص ساعه واكون بالشركه
علي :زين احتريك لا تطول تراك وحشتني
طراد: هههههه علي اقلب وجهك الجرعه زايده اليوم شكلها
علي:هههههه يلا باي
طلع طراد من البيت وتوجه لشركه ..
..
عند شيخه
كانت سهرانه تلعب فيفا وصراخها بكل البيت
دخل ابو ناصر: شيخه
شيخه: هلا يبه تعال العب معي
ابو ناصر :الله يهديك ي شيخه وش ذا الصراخ تراك بنت هدي شوي وقومي جهزي نفسك للملكه
شيخه بعبطي :اجهز من الحين يبه بدري
ابو ناصر: اجل نامي وارتاحي وريحينا
شيخه: يصير خير يبه انت الحين لا تشتتني
ابو ناصر:لا حول ولا قوة الا بالله
طلع وسكر الباب وشيخه كملت بحماس وهي حواليها بيبسي وفصفص وحوسة
٠٠٠
عند نجلا كانت صاحيه وهي تخطط وتفكر وش بتسوي نزلت تحت وحصلت امها ابوها واريام جالسين جات وباست راس ابوها وامها
نجلا:كيف الحلوين اليوم
ابو عمر:دامك عندنا اكيد بخير
نجلا قرصة خد ابوها وهي تضحك:يوه على الكلام الحلو من الصباح
ابو عمر:ههههه شايفتني بزر
نجلا:لا مانك بزر بس احبك واللي احبهم كذا اسوي لهم
ام عمر: وانا شو عاملتلك
نجلا قامت تضم امها:يووووه ع الغيرانين وهاذي بوسه وهاذي قرصة عشان ترضين
الكل:ههههههههه
ام عمر: روحي ي نجلا ربي يبعت لك ابن الحلال اللي ييفرحك ما يزعلك
الكل :امين
نجلا: يبه اليوم بروح لشيخه بعد العصر طيب
ابو عمر: طيب
اريام : انا بروح معكم
نجلا : اكيد خلاص بعد العصر نجهز وعلي بيودينا كلنا مع ريم
ابو عمر:وينه غاط علي
نجلا :امس سخن شويه وتعب وكان في بيته ما طلع واليوم بخير راح الشركه واموره تمام
ام عمر: يبعتلي حمى عليه شبوه اكيد اخذه برد واكيد ما عم ياكل مزبوط
نجلا : يمه ياكل علي بس ماصير يتعب وريم منتبه له كثير مو مقصره معه بشي وتعرفين ولدك دلوع
ام عمر: واضك انها منتبهه عليه
ابو عمر:وانتي وش عليك مرض قام يحترق هو وزوجته بطلي تدوخينا بعلي وسيرة علي
ام عمر:بدك ياني اشوف ابني هيك واسكت
ابو عمر:ولدك هو اللي راضي
قام وتركها وقامت نجلا وتركتهم
٠٠
عند علي وطراد اللي خلصوا شغلهم وفرشوا بالمكتب سفره وطاحوا بالاكل
طراد وهو يمد لعلي التميس :خذ
علي : ي طراد خلاص شوف كيف قدامي معبى استنى اخلص
طراد: انا جالس اقطع لك لانك ما تقدر تقطع من يدك خذها وانت ساكت
علي :زين يعطيك العافيه بس صبر شوي
طراد: بلعنتك
دخل بدر :اوووووف وش ذا انا مدري انتم مدرا والا ايش قالبين الشركه ريحة كبده وفول وشكشوكه
طراد: اقول امش انثبر اكل والا انتكم الشركه لنا ونسوي اللي نبي
بدر جلس ورفع ثوبه وتربع : خش ع الكبده ي عم من زمان عنها
علي: ههههه خش خش بكره بتطلع عينك من شيخه ترا تحبها
بدر: فدا ي ابوي فدا
طراد: سم بالله ي مفجوع
بدر: انت اسكت علي خلص ترا بنروح بعد الفطور عشان الشبكه
طراد: اه فقعت قلبي بذا الشبكه
بدر:من كلمك انت ي نشبه انا قاعد اكلم اخوي اخوي
طراد :وانا اخوك غصب عليك لا تخليني احلف مايروح معك
بدر حذفه بالشطه :خير يلعن ابو السطو اللي في راسك مانبي ياخي غصب تصير اخونا ..
طراد:اخوك ولعنه بعد وش تبي
علي:هههههه آه الحمدلله
طراد وبد
ر التفتوا لعلي اللي انسدح جنب السفره والتفتوا على السفره وحصلوا صحن الكبده مخلص صرخوا مع بعض:أكلته
علي ببتسامه وهو يتمغط : ايه وانتم خلوكم في الأخوه حقتكم
طراد ضربه بالعقال:والله اني حاس من يوم شفتك ساكت
بدر: ي علي نفسي فيه وجع جعلك بالسهال
علي : الحمدلله محد قالكم تجلسون تتناقرون
بدر نسى جرح علي وضربه على يده وصقع جرحه
علي :اااااه ي بدر يدي يدي ي بدر
بدر : اوووه اسف نسيت اوجعتك علي انا اسف
طراد فز: الله ياخذ عقلك ي بدر
وقف علي :خلاص خلاص وخر
بدر لحق علي : اشوف اوجعتك
علي بألم : ي بدر ابعد خلاص
طراد:بدر تعال هنا مافيه شي بس ألم
قعد علي على الكرسي وهو حاضن يده اللي توجعه بقوه وبدر وطراد واقفين وراه
علي : ي طراد دم
ركض طراد وبدر بفجعه :اشوف
بدر:علي اسف وربي ماقصدت
طراد :كيف اشوف الجرح كمك ضيق
بدر : شق الكم
طراد شق كم علي وفتح الشاش شاف الجرح كويس بس نزل الدم من الضربه
طراد :لا كويس بس خلنا نلف شاش جديد ونمسح الدم
بدر :انا اجيب شاش اصبر
نزل بدر بسرعه للصيدليه وجاب معقم وشاش ورجع :خذ
طراد كان جالس وحاط يد علي في حضنه اخذ المعقم ومسح الدم ولف الشاش من جديد :لا تحركها لين يوقف الدم
علي: اصلا انا قادر احركها
بدر: علوش اسف
علي :حصل خير ماصار شي
طراد :بدير حط في بالك بتجيب ثوب لعلي من بيته
بدر: زين بروح الحين
علي :لا لا تروح سيارتي من ورا فيها ثوب تو طلعته من المغسله جيبه
بدر :زين
طراد:هههههه قسم بالله مدري من الكبير فيكم
بدر:هههههههههه خلينا نقول شخصية علي اكبر
علي:هههههه ما عليك قصور ي بدير
نزل بدر وجاب ثوب علي ولبس علي الثوب بمساعدة بدر وطلعوا للسوق وطراد معهم وحالف يختارها هو كله عناد ببدر
٠٠٠
عند ام محمد اللي كانت تعبانه ودها تكلم ريم بس ام مشعل اخذه جوالها
ام محمد :ي ام مشعل خافي الله وعطيني الجوال بتطمن على ريم
ام مشعل:الله ياخذك انتي وريم اللي ازعجتينا فيها مافي جوال وفارقيني من هنا
راحت ام محمد تمسح دموعها وهي ندمانه على كلامها مع ريم جلست جنب ولدها اللي ماله حيل ولا قوه بس يناظر امه بحزن
٠٠٠
عند ريم كانت تدق على جدتها ما ترد عليها انشغل بالها عليها اتصلت على علي
علي : هلا حبيبي
ريم:علي
علي: وش فيك ريم
ريم:وينك وش هالازعاج
علي:بسوق مع بدر وش فيك
ريم : كيف يدك
علي:كويسه الحمدلله وش فيه صوتك
ريم: قلقانه على جدتي ما ترد علي
علي : ي حبيبي ما تقولين زعلانه اكيد ما بترد
ريم : لا هي مستحيل يمر ذا الوقت ما تسمع صوتي
علي : ي حبيبي هي من متى ما دقت عليك ولا ردت على اتصالاتك
ريم: تكفى ي علي اخاف فيها شي
علي : ي حبيبي ارتاحي انا بمر الحين واتطمن وادق عليك طيب
ريم :طيب
علي :يلا خليني اخلص واروح
ريم :اسرع تكفى
علي :من عيوني
٠٠
طراد وهو يقلب في خاتم بيده : وش فيك
علي : ريم تدق على جدتها ما ترد وخايفه عليها
بدر: ليه غريبه
طراد: هي ما تموت وتريحنا
علي : ي شيخ اسكت قسم ما اطيق اسمع اسمها بس عشان ريم
بدر: هي انت وهو تراها جدتها ومربيتها بحسبة امها وانتم جالسين تتكلمون كذا
علي : ي شيخ وربي انها تعل القلب وافقه لي ببلعومي من يوم وانا صغير وقدر علي ربي وابتليت باعايلتهم المخيسه
طراد:تو عايلتهم صارت مخيسه بنظرك
علي: والله قبل ريم محليتهم والحين عليهم السلام
بدر: استغفر الله ي علي وش ذا الكلام الله يهديك
طراد:بدر قضيت
بدر: من ايش
طراد:من الحكي
بدر: تستهبل
طراد: لا اتكلم جد خلص خذ شبكتك وخلينا نمشي
ترا مليت
بدر بمزح: من قالك تعال اصلا عشان تمل
علي:ههههههه بدر تراك زودتها مع طراد
طراد سحب حلق ذهب من الطقم وكسره وصرخ: لا لا ي بدر وش ذا الله يهديك ليه تكسره
انتبه صاحب المحل وتقدم : وش صار
طراد يمثل البراءه : معليش ي اخوي الظاهر بدر تحمس وكسر الحلق
علي انفجر ضحك على انتقام طراد وبدر انجلط منه واضطر انه يخسر قيمة الحلق واشتروا الشبكه بعد معاناة الاختيار واول ما طلعوا عطى بدر علي الاكياس وفصخ وركض وراء طراد اللي هرب وهو يضحك وصوتهم معبي المكان وعلي ماسك الاكياس ويضحك عليهم بعد ما تكفخ طراد من بدر رجعوا لعلي وحالتهم حاله اخذوا الاكياس وراحوا عشان يمرون على ام محمد
٠
عند ابو عمر وفواز اللي يدرسون تقرير فواز بحماس
ابو عمر بعبره: يالله ي فواز انت ماتدري قد ايش فرحتني انت ماتدري كيف سندتي في اصعب وقت
فواز: افا ي عمي انا لك عون بأذن الله سوا تزوجت اريام او لا انا معها لاخر الدرب
ابتسم ابو عمر:ان شاء الله انها لك ي عمي ان شاء الله
فواز: الله يختار مافيه خيره
ابو عمر :امين ..
اما عند الجد حاكم اللي اعلن حاله استنفاريه بالمزرعه وقالهم يجهزون كل عشان بيروحون لبيت ابو عمر يباتون فيه لين الملكه
صيته كانت تتجهز بحماس وهي فرحانه انها بتلحق تتشمت في اريام والجوهره اللي مالها خلق تروح ومتفشله بس غصب عليها
وعبدالعزيز اللي لاول مره ينطفي حماسه اتجاه نجلا اللي راكان ضيعها من يده باللي سواه
في اختها والجد حاكم اللي شايل هم علي اللي بعده زعلان منه وساره الوحيده اللي فرحانه انها بتشوف الناس اللي تحبهم
٠٠٠
عند علي وقفوا قبال بيت ابو مشعل ونزل علي وهو كاره بس عشان ريم ودق الباب طولوا ما فتحوا وبعدين افتحت ام مشعل
ام مشعل:نعم خير
علي وهو صاد :ام محمد موجوه
ام مشعل :شتبي فيها
علي : لو سمحتي خليها تجي بشوفها ريم تبي تكلمها
ام مشعل: ام محمد ما تبي تشوف وجهك ولا وجه ريم وتقول انسوا ان فيه ام محمد
صفقت الباب بوجه علي وسكت علي وهو يلعن الساعه اللي جاء فيها هنا رجع لسياره
بدر: وش صار
علي : تقول جدتها وربتها هذا هي ماتبي تشوف وجهه ريم ليش ان ريم ما تركتني عشان شليت خالها ولا تبي تسمع صوت ريم وريم ميته عليها خوف
طراد: جاي على بالي انزل واتوطى في بطنها
علي :تسوي خير
بدر: لا حول الله لا تلومها ي علي كيف تبيها تتقبل واحد ضارب ولدها لين انشل والسبب مجهول وتبيها تخلي بنتها عنده
علي: بدر ما تعرف وش مخبى لا تحكم من راسك لو انك محلي ذبحته
بدر: اموت واعرف وش السبب
سكت علي وحرك طراد واتجهوا لبيت علي
٠٠٠
عند ريم اللي كانت محتاسه وخايفه على جدتها سمعت صوت الباب وعلي برا وجات ركض
ريم :علي وش صار معك
علي : دقيقه ي عيني خليني اخذ نفس
ريم :سريع الله يخليك
علي سحبها تجلس : ريم حبيبي مابيك تضيقين من الكلام بس هذا اللي صار
ريم: وش فيه
علي : جدتك ما تبي تشوفك ولا تبي حتى تسمع صوتك
ريم بكت : مايصير والله حرام تخيرني كذا كيف قدرت تستغني عني كيف
علي : حتى انها ارفضت تقابلني وارسلت ام مشعل وسمعتني كلام يهز البدن
ريم حطت يدينها على وجهها وهي تبكي كيف قدرت جدتها تستغني عنها رفعت راسها: علي تكفى بروح لها اكيد اذا شافتني بترضى يمكن ما تبيك عشان اللي سويته بمشعل وابوه
علي سكت وكملت : تكفى اذا لي خاطر ي علي
علي :ابشري قومي انتي البسي وانا اوديك
ريم قامت ركض واستند علي على الجدار : الله ما تستاهلينهم والله
رجعت ريم ركض :يلا
قام علي ومسكها بيدها وطلعوا لبيت ام محمد
٠٠٠
عند ام محمد اللي كانت طايحه بفراشها :ليش ماخليتيني اكلم بنتي
ام مشعل : وانا ناقصتك انتي وبنتك كفايه علي ولدك المعاق
ام محمد : خافي الله ي ام مشعل
ام مشعل طنشتها وطلعت وقفلت الباب عليها بكت ام محمد بحسره وهي ودها تشوف ريم قبل تموت
٠٠٠
عند بدر اللي وصل البيت وصار يناديهم كلهم بنص الصالون
ببدر: يمه يبه نجلا عبيد عمر نوره اريام ي مسلمين اين انتم
طلعت ام عمر: شو بك عم تعيط متل المجنون ونوره وعمر مانون هون
بدر: تعالي يالغاليه تعالي
ام عمر: شو فيه
بدر :اجلسي
نزل ابو عمر:بدر وش بك تصارخ
بدر؛تعالي يبه الحين تعرف
نجلا طلت من فوق واول ماشافت الاكياس ركضت من فوق: واو اخيرا الشبكه
عبيد نزل وهو ماسك اريام: يالله ي ربي انا لو ماني في هذا البيت وش بيصير فيكم
بدر:تعال ي بلا المجتمع تعال
تجعوا كلهم وبدا بدر يفتح العلب ويوريهم وكان جايب طقم لامه وطقم لام ناصر هديه
عبيد:هي هيييي اي والله من الحين بدت المصالح والرشاوي
نجلا: الله لنا انا اكوي واجهز واغسل ولا نذكرت بحلق حتى
بدر: مانسيتك ي دبا تعالي هنا
طلع بدر سوار جميل بحرف نجلا ولبسها اياه :هاه رضيتي
نجلا : ييييييمه زيييييينه يجنن
ضمت بدر وهي تضحك:ما قصرت صراحه
عبيد: وزبطها مع نجلا عشان تزبطه مع الحب
بدر :وش رايك تنكتم
راح بدر لاريام اللي ساكته واخذ يدها ولبسها الاسوار: ايوووه هنا الجمال بيد اريام
اريام تحسستها وهي تبكي :مشكور بدر وانا اسفه
بدر ضمها:اشششش مابي دموع انا فرحان ولا عاد اسمعك تعتذرين
سكتت اريام والكل ابتسموا على بدر وحنيته
٠
٠
عند ريم اللي ماوقفت بكى ابد وصلوا بيت ام محمد ونزلوا دقت ريم الباب وفتحت ام مشعل: الله واكبر على ذا النهار كم مره اقول فارقوا
علي :حنا ما جينا لك جايين لام محمد
ام مشعل:ام محمد ما تبيكم افهموا
ريم:خليني اشوف جدتي واكلمها
جات ريم تدخل ودفتها ام مشعل : ماتبيك ياليتيمه
صرخ علي عليها بكل صوته:انكتمي
ارتعبت ام مشعل من صراخه ودخلت وسكرت الباب وقالت وهي ورا الباب : اسمعوني زين ام محمد ماتبيكم وبالذات ريم تراها باعتك مثل ما بعتيها ولو مارحتوا بدق على الشرطه واقول انك تتهجم على حريم ..
علي اللي كان ساند ريم رغم ألم يده وقفها :تعالي اتركيهم في ستين داهيه
قامت ريم وهي تشهق من البكى ماهي مستوعبه ان جدتها تخلت عنها هي تركتها فتره عشان تهدى بس واضح انها معاد تبيها ساعدها علي تركب وتوجهه لمقعده وهو يداري ألم يده وحركوا من قبال الباب
اما عند ام محمد كانت تبكي ريم بس مو بيدها حيله
٠٠٠
عند شيخه اللي زهقت رمت يد السوني وقامت تحوس بالبيت مرت المطبخ وخطر على بالها تسوي حلا دخلت المطبخ بحماس وليتها ما دخلت قلبت المطبخ قلب وخربت كل شي يمت للحلا بصله وشوهت مسمى حلا وصار بلا وسم دخل فواز وانفجع من اللي هي مسويته :وش تسوين انتي
شيخه:نعم وش تبي اسوي حلا
فواز:وعوووه انتي والحلا رج
اء اطلعي لا تسببين كوارث
شيخه:فواز وخر احسن لك
فواز جلس وهو يطقطق عليها ويضحك ويحطم فيها اخر شي جات شيخه وكبت خليط الكيك على راس فواز اللي صراخه عبى البيت وهربت لغرفتها وقفلت الباب وهي تضحك
ناصر قابل فواز للي يقطر خليط:هههههه وش ذا يلعن ام الشكل هههههه
فواز طلع وهو يهدد ويتوعد في شيخه وناصر يضحك تحت
٠٠٠
٠
عند علي اللي كان يحاول يهدي ريم اللي طول الوقت تبكي
علي : ريم ي حبيبي خلصنا اللي مايبيك ما تبينه
ريم رفعت راسها لعلي : الا ابيها ابي امي ابي جدتي اللي ربتني كيف تبيني اتركها واعيفها
علي :ما اقول اتركيها ولا اقول عيفيها لكن لا تبكين هو زعل وبيمر
ريم : خايفه ي علي اخاف ماعاد تبيني والله مقدر افارقك ولا افارقها
علي ضمها : ما بتفارقين احد ان شاء الله قومي غسلي وجهك وتعوذي من ابليس ويومين وترا وتطخ انتي بس روقي وهدي وترا نجلاا اقلقتني من اليوم تستنى عشان الغدا
ريم :طيب
قامت ريم تلبس وهي حزينه على الوضع اللي نحطت فيه
٠٠٠
عند نجلا كانت جالسه جنب بدر وحاطه راسها على كتفه :متى يجي علي
بدر :مدري انا بعد متقطع من الجوع
نجلا ناظرت بدر: بما إنا لوحدنا بسألك شي
بدر: قولي
نجلا :ليش اخترت شيخه
بدر تورط : كذا عادي شيخه اعرفها وبعدين انا حياتي هاديه احتاج احد يحركها
نجلا :اها نصيب بس خلني اقولك شي وحطه في بالك زين
بدر:وشو
نجلا : شوف ي بدر انت بتشوف كثير اشياء ما تعجبك في شخصية شيخه ويمكن تزعل وتعصب لانك بأختصار ما بتحب بعض اطباعها شيخه انسانه فوضويه عكسك تحب الحركه والشر ما بتفكر ابد في هدؤك
بدر: اعرف ي نجلا
نجلا : دامك تعرف اقولك من الحين انتبه تكسر شيخه طيب ترا بتلقاني في وجهك.
بدر: اوووه حركات صفيتي معها ضدي
نجلا: انا ماني ضدك بس اقولك دامك رضيت بها ضروري تتحمل طبعها لانك انت اللي دورتها هي مادورتك حاول تتغاضى عن كثير اشياء بتشوفها
بدر : زين بأخذ كلامك على محمل الجد
٠
عبيد: بدر نجلا يلا تعالوا نتغدا علي وصل
قاموا نجلا وبدر قابلتهم ريم
ريم :السلام عليكم
بدر وهو صاد:هلا ريم كيفك طيبه
ريم : تمام انت كيفك
بدر : الحمدلله
تعداهم بدر وراح لقسم الرجال ودخلت ريم ونزلت نقابها
انفجعت نجلا من وجهها: ريم وش فيك
ريم بعبره: جدتي ما تبيني ي نجلاا
نجلا انفجعت : وش تقولين انتي
دخل علي من وراهم : نجلا خذي ريم جوا نفسيتها مو كويسه
نجلا : ليه
علي :هي تقولك
دخلوا ريم ونجلا جوا وقالت لها كل شي وهي تبكي
نجلا :ريم الله يهديك هذا زعل شوي بيروح انتي بنتها مستحيل تزعلك او تخاصمك مستحيل مستحيل انها تقول مابيك تحصلينه زعل بسيط وام مشعل زودت السالفه تعرفينها شماته
ريم : تتوقعين
نجلا: الا متأكده بس انتي روقي تتذكرين كيف كانت تموت اذا جيتي من الجامعه ونمتي ماشافتك كيف تبينها تزعلك وماتشوفك دايم
علي جاء دق الباب :هاه كيف الحلوين عسى روقوا
نجلا :لا روقوا روقوا بس شوي تدلع عليك
علي جلس جنبها وهو يحضنها : يليق فيها الدلع هاذي الريم
نجلا دفته من يده المجروحه:مالت عليك
علي :اااه
نجلا :يممه عورتك مرره ي ناعم
علي وهو يتدارك مايبي نجلا تعرف وتسوي هليله: ايه اوجعتيني
نجلا :انت مانك كويس من يوم تزوجت ارتخيت وتدلعت حيل
علي:ههههه يحق لي ولله
نجلا :مالت بس قوم بس طس تغدا وانتي بعد تراي انطويت من الجوع
علي لريم: يلا
ريم:يلا بس اغسل
٠٠٠
عند طراد اللي رجع للبيت وهو رايق ويغني
ابو طراد: حي الله
طراد: حياك الله يبه
ابو طراد: زين انك لحقت روح اجهز عمامك بيجون لنا زياره
طراد:وعوووووه وش يبون
ابو طراد بزعل :وش ذا الكلام ي طراد هذولا عمامك
طراد:معليش يبه بس تراااهم بيض مالي خلقهم هو وعيالهم قول لهم طراد تعبان ونايم
ابو طراد بحزم: بتحضر وغصب عليك وبتقوم بواجبهم لمتى بتظل تسربت مع الناس واهلك ما تسأل عليهم ..
طراد: الله واكبر يالاهل ماكأنهم محاجينك على القرشين اللي جايه من ورث جدي ولا رضوا لين اخذوها واحلق شاربي اذا جايين لخير ذا الايام
ابو طراد:اسمعني زين اقسم بجلال الله لو تعيد ذا الكلام لزعل عليك ي طراد وش علينا منهم في حريقه احنا محاسبين على صلة ارحامنا لاا تعود قلبك ي ابوي على الحقد
طراد : كل شي ولا زعلك يبه تأمر امر
ابو طراد: هيا روح شوف امك وش ناقصها وكمله الله يرضى عليك وخل وجهك رحب لعيال عمك
طراد بدون نفس :زين يبه
راح طراد لامه بالمطبخ ورمى شماغه على الطاوله
ام طراد: بسم الله طراد وش فيك
طراد: عمامي وش يبون
ام طراد: جايين زياره يمه
طراد: مانبي لهم زياره
ام طراد: طراد ابوك لا يسمعك ويزعل عليك
طراد:ليييش يمه ليش ليش مجبورين نتحملهم وهم اللي قطعونا ورمونا عشان كم قرش
ام طراد:هذا شي في اعمالهم يمه حرام نقطع رحمنا ضروري نستقبلهم ونحسن استقبالهم
طراد حلس على الطاوله:اوووف انا مابي مابي
ام طراد:عيب عليك يمه
طراد:يمه تبين شي من برا
ام طراد : لا يمه
طراد:اجل خليني اروح لا اموت
طلع طراد وهو يتحلطم ويتأفف وراح لغرفته:مره
مصدقين انهم جايين زياره وربي انهم ناوين شي ما اكون طراد اذا ما ما وراهم شي
٠٠٠
عند شيخه كانت منسدحه وهي تفكر تتصلح في مشغل والا لا (اوووووف اتصلح او لا طيب هو يوم ملكتي بس انا ما احب ي ربي اوووووف وش اللي حادني انا والله لو اكنسل احسن ههههههه انتي خبله ي شيخه احد يكنسل بدير المز ي سبحان الله اللي عطاه الجمال بس والله المفروض انتي اكشخ اخر كشخه يعني الرجال اجمل مني اطلع له شيفه استغفر الله العظيم بس خلاص ابتصلح تصليح حلو وبسيط اقل شي نرقع جنب الجمال والطول يييمه ي زينه ) صحت على صوت امها : شيخه انزلي للغدا وين وصلتي
شيخه: الحين انزل يمه
٠.
نزلت شيخه وصارت تمشي بنعومه وجلست جنب ابوها
فواز: وووع على ايش تتدلعين ي بطه
شيخه: كلامك مردود لك
فواز: ما اقول الا الله يعين بدر المسكين
شيخه :ما برد عليك
فواز: مالت بس
طنشته شيخه وجلست تتغدا وهي مطنشه الكل وتفكر بملكتها اللي توها حست فيها
٠٠٠
عند علي كان جالس بجنب ابوه وعينه على ريم اللي ماكانت معهم ابد التفت له ابوه : علي مد الصحن هذا ي ابوي
علي قام بس ماعرف يشيله بيد وحده وتورط واشر لبدر
بدر: انا اجيبه بما ان ملكتي بعد ٤ايام
ابو عمر:هههههههه الله يتمم لك
بدر وزع عليهم وجلس وابو عمر كان شاك في علي لانه ما يحرك يده اليسار وكمه ضيق من فوق وباين تحته شي
ابو عمر:علي
علي:هلا يبه
ابو عمر:صب لي شاهي
بدر:انا اصب يبه
ابو عمر:لا ي ابوي ابي علي يصب
علي قام وهو حاس ان ابوه بيكشفه اخذ البرادي بيده اليمين وصب وشال الفنجان وجاء ابوه يراقبه
علي:سم
ابو عمر: اقعد اشوف
علي جلس: وش فيك يبه
ابو عمر:ارفع كمك
علي تورط : وش تبي فيه يبه
ابو عمر:ارفع كمك
علي بضحكة تسليك:كمي يبه ضيق
ابو عمر: قلت ارفعه
رفع علي كمه وهو يدري ان ابوه بيغسل شراعه
ابو عمر:وش فيها يدك
علي: ضربه بسيطه ولفيتها
ابو عمر:اتكلم بدون كذب
علي قال لابوه السالفه واللي صار كله واخذ تهزيئه محترمه من ابوه وامه واخوانه وكل واحد يهاوش من جهه
علي: خلاص سالفه وعدت
ابو عمر: انت قلي بس متى بتوقف مشاكل
علي: ي يبه هم اللي ابتلوني بأنفسهم
ابو عمر:دايم وانت هذا عذرك ابتلوني انت وين عقلك
بدر:خلاص يبه عدت على خير
ابو عمر:انت اسكت داري وساكت
علي :انا قلت له ما يقول يبه
ابو عمر:مالت عليك انت وهو اسمعني من اليوم ورايح لو تسوي اي مشكله بيكون لي تصرف ثاني معك
علي:ابشر
ابو عمر:بدر امش افتح له الشاش اشوف
جاء بدر وفتح الشاش عاين الجرح ابو عمر ورجع لف عليه
ابو عمر: عدت سليمه ذا المره لكن ثاني مره ما بقول انك رجال
ابتدت ام عمر بحالتها المعتاده بكي وعتب ومعها نجلا واريام
٠٠٠
وفي نص الحوسه والقلق ودموع ام عمر دخل عليهم الجد حاكم:السلاااام عليكم
ابو عمر: ي هلا ومسهلا
قاموا الكل واصوات التراحيب في المكان كانوا يسلمون وفجاءه كشروا اول ما شافوا الجوهره وصيته
الجد حاكم:عليان تعال سلم علي وش بك واقف
ابتسم علي :انتظر يخلص الطابور
الجد :وقفوا كلكم يسلم علي وبعدين انتم
بدر وخر: ي سلام هذا وانا المعرس واكبر منه توقفني عشان ابو نص شعر
علي ونجلا وعبيد انفجروا ضحك لانهم عارفين ان محد يقول ابو نص شعر غير شيخه بدر انتبه لنفسه وضحك :الله يأخذكم
علي :ايوه ابو نص شعر هاااه طيب من الحين من الحين
نجلا : قال ايش قال عادي
تقدم علي يسلم على جده اللي ضمه ما قبل بالسلام العادي
الجد :اجل للحين زعلان
علي:افا عليك ماني زعلان بس تعب شوي
الجد :وش فيك ؟
ابو عمر:اجلسوا الحين وخلونا نتقهوى وبعدين عاتبه لين تشبع
راحوا العيال يسلمون على عماتهم الا علي ونجلا اللي ما سلموا الا على ساره وصيته سحبوا عليها
ابو عمر: علي نجلا
علي :يبه الله يرضى علي
سكتوا كلهم وهم مو حابين الموضوع يكبر جلسوا وتقهووا
علي كان جالس بجنب جده وهو متضايق من جيت صيته ومن ريم اللي تعبانه قام وراح لها وانظار الكل عليه قومها بيدها وراح فيها جوا
الجد حاكم: وش فيه علي اليوم
ابو عمر: تعبان شوي متهاوش مع كم واحد وطعنوه بيده وتعبان من يده
الجد:نعم كيف يصير كذا
ابو عمر قال السالفه كلها لابوه اللي عصب وزعل من علي
عبيد بهمس لبدر:علي اليوم بيتمسح فيه بلاط البيت
بدر:لا لا تخاف عليه خله يقلب وجهه على جدي وشوف كيف يمشون عدل
٠
٠
عند علي اللي كان واقف قبال ريم همس لها: وش بك مانك معانا
ريم : تتوقع علي جدتي بتسامحني تتوقع ام مشعل زايده كلام
علي سحب نقابها ونزله : الا متأكد انتي تعرفين ام مشعل تحب اللت والعجن اكيد مزوده كلمه من هنا والا من هنا
ريم :ان شاء الله
علي باسها من خدها : خلاص فرديها انتي وبطلي زعل اصلا انتي من يقدر على فراقك الحين ندخل وابي اشوفك كذا مروقه وانبسطي لا تشمتين عذالك فيك
ريم فهمت قصده انه يقصد الجوهره قربت وضمته :الله يخليك لي
علي :ويخليك لي يلا خلينا نروح
٠٠
عند طراد اللي طول الوقت يهبد في الابواب وفي الشبابيك وفي الفرش وبس ينافخ ويتحلطم وابوه بس كان يناعالم القصص والروايات 📚:
ظره وهو يدري وش كثر طراد متضايق بس مايبيه يقطع رحمه قطع الصمت صوت جوال طراد اللي رد بكل عصبيه: هلا
علي :هوووب هوووب على عمرك وش بك معصب
طراد:اسكت ي علي ورب البيت بموت خلاص
علي:بسم الله وش فيه
طراد:تخيييل من بيجي
علي : مين
طراد:تخيل بس تخيل ان عمامي بعد كل اللي صار وبعد كل هالقطاعه ناوين يشرفون عندنا اليوم وشكلهم بيباتون
علي ضحك: اجل نعاني نفس المشكله
طراد:ليه
علي : اول شي انكشفت الطعنه كشفني ابوي وهزأني تهزئ وكملها جدي قبل شوي وثاني شي جدي جاي بيبات لين ملكة بدر ومعه صيته وعمتي ساره ومعها عيالها والجوهره فيه والتتش حامي بالبيت
طراد:اوووووف وش ذا
علي:تعال جد وش عندهم عمامك
طراد:مدري ي شيخ قسم مالي نفس حتى استقبلهم بس ابوي نشب لي هو وامي ع اساس قطعة رحم وضروري نوصلهم
علي:هههههههه قسم وراهم شي وقول علي ما قال
طراد. ما يحتاج انا حاس فيهم بتعلمني خبز يديني ملاعين خير
علي: ي ويلك يسمعك ابوك
طراد: بلعنتهم هذا اللي ناقص اشيلهم على قلبي شيل
علي :تهون لا تكبرها متى جايين هم
طراد:اليوم جعلهم باللي ماني قايل
علي : يعني شكلنا كذا ما بنشوفك
طراد:من قالك بجلس بدور عذر واطلع والله ما اجلس وان جلست بولع فيهم
علي :وش عذرك ان شاء الله
طراد بسرعه:انت
علي:نعم وش تبيني اسوي
طراد :اسمع خلينا انقول لابوي انك مطعون والتهب جرحك وتعبت ودقيت علي اجي اوديك المستشفى ونصير ما كذبنا حتى لو حلفنا
علي: ي رجل ارتاح ابوي يدري بيطلعنا كذابين وش يحلها
طراد:تكفى ي علي
علي :لا لا ارتاح بس استقبل ضيوفكم وانت ساكت
حاول طراد يقنع علي بس رفض سكر طراد في وجهه وهو يسب ويلعن
٠
٠
عند نجلا اللي كانت منقهره انها ما تقدر تروح لشيخه وطول الوقت تخز في جوهره وصيته وجوهره اللي تخز في ريم اللي وجهها تعبان
نجلا : ريم وش بك
ريم : بطني تعورني وزادت تعبي مع تعب جدتي
نجلا : يوه وقتك عاد
ريم :والله بطني تقطع ونفسي احسها تقلب علي
نجلا : تعالي نطلع فوق وانسدحي شوي
ريم : يلا
طلعوا فوق والجوهره تراقبهم
صيته : اقول اريام ناوليني الكوب ...ايه صح ما تقدرين عشانك عميا معليش نسيت
اريام انكسر خاطرها وقامت تداري دموعها
ام عمر: ضبي حالك ي صيته مابدي اغلط عليك وانتي ببيتي
ساره:تعوذوا من ابليس ي جماعه
سكتوا الكل وهم عارفين عاقبة الامر
٠٠
عند علي وبدر كانوا جالسين مع عبدالعزيز ومو طايقنه من سالفة راكان والسكوت عم المجلس اما ابو عمر والجد راحوا لابو راكان
علي: انا بطلع شوي
بدر: زين
طلع علي وهو وده يخنق عبد العزيز ولا له خلقه صح ماسوى شي بس اخو راكان والجوهره بدر كان عادي بس ما عاد يأمن فيهم بس اللي سووه اخوانه
٠
٠
عند ريم اللي كانت منسدحه على سرير نجلا وهي تعبانه من بطنها وظهرها وتبكي
نجلا : ريم دقي على علي يجي يوديك المستشفى
ريم : لا مابي
نجلا :وش اللي ما تبين كذا بتموتين
ريم :خليني شوي يمكن اهدا
نجلا :ما تسمعين الكلام اوف منك
ام عمر :ريم قومي اشربي شي حار من شان ما تتعبي
ريم:مالي نفس ي عمه
نجلا :الا قومي احسن
وبعد اقناااع شديد نزلت ريم تحت وجلست
ساره : يمه ريم وش فيك ؟
ام عمر: تعبانه شوي هلا بتشرب الشاي وبتطيب
علي من ورا الباب : ي ولد
ام عمر : فوت يامو جوهره متغطيه
دخل علي وتوجه على طول لريم اللي وجهها اصفر وباين انها باكيه جلس جنبها بخوف :ريم حبيبي وش فيك
ريم :ولا شي
نجلا :كذابه ي علي تراها تعبانه ومو راضيه تروح المستشفى
علي : ريم ليش كذا ليش ما اتصلتي علي
ريم وهي منثنيه :ولا شي ي علي بس ألم بسيط بطني وبيخف
علي : هيا قومي نروح المستشفى احسن
ريم: مو مستاهل علي لا تشيل هم بس انام شوي ويروح التعب
ام عمر: اذا هيك طلعي ياعمتي فوق تسطحي
طلع علي وريم فوق وحط ريم على سريره وهو يلحفها
علي :ريم بطنك يوجعك من وين
ريم ببكي :من اسفل
علي حط يده على بطنها :من هنا
ريم :ايوه
علي ثبت يده على بطنها وهو على باله مغص عادي وجلس يقرا عليها بعد شوي رفع يده : هاه مو احسن
ريم ببكي :لا
علي : هيا قومي تكفين اوديك لا اشوفك تبكين خلينا نروح المستشفى
ريم : لا مابي
علي: ليش
ريم: بيعطوني ابره
علي: ي حبيبي مابيعطونك شي بس بيشوفون من ايش تتألمين
ريم سكتت علي :يلا قومي
ريم : خلينا شوي بعد
علي : طيب انتي وش يعورك بالضبط
ريم: بطني وظهري
علي : طيب انقلبي كذا على بطنك خليني امسج لك ظهرك يمكن يخف
ريم انقلبت وجلس علي يمسج ظهرها وخف شوي
علي : هاه احسن
ريم : ايوه
علي :اكلتي شي انتي اوجعك او شي
ريم : لا
علي : اخذتي برد
ريم:لا
علي : اش صار معك طيب
ريم : انا متعوده كذا
علي :كيف يعني
سكتت ريم وطول علي على ما فهم وضحك:هههههه الحين خوفتيني وارتعبت في النهايه تطلع ..........
ريم : وش اسوي لك يعني
علي انسدح جنبها: كان قلتي لي
ريم طنشته وهي منحرجه وهو يضحك اعتدل علي وجلس يمسج ظهرها لين خف ونامت ريم طلع وهو يضحك بعد ما لحفها وسكر النور
٠٠٠
عند بدر اللي كان ق
اعد مع عبيد اللي كان يجامل عبدالعزيز والسكوت مو طبيعي وعبدالعزيز اللي طق وانتحر من السكوت وماله وجهه يتكلم معهم اصلا جاء علي :بدر تعال ابيك
بدر قام وطلع :وش فيك
علي : عندي مسأله انقاذ
بدر:انقاذ مين
علي: طراد
بدر :ليه
علي :جايينهم ضيوف وماله خلقهم وابوه مصمم الا يستقبلهم معه
بدر :زين وش بنسوي
علي : اسمع
وبدوا يجهزون لخطتهم اللي بيتصفقون عليها بس اهم يطلع طراد
٠٠٠
٠
عند طراد اللي وصلوا عمامه وهو مو طايق الوضع واضح على وجهه انه مانه بالعهم بس ساكت عشان ابوه وكانوا عيال عمه كثير بس علاقة طراد فيهم زفت جلس طراد وهو يقلب مسبحته بيده ويفكر صحى على صوت صراخ برا وفز طلع ركض وشاف علي طايح على الباب وهو يصرخ وغرقان بدمه وسياره شخطت بسرعة البرق ركض طراد وهو يصيح وركض وراه ابوه المفجوع
طراد جلس وهو يرفع علي اللي كان كله دم ولاهو في وعيه
طراد: علي علي
ابو طراد :علي يبه شفيك
علي كان يون بس رفعه طراد وابوه وركب طراد على اساس يوديه المستشفى تكلم علي بهمس :طراد صرف ابوك ترا الشغله تصريفه لك
طراد انخرش والتفت وهو مرعوب :انت طيب
علي:وجع طيب بس قل لابوك لا يقول لاحد
طراد من الخرشه عجز يتكلم وهدبه علي بشويش :اخلص
طراد: يبه انا اوديه واطمنك بس انت اجلس ولا تقول لعمي عشان ما يخاف وقابل ضيوفك
شخط طراد قبل يتكلم ابوه وهو يرجف من الخرشه اول ما بعدوا عن البيت قام علي وهو يمسح الدم اللي عليه وقف طراد وهو يرجف ماهو مستوعب كل اللي صار علي :مبروك عليك العتق
طراد التفت ووجهه اصفر من الفجعه:علي انت طيب
علي وهو يضحك: طيب طيب بس خليني اقول ان هذا انتقام على اللي سويته بزواجي وانقاذ لك
حط طراد يدينه على راسه وهو يرجف سحب عقال وضرب علي بقوه وهو مقهور منه
علي:اااااااه
طراد:تستاهل جزاك واقل من جزاك
علي:هذا وانا بنقذك
طراد:الله لا يعطيك العافيه على تعبك ..
بدر اللي جاء من ورا بشويش وهم واقفين بنص الشارع وكان معه مسدس وتلثم ودخل المسدس من شباك طراد المفتوح وحطه براس طراد
التفت طراد اللي صرخ ونط اللي هو بحضن علي :يمه وش ذا
بدر ماقدر يمسك نفسه وانفجر ضحك : طلعت مو شي
طراد اللي طنقر وعصب ورجع مكانه وفك الباب ودف بدر ونزل وراح يمشي وهو معصب ويرجف من اللي سووه فيه والمزح الثقيل اللي وقفوا قلبه فيه
لحقوه علي وبدر وهم يضحكون علي:طراد وقف
بدر ركض ووقف قباله ودفه طراد:فارقني انت وياه لا اقسم بالله يصير زعل
علي:نمزح معك ي دب
طراد:انكتم انت ومزحك السامج
بدر:والله نمقلبك وش فيك عصبت
طراد:فارقوني ازين لكم مالقيتوا تمزحون الا كذا
علي:وش نسوي طفشانين
رجع طراد يركض عليهم بعقاله ومحطهم الاثنين وبعدين وقفوا وهم يضحكون وكان بدر في يده المسدس وعلي الدم على ثايبه وطراد قاعد من التعب شوي وقفت جنبهم شرطه وهم على بالهم هوشه
الشرطي رفع سلاحه:ارم سلاحك ي ولد
انفجعوا ووقفوا كلهم الشرطي رجع يصرخ:ارم سلاحك
رمى بدر السلاح اللي معه وبسرعه البرق كتفوهم علي:ااااه ي مسلم يدي
طراد:بشويش عليه يده
اخذوهم على القسم وبعد تحقيقات واستدعاءات من اباءهم اكتشفوا انه مقلب وبعد مناوشات وبعد مفاوضات طلعوا بكفاله وابوعمر مايشوف من العصبيه وابو طراد زيه
واخذوهم كلهم لبيت ابوعمر
وهم مسك معهم كلهم ضحك وتصرعوا ضحك وزادو الطين بله وكل مايصارخون عليهم يرجعون يضحكون لدرجة شكوا انهم شاربين شي مع الجنان اللي هم فيه
٠٠٠٠٠٠
٠
وصلو بيت ابو عمر ودخلو ودخلوهم المجلس وهم مستمرين بالضحك
ابو عمر:انكتم انت وياه معجبك اللي سويته انت وهو معجبك لا وبدر الكبير العاقل معهم هم مجنن ماعليهم شرهه بس الشرهه عليك
بدر: يبه الموضوع كان مزح
ابو طراد اللي يمون عليهم : انت اسكت اي مزحه بذا الشكل انت شفت شكل علي وهو طايح والا اشكالكم داخلين القسم
علي : ي يبه انا اللي قلت له كنت بغير روتين ما توقعت توصل كذا
ابو عمر:انت بالذات لا اسمع صوتك لك عين تتكلم هاه لك عين
طراد اللي كان ساكت وبالقوه يتنفس من الضحك التفت له علي واول ماشافوا وجيه بعض تفجروا ضحك لدرجة انهم طاحوا على الارض
ابو طراد سحب طراد معه للبيت وطراد صابته هستيريا ضحك وابو عمر طرد علي وبدر جوا وهو معاقبهم مايشوفهم على العشاء وهم شوي ويغمى عليهم من الضحك
٠٠٠
عند نجلا اللي كانت جالسه وهي طفشانه سمعت صوت علي وبدر وهم يضحكون بالمطبخ وراحت ركض بتشوف وش فيه
اول مادخلت وشافت وجيهم ضحكت علي اللي قالها السالفه وهو يشرق بالحرف عشرين مره من الضحك نجلا ضحكت بس ماهي مستوعبه كمية الغشامه والهبال في مزحهم احد يمزح بمسدس ولا تدري ليش كل هذا الضحك وبعد ماهدوا سأل علي عن ريم وقالت له انها بعدها نايمه وطلعوا برا يضحكون ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⑦⓵
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼