الفصل 16
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ⑥⓵🌱
🍒ـــــــــــــــــــــــــــــــــــــ🍒
سمع حركه بغرفة الملابس اتجه لها شاف ريم واقفه تجمع شعرها
ريم:علي راح طراد
علي:ايه راح
ريم اتجهت له :وش فيه وجهك كذا اصفر
علي :خلي وجهي على جنب وضميني
ضمته ريم:وش فيك حتى ملابسك مغيرها
ابتعد علي وهو يمسك يدها ويناظر تحت:ابد رحنا انا وطراد لثمامه طعسنا وانبسطنا هناك
ريم:ماشاء الله وليش ماخليتها لين اروح معك اكيد فليتوها
علي رفع عينه عليها:من ناحية انبسطنا انبسطنا بس ما كملت معنا
ريم :ليش
علي بهدوء عشان ما تنفجع :ابد تهاوشنا مع شله ماهم طبيعين والحمدلله انتهت على خير بس طعنه بسيطه في عضدي
ريم بفجعه:اييييش طعنه
علي:ريم الله يسعدك هدي سالفه وانتهت وهذا انا بخير كلها طعنه وبتروح في اسبوع
ريم بكت :تستهبل انت هاذي طعنه ي علي اوجعوك صح حسبي الله عليهم
علي: يوووه ي ريم وش ذا الدموع الحين الله يرحم والدينك وقفي بكا الموضوع قاضي وانا بخير ومايوجعني شي
ريم:وريني اشوف اكيد توجعك
علي نزل القميص اللي عليه وهو يوريها الشاش:شوفي صغير مو كبير بعدين مو طعنه بس خدش بسيط
ريم وهي تمسك الشاش:في ذمتك صغير والا كبير
علي:والله صغير ما يحمل حتى
ريم قربت وهي تبوس مكان الطعنه :حسبي الله عليهم ي رب
علي:وبما انك بستيها ماعاد حسيت فيها خلاص ي اخي مسحي دموعك
ريم: طيب خلاص خليني اسوي لك شي يرجع لون وجهك
علي:تعالي مابي شي تو طراد موقف لي بجيك عصير لين خلصته معاد في بطني مكان
ريم :زين اجلس
علي جلس وهو يشوفها وشلون حايسه: ريم تعالي اجلسي
جلست ريم وهي خايفه يكون الجرح كبير وتراقب يد علي :في ذمتك صغير
علي :اوووه هوووه علينا والله صغير والله
قربت ريم له وضمته:دخيلك انتبه لنفسك ثاني مره
علي:ابشري من عيوني بس انتي خلاص فكينا من ذا الدموع
ريم مسحت دموعها:خلاص طيب
قام علي :ريم اعطيني كيس او حاجه اغطي فيها الشاش
ريم:ليه
علي :بتروش ي ريم عن التراب والقرف
ريم:ويدك
علي:ايه عشان كذا ابغى كيس او اي شي
راحت ريم وجابت له كيس ولفه على يده ودخل يتروش وهو مخلي يده برا عن المويه وجسمه تحت المويه تروش بصعوبه وهو يحاول يتصرف بيد وحده طلع واخذ المنشفه
ساعدته ريم ولبس بجامته
٠٠٠
من بكره الصبح قامت القيامه في بيت ابو عمر والكل يجهز لملكة بدر اللي بعد ٥ ايام فقط ونجلا حايسه نفسها قابلها بدر
بدر:نجلا وش بك
نجلا:يوه انا جالسه ادور فستان وما حصلت
بدر: وليش كل هالحوسه
نجلا :انا اخت العريس والعروس كيف ماتبيني اكشخ
بدر:الله عليك شيخه صارت اختك
نجلا:ايه عندك مانع لا تحسب اني بتركها اذا تزوجتها
بدر: نشوف نشوف اليوم ناسيتني ما جهزتي لي فطور
نجلا :يمه ي دلوعين كيف انساك انا هذا هو جاهز بالمطبخ
بدر: ي جعلني ما خلا ي شيخه
نجلا : اسمي نجلا لو سمحت
بدر: طيب ي نجلا هههه
راح وتركها بحوستها وهو يضحك عليها
٠٠٠٠
٠
اما علي اللي صحى على صوت الباب
علي:يوه من ذا
ريم:قوم علي طراد برا
علي:كم الساعه
ريم: ١٠ ونص
علي:اوووف
قام وراح للباب علي:هلا طراد وش فيك
طراد: وش فيك تعبان يوجعك شي
علي:لا
طراد : وليه ما ترد علي ليش ما داومت اليوم
علي:كنت نايم ماحسيت على نفسي انا بخير ماعليك
انفجع طراد ومسك يد علي:ليش الشاش مليان دم
علي :مدري شكلي تحركت وانا نايم توني اشوفه
طراد :تعال تعال اجلس خليني اشوف وش فيه
علي :طراد اصبر الله يهديك وادخل
طراد:زين اخذ طريق
علي: يالله يالله ي ولد
دخلوا وجلس طراد يفتح الشاش وماشاف الجرح ملتهب
علي:قلت لك شكلي تحركت وانفتح شوي
طراد: جيب المعقم خليني امسح الدم وألفه من جديد
قام علي وجاب له المعقم وجلس يراقبه وهو يمسح الجرح بخفه وهو خايف يجرحه او يوجعه لف الشاش من جديد عليه
طراد:شوف انتبه ثاني مره لحركتك
علي:انا كنت نايم ما دققت على حركتي
طراد: زين مو مشكله بس انتبه والا خل ريم تنتبه هي بعد
علي : ان شاء الله انت لا تشيل هم
طراد: خلاص انت خذ ادويتك وريح شوي وانا بطلع لشركه
علي :انتظر بطلع معك انا بخير
طراد: اقول انثبر اصلا مافيه شي كلها كم اتفاقيه وبشرف على المحلات انت اجلس يلا
علي :ي طراد مافيني شي
طراد:لا تناقشني ي رجل انثبر هنا خلاص اليوم اجازه
علي :اوف منك
طلع طراد وراح لشغله وقام علي ورجع لفراشه وهو تعبان نوم
ريم: رجعت تنام
علي :احس اني مهلوك بنام شوي بعد
ريم :وش يبي طراد
علي: ي زينه دق علي ما رديت وشافني ماداومت وجا سريع خاف يكون فيني شي الله لا يخليني منه
ريم جات وانسدحت جنب علي: تحبه ي علي
علي:وكيف ما احبه طراد روحي والله لو يغيب عني شوي اضيع انا ما اعرف اتحرك بدونه لو يصير فيه شي ممكن اموت ماتدرين وش كثر يعني لي اغلى من اهلي والله واغلى من اخواني ..
ريم : من متى تعرفون بعض
علي : من لما عمري ٦سنين من ٢١ سنه وهو داي
م معي ويده بيدي وروحه قبلي على كثر اغلاطي هو يصلحها على كثر مشاكلي هو يحلهاا على كثر شخصياتنا المختلفه الا انه اكثر انسان يفهمني صح يطقطق ويستهبل ويزعل بس اول واحد يوقف معي ولو اني على غلط هو مو بس معي مع اهلي كلهم
ريم :الله لا يحرمكم من بعض اصلا انا اتطمن اذا كنت معه ادري بينتبه لك اكثر من روحه
علي : آه ي ربي لا تذوقني مرارة فقده
ريم :امين
٠
٠
عند طراد اللي اتجه لشركه وهو شاد حيله ومنتبه لكل شي وكان مقرر بعد ما تنتهي ملكة بدر يكلمهم بموضوع زواجه من اريام
دخل عليه سعود :سلام طراد الحماس اليوم ماشاء الله
طراد: لا تسأل ضروري اخلص الشغل هذا كله اليوم
سعود:ليه وعليان وينه
طراد: امس دخلت انا وياه في مشكله مع شله مو طبيعيه وطعنوه بيده وحلفت عليه ما يداوم اليوم والا هو بخير
سعود:لا تقول قويه الطعنه
طراد:لا لا تخاف بسيطه بس ما ابيه يتعب يده عشان يمديها تشفى قبل ملكة بدر
سعود : لا حول الله وش السبب طيب
طراد: ابد رموا كلام وانت تعرف علي مايصدق احد يتكلم وطالت بينهم
سعود : الله يهدي علي بس
طراد:انا بروح اشوف المحلات ويمكن بعدها اطلع للبلديه تبي شي
سعود:سلامتك
٠٠٠٠
اما عند شيخه اللي كانت نايمه ولا كأنه بعد ٥ ايام ملكتها والناس قايمه وقاعده وهي ولا فكرت صحت على صوت فوزيه:شيخوه قومي ي بنت الناس تحركي مع الناس
شيخه:وش تبين
فوزيه :قومي قومي اطلعي دوري لك فستان للملكه وصالون كويس تجهزين فيه والا تبين بدر يشوفك بحالك هذا
شيخه:فوزيه تدلين الباب اطلعي معه في حريقه انتي وبدر
فوزيه :اقول قومي اشوف
شيخه قامت ومسكت فوزيه وطلعتها وقفلت للباب ورجعت تنام
فوزيه : وجع ي خبله
ابو ناصر:خير وش صاير
فوزيه:يبه بنتك هاذي بتخلل عندك وربي
ابو ناصر:ليش
فوزيه:ي يبه الناس قامت وقعدت عشان ملكتها وهي مو محركه ساكن ونايمه
ابو ناصر:خلوها براحتها هي تعرف وش تبي
ام ناصر:محد مخربها الا انت لمتى بتجلس كذا
فوزيه : ي ربييي
٠٠٠
عند بدر اللي استأذن من الدوام وراح لشركه يبي ياخذ علي عشان يختار معه الشبكه عشان هو الوحيد اللي يفهم وش تبي شيخه وش يعجبها وصل وماحصله ودق عليه
علي بصوت نايم :هلا
بدر:علي وينك مانك في الشركه
علي :لا بالبيت وش فيك
بدر:لا بس بغيتك تروح معي عشان نختار الشبكه
علي: بدري ي بدر
بدر:لا ابي اخلصها الحين وارتاح مابي امي تدخل على الخط
علي: طيب وش رايك تخليها العصر والله مالي حيل الحين
بدر:وش فيك وليش مانك مداوم
علي:اذا قابلتك بقولك
بدر:زين اجل العصر
سكر بدر اللي استغرب من علي وحرك للبيت وهو بيشوف وش بيسوون اما علي اللي رجع نام وهو مو حاس بنفسه من المسكن
٠٠٠٠
في بيت ابو عمر كانت نوره ونجلا واريام ورهام وام عمر متجمعين ويفكرون وايش بيسوون وايش بيلبسون
نجلا :وعوووه دوروا لي شي حلو عجزت
نوره:مانك محتاجه ي نجلا دوري اي شي هادي ترا عائليه
نجلا :حتى ولو هاذي ملكة اعز اثنين بعد علي وريم
ام عمر: خفي ع نفسك شوي مابدها تطير الدنيا وشو يعني اذا ملكتهن كتب كتاب وخلصنا
رهام :نجلا شوفي هذا حلو
نجلا :ايه بس يمديه يجهز قبل الملكه
نوره:يمدي بس انتي وديه سريع لكادي يفصلونه سريع لك
نجلا :زين خليني اكلم السواق
سمعوا صوت بدر : ي ولد احد هنا
نوره:انتظر شوي ي بدر
نجلا جات له تركض:زين انك جيت وديني لكادي عشان افصل الفستان تبع ملكتك
بدر :وانتي باقي بتفصلين ي نجلا الله مكثر المولات
نجلا :الله عليك المهم اترك عنك وانا بروح البس واجي وبالطريق اقولك وش بنسوي لانك طول ٥ايام بتكرف على وجهك
بدر ما يمديه يتكلم الا طارت وتركته ودخل بدر عن امه باس راسها وجلس :ها يمه كيف استعداداتكم
ام عمر: والله ياموه عم نجهز وبنشوف شو بدنا نعمل
بدر نزل يبوس يدها :اهم شي رضاك يمه هذا اهم استعداد
ام عمر:روح ي بدر ربي وقلبي رضيانين عليك
ابتسم بدر اعتدل في جلسته وهو يسمع صوت نجلا اللي ماهي معطيه فرحتها احد : ي بدير يلا
بدر: يلا
٠٠٠
عند طراد كان رايح جاي بين العمال والمحلات وكل شوي يدق على علي يتطمن عليه رجع للبيت مهلوك
طراد:سلام عليكم
ام طراد: هلا يمه تعال اجلس
جلس طراد وانسدح في حضن امه :كيفك يمه
ام طراد:بخير انت وش فيك كنك تعبان
طراد:والله يمه من الصبح وانا ادور بين العمال ومحلات وطلعت للبلديه والزحمه والقرف وهاذي وقفتي منهم ..
ام طراد:وين علي ماساعدك
طراد:علي اجازه اليوم ومسكت بداله هو دايم تعبان فيها
ام طراد:الله يعطيكم العافيه يمه وانت مالك نيه تتزوج وتستقر مثل علي
طراد: قريب يمه قريب
ام طراد:جد يمه تقولها جد ..
طراد:بأذن الله خليها على ربك بس ..الغدا جاهز يمه تراي تعبان حيل
ام طراد: الحين اجهزه يمه
قامت امه تجهز الغدا وهو انسدح بالصاله وهو مايدري عن قراره اذا كويس او لا
٠٠٠
عند علي اللي كان غاطس بسابع نومه صحى على صوت ريم تصحيه للغدا :يووه ي ريم مالي نفس مره
ريم: لا ضروري تقوم وتسند نفسك شوف كيف طايح من الليل ولا تحركت
علي وهو يحس
بدوخه وشكله كذا بيسخن:والله مابي والله ابي انام
ريم: علي يلا قوم
مارد عليها ورجع في غيبوبته وعجزت تصحيه علي ماكان نايم كان دايخ من الطعنه والجرح اللي اللتهب عليه من الحركه والعطور اللي بالغرفه وزقاير اللي شربها اثرت في جرحه خصوصا انه تركه مفتوح شوي
٠٠٠
اما بدر اللي داخ سبع دوخات مع نجلا اللي لفت به الرياض كلها وهي متحمسه حماس مو طبيعي
بدر :نجلا تراها حفله عايليه ليش كل هالشغل
نجلا :انا ما علي من الناس علي من استقبالنا نحنا وبعدين انت وشيخه مو قليلين عن غيركم بسوي لكم احسن استقبال وحفله
بدر: ما قلت نحنا قلال بس يعني كذا اسراف
نجلا:من هالناحيه ما عليك اذا قضينا وباقي في اكل بأتصل على جمعية حفظ النعم
بدر: انتي من يقدر يقول لك لا
نجلا: زين اجل خلنا نكمل اللي باقي ونرجع للبيت
حرك بدر ونجلا يكملون باقي الحوسه وكل واحد مفعم بالحماس
٠٠
عند علي اللي ارتفعت حرارته كثير وصدع وصار يرجف صحت ريم على حرارته وصوته وهو يتمتم بكلام من اثر السخونه قربت منه بتصحيه بس انفجعت من جسمه الحار حطت يدها على جبينه وحصلته مولع نار حاولت تصحيه ما صحى ولا رد عليها فزت وهي ماتدري وش تسوي رجعت له وهي تبكي :علي علي انت بخير علي رد علي
علي كان يتمتم باسم طراد سحبت ريم جوالها وطلعت اسم طراد ودقت عليه وهي تبكي
٠٠٠
صحى طراد على صوت الجوال اللي ازعجه وفز لما شاف اسم علي ورد بسرعه:علي وش فيك
ريم ببكى:انا ريم طراد تعال علي مدري وش فيه
طراد انفجع:وش فيه
ريم:مدري يرجف وحرارته مرتفعه ولا يرد علي
طراد:انا جاي الحين
سكر وفز يركض هو بقميص نومه ما غير حتى تعدى امه وابوه وهو يركض ولا رد عليهم ركب بسرعه وحرك وهو يدعي ان علي بخير
٠٠
عند راكان اللي كان يراقب بيت ابو عمر وهو مصر يشوف اريام ويكلمها شاف الحوسه والناس داخله وطالعه وهو مايدري وش فيه ما حصل له طريقه يدخل بها لعند اريام وراح وهو ناوي يرجع لها ثاني مره
٠٠٠
اما في بيت ابو مشعل كانت ام مشعل تصرخ بكل صوتها على ام محمد دفتها وهي تقول:اوووه لمتى بتحملك ي عجوز النار موتي وريحيني
ام محمد :وش سويت لك عشان تعامليني كذا
ام مشعل :اقول انقلعي للمطبخ مالي خلقك انتي وولدك
راحت ام محمد اللي ي دوب تخطي للمطبخ وهي تبكي ظلم ام مشعل اللي ما ريحتها من يوم طاح ابو مشعل وهي تحس كل عظم بجسمها يوجعها وبتموت منه
٠
٠
اما عند شيخه قامت وهي معصبه ولا تبي تكلم احد نزلت تحت ببجامتها وجلست على السفره وهي بالقوه ردت السلام مدت يدها وبدأت تاكل وهي ساكته
فواز:هذا شكل وحده ملكتها بعد ٥ايام
فوزيه :لو تفهم حجر كان فهم
ريماس :حسي على نفسك وقومي ترتبي
ناصر: شيخه وش ذا البرود اللي مثلك مقومه القيامه الحين
شيخه :خلاص مالكم شغل اطلع بالشكل اللي ابي خطبني بذا الحال يرضى بي بذا الحال يبي والا دروب ربي وسيعه محد له شغل انا كذا مرتاحه ومبسوطه من نفسي ما يحتاج ازيف بعمري عشان ارضي السيد
الكل سكتوا مفجوعين من عصبيتها قامت شيخه وحضرت لها اكل بصحنها وطلعت وهي مستحيل تتخلا عن الاكل مهما زعلت
ابو ناصر:مرتاحين الحين
فواز: حنا يبه نبيها تحس بس
ابو ناصر:مالكم شغل فيها جعلها ما ترتبت اتركوها بحالها
ناصر:ما قلنا شي بس يعني
ابو ناصر:اقطعوا الكلام ومالكم شغل
٠٠٠
رجعوا نجلا وبدر من بعد كرف وطاحوا جنب بعض والاكياس بكل محل
عبيد:ملكه والا عرس حددوا
بدر:ليش
عبيد :وش ذا الحوسه هذا وهي عائليه
بدر:لا تسألني هاذي نجلا واسالها
عبيد:العتب عليك والا احد يطيع كلام البزر هاذي بتفلس بكره وتكنسل الزواج والسبه خرابيطها
بدر: عاد حلالها نجيل تسوي اللي تبي
نجلا :عبيدوه طس عني مالي خلق ابد
عبيد:من متى لك خلق
نجلا :اوريك الحين
انحاش عبيد وقامت نجلا تغسل وراحت هي وبدر يتغدون
وكان النقاش داير عن ملكة بدر وحماسهم مو طبيعي
ابو عمر: اشتريت الشبكه والا بعدك
بدر:لا بغيت اشتريها اليوم ودقيت على علي وقال انه تعبان وماداوم وبينام وخليها بعد العصر
ام عمر: وعلي شو دخلوه
بدر: اثق بذوقه وهو يعرف مزاج شيخه يعني ابيه يختار معي
ام عمر: ايوه تتهنوا
ابو عمر: ماعليه يبه شوي وروحوا خذوها وعلي وشفيه ليه ماداوم
بدر:مدري بس صوته طيب مافيه شي تلقاه تعب من الشغل
ابو عمر:جايز ..
نوره:واذا ما فضى علي خذ نجلا اكيد تعرف ذوق شيخه
نجلا:لا
بدر:ليش
نجلا :والله انا ذوقي غير عن شيخه قسم لو مايعجبها لتصفقني وانا مالي خلق اصابات
ابو عمر:ههههه الله يسعدها ذا الشيخه
ام عمر كانت ساكته ولا شاركت بشي لانها ماهي راضيه عن زواج بدر بشيخه
٠
٠
عند ريم اللي لبست عبايتها وهي تحاول تصحي علي اللي مو معها ومرتفعه حرارته حيل ولا يرد عليها وصل طراد بسرعة البرق ونزل يدق الباب وركضت ريم تفتح لطراد:وين علي
ريم:بالغرفه
طراد ركض :صحى
ريم:لا
دخل طراد وهو يشوف علي طايح بفراشه ركض وحط يده على جبينه وحمله وهو يقول لريم تفك الباب كان ثقيل علي على طراد ومع ذلك حمله وهو خايف عليه ركبه فالسياره
وراح لجهة السواق
ريم:بروح معكم
طراد:ارجعي ي مره لبيتك ان شاء الله مافيه شي ولا تدقين على احد
ريم:بس انا بروح مع علي
طراد بصراخ وهو متوتر:انا مع علي ارجعي بدق عليك اطمنك
رجعت ريم وهي تبكي انتظرها طراد لين قفلت الباب وركب وشخط على المستشفى
٠٠٠
بعد العصر عند شيخه اللي كانت منسدحه وهي ضايقه ماتدري ليش مو متحمسه مثلهم ليش فيها برود ليش ماهي قادره تحس بالفرحه طرت صورة بدر على بالها وكل مواقفها معه ضحكت وهي تقول:وش حد بدر الهادي على وحده مثلي مجنونه
سحبت جوالها ودقت على نجلا ردت نجلا: هلا بالعروس اللي من امس ماترد والا تكبرتي علينا
شيخه:يوه ي نجلا وانتي صفيتي معهم
نجلا:وش بك حاضرين معك
شيخه:فكينا ي شيخه وش تسوين
نجلا: احوس باستعدادات الملكه انتي وش سويتي
شيخه :ولا شي
نجلا :كيف يعني ولا شي
شيخه:ولا شي ولا شي كم لها معنى
نجلا:شيخه مو من جدك باقي على ملكتك ٥ ايام
شيخه:ادري
نجلا :وش ذا البرود
شيخه:مدري عشان كذا دقيت عليك مريني خلينا نطلع السوق
نجلا:آه ي بردك
شيخه:خلصينا انتي
نجلا :يلا ربع ساعه وامرك
سكرت شيخه وقامت تجهز ونجلا اتصلت على السواق يجهز
٠٠٠
عند بدر راح لنجلا :نجلا فاضيه
نجلا:وش تبي
بدر:ادق على علي مايرد وشكله نايم تعالي معي نشتري الشبكه
نجلا:اوف بدر وانت علقت على الشبكه وبعدين انا عندي موعد مع شيخه يعني لو تتقطع قدامي الحين ما رحت معك ماني بايعه نفسي
بدر:ليش طيب
نجلا:اولا انا ما اعرف باختيار الشبكات ثانيا انا لو تأخرت على شيخه ٥ دقايق بتسمعون خبر نعيي بالجرايد هيا وخر خليني اروح
طلعت نجلا وجلس بدر باحباط :اوووف وش ذا وش هالحيل اللي بشيخه مشيتهم كلهم سيده الله يستر علي لا بكره تقلب وتمشيني معهم
٠٠
عند طراد اللي سلم علي للطوارئ وبدوا يتداركون وضعه ويعالجون التهابه توتر طراد من حالة علي وبدا يقلق وكان واقف على راسه وهو يشوفهم يحاولون يخفضون حرارته ويعالجون جرحه وريم اللي ازعجته كل شوي تدق عليه وزادت بتوتره في الاخير عصب عليها وقالها بيدق عليها اذا صحى ...
بعد نص ساعه خفت حرارة علي ولفو له جرحه واعطوه بعض الابر المسكنه اللي تهدي الوجع وتمنع الالتهاب صحى علي وهو يتألم من جرحه اللي رجعوا خيطوه مره ثانيه
طراد:علي انت بخير
علي:بخير ي طراد بخير
طراد:يوجعك شي
علي:بس راسي
طراد:بسيطه قوم قوم معي نروح البيت وتريح وبيفك الصداع ان شاء الله
سند علي واخذه معاه البيت وهو كل خمس دقايق يناديه يخاف ترجع ترتفع حرارته وصلو البيت ودخل مجلس الرجال وفتح الشبابيك وجلس علي على الكنبه
ريم من ورا الباب : علي بخير ي طراد
طراد: ايه بخير انا بروح اجيب ادويته من الصيدليه وانتي تعالي عنده لين ارجع
طلع طراد وجات ريم ركض وجلست جنب علي:علي حبيبي انت بخير
علي :بخير ي عيني بخير انتي لا تبكين كم مره اقول
ريم: كيف ما ابكي وانت كذا
علي قام جلس عشان يثبت لها انه طيب ولا تبكي مايحب يشوف دموعها ابد:شوفي طيب كانت حراره بسيطه وراحت
ريم قربت له وضمته: الحمدلله يوجعك شي
علي:لا انا بخير دامك بخير
مسحت ريم دموعها :بجيب لك شي تاكل اكيد جوعان
علي : مويه بس مالي نفس اي شي ثاني
ريم راحت وجابت مويه واعطته انسدح علي بعد ما شربها وسمعوا صوت الباب يدق قامت ريم:ميين
بدر:انا بدر علي فيه
ريم :ايوه بفتح وادخل طيب
بدر:طيب
طراد من ورا:بدر
بدر: هلا طراد انت هنا
طراد:ايه كنت عند علي شوي تعبان
بدر بخوف :وش فيه
طراد :ادخل ما فيه شي سخونت بس
دخلوا المجلس وكان علي منسدح في اخر الكنب قرب بدر:علي وش فيك
علي:بدر مافيني شي بخير
توسعت عيون بدر لما شاف الشاش :ايش ذا وش صار ليدك
طراد: بدر اجلس وخلني افهمك السالفه
بدر:وش تفهمني وش صاير لا تقول انك متهاوش
جلس علي: بدر اسمع طراد
طراد قال لبدر كل السالفه وانجلط بدر وعصب : ي انسان انت لمتى ذا الجنان لين متى ما تفكر بعقلك لين متى ؟
علي: بدر مالي خلق عتاب اللي صار صار
بدر:الله عليك اللي صار صار هذا اللي انت فالح فيه والباقين ضاربهم بالجدار لا فكرت بأم بأبو بزوجه بااخوان وبأصحاب ابد اللي في راسك يصير
علي: خلصنا ي بدر
طراد :بدر اجلس وتعوذ من ابليس انتهى الموضوع
بدر: وليش ماقلتوا لي من امس
طراد:رجعنا متاخر وي دوب وصلت علي ولا شفته الا قبل ساعه
بدر:وش اقول انا الحين غير الله يهديك
طراد:خلصنا لا تكبر الموضوع
بدر :جرحك كبير والا صغير
علي:بسيط مو محتاج
سكت بدر وجلس وهو فعلا تخلبط من جديد جلس طراد وهو يعطي علي ادويته
٠
٠
عند شيخه ونجلا اللي لفو المولات لف وفي الاخير اقتنعت شيخه بفستان واخذوا كمالياته بعد ما طلعت روح نجلا من عبط شيخه
نجلا:اوووف اووووف منك وبعدين يعني
شيخه:احس الفستان اوفر
نجلا :اوفر ايش ي ابوي هذا مايختارونه المعازيم حتى وانتي عروس
شيخه:اي عروس مو معناته ابهرج بنفسي
نجلا:ومن قال بتبهرجين زين انو خصلنا اليوم كنت متوقعه نظل لين بكره
شيخه:اوف انا وش لي بالقرف ذا كله
نجلا:يل
ا هانت باقي بس الصالون اللي بتتصلحين عنده وتاخذين لك كذا تنظيف بشره وشوي تضبطيات وتصيرين مز
شيخه:نعم
نجلا :اللي سمعتي
شيخه:ماني متصلحه عند صالون ولا هم يحزنون
نجلا انجلطت :نعم نعم انتي مريضه وش بتسوين يعني
شيخه ببرود:انتي تصلحيني بالبيت مكياج حلو يبين ملامحي ما يشوهني
نجلا:تمزحين صح الا تمزحين اكيد مانك صادقه
شيخه:لا ما امزح اتكلم جد
نجلا :خير تستهبلين انتي تستهبلين ي مجنونه ملكتك هاذي مو بارتي في استراحه
شيخه: خير وش عليك مني انا بكيفي
نجلا عصبت من شيخه اللي ما تسوي الا اللي براسها ومصره انها ما تتصلح الا بالبيت ونجلا اللي تصلحها صح نجلا عندها خبرها وحريفه بالمكياج بس مو لدرجة تصلح عروس طنشتها شيخه وهي مصره على اللي براسها
٠٠٠
عند طراد جلس قبال علي :علي بعتذر منك بشي
بدر وعلي التفتوا له :وش فيك
طراد:ترا اليوم صرخت على ريم اكثر من مره ياخي عليها حنه تجلط
ضحكوا علي وبدر علي:ليش وش قالت
طراد: ياخي انشبت لي الا تروح المستشفى اجيها من يمين تجي من شمال اخر شي عصبت عليها وبالقوه دخلت البيت وطول مانا في المستشفى وهي تدقدق دقت مخي قسم بالله واعصب عليها زياده عاد مدري اذا زعلت او لا بس انت تعرفني ما اتحمل الحنه
علي:ههههههه تمون ي طراد انت مثل اخوها وهي تراها تحب الحنه
بدر:ههههه تكتب في التاريخ صراحه طراد يصرخ على مره ما صارت
طراد:وش اسوي طلعتني من طوري
علي:هههههه حبيبي ي طراد محد لايمك اعرفك لا توترت مانك حمل احد
طراد:ايه بس تعذر لي منها اخاف انها زعلت والا اخذت على خاطرها
بدر اللي كان يضحك على طراد وطيبته الزايده ومو مصدق انه يعتذر من جد: بالله تقوله صادق واضح اصلا انه مو قصدك
علي :ماعليك منه ابشر اوصل اعتذارك لريم
بدر:اوووووف انا جيت عشان ايش وانتم اخذتوني بمصيبتكم
طراد: انت اللي جاي بشرك
بدر:انثبر بس هاه ي علي مافيك حيل
طراد:حيل لوين
علي:يبيني انزل معه عشان الشبكه
طراد:اقول انثبر بس قال انزل معي قال ماتشوفه تعبان
بدر:ريحنا ي شيخ محد مخربه الا دلعك هو وش زينه مافيه شي
علي: صادق بدر انا طيب
طراد:لا تحلم بالطلعه اليوم وبعدين لو رحت الاسواق بتتعرض للعطورات وزقاير وكل شي وبيرجع يتلوث جرحك انسى
بدر: صادق والله اجل خلها بكره وانا بروح اكمل باقي اغراضي تبي شي
علي:سلامتك
طلع بدر ووقف طراد:انا بروح وانت انتبه اذا حسيت بأي ألم دق علي ماشي
علي:زين ماقصرت
ضربه طراد كف خفيف وهو يقلده :ماقسرت انقلع بس
(هاذي طريقه تعني انه مابينا شكر بس بلغة الميانه بين الاصحاب )
طلع طراد وقام علي وقفل الانوار وراح لغرفته مر المطبخ وحصل ريم جالسه تطبخ شي :ريم وش تسوين
ريم:ليش قمت
علي:انا بخير ماعليك وبعدين انا ما احب اجلس كذا طايح
ريم:اجلس على الكرسي
جلس علي: وش تسوين
ريم:اسوي لك حاجه تاكلها تسند طولك من امس ما اكلت شي ولا تحاول تعترض مره
علي استسلم لانه ماله حيل يجادل وخلصت ريم الشوربه وجابتها :يلا بسم الله سويت شي خفيف عشان ما اسد نفسك اشربها شوي شوي
علي ببتسامة تعب وهو ساند راسه على الجدار: مالي حيل اشربها انتي شربيني اياها
ابتسمت ريم له :من عيوني
بدت تشربه الشربه وهو ماصدق بدا يتراخى ويتدلع وريم مصدقه انه كله تعب وماشيه معاه بالتيار
..
عند نجلا اللي انجلطت من شيخه جلطه مابعدها جلطه وهي تحاول تقنعها وشيخه معنده الا تبي اللي في راسها
وصلوا بيت ابو ناصر ونزلت شيخه بكومة اغراض ونجلا تكلمها من الشباك:شيخوه تعوذي من ابليس وفكينا من عنادك ابد مو وقته
شيخه:نجلا ماني مغيره رأيي وفارقي ازين لك
نجلا:تحترقين خليك بشيفتك ..
شيخه:والله ي حبيبتي اخوك خطبني بشكلي هذا ياخذني بكلي ذا ما راح ازور ولا شي
نجلا سكرت الشباك بوجهها ومشت وخلتها بالحوش دخلت وحصلت امها وفوزيه وريماس ينتظرون
ريماس:هاه وش جبتي
شيخه رمت عليهم الكيس :جبت هذا ولا اسمع وحده تعترض
شافوا الاغراض واقتنعوا بالفستان نوعا ما لانهم يعرفون شيخه ما تحب تؤفر لكن اجلطتهم لما قالت بتصلح في البيت
٠٠٠
عند بدر اللي راح يفصل ثوب وكان يتمشى بالسوق شاف ركن إماراتي بالجنب تقدم وجلس يناظر فيه ويقلبه طغى شوقه من جديد لمهره عجز يتجاهلها عجز سحب جواله وفتح على رقمها بغى يدق وبعدين هون وسكر الجوال: اوف ي بدر دامك تعلقت فيها وش تبي بشيخه الله واكبر عليك كيف تهون عليك بنت عمك اعوذ بالله من ابليس اعوذ بالله
كمل يتمشى ويلفلف وهو يحاول يتجاهلها ويفكر بشيخه
٠٠٠
عند راكان اللي دق على عبدالعزيز وقال ان بدر بيتملك الخميس الجاي واصر انه يشوف اريام قبل الملكه لانهم بيكونون مشغولين عنها وبدا يخطط
٠٠٠
عند نجلا اللي وصلت البيت وطلعت لاريام
اريام:مين
نجلا :انا اريام شوفي جبت لك اغراض الملكه على ذوقي لا تخافين حلوه وانتي بتحلينها بس قومي معي عشان تقيسينها
اريام: طيب
نجلا :وش فيه وجهك قلب
اريام ببكى:ليتني اقدر اشوف ذا اليوم واعتذر من بدر على اللي سويته
نجلا: لا تقولين كذا ما فيه داعي للاععالم القصص والروايات 📚:
تذار وان شاء الله بتشوفين زواجه مو ملكه بسيطه روقي ي عسل
ساعدتها تلبس وطلعت جميله حيل باللبس
نجلا:وااااااو تجننين ي اريام
اريام : جد
نجلا :اكيد
نوره من وراهم :الله اريام وش هالجمال
اريام :ليتني اقدر اشوف نفسي
نوره :نصورك وان شاء الله اذا رجع بصرك تشوفينها
نجلا :ايوه خليني اجيب الكاميره
ركضت نجلا بحماس تجيب الكاميره وصورت اريام وهي مبسوطه واكيد ما بتقفل الكاميره الا بعد استهبال
دخل ابو عمر:الله الله وش ذا الجمال ماشاءا الله تبارك الله ي اريام عروس عروس
ضاقت اريام من كلمة عروس وانكسر خاطرها (اي عروس واي بطيخ يبه هذا راكان هرب وانا من بيقبل فيني بعد عماي )
ابو عمر:نجلا ابوي روحي نادي امك وخلوني شوي مع اريام
نجلا :زين
راحت تنادي امها وطلعت هي ونوره وجات ام عمر
ام عمر:خير يابو عمر شو صاير
ابو عمر:كل خير ادخلي وسكري الباب
دخلت ام عمر وجلست ابو عمر :ي ابوي ي اريام انا بحثت في احتمالات شفاءك وعشان يرجع لك بصرك درت ولفيت وكل اللي حصلتهم كويسين بس مو مره موثقين جااني امس فواز ولد عمك وكان مسوي بحث وتقرير في امريكا عن الدكاتره اللي يعالجون مثل حالتك وابهرني بالتقرير والاسماء الكبيره اللي فيه وصدمني اكثر لما قال لي انه عرض اوراقك عليهم وقبلوا حالتك وطلبوا يشوفونك ويشخصونك
ام عمر:عن حقا ي ابو عمر الحمدلله
اريام بكت وابتسمت من الفرحه: جد يبه يعني برجع اشوف
ابو عمر:ان شاء لله يبه وبعد ملكة بدر ان شاء الله بنسافر امريكا بس
ام عمر واريام:بس ايش
ابو عمر : فواز طالب يدك ويبي ياخذك هو ويعالجك وقال انه مستعد يتحمل معك للاخير وان فقدانك لنظرك ما يعيبك بنظره وطالب انك تكونين زوجه له وتسافرين معه لامريكا وش قلتي يبه طبعا القرار الاول والاخير لك اذا ما تبين يبه ما في مشكله انا اصلا بطلع معك واذا ماتبين فواز قولي ما ابيه انا ما اجبرك على شي
اريام وام عمر نزل عليهم الخبر مثل الرصاص
ام عمر:بس شو خلا فواز يتقدم بهي الخطوه
ابو عمر: مافيها شي يبي بنت عمه وي زينه تعب على التقرير الله يسعده
اريام نزلت دموعها (طول عمري ما تخيلت اكون زوجه لغير راكان بس راكان تخلا وهرب وهو سبب كل شي صار لي وفواز اللي طول عمري ما التفت له يتعب كل ذا التعب عشاني وبيضحي بكل شي عشاني وش السبب وش الدافع ): ليش يبه فواز طلبني الحين ليش ما طلبني من قبل اكيد فيه سبب
ابو عمر:ي اريام ي ابوي قبل كلنا كنا عارفين انك ل راكان بس بعد اللي صار يحلم راكان فيك وعشان كذا تقدم فواز الحين
سكتت اريام وكمل ابو عمر: ي يبه محد يجبرك على شي واللي ماتبينه مايصير
اريام توكلت على ربها وقالت :انا موافقه يبه
ابو عمر: فكري شوي يبه
اريام :لا يبه انا موافقه اللي يبني في وقتي الصعب اكيد يبيني بوقتي السهل
ابو عمر: اللي يريحك يبه واللي تشوفينه
طلع ابو عمر ولحقته ام عمر: شو هاد اللي صاير ي ابو عمر
ابو عمر:نعم نعم ي حياة وش فيه
ام عمر: كيف هيك بدك تجوز اريام وهي ضريره وانت مابتعرف شو ياللي خلا فواز يتقدم هيك ..
ابو عمر: ابعدي عن الموضوع ي حياة انا شفت الصدق بعيون فواز وفواز مستحيل يضرها مثل راكان وفواز مايدري بأي شي من اللي صار بين راكان واريام ويوم تقدم تقدم لانه يشوف بنت عمه في حاجته وراكان فص ملح وذاب ولا فكر يدق ويعتذر
واياني وياك تروحين لاريام او تغيرين رايها
طلع ابو عمر وترك ام عمر واقفه وهي مستغربه من ذا الخطبه
٠٠٠
عند علي كان بالصاله وجالس ع اللابتوب ويتابع بعض اشغاله فيه وريم كانت تكلم نجلا ومنجلطه من شيخه هي بعد
ريم:تستهبل هاذي
نجلا :تخيلي بس واذا اعترضت صفقتني
ريم : ماهي صاحيه وربي خليني اقابلها واتفاهم معها
نجلا :تعالي لنا اليوم
ريم: مدري بشوف علي مسخن شوي ومدري يقدر يطلع او لا
نجلا : لاااااا وش فيه
ريم :لا ي بنت بسيطه مافيه شي هو كويس الحين
نجلا :عندك اعطيني اياه
ريم: زين دقيقه ..علي نجلا بتكلمك
علي :هاتيها ..هلا نجلا هلا عيوني
نجلا :علوش وش فيك
علي : مافيني شي سخونه بسيطه وراحت
نجلا :في ذمتك مافيك شي
علي:والله مافيني شي ي دلوعة انا بخير
نجلا : زين تعال لنا اليوم وتعشى عندنا عشان اطمن عليك
علي : والله مالي حيل اليوم خليه بكره اجيكم اتغدا عندكم ونجلس لين اخر الليل
نجلا : زين انتبه على نفسك وترا نحتاج مساعدتك في اقناع شيخه
علي :ليه وش بها
نجلا قالت له كل السالفه وانها مصره ومعنده
علي:هههههههه البنت هاذي ما فيه منها اثنين
نجلا : وش اللي مافيه منها اثنين نبيك تقنعها
علي: وليش اقنعها خليها كذا بطبيعتها وبعدين شيوخ تجنن مايحتاج لها تصليحات
نجلا:اوووف منك الثاني ما اختلفنا تجنن بس هذا يوم ملكتها ضروري تتصلح
علي : اسف مقدر اساعدكم انا مقتنع براي شيخه
نجلا :اقلب وجهك ي نفسيه
سكرت في وجهه وعلي يضحك عليها:الله واكبر يا اكون معها او تعصب وتزعل
ريم : وش فيك ي علي نجلا تتكلم جد
علي : وش اللي تتكلم جد وش فيها اذا قابلت زوجها من دون مكياج وقروشه وتص
لحت بشي بسيط ما يخفي ملامحها
ريم: من قال يخفي ملامحها بتتصلح بشي هادي
علي :انا ضد واعتبره تزوير
ريم: تزوير ايش ي علي
علي: تخفي ملامحها الحقيقه بالمكياج
ريم: ليش انا اخفيت ملامحي بالمكياج
علي : اصلا انا شفتك في ملكتنا الله لا يعيده من يوم
ريم : انا ما اتكلم عن الملكه انا اتكلم عن زواجنا
علي: ما كنت مدقق بمكياجك كنت اشوفك ريم اللي حبيتها
ريم : شوف كيف يغير الموضوع
علي :انا ما اغيره بس انا صادق كنتي جميله حيل كنتي انتي اللي عرفتها ما فكرت بتصليحك او وش سويتي من مكياج كنت شايل هم كيف اجدد حياتك لاني راسم جمالك بقلبي مايحتاج له تغير
ريم جلست جنبه : ياخي انت تحير اللي مايحتار انا اعجز ارد على كلامك ذا
علي ابتسم :لا تردين يكفي بس ابتسامتك يكفي وجودك
قربت ريم وضمته وقطع عليهم اتصال طراد اللي يتطمن على علي.
٠٠٠
من بكره الصبح اتجدد نشاط ابطالنا واحد واحد وابتدوا يومهم بروتينهم العادي
عند بدر اللي صحى من بدري ودق على علي يتطمن عليه
علي :هلا بدير
بدر:لا تقول نايم
علي : غافي ماني زين انك اتصلت عشان اروح الدوام بعد من امس وطراد يحوس لحاله
بدر:كيفك اليوم
علي:لااااا احسن الحمدلله من امس
بدر: الحمدلله عساك على القوه طيب اسمع متى فاضي
علي: خليني اقوم الحين اروح الشركه ومتى ما فضيت مرني ونروح نجيب الشبكه اللي عليتناا بها
بدر:هههه وش اسوي ابي اخلص باقي ٤ ايام بس
علي : زين ي رجل يلا خلني اقوم
بدر:يلا
٠
٠
عند علي تحرك بشويش عشان يده والتفت وحصل ريم نايمه وغاطسه بأحلامها جاه النوم لما شافها نايمه انسدح جنبها وهو يهمس لها : ريم ريييم رييييم يالجامحه
تحركت ريم بشويش وهي باقي نايمه حط علي خده على خدها عشان تنزعج من دقنه ولانها دايم ما تحب خد علي يجي بخدها ويزعجها دقنه حرك علي خده على خدها بشويش وهو يضحك
قامت ريم وهي مزعوجه :اوووف ي علي وش ذا
علي:هههههه قومي يلا
ريم: وين
علي :قومي بشوف وجهك قبل اروح الدوام
ريم :ليش تداوم انتي باقي تعبان
علي :لا انا بخير وفيني حيل اروح قومي انتي يلا
ريم : ي ذا النحاسه اللي فيك باقي فيني نوم
علي :طيب قومي معي الحين واذا رحت ارجعي نامي
قامت ريم وهي تتمغط : بنام شوي لين تطلع من الحمام
علي :لا لا قومي الحين وجهزي لي ملابس عشان بعد تساعديني البس ولا ابرد زي امس وامرض
ريم فزت لما سمعت طاري المرض : يلا قوم
قام علي وراح الحمام وقامت ريم جهزت ملابسه وسوت له حاجه سريعه ياكلها وسمعته يناديها من الحمام عشان تساعده اخذت المنشفه بيدها وساعدته جابت ملابسه وبدت تساعده ..
سحبت علي وجلسته على الكرسي وبدت تجفف شعره وتمشطه وعلي يغني لها جهز علي بالكامل بمساعدة ريم ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ⑥⓵
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼