ياما تجرعت المراره عشانك - الفصل 13 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀🌼🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الـ③⓵🌱 🍒ـــــــــــــــــــــــــــــــــــــ🍒 عمر:خلاص يا اريام حصل خير هدي نوره ضمتها وهي تمسح على راسها ابو عمر كان بيقولهم بس لما شاف المنظر وخوفهم عليها سكت وهو يمسح دمعته اللي خانته وهو يقول:الله يسامحك ي اريام وش ذا اللي سويتيه فينا ٠٠ طلع علي من المكتب وتوجه لبيت ابوه وهو في راسه شر وباقي ماراح دخل البيت وحصل ابوه في وجهه ابو عمر:وين رايح علي :عند اريام ابو عمر وقف:وش تبي فيها بتكمل عليها علي طلع وهو متجاهل اللي قاله ابوه ولحقه ابوه وهو يناديه وعلي ما رد فتح باب الغرفه والتفتوا عليه اريام وعمر ونوره عمر:هلا علي وينك غاط لك يومين علي:هلا نوره:كيفك علي علي وهو يناظر اريام :ماني بخير عمر:علي وش فيك وش به وجهك كذا ابو عمر:علي اطلع من هنا اطلع علي وهو يناظر اريام: باقي ماقضيت يبه لازم اعرف وش صار ابو عمر: قلت لك اطلع من هنا ماتفهم نوره:علي خير وش فيه عمر:وش صاير لا تشلوني علي التفت لابوه:ماقلت لهم ابو عمر:مايخصك اطلع من هنا علي : معليش يبه ٥دقايق بس قرب علي لاريام وهي تبكي وترجف : قمتي بخير ان شاء الله عدت سليمه صح الله لا يسلم فيك مغز ابره عمر وهو يبعد علي:خير انت وش صاير لك وش ذا الكلام ماتشوفها تعبانه علي دف عمر:انت التعبان انت ابعد اشوف عمر تفاجأ من علي علي بصراخ :تكلمي الحين وش اللي صار بالحرف وان جربتي تكذبين والله والله ماخليها تعدي لاقتلك تكلمي كلهم يناظرون مو فاهمين علي اريام كانت تبكي وتشهق مسكها علي من معصمها :انا اقول انطقي عمر:اريام وش صاير وش فيه المجنون ذا اريام وهي تشهق: علي والله والله ما ضيعت نفسي كنت بس اقابله بس كنت بس اكلمه ما صار بينا شي والله ماصار ضربها علي كف وهو يصرخ: واصلا ليه تقابلينه ليه . عمر انفجع :وش ذا الكلام وش ذا الحكي وش ذا علي وهو يخنق اريام:اشرحي بالحرف من اول يوم قابلتي ال....فيه اريام تكلمت وهي تبكي وترجف وشرحت كل شي وقالت انها كانت بس تقابله لانه يحبها ولا قابلته الا بعد ماخطبها وحلفت انها طاهره وشريفه ولا قرب منها عمر كان في صدمه تامه ونوره كانت تبكي ومصدومه علي وهو يصرخ فيها: ومنتظره اني اصدق سنتين وانت تقابلينه ولا قرب منك ابو عمر:علي لين هنا وبس سكت لك كثير قالت كل شي صار ولا كنت تفهم وحلفت لك بالله انها شريفه وباقي تكذبها علي: وتبيني اصدقها تقوله لانها واثقه انها بتتزوج راكان وتستر مصيبتها و....... سكته ابوه بكف وهو يمسكه من ثوبه ابو عمر: لا اسمعك تعيد كلامك ذا فاهم علي بعد يدين ابوه وهو يناظره: مابعيده لكن والله والله والله مايتزوجها ولا تشوفه سوا لمسها او ما لمسها طلع علي وهو شبه مرتاح لحلف اريام بس ماصدق عمر اللي كان مصدوم رفع راسه وهو يناظر اريام اللي تبكي قام وهو يتوجه لها: ليش سويتي كذا ليش اريام : عمر والله والله لحظة شيطان والله عمر وهو يصرخ:لحظه شيطان وجبتي لنا العار اريام:والله .... سكتت على ضرب عمر لها اللي انهار من العصبيه ونسى اصابتها ابوعمر مسك عمر وهو يبعده : بعد انت بعد افتك من مجنون ويجي الثاني ما احد له كلمه عليها سامعين اطلع انت من هنا عمر طلع :باقي حسابنا ما انتهى ي اريام اخذ عمر عياله وزوجته وطلعو ونوره كانت تبكي عند امها اللي تبكي بعد وابو عمر اللي انهد حيله وطلع وسكر الباب على اريام اللي يسمع بكاها عنده جلس جنب الباب وهو مافيه حيل لمكافح عياله اللي يتعازمون على قتل اختهم جات نجلا وهي تبكي وجلست جنب ابوها:يبه انت بخير ابو عمر :ماني بخير ي نجلا كيف اكون بخير واختك وطت راسي كيف كيف اكون بخير واخوانك كل واحد يتحدى الثاني بموت اخته كيف اكون بخير وانتم تضيعون مني واحد واحد نجلا وهي تبكي:تكفى يبه لا تقول كذا انت بخير ان شاء الله وحنا بخير ايام وترجع الامور لمجاريها وتنتهي السالفه ابو عمر بحزن: ماحسيت بالضعف كثر اليوم ي نجلا كان ودي ادافع عنها وابعدهم عنها بس بأي حق ابي ادافع بأي حق نجلا: يبه تكفى قوم انت اللي بيدك كل شي اخواني مالهم حيله ولا تلومهم يبه مقهورين عليها مايبونها تضر نفسها قوم يبه تكفى انت قوة البيت لا تطيح استند ابو عمر على نجلا وقام وهي مايدري كيف يحل ذي المصيبه ٠٠٠ عند علي اتجه للمزرعه وماكانت نيته طيبه اتجاه راكان وصل وهو يحاول يكون طبيعي قد ما يقدر نزل وقابل عبدالعزيز في وجهه عبدالعزيز: هلا علي كيفك علي:هلا عبد العزيز تمام وانت عبد العزيز : بخير وش رماك هنا في ذا الساعه علي: ابد جيت اسلم على جدي وابي اعطي راكان امانه عندي له عبدالعزيز:جدي هنا بس راكان رايح كشته مع اخوياه ومطول شوي علي: متى راح عبدالعزيز:توه كلم امس وقال بيطلع ولا جاء هنا علي:اها تعال هلا نسلم على جدي.. دخل علي وسلم على جده وعمته ساره اللي متفشله من سوات بنتها ولا درت عن سوات ولدها طلع علي بعد معاناه من عند جده ودق على راكان مايرد اكثر من مره ولا رد وارسل رساله يقوله فيها اذا مارد مابيرضى عاقبة الامر ويجي له في بيته ٠٠٠ عند راكان اللي كان وجهه معدوم من علي وكان مستأجر فندق وجالس فيه لين يخف وجهه مايبي تكبر السالفه وهو خايف على اريام اللي طاحت بين يدين علي ولايدري وش صار فيها قاطعه اتصالات علي ولا رد خوفا منه ومن اللي بيسويه وهذا مجنون ممكن يقتله قرا الرساله اللي جات له من علي وهو مرتبك ولا رضى عن التهديد الصريح في الرساله واضطر انه يروح خوفا على روح اريام وسترا للموضوع اللي كبر ٠٠ عند شيخه اللي كانت تتمشى فالبيت وهي تفكر بمصيبة اريام مرت غرفة فواز ودخلت حصلته منسدح وباين انه يفكر ولا داري عن العالم قربت عنده وصرخت عليه وفز:وجع ي شيخه وجع ي غبيه شيخه: هههههههه اللي اخذ عقلك. يتهنى وين وصلت فواز :شيخه طسي عن وجهي مالي خلقك شيخه:خير و صاير مالك خلقي فواز:ي بنت الناس اطلعي وبعد ماطلعت عينه ونتفت شعره وسببت له جلطه طلعت وسكرت الباب وفواز شايل هم المصيبه اللي صايره ٠٠٠ عند نجلا اللي كانت حالة بيتهم كئيبه بين بكى وعتاب وزعل كانت جالسه بغرفتها وهي متحسره على حال اريام اللي يعور القلب ياما حذرتها ونصحتها وهددتها بس للاسف ماسمعت وهذا اللي صار وطت راس ابوها وقهرت رجال حسابها معهم صعب هذا وبدر ما وصله الخبر بدر اللي من دون شي شايل عليها حماله ولا هو طايق اسمها وبتزيد ذا المصيبه السالفه دخلت عليها نوره: نجلا وين ابوي نجلا:طلع مدري وين بس قال اذا جاء احد من اخواني ادق عليه نوره:كيفه نجلا ببكى :ماهو كويس تعبان ومنهد حيله نوره:الله يسامحك ي اريام الله يسامحك ٠٠٠ عند علي رجع لبيته وهو ضايق دخل وهو يدور ريم بعيونه شافها جايه من الصاله تعداها ودخل الغرفه لحقته ريم ريم :علي انا اسفه ما كان قصدي والله علي :اقطعي ذا السالفه قضينا مالي خلق اسمع صوتك حتى اطلعي من هنا ابي ارتاح ريم:بس علي:انا وش قاعد اتكلم واضح انك ماعاد تفهمين ريم بكى :الله يخليك اسمعني اقل شي اسمع وش بقول علي وقف قبالها وعينه بعينها: وقت اللي اتكلم ينسمع كلامي بالحرف ردود وعصيان مابيه والا ورب البيت عقالي ذا يتقطع على ظهرك افرقينا بريحه طيبه صد وراح لجهة السرير وانسدح وهو يقول:طفي النور وتوكلي ريم طلعت وهي تبكي ماتعودت عليه كذا ليه ليه تغير ليه علي ماكان وده يتكلم معها كذا بس هو ارخى لها الحبل كثير صار وقت اللي يعلمها احترامه ويعلمها تترك العناد معه لانه عمره ما تعاند من احد واذا ظلت كذا بتكثر مشاكلهم ٠٠٠ عند بدر اللي كان يتمشى مع مهره ولا يدري وش صاير في بيتهم لف معها اماكن كثير اعجبته ثقتها وثقافتها وهدوءها الجميل افكارها تتماشى مع افكاره نفس التفكير والمنطق استانس كثير معها وكان يناقشها بكل شي يطري على باله ولا يحس بالوقت وصلو الفندق مهره بابتسامه : ان اشاء الله استانست بالتمشيه البسيطه بدر: كثير يعطيك العافيه تعبتي حيل مهره :ابدا انا بالخدمه ومتعوده بدر: والله سرقنا الوقت ماحسيت بنفسي مهره:هههههه ماعليه باقي معنا ايام ننبسط فيها روح انت ارتاح وباچر نكمل بدر:اوك يعطيك العافيه مهره:الله يعافيك طلع بدر لغرفته وهو مستانس بما تعني الكلمه :احسن ي اخي ان متعب ارسل اخته احسن منه يكثر هرجه على قل فايده دخل ياخذ دش ونام بعدها على طول من التعب ٠ اما راكان اللي وصل بيت علي وهو خايف ومرتبك دق الجرس وسمع صوت ريم من ورا :ميين راكان:انا راكان ابغى علي ريم:طيب دقايق راحت ريم لعلي اللي كان منسدح مو نايم ريم:علي علي:........ ريم: راكان برى يبيك فز علي وتعدى ريم وراح للباب بسرعه فتحه وحصل راكان قباله وهو مدنق راسه سحبه من ثوبه ودخله بالمجلس راكان كان ساكت وراضي لانه يستاهل علي وهو يمسكه من ثوبه :سؤال واحد بس تذكر كيف كان احساسك لما اختك افترت علي والا ما تذكر قول راكان:اذكر علي وهو يضربه كف:دامك ذاكر ليه سويت اللي سويته ليه ارغمتنا وقهرتنا ليه ماخفت الله من قهر الرجال راكان وهو خجلان من علي:خليني افهمك الموضوع علي وهو يدفه :وش تفهمني هاه وش تفهمني وش باقي بتقول وش باقي راكان :علي والله والله ما غدرت فيكم صح اني كنت اقابلها لكن والله ما تجرأت ولمستها والله علي انقض عليه وضربه براسه: الاحضااان اللي انا شفتها وش تقول عنها بتقنعني انك سنتين ماقربت منها راكان:والله والله انها طاهره وشريفه ولا لمستها والله .. علي وهو يضرب : كيف تسوي فينا كذا وحنا اللي عمرنا ما نسيناك وبديناك على انفسنا ماهمني الموضوع كثر ما همني انك ما احترمتنا ولا حشمت عرضنا انتهكت حرمة بيتنا بغير حق راكان:والله راضي باللي يصير فيني ولا اني معترض واذا تبي اتزوجها بتزوجها علي وهو يخنق بشماغه: تتزوجها تخسي تخسي انت وعشره مثلك تخسي انا جبتك بقولك كلمه وحطها بإذنك تنسى ان عندك خال وعيال خال وتنسى من نكون واذا مرينا بالشارع اللي انت فيه تغير طريقك ولا ترد السلام تنسى كل شي يجمعك فينا واذا طلع الموضوع لاحد والله والله اخذ روحك ولا افكر راكان اللي كان طايح ويحاول يلقط نفس بعد ماتركه علي وهو يقول: ابشر ابشر اللي تبيه بس لا تسوي لاريام شي انا اللي بديت وعرضت عليها علي وهو يحذف عليه الفاژه:لا تجيب طاريها على لسانك الله ياخذك انت وهي وقوم فارقني الحين طلع راكان وهو مقرر يبعد فعلا ويترك اريام بحالها ويترك العايله المجنونه كلها ٠٠٠ خيم الظلام عليهم وانفرد كل واحد بنفسه اللي طوى ظلام ليله بدموعه واللي طوى ظلام ليله بالقهر والحسره واللي طواه بالجفا والزعل واللي طواه بالتعب والالام واللي طوى بالتوتر والخوف في بيت ابو عمر اللي مافيهم المرتاح كانوا كل واحد بغرفته بس كل واحد يصارع خوف بكره اريام اللي ماتدري وش مصيرها ولا تدري وش بيحل فيها من اخوانها وابوها ونجلا اللي خايفه على اريام وشايله هم اللي بيحل فيها وعبيد اللي مقهور على اللي سوته اريام بس مافي بيده شي ام عمر كانت تبكي على عيالها اللي بظرف ليله ابتعدوا كلهم فجاءه عنها وكل واحد له مشكلته ابو عمر اللي محد في همه شايل هم اريام الاكبر اللي كل همومهم تهون عندها يحمد ربه مره ان علي لحق وكشف الامر قبل لا تضيع ومره يذعر اذا تذكر حقد علي وعمر وباقي بدر وعبيد اللي بالقوه يسيطر عليه وشايل هم بدر اللي امه واقفه في وجه زواجه ومكدره عليه وشايل هم علي المجنون اللي كل يوم له صوله وجوله فالمصايب والمشاكل ولا هم ام عمر اللي تغيرت مليون درجه عن قبل وابحر ليله يفكر فيهم ٠ عند علي اللي كان رايح جاي وهو يحاول يتطمن على ريم من غير ما تحس به واذا جات يسوي نفسه مشغول ولا درى بها ريم اللي كانت مستغربه تغير علي وخايفه انه يتركها عقب ما تعلقت فيه فكرت انها تختار جدتها ولا تشوف تغير علي اللي صار مايرد السلااام عليها. ٠ عند طراد اللي شايل هم المجنون علي وكل شوي يدق عليه واول ما دري عن سالفته مع راكان جن جنونه وهدا لما قاله انه ماسوى له شي بس يبي يطلع شي بقلبه (وهو ما خلا فيه ملامح )٠ عند فواز اللي مازال يصارع غيرته على بنت عمه وخوفه على علي ومن ردت فعل علي ٠ وشيخه اللي مطنشه كل شي لان اريام ببساطه تستاهل ولا تهمها بس شايله هم علي واخوانه لا بتلون فيها ٠ وعند عمر اللي قايمه القيامه في بيته وهو بيموت من الغبنه بيموت من القهر نفسه لو يلقى راكان ويدفنه تحت الارض نفسه يمسك اريام وينتفها نفسه يموت ويرتاح من المشاكل هاذي ٠ عند راكان اللي اتصل على عبد العزيز وقاله يجيب شنطته بيسافر عمل وجاب عبد العزيز الشنطه لكن انصدم من شكل اخوه بلغ راكان عبدالعزيز بكل شي وحرص عليه ما ينطق بحرف لاي احد وانه بيغيب فتره لين تهدى الاوضاع وراح وترك عبدالعزيز بصدمته وخيبته في اخوانه وخجله من عيال عمه ٠ مر اسبوع مليان نكد ومشاكل وتعب وكل واحد على حاله ما تغير ولا حصل اي شي مازالت مستمره الاحداث بكل بشاعه ٠٠٠٠ عند علي صحى من الصبح وهو بيروح يستقبل بدر كان واقف ويلبس قبال المرايه اللي كانت تعكس ريم اللي جالسه تناظره وكأنها بتوادعه بطريقه غير مباشره كان علي حاس فيها شي بس كبريائه حتم عليه السكوت طلع وهو متجاهلها زي ما تعودت ريم طول الاسبوع ٠٠٠ بدر وصل وهو متغيره نفسيته ومعتدله شاف علي وراح له وهو يضمه بدر:وحشتني ي نفسيه علي:ههههههه ما يوحشك غالي وحشتنا انت بعد بدر: والله اشك طلعوا وهم في السياره بدر: وش اخباركم وش مسوين وش به وجهك كذا علي: ابد امورنا مستتبه انت وش علومك عساك استانست بدر :لا تساأل فل علي:كويس الحمدلله بدر:وش فيك انت مانك على بعضك فيك شي من اسبوع علي :ابد مشاكل الشركه والموظفين وريم ودلعها يعني بدر :ههههههههه الله الله ريم صارت مشاكل اخبرها كانت عيونك علي وهو يبتسم :رييم للحين عيوني بس احيان تفصل بدر: الله يهديها كيف ابوي وامي واخواني ماكلمت احد من سافرت علي بضيق: كلهم بخير بدر :وش بك صاير شي علي: لا ي مسلم بس تذكرت طراد يدق من امس عشان شغل ماخلصته باقي بدر : اسف عطلتك علي: اسكت بس وحكيني عن دبي كيف بدر جلس يحكي علي عن كل شي صار معه بالحرف الواحد .. علي: ما كنها غريبه متعب يخلي اخته تروح وتجي معك بدر:انا استغربت بس قال هي في مجال السياحه ولها خبره وتقابل كثير ويبيها تساعدني بعدين هناك متفتحين علي:الله يعطيهم العافيه وصلوا البيت ونزل علي بدر اللي اصر على علي يدخل بس علي رفض بحجة الشغل وراح دخل بدر اللي حصل امه وابوه واخوانه كلهم الا عمر وعلي واريام اللي هو متعود على عدم وجودها سلم عليهم كلهم وهو يشوف امه تغيرت وصارت ترحب فيه وتهلي استانس وفرح انها رجعت عن قرارها وسامحته فرح كثير وهو يحمد ربه ويشكره بس يحس في شي غريب في الاجواء مانه مرتااح فيهم شي حاول يفهم بطريقه غير مباشره بس ماقدر بدر بشك : يبه وش فيكم وش صار فيكم ابو عمر بتوتر:مافيه شي ي بدر مافي شي بدر: والله فيكم شي متهاوشين مع علي ابو عمر: لا بدر :اجل فيكم مصيبه قولوا ٠٠٠ عند علي اللي وصل الشركه ودخل مكتبه وجلس بتوتر وهو خايف من ردة فعل بدر دخل عليه طراد وحصله متكي على المكتب وهو شارد مو مع الناس طراد: ياهوه ي الفضائيون علي انتبه: طراد انت من متى هنا طراد: من زمان ب روح امك وين سارح علي: بدر جاء من دبي طراد:طيب الحمدلله على سلامته كيف نفسيته علي: نفسيته تجنن بس مدري وش بيصير لو درى بالسالفه اللي صارت بالبيت طراد: ماعليه بيقولون له وش صار بهداوه انت خلك بعيد لانك مجنون وبتقبها على الفاضي علي: ياخي ارتاح ما يحتاج قبه بدر ما تعرفه صح ساكت وصح هادي ومطنش بس اذا عصب انا وجناني لعب اطفال جنبه طراد : لا تحاول تقنعني بدر يجي مثل جنانك انت انسى انا مدري كيف ابوك متحمل طيشك ذا كله علي:طراد ريحنا من جد اتكلم انا طراد: ي رجل بدر هادي مستحيل علي: قول الله يستر وبس طراد:استغفر الله قسم بالله انكم ي ذا العايله تفجعون كل شوي بمصيبه وكل واحد اجن من الثاني اعوذ بالله وربي اني كنت اتمنى ان عندي اخوان وخوات لكن اذا شفتكم اقول لا والله خليني بروحي ازين ازعل وارضى وامرض واشفى براحتي واذا مره قفلت معي وبسوي مشكله قلت الاكل مافيه ملح علي ضحك غصب:احمد ربك ي شيخ طراد : الحمدلله الف ٠ عند بدر اللي كان ينتظرهم يتكلمون ولا سمع رد قام عبيد المقهور انه ماقدر يبرد قلبه باريام: انا اقولك ابو عمر: عبيد انكتم واطلع لغرفتك عبيد: لمتى بنكتم لين ننفضح بدر:تكلم ي عبيد وش صاير عبيد قال لبدر كل شي تغير وجهه بدر الهادي اللي مثل النسمه تغير صوته اللي كان همس لصراخ وصوت مجرم دف بدر عبيد اللي قباله وهو يصرخ:اريااااااااااااااااام طلع يركض وابوه يحاول يوقفه بس ماقدر اريام اللي سمعت صراخ بدر من تحت وانهارت من الخوف وماتدري وش تسوي كانت تبكي وترجف ضرب بدر الباب برجله وهو ماطاب جرحه من سالفة شيخه ونفاق اريام تكمل عليها بذي بعد انخلع الباب ودخل بدر وهو متوجه لها بكل شره وابوه يحاول يبعده بس ماقدر فيه ابد عبيد كان واقف ويراقب اللي يصير سحب بدر اريام وانهال عليها ضرب وضرب وصفق راسها بالجدار وطاحت اريام وانقطع صوت صراخها وارتفع صوت ابو عمر وام عمر اللي يصرخون ويركضون لبدر دف ابو عمر بدر وهو يضربه : اطلعوا من بيتي اطلعوا براااااا بدر وعبيد اللي كانوا يناظرون اريام اللي طايحه وغرقانه بدمها وابوه يبكي وهو يحملها وطلع بها ونجلا طايحه عند الباب تبكي وام عمر راحت مع ابوهم ونوره تبكي بالغرفه الثانيه والصغار يبكون طلع بدر وهو طاير لعلي ٠٠٠ عند علي اللي كان توتره بيقتله في الشركه ولا يقدر يروح لان ابوه حالف ما يدخل بيته وطراد بدأ يتوتر من توتر علي ولا قدر ينطق حرف وهو عارف مدى حساسية الموضوع تفاجأ باللي ضرب الباب ودخل رفع علي راسه وهو ميقن ان بدر ذبحها وهو يشوف الدم بثيابه ويدينه واثر يدين اريام على ثوبه وهي تحاول تتخلص منه توجه بدر لعلي وهو مايشوف من العصبيه ودف علي وطيحه بأرضه وهو ماسكه من ياقته: ليه سكت ليه ماقلت لي ليه سكت عن العار ي علي ليه طراد اسرع وسكر باب المكتب وقال كل الموظفين يطلعون من الشركه وهو خايف فعلا تكبر وشاف جنان بدر اللي تكلم علي عنه ورجع وهو يحاول يرفع بدر عن علي لكن ضربه بدر بيده وهو يقول :ابعد انت ابعد علي :بدر وقف وخليني اشرح لك ماله داعي الفضايح بدر:اي فضايح في اكبر من المصيبه اللي حنا فيها يضيع شرفك وتنتهك حرمة بيتك وانت ساكت علي اللي عصب وهو الثاني وضرب بدر بوقس وهو يدفه :ماسكت ماسكت دافعت بحيلتي كلها لكن الموضوع مجرد لقاءات وما لمسها ي بدر بدر: شايفني بزر تلعب علي سنتين وتقول مالمسها علي :انا تأكدت ي بدر تأكدت لحظه شيطان ي بدر بدر وهو فاير دمه سدد لعلي ضربه في خشمه وبدا ينزف .. طراد دخل بينهم وهو يفرقهم :خلاص انت وياه خلاص انجنيتوا انجنيتوا خلاص حرام عليكم خافوا الله في اختكم اللي اغواها الشيطان بس ماغلطت غلط كبير كان ذنبها مجرد لقاء وانتم كل واحد يلوم الثاني ليش ماذبحها علي: وش سويت ي بدر بدر:ذبحتها انفجع علي وراح ركض وهو يمسك يده:ما تقولها صدق لا تقول صدق بدر وش صار تكلم. بدر:وخر عني جلس بدر واعطاه طراد مويه وهو يحاول يهديه ويهدي علي تكلم بدر بعد ما هدا:مدري عنها اخذها ابوي وهي غرقانه بدمها مدري حيه او ميته علي جلس مكانه وهو ماسك راسه: الله يجيب العواقب سليمه وين ضربتها كيف ضربتها بدر:ماركزت المهم انها تصارع الموت ناظر طراد فيهم وهو فعلا حمد ربه ان ماله اخوان سكت وهو يحط المنديل على خشم علي اخذ علي المنديل وهو يمسح النزيف قام علي يشرح لبدر كل شي صار بالحرف وبدر يعصب مره ومره يهدا ٠٠ عند ابو عمر اللي يحاول يعالج اريام من دون تدخل الشرطه ولا اي شي وقال انها داخلت وطاحت مره ثانيه وصار يعالجها لان بدر ضربها بالجدار من الامام وابو عمرخايف عليها كان في جرح براسها وخيطوه وحاول يصحونها ماصحت تعاظم خوف ابو عمر وخايف تموت توتر وهو يروح ويجي عليها ولا بها اي جلس وهو منهد حيله وطايح كبريائه مايدري وش النهايه ٠٠ عند علي طلع هو وبدر لاريام فالمستشفى بعد تهزئ حاد من طراد وصلوا ونزلوا وتوجهوا لابو طراد اللي اول ما شافهم اعطاهم نظره كانت مليانه باليأس والحزن والتعب والحسره تركهم ودخل غرفة اريام وهو يأس وهو علي وبدر واقفين برا علي بحزن:بدر وش سويت عشان ابوي متأثر كذا بدر بضيق: ماسويت شي ي علي (بدر لما كان يضرب اريام ما كان حاس بنفسه كيف يضرب ولا يتذكر وين ضربها اصلا) جاء عمر من بعيد :علي بدر علي:هلا عمر عمر:شفتوا اريام بدر:لا باقي عمر:الاصابه وين جتها علي:للحين ماندري عمر : كأنكم تسرعتوا شوي بدر بإنفعال :لا تجلسون تكلموني وكأني المذنب الوحيد من حقي اني اعصب واضرب هذا شرف مو لعب عيال عمر:ادري بس لو ركزت شوي ترا كل السالفه مقابله لا اكثر واحنا فهمنا غلط علي: لا تستهين بالموضوع ي عمر لولا ستر الله كان تمادى لاكثر من هذا وهو ولد عمتنا ورضى قهرنا واريام تستاهل اللي جاها قبل لا تكون غلطانه بحقنا وحقها غلطانه بحق ربها واذا انفعلنا او ضربنا محد يلومنا هذا اغلى شي المفروض نعصب ونضرب عليه عمر:محد لايمكم ي عيال الحلال بس اخاف يصير للبنت شي ويتركها الزفت راكان علي وبدر مع بعض : ومن قالك انها بتتزوج راكان عمر:وشو اش تبغونها تسوي ان شاء الله بدر:دامها للحين بنت مافي شي يعيبها ما تتزوجه ولا عاد نبي نشوف وجهه الكلب علي:هذا اللي صار معي عمر:كيف يعني تكلم على وقالهم كل شي صار معه ومع راكان وعصب وعمر وبعدين اقتنع لما فهموه وجهة نظرهم واريام مافيه شي يعيبها بتظل في بيت ابوها لين ربي يكتب نصيبها مع ااي احد ثاني  طلع ابو عمر وحصلهم واقفين تقدم لهم : وش عندك انت وياه هنا عمر:جايين نتطمن على اريام ابو عمر: تتطمن تتطمن انت وياه وانتم اللي سويتوا بها كذا اطلعوا من قدام وجهي لا انسى انكم ولا اعتبركم حيين ترا لي مده ساكت تقديرا لخواطركم لكن لين هنا وبس اطلعوا من هنا طلعوا وهم ساكتين ومقدرين عصبية ابوهم في النهايه بنته وضنى روحه تفرقوا كل واحد اتجه لبيته ٠٠٠ عند علي وصل بيته وخشمه مو راضي يوقف نزيف  دخل وهو رافع راسه وتوجه للحمام وهو يغسل خشمه حست ريم عليه وجات تشوف وش فيه حصلته منزل راسه وفيه دم بأطراف المغسله انفجعت وراحت ركض ريم:علي وش فيك وش صاير معك سحب علي المنديل وحطه على خشمه وطنشها ومشى لحقته وشافته يجلس على الكرسي وهو رافع راسه لفوق راحت له ريم: وش صاير معك ليش خشمك ينزف علي كان ساكت ولا يبي يرد على احد ريم قربت بتشوف بس بعدها بيده وهو يقول :ابعدي وقفت ريم وعلى طول نزلت دموعها: لا تخاف ببعد مو بس عنك عن حياتك كلها لو كل الدنيا قالت لي ان بيجي يوم وتعاملني فيه بذا الطريقه ما صدقت لو قالوا بيتغير عليك ماصدقت خيرتني جدتي قبل يومين بخيارين ي اعيش معها وانساك والا اعيش معك وانساها تركتها ورجعت وهي اللي ربتني وتعبت علي لكن تفاجأت ان محد بيحبني كثرها ويدمح غلطاتي كثرها تركتها وقلت لا علي يقول هو امي وابوي وجدتي واخواني وحياتي لكن لقيت علي مو  علي اللي عرفته مو علي اللي اخترته كل ذا عشاني اشتقت لجدتي اللي مثل امي ورحت اشوفها ..بكت وهي تقول..: لكن فعلا اببعد برجع لاهلي اللي ربوني ولو شفت منهم المضره .. صدت وراحت لغرفة الملابس وهي تدق على السواق وتبكي جمعت اغراضها وهي مثل الريشه ترجف علي اللي كان مصدوم ومو مستوعب كل اللي صار فاق على نفسه وركض ورا ريم .. وهو يسمعها تشهق وتجمع اغراضها كبرت في خاطره وعز عليه يكون هو سبب دموعها قرب لها وهو يناديها: ريم هدي شوي وخلينا نتفاهم ريم ماترد عليه بس تبكي وتجمع اغراضها مسكها علي وهو يحاول يثبتها قباله ويكلمها :ريم انا اسف انتي ما تدرين عن اي شي مريت فيه ذا اليومين ولا قدرتي اللي صار معي ريم وهي تفك نفسها: خلاص تكفى اتركني بحالي كفايه اللي مريت فيه وعانيته بسبتي اعبد خلني اروح علي حاول يفهمها ويكلمها بس ماسمعت له ابد وكانت تبكي بس صرخ علي وهو فعلا زهقان من ذا الحال والمشاكل:خلصنا اوقفي واسمعيني بطلي الانسحاب اللي انتي فيه والاتهامات كل مره احاول افهمك بشويش لازم تطلعيني من طوري لين متى ذا الحال ايه مايخالف زعلانه وضايقه وانتي الغلطانه وانا اللي من حقي ازعل ما سألتي وش صار مع علي وش مصايب عليه وليش انقلب علي كان يهمك كيف يعاملك وكيف يلبي لك طلباتك لكن وش فيه وش صاير له ما اهتميتي فيها من اليوم اللي عرفتك فيه وكل ضيقه لك اخليها بسبعين عذر ولا عمري تذمرت قدرت وسكت وانتي ولا حتى قلتي عليه ضغط عمرك ماجربتي شعور الانسان اللي يطلع الصبح يتهاوش مع امه واخوه ويسافر اخوه ضايق وامه تبكي وراه ولسبب مجهول وفاضي وهو مكتفت يدينه ولا قادر يتصرف يرجع البيت ويحصل زوجته واقفه وبكل صوتها تقول بتروح لجدتها وتعانده وترد عليه وهو اللي عمره ما تثنت له كلمه ويسكت عشان غلاها ويطلع ويحصل بوجهه مصيبه تكسر الظهر يحصل اخته في حضن ولد عمته من دون اي حق واجه اللي واجهه من تضرب وعصبيه وانهيارات ورجع لبيته بعد معالم القصص والروايات 📚: ا خاب ظنه يبي فعلا احد يسانده يبي يحس بالانسانه اللي عشقها ١٢ سنه تكون جنبه وتواسيه لكن فجاءه ماحصلها وليته بس ماحصلها شافها جايه وهي كاسره كلمته ومعاندته وتبكي ولا يدري وش صار معها وتبيه يضحك ويقول اهلا وسهلا وياخذها بالاحضان وبعد كومة مصايب تجي وتزيد وتقول اببعد واني معاملها كويس وان مالي حق اعصب وازعل .. لكن تبين تروحين ي ريم الله يستر عليك ماعاد لي قدره على تعب اكثر ... صد علي ومشى وهو مكسور فعلا وكان يسمعها تبكي وراه ومل من الدموع والبكى والصراخ ومن حياته وقف لما سمعها تناديه وصوتها منقطع من البكى لف وهو تعبااان فعلا: تكفين خلصنا دموع كرهت نفسي والله كرهتها كفايه ريم وهي تشهق:علي انا اسفه ماكنت ادري عن ذا كله على بالي معصب من سالفة جدتي ماعندي خبر بكل اللي صار والله مى علي: وهذا انتي دريتي وش بيتغير ريم وهي تقرب :علي وربي اسفه ادري اني عذبتك كثير بس تفاجأت من اسلوبك اللي تغير تكفى سامحني انا اسفه علي كان ساكت وهو فعلا محروق وتعبان ريم وهي تقرب ارتمت بحضنه وهي تبكي وتتأسف منه علي ما قاوم ابد لانه هو بعد محتاجها معه محتاج فعلا حضنها حتى لو انها ما تواسيه بس وجودها يحسسه بالقوه شدد عليها وهو يضمها حيل وده لو يطير معها لمكان مافيه بشر ولا مشاكل ولا تعب ريم:انا اسفه علي : خلاص دخيلك انا مسامحك وانتي بعد سامحيني معاد اطيق التأسف والبكي ريم رجعت حضنته وهي تسمح دموعها ٠٠ اما عند بدر اللي رجع البيت وهو مهلوك من اللي صار معه كان بيروح لغرفته بس توجه لغرفة نجلا دق الباب وفتحه وحصلها تكلم وجهها منفخ بكي اشر لها تسكر وقرب وجلس جنبها نجلا: شيخه انا اكلمك بعدين مع السلامه ...هلا بدر امر بدر:كيفها شيخه نجلا :ماشي حالها مثلنا بدر بضيق : الله يكون بالعون نجلا :كيف اريام بدر:رحت وطلعني ابوي من المستشفى نجلا ببكي :حرام عليكم ابوي تعب منكم كل يوم وهو يكافح واحد والله انهد حيله وتعب بدر: ي نجلا وش تتوقعون منا نجلا :ايه اريام غلطت بس عرفت غلطها المفروض تحلون المشكله بدال الضرب اللي صار والمجزره بدر:تنحل ان شاء الله تنحل لا تشيلين هم نجلا :الله يستر بدر : نجلا سوي مساج لراسي احسه بينفجر تعبت حيل حنت نجلا على شكله التعبان وبدت تمسج راسه لين نام وهو مو حاس بنفسه قامت نجلا وراحت لراشد اللي كان نايم بجنب بدر وغطته وغطت بدر وشافت عبيد جاي لها نجلا :تعال عبيد تعال عبيد دخل وشاف بدر وراشد : دامهم فيه بروح مابي ازعجك نجلا :تعال ادخل بس فيه مكان جنبهم عبيد بتردد:نجلا توقعين اني جنيت على اريام نجلا :اريام جنت على نفسها محد جنى عليها دخل عبيد وانسدح جنب راشد وبدر ونام وسكرت النور نجلا  ونامت على الكنبه وهي تحلم ان بكره يكون احسن من اليوم ٠٠٠ اما عمر اللي دخل بيته وهو زهقان وتوجه لغرفته ونام وهو يشوف البيت كله هادي ونايمين عياله وهو وده يصحى ويحصل كل شي حلم ٠٠٠٠ عند راكان اللي انهار لما سمع اللي صار لاريام وهو حاس بالذنب اللي صار ونفسه يروح بس خايف من اللي بيجيه .. عند ابو عمر اللي طول الوقت رايح جاي على اريام وهو يحاول يصحيها بكامل سلامتها وهو يشوف ام عمر نايمه جنبها وضاق صدره على الحال اللي وصلو له ٠٠ ٠ من بكره الصبح صحى علي اللي طول ليله قضاه وهو يشكي ريم تعب وقته وهي قد ما تقدر كانت تواسيه طول الوقت كان طايح بحضنها اللي احتاجه سنين فتح عيونه وما حصل ريم جنبه فز بخوف انه كان يحلم وريم راحت منه ارتاح لما شافها مقبله عليه وهي تبتسم ورمى نفسه على السرير بتعب ريم: صح النوم توقعت باقي بتنام كنت تعبان امس علي وهو مغمض:ومازالت بس ضروري اصحى ريم وهي تجلس :اذا مره تعبان كنسل كل ذا وارتاح علي وهو يحط راسها في حضن ريم: آآه ي ريم ليتني اغمض وافتح وحصل كل شي اختفى مشاكل وتعب وقهر ابي ارتااااح واصحى بلا مشاكل ريم وهي تمسح على شعره: ماعليه وربي اذا حب عبد ابتلاه كلها تهون بأجرها ان شاء الله قام علي وهو يجر نفسه للحمام اخذ دوش وطلع ولبس ومر من عند ريم بالصاله قرب وحصلها محضره الفطور وتنتظره قرب وهو يضمها من زماااااان ما ضمها :ليش تعبتي نفسك والله مالي نفس شي بطلع سريع ريم وهي تمسك يده:لا مستحيل انسى تطلع من دون فطور يكفي امس ما تعشيت لازم تسند روحك بشي عللي:والله مالي نفس ريم سحبته وجلسته :لك نفس وانت راضي بعد وبعدين المفروض تكون متحمس انك بتفطر معي علي:هههههههه يمكن في هاذي معك حق جلس يفطر وهو يراقب ريم اللي له ايام اشتاق لها كثير وبعدها طلع وهو متوجه للمستشفى ٠٠ عند بدر صحى بدري وناظر حواليه وحصل اخوانه كلهم جنبه عبيد راشد ونجلا تذكر اريام وقام وهو يقول (ليت كل الناس  مثل نجلا )اخذ دوش ولبس وطلع للمستشفى ٠٠٠ وصل علي المستشفى ونزل حصل ابوه جالس على الكراسي اللي برا وهو يبكي رمى القهوه اللي بيده وراح ركض علي:يبه وش فيك وش صار يبه ابوعمر مارد عليه وقام وتركه جاء بدر يركض اللي شاف ابوه بعد وهو مفجوع :علي وش صار علي: مدري مار د علي لحقوه يركضون وهم يشوفونه منهار كانو ينادونه التفت ابو عمر: الله لا يسامحكم على اللي سويتوه في اختكم الله لا يسامحكم بدر: يبه وش صار وش صار علي: يبه قول سحبهم ابو عمر ودخلهم غرفة اريام اللي كان راسها ملفوف وعيونها عليها شاشات فهم علي بدايه الامر بس حب يتأكد زياده علي: يبه وش صار لعيونها التفت بدر لابوه وهو مرعوب وعلي بعد ابو عمر اللي كان يتكلم ودموعه ترقرق عيونه خايف على بنته من الصدمه ابو عمر: رضيتوا الحين ارتحتوا استانستوا باللي سويتوه برد قلبك انت وياه ارتحتوا يوم اعميتوا اختكم علي وبدر نزل عليهم الخبر مثل الصاروخ جلس علي في مكانه وهو مصدوم ما توقع وصلت للعمى بدر عجزت رجوله تحمله خاف خاف حيل وندم انه ضربها التفت لها وشكلها يقطع القلب والتفت لابوه اللي يبكي وعلي اللي جالس ومنزل راسه بصدمه بدر:يبه تتكلم جد ابو عمر تقدم وضربه كف: اسمعني انت وياه لا اشوفكم جايين بيتي ولا مقربين منها لا بسرا ولا بضرا لا اشوفكم جايين اريام كفايه اللي جاء منكم مافيكم العاقل اللي تمالك عقله اطلعوا الله لا يسامحكم طلع بدر يجر رجوله جر وجلس قبال الغرفه ونزل راسه يبكي على اللي سواه ويبكي اخته اللي مهما قهرته ما تمنى يصير معها كذا كان منصدم ولا هو متذكر كيف ضرب عشان يسبب لها عمى ندم كثير وانقهر وهو خايف عليها من صدمتها طلع علي اللي صدمته ما تقل عن بدر ومشاعره ماتقل عن بدر بعد كان بيموت من القهر (الله يسامحك ي اريام ليه سويتي بنفسك وفينا كذا) جاء عمر اللي انفجع من اشكالهم وركض لهم عمر: وش فيكم وش صار بدر مارد وكان يبكي وعلي ما رد لانه منهار بعد تركهم ودخل الغرفه وحصل ابوه مستند على السرير ودموعه على خدوده وامه بعد تبكي انفجع خاف انها ماتت :يبه وش فيه وش صاير ابو عمر التفت على عمر وراح له وتمسك فيه: اخوانك اخوانك اعمو اختك ي عمر اعموها فقدوها عيونها اكسروها اكسروها عمر مسك ابوه وهو منفجع الثاني وقفت به الدنيا لحظه وهو يتيخل ردت فعل اريام عرف ليه بدر وعلي برا يبكون خنقته عبرته على اخته اللي توها بعز شبابها حاول يداري ابوه اللي منهار ولا قدر غير انه يطلع ويترك كل شي وراه ٠٠ عند علي اللي بالقوه تماسك وقوم بدر معه وطلعوا وراحوا لبيت علي ودق على طراد يجي جاء طراد واول مادخل حصل بدر جالس بالحوش وهو متلثم وحاط يده على راسه وعيونه حمرا وعلي قاعد قباله وزقاير حواليه وباين انه مهوب طيب انفجع وركض لهم:وش فيكم وش صاير وش حصل كانوا ساكتين تقدم طراد لبدر اللي بكى وهو يقول :اعميتها ي طراد اعميتها تركه طراد ووقف بصدمه وهو ماتوقع انها بتوصل معهم لذا الدرجه ناظر لعلي وراح له :يتكلم من جده ذا ؟ علي اشر براسه ايه لا ارادي حط طراد يدينه على راسه:الله لا يعطيكم العافيه اثنينكم الله لا يعطيكم العافيه ما تخافون الله انتم ماتخافون الله علي وبدر ما كانوا ناقصين اللي فيهم مكفيهم تكلم علي:طراد حنا نبيك عون وتصير فرعون طراد: ان شاء الله منتظر مني اطبطب عليك انت وهو واقول ابرافو انتم مدركين وش سويتوا انتم اعميتوا اختكم معاد تشوف معاد تشوف عارف وش يعني ماعاد تشوف لو شليتوها ازين كانوا ساكتين وكل واحد فيه كمية ندم وطراد اللي منقهر ولا يدري وش يسوي فاهم قهرهم بس معارض تصرفاتهم حاول يتماسك وهو يشوف بدر منهار اكثر من علي وصدمته اقوى من علي ٠٠٠ انتشر الخبر في العايلة كلها ولكن قالوا انها طاحت من الدرج وانفقشت ولما رجعوها البيت داخت وطاحت وانعمت ولا احد يدري بالسالفه الحقيقه الا الاقليله ٠٠ عند شيخه اللي درت بالخبر وراحت بسرعه هي لنجلا وفواز اخذ امه وخواته وداهم للمستشفى وهو متكدر من اللي صار وهو عارف كل شي صار وصلت شيخه لنجلا وحصلتها تبكي وحالتها حاله هي وراشد ونوره شيخه:نجلا فزت نجلا وركضت لشيخه: شفتي ي شيخه انعمت والله انعمت شيخه اللي ماتحب ذا المواقف ولا لها حيل لها: الله معها لا تخافين وعمي بيساعدها ان شاء الله حاولت تداري نجلا المنهاره وبالقوه سكتتها واقنعتها انه قدر من ربي وحاصل ٠٠ عند ام عمر اللي كانت تبكي وحالتها هي بعد حاله وخايفه على اريام من الصدمه بعد جات عندها ام ناصر اللي ماخلتها وكانت واقفه معها بخيرها وشرها وتهدي فيها وابو ناصر كان عند ابوعمر وهو يشوفه اكثر شخص متأثر ومع ذلك ما قعد لا كان يدور طريقه لعلاج بنته مستحيل يخليها تعيش عمياء مستحيل ٠ عند ريم اللي درت وانصدمت وانفجعت وخافت على علي وعلى اريام من الصدمه كانت تسمع صوت طراد برى وهو يهاوش ويصارخ عليهم وتسمع صوت بدر اللي بين فتره وفتره يبين صوته بالبكي وعلي اللي ماسمعت صوته ابد وكانت خايفه عليه ٠٠٠ عند بدر طلع ورجع للمستشفى وهو خايف وطلع معه طراد وعلي قال بيجلس يتماسك شوي قام علي ودخل البيت اول ماشافته ريم جت ركض له جلس علي على اول كرسي قابله وهو حاط يدينه على راسه ومتحسر ريم:علي كيف صارت عميا كيف علي:مدري مدري ريم مسحت دموعها وهي تشوف حاله اللي يفجع:انت بخير علي اشر بر اسه لا ونزل راسه وهو يبكي بدون صوت ضمته ريم وهو تمسك فيها وهو ندمان على اللي صار لاخته كان متحسر عليها بالحيل وريم ساكته وهي تسمعه يهمس بحبه لاريام اللي كسرتهم جميعا ٠٠٠ عند ابو عمر اللي كان فوق راس اريام وهو يدعي ويقرا قرأن وام عمر نفس الحاله دخل عليهم بدر اللي وجهه ما يدل انه بخير راح لابوه ودموعه ترفرف بعيونه : يبه انا اسف والله ماكان قصدي ماعرفت وش اسوي من العصبيه تكفى يبه ابو عمر: اسكت ي بدر اسكت مالي خلق احد ادع لربك انها تصحى بالسلامه بس سكت بدر وجلس وهو ندمان طول ماهو قاعد يدعي ان ربي يشفيها ٠٠٠ عند علي تماسك شوي وقام بيروح المستشفى ريم:وين علي :المستشفى ريم:بروح معك علي:زين يلا لبست ريم وجات ومسكت علي من ذراعه وهي تبوس ذراعه :لا تخاف كل شي بيصير بخير علي :ياليت ي ريم ي ليت طلعوا وصلو المستشفى وراحوا دخل علي وهو يشوفهم متجمعين عندها وهي ما صحت شاف بدر جالس وهو متلثم وعلى حاله وامه وابوه كل واحد في يده مصحف وحالهم مايسر سلم ودخل وراح لامه وابوه وباس روسهم وجلس وهو وريم بدون صوت ٠٠٠ عند طراد كان مستاء جدا من المشاكل وضايق على المسكينه اللي انعمت بسبب غلط بسيط طلع من المستشفى وهو ضايق ٠ اما فواز اللي كان يراقب بصمت اللي صاير وهو لو يحصل راكان بين يدينه ذبحه ولا خلاه دقيقه ٠٠٠ عند ابو عمر حس فيها تحركت سكر المصحف وفز لها شافها تفتح تجمعوا كلهم سمعوا ونينها ووقفوا وعلي وبدر توتروا وبدوا يخافون  اريام كانت تون وبعدها صارت تنادي:يمه يبه ابو عمر:احنا هنا يبه انتي بخير اريام :راسي يوجعني يبه ابو عمر :بسيطه يبه الحين يخف اريام: يبه شيل اللي بعيوني ابو عمر ارتبك :يبه الحين خليه عشان جرحك قريب من عيونك لين يخف ونشيله اريام:بس ضايقني يبه ابو عمر خنقته العبره: معليش يبه تحمليه شوي ام عمر: حبيبتي اريام يامو انتي منيحه اريام هزت راسها بأيه وهي تحاول تشيل الشاش اللي بعيونها ابو عمر:يبه وش تسوين اريام :يبه شيله ضايقني ماني قادره افتح .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ③⓵ 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼