ياما تجرعت المراره عشانك - الفصل 12 - بقلم أديم الراشد - مكتملة | روايتك

عالم القصص والروايات 📚: 🌺🌼🎀🌼🎀🌼🎀 🌼🎀🌼🎀🌼 🎀🌼🎀 🌼 @ahgeel 👌🌺 🍀روايــــ 📖 ــــــة.... 🍀 #ياما_تجرعت_المرارة_عشـانك💙 🌱 #بدايـة_الجزء_الـ②⓵🌱 🍒ـــــــــــــــــــــــــــــــــــــ🍒 عند طراد اللي كان يتشحذ ويترجى في علي ما يوديه لشركه ماله خلق وعلي مابيوديه بس كذا يتحركشه ويجاكره طراد: يوه وش بتستفيد انا بموت نوم وتعب خاف الله علي:معليش لا تأجل عمل اليوم لغد طراد انجلط:وش بك اليوم ي مسلم خلني اروح بيتنا والله ما تكسب فيني الا اثم علي اللي متوجه لبيت ابو طراد بس طراد من الضيق ما انتبه لطريق وقف علي :هيا انزل طراد:يووو.. هذا بيتنا علي: اجل فيه انسان بعقله تقعد تحن عليه وما يوديك بيتكم ويفتك طراد وهو يضرب راس علي :والله ما استغرب عليك توديني لشركه علي: اقول انزل لا ارجع الحين ناقصني مجنن طراد: ي حليلي عند المجنونه اللي في بيتك علي وهو يحذفه بعلبة المويه :اوريك ي ابو بريص راح طراد لبيتهم وتوجه علي لبيت ابوه بيشقر عليهم ٠٠٠ في بيت علي طلعوا البنات من الغرفه الصغيره شيخه:قسم بالله ي ريم يبي من يربطك بعمود كهرباء ويجي دااز بتريله ويدعسك اعنبو دارك كل ذا عشانك وانتي ماخليتي شي ما سويتيه فيه ريم:ي بنت الحلال انا بعذري وش دراني اصلا شيخة :واضح عيونه تقول عيونه نجلا :لو انا منك قسم بالله كان الحين مقفله عليه بالبيت ولا اخليه يطلع شيخه و ريم:لييييه نجلا :يعني بنات الحرام واجد ويمكن وحده تخلفه عن طريقه خصوصا ان علي مجال شغله يمر عليه حريم شيخه: انا قايله عمي مخلف بهايم ي بقره ي بقره انسان قضى١٣ سنه من عمره يحبها وفوق ذا مسوي غرفه ومجمع لها شي ما يعد ولا يحصى من الذكريات والهدايا والرسمات خسر شقى عمره عشان يتزوجها وبغى يخسر عمره عشانها تضررت ولما شكت فيه بغى يموت من الصدمه والحين تقول بنات حرام نجلا :انا اقصد... شيخه قاطعتها: ولا تقصدين ولا شي روقينا ترا الخبله اللي جنبك تصدق بسرعه وتروح تسوي لعلي مناحه ريم:انكتمي بس ٠٠٠٠ عند علي اللي قابل بدر عند الباب علي:بدير وش مطلعك من دوامك بدر بضيق :جيت باخذ شنطتي واسافر علي : ليييش بدر:بريح شوي مزاجي واخلي الاجواء تهدا ماينفع كذا والله علي: اذا كذا براحتك بس لا تطول وتقطع وين بتسافر وكم يوم بدر:اسبوع دبي ماني رايح بعيد علي : زين موفق قلت لابوي بدر:لا بمر عليه اذا طلعت علي :وش بتسوي بأمي بدر:مدري بدخل وواجه اللي بواجه معها علي: اجل خلني ادخل معك بسلم واطلع مالي خلق تقلب علي بدر: يلا دخلوا وحصلوا امهم جالسه بالصاله علي وبدر:السلام عليكم ام عمر بدون نفس:وعليكم السلام سلموا عليها وجلسوا علي :يمه كيفك ام عمر:من الله منيحه علي :بعدك زعلانه يمه خلاص قضت السالفه والمفروض انك مبسوطه بدر :يمه انتهى وش اللي بتستفيدينه ام عمر: بدر بطل تحاكيني بدر :لا ماني مبطل وش السالفه وش اللي ضارك قولي عندك شي مخبيته شيخه فيها شي يخلي كل ذا الرفض صادر منك ليش يمه وليش الحقد ذا كله والزعل كيف تربينا على شي وتتصرفين بشي يمه ما عرفتك كذا ام عمر: تغيرت كتير ي بدر صاير ترفع صوتك علي وتصرخ بوجهي بدر بضيق وقل صبر:إلى متى يمه الى متى انا تعبت تعبت خاطب لكن كأنه محكوم علي بالاعدام عمري ما سويت شي يزعلك ابيع راحتي عشانك ابي اعرف ليش ليش وش فيها شيخه يفرق عن الناس لا تقولين لي شخصيات لا تقولين ما تصلح وتسكتين ابي مبرر قوي ام عمر : لحقت تلعب بعقلك خلاص علي: يمه مايصير ام عمر: انت بتسكت ولا تفتح تمك كلوا من تحت راسك انت اللي مفوتها ومدخلها هون براحتها لين اخذت لي ابني بدر: ي ربي كيف اخذت ابنك يمه كيف ام عمر: بدك تتجوز روح تجوزا لكن لا تعتبر عندك ام بدر: هذا مو كلامك يمه مو كلامك علي : بدر هدي يمه مايصير كذا قولي لنا زعلك من ايش ام عمر : علي ضب لسانك بحلقك واسكت انا سكت لزواجك اللي مو مبرر لان عقلك جوزتين بخرج ومجنون لكن بدر لا بدر:ايه ليييييش ام عمر: من الاخير ي بدر اسمعني بدك تتجوز نوريه بنت خالك بدر:ايوه كان نطقتي هالجوهره من زمان وريحتيني لكن اقول لك من الحين الفكره هاذي شيليها من راسك وشيخه ماني تاركها لين اترك روحي واذا السالفه عناد وحزابات خذي عناد وحزبيه بنت عمي ما ياخذها الا انا طلع بدر واخذ جوازه وجمع كم غرض وطلع وعلي كان واقف ومصدوم من تفكير امه انسحب وهو ساكت ولا وده تكبر اكثر من كذا استنى بدر واخذه للمطار ولا تكلم بشي وهو يشوف بدر فاير دمه ولا يتحاكى وصلو المطار وراح بدر وهو حتى ما ودع علي وكاان ضايق وقرفان من نفسه ومن حظه ٠٠ رجع علي للبيت وهو ضايق دخل وسلم وتوجه للمكتب ووجهه مقلوب ريم:علي وش فيك علي: ولا شي كلمتي جدتك وقلتي لها عن الغدا ريم: ايه بس قالت ماتقدر تجي وتبيني اجيها علي بدون نقاش :لا ريم:ليييه علي: لا تناقشيني وانتي تعرفين ليش ماتبي تجي بكيفها ريم:وليش بتمنعني عن جدتي علي:ريم روحي من هنا مزاجي ماهو مكانه ولا اي خلق احد ريم: لك والا مال ك خلق اليوم بروح يعني بروح علي : اطلعي اطلعي من هنا لا تحديني على شي انا مابيه ريم طلعت وشيخه ونجلا مايدرون وش الساالفه سمعوا صفقة باب مكتب علي وريم مطنقره قامت نجلا واتصلت على السواق وقالت له يجي ياخذهم لان وضعهم مزري .. .. بدر اللي كان بصالات الانتظار وهو صدره شاب نار على امه اللي مدري وش قلبها او وش صار فيها ماصدق لما سمع النداء لطيارته وراح وهو لو احد يكلمه ممكن يقتل بدم باااارد جلس وهو ضايق وزعلان ومقطب حواجبه جلس جنبه واحد رد السلام ورد عليه بدر وهو ضايق متعب الاماراتي : الاخ من هنا بدر: ايه متعب :ماشاء الله شكلك ما يعطي ابتسم بدر بدون نفس وسكت وكان طول الوقت محموس وباين عليه ضيقه ومتكدر حس عليه متعب متعب : اذا مافيها لقافه شو صاير وياك احسك مزعوج بدر: ابد مشاكل بسيطه متعب:ما عليك عمرك بتعيشه مره طنش وسوي اللي يريحك بدر ضحك بحسره: كنت اتكلم مثلك ما توقعت ان بيجي يوم تصيبني  كل ذا الحيره متعب :شو هالحيره اللي مضيقتنك بدر : سالفتي طويله مالها حل متعب : ارمس بنشوف اذا بتنحل او لا بدر ابتسم وهو ضايق وجلس يسولف له من ضيقه يبي يرتاح وقال كل  شي صار معه متعب ضحك: اتريا عندك سالفه عوده ي ابوي بدر: كيف يعني متعب وهو يحاول يفهم بدر :مشكلتك صغيره هاي مشاكل تصير في كل بلاد انت ايلس يومين بدبي ويمع افكارك وبعدين بتلقى حل لكن لا تخسر رضا امك حاول تحلها بالحسنى بدر سكت وما استفاد شي غير انه فضفض اعلنوا عن الهبوط وسكتوا واتجهزوا ٠٠٠ اما عند علي اللي ابداً ما كان ناقص عناد ريم طلع من البيت وهو ضايق وتارك وراه ريم ماكان يدري وين يروح وراح لاقرب فندق يبي ينام فيه ماله خلق البيت والمشاكل وكان تعبان وقلقان على بدر ٠٠ اما عند ابو عمر اللي رجع للبيت بعد ما وصل ابوه المزرعه وشاف البيت هادي ولا فيه الا راشد يلعب ابو عمر:راشد تعال ي ابوي راشد: هلا بابا ابو عمر: وين امك واخوانك راشد: علي وبدر جو وتهاوشو مع امي وبعدين طلعوا ونجلا تو رجعت من عند علي وهي فوق وا...... راح ابوه وتركه وهو متوجه لغرفته دخل حصل ام عمر جالسه وهي تبكي ابو عمر:وش صار معك انتي وعلي وبدر ام عمر: ماصار شي ابدا ابو عمر: اتكلمي ي حياة لا تطلعيني من طوري ام عمر حكت له كل شي صار وابو عمر اول ما سمع كلامها فقد اعصابه وضربها كف وهو اللي عمره معها ما مد يده عليها وبصراخ قال : قلتي متضايقه قلنا مايخالف اذيتي البنت وقلنا طلعت خلق ومايخالف زعلتي ولدك ونكدتي عليه قلنا بعد ما يخالف تبليتي ولدك الثاني واقلقتيه بعد قلنا ام محروق قلبها لكن توصل انك تبين تقطعين نصيبهم بعد ماوافقوا على بعض وتنزلين نصيب شيخه عشان ترفعين بنت اخوك عليها وصلت فيك انك تسممين افكار ولدك في بنت عمه وتتدخلين في خصوصياته تبغين تعلمينه على الخدع والمكر والخيبات الامل والخيانه هذا اخر ما نتج منك الحين يوم صاروا رجال كل واحد يوقف التيس على زنده صرتي تبغين تقولين سوي ولا تسوي الحين ام عمر وهي تبكي :بس ...... صرخ ابو عمر وسكتها: اقطعي صوتك لا اسمعه واسمعيني زين وكلامي يكون حلقه بإذنك اذا ما صلحتي اللي خربتيه في حياة عيالك وما صفيتي خواطرهم اللي ضيقتيها وفهمتيهم انها مجرد ضيقه ووجهة نظر تعرفين ان قعدتك في البيت هذا حرام ومستحيله وتجمعين اغراض وبوجهك على بلاد اهلك وتنسيني وتنسين عيالك ام عمر ببكي: بدك تحرمني ولادي ي عبدالرحمن ابو عمر:اي ولاد تتكلمين عنهم اللي انتي مضيقه عليهم ومكدرتهم من اليوم ورايح مالك دخل فيهم وفي قراراتهم ان شاء الله يتزوجون اللي يبون مالك خص فيهم سامعتني وصرخ بأعلى صوته :سامعه ام عمر: ايه ابو عمر:واذا ما تنفذ ي حياة الكلام اللي قلته لا تسألين عن عواقب السالفه طلع ابو عمر وصفق الباب وراه وام عمر انهارت تبكي ٠٠٠ عند بدر اول ماوصل دبي حلف عليه متعب الا يستضيفه عنده وبعد اصرار وحلف من متعب راح معه بدر وهو خلقه مايبي احد يكلمه اتجهو لبيت متعب اللي كان في وسط دبي و صلو ونزلوا وكان بدر ضايق شوي ولا له خلق لقى الترحيب منه ومن اهله واغمروه بالكرم وطيب الكلام بدر ما كان في مزاجه وكان يجامل معظم وقته بس عشان متعب وبعد نص ساعه استأذن بأنه تعبان ويبي ينام واصر متعب انه هو يوصله الفندق وصله الفندق وطلع وبدر رمى نفسه على السرير وهو تاخذه افكاره وتجيبه شي لشيخه وشي لامه تذكر انه ما ودع ابوه ولا بلغه سحب جواله ودق بس مارد ابوه تركه وراح ينام ٠٠٠ الساعه ٩ الليل صحى علي وهو مصدع التفت لجواله وشاف رساله من ابوه (اذا شفت الرساله تعال البيت ضروري) قام ولبس وطلع وهو متوجه لبيت ابوه .. عند راكان وصل بيت ابو عمر وراح من الجهه الخلفيه للبيت باتجاه الحوش ودق على اريام وفتحت له ٠٠٠ عند علي وقف في نص الطريق على صوت ضرب بسيارته نزل يشوف ما حصل شي رجع ركب واول ما مشى رجع الصوت ونزل وشاف شنطة السياره حصل فيها اغراض ناسيها هو فيها تذكر انه كان بينزلها في المستودع تبع بيت ابوه وراح واول ما وصل راح للجهه الخلفيه من البيت عشان ينزل الاغراض وماينساها ٠٠٠ عند بدر اللي اول ما صحى دق على ابوه وبلغه انه مسافر ابو عمر ما عارض يبي بدر يرتاح شوي ويفكر نزل بدر وهو جوعان وناوي يروح يتعشى حصل متعب تحت ينتظره متعب :صح النوم ي ريال بدر: صح بدنك ي برنس كيفك وش مسوي متعب :بخير بدر: ماتوقعتك تجي متعب : افت عليك نحن مانبيع العيش والملح بدر: كفو دام كذا اجل وديني لاقرب مطعم بموت جوع متعب:تامر امر وراحوا وبدر بدا يرتاح لمتعب ٠٠٠ اما عند ريم اللي راحت لجدتها اللي ما استقبلوها كويس ابدا وكانت ام مشعل طول الوقت تدق بريم وتهزئ وام محمد اللي ما دافعت عن ريم و شايله على علي بقلبها ريم: جده وش فيك ام محمد :مافيني شي ريم:ليش تغيرتي علي ام محمد :اسمعي ي ريم انا ولدي اغلى ما عندي ولا رح ابيعه وان كانك تبين رضاي اتركي علي وتعالي عيشي عندي لانه طول ما انتي على ذمته ماني محاكيتك ولا بجيك ولا بدخل بيت ولابسلم على عيالك ريم:ليش ي جده ام محمد: وتسألين ليش وهو اللي كان بيحرمني ولدي وولد ولدي تسألين ليش وهو مايبيك تطبين بيتي ريم : بس علي مو قصده كذا ام محمد : مو قصده كذا وهو اللي شل ولدي وقطعه من حياته هو اللي خلا مشعل ينحاش من بيت ابوه ريم: بس ي جده انا ام محمد قاطعتها: هي خياراين ي تجين عندي وتنسين علي او تروحين عنده وتنسيني ٠٠ عند علي نزل وحس فيه شوشره في همس كلام استغرب ان باب الحوش مردود مو مسكر وهو ما احد يجيه ابدا الا نادرا قرب لباب وفتحه شوي شوي شاف ظهر رجال واقف واريام وتبكي بردت اطرافه وبدا يختل اتزانه ودقق بالرجال يمكن من اخوانه يمكن ابوه غبش نظر علي من الصدمه وما عرف الرجال ٠٠ عند بدر كان يسولف مع متعب ومستمتع معه بدا يحسه قريب ومتعب حب بدر وطيبته وروقانه متعب: بدر باچر (بكره😅) بابدا بدوامي وبنشغل عنك شويات لكن بدز لك اختي مهره هي خبيرة سياحه وبتساعدك وتوديك المكان اللي تباه بدر توتر : ماله داعي انا ادبر عمري متعب :لا لا هذا واجب علينا عشان ماتيلس  بروحك بدر حاول قد مايقدر يقنع متعب انه اكثر من مره زاير دبي ويعرف فيها واذا تاه بيسأل بس متعب رفض واصر انه من الواجب ان يكون معه احد استسلم بدر وراح يتمشى مع متعب وهو يفكر في المصايب اللي فوق راسه ٠٠٠ عند علي اللي قرب من الرجال وهو خايف من عواقب التفاته اريام شافت علي وشهقت وخرت بسرعة البرق والتفت راكان اللي تصافى هو واريام وقرروا يملكون بأسرع وقت وانصدم من شوفة علي وتصلب مكانه اما علي اللي كانت صدمته اشد واعظم صح مخطوبين بس هذا مايعطي حق لهم انهم يتقابلون وفوق هذا حرام لانه ما ملك عليها مجرد كلام بين رجال بس ولا تقدموا رسميا وفي رمشة عين انقلب وجهه علي من مصدوم باهت لغاضب والنار تطلع من عيونه انقض على راكان وهو مايبي يسمع اي تبرير يكفي اللي شافه هربت اريام وهي تبكي وراكان طاح بين يدين علي اللي ما رحمه وهو هايج من الغضب ومن كل شي صار معه مو كفايه اخته اللي بغت تسبب بموته جاي هو يكملها اريام ركضت وهي تبكي وتصرخ طلع ابوها وعبيد وهي عجزت تتكلم راح ابو عمر وعبيد ركض لمصدر الصوت ولقوا راكان غرقان بدمه وعلي غرقان بعصبيته بالقوه قدروا يبعدون علي اللي كان يضرب بكل شي يطيح في يده قام راكان وطلع وهو بيموت علي اللي راح ركض وكان يدور اريام بعيونه واول ما طاحت عيونه عليها وهي واقفه وتبكي ركض لها وهو يشدها بشعرها وضربها كف وهو يصيح : كنت حاس ان التغيير اللي انتي فيه مو من الهوا هذا اخر الثقه هذا اخره طولت بالي عليك كثير وفلتناك لكن ما تنعطين ثقه ابو عمر اللي كان يركض ويحاول يفك اريام من يد علي المجنون اللي مارحم اخته اخذها ورا ظهره وهو يقول: انت وش فيك ي مجنون علي وهو منقطع نفسه من العصبيه :انا وش فيني انا الحين انا وشفيني اسأل الواطيه اللي ورا ظهرك وش مسويه من مصيبه وعار (علي لما شافها مع راكان راح تفكيره بعيد وتوقع انها ضيعت شرفها ) ابو عمر : عار ايش ي مجنون علي بقهر: بنتك الغاليه باعت نفسها واهلها وسمعتها وشرفها للكلب راكان بأي حجه انهم مخطوبين ابو عمر اللي انصدم والتفت لاريام اللي كانت تحاول تنفي اللي قاله بس ماقدرت ام عمر عبيد ونجلا اللي تبكي وراشد يبكي معهم ولا يدري وش السالفه .. سحب علي اريام وكانوا واقفين على طرف الدرج حاولت تفك نفسها بقوه لكن زلقت رجلها وطاحت من فوق الدرج وانقطع صوتها بعد صرخه طويله لما ارتطم جسمها بالارض وانهدر دمها الجميع كانو مصدومين وصحوا على صراخ ام عمر اللي نزلت تركض لاريام ونزلوا كلهم بعدها الا علي ٠٠٠ عند فواز اللي كان مواعد بدر يطلع معه اليوم وماعنده خبر ان بدر سافر جاء فواز واستغرب راشد اللي كان يبكي عند الباب فواز: راشد حبيبي وش فيك راشد بشهقه : علي بيقتل اريام فواز :ليه راشد كان يسرد لفواز اللي صار وهو مو فاهم شي ويبكي فواز انفجع ولا يمديه الا سمع الصراخ اللي انقطع ورجع طل براسه وشاف اريام غرقانه بدمها وانفجع وابتعد بسرعه وركب سي ارته وحرك وهو مفجوع ٠٠٠ عند ابو عمر كان يحاول في اريام تصحى بس ما صحت صرخ على علي وهو منفجع: خلااص عودت يدينك على الضرب والقتل حمل ابو عمر اريام وتوجه بها للمستشفى ٠٠ علي اللي كان جالس بالدرج بمحله اللي وقف فيه وكان مستند براسه على السلم وهو مو مصدق كل اللي صار كان مثبت عيونه على دم اريام وهو مصدوم وشبه منهار قام يسحب نفسه سحب ولحقهم للمستشفى وصل وحصلهم واقفين اول ماوصل واجهه ابوه بكف قبل لا ينطق بكلمه وطرده برا المستشفى طلع علي وهو شبه تعبان توجه لبيته وهو محتاج ريم جنبه وتسنده في ذا المصايب بس دخل وما حصل ريم دورها ولا حصلها انفجع على باله صاير لها شي وخاف وارتبك زياده وكل طاري شين مر عليه طلع قبال باب البيت وهو من الصدمات يالله يتحامل بعمره ٠ اما ريم كانت تبكي في السياره وهي جايه مع السواق ما توقعت جدتها تخيرها ذا الخيار الصعب تترك جدتها اللي ربتها سنين والا علي اللي حبها سنين وخسر عمره عشانها وصلت ونزلت شافت علي على الدرج ازارير ثوبه مفتوحه وثوبه كله دم وشعره نازل على وجهه بشكل يفجع وجهه احمر من العصبيه خافت منه وعجزت تتقدم بخطوتها رفع علي راسه واول ماشافها فز وراح ركض :ريم فيك شي ريم وين كنتي وش صار وين رحتي ريم كانت تبكي من دون حرف انتبه علي لسيارة السواق والتفت لريم وهو يكرر سؤاله ولا جاء في باله انها ممكن تكون عاصيته ورايحه لجدتها ريم اللي تكلمت وهي تشهق : كنت عند جدتي انصفق علي من كلامها وماتوقعها تكسر كلامه ريم تحركت وهي تهرب للبيت دخلت وراحت الغرفه وهي خايفه لحقها علي وهو ناوي لها القشر مسكها وهو يهزها بكل قوته وهي مثل الورقه بين يديه كان يصرخ عليها بصوته اللي يفجع وجهه احمر وعيونه جحضت من العصبيه وعروقه طالعه: انا وش قلت لك وش تكلمت قبل اطلع وش حكيت ريم وهي ترجف: بس انا قلت لك علي وهو يصرخ عليها وصوته متقطع من كثر ما صرخ: وانا وش رديت وش قلت ريم وهي تبكي :قلت لا بس انا مشتاقه لجدتي علي في لحظة غضب:ولعنتك انتي وجدتك انا حكيت كلمه المفروض تنسمع ولا تنزل الارض ماتفهمين انتي ريم : بس جدتي ماكانت تبي تجي وانا بروح لها زي ماتروح انت لاهلك ومو من حقك تمنعني علي تذكر اهله والمصيبه اللي صارت رفع يده وهو ناوي يضربها كف غمضت ريم وهي خايفه وقف علي وهو يدفها بعيد وصرخ: اقسم بالله لو تحركتي او طلعتي ما ارحمك طلع وصفق الباب وهو ضايق وزعلان مسك نفسه على اخر لحظه لا يضربها عجز عجز يضربها وهو عمره ما انكسرت له كلمه ضاق وتعب من الشهور اللي مرت عليه وهو مو قادر يلحق على المصايب اللي تحذف عليه ٠٠٠ عند بدر رجع للفندق وهو مغير جو شوي وشايل هم امه وشيخه ولا يدري وش يسوي جرب يدق على علي ومارد وقفل وانسدح وهو مهلوك وتعبان (آخ ي ربي وش ذا المصايب ليتني ما فكرت بالزواج ولا تحمست وليتك ي علي ما دخلتني بذا المصيبه ليتني رفضت وكملت حياتي عزوبي وعايش حياتي ) تنهد وانقلب وهو يناظر الطرف المقابل له من السرير : والله مدري اذا بيجي من يملا ذا الفراغ او ما يجي ٠٠ عند ابو عمر اللي اسعفوا اريام وكانت بخير ومجرد ضربه على راسها وهي سليمه سببت لها نزيف واغمى ابو عمر: عبيد خذ راشد ونجلا وروح البيت مالكم داعي هنا نجلا : بس يبه ابوعمر:نجلا مالي خلق احد اطلعي انتي واخوانك وارجعوا البيت طلعوا وراحوا جلس ابو عمر وهو منهار وخايف من المصير المجهول لاريام اللي علي بغى يقتلها اجل وش بيسوي بدر وعمر وخايف انها تكون فعلا ضيعت نفسها  ام عمر كانت تبكي وهي. تدعي لبنتها وهي محروقه قاطعها ابو عمر:اقصري صوتك ولا تبكين ام عمر: شو بدك ياني اعمل ابو عمر: كل شي صار من تحت راسك لو انك انتبهتي لبنتك ماصار اللي صار ام عمر: شو دخلني ابو عمر: اقصري صوتك لا افتري فيك ٠٠ عند علي اللي توجه سيده لطراد وهو يدري محد بيأخذ بيده كالعاده الا طراد دق على طراد وقاله ينزله تحت نزل طراد وهو شبه مروق ركب وهو يضحك :هاه لشركه والا للقهوه بدون حلا .. التفت علي لطراد اللي انفجع :وش فيه وش صار وش بك ذا علي اللي ارتخى وانهار بين يدين طراد انفجع طراد ووقف شعر جسمه من الفجعه وهو يبلع ريقه وخايف:علي وش صار قام علي يسرد كل شي لطراد اللي كان مفجوع وما استوعب شي طراد:علي بشويش عشان استوعب كل ذا ب ٥ساعات علي بضيق : شفت ي طراد شفت وتقول ليش تنجن وتعصب طراد :واختك وش صار فيها وبدر وينه وش بكم تفرقتوا علي:مدري عنها وش صار فيها ان شاء الله تكون ماتت وارتحنا منها بدر مابي ارد عليه ولا ابي اقول وش صار لين يرجع طراد:انهبلت في عقلك انت وش تقول لبدر بدر خلقه ضايقه فيه الوسيعه لا تقوله شي تبي ينجن بعد ويكمل ويذبحها صرخ علي في وجهه طراد:خله يذبحها عساه ينتفهاا قليل فيها طراد: علي لا تنجن مهما صار هاذي اختكم وان غلطت قطعه من دمكم كيف ترضون تضرونها كيف علي: اختي ما خلت شي ما سوته اختي ضرتنا كثير ضرتنا طراد:اذا كذا كلم ابوك وحلو الموضوع بينكم ماله داعي الفضايح وزوجوهم علي صرخ في و جهه طراد: تقوله عشان ماعندك اخت تقوله ماذقت القهر اللي بصدري تقوله وانت ماجربت تشوف اختك في حضن رجال غريب عليها طراد :والله فاهمك ي علي بس استروهم احسن من الفضايح وخلهم يتزوجون وبعدها بلعنته هو وياها اذا تطلقوا والا في ستين داهيه علي :الله لا يخليني ان خليتهم اعلمه الكلب كيف يتعدى اعلمه والله لربيه والله طراد كان يحاول في علي يهدى لانه يعرفه ممكن في لحظة غضب يقتل راكان واخته بعد وعلي راسه يابس الا يربيهم ٠٠ عند ريم اللي كانت تبكي وهي بين نارين علي والا جدتها علي تحمي كثير عشانك خسر روحه ونفسه وخسر تعبه ووقته علي اللي يخاف من نسمة الهوى والا جدتها اللي ربتها وتعبت عليها الخيار بينهم صعب صعب جدتها مريضه واذا عاشت اليوم ما بتعيش بكره واذا فقدتها وفقدت علي هاذي مصيبه اجهشت ريم بالبكي وهي تدعي ربها يوقف معها في ذا المصيبه تذكرت علي وزعله عليها وخافت من نهاية الشي اللي سوته ٠٠٠ اريام صحت بعد ساعه من التخدير وبكت وهي تحس بألامها وتعبها وتذكرت كل شي صار معها وانهارت تبكي دخل ابوها على صوت البكى ابو عمر:اريام وش فيك وش يوجعك اريام بصوت متقطع : يبه والله انا بريئه ابو عمر: الحين ارتاحي وبعدين بنتفاهم اريام وهي تبكي : يبه والله مابعت نفسي والله والله يبه اني باقي بنت راكان ما لمسني ابو عمر بضيق وغضب: اقطعي السالفه نتكلم بعدين اريام :يبه تكفى اسمعني لا تخليني تحت رحمة علي وبدر بيذبحوني يبه ادري اني غلطانه لما قابلت راكان بس والله ما لمسني والله تكفى يبه تكفى لا تخليني تحت رحمتهم يبه انا اسفه والله توبه ابو عمر اللي مهما قوت شخصيته تضعف قدام عياله وبناته ما يرضى يشوف واحد فيهم ضايق والا تعبان صدقها لما حلفت وقال في نفسه انه بيحل الموضوع بينهم طلع وترك اريام مازالت تبكي ٠٠ عند علي اللي الدنيا ماهي واسعته من القهر والغبنه احترق دمه على اخته صح انها غلطت بس يحبهم ولا يرضى عليهم وجع الضرس كان مو مقهور على انها خانت ثقتهم لا مقهور انها ضرت نفسها قبلهم كان خايف عليها تموت قال كلام كثير من العصبيه بس داخله خوف خوف من فقد اخت كانت مثل النسمه مدري وش غيرها وقلب حالها ما كانت تأذي نمله كيف بيصير بحالهم تنهد وهو مغبون وقام طراد:وين رايح (طراد خايف انه يروح ويبلي نفسه في دم راكان ) علي :مدري مدري ابي اروح اشوف اريام وش صار فيها وريم اللي مدري عنها وبدر اللي مدري عنه طراد وهو يقوم :بروح معك علي:وين طراد :لاي مكان بتروح له علي : ليه طراد :من دون ليه علي: طراد ريحنا انت الثاني  قرب طراد لين صار وجهه قدام وجه علي وهو يتكلم وعينه بعين علي:لو تموت هنا ما تركتك تروح لحالك اذا ماهمك نفسك تهمني انا ماني مستعد اعيش فقد وخوف من جديد ماعاد فيني حيل اتحمل تهورك زياده ٣شهور نشف دمي خوف منك وعليك مستحيل اخليك تروح لحالك سكت علي لانه فعلا يحتاج طراد جنبه وركبوا وحركوا للمستشفى وصلوا ونزل علي لحاله ودخل للاستقبال وسأل عن حالة اريام بصفة انه اخوها وبلغوه بعد ماشافوا هويته ارتاح انه مجرد ضربه وجرح بسيط كان بيطلع بس تردد لما تذكر ابوه رجع طراد:ما طولت علي:مادخلت سألت الاستقبال طراد: ليه علي: ما ودي اطلع واقابل ابوي كفايه التتش اللي بينا طراد: اي احسن روقوا شوي علي توجه لبيته بعد ما عطى طراد وعود انه ما يروح. لراكان دخل وراح للجهه الخلفيه يبي يشوف ريم من دون ما تحس  ويتطمن عليها طل من الشباك حصلها نايمه ارتاح ودخل من الباب وراح لمكتبه وهو مصر على اسلوب جديد مع ريم .. طراد رجع لبيتهم وهو فعلا منفجع من كمية المصايب اللي تصير ومايلوم علي على اي شي يسويه فالنهايه الشغله ماهي بسيطه دخل غرفته وانسدح : والله ياخي ذا العائله اكيد صاير لهم شي ي زينهم قبل ي زينهم قبل وش صار مدري والله لو اني مكان علي كان قدني في شهار وش ذا ي ربي لا تبلاني بس دخل عليه ابوه وهو يكلم نفسه :طراد طراد انفجع : بسم الله يبه وش فيك فجعتني ابو طراد: انت اللي وش فيك تكلم نفسك وجهك مختبص طراد: ولا شي كذا ابو طراد : وش فيه علي جاء وما دخل عسى ماشر طراد : ا ايه كان مصدع شكلي اعديته مر علي واعطاني اغراض وراح ابو طراد:وين الاغراض دخلت ويدينك فاضيه انحجر طراد وقام يرقع: ا ا ايه ايه فلاش فلاش مومري فيه الاغراض عشان بكره فيه اجتماع  ما تطمن ابو طراد له ولارتباكه وخلا الامور تمشي وطلع ٠٠ عنند فواز اللي للحين مو مستوعب اي شي صار وكان مصدوم راكان واريام وعلي والقتل والصراخ والفجعه كلها براسه كان مو مصدق ولا احد درى انه درا كان شبه متخدر من ذا المصيبه العظمى اللي طاحت على راس اخوه وعيال عمه كيف بيحلونها حط نفسه بمكانهم وجن جنونه فكيف هم كان يحوس بغرفته وهو مخنوق الموضوع ما احد يتحمله ما احد دخل ناصر: فواز وش فيك فواز: وش فيني ناصر:وش بك تحوس كأن عندك مصيبه فواز :ولا شي واحد من اخوياي صاير على اخوه حادث وخايف انه يموت ومتوتر شوي ناصر :اذكر الله وكل ربك وروق الموضوع سهل باذن اللهعالم القصص والروايات 📚: فواز: ان شاء الله طلع ناصر وجلس فواز اللي مو قادر يسيطر على خوفه وتوتره وحرقت دمه ولا يبي يبين انه يدري وبيستر الموضوع ٠٠ ومن بكره الصبح خرج ابو عمر اريام من المستشفى وهو خايف من العواقب وصلو البيت وساعدها تنزل وطلعها لغرفتها وطلع وتركها هي وامها وهو ضايق مايدري يصدقها والا يكذبها يوقف معها او ضدها وعند اريام بالغرفه كانت تبكي وتحاول تشرح لامها اريام: يمه والله والله مابعت نفسي والله ام عمر: اسكتي مابدي اسمع صوتك ي حوينت تعبي وتربايتي هاد اخرها هااد اخر شي طلع معك تعملي هيك بأخواتك وابوك الله لا يعطيكي العافيه الله يصطفل فيكي ي قليلة التربايه اريام : يمه حرام عليك تصيرين معهم علي يمه كفايه اللي سواه علي ام عمر : خرجك الله لايقيمك ريتوه ذبحك طلعت ام عمر وهي معصبه وحاسه ان عايلتها  بدت تضيع منها واحد واحد ٠٠٠ عند ريم اللي صحت وماحصلت علي نايم جنبها وتوقعت ما جاء وخافت ليش ماجاء البيت قامت تدوره وهي خايفه منه فتحت المكتب وحصلته نايم على الكرسي وهو حاط راسه على الطاوله وواضح التعب عليه استغربت كل ذا عشان عصيت كلمته سكرت الباب وطلعت وهي تحضر الفطور وبتصحيه بعد ربع ساعه جهز الفطور واتجهت له تصحيه اول ما قربت فز ريم: بسم الله عليك وش فيك نايم كذا قوم للفطور قام علي وهو مطنشها تماما وصرخت ريم اول ما شافت ثوبه ريم :علي وش ذا وش صاير معك ليش الدم على ملابسك ليش علي ببرود وهو يحاول يتجاهلها : شي ما يعنيك جهزي  لي ملابس على ما اخذ دش ريم انصدمت من رده اول مره يرد كذا كانت تناظره وهو مقفي ورايح ومنصدمه راحت تجهز له ملابس وهو دخل يتروش وهي يدعي ربه يكون بعونه ويصبره على ذا المصايب طلع بعد عشر دقايق واخذ ملابسه ولبس وطلع وطنشها هي وفطورها ولا حتى قال فمان الله طلع علي اللي بالقوه يردع نفسه لا يرجع لها ركب السياره وقاطعه صوت جواله رد: الو بدر: هلا علوش كيفك علي:تمام وانت بدر: تقدر تقول بخير علي في نفسه(والله لو تدري وش صاير ما تكون بخير ابد): ايه الحمدلله بدر: اخبار الباقين علي: عايشين بدر: وش به صوتك علي: لا ابد امس كنت عند طراد تعبان وشكله اعداني وبديت امرض بدر: لا ي شيخ وكيفه الحين علي : لا تمام انت متى راجع بدر: باقي بعد ٥ ايام علي : اها موفق بدر: ليه صاير شي صوتك ما يطمن علي: لا ي رجل مافيه شي بس كذا بدر:زين اجل تبي شي علي: ابد سلامتك سكر علي وهو وده بدر يستانس ويرتاح ويفتك من ذا المصايب ٠ عند بدر سكر وهو مستغرب من صوت علي ومتأكد انه مو مريض فيه شي بس ما يدري وشو خاف يكون في احد شي دق على ابوه وطمنه ابوه ان مافيه شي وعلي فعلا مريض ما ارتاح بدر كثير بس قرر يمشيها نزل تحت وهو واقف يحوس بجواله قاطعه صوت بنت في منتهى النعومه : السلام عليكم بدر :وعليكم السلام مهره : اخ بدر بدر:ايه مين مهره: انا مهره اخت متعب جيت اساعدك لو تحتاج شي بدر انحرج منها : هلا ي اخت مهره شرفتي الله يسامح متعب تعبك معي ما كان يحتاج مهره بابتسامه : ولو هذا واجب ونخدمك بعيونا ي بدر بدر: الله يسعدك احرجتوني بطيبكم والله مهره :ما سوينا شي فطرت والا بعدك ؟ بدر: لا والله توني كنت بفطر تفضلي معي مهره : لا تتعب عمرك وتطلب نحن مجهزين لك فطور هنيه بالفندق تفضل بدر: لا ..... قاطعته مهره :لا تعترض واعتبره عربون صداقه سكت بدر ومشى معها وهو يشوف فيها الجمال الاصيل وقمه في الاناقة والاتزان والثقه ملفته بشكل غريب واضح انها قياديه قاطع تفكيره مهره وهي تقول: تفضل ان شاء الله يحوز رضاك بدر:الله يعطيك العافيه ماقصرتي مهره : الله يعافيك جلس بدر وهو بين كل فتره وفتره يلتفت عليها على كثر ما كانت تشرح وتتكلم له الا انها تتميز بهدوء وروقان كان يراقب كلامها واسلوبها ٠٠ عند علي اللي راح للمستشفى وقالوا له انها خرجت تطمن انها بخير وغير طريقه باتجاه الشركه وهو ناوي بعد الشركه يروح لبيت ابوه ويحط حد للمهزله هاذي ٠٠٠ عند نجلا اللي كانت خايفه من اللي صار وتدري اخوانها مو معدين السالفه على خير والنهايه وخيمه اكيد دقت على شيخه شيخه: هلا نجيل وينك منقطع حسك من امس نجلا ببكى:علي كشف اريام وراكان شيخه بصراخ:وشو نجلا : مدري كيف كشفهم بس كشفهم ضرب راكان ضرب ما تتخيلينه واريام بعد ضربها وكانت بتهرب منه وطاحت من الدرج وجت الضربه براسها وهي بخير الحين وعلي مدري وينه وابوي زعلان على علي وضايق خاف يصير له شي شيخه: وجع متى صار كله هدي وتكلمي زين نجلا تكلمت وهي تشهق وشرحت لشيخه كل شي شيخه بفجعه:ي ربي وش ذا المصيبه الحين وش بيسوون فيها نجلا: مدري مدري بس المصايب معاد لحقنا عليها شيخه:يووه والله مايتركهم علي وليذبحهم اثنينهم نجلا:انا خايفه ي شيخه باقي بدر ما درى وباقي عمر وعلي بيموت لو تشوفين شكله ما تتخيلين قد ايش مقهور وعبيد بعد لو ما اهديه كان ذبحها شيخه: ياربي الله يعينها على اللي بيجيها والزفت راكان وين راح نجلا :مدري ٠٠٠ عند طراد دخل الشركه وعلى طول لم كتب علي طراد: السلام عليكم علي :وعليكم السلام طراد:كيفك اليوم علي: زي الزفت طراد: لا اله الا الله وش صار معك امس علي :ولا شي رجعت البيت ونمت طراد: كلمت ريم والا لا علي :لا والا ابي اكلمها طراد حذف علي بالملف:احقق معك انا تكلم زي الناس وقول وش صار امس علي : ولا شي رجعت البيت نمت صحيت ولقيت ابوي طلعها البيت وجيت هنا طراد:ومين اللي طلعها ابوك علي: من غيرها يعني طراد وقف بعصبيه : مستخسر تقول اسم اختك علي :طراد ريحني مالي خلق احد طراد: لك خلق والا مالك ي علي هاذي اختك ولو غلطت تبقى من لحمك ودمك ولا تنسى ان ورا كل ذا دافع علي : وش قولك الدافع ان شاء الله طراد: دوافعه كثير ي علي عدم المراقبه له دور الثقه الزاايده لها دور واهم شي المعامله لها دور طول عمري اشوفكم كلكم متحيزين لنجلا واريام دايم مشاكل اكيد بتدور لشخص يفهمها علي بصراخ: ومن متى تحدد طريقه تعاملي مع اخواني طراد: انا قاعد ابرر لك اللي صار من كل النواحي علي : ما طلبت منك تحليل واترك الموضوع لي طراد : لا بحلل وابوريك اغلاطك اللي كل يوم تكبر بسبب عصبيتك وتهورك علي: لا تخليني اغلط فيك ي طراد طراد: اسمعني زين لا تضيع اختك بغلط منها علي : انا وخواتي نتصافى طراد: اسمع الكلام مضبوط انت اخوي واللي يعنيك يعنيني خواتك مثل خواتي واي شي يصير مثل مايضرك يضرني علي: لا تخلط الامور ي طراد طراد: انت اللي لا تخلط الامور ولا تخلي ابليس يدخل بينك وبين اخوانك ايه غلطت بس هذا مايبيح لك انك تعاملها كذا خاف الله فيها محد يمنعك لا تعصب وتكسر الدنيا بس دام فيه حل حاول قد ماتقدر لا تكسر اختك ونفسك وتفرق العائله هذا اخر كلامي وانت بكيفك طلع طراد وترك علي يحوس بعمره وهو مايدري وش يسوي بالمصيبه هاذي ٠٠٠ في بيت ابو عمر جات نوره وعمر وهم مايدرون وش صاير بس جايين زياره كان وضع البيت متوتر وفيه شوشره عمر: يبه وش فيكم كأنكم فيكم شي ابو عمر بارتباك:ولا شي بس امس اريام طاحت من الدرج وانفقشت وعشان كذا وقفوا نوره وعمر مع بعض:صار لها شي ابو عمر :لا بخير طلع عمر مسرع لاريام ومعه نوره وهم خايفين ان فيها شي عبيد: ليش ماقلت لهم يبه ابو عمر: انت سكر حلقك ولا اسمع صوتك انا اللي اخبرهم سكت عبيد ونجلا وهم مترقبين وش بيصير عند اريام اللي بكت اول ما دخلوا عمر ونوره :والله ماسويت شي والله اسفه عمر قرب وهو مستغرب كلامها:اريام حبيبتي وش فيك الحمدلله على السلامه يوجعك شي نوره: ماتشوفين شر اريام اريام كانت تبكي وخايفه انهم دروا اكيد بيذبحونها دخل ابوها واشر لها انه لا ما قالهم ضمها عمر وهو يقول: بسيطه ان شاء الله وتحسبي في مشيك شوي لا تخوفينا عليك نوره : ايه اركدي ليش طايره اريام بكت بانهيار وخايفه وش بيكون ضد حنية عمر اكيد بيذبحها ويفكر زي علي .. 🍒ــــــــــــــــــــــــــــــــــــ🍒 #الـى_هنا_ينتهي_الجزء_الـ②⓵ 🎀 @ahgeel 👌👈 🌺 🌼🎀🌼 🎀 🌼🎀🌼🎀 🌺🎀🌼🎀🌼🎀🌼