الفصل 11
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الـ⓵⓵🌱
🍒ـــــــــــــــــــــــــــــــــــــ🍒
علي :كملي جميلك تكفين ولبسيني
ريم وهي تضربه:قوم بس ما تنعطى وجهه انت
تركته وراحت تجيب العود عشان تبخره وقام علي يلبس وهو بالقوه يتحرك وقف قبال المرايه وهو يصلح شماغه وجات ريم وهي تضحك : غطيت على المعرس ي مسلم
علي وهو يضحك:هههههه يعلم الله اني كشخت في خطبتي اكثر من كذا لكن ما انعطيت وجه
ريم:هههههههه ي حياتي ي مسكين
علي وهو يتعطر:والله راحت علي اقنع بخالك زفت الطينه
ريم كانت تبخر علي :هههههههه عشان تعرف ما اخذت وحده قليله
علي وهو يأشر على اثر الجرح اللي برقبته :عز الله ما اخذت قليله
بعد ما جهز علي على اخر شي وبدا يجمع اغراضه ريم اللي كانت تناظره وهي جالسه وهو واقف وتشم ريحة العود مع عطره الجميل والمكيف البارد وشكل علي الجذاب علي كان معطيها ظهره وهو يصلح شماغه تصليح اخير وبيطلع تقدمت ريم وهي تضمه من ورا ارتجف علي وهو ماهو مصدق نفسه التفت وهو يناظر :ريم حبيبي وش صاير لك اليوم
ريم وهي تضحك: كذا بضمك عندك مانع
علي وهو رايح فيها خلاص :ريم
ريم :نعم
علي : ابعدي عني تكفين تراي خلاص عظامي ماتشيلني
ريم ضحكت وبعدت :خلاص روح
طلع علي وهو يمسح جبينه اللي كان معرق يوم وصل عند الباب التفت لريم: الله يسامحك ما طلعت رومانسيتك الا الحين
ريم:هههههههههههه ليه
علي وهو يحط يدها على قلبه :شوفي كيف
وطلع وهو حتى ما سلم عليها وهو مستانس بداخله (يوووه ي علي من قدك وش ذي السعاده ماشاء الله لا اضر نفسي والله لو عمري كله تخيلت ما يطلع معي كذا )
ابتسم وركب سيارته وتوجه على لبيت ابوه
عند ريم اللي كانت تضحك على علي راحت تجمع الاغراض وترتب البيت
٠٠
وصل علي لبيت ابوه وحصلهم عند الباب واقفين
بدر:كان ماجيت والا بدري مره بدري فيه وقت فيه وقت
علي وهو يسلم على راس جده : وش بك ما طارت الدنيا والا بدا يصيبك الجنان من الحين
الجد:كيفك ي علي عساك طيب
علي: الحمدلله احسن انت كيفك
الجد :كويس
بدر:نمشي
ابو عمر:ههههه نمشي
وركبوا وحركوا لبيت ابو ناصر
٠٠٠٠
في بيت ابو ناصر كان ابو ناصر في المجلس الخارجي يتابع الاخبار وفواز وناصر على جوالاتهم في الزاويه ويحترون جدهم وعمهم وعلى بالهم زياره عاديه نزلت شيخه الحوش وهي تشوف عيال فوزيه يلعبون وبدت تلعب معهم وصياح وصراخ ومحد انتبه لها
٠٠
عند علي وبدر وقفوا برا وهم ينزلون بيدخلون من الباب الجانبي سمع علي صراخ وخمن انها شيخه وقال:انا بدخل قبلكم بشوف الطريق
بدر اللي حس ان علي بيغطي على صراخ شيخه اللي جوا سكت ودخل اللي اول ما حط رجله بالحوش انفجر ضحك
شيخه التفتت وهي تشوف علي وجت بتسلم عليه وسحبها علي وضمها وغطاها بشماغه لانه ابوه واخوانه وجده وراه وهو يضحك
شيخه وهي تضربه:فكني تراني شيخه ماني ريم بسلم عليك
علي اللي كان يضحك ويحاول يسكت الخبله وهي ماهي ساكته وتصارخ وبدر وابوه وجده يسمعون سحبها علي وهو مغطي وجهها بشماغه ومغطي عليها كلها بجسمه طلع الدرج وهو يضحك ناصر اللي حس وقام اول ماشافهم رحب وهلا ودخلهم
بدر في نفسه يضحك على شيخه جلسوا وسلموا وتقهووا
٠٠٠
عند علي اللي كان يضحك على شيخه قابلته ام ناصر
ام ناصر:هلا علي هلا يمه
علي :هلا يمه كيفك
ام ناصر:تمام وانت
علي:بأحسن حال
فوزيه :هلا علي وش اخبارك
علي:هلا فوزيه تمام وانتي
فوزيه :الحمدلله وين ريم
علي:ريم بالبيت انا جيت مع ابوي وجدي
فوزيه :ليتك جبتها معك
علي : غير مره ان شاء الله
شيخه :وش عندكم وش ذا الزياره
علي وهو يضحك ويدري ان شيخه ما بتصدقه: جايين نخطب
شيخه:كفو ما نسى اخته
ضحكوا كلهم وهم مانهم مصدقين علي لانه دايم يطقطق ولا هم حاطين احتمال ولا واحد بالميه ان شيخه تتزوج بدر شتان بين الاثنين طلع علي وراح لرجال سلم على عمه وفواز وناصر وجلس
ناصر:وين كنت
علي:كنت جوا
فواز:وش وداك
علي:سحبوني عيال فوزيه ورحت اسلم
بدر في نفسه(ماشاء الله ي عيال فوزيه)
كملوا سوالف وضحك تكلم الجد بعد مده: والله ان زيارتنا ي ابو ناصر لها معنى وجاينك طلابين
ابو ناصر :طلبكم ملبى يبه امروا
الجد :جينا نخطب بنتنا شيخه لولدنا بدر
شرق فواز بالشاهي وناصر كب القهوه على عبيد من الصدمه
علي انفجر يضحك عليهم
عبيد:الله يعميك ي ناصر
ناصر:وشو
الجد :مثل ماسمعت
ضحك فواز: علي فكنا من مقالبك
علي يضحك:والله ماهو مقلب وش بكم
بدر يناظرهم وهو عارف. ليش يضحكون وابتسم
الجد :قضينا انت وياه وش قلت ي ابو ناصر
ابو ناصر عنده خبر من قبل :والله يبه بدر ينشرى بالذهب وماينرد بس رايي البنت برضو مهم اذا وافقت الله يكتب لهم الخير
ابو عمر: اجل اخذ رايها ورد لنا
قام ابو ناصر وقام علي معه:تكفى ي عمي بروح معك تكفى
ابو ناصر:علي فكني من حرشك واجلس ..
علي:تكفى تكفى لا تفوت علي الفرصه
ابو ناصر :امشي
الك
ل كانوا يضحكون على علي اللي يتصيد الفرص عشان يغث شيخه
٠٠
عند شيخه كانت تسولف وتضحك وتطقطق عند امها وفوزيه
دخل ابو ناصر :سلام عليكم
شيخه :وعليكم السلام يبه انت ماوراك شغله الا تطلع وتجلس خمس دقايق وتدخل وتقول السلام عليكم
ابو ناصر ضربها بالمسبحه تبعه: اقول اسكتي بس
ام ناصر:خير ي ابو ناصر بغيت شي
ابو ناصر:ايه شيخه يبه
شيخه: ي بعد قلبي امر
علي:وعووووووه ي قلب العنا
شيخه:انكتم انت
ابو ناصر:اسمعي يبه تراك خلاص كبرتي وصرتي عروس وبدر ولد عمك تقدم لك على سنة الله ورسوله وش رايك
شيخه انفجرت ضحك وهي تحذف التكايه على علي : مالت عليك قلت لك من يوم تزوجت صاير غبي مالقيت تمقلبني. الا ببدر وابوي اللي يمقلب ي غبي
علي ضحك وهو يدري ان شيخه ماهي مصدقه وتحسب انه مقلب منه
ابو ناصر:مهوب وقت هبالك عجلي علينا
شيخه :يبه مكشوف لا ترقع فاشل طال عمرك في المقالب خلني اعطيك دروس اترك ذا المخفه عنك
علي وهو يضحك:هههههههههه خفي علينا
ابو ناصر فقد صبره:شيخه عجلي
شيخه مصره انه كذب ومقلب وتضحك :لو انكم قايلين عبيد اصرف
علي وهو يهبدها بالتكايه:وجع ترا جد الموضوع
شيخه بدأت تشك انه صدق وناظرت ابوها اللي كان جدي
وعلي اللي كان يضحك وجه ابوها يقول صدق وضحك علي يقول كذب
ابو ناصر :هيا
شيخه :حلفتك بالله صدق
ابو ناصر :ايييه
شيخه (اخس ي شيخه بدر جاي يخطب المفروض انا اخطبه مو هو على كثر مايستحي والله يطلع منك يالصامت ي شيخه من قدك بدر والله ضروري اوافق عليه مو كل يوم يدق الباب خاطب ذبحتنا العنوسه ههههه خليني اتدلع شوي )صحت على ضربة علي :وين وصلتي انطقي
شيخه وهي مصدومه(والله صادقين ي ربي مستحيل اتزوج بدر لا لا فرق )
علي هبدها برجله :خلصينا
٠٠
عند الرجال كان بدر متوتر والباقين يسولفون دخل ابو ناصر وجهه مايبشر وجلس
الجد :بشر ي ابو ناصر
بدر اللي كان يراقب عمه وهو خايف و متوقع ان شيخه رافضه
ابو عمر :تكلم ي ابو ناصر
ابو ناصر: والله مدري وش اقول فالنهايه. ي ابوي ي بدر انت تستاهل كل خير وماتنرد لكن البنت ماهي لك ....
قطع بدر الكلام وهو يوقف ويحس بغصه من القهر وفي داخله بقول(الله يسامحك ي علي وين علقتني بسراب والله يسامحك يمه ): ماعليه ي عمي الله يرزقها احسن مني
توجهه بدر للباب وقفه صوت عمه: ما فيه احسن منك بس انت ماخليتني اكمل كلامي
بدر التفت : انا اسف كمل كلامك
ابو ناصر :تعال اجلس
بدر جلس بجنب الباب وهو ضايق :قول ي عم اسمعك
ابو ناصر وهو يبتسم :البنت ماهي لك بس الا لك ونصف ي مجنون اعداك علي بطفقته هههههههه الله يبارك لكم ويتمم على خير
الكل كانوا منفجعين وفجاءه ضحكوا بدر اللي انفجع فجعة حياته وبعدها برد دمه وارتاح وعرق يوم قال عمه الله يتمم لكم :الله يسامحك ي عمي وش ذا اللي سويته
كلهم ضحكوا وباركوا له ومسك خط الطقطقه
٠٠٠
عند علي :قلت لك قلت لك مابموت لين اجيب لك عريس
شيخه: ههههههه والله تقول وتفعل
علي :اخيرا بتشفى فيك
شيخه وهي تغنج:والله تشفى ما تشفى سنة الله ورسوله
علي:طيب ي شيخه اذا ما علمته بماضيك واحد واحد
شيخه:علم ي ابوي وانا اعلم
علي :شوفي بدر ترا يسمع كلامي لا تخليني اقوله ارفضها تراها تجيب المرض
شيخه: اقول طس بس
علي:افرحي افرحي اخيرا دق الباب احد وجاء يخطب مع ان نسبة طلاقكم٩٠٪
قالها وانحاش ولحقته شيخه ودفته من الدرج
علي نط وهو يحاول يتماسك وطاح على باب المجلس وهو يضحك :الله يشلك ي متخلفه مالي يومين فكيت الجبيره
ناصر جاء يركض:فيك شي
علي: لا مافيني بدر من الحين اقولك روح لاقرب قاعده عسكريه واخذ لك درع حربي والا ترا بنقوم عزاك بعد زواجك بيومين
الكل:هههههههههههههههههه
٠٠٠
عند شيخه كانو يباركون لها جوا وهي تضحك و ترد
فوزيه:اللي مثلك تستحي
شيخه:ليه هاذي سنة الله ورسوله
ام ناصر :انتي مغسول وجهك بمرق
شيخه:والله وش رايكم اعتزل عشان مره ابين مستحيه
دخل علي من وراء هو وفواز وهم شايلين الفناجين وعلي معه الشاهي والقهوه
علي: ما قلنا اعتزلي قلنا ابصمي على نفسك شوي اهمدي لكن نتكلم مع مين
فواز:وبعدين انتي يقالك مخطوبه وانتي ترفسين بالرايح والجاي
شيخه:متى رفست
فواز :علي اللي قبل شوي طار ليتك هبدتيه الا طيرتيه
فوزيه:انت شايف بس
شيخه :اوووف منكم يمه ترا بروح مع علي لبيته
علي :نعم ومن عزمك والا قالك تعالي
شيخه:انا عزمت نفسي
علي : اقول دربلي من هنا بس
شيخه وهي تمسكه:والله ماتروح رجلي على رجلك
ام ناصر:شيخه اتركي الرجال
شيخه:والله مابات الا عنده
علي :فكيني منك بس مافيه مابتجين معي
شيخه :مره رجلي على رجلك اليوم ونادت الخدامه تجيب اغراضها ..
علي : اللي يشوفك مايقول توها مخطوبه رايحه تسير استحي وانتخي وانطقي اللي مثلك من اليوم تبدأ مشروع السمكره في خشتها وتنحف تنحف وخري
شيخه:مااالك شغل خطبني كذا بيتزوجني كذا
علي :طيب اتركي يدي بقولك
شيخه :مابي
علي: طيب البسي ي نشبه وامشي
لبست شيخه عبايتها وهي تقول: ترا بنمر نجلا ناخذها
علي
:بعد
شيخه:ايه
انجلط علي منها : الله يعينك ي بدر
ركبوا السياره اول ماركبوا شغلت شيخه اغنيه دقه بعلي عشان تقهره (دقوا خبيتي ) علي اللي مات ضحك عليها والله انها بايعه الدنيا باللي فيها مروا نجلا واخذوها وراحوا لسوبر ماركت عشان بيجيب علي اغراض لريم عشان العشاء وحلفت شيخه الا تنزل معه ونزلت هي ونجلا
٠٠٠٠
عند بدر اللي راح للبيت وهو يتمنى ان تكتمل فرحته ولا تضيقه
دخل وراح لغرفتها حصلها جالسه: يمه
ام عمر التفت عليه ووجهها كله دموع:شو بدك
بدر ماهانت عليه امه:دخيلك يمه ترضين علي والله العظيم زعلك مايهون والله مايهون
ام عمر:هلا بدك رضاي بعد ماسويت اللي بدك ياه
بدر:يمه ي حبيبتي انتي تدرين اني صكيت ٢٩ وانا مافكرت اتزوج ودايم كنتي تلحين علي الحين وش تغير
ام عمر:بس مو شيخه
بدر:وش فيها شيخه ليش كل هذا الرفض
ام عمر: يا امي ما بتصلح لك شيخه طايشه وماتعرف تصرف حالها بدها تصرفك
بدر: يمه اذا مافيه سبب كبير دخيل الله لا تعارضيني يمه لا توقفين بوجه فرحتي
ام عمر: هلا صرت بوقف بوجه فرحتك ي حوينة تربايتي فيكن ي ولاد بطني قوم روح من وجهي
قام بدر وهو ضايقته الدنياا وخربت فرحته كلها طلع من البيت وركب سيارته وراح مايدري وين بيروح
٠٠٠
عند علي اللي طلعت عيونه ومات وانجلط من شيخه اللي معبيه عربيه لوحدها كلها لزوم السهره واشياء على الفاضي قالها ان البيت مليان بس رفضت الا بتاخذ وفجأه وقفت عند قسم الدجاج واصرت الا تاخذ وعلي يقول ما تاخذ وهي تحلف وهو يحلف (علي ما يحب الدجاج ابدا ولا يطيقه ولا يطيق حتى ريحته واذا شم ريحة الدجاج بالبيت يبطل ياكل طول اليوم) وشيخه ماسكه عناد بتاخذ مو لانها تبغاه لا بس عشان تقرف علي بعيشته وتعابطه وتنكد عليه وعلي يدري انها مو حب في الدجاج بس لعانه وطول الوقت وهم يتحالفون والناس تتفرج فيهم ونجلا رايحه بعيد ومسويه ماتعرفهم وبعد فضايح وهوايش اتفقو على انه ماينطبخ وعلي بالبيت واذا انطبخ ينظفون البيت تنظيف كامل ولا يشم ريحته ابدا ولا ينحط قدامه على السفره شيخه وافقت وقام علي وطلع ورقه صغيره من جيبه وقلم وكتب الشروط وخلا شيخه توقع واذا اخلت بالشروط يحق له يسوي اللي يبي فيها دون اعتراضها وقعت شيخه واخذت الدجاج وطلعوا بعد حرب وكل الناس عرفتهم
٠٠٠
عند طراد كان توه صاحي من النوم نزل تحت وحصل امه جالسه سلم وجلس ام طراد: غريبه صاحي يمه
طراد وهو ينسدح عند امه احس اني تعبان يمه
ام طراد :وش فيك
طراد وهو يرجف من الصخونه :مدري يمه
ام طراد دقت على ابوه وهي تقوله يجي طراد تعبان جاء ابوه ركض ابو طراد:طراد وش فيه
طراد: صخونه يبه صخونه
حط ابو طراد يده على جبينه وهو مفجوع من شكله حصل حرارته عاليه وبسرعه سنده واخذه للمستشفى
٠٠٠٠
عند ريم كانت جالسه تستنى علي وسمعت صوت سيارته وقامت واول مانفتح الباب طلعت قبالها شيخه ونجلا
ريم:شيييييخه نجللااااا ..صرخوا مع بعض وراحوا يضمون بعض نزل علي الاغراض وحطها جاء مسك نجلا وشيخه من عباياتهم من وراء ودفهم عن ريم وضمها هو ما حس الا بشيخه تقبصه بقوه في ظهره وانحاشت صرخ علي وراح يركض وراها
ريم:ييييييوه من يوقفهم الحين
نجلا: هههههه مرضى الاثنين
ريم:وشيخه اللي مو كنها توها انخطبت
نجلا:عايشه حياتها طول بعرض
ريم:تعالي خلينا ندخل الاغراض
بدو يدخلون الاغراض وريم مفجوعه من كمية الحلويات والشبسات والغازيات وكل ما لذ وطاب وجلست نجلا تحكي لها وش صار فيهم في السوبر وريم عجزت تكمل الاغراض من الضحك
..
اما طراد اللي كانت حرارته ٣٩ ويرجف رجف منها وامه ابوه معه والممرضين يحاولون ينزلون حرارته وهو تعبان حيل ويرجف
بعد نص ساعه انخفضت حرارته بس كان بعده تعبان وصدره تعبان ويكح
ابو طراد:قلت لك اترك ذا السم اللي تشربه ما تفهم
ام طراد: ليه ي امي وش حدك على التدخين
طراد اللي ماكان يسمع شي من الحراره ومكتوم لاخر درجه والاكسجين عليه
٠٠٠٠
عند علي راح يدق على طراد واستغرب انه مايرد ذا الحزه وقال يمكن نايم وارسل له رساله يبلغه وش صار معهم واذا صحى يدق عليه وجلس يقلب بجواله لين خلصوا العشاء وحضروه كان علي مترأس الطاوله وريم جنبه وشيخه قباله ونجلا جنبه وطول الوقت وشيخه تغنج بالاكل وتدلع بالكلام وعلي بيموت ما يقدر يحارشها وتكسر العطر اللي تهدده فيه تسويها المريضه وكان على جمره ..
وريم ونجلا بس يضحكون وقامت شيخه وتحركت بالغلط وطاح العطر وصرخ علي وتكسر العطر وتورطت شيخه وهي ماكان لها نيه تكسره بس طاح بالغلط شافت علي قام وهو مطنقر ومحموس راح لها والشر يطلع من عيونه وشيخه انخرشت وجت بتنحاش بس مسكها علي وهو يكتفها وكب البيبسي على شعرها وشاف الملح وكبه عليها واخذ الفلفل وكبه عليها والشطه والكاتشب والمايونيز وهي تصيح ريم اللي من كثر الضحك انحاشت للمجلس عجزت تجلس معهم ونجلا شرقت بأكلها وشيخه تصارخ بكل صوتها وراح علي للمطبخ وشاف الخل وكان خل تفاح وجابه وجاب زيت وكبه عليها شيخه انجلطت وهي تصارخ وراحت ركض للحمام وعلي رجع
ياكل بعد ما برد قلبه وهو يتحسر على عطره الغالي
شيخه كانت تصيح في الحمام وشوي تبكي ولا تدري كيف تغسله غسلت شعرها وهي تدعي وتصيح ولا بقت دعوه ما دعت فيها وعلي يضحك وياكل شافت شيخه مكينة الحلاقه تبع علي على المغسله واخذتها وجت وهي تصيح وتدعي ولا توقع علي انها بتنتقم قربت شيخه وعلي مطنشها وحطت المكينه عند شعر علي وشغلتها وشوهت شعر علي تشويه
٠
٠
عند بدر اللي كان يلف ويلف ويلف ومن التعب قرر يروح ينام بس مايبي ينام في البيت (خلني اروح لعمر لا لا مالي خلق عمر يجلس يسأل وانا ماني خلقه اروح الاستراحه لا بعد هم ثقيلين دم والا اروح المزرعه بس بكره دوام ايوه اروح لعلي عارف كل السالفه ولا بيحشرني وانام عنده وبيته قريب من دوامي اي والله فكره ) حرك واتجه لبيت علي
٠٠٠
عند علي كااان منجلط لاخر درجه وقفلت معاه وريم طلعت من الفجعه ونجلا وشيخه تضحك كان واقف قبال مرايه ويناظر شعره اللي ملعوب في اهلينه وهو مفجوع من شعره كان يحب شعره بشكل ومن عمره ماتغيرت قصة شعره دايم كذا وكان شعره كثيف واسود وناعم كان مطنقر خلاص التفت لشيخه وشافها تضحك :والله والله والله لانتقم منك شر انتقام والله لا يخليني اذا خليتك تعدين بها
راح لغرفته ومعه المكينه ويحاول يرقع شعره مااش. ما يترقع
ريم:شيخه ليش كذا ما حصلتي الا شعره شعره
شيخه:احسن زين اني ما قشيت لحيته وشاربه
ريم: الله يهديكي صدقيني لا يوريك
نجلا:والله حرام عليك مالقيتي الا شعره اللي يهبل
شيخه كانت ميته ضحك ولا فكرت وعلي يرقع بشعره جات ريم ووقفت عنده وهي تشوفه خلاص بينهار
التفت علي : الله ياخذها
ريم كانت كاتمه ضحكتها عليه ناظرها:اضحكي اضحكي
ضحكت ريم : وش اسوي شكلك يحزن
علي :المفروض تنتقمين لي
ريم:انت تدري اني ما احارشها
سكت علي وهو يصبط شعره قد مايقدر ضبطه وتركه وهو مقهور
رجع شافها تاكيه على مسلسل تركي وتفصفص
علي:وجع لك عين بعد تجلسين وتاكلين
شيخه وهي تفصفص وترمي القشر عليه: مالك شغل ي ابو نص شعر هههه
علي من القهر طلع وراح لغرفته ونجلا كانت تجمع الصحون مع ريم خلصوا تنظيف وراحت ريم بتبدل ونجلا راحت تجلس وشيخه مافكرت ترفع كوب حتى جالسه تحسر على المسلسل ولا فكرت ..
..
عند علي تروش وطلع ووقف على المرايه يناظر شعره بحسره
ريم:هههههه خلاص ي اخي غير القصه مره وحده
علي: والله اني مقهور
ريم ضحكت وهي تدخل الحمام اخذت دش سريع وطلعت ولبست بجامتها ومرت وهي بتروح للبنات
علي :وين
ريم: بشوف البنات
علي :تعالي شوفي عضة الكلبه اللي برا وش مسويه الله يشلها
جت ريم وهي تضحك وانفجعت اول ماشافت العضه
علي :وش بك
ريم :قسم بالله انها مو عضة ادمي
علي :ليه
ريم وهي تجيب جوالها وصورتها لعلي اول ماشافها بغى يغمى عليه :حسبي الله عليها
ريم كانت تناظرها شلون حمرا لو عضت شوي بعد قطعت جلده وعلي انحمس من القهر
٠٠
عند شيخه ونجلا
شيخه :وين تأخرت ريم
نجلا :قالت بتروح تبدل
شيخه:بتروح تبدل انا اوريها ساعه تبدل
نجلا :وين بتروحين
شيخه:بزيد انتقم
نجلا وهي تمسكها : يابنت ارجعي لا تفشلينا في علي عيب تراه وصلت معه
شيخه: بكيفه فيكني
راحت شيخه وتدق باب غرفة النوم :ريييم ريييم مويتكم حلوه اشرب منها او لاا
ريم : ايوه ي شيخه
علي :جعلك تغصين
شيخه:اسكت ي ابو نص شعر ههههههه
راحت شيخه وريم تضحك وعلي مغبون
علي :ااااخ نفسي اشنقها
ريم:هههههههههه ماهي صاحيه قسم بالله
راحت شيخه تتحمم ونجلا جلست تتابع فلم مع ريم قطع عليهم جرس الباب
٠
جاء علي يفتح الباب وهو مستغرب مين
علي :بدر
بدر :ايه تعال شوي ابيك
علي:وش فيك
بدر :ابد ماكان لي نفس اروح انا بالبيت وانا تعبان قلت اجي عندك
علي: وجع على بالي فيك شي
بدر:لا تطمن
علي:يلا ادخل
بدر:ادري بزعجك انت زوجتك بس تحملوني
علي:ي شيخ اسكت بس مزعوجين من دونك
بدر :ليه من عندك
علي وهو يضحك :عندي مدامك ونجلا
بدر:وشو شيخه هنا
علي: ايه
بدر: اوف هاذي والله اللي وجهها قوي
علي وهو يأشر الي شعره :وليته بس وجهها حتى يدها ...
بدر بفجعه:من سوا كذا ووين شعرك
علي وهو مقهور: حلقته لي اللي ماتتسمى
بدر انفجع ( وش ذي الجرأه شكلي بنجلد منها لين اقول بس ):ي ساتر
علي وهو يضحك :ادخل ادخل
٠٠٠٠
عند شيخه كانت طالعه من القسم الرجالي وهي اخذ دش ولافه شعرها ولابسه بيجامتها اللي اشترت من ايام دبش ريم وحطتها عندهم عشان اذا جت تنام عندك تلبسها مجهزه كل شي وتغني وتتمخطر وتهز كتفها تدور حوالين نفسها وتغني
٠
٠
علي وبدر كانوا منصدمين وهم يشوفون شيخه المجنونه وش تسوي انفجر علي يضحك وطاح من طوله وهو يشوف شيخه اللي انفجعت وصفقت في كل شي قدامها وهي تصارخ اما بدر
مايمديه فاق من الصدمه الاولى الا شافها بذا المنظر وطاح هو بعد يضحك وشيخه تطيح وتقوم وتطيح وتقوم في الاخير صارت تحبي لين دخلت الحمام وهي تبكي من الفشيله وتدعي على علي مع ان علي ماله دخل ولا يدري انها هنا لكن الله مايضيع حق احد وتسمع ضحكهم الاثنين برا وهي منجلطه
٠٠
٠
اما عند طراد اللي كان حيل تعبان طلع من المستشفى على البيت وهو يحزن اللي يشوفه مايقول عمره ٢٦ سنه كان منسدح في حضن امه وهي تقرا وتسمي عليه وهو يهلوس وطول الوقت يكح
٠٠٠
عند علي اللي مازال يضحك وبدر من قوة ماضحك انكتم وطلع للحوش اول ماطلع قال علي لشيخه تطلع طلت شيخه براسها حصلت بدر مو فيه جات تركض سريع ورفست علي ببطنه وجلست تطقه اما بدر كان على باب الحوش ولما سمع صراخ علي لف عليه وشاف شيخه تطق اعتلا صوته بالضحك زيااده وانتبهت شيخه وقامت تركض ودعست على علي وهو منسدح وطاحت وعلي يضحك وهي تبكي دخلت على نجلا وريم وهي تبكي ريم ونجلا كانو يسمعون الضحك وهم مايدرون مين عند علي يوم دخلت شيخه انفجعوا
ريم:شيخه وشفيك
شيخه تركتهم وراحت للغرفه وصفقت الباب وهي تدعي من قلبها كله على علي ولا بقى ولا دعوه ما دعتها
علي اللي بالقوه قام ودخل واول ما
شاف ريم ونجلا طاح يضحك وهم مستغربين نجلا تسأله من برا وقالها بدر وطلعت له وريم جسلت تضحك من ضحكه:وش فيكم وش فيها نجلا
علي بالموت تماسك وقال لريم رجع يضحك ريم طاحت جنبه تضحك واما نجلا راحت لبدر وحصلته جالس على الدرج وجهه مليان دموع من الضحك حاولت فيه يتكلم لكن كان يضحك بهستيريا ولا هو قادر يوقف رجعت لعلي وريم ولقتهم نفس حالة بدر نجلا:وش صار وجع احد يقولي
ريم قالت لها وهي تضحك وانقلب البيت كله يضحك الا شيخه اللي كانت تبكي وتضحك في نفس الوقت
بعد نص ساعه من الضحك تدارك علي نفسه وقام يودي لبدر فراشه والاغراض اللي ممكن يحتاجها اما بدر مازال يوقف واذا تذكر ضحك
علي: انت بعدك تضحك
بدر:آه ي ربي قسم بالله اني عجزان اوقف
علي:ههههههه شيخه مريضه هذا ترا نقطه من بحر
بدر: على طاري وش خلاها تحلق شعرك
علي:هههههه تكفى لا تذكرني وتغبني ....
جلس علي يسرد له اللي صار من بعد الخطبه لين الحين وبدر خلاص قلبه بيوقف من الضحك وبطنه صار يوجعه
بدر وهو يمسح دموعه:علي تكفى خلاص روح نام روح نام خليني انام
علي قام وهو يضحك بعد وسكر القسم على بدر
٠
وجاء يمشي اول ماشاف شيخه جالسه مع البنات انفجر ضحك شيخه اللي بالقوه طلعت وهي تدري انه بيضحك وبيطقطق ريم دارت احراج شيخه وقامت لعلي وقالت: علي خلاص الموضوع انتهى تعال شوف معنا فيلم
علي فهم انه احرجها وحاول يسكت لانه يدري اذا طنقرت بتلعن خيره وراح جلس جنب ريم وجلسوا يتابعون الفيلم وبين فتره وفتره يضحك علي وريم تدقه بمعنى اسكت اخر شي طنقرت شيخه
شيخه بصراخ:هههههه خلاص استانست ي فله خلاص اجلس اضحك لين تشبع ماينعطون وجه قسم بالله
وراحت تنام نجلا انسحبت بعدها على طول
ريم بعتاب: علي وش ذا حرام عليك
علي:وش اسوي لها عجزت اسكت وش اسوي
ريم: يالله ي علي قول انت تدور الزله عليها
علي وهو يقوم : جات من الله المهم يلا تأخر الوقت خلينا ننام
ريم:روح نام انت ابغى اتابع الفيلم
علي : ايه بكيفك بس لا شفتي شي والا سمعتي شي لا تقولين ي علي لا تنام
راح علي وهو يدري انها بتجي ما وصل الغرفه الا هي جايه
ريم:اوف منك ي اخي اوف
علي وهو يحوط كتوفها بيدينه: اول شي انا ماني اخوك طيب ثاني شي انا اعلمك الصدق وثالث شي مو شغلي اذا انا صرت معاد اعرف انام الا معك ولا اعرف بدونك حتى اتحرك
ريم :بس انت نفسي بالفيلم
علي :مو مشكله بكره تشوفينه
ريم : ايه صح على طاري بكره ابغى اروح لجدتي من زمان عنها
علي : لا
ريم : كيف لا
علي : لا يعني لا تبغين جدتك انا اجيبها هنا بس تروحين لا
ريم :ليييه
علي :كذا ماني بايعك انا ولا اني مستعد اعيد تجربه سيئه
ريم:بس خلاص معاد علي خطر هناك ..
علي: لا تنسين مشعل ي ريم اللي يدور السبب عشان ينتقم مني والا امه اللي تنبش عن الفرص تنبيش عشان تضرك وتزعلك وتضايقك وتأمر وتنهى عليك وخالك لا تحسبينه سكت وتنازل لله لا فيه براسه شي ويبي ينفذه وبكذا يكون كل الخطر متوجه لك مستحيل اوديك للموت بيديني
ريم: بس
علي:لا بس ولا شي تبين تشوفين جدتك على خشمي اجيب جدتك لين عندك مالك خلق البيت تطلعين انتي وجدتك المكان اللي تبون بس بيتهم لا انسيه وشيليه من حياتك نهائي
ريم سكتت وهي تدري ان علي صادق بكل حرف قاله وهي اصلا ماتبي من ذاك البيت الا جدتها ودامه مستعد يجيبها حلو اما علي اللي تسمم بدنه من طاري هاذيك العايله وهو اصلا ما يطيقها كل لا ام محمد ولا ولدها ولا ام مشعل ولا مشعل ولو بيده يقطع صلة ريم فيهم ككل
٠٠٠٠
الساعه ٧ ونص الصباح كالعاده ريم تصحي في علي اللي تصحى امة محمد وهو ماصحى وبعد جهد صحى
علي:ريم وش فيك
ريم: يلا قوم عشان تصحي بدر يفطر ويروح دوامه
علي:كم الساعه
ريم: ٧ونص ي دوب يفطر ويتوكل
علي :يلا
قام علي وتروش ولبس عشان حتى هو بيروح للشركه وطلع يصحي بدر
..
عند علي استتغرب ان طراد مارد على رسالته ولا رد على اتصالاته :هذا وش فيه مايرد وش صاير معه بالعاده يرد بدري
خلني اروح اشوف وش به ..توجهه لبيت ابو طراد
٠٠٠
اما بدر اللي اضطر انه يمر بيتهم لا محاله لازم يأخذ له اوراق هناك ولاعالم القصص والروايات 📚:
يبي يمر عشان امه
٠٠٠
عند علي اللي وصل بيت ابو طراد ودق الباب
ابو طراد:هلا ي علي هلا ي ابوي ادخل
علي تقدم بيدخل :سلام ي عمي كيفك
ابو طراد:بخير ومن صوبك
علي:كويس الحمدلله الا وين طراد من ادق عليه ولا كأني ادق ارسل ولا يرد
ابو طراد:والله ي علي انه من امس وهو طايح من الصخونه والكتمه توي الساعه ٣طلعته من المستشفى ولا سوى فيه شي زي ماهو ي ابوي
علي انفجع :وكيفه الحين
ابو طراد :على حاله تعال اذا بتطلع عنده
علي:اي والله بطلع
طلعوا لغرفة طراد وعلي يطلع الدرجه بثلاث درجات واول ما دخل انفجع من طراد وشلون طايح وحالته حاله راح له ركض
علي وهو يحط يده على جبينه:طراد طراد
طراد:همممم
علي: وش بك وش يوجعك
طراد:كل شي ي علي كل شي روحي تذوب والله تذوب (طراد اذا حس بشي بسيط يوجعه يقلبها مناحه ويبالغ )
علي : قوم معي قوم
طراد: وين
علي وهو يسنده ويوقفه :قوم يلا
طراد قام وهو يالله يوقف على حيله وعلي سانده اخذه الحمام ووزن المويه له لين صارت كويسه علي: اسمع ناظرني
طراد:وشو
علي :صلحت لك المويه خذ لك دش يبعد الصخونه عنك والبس واطلع لي برا طيب
طراد:مالي حيل
علي:وش مالك حيل صحصح اشوف وادخل
دخله علي بعد معاناه وراح يطلب من ام طراد شي دافي عشان يشربه طراد اذا طلع فتح شبابيك الغرفه وهو يجدد الهوا
جلس يلقب بالادويه دخل ابو طراد:هاك يبه زين انك جيت وصحيته عجزت فيه وربي
علي: خله علي ي عمي انت ارتاح
طلع طراد بعد مده وقام علي يسنده ووصله لسرير
علي:لا تنسدح خلك جالس وخذ الشوربه هاذي تنشرب كلها اشوف يلا
ما حاول طراد يعترض لانه يعرف علي في ذا الاشياء مستحيل يناقشه وعلي مايحب اللي يطيح للمرض لذلك يتعامل بجفاف وشوي قسوه عشان يصحصح شرب طراد الشوربه واخذ دواء وهو يكح
علي وهو يمسك جبين طراد: هذا حرارتك خفت بس باقي الكحه وانتبه لعلاجك نام شوي وبعد ساعتين بمر عليك عشان نروح للمستشفى عشان البخار طيب
طراد :طيب
استاذن علي وطلع وطراد نام
٠٠٠
اما عند بدر اللي دخل وحصل اهله يفطرون وماكان موجود الا ابوه وامه وراشد وجده سلم عليهم وطلع فوق وهو يدعي ما يلتقي بأمه لحاله اخذ الاوراق اللي يحتاجها ونزل وقفه صوت جده
الجد:بدر من وينك جاي
بدر: كنت عند علي سهرت عنده امس واخذتنا السوالف ونمنا
مشت على الجد بس امه وابوه عارفين انه مايبي يجي البيت
طلع بدر وتوجه لدوامه وهو ضايق من امه ومن ذا العناد
٠٠
على الساعه ١٠ الصباح صحت ريم نجلا وشيخه وهي مجهزه الفطور
شيخه وهي تجلس:وينه ابو نص شعر
ريم : ياختي فكيه من شرك
شيخه:اشوف انحزتي له
ريم:زوجي طبيعي بنحاز له
شيخه:شف من يتكلم الله يرحم ايام كنا نترجاك تنطقين بكلمه
نجلا:خلصنا انتي وياها
سكتوا وتكلمت ريم:اسمعوا بس تذكرون الغرفه الصغيره
شيخه ونجلا وهم يأسات منها:ايه
ريم :ودكم تشوفون وش فيها
شيخه بطرف عين:اكيد ودنا بس مستحيل دام ابو نص شعر مقفل عليها
ريم وهي تضحك:قوموا تعالوا اوريكم
قاموا وراحوا الغرفه فتحت ريم :ادخلوا
شيخه ونجلا على كثر مايتجرأون ماعمرهم تجرأو على ذا الغرفه وبالقوه دخلوا
نجلا :وش ذا
شيخه: وش ذا
ريم جلست تسرد لهم كل شي صار بخصوص الغرفه من يوم تزوجت لليوم وهم مصدومات
نجلا.قسم بالله انا كنت شاكه ..
شيخه: ي ربي ناس تتجهز له غرف وناس تنشاف وهي ترقص
ريم ونجلا فهموا انها تقصد نفسها وضحكوا عليها وجلسوا يكملون تفتيش وشيخه مره تبكي ومره تتحسر ونجلا مثلها
٠
وعند علي شيك على الشغل كله بساعتين واتجه لبيت ابو طراد وهو يدق على طراد يجهز وصل لما طلع حصل طراد مثل ماهو ما تحرك علي بقل صبر: ي مسلم انا وش قلت لك هاه
طراد وهو صوته رايح: ي علي مالي خلق
علي بعصبيه (ما يحب طراد ينضر وطراد مهمل نفسه ومستسلم للمرض ) :انا اقول فز على حيلك والبس كم مره لازم اتكلم
طراد لازم يعابط :هيه ترا ماني اصغر عيالك
علي عارف انه يعابط ودخل وجاب له ملابس :طراد لا تفقدني صبري وقوم البس يلا
بعد ما طنقر علي قام طراد يلبس ونزل علي وهو سانده وراحوا المستشفى واخذ البخار وتحسن كثير وطلعوا
طراد:وديني البيت بنام
علي :مافيه بنروح الحين نتقهوى ونروق ونوسع صدورنا وبعدها لشركه
طراد:علي حتى وانا بموت شركه
علي يجاكره بس :ايه اجل من تبي يمسك الشغل هذاك مثل الحصان مابك شي
طراد: ي اخي خاف الله خاف الله هذا وانا صديق طفولتك وكارفني لو عدوك وش بتسوي فيني
علي:ابلع العافيه بس
وقفوا عند مقهى عربي ونزلوا وطراد بس يكح طلبوا وجلسوا واول ما وصل الطلب طاروا عيون طراد
علي :وش بك
طراد: نعم وين الحلا
علي:مافيه حلا الحلا يزيد الكتمه والربو
طراد:على كيف اهلك ترا من اليوم ساكت والله هي ما اتقهوى الا بحلاا
علي:والله لتتقهوى بدون حلا وانت ساكت
طراد: هيييييه تستهبل
علي:وجع بزر انت بزر راشد يفهم اكثر منك
طراد: علي شوف تراي مريض وتعبان لا ترفع ضغطي وجيب الحلا
علي ارتفع ضغطه من ذا الخبل وعصب: ورب البيت لو ما بلعت اللي قبالك وانت ساكت مايحصل خير
طراد
: وش بتسوي
علي بدا فعلا يعصب وينفعل وجهه احمر وطراد عرف انه ممكن لو زاد كلمه بيقلب الطاوله على راسه وصرفها على طول:اصلا معاد ابي لك حلا
علي :احسن
٠٠٠٠
عند اريام اللي دقت على راكان من رقم غريب عشان يرد
رد راكان:نعم
اريام:وينك ماترد
راكان:اريام
اريام:ايه ليش ماترد
راكان:اسمعيني اريام
اريام:مابي اسمع شي تجي اليوم للبيت وانت ساكت وتشرح لي وجها لوجه والا والله لروح لعلي ولبدر واقول انك تبتزني
راكان:افا ي اريام هاذي النهايه
اريام:ما خليت فيها نهايه احتريك الساعه ٩
وقفلت بوجهه وانصدم وحس انه تورط معها ولازم يشوف وش عندها والا تبلاه بنفسها
٠٠٠٠
عند علي وطراد رجعوا يسولفون وماكأنهم تهاوشو قبل شوي وكان علي يسرد له وش صار امس وراه شعره وانصدم طراد من شيخه وش ذا الصمله وانفجر ضحك وكل اللي بالمقهى يطالعونهم علي يضحك وطراد يضحك ويكح وبعد شوي جاهم واحد من العاملين بالمقهى وقالهم يخفضون اصواتهم لانهم مسببين ازعاج وزاد ضحكهم فا اخر شي انطردوا كلهم
علي :ههههههههه زين كذا
طراد:ههههه انشهد بالله انها قادحه هاذي اذا ما سحبت بدر لين تهلكه لا تسميني طراد وبعدين وش ذا النقزه اللي على بدر سكت دهرا ونطق كفرا
علي وهو يضحك:لا تنسى اني انا وراء ذا كله والا هو مافكر فيها لكن شوف النصيب
طراد:آه عليه المسكين اذا طاح بينك وبين المجنونه اللي معك
٠٠٠٠
وبدر اللي كان يحاول يلتهي بالشغل لكن عجز ابد ي تطري شيخه بمنظرها اللي امس ويضحك او تطري عليه امه بغضبها ويضيق جاه واحد من زملاء العمل
نايف: بدر وش فيك اليوم مانك طيب
بدر: ولا شي ي نايف شوي ضايق
نايف :عسى ما شر
بدر:ما شر بس ودي بخدمه منك
نايف :امر ي اخوي
بدر:ما يامر عليك ظالم لكن ابيك تغطي محلي اسبوع محتاج اجازه اريح فيها
نايف:ابشر ولا تضيق
بدر وهم يضم نايف :ماتقصر ياخوي عساك على القوه طلع بدر وتوجه للمدير وهو متضايق ولا رايق لاحد
سلمان: غريبه وش به بدر
نايف :مدري بس شكل عنده مشاكل
سعد:وش الجديد طول عمره نفسيه ولحاله
نايف:انت والله النفسيه لكن بدر اخلاق وروقان ولا يحب الت والعجن مثلك
سعد: ومن عينك محامي عنه
سلمان: خلاص ي شباب كل واحد يشوف شغله
اتجه كل واحد لشغله وبدر طلع وهو اخذ إجازه ومقرر يسافر ويروق لحاله من دون ضغوط ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ1⃣1⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼