الفصل 9
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_التاسع🌱
🍒ـــــــــــــــــــــــــــــــــــــ🍒
نجلا :الله عليكم وانا اجلس عانس
علي :وانتي بعد ندور لك واحد مافيه مشكله
شيخه وهي تعابط علي وتدري انه مشتاق لريم:انا والله قررت اليوم انام عندك من زمان عنك لازم اسولف لك
علي وهو يقطب حواجبه :لا دخيلك توهم فكوا جبري مابي ارجع اتكسر
شيخه :وجع حتى وجع الناس يقولون العين اوسع لك من الدار والساعه المباركه اللي بتنامين عندنا فيها وانت مابي اتكسر توك راجع من الموت المفروض تتوب وتبر فيني قبل يحاسبك ربي على كسر خاطري
علي وهو يرفسها برجله السليمه :كسر يكسر ذا اليد امي انتي عشان ابر بك قالت العين اوسع من الدار حبيبتي انتي خلي الغرفه تحمل ثقلك وبعدين قولي ذا الكلام
شيخه قامت بعد ماطاحت من رفسته : ي خسارة دموعي عليك لكن طيب تحسبني نسيت اللي بالمزرعه هين هين
علي وهو يضحك:وش بتسوين يعني
شيخه :اوريك الحين
سحبت ريم اللي كانت جنب علي وعضتها بقوه في يدها وريم تصرخ ورفستها وانحاشت وهي تضحك ..
٠
علي حاول يقوم ويلحقها بس ماقدر :طيب ي شيخه طيب انا اوريك
شيخه اللي طلعت تركض وهي تضحك ودخلت غرفة نجلا وسكرت الباب :باقي ما قضى انتقامي ياعلي
والتفت وصرخت وحطت يدها على فمها
٠٠
عند بدر اللي كان راسه يوجعه وشكله كذا بيمرض راح لغرفة نجلا بيطلب منها دواء وما حصلها وقال اكيد عند ريم وهو مايدري ان شيخه بايته عندهم انسدح ينتظرها وغفى ما حس بنفسه وصحى على صراخ شيخه
بدر:بسم الله من انتي ؟
شيخه اللي كانت واقفه ومنصدمه ورجولها ما تتحرك من الفجعه
بدر اسرع يبي يطلع بس هي على الباب
صد بدر:ابعدي بطلع
شيخه ما تحركت وهي منفجعه
بدر عاد عليها:ابعدي شوي
وشيخه متنحه ولا تحركت
لف بدر وبعدها وطلع ركض على غرفته وهو مستغرب من هاذي
عند شيخه اللي متنحه وماهي مستوعبه وبعد شوي فاقت على نفسها وهي تقول (يلعن شكله طلع حلو من قريب حركات ي بدير وش جابك هنا )
نجلا :شيخه وجع انا اكلمك
شيخه:نعم وش تبين ؟
نجلا :وجع لي ساعه اكلمك وين وصلتي وش فيك
شيخه :مافيني شي افكر كيف انتقم من علي .
نجلا :يوه ي ويلك من علي يتحلف ويتوعد فيك
شيخه:خليه ينثبر يحمد ربه ما ذبحتها
نجلا : وانتي وش فيك على ريم ما سوت شي
شيخه:علي مقدر اضربه عشان رجله فانتقمت بالبديل وبعدين علي عادي عنده لو ضربته هو بس ريم لا يكوش ويعصب عشان كذا
نجلا :يمممه منك
دق الباب نجلا:مييين
بدر من وراء الباب:نجلا تعالي ابيك
فتحت نجلا :وش فيك
بدر :اسمعي عندك بنادول
نجلا بخوف : وش فيك وش يوجعك
بدر :ولا شي صداع وشكله بداية مرض
نجلا:خل اروح اقول لابوي يشوفك
بدر:لا لا مو ذاك الشي بس ألم اعطيني بنادول بس
نجلا :طيب
دخلت نجلا تجيب البنادول ورجعت :الله يسعدك خلني اقول لابوي
بدر:يوه ي نجلا قلت مو ذاك الشي وبعدين ابوي تعبان خلقه من علي بزيد عليه انا
نجلا :طيب خلاص
لف بدر وبعدين رجع:نجلا
نجلا :هاه اقول لابوي
بدر:استغفر الله وانتي اذا علقتي علقتي
نجلا :هاه وش تبي
بدر:عندك احد انتي اسمع صوت
نجلا:ايه شيخه بايته هنا
بدر:اي وانا قلت مستحيل ريم تترك علي وتجي
راح بدر وهو يقول بنفسه(انا داري محد غيرها يمون على بيتنا كذا الا هي رايحه جايه براحتها ماتقول فيه رجال لكن طبك عندي. ياشيخه اعلمك الادب ي ملقوفه )
٠٠
عند علي كان يناظر في عضة شيخه اللي بيد ريم :جعل ذا الاسنان تطيح كلها ي شيخه الزفت
ريم:وجع مدري وش سويت لها حسبي الله
علي :صبرك علي ان ما خليتها تندم
ريم وهي تنفخ على العضه اللي توجعها : من قلبها تعض
علي : خليني بس اقوم اذا ما وريتها صبرها علي
ريم وهي تبتسم :ايه دخيلك اخذ حقي منها طول السنين اللي راحت
علي رفع راسه وهو يناظرها ببتسامه تسحر القلب :ابشري اصلا انا ما وراي شي الا احميك واخذ حقك
ابتسمت ريم وهي تناظر وجهه من زمان عنه وعن ملاحمه الجميله قرب علي بشويش وهو متطمن ان هالمره محد بيقطع عليه
مايمديه قرب الا سمع الخبطه اللي على الباب فز وهو يلعن الصاحي والبطال بعد شوي سمع الباب يدق قامت ريم تفتح وهي تضحك على شكل علي المقهور فتحت وحصلت راشد
راشد :وين علي
علي وهو يسمع :قسم بالله لو اني ميت اريح لي
ريم ضحكت :تعال علي فيه
راشد :علي بنام عندك
علي وهو مقهور :ونجلا وين
راشد :نجلا نايمه
علي :نومة اهل الكهف قال نايمه
ريم :علي وش فيك عليه مسكين فجعته
علي :وانتي مصدقه ان نجلا نايمه تلقين شيخوه هي اللي مرسلته
ريم وهي تضحك:حصل خير لا تفجعه
علي وهو يناظر فيها تضم راشد وعيونه طايره :خير
ريم :وش بك
علي :ترا صار رجال وانتي بتضمضمين فيه
ريم :وين رجال توه عمره ٨ سنين
علي: وانا بسنه كنت انام لحالي
ريم : علي قضينا ..
علي وهو مقطب حواجبه :راشد ليش مارحت لبدر
راشد وهو نعسان :شيخه تقول روح لعلي
علي :اوريها الزفت
واخذ الجوال
يدق على بدر
٠٠
عند بدر اللي سمع الصوت وقام وشاف شيخه تحذف غرفه علي وهي عند باب غرفة نجلا وتضحك قطب حواجبه وهو يضحك :قسم بالله انها مجنونه ماهي تاركه الرجال في حاله حتى وهو مريض شوي شافها جايبه راشد اللي نايم وتقوله كلام بس مايدري وش تقول وشاف راشد يدق الباب ودخل ضحك :ي ربي ي ذا المجنونه وش تسوي ذي
سمع جواله يدق وراح شاف علي المتصل:هلا علي فيك شي
علي :بدر تعال خذ راشد نومه عندك ماله مكان عندي ويقول خايف والسرير يالله بالحيل يشيل جبسي
بدر :زين
جاء بدر واخذ راشد عنده
بدر :راشد وش وداك لعلي
راشد : شيخه قالت روح عنده
بدر :نام يلا
بدر (ما انتي بسهله ي شيخه لكن نشوف )
٠٠
عند علي بعد ما راح راشد بدلت ريم ملابسها وجت
علي :ريم
ريم :هلا
علي:لا عاد تضمضمين في راشد تراه كبر وبتعودينه على ذي الحركات
ريم:علي وش بك علقت على راشد والله صغير
علي :حتى حتى ولو
ريم وهي تضحك على غيرة علي اللي مو منطقيه :ابشر اوامر غيرها
علي وهو يبتسم :ايه تعالي تعالي جنبي خليني انام تراي حدي تعبان
ريم ابتسمت وجات جنب علي علي طفى النور من وراه وقرب وانسدح جنب ريم ماطول ونام وهو مرتاح
٠٠
عند شيخه اللي كانت تضحك على علي :احسن باااقي اوريه
نجلا :خافي ربك حرام عليك
شيخه:وش انا مسويه مزح ترا
نجلا :ياخي الرجال تعبان خليه يريح
شيخه :تعبااااان عندي وعندك
نجلا :انتي ماتعقلين لين يفقع وجهك
شيخه:اذا ماقعدت له ما اكون شيخه
٠٠
عند بدر اللي كان يراقب شيخه وهي رايحه جايه بالبيت واخذه راحتها :البنت هاذي اكيد مو صاحيه ي ربي ماتقول فيه رجال بالبيت مررره اخذه راحتها
شافها جايه من تحت ومعها قهوه وحلا :لا حول من اليوم تلط في ذا الاكل والحين بتقهوى جوها عليل
٠٠
عند شيخه اللي كانت جايبه القهوه ومتكيه على سرير نجلا
نجلا :شيخه قلبتي السرير طاولة اكل
شيخه وهي تاكل :مالك شغل تبين تعالي ماتبين سدي فمك مالي خلق حنه
نجلا :توك متعشيه ي بنت
شيخه:اكل من فلوسك انا الله يكثر خير الناس اللي داخلين طالعين بالاكل
نجلا:اقولك عشان مايزيد وزنك
شيخه :ماالك شغل وزني والا وزنك مالك شغل
نجلا :بحريقه بس قومي بنام
شيخه:ومن قالك انك بتنامين على السرير
نجلا :وين انام اجل
شيخه :افرشي تحت ونامي
نجلا :لا والله
شيخه:اي والله مالي خلق زحمه ابغى اتوسع
نجلا :غرفة مين هاذي
شيخه:غرفتك لكن بتنامين تحت والا بتنجلدين
نجلا :على كيفك
شيخه:انتي بتسكتين ولا اجي ارنك
نجلا خافت :وجع ي شيخه
٠٠
ومن بكره الصبح نزل علي عشان يفطر مع اهله بمساعدة بدر لانه هو ثقيل على ريم ورفض تساعده مايبي يوجعها
ابو عمر من بعيد:ياللي جاي لا تدخل فيه بنات
بدر:بس بوصل علي وبطلع
ابو عمر :جايك انا
جاء ابو عمر وسند علي ودخله وشيخه اول ماشافته صارت تلعب بحواجبها علي باس راس امه وجلس ونزلت ريم وجلسو جنب علي وهي تمد له كل شي من الطاوله
قامت شيخه وهي تتغنج عشان تقهر علي :عمو مابدك اسكب لك شاي
علي اللي يناظر فيها ومفتح عيونه :وعوه ي شين السرج على البقر
ابو عمر يضحك:اسكبي ي عمو سكبي
شيخه:اي على راسي وكملت وهي تصب الشاهي بدلع وتغنج ومرت من عند علي وصقعته بيدها:اسفه ماكان قصدي
علي :جعلها الشلل ان شاء الله يالعانس
شيخه وهي تحط الشاهي عند عمها: اللي يشل العدو خير وش بك متحامل شرك وجاااي محد ناشك
علي وهو يحذف عليها بذر الزيتون: محد ناشني محد ناشني اقول لابوي وش سويتي امس والا تحبين اقول لامي وش صلحتي براشد
شيخه خافت بس مابينت:ما سويت شي والبيت بيتي ي عيوني
علي : وش عندها فوزيه الدريع
شيخه :اقول تلايط بس
علي: يبه تراها امس ما تتركتني انا وطول الليل تقصف باب الغرفه
ابو عمر: هههههههه شيخه وش بك الادمي الحين تعبان
شيخه :تعباااااان والله انا التعبانه ي عمي تخيل جيت بسولف عليه واوسع صدره واغير جوه رفسني وطيحني وطردني تخيل
ام عمر: ي عيب الشوم عليك ي علي شو اللي ساويتو حرام عليك كسرت بخاطرها المسكينه
شيخه اللي تقمصت دور الحزينه : شفتي كيف وانا اللي بالقوه جلست عشانه وفي الاخير
ام عمر: لك ليش هيك عملت ليش
علي انجلط وهو يدري انها نصابه :يمه وربي تكذب هي اللي بدت وضربتني
شيخه :حرام عليك ي علي لا تكذب كيف اضربك وانت مريض
ابو عمر : حرام علي صراحه امس لو تشوف وشلون تترجى ابوها عشانك
علي سكت وهو مقهور منها وريم تضحك عليهم ..
عند طراد دخل الشركه وهو من زمان ما جاها وقابلوه الموظفين يتحمدون له بسلامه علي دخل طراد مكتب علي وهو يبتسم : الحمدلله رجع صاحبك الحمدلله اللي ماذوقني مراره فقده كل ما ادخلك
ابتداء يشتغل ويجمع بعض الاوراق اللي تحتاج موافقه علي وهو يستعجل بيروح يشوفه اشتاق له شهر مو شوي. ومو اي شهر شهر كافح فيه اخوه المرض والموت
٠٠٠
عند بدر اللي كان في دوامه وطول الوقت يفكر متى يكلم علي ويقوله انه موافق ويكلم ابوه تحمس لحياته مع شيخه كيف بتكون
كان يتذكرها ويضحك عليها
٠٠٠٠
اما عند علي اللي مازال يست
قبل الزوار جلس عبيد بعد ما سكر الباب وراء اخر ضيف :يوه مدري ذا الاجازه عشان نرتاح ولا عشان نراكض ورا الرجال
علي :وش عندك تتذمر المفروض تتمنى الضيوف مايخلون من بيتك بدال ما تتذمر
عبيد :يوووه ي علي تكفى افقد الذاكره ثاني مره ترى كنت مرتاح
علي :اقول قم بس فز على حيلك وجمع ذا الاغراض وخلهم يجددونها لا يجون ضيوف ويلقون المجلس حوسه
عبيد قام وهو يتحلطم وجمع الاغراض
٠٠
عند البنات كانت نجلا تحكي لهم وش سوت شيخه فيها وفي علي
نور: هههههههههههههه شيخه حرام عليك
شيخه :يوه ترا هو بعد قاشرني مو بس انا
ريم:والله شيخه انه حلف انه انتي وتوعد لين قال بس
شيخه:بطقاق خليه يتوعد شبعت منه
ريماس :والله المفروض يستسلم هاذي جني مو بنت
شيخه:ريماااس ابلعي العافيه لا تخليني ايتم عيالك
فوزيه :كلمي اختك الكبيره زين
شيخه طنشت وقامت تقهوى
شوي سمعو صوت عبيد يدخل الاغراض ويتحلطم
نوره :عبيد وش فيك
عبيد: ياختي اخوك ذا لو جلس فاقد الذاكره احسن
نوره :وجع لا تتفاول على اخوك .
اريام:وش سوى لك
عبيد:من يوم صحى وهو طايح اوامر شيل حط صب لاتصب نظف لا تنظف
نجلا :طيب وش تبغاه يسوي لك في رجال داخلين طالعين
عبيد:اقول انتي اسكتي انتي مثله في كل شي
شيخه: الحمدلله شفتوا انه هو يدور الشر ويتحركش في كل احد
٠٠٠
بعد صلاة الظهر كانوا البنات عند علي اللي كان يصلي على الكرسي دخل بدر وهو يتنحنح :فيه احد
نوره :ايه ي بدر
بدر :عطوني طريق بشوف علي واطلع
دخلوا البنات في المجلس الثاني ودخل بدر :سلام عليكم
علي :وعليكم السلام هلا
بدر :هاه كيفك ي وحش احسن اليوم
علي:احسن الحمدلله
بدر : الحمدلله تبي شي قبل اطلع
علي :لا سلامتك
بدر :نجلا
نجلا :هلا
بدر :انا بطلع يعني بنام
نجلا:طيب وش اسوي لا تكون تبيني احكي لك حكايه
شيخه جوى انفجرت ضحك لانها تذكرت علي وحكايته وغيرته من راشد وقف بدر على صوت الضحك وبعدين كمل :يعني مابي ازعاج امس مانمت من الازعاج والابواب اللي طول الليل شغاله
نجلا :ابشر
طلع بدر واول ماطلع طلعت شيخه تضحك
علي :وجع وش يضحكك وبعدين ما تشوفين الرجال فيه وانتي تضحكين
شيخه مازالت تضحك وريم ونجلا عارفين ليش
نوره :ماعليك منها مجنونه
فوزيه:شيخه وجع فضحتينا في بدر
ريماس:مالقت تضحك الا قبال بدر اللي مايطلع صوته
علي:مريضه وربي
٠٠
عند طراد خلص شغله وجمع اغراضه سريع سريع وهو يبي يروح يشوف علي وش اخباره وهو طالع قابله سعود
سعود:وين الهمه
طراد:خلصت وبروح لعلي
سعود :اخباره علوش ماشفته من يومين
طراد: الحمدلله تمام وابشرك رجعت ذاكرته
سعود :والله الحمدلله اجل خلني اخاويك
طراد:مشينا.
٠٠
عند علي جاء عبيد:علي طراد وسعود برا
علي:دخلهم وش تنتظر
عبيد :قوم البنات من عندك
علي :طيب
راحوا البنات ودخلوا طراد وسعود جاء طراد يسلم على علي ويضمه :كيفك اليوم ان شاء الله احسن
علي:احسن
سعود يسلم :كيفك علوش والله لك فقده
علي: الحمدلله كويس انت كيفك
سعود : الحمدلله
عبيد وهو واقف بالدله:اللي يشوفك انت وياه مايقول شايفين بعض امس طايحين سلام واحضان
طراد:على شحم انت ي ابو فهقه ويحق لي اضمه لين اشبع رجع من الموت الله يطول بعمره
علي:ي حبيبي ي طراد الله يجعل يومي قبلك
طراد:اعوذ بالله الله يجعلني قبلك
عبيد حط الدله بعد ماصب لسعود وجلس:ابتدينا قاموا يتعازمون على الموت
سعود:ههههههههههه
طراد:اللي مثلك يقول جعلني قبلكم
عبيد:بسم الله علي وش جعلني قبلكم الا جعلني بعدكم مابي الموت انا
الكل: هههههههههههه
طراد:وين بدر وعمر
علي:عمر ما مر اليوم وشكله مداوم اما بدر جاء قبل ساعه وطلع ينام
سعود:وانا بعد اسمحو لي بروح تخاويني طراد
علي:اجلس شوي
سعود :والله تعبان ابي النوم
علي :الله يستر عليك
طراد:لا لا انا معي اوراق لشركه بشوفها مع علي
سعود :اجل فمان الله
طلع سعود وجلس علي وطراد يخلصون الاوراق ..
عند البنات كانوا يساعدون ام عمر بالطبخ وشيخه ابد ماتسوي شي غير انها تسولف وتلط بذا الاكل وتهبد الرايحه والجايه
نوره:شيخه وجع
شيخه وهي تاكل :خيييير
نوره:قومي ساعدينا شوي
شيخه:ماني فاضيه
نجلا :وش تسوين يومك مانك فاضيه
شيخه: اكل ما تشوفين
نجلا :ادري لكن خلاص وقفي من يوم صحيتي وانتي تاكين
شيخه:قد قلت لك ما أكل من فلوسك طسي لا اكبه كله على راسك
نجلا:بحريقه
ام عمر:شو بدكن فيها اتركوها تأكل براحتها ريتوه صحتين وهنا
شيخه وهي تنط تبوس راس ام عمر:ايه يسلم ام الذوق انا ابي افهم عيالك ليه ماهم زيك ليييييييييه
اريام:وش فيهم عيالها
شيخه:انتي انكتمي
اريام: تسكتني وانا في بيتي
شيخه :ومن تكلم عن بيتك حلي عني ماني ناقصتك
اريام:والله البيت بيت ابونا والعرب ناشبوه
نجلا:اريام وبعدين
شيخه:شوفي ترا مالي خلق اطق احد خليني بحالي واستحي على وجهك
اريام اللي تكره شيخه وماتطيقها:من اللي يستحي انا
ام عمر:عيب عليك ي اريام
اريام :علمي العيب اللي مايعرف العيب طول الوقت متكيه هنا ولا قالت بيت له
خصوصيته وفيه رجال اخذه راحتها مزعجه راحت غيرها بدر امس ماعرف ينام منها وهو مصدع وعبيد وحتى راشد ماتركته وعلي كأنه بيتها
نوره: انكتمي ما يخصك وهذا بيت شيخه تسوي اللي تبي فيه واذا عن اخواني ما كانو مزعوجين وانت مالك شغل
اريام وهي تتخصر:لا ي قلبي مزعوجين بالذات بدر امس ي عيني جاي يدور دواء
علي :اريااااااااااااااااااااااام
اريام بخوف:علي
علي اللي كان جاي بعد ماخلصوا وراح طراد وهو يتعكز على العكاز وسمع الصوت وجاء له ولما سمع كلامها جن جنونه كل شي الا شيخه
كلهم التفتوا وشافوه معصب وجهه مايبشر راحت له امه بسرعه:علي يامو طول بالك هنن كانوا بيمزحوا
علي :اي مزح يمه اي مزح
نجلا:لا ما يمزحون اريام رمت الكلام على شيخه
علي جاء يتعكز وراحت اريام تركض وقفها صوته بصرخه هزت البيت :اريييييييييام تعالي هنا
اريام وهي وراء امها:ماكنت اقصد ما كنت تقصد
ام عمر: دخيلك يامو خلاص ماعاد تعيدها والله يامو
علي :انا اقول تعالي هنا
رغم اصابة علي الا نها ماقدرت تتجاهله وتروح قد ماهو حنون قد ماهو اذا عصب يقلب الدنيا ولا يلتفت جت اريام وهي تبكي :والله ما اقصد
اول ما قربت من علي مسكها من شعرها وسحبها: من انتي عشان تتكلمين كذا هاه من انتي
اريام:اا اا
علي : انكتمي لو اسمعك تثنين كلامك ذا اذبحك وما احسب ربي خلقك تسمعين
اريام:اي ايه
علي :تعتذرين من شيخه الحين
اريام:طيب
دفها علي وراحت :شيخه انا اسفه اسفه ماكنت اقصد
شيخه وهي تجمع اغراضها: لا تأسفين ما قلتي شي غلط انا مكاني غلط
طلعت شيخه وعلي يناديها وهي مطنشه راحت لناصر اللي كان واقف مع بدر اللي توه صحى من النوم:ناصر تعال ودني البيت
كلهم لاحظوا نبرتها المتغيره فز ناصر وهو يروح لها :وش فيك
شيخه:مافيني شي تعبانه
سمعوا صوت علي اللي ينادي وهو يحاول ينزل من الدرج :شيخه قسم بالله لو مارجعتي ان وجهي على وجهك حراااام
وقفت شيخه لما سمعت كلامه:وش تبي
علي :تعالي
شيخه تقدمت وعيونها تلمع:نعم
مسكها علي من يدها واخذها وهو يتعكز دخلوا المجلس وجلسوا
علي:شيخه لا تاخذين على كلامها من جد تراك ماضايقتي احد وبدر امس كان مريض عشان كذا ما نام وعبيد لو تضاايق بيتكلم وانا انتي عندي مصدر بسمه كيف اضيق منك اليوم اللي ما اشوفك جيتي لنا اروح لكم انتي غاليه ويومي بدونك ناقص
شيخه اللي ماسكه دموعها بالقوه:بس
علي :مافيه بس بتجين وبتنامين وتاخذين راحتك محد له فيك شغل
شيخه:طيب خلاص اتركني بروح للبيت اصلا خلقه فيني نوم وبروح
حاول علي يصر عليها لكن هي اعند منه وراحت للبيت ولا جاوبت على اسئلة ناصر
اما بدر دخل على علي بالمجلس
بدر:وش فيه وش صاير
علي :ولا شي لا تشيل هم
بدر:وش فيها شيخه
علي:ولا شي قلت لها شي وزعلت
بدر:غريبه شيخه تزعل عليك
علي :حصل
بدر :على الطاري صدق ترا فكرت في كذبتك اللي كذبتها على عمي
علي:وعسى خير
بدر :خير انا وافقت وانا واثق في اختيارك وبكلم ابوي قريب
علي وهو يضحك: الحمدلله الطيبون للطيبات
بدر :باقي ما صار شي
علي:يصير ان شاء الله
٠٠
عند شيخه دخلت بيتهم وسيده لغرفتها بدت تنزل عبايتها وهي ضايقه من كلام اريام وهي تكلم نفسها: والله البنت صادقه انا ما استحيت على وجهي وانطقيت ببيتنا فرحانه بنفسي جاني اللي يوقفني عند حدي حتى بدر حاول يلمح وانا الغبيه لكن والله ماعاد ادخل الا باحترامي واطلع بحترامي ولا عاد انام لو يموتون كلهم
كانت تتحلطم وهي تداري دموعها وتخفف على كبريائها ..ماقدرت تمسك نفسها وبكت لكن سرعان ما استعادت نفسها وقامت تدور لنفسها شي تنشغل فيه ..
عند علي طلع وهو ضايق على شيخه دخل غرفته وهو يتعكز يعرف شيخه عزيزة نفس مستحيل ترجع واذا رجعت بتكون متحفظه كان نفسه يمسك اريام ويكسرها بس الشي الوحيد اللي وقفه نظرات ريم له اللي تترجاه يتركها قطع عليه دخول ريم
ريم :علي ليش جالس لوحدك
علي :ضايق على شيخه
ريم: ماعليه بيعدي الوقت وتنسى
علي:كيف تنسى شيخه مستحيل تنسى
ريم :لا ماعليك شيخه عشانك بترجع
سكت علي وهو يدري بقرارة نفسه ان شيخه ما بتنسى ولا بترجع
ريم :خلصنا عاد بطل زعل خلينا نشوف الضحكه الحلوه
ابتسم علي غصب عليه
ريم :ايوه كذا ورينا صف اللولو
علي انحرج وقال وهو يضربها على راسها بخفه:وش عندك لك يومين طايحه غزل والا عشاني عاجز تلعبين فيني
ريم تضحك: يمكن وبعدين اعتبره تكفير ذنوب
علي :وش هي الذنوب. اللي تكفرين عنها
ريم: العذاب اللي كنت عايش فيه مثلاا
علي وهو يضحك: ريم انتي عذابك جنه نارك انتي ولا جنة مليون غيرك
ابتسمت ريم ابتسامه عذبه وهي ماتدري وش تسوي بذا الانسان اللي في كل حالاته جميل وعلى كثر ماسوت فيه سوايا ما تسوى بمسلم للحين يحبها وماتغير ولا تغير اسلوبه ما حست بنفسها الا وهي تضمه كانت تشد عليه وهي خايفه تفقده خايفه يروح منها بعد ماربي عطاها اياه وهو اللي عوضها في فتره قصيره عن غياب الاهل اللي له سنين اما علي اللي كان مو مصدق ويحمد ربه اللي تم عليه فرحه شد على ريم وهو يدعي
انها ما تفارقه
٠٠٠
عند نوره اللي كانت تخاصم بعيالها اللي مأذيين بدر اللي كان منسدح وهو شوي مسخن نوره: غيييث مشعل اتركوا خالكم بحاله اذيتوه
غييث :يوووه ي ماما نريد نلعب
نوره :ماتشوفونه مريض اتركوه
مشعل بزعل: يوه متى يشفى خالي علي ونلعب معه
نوره :ان شاء الله يشفى وتلعبون معه
بدر :اتركيهم ي نوره مو مضايقيني
نوره: لا ي شيخ خلهم يهجدون ازعجوني
دخلت نجلا وجلست جنب بدر وهي تحط الكمادات على جبينه ولا تكلمت
بدر :نجيييل وش بك وش فيك ضايقه
نجلا :ولا شي
بدر وهو يضحك: والا عشان راحت الخبله مالقيتي أحد ينجن معك
رمت نجلا الكماده وهي معصبه :وش فيكم عليها وش سوت لكم ما ضرتكم بشي كانت عندي وعند علي ما ازعجتكم حرام عليكم ياخي حرام
وطلعت
بدر اللي كان مستغرب :وش فيها وش صار كنت امزح
نوره: ضايقه شوي ماعليك
بدر:من ايش
نوره:ولا شي
طلع بدر ورا نجلا اللي كلهم يحبونها ولا يرضون زعلها عكس اريام اللي دايم بعيده عنهم ..
فتح باب غرفتها وحصلها جالسه وهي ضايقه :نجلا انا اسف ما كان قصدي كنت امزح
نجلا بانفعال : شيخه ماهي مزعجه احد عشان تكرهونها
بدر :ومن قالك انها مزعجتنا او احنا نكرهها بالعكس
نجلا :انت رحت وقلت لاريام ان شيخه ازعجتك
بدر :لا اصلا ما ازعجتني
نجلا:وليه اريام قالت كذا وزعلت شيخه وخلتها تطلع وهي ضايقه
بدر :وش قالت
نجلا حكت لبدر كل شي وطلع بدر وهو معصب صح مايحب شيخه بس مايحب احد يتلفظ على شخص ببيتهم ويهينه توجه لاريام اللي حالها مو عاجبه ابد فتح باب الغرفه وحصلها جالسه ع الجوال سحبها من يدها وهو يصيح فيها :بأي حق تتكلمين مع شيخه كذا
ارياام:اوف حتى انت صفيت معها والله لو هي ز......ولا كملت الا سكتها كف بدر لها
اريام :تضربني عشان وحده مجنونه وماتستحي
بدر مسكها من شعرها : المجنونه اللي تتكلمين عنها في بيتنا هي اهم منك ولها مكان اهم منك وتعني لكل اللي بالبيت اكثر منك وشيخه تعتبر من اصحاب البيت ووجودها في البيت يهمنا كلنا لكن انتي وجودك وعدمه واحد ماتفرقين حيه والا ميته انتي هنا زيادة عدد لا اكثر لا عطيتنا من خيرك ولا كفيتينا من شرك
اريام اللي كانت مصدومه من بدر : هذا اخر كلامك ي بدر
دفها بدر وهو يقول :صدقيني اذا انقطعت رجل شيخه عن ذا البيت حسابك معي بيكون عسير
وطلع وصفق الباب وراه وهو معصب وراح لغرفته وهو مو مستوعب كلام اريام وش صاير لها ليه صايره كذا اخته تغيرت كثير حالها مو معجبه ابد بدت تطلع بحركات غريبه
٠٠٠
عند علي اللي كان منسدح بحضن ريم ومغمض عيونه وهو يبي الدنيا توقف هنا ولا تحرك حس بريم تهمس في اذنه :نام الحلو
ابتسم علي وبانت اسنانه :كيف ينام الحلو وفيه احلى منه
ضحكت ريم: وانا على بالي نايم
علي :ما كنت نايم كنت احاول استوعب ذا السعاده
ريم :الله يديمها
علي جلس وهو يقول :وش رايك نروح بيتنا
ريم:بس انت تعبان
علي:لا مافيني شي بس رجلي
ريم :اخاف يوجعك شي
علي :انا طيب ماعليك وبعدين رجلي بروح بكره افكها احس خلاص جبرت
ريم :اذا فكيت جبيرتك بكيفك
علي :اذا فكيت جبيرتي ببدا أسس اول مشاوير السعاده
ريم :مافهمت
علي وهو يغمز لها:تفهمين بعدين.
قطع عليهم الباب نوره:علي يقول ابوي لك حيل تنزل للعشاء او نطلع لك
علي :لا يأم غيث بنزل
نوره :زين ..
نزل علي وريم وافترقوا كل واحد راح لسفرة اللي هو ينتمي لهم
جلس علي وهو يمد رجله: يبه ترا بكره بروح افك رجلي
ابو عمر :وش تفكها بدري ي علي
علي: لا يبه مو بدري وبعدين انا طفشت
ابو عمر :لا خلها اسبوع بعد
علي :مالي خلق يبه نفسي افكها
بدر:وش مستعجل عليه
علي :ولا شي بس خلاص من متى وانا مسدوح قربت الشهر
ابو عمر:طيب فكها بس لا تضغط عليها كثير ولا تمشى كثير حاول تختصر حركاتك. اقل شي اسبوع
علي :ابشر
عبيد :لو انا منك اخليها اتدلع كل شي ابيه يوصلني
بدر:على بالك كل الناس فاضين زيك ويدورون الامراض حجج
عبيد: الله واكبر ي المشغولين
علي :الحمدلله ماني مثلك
عبيد:يصير لك ي قلبي
٠٠٠
عند البنات اللي كانوا يتغدون وقالت لهم نجلا وش صار مع اريام
ام عمر:وانتي ما تعرفي تسكري تمك وتبطلي حكي
نجلا :وش دخلني
ام عمر :بطلي ترغي حكي ارتحتي هلا لما اخوانك شرشحوها لاختك
نجلا :تستاهل هي اللي تبلت نفسها
نوره:ونجلا صادقه يمه
ام عمر:لك مابصير تفتني على اختك حرام يامو حرام
٠٠٠
وعند طراد اول ما صحى المغرب قام ولبس ونزل قابل امه
ام طراد: يمه ي حبيبي وين رايح اجلس اكل لك لقمه تسندك
طراد وهو يبوس راسها:يمه ماني مشتهي بروح لعلي
ام طراد:علي موب طاير اجلس شوي
طراد:بعيدين يالغاليه الله يخليك
ام طراد :مع السلامه
٠٠٠
في بيت ابو عمر كانوا كلهم جالسين ومتجمعين ما عدا اريام
عبيد وهو شبه منسدح:يالله يعني بكره بتروح لبيتك بنام واصحى وانا مرتاح وماتتحرق يديني من القهوه
علي :باخذك معي من قال بخليك
عبيد:وشو لا والف لا
علي:ومن تبي يصب لرياجيل ويقدم انا اللي بالقوه امشي
عبيد:بكره بتفك جبيرتك والا جب العالم القصص والروايات 📚:
بدي قارد تبعك يصب القهوه
علي وبدر وهم مطيرين عيونهم:من البدي قارد
عبيد بكل برود :طراد
حذف علي عليه فنجان القهوه :وشو طراد صار بدي قارد
عبيد :اسف اقصد ظلك
علي :عبيد وجع احترم نفسك عيب عليك
عبيد:امزح ياخي
ام عمر :وين بدك تروح يا ابني ظلك عنا كم يوم والله بنفرح فيك
علي :يمه ي حبيبتي خلاص تعبتك معي طول الفتره اللي راحت
ام عمر:شو تعبتني يا امي بذمتي بذمتي انو تعبك راحه
علي :تسلمين ي الغاليه بس خلاص
عبيد:اتركيه يمه يروح وش تبين فيه
ام عمر:عبيد شو هالحكي عيب عليك تحكي اخوك هيك انا هيك ربيتك هيك
عبيد:امزح يالغاليه والله امزح
ام عمر:بطلي هالمزح ياللي بلا طعمه
عبيد : ابشري
ابو عمر:قوم شوف مين عند الباب
عبيد وهو يقوم:اكيد انه الظل
علي حذفه وهو يتحلف فيه وقام وراه وهو يدري انه طراد ترك العكاز عشان يبي يتعود من دونه فتح عبيد الباب :قايل لكم الظل
طراد:وش ظله
علي:ماعليك منه خبل تعال ادخل
طراد وهو يشوف علي بلا عكاز: بربك انك صرت تمشي بلاه
علي وهو يضحك:بتعود امشي بدونه
دخلوا المجلس وجلسوا علي:عبيد جب القهوه
عبيد طاح على الكنب :ي حظ ابو مشعل انشل وارتاح علي قوم طقني خلني انشل
عمر :عبيد وجع وش ذا الكلام احنا يالله فيك صاحي ذا المره بتنشل
طراد:اول شي مابي قهوه انا جاي على لحم بطني جيبو لي اكل انا بنشل من الجوع
عبييد بمزح:يوه لو انك قايل قهوه اريح
طراد وهو يلعب بحواجبه:خرجك الله لايقيمك على قول خالك
علي: ههههههههههههه وش سويت في الشركه
طراد وهو يتكي :لا تسأل دمار الشغل رايح في ستين داهيه يبغى لنا رجعه قويه
علي:لا تقول
طراد: والله
علي: والله مشكله لازم نشوف لنا دبره يالله ماعليه انا بكره بفك جبيرتي واذا قدرت اداوم داومت
طراد:نعم وش تفك ي روح امك
علي:جبيرتني
طراد:على كيفك هو ماجبرت رجلك باقي
علي :الا جبرت معاد احس بها الم واقدر امشي عليها وابوي قال خفف عليها اسبوع وتصير زين
طراد:والله احسها باقي وراك مستعجل ياخي
علي:والله طفشت والله
طراد:زين اطلع وهي برجلك
علي :لا ياخي ابي اتحرك كويس
طراد :بكيفك ترا اذا انكسرت ماني مساندك في شي
علي وهو يضحك: ي نصاب والله اول واحده اشوفه انت
بدر دخل : اي والله نصاب قال ماساندك
طراد: حي لله وش بك متلحف
بدرر:اااااه ي طراد ذبحتني الزكمه
طراد نط وتلثم:اعوذ بالله فكنا منك قوم روح لامك
بدر :ليييه
علي:ههههههههههه ترا طراد منااعته خرطي بكره ينعدي ويتعب وصراحه مو وقته
بدر :اجل والله ما اقوم
دخل عبيد بالاكل :هيا تعااال ابلع
طراد نقز وهو يشم الاكل:هيييا جينا بس خلنا بعيد عن المجروب هذا
عبيد:اشتغل عند ابوك انا
طراد:علي شوفه
عبيد:خلاااص حطيناه
راح طراد ياكل وهو اخر المجلس عشان بدر وبدر اللي تعمد يعطس باتجاهه عشان يخوفه وعلي يضحك عليهم وبعد شوي جوا ناصر وفواز وانضموا للجمعه وهم سوالف وضحك وطراد منبطح اخر المجلس ويسولف معهم ..
عند نجلا وريم كانوا في غرفة علي ويحوسون وهم يسولفون طاحت ريم على سلسال مكتوب عليه الجامحه نادت نجلا
ريم :شوفي
نجلا :ايه هذا سلسال دايم مع علي اتوقع انه لفرسه
ريم :هههههههههه ي زينه ي ناس
نجلا :وش بك
ريم : هذا الله يسلمك حكايه طويله احكي لك اذا جات شيخه مالي حيل اعيد
نجلا :يوه ي ريم تكفين خلصي
ريم :ي بت اذا جت شيخه وبوريكم بعد اشياء
نجلا :اوووف منك
٠٠
عند شيخه كانت جالسه مع خلود وريماس وهي ضايقه
خلود:شيخه وش بك
شيخه:ولا شي عادي
ريماس :لا تهتمين لكلام اريام طنشيها
شيخه: ما فكرت فيها اصلا
خلود :اجل وش بك
شيخه :ولا شي عادي
سكتوا وهم يدرون انها ضايقه وزعلانه ونفسها مجروحه
٠٠
عند ابو عمر اللي كان في غرفته سمع دق الباب : ادخل
بدر طل براسه : يبه فاضي
ابو عمر:تعال وش بك
بدر دخل وسكر الباب :ابيك بموضوع
ابو عمر:قول وش فيك
بدر:صراحه يبه انا قررت اتزوج
ابو عمر وهو يقرص نفسه:انا بحلم ولا علم
بدر:ههههههههه يبه لا تطقطق
ابو عمر :خلاص قول
بدر: مدري نسيت
ابو عمر: ههههه ومن بنت الحلال
بدر:شيخه
ابو عمر اللي كان يشرب شاهي انفجر ضحك: ههههههه تمزح صح مقلب اكيد
بدر :يبه وش فيك وش ناقصني ما اتزوج شيخه
ابو عمر :ماناقصك شي بس انت وشيخه لا مستحيل
بدر :ليه
ابو عمر:مو قصور فيكم لكن شيخه مرجوجه وانت هادي ولا تحب الصوت العالي والازعاج وشيخه مصدر ازعاج حتى وهي لوحدها
بدر: ايه عشان كذا ابيها احتاج احد يحرك حياتي
ابو عمر :متأكد
بدر :ايه
ابو عمر:اجل توكلنا على الله ذا الاسبوع نكلم عمك
ابتسم بدر وقام: الله يطول بعمرك
٠٠
فضى المجلس من الشباب وكل واحد راح لبيته وطلع علي لغرفته دخل وشاف ريم ونجلا جالسين
نجلا وهو دايخه :اخيرا جيت ياخي اعتقني من زوجتك مارضت تخليني اروح انام
علي وهو يضحك:وشوله ماخليتها تروح ترا بتموت شوفي شكلها
نجلا وهي تقلد ريم:اجسلي عندي خايفه الين يجي علي هذا علي جاء اعتقيني
قامت نجلا وراحت وصفقت وراها الباب
علي :هههههههه وش بك عل
يها ترا طنقرت علينا
ريم:وش اسوي خايفه
علي:من ايش خايفه
ريم وهي تقرب وتهمس له:من الجن بسم الله
علي :هههههه بسم الله الرحمن الرحيم وبمزح وش دراك انهم يشقرون واجد هنا
ريم:في ذمتك
علي:اي والله المهم طلعي لي ملابس بغير وانام
ريم:لا تكفى لا تنام
علي :ليش
ريم :اخاف يجون
علي:هههههه لا ماعليك ما يعرفونك مايجون
ريم وهي تطلع ملابسه ولازقه فيه اعطته وراح علي يبدل وهي معه
علي وقف:تحبين تلبسيني انتي
ريم :هاه ليش
علي: وراك لاحقتني طيب بلبس
ريم :خايفه
علي:مالي شغل ببدل وانتي بكيفك انا في كلا الحالتين جايز لي الوضع
ريم : روح بدل وانا استنى هنا
دخل علي يبدل وريم عند الباب وكل شوي تستعجله طلع علي بعد مالبس :يالله يالله لو يفكرون يجون بيهونون بعد حنتك هاذي
ريم:وقتك ي علي
علي وهو يضحك عليها: وانا صادق
ريم:علي بطل تكفى ترا يسمعونك ويجون
علي وهو يحط يده من ورا كتفها :تعالي مابيجيك شي واذا جاء مابيضرك
ريم ماحست بنفسها وتمسكت بعلي علي
علي:مابيجيك شي تعالي نامي بس
ريم:وش بك اكيد شفت شي
علي :والله ماشفت بس تعالي نامي
انسدح علي وريم باقي واقفه علي:ريم تعالي نامي
ريم تتلفت: خايفه يجي لما الف بعد انت اللي يسعدك
علي بعد وراح الجهه الثانيه وريم على طول دخلت محله وضمته وهي خايفه علي استانس على الوضع وبدا يخوفها زياده وريم تلزق فيه زياده وهو روق على اخر شي وريم المسكينه بتموت من الخوف وكل ما يغفى علي تصحيه وهو ماصدق وبدا يستغل الفرص علي:ريم خليني انام
ريم وهي خايفه:تكفى لا تنام والله بيجون ياخذوني
علي وهو مستانس :كيف اسوي عشان مانام
ريم:الله يسعدك لا تنام
٠٠٠٠٠
عند بدر كان منسدح ويفكر وش نهاية قراره صدق بيسعد معها والا بيجبر نفسه على حياه تعبانه جلس يفكر وهو يتذكر كل شي يخصها ولا لقى شي يخليه يضيق وغفى وهو يحلم ببكره اجمل
٠٠٠
عند شيخه كانت ضايقه ولا لها خلق احد ونفسها تمسك احد وتصفقه دخل فواز:وش عندك هاجده
شيخه:فواز والله مالي خلقك اطلع واتركني بحالي
فواز .افا والله وش بك
شيخه:مافيني شي خلاص روح
فواز :مابي اروح قولي وش فيك
شيخه:يووووه خلااص ياخي
طلع فواز وهو مستغرب حالتها وماحب يضغط عليها
٠٠
ومن بكره الصبح صحى علي على الساعه ٧ شاف ريم نايمه بعد ماطلعت عينه امس ولا رضت تنام الا بالهوايش قام وهو يعرج وراح ياخذ دش ويبدل ملابسه لبس وطلع وهو يتعطر ناظر بريم في المرايه حصلها غاطسه بنومها ابتسم وهو يدعي انها ماتغيب عنه عدل شماغه لانه بيروح لشركه بعد المستشفى راح لها ونزل عليها وباس خدها وطلع وطفى النور ..
نزل لطراد اللي ينتظره تحت وراحوا المستشفى فكوا جبيرته ولفوا له بشاش ثقيل يثبت رجله واعطوه ادويه وطلع وراحوا لشركه واستقبلوه الموظفين اللي مسوين حفله صغيره له وبعد ما هنوه بالسلامه رتبوا المكان ورجعوا لشغلهم وبدا علي وطراد يشتغلون شغلهم وهم مندمجين
٠٠
عند شيخه صحت بدري واتصلت على نجلا ما ترد واتصلت على ريم ماترد سكرت الجوال وقامت وراحت تفطر دخلت المطبخ حصلت فواز صاحي :صباح الخير
فواز:صباح النور للحين زعلانه
شيخه:ماني زعلانه
فواز:والله واضح احد مزعلك
شيخه :لا مافيه احد
كملت تفطر وهي ساكته سكوت مو من عادتها وفواز يراقبها ولا يدري وش فيها
٠٠٠
عند بدر اللي طول الوقت يراقب جواله يبي ابوه يتصل متحمس
دق جواله وفز ورد:هلا يبه
عمر:بسم الله عليك
بدر بخيبة امل :هلا عمر
عمر:وش بك وش فيه ابوي
بدر:ولا شي قال بيتصل علي ورديت ماشفت على بالي هو
عمر:زين اسمع قول لعلي وتعالوا اليوم تغدوا عندي كلكم
بدر :بكلمهم واشوف
عمر :يلا ورد خبر
بدر :زين
دق على امه وقالها وعلى عبيد وقاله ودق على ابوه
ابو عمر:نعم ي بدر
بدر:يبه وش صار معك
ابو عمر:كلمت ابوي وبيجي و بكره بنروح نخطب ارتحت
بدر :ايه الله يريحك طيب يبه عمر يقول تعالوا تغدوا عندي تروح
ابو عمر:ايه يالله مع السلامه
سكر بدر وهو فيه حماس الدنيا كلها ودق على علي
علي كان مشغول ولا انتبه لجواله استغرب بدر بس قال اكيد مشغول ..
..
بعد الظهر دق علي على ريم
علي :الو حبيبي
ريم وهي نعسانه تو صحت:هلا علي
علي:وش فيه صوتك
ريم:كنت نايمه
علي:اوووف للحين ماصحيتي
ريم:ايه متى رحت ماحسيت عليك
علي:مو منك من سهرات امس
ريم:يوووه منك كأنك ما تعرف
علي: هههههه المهم اجهزي عشان يجيبك السواق ونروح بيتنا
ريم: بدري ياعلي
علي :لا مو بدري صحصحي يالله
سكر علي وقامت ريم وهي بتموت نوم جمعت الاغراض ونزلتها لسواق
ام عمر:رايحين يامو ريم
ريم :ايه ي عمه بروح مع السواق لعلي بالشركه
ام عمر:الله معك ياموه
طلعت ريم وركبت مع السواق
٠٠
عند طراد اللي يحاول يقنع علي انه هو بيوديهم بس مافيه فايده
علي: خلاص ي طراد ناديت السواق وبعدين انت روح نام شوف كيف وجهك تعبان
طراد: طعني ي علي
علي:يوووه ي طراد والله خلاص
طراد :زييين يلا سلام
بعد نص ساعه وصلوا ريم والسواق ونزل على وركب معاهم
علي:سلااام عليكم
ريم:وعليكم
السلام أشوف فكيت الجبيره
علي:ايه فكيتها
ريم :ع البركه
علي وهو يحط راسه على كتفها :يبارك فييييك ..يالله قد ايش تعبااان ومنهد حيلي ادور الفراش تدوير
ريم: لا تسأل انا مثلك
ضحك علي: مو منك
ريم:يوووه وانت علقت عليها
علي:وانا صادق ماخلتيني انام لكن اشهد بالله ان خوفك يجنن تصيرين مطيعه حيل لو داري من زمان
ريم وهي تضربه على راسه :كله منك انت الناس بدنيا وانت بدنيا
علي وهو يضحك:اقولك من الحين عشان ماتقولين خداع انا انسان تفكيري على قدي يعني تصرفاتك كلها تحسب عليك
ريم:وخر بس
بعد نص ساعه وصلوا البيت ونزلوا وسيده على غرفة النوم ونزل علي ملابسه ولبس البيجامه ورمى نفسه على السرير ريم نزلت عبايتها ورمت نفسها معه وغطوا في نوم عميق
٠٠٠
في بيت عمر
عمر:بدر ليش ماجاء علي
بدر:مدري اتصل عليه مايرد
ام عمر:علي هلا ارسل السواق ياخذ ريم راحت لشركه وياخذوه ويرحوا لبيتوا
عمر :يعني مابيجي
ام عمر:ما بعرف
عمر:خل ادق عليه ...دق ومارد
بدر:شكله نايم ولا درا لانه كرف اليوم
عبيد:حطوا غداكم ترا جعت
عمر :يلا الحين يجهز
حضروا الغدا وتغدوا وبعد الغدا كانو يسولفون ويضحكون كالعاده عبيد:ياالله ي زين الراحه
عمر:لا تفرح قوم صب الشاهي
عبيد:لااااا
ضحك بدر:عطني اصب انا لا ينتحر
عبيد وهو منسدح:الله يكثر من امثالك ي بدير
بدر:بدير في عينك
عبيد:خلني ادلعك وش بك
بدر :مابي دلعك قوم تعدل واخذ الشاهي
٠٠٠
عند راكان اللي كان مشتتاق لاريام بس مايقدر يكلمها وقرر يتركها وهو حزين على فراقها
٠٠
اما عند شيخه كانت نايمه وسمعت جوالها يدق ورفعت :هلا
نجلا:شيوخ اتصلتي علي
شيخه:اي اليوم
نجلا:وش بغيتي
شيخه:ابي اسولف بس خلاص انا نمت الحين ضفي وجهك
نجلا:وجع مره بس تكلمي عدل
شيخه:انتي وش تبين انطقي
نجلا :طفشانه بسولف معك ماعندي احد حتى ريم راحوا واحنا عند رهام وهي مشغوله بعيالها
شيخه:ريم وين راحت
نجلا:رجعوا لبيتهم
شيخه:ازين عشان نروح لهم براحتنا
نجلا:بعدك زعلانه من كلام اريام
شيخه:ومن هي عشان تزعلني ماهمتني
نجلا :ايه كفو ما عليك منها
كملو سوالف وهذره وشيخه مره تنام ومره تصحى ونجلا تصايح فيها
٠٠
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ9⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼