الفصل 8
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الثامن🌱
🍒ـــــــــــــــــــــــــــــــــــــ🍒
في المستشفى كان الوضع يرثى له طراد اللي كان يبكي وينوح بصوت يقطع القلب في حضن ابوه وعبيد وعمر عند ابوهم اللي ماجف له رمش والجد حاكم اللي ينوح ويتوجد بصوته كله وناصر قباله يواسيه طلعوا علي فز طراد وهو يبكي ويمسك السرير تكفون لا تودونه علي حي والله حي تكفى يبه لا يودونه
الباقين كانو طايحين وهم يبكون نقلو علي على المغسل وراحوا كل الرجال معه وطراد اللي كان كل ماشافه احد يدعي ان ربي يصبره حاله كان اصعب من حاله ابو عمر وعياله كان يهذري باسم علي ويتكلم كلام مو مفهوم لدرجه ان ابوه خاف انه انجن
٠٠
عند الحريم كان البيت كله بكى وصراخ وام عمر اللي كانت ماخذه تيشرت علي وتبكي: لك ليش ليش ي ربي اخذت ابني مني ريته يئبر اموه شو كان رضي والله ماكان يزعلني لك ليش
ام ناصر كانت تهديها ولكن بدون جدوى ريم كانت مثل طراد تهلوس باسم علي وتهذري ونجلا وشيخه اللي كان فيهم هدوء غريب ومرعب كانت زي الصدمه
٠٠
في المغسله رفضوا كلهم يدخلون يغسلونه ومافيهم اللي له حيل يودع علي بعد خمس دقايق طلع الشيخ اللي يغسل علي
قال :من قريب الميت
كلهم ناظروه الشيخ:ردوا علي
قام ابو عمر :نعم ..
الشيخ بعصبيه :كيف تبغوني اغسل واحد حي كيف ماتخافون الله
فزوا كلهم :وش
ابو عمر تعدى الشيخ يركض والعيال وراه مسك يد علي اليسار بيتحقق من نبضه ولقاه رجع ينبض صرخ بفرحه:الله اكبر الله اكبر نادوا الاسعاف
طراد اغمى عليه والجد اغمى عليه بدر طاح ماهو مستوعب وعمر مثله الباقين يكبرون نادوا الاسعاف وشالوه ورجعوه المستشفى
وبدوا الإجراءات الطبيه وبدوا يرجعون الاجهزه ويجبرونه من جديد صحى طراد وهو مو مستوعب والجد بعد كان يصيح ويكبر في المستشفى والكل يشوف فرحتهم والكل فرحان بدر اللي راح يركض يبي يبشر امه دخل وهو يركض :يممممه يممممه وقفوا بكى علي حي يمه علي حي
ام عمر بكت :شو بك يامو انجنيت
بدر وهو يضحك:لا يمه علي حي علي عايش
دخل عمر من وراه وهو يكبر :يمممه ابشرك ضناك رجع الحياه
ام عمر ببكى فرحه :شو شو عم تحكو عن حق يامو
البنات قاموا الكل قاموا على مثل الخبر وهم يبكون فرح بدال الحزن اللي مخيم عليهم
٠٠
في المستشفى الكل فرحان ويسجد ويصلي لربي شكر
ابو عمر اللي اشرف على حالة علي اللي كان رجوعه للحياه معجزه وهو ان قلبه توقف ولمى فصلو الاجهزه ونقلوه رجع له النبض ورجع للحياه استقرت حالته وصاروا ينتظرونه يرجع للوعي صح كانت إصاباته كثيره لكن حياته تكفي لفرحهم
كلهم كانوا في غرفة علي وعلي اللي كانت مجبره رجله اليمين وكتفه منخلع وراسه كله جروح وجهه بعد ورضوض في ظهره واصبعين من يده اليمنى مكسوره تجمعوا كل منسوبين المستشفى يباركون لابو عمر وشوي جو الحريم ودخلوا على علي
ام عمر وهي تبوس كل مكان بعلي وتحمد الله وتشكره وريم ونجلا وشيخه نفس الحاله جلسوا وقت الزياره عنده وقبل تنتهي الزياره ب نص ساعه كان طراد جالس ويناظر بعلي ودموعه ماهي راضيه توقف من الفرحه فجاءه سمعوا ونين ونين علي فز ابو عمر وهو يقول :علي علي يبه تسمعني وبدا يصحيه علي اللي صحى وهو يون يحس بألم في كل مكان فتح عيونه بشويش ورجع يغمضها وهو يون فتح ثاني مره وهو يسمع اصوات شاف ضباب قدامه وانوار وناس بس مايدري منهم ابو عمر اللي كان يحاول يصحي علي :علي علي
علي استعاد وعيه وفتح وهو يناظرهم صدمهم بسؤاله اللي كتم فرحتهم:من انتم وش تبون
الكل انصدموا وهم يناظرون علي طراد قرب وهو شوي وينجن:علي علي لا تمزح ي اخوي ترا نشف دمنا لين صحيت تكفى ي علي
علي اللي كان فعلا مايعرف لانه فاقد الذاكره جزئيا:من علي وانت مين ؟
ابو عمر جلس:ابعدوا عنه شوي خلوه يريح ويحاول يتذكر
جلسوا كلهم وبعد نص ساعه اعلنوا انتهاء الزياره وطلعوا وتركوا عنده طراد اللي حلف مايقعد عنده الا هو طراد رجع ولقى علي نايم من المسكن اللي اعطوه جلس وهو يتأمله :سبحان الله كيف رجعت من فم الموت كيف باس راس علي وهو يحمد ربه ويشكره وقام يصلي ويدعي لعلي بعد ما سلم التفت ولقى علي صاحي
علي اللي كان يناظر طراد وهو يصلي ويحاول يتذكره عجز وهو يحس في قلبه انه يعرفه بس مايدري مين
طراد توجه لعلي :كيفك الحين يوجعك شي
علي اشر براسه لا وهو يسأله:من انت وش تصير لي
طراد جلس قبال علي وهو مبتسم بحزن:انا اخوك وانا صديقك وانا اقرب الناس لك
علي سكت وهو يحاول يتذكره بس مابيده حيله تربع طراد وهو يقول :انت ماتذكر شي قولي اي شي تذكره
علي هز براسه لا سكت طراد وهو يقول: انت لاتتعب نفسك وربك بيحلها ارتاح بس ماصدقنا رجعت لنا
علي :وش جابني هنا
طراد:حادث
علي سكت وهو يناظر طراد ويحاول يستوعب دخلو الممرضين واخذوا علي للاشعة وطراد جلس وبعد ساعتين رجعوا علي .
وكان طراد نايم على الكنب اول ماجاء فز وش صار
الممرض:بعد ساعتين
تطلع النتايج وان شاء الله خير
طراد :خير
جلسوا يركبون الاجهزه وبعدين طلعوا جاء ابو عمر :علي كيفك يوجعك شي تشكي من شي
علي يناظر ابو عمر وقال:كتفي يوجعني وظهري
ابو عمر:بسيطه بسبب الحادث كلها شوي وتقوم مثل الحصان
طلع ابو عمر يشوف شغله وطراد طفى النور لما شاف علي نام ونام هو ببعد
٠٠٠
من بكره الصبح انتشر الخبر وصاروا الزوار على علي زي الدود من معارف ومن اصدقاء وطراد واخوان علي ما استراحوا من الفجر في بيت ابو عمر ام عمر وريم كان يطبخون ويرسلون لعلي مع ان ابو عمر قالهم ماله داعي بس ماهم معطين احد فرحتهم
٠٠٠
عند علي اللي كان يناظر الداخلين والطالعين وهو مايدري منهم ولا يدري هو من وبعد فتره خلا الجناح من الزوار تماما وما ظل الا طراد وعمر وبدر وناصر وفواز اللي كانوا جالسين قبال علي والابتسامه ما تفارق وجيههم علي يراقبهم بصمت ونطق بعد تردد:انتم مين تعرفوني من انا
عمر اللي انكسر قلبه على حال اخوه: ايه انا اخوك الكبير اسمي عمر وهذا بدر اخوك بعد اصغر مني وهذولا ناصر وفواز عيال عمك واخوانك من الرضاعه وهذا عاد طراد صاحبك من يومكم بالابتدائيه ماتفارقتوا كبرتوا وسويتوا شركتكم الخاصه وانت تحبه كثير وتعده اخوك اكثر منا
طراد :وانا احبه بعد
علي ابتسم لهم
كمل بدر :عندنا ثلاث اخوات واللي انت تحبها كثير ودايم تعزوى فيها نجلا تشبهك في كل شي
ناصر:وعندك من الرضاعه بعد ثلاث خوات ولك وحده بعد تحبها وهي صديقتك وخويت شرك شيخه دايم مصايبكم مع بعض
فواز :وانا اخوك ادرس باامريكا لي اسبوعين جاي
طراد : وانت متزوج متزوج ريم الجامحه
العيال استغربوا الاسم بس اعتبروه سر بينهم ممكن يساعد علي
طراد كمل:وانت تحبها حيل وسويت كثير اشياء عشانها
علي غمض وهو يحس ان كل اللي حكوه يعرفه بس ليش مايتذكر
كملوا العيال له يحكون له كيف كان بس ماقالوا وش صار معه قبل الحادث
٠٠
من ثاني يوم كتبوا له خروج وطلعوه من المستشفى وكانوا يساعدونه العيال لين ودوه بيت ابوه وسدحوه على السرير الطبي الموجود بالصالون وكانوا كل العايله مجتمعين حواليه
علي كان يراقبهم بصمت وهو يحاول يتذكر وساعات يصحى وساعات ينام قطع عليهم دخول راكان وهو ماسك الجوهرة من يدها وحذفها بنص الصالون سكتوا الكل وهم مفجوعين
وقف ابو عمر:راكان وش تسوي
الجد:ليش جايبها هنا قلنا بنحل الموضوع لا تزيد الامور عقد وعلي الحين تعبان مو وقت مشاكلك
راكان :بس انا ماني جاي عشان مشكله جاي اوضح حقيقه
ابو ناصر :وش قصدك
راكان وهو يرفع الجوهره :انطقي اشرحي
الجوهره وهي تبكي شرحت لهم كل شي صار وان علي كان ساكت عشان يسترها وان لما جاء معها كان خايف عليها زي خواته وهي وصيته تبلوه الصدمه عمت وجه الكل قطع الصمت طراد :قلت لكم مايسويها علي والله قلت لكم
راكان :انا اسف
وطلع وهو واخته مثل ماجو بعد ماتركوا الصدمه وراهم
الكل التفتوا على علي اللي يناظرهم ماهو فاهم شي ابو عمر اللي كان مو مصدق قرب من علي وهو يقول :انا اسف ي ابوي اسف ماصدقتك وصدقت اللي عادوك انا اسف
علي كان مصدوم من اعتذاراتهم له وهو مايدري وش السالفه
ابو طراد: ي جماعه تعوذوا من ابليس الرجال مايدري وش السالفه اصبروا لين يتذكر وبعدين تعذروا جلسوا وهم مو مصدقين كل اللي صار معهم والصدمات اللي يتلقونها وراء بعض تعشوا الناس وطلعوا من بيت ابو عمر وقاموا العيال وسحبوا علي وحطوه بغرفة الضيوف عشان ينام ويرتاح وطلعوا العيال فوق ينامون ونزلت ريم لعلي فتحت الباب بشويش وحصلته يناظر السقف وناظر الباب اول ما انفتح دخلت وهي تناظره عورها قلبها عليه كيف تعبان وكل ناحيه بجسمه توجعه
اما علي كان يناظر اللي دخلت وما يدري من هاذي بس قلبه كان يدق بقوه شافها تقرب وتمسك يده حس كل شي يوجعه وصرخ:اااه
ريم :علي وش فيك يوجعك شي
علي :مين انتي؟
ريم بابتسامه:انا الجامحه
علي فز قلبه الاسم مار عليه ويعني له بس مايتذكر شي : وش معناه
ريم : معناه العاصيه او الهاربه انت سميتني كذا والا انا اسمي ريم
علي اللي كان يناظرها وهو قلبه يدق :وش تصيرين لي
ريم وهي تحط يدها على قلب علي اللي كان يخفق بقوه :انا قلبك وانا حبيبتك وانا زوجتك
علي ارتجف قلبه وهو يسمع كلامها:بس انا ما اتذكرك
ريم :معليش انا معك بتتذكريني مع الوقت
علي سكت وهو يناظرها :بتظلين هنا
ريم :ايه ليش مضايقتك
علي :لا بس وين بتنامين
ريم :عادي على الكنب خلني اجرب شوي
علي :لا لا تعالي هنا بيوجعك الكنب
ريم :لا ارتاح انت
علي اللي اصر على ريم ما تنام على الكنب مايدري ليش خايف عليها ووده يتذكرها بس ما قدر
وخر علي بقدر المستطاع وخلاها تجي بجنبه ..
ريم اللي انسدحت مع علي وهي تضمه اشتاقت له حيل اشتاقت لحنيته اللي حتى هو فاقد الذاكره باقيه فيه اشتاقت لريحته ولشغبه ومشاكساته
غفت ريم وهي مبسوطه برجعة علي وعلي اللي كان قلبه يخفق وهو يتنفس ريحة عطرها ألمه راسه بقوه وتمر في باله اصوات وصراخ ومرت ريم بفستان الزواج في باله وكثير اشياء طرت له واختف
ت فجاءه علي كان يحاول يتذكر لين اذن الفجر مرت في باله بعض لقطات الاستراحه وابو مشعل ومشعل بس مايدري وش القصه
٠٠٠
صحت ريم على اذان الفجر وقامت تتوضي وتصلي وساعدت علي يروح الحمام وبعدين ساعدته ورجعته علي كان ضاغط على نفسه مايبي يوجعها وهي تساعده صلى وهو منسدح حسب ظروفه وبعدها جاء ابوه يشوف اذا فيه شي
طلع ابو عمر ونام علي وفي نومه كان يشوف احلام وكوابيس كانت جوهرة ابوه جده الكفوف اللي اكلها وريم والغرفه الصغيره والحادث فز وهو يصرخ وفزت معه ريم :بسم الله عليك وش فيك
علي اللي وجعه ظهره لما صرخ واوجعته رجله وكتفه وجلس يتلوى من الالم واللي زاد علي صداع راسه ريم كانت مفجوعه وراحت تركض تنادي عمها ابو عمر اللي دخل وشاف علي يون ويتلوى من صداع راسه حاول يهديه ويعطيه مسكن وبعدها غط علي في النوم من تأثير المسكن ريم كانت واقفه وتبكي ابو عمر:وش صار ؟
ريم :كان نايم وشكله يحلم صحى وهو يصرخ وفز على كتفه وظهره واوجعوه
ابو عمر :بسيطه تلقين مر عليه شي من ذاكرته
سكتوا وكلهم خايفين من علي اذا رجعت ذاكرته وتذكر وش صار فيهم قبل الحادث بدر نادى من برى وقال ان فيه ضيوف لعلي طلعت ريم ودخلوا الضيوف وحصلوه نايم وراحوا جاء بعدهم طراد اللي اول ما قال له ابو عمر وش صار فيه وهو خايف على علي من الذاكره اللي بيتذكرها تجمعوا عنده مثل كل يوم والعيال يحاولون يذكرونه بمواقف حلوه علي اللي كان ساكت بعد ماداهمه صداع مع بعض المواقف المزعجه بالنسبه له غمض عيونه وتذكر الفرس وريم والمرجيحه فتح عيونه وهو يناظر فيهم واحد واحد وقفت انظاره على جده شوي وبعدين تذكر الكف وغمض عيونه صد وهو يكمل بنظره على الباقين شاف عمر والعيال جالسين مر عليه مواقف كثيره ومنها موقف المسبح ناظر طراد ومر عليه موقف الشاهي والقهوه اللي كبوها على بعض
داهمه صداع قوي اقوى من الاول وصرخ علي وهو يمسك بيده اليمين راسه فزوا كلهم وفز ابو عمر اللي حاول يثبت علي اللي كان يصرخ من الالم واغمى عليه خافوا كلهم لكن تدارك ابو عمر وهو يرش المويه على وجهه ويحاول يصحيه بطرق طبيه
فتح علي عيونه من جديد وهو يناظرهم فوقه وكلهم ضباب رجع غمض وفتح وهو راسه يوجعه جلس وهو ساكت تذكر كل شي صار معه وتذكر راكان والجوهره واعترافها بالحقيقه واعتذار ابوه وريم اللي نامت عنده وطراد وعمر وكيف حكوا له كان ساكت وهو يناظر وجلسوا وهم على بالهم ماتذكر شي عمر اللي جلس جنبه:علي انت بخير
اشر براسه ايه ورجعوا العيال يحكون عن مواقفهم وكل واحد يجيب موقف اثر بعلي علي اللي كان متذكر بس كان ساكت وهو يراقب بصمت وبعد مده شافهم يمشون واحد واحد وهو كان ساكت وفاهم انه كان فاقد الذاكره من كلامهم وهم يعرفونه عليهم قرر يكمل ويسوي نفسه فاقد لانه مايبي يتذكر شي فعلا عن اللي راح تقدم طراد وهو يسلم عليه:انتبه على نفسك بكره انا جاي لك زي ذا الوقت وبحكي لك كثير اشياء يمكن تقدر تتذكر لا تتعب نفسك وارتاح وبعد ما طلعوا الرجال شاف شيخه جايه هي وفوزيه وريماس
شيخه:علي حبيبي اخوي انا شيخه ذاكرني كنت ابي انتقم منك عشان ربطتني بس ماجات الفرصه بس اخليك تقوم وبننتقم منك سلمت عليه وطلعت وهي تبكي كان نفسها يمسكها ويضمها لانه يشوفها الوحيده القويه ودمعتها تأثر فيه نادرا ما يشوفها تبكي
بدا المكان يفضى شوي شوي وشاف بدر جاي:علي حبيبي انا بطلع لغرفتي كنت بنام عندك بس المدام رافضه وهو يغمز له
مدري وش نيتها عليك اتوقع ختمه جديده ضحك بدر وضحك عبيد وعمر وسلموا عليه وطلعو جت امه : يامو علي حبيبي كيف صرت كيف حاسس حالك ان شاء الله منيح
علي اشر براسه انه بخير باست امه راسه :تشكي الاسي يا امي الحمدلله اللي جبر بخاطري ولا ذوقني فراقك كنت طول ليلي بدعي الله والحمد لله استجاب لدعائي الحمدلله
ابتسم علي وهو يشوفها تقوم وتروح واستاذن ابوه وراح بعد ما شيك عليه تماما شاف نجلا وريم داخلات ويبتسمون حطت نجلا الاغراض اللي بيدها وجت تضمه :وحشتني حيل ي اخو نجلا والله البيت مو حلو بدونك ولا الدنيا بكت وهي تضمه :الله يخليك لا عاد تخوفنا كذا
علي اللي مسح على راسها :ان شاء الله
نجلا ضحكت وبعدت:جايبين لك حاجه تحبها حيل ونبي نجلس نسولف عليك لين تمل منا
ابتسم علي وهو يشوفهم جايبين كورني فليكس وحليب وحطوه قباله وسوا نفسه مايدري :اش ذا ..
نجلا جلست :هذا الله يسلمك فطور وبعض الاحيان عشاي وانت كنت تحاشرني عنده وتاخذه مني. وتاكله اليوم تنازلت لك عنه
ابتسم علي وهو يشوف ريم جت ومسكت راسه:كيف راسك احسن
علي :احسن
جلسوا يسولفون عليه وهو منسجم ويسمع حكيهم وهايم في ريم اللي كانت تسولف بحماس اول مره يشوفها كذا وكانت تحكي له وش سوا في شيخه بالمزرعه
٠٠٠٠
بعد ساعه من السوالف استأذنت نجلا : يلا تصبحون على خير انا بروح انام شهور مانمت زين
طلعت
التفت علي لريم اللي كانت تجمع الاغراض :وش قصدها مانامت شهور
ريم حطت الاغراض وجلست قبال علي :هذا الله يسلمك من الليله المشؤومه اللي درينا فيها بخبر حادثك والعا
لم مستنفره والناس اللي ماعمرهم بكوا بكو بطريقه عجيبه واشياء ماتتخيلها صارت ولا غمض جفن اي واحد في العايله زين ولا جفت عيونهم من البكى طبعا بأستثناء اللي اغمى عليهم واللي ارتفع الضغط وحوسه الله لا يعيدها ومن وقف قلبك وقالوا انك مت الله لايعيد ذاك الطاري لا تسأل وش اللي صار ابدا بيضيق صدرك لو عرفت
علي سأل وهو يسوي نفسه مايعرف :لذي الدرجه كانوا يحبوني
ريم :اوووووه هووووه لا تسأل انت كنت متصدر قلوب الجميع من جدي حاكم ألين راشد الصغير
علي سكت وبعدين سأل وهو مستمر في التمثيل :كم صار لنا متزوجين
ريم : لذا اليوم صار لنا شهرين الا شوي يعني بعدنا عرسان
علي كان يسأل وهو يختبر ثقته في ريم هل بتكسرها او لا :ليش كانوا يعتذرون مني برا ومن البنت اللي جات مع رجال وقالت كلام كثير وكانت تعنيني
ريم بضيق:ذي سالفه طويله عريضه ولو دريت بها بتضيق ذكرى سيئه يعني
علي ضاق بس مابين :طيب احكي لي عن حياتي معك كيف كانت الين قبل الحادث
ريم :ابشر اودي ذي الاغراض وارجع اسولف لك
علي :طيب
طلعت ريم تودي الاغراض وغيرت ملابسها بلبس مريح اما علي كان يفكر هل ريم بتكذب عليه وتحكي له شي عكس حياتهم او بتقوله كل شي دخلت ريم :رجعت
ابتسم علي وجات ريم وجلست جنب علي وهي معطيته وجهها :شوف قبل احكي شي يمكن تقول حياتك كانت فيلم او تقول ذي كذابه او تقول مجنونه بس هاذي حياتك
ابتسم علي وكملت ريم:قبل ٤ شهور جيت انت وخطبتني طبعا انت تصير لي ان ابوك ولد عم امي الله يرحمها
علي مستمر في التمثيل:امك ميته ريم:انا ابوي وامي ماتو من١٥سنه تقريبا في حادث وانا ربيت عند جدتي وخالي
علي :اسف
ريم : لا عادي انا صار لي ام وابو واخو
علي :كيف
ريم:انت انت صرت كل شي لي
علي اللي مو مصدق الكلام بس سكت وعدى السالفه وكملت ريم :جيت خطبتني طبعا انا كانت عندي عقده من الرجال بصفه عامه وكنت اكرهك واخاف منك
علي:ليه عندك عقده وليه تكرهيني
ريم بضيق :يعني كنت اسمع عن علي وعصبيته علي وان اول خيار عنده الضرب ومايتفاهم وووووو كلام كثير يخوف عنك مع اني كنت صاحبه نجلا وشيخه اللي يموتون عليك الا اني كنت اخاف منك واكرهك اما العقده كانت بسبب خالي وولد خالي
٠
سكتت شوي وكملت معاناتها مع خالها وولده وهي تداري دموعها وقالت له كل شي سواه عشانها وحكت له حكايتها من إلى بدون ما تستثني شي او تخفيه وصلت عند الليله المشؤمه: طبعا انت طلعت وانت ضايق وكنت استناك ترجع ابغى اعتذر منك وابغى نبدا حياه جديده بكل ثقه ومافيها تعب كفايه عليك اللي مريت فيه بس قبل توصل وصل خبر حادثك ..سكتت ريم وهي تمسح دموعها وتشوف وجه علي اللي مافيه اي تعبير وكان ساكت وقالت:انا اسفه يمكن ضايقتك بس هاذي حياتك اللي معي ادري سيئه لكن
علي كان ساكت وسرحان وهو يسمعها تحكي كل شي. بالضبط وتحكي شعورها كيف كان ودها تصدقه بس خوفها يمنعها وانصدم من كلام الجوهره اللي قالته لريم وضاق بزياده ومن طاري ذاك الليله ضاق قلبه وزعل بس ابتسم على تعبير ريم لها وانها ما كذبت عليه وحكت له كل شي بالحرف ولا استثنت شي وكيف كانت ندمانه وكيف تحاول الحين تداريه سكتت وهو يناظرها تمسح دموعها كان نفسه يضمها ويقول حصل خير وانا معك لو تذبحيني ما ازعل عليك بس وقف وهو ناوي يشوف بعد وش ممكن يصير طفت ريم النور وهي تقول:اتوقع كذا كفايه عليك ذكريات سيئه نام وراك بكره ضيوف كثير
ناظرها علي وهي تحط لحافها على الكنب وقال:وش تسوين
ريم :بنام ولا تحاول تعترض
علي :الا بعترض تعالي نامي زي امس فيه مكان
ريم :لا من جد لا اخاف اوجعك
علي :تعالي ي بنت الحلال ما بتوجعيني انا خفت الامي
ريم حاولت ترفض بس كالعاده كلام علي هو اللي يمشي
بعد لها مكان وهو مشتاق لها من جد جات ريم وانسدحت جنبه وهي متحفظه شوي عجز ينام علي من المواقف السيئه اللي صارت له ولا هو عارف كيف يتصرف معها وكيف بيبدا من جديد
بعد تفكير طويل نام علي وريم بعد ..
عند طراد اللي كان يحاول يجمع بعض الاغراض اللي تذكر علي بشي وكان يحوس في غرفته دخل عليه ابوه :طراد وش تسوي
طراد:جالس اجمع بعض الاغراض اوريها علي بكره يمكن يتذكر شي
ابو طراد:لاتتعبونه خلوه يتذكر براحته
طراد بضيق :يعز علي يبه اشوف علي بذا الضعف ومستغرب من اللي حوله وهو كان يسيرهم كلهم يضيق صدري اذا شفته مستغربني بعد كنت اسوى عيونه اموت قهر لا شفت سكوته وهو اللي كان صوته يغطي على غيره... سكت وخنقته العبره
ابو طراد وهو يمسح على ظهره :حكمة الله يا ابوي حكمة الله ماتدري لو هي رحمه من ربي انه ماتذكر كل شي وضاق وانتكست حالته
طراد وصوته بالقوه يطلع :خايف عليه من ذي الذكريات السيئه اخاف يتذكر ويتعب والله ي يبه قلبي ماعاد يتحمل اكثر من كذا اخاف يروح مني مره ثانيه اخاف افقد اخوي مره ثانيه ...انقطع كلامه لما اجهش بالبكى وابوه يواسيه ويحاول يداريه
وبعد نص ساعه هدا طراد وقال انه بينام وطلع ابوه ورجع طراد يجمع الاغراض من بينها الكاميرا اللي كان يصور بها هو وعلي كل رحلاتهم وطلعات
هم شغلها وهو يناظر صورهم وفيديوهاتهم ودموعه ما وقفت قفلها وحطها جنبه ونام
٠٠٠
ومن بكره الصبح اخذ ابو عمر علي للمستشفى عشان يعاينون حالته الاخيره شافوا ان حالته الحمدلله كويسه وخفت الرضوض اللي بجسمه وخفت الامه وشالو الشاش اللي براسه وحطو لزقه على الجرح اللي بجبينه لانه بدا يطيب وفكوا الشاشات اللي بصدره وجروحه بدت تطيب ولا بقى عنده الا كتفه المخلوع اللي بدت ترجع شوي شوي واصابع يده المكسوره ورجله ساعده ابوه يلبس ملابسه وبعدين ساعده يطلع وهو على كرسي متحرك رجعه للبيت واستقبلته امه وريم ونجلا واريام ونوره
ام عمر :لك يئبرني على هالجمال ايه هيك هه شوفوا ابني ما احلاه وهو شايل الشاشات عنو يالطيف شو حلو
علي ابتسم وجات نوره تسلم عليه:لااا اليوم طيب ومافيه شي
نجلا وهي تقرص خدوده :ايييه بسم الله عليه نور بيتنا جعله مايشوف الشر بعد اليوم قولوا امين
الكل :امين
قطع عليهم دخول شيخه وابوها وامها وفواز : سلام عل.....
صرخت وهي تشوف علي بانت ملامحه وخفت الشاشات :علييييييي شالوا شاشاتك ..
وجت تركض وضمته وصرخ علي بوجع لما عورته بكتفه
فواز وهو يسحبها :الحين بيرجعون الشاشات من وراء ضمتك المخيسه وخري لا توجعينه
ونزل يسلم على علي :جعل اخر وجعك ي اخوي
ابتسم علي وهو يشوف شيخه تقرص فواز وهو يطقها ومشاكساتهم رجعوه على سريره وبعد شوي جاء طراد واول ماشاف علي بدون شاشات ترك اللي بيدينه وجاء ركض وضم علي : جعلها اخر اوجاعك ي بعد اهلي جعلها اخر اوجاعك ..خنقته عبرته وبكى على كتف علي بادله علي الحضن وهو يحاول يداري دموعه بعد والكل كانوا متأثرين بطراد اللي كان مرح وحبوب من يوم حادث علي وهو مختلف ولا يشوفون الا دموعه ..بعد شوي هدا طراد وهمس علي بأذنه بخفيه من دون احد يحس (حاول تاخذني بغرفه لوحدنا بقولك شي)
استغرب طراد وجلس وهو مفهي ومنلخم مايدري اذا علي تذكر او لا جلس شوي يستجمع نفسه وبعدين قال:ابو عمر اذا سمحت ابغى علي شوي لوحدنا بحاول اذكره بأشياء
ابو عمر:حصل ي ولدي احنا بنروح الصالون وانت الله يعينك
طلعوا كلهم
وقرب طراد لعلي بعد ما قفل الباب:علي تكفى قول انك تذكرت تكفى قول
علي بدموعه على طراد اللي اشتاق له حيل :تذكرت ي اخوي تذكرت
جاء طراد بيصرخ من الفرح بس سكر علي فمه وطراد مستغرب وجهه كل دموع وعلي نفس حالته :وش بك ليش سكرت فمي
علي وهو يحاول يتكلم :من امس تذكرت بس مابي احد يعرف ابي اجلس شوي من دون ضغوط ابي اشوف الكل بدون تزييف وكذب
طراد وهو يبكي ويبوس يدين علي من الفرحه:ليش ماقلت لي ليش والله العظيم دنياي بدونك ماهي حلوه ي اخوي
علي وهو يمسح دموع طراد:وانا بعد يا اخوي والله ماقدرت اخبي عنك اكثر ابيك تساعدني وماتبين اني تذكرت شي
طراد :ولا تضيق ابشر سرك عندي
رجع يضم وهو بيموت من الفرحه ويشكر ربي ويحمده وهو يسمع بكى علي على كتفه وبعد شوي هدوا وركدوا وقال طراد:عشان مايشكون خل اوريك اللي انا جايبه منها نعيد الذكريات ومنها نقنعهم
علي :طيب
بدا طراد يفتح الصور والفيديوهات ومره يضحكون ومره يبكون
وقطع عليهم دق الباب طراد :مين
عبيد : فيه ضيوف لعلي
طراد :طيب
وبدا طراد يجمع اغراضه وعلي يحاول يكون طبيعي وطراد اللي كل شوي يلتفت لعلي ويضمه من الفرحه ماهو مصدق دخلوا الضيوف وكانوا من كبار الشخصيات كانوا يسولفون على علي وطراد علي كان عارفهم لكن كان ساكت وبعد شوي مشوا وتجمعوا العايله وجو اخوال علي الشاميين اللي قلبوا الدنيا مناحه
وبالقوه سكتوا بعد معاناه
الجد شوكت : لك شو هاد اللي صار فيك ي حبيب جدك ..
خاله عمر :مالك يمين علينا اول مادرينا جينا هيك اشه لفه ومانا عرفانين شو نعمل
علي ابتسم وهو نفسه يرد عليهم طراد اللي كان يراقب علي وحاسه مو قادر يكمل وهو يشوف كمية الضغط اللي عليه
اقتصرت السوالف على الكبار اما العيال كانوا هاجدين بغير طبيعتهم وعلي اللي كان ينام ويصحى من اثر المسكن وكان باين عليه التعب
٠٠٠
وبعد العصر كانت نجلا وشيخه جالسين بالمطبخ
شيخه:تتوقعين علي اذا تذكر اللي صار بيسكت
نجلا:مدري بس احسها ما بتعدي على خير وخصوصا ريم ماقصرت معه
دخلت. ريم :وش فيني
شيخه:فيك انك غبيه وبحاجة ضرب
ريم :ليه
شيخه:باللي سويتيه مع علي قبل الحادث
ريم وهي ضايقه:والله مو بيدي ركزوا شوي قسم بالله انعميت من غيرتي وخوفي
نجلا :معها حق ي شيخه
شيخه : واذا معها حق ماكانت تقارن كيف كان يعاملها
ريم : خلاص ي بنات
قطع عليهم دخول نوره وريماس وفوزيه وخالات علي
فوزيه :سلام وش تسوون
شيخه:نتقهوى تعالوا
جلسوا وهم يسولفون ويضحكون ..
..
عند العيال اللي كانوا متجمعين حول علي ويسولفون وعمر كان يصف عن هوشه لعلي زمان مع واحد :والله ما قصر فيه علوش رنه رن
خاله سامر: الك خرجوه الله لا يقيموه العمى ضربوه شو قوي عين
بدر :وازيدك من الشعر بيت جاء ثاني يوم مجمع شله وانجلد هو وشلته
خاله عمر:ولااك لك فيه حدا براسوه عقل بيتحركش بعلي ايه هاد مو مصلي على النبي وبدوا فركة اذن
طراعالم القصص والروايات 📚:
د:صادق ي عقيد
ضحكوا كلهم وهم يستعرضون مواقفهم واحد واحد وعند علي اللي يراقبهم وهو ساكت
٠٠
عند الجوهره اللي كانت ندمانه على اللي سوته وجالسه في بيتهم وهي تبكي وكل يوم تاكل علقه من راكان وصيته اللي كل يوم تمرها تتشمت فيها ومقهوره ان علي ما مات وراكان اللي ماكان له وجهه يمر علي ولا يجيه وطول الوقت جالس ضايق هو وامه
اما مشعل اللي كان مرتاح على اللي سواه بعلي ويحس انه وفاء بنتقامه وكفى كان طول الوقت مقابل ابوه المشلول وامه لا يروح ولا يجي وام مشعل اللي كانت تطبخ قهر وهي تسمع عن العزايم والافراح ببيت ابو عمر بعد ماخيم عليهم الحزن ولا فكروا ينادونهم وابو مشعل اللي حالته سيئه وهو يشوف ولده وزوجته غالبهم الحقد وهو اخر تفكيرهم واعتماده على ممرضه تجي كل يوم واريام اللي كانت تراقب الشبابيك وتحتري راكان اللي من بعد حادث علي والجوهره ماعاد بينهم ولا اتصال
٠٠
في الليل بعد ماخفو الزوار طلب علي انه ينام الانه يحس نفسه تعبان ولا يبغى احد يدخل عليه وكان بيجلس مع نفسه ويفكر بهدوء ويتخذ قرار لبو له طلبه وكان منسدح ويفكر وش نهاية حياته مع ريم وش بيصير فيه وكيف بيقدر يسامح اللي صدق فيه انه يخون الثقه ويلعب على الحبلين وكيف بيتصرف او يشرح وش وضعه وهل بيظل في بيت ابوه والا بيبعد عن الجميع
٠٠٠
وبعد اسبوع من الاحداث كانت الاوضاع زي وماهي وعلي مازال يمثل انه فاقد ذاكرته ومتخذ الصمت موقف له اتجاه اهله وناسه وريم كل يوم تحكي لعلي شي عن حياته هي ونجلا وشيخه
والعيال نفس الحاله كل يوم يستعرضون ذكرياتهم ومواقفهم مع علي بأمل انه يتذكر والباقين نفس السالفه والبيت ما يخلا من الزوار الرايحين والجايين وطراد اللي مساند علي قد مايقدر وهو مايدري وش النهايه ولا وش بيقرر علي
٠٠
عند علي اللي اتخذ قرار انه يبلغهم انه تذكر كل شي وبيعلن رحيله عنهم وبيأسس له حياه بعيده عن الكل وينقل شغله واللي اختص به لفرنسا ويستقر هناك وهو مقرر يطلع الكل من حياته حتى ريم لانه خلاص تعب تجمعوا الكل كالعاده ونادى علي طراد وقاله يسنده ويساعده يجلس على الكرسي بعد ما جبرت اصابع يده وكتفه تشافى ولا باقي الا رجله جلس على الكرسي وهو يتكلم بصوته الجهوري اللي من زمان ما سمعوه وقال :قدام كل شي انا مابي احد يقاطعني ولا يتدخل بقراري مهما كان انا من فتره رجعت ذاكرتي وتذكرت كل شي وتأكدت ان حياتي هنا ماهي الا تعب وجع وضيق ومشاكل لها بدايه مالها نهايه لذلك قررت اني ابعد عن. الكل وانقل شغلي برا وانتقل انا ولا ابي احد يتواصل معي ومن هاللحظه وهو يلتفت على ريم :انتي ي ريم طالق طالق طالق
ريم انفجعت والكل انفجع و وقفوا كلهم الجد حاكم :انت بعقلك ي ولد
علي وهو يلتفت :بعقلي بعقلي لا تخاف الكفوف اللي اكلتها علمتني ان ما احد لا احد
ابو عمر:علي تعوذ من ابليس
علي كمل :انا من اليوم مالي اهل .
.
سمع اصواتهم وهم ينادونه وينادونه ويحاولون يصحونه فتح علي عيونه على ابوه وهو فوق راسه وامه واخوانه وريم فتح عيونه وهو :انا وين انا وين
ابو عمر:انت عندنا ي علي انت عندنا وش صار لك ي ابوي ..
قبل ساعتين كان علي يحاول يقوم ويمشي على رجله وهو ناوي يبلغهم انه رجعت له ذاكرته وانه مسامحهم وبيبدا معهم من جديد بس رجله ما ساعدته وطاح واول ماطاح ضرب راسه بالكرسي واغمى عليه وصار يهلوس وتمر عليه كوابيس انه بيبعد ويتركهم وبيطلق ريم (وكل اللي صار قبل شوي مجرد كابوس لعلي ) ناظر علي فيهم وهو يقول :انا بخير انا بخير ريم وين ريم وين ريم
ابو عمر وهو خايف :هذا هي ريم جنبك
علي بهلوسه وهو شبه فاقد الوعي : لا تروح ريم لا تتركني انا مسامحها انا ابيها ابي رييي ....
وبدا يختفي صوته لانه رجع فقد الوعي وريم كانت تبكي والكل خايف نقلوه على المستشفى وقالوا انها مجرد ضربه اثرت عليه وانه كويس ورجعت الذاكره وفقدان الوعي كان بسبب قوة الضربه اخذوا علي ورجعوه للبيت والكل كان فيه وينتظرون قومته بالسلامه
٠
بعد نص سااعه
فز علي وهو يصرخ بصوته :رييييييم
فزوا الكل وابو عمر يسمي عليه :علي بسم الله عليك علي اذكر الله يا ابوي ريم هنا هنا ما راحت
علي وهو يتنفس بسرعه ويتلفت يدور ريم شافها واقفه ويدها على فمها وباين انها تبكي انسدح علي بعد ماشافها وهو يهمس لابوه بتعب :لا تبكي ريم يبه لا تبكي
ابو عمر :ابشر ابشر يبه
الكل كانو يناظرون وساكتين وهم يسمعون همس علي اللي كان كله عن ريم بعد ساعه استعاد علي وعيه كامل وهو يناظر حوله شاف الكل يسلم عليه ويتحمد له بالسلامه كان يبتسم ويرد عليهم وبعد السلام جاء الجد حاكم وهو يضم علي :انا اسف ي جدك اني صدقت فيك بس ا....
قاطعه علي وهو يقول:انا مسامحكم كلكم وادري صدقتوا غصب عليكم ولو انا محلكم صدقت مابي احد يعتذر خلونا ننسى ذا الجزء السيء مابي اتذكره ابد مابي
كلهم لبو رغبته وحاولوا يتناسون الموضوع وقامو يخبرون عني عن اللي صار معهم وش اللي صار وكل واحد يسابق الثاني بالحكي وكل واحد يطقطق على الثاني
عمر وهو يأشر بعيونه على
عبيد:والله ي علي ما توقع فاتك شي بحياتك كثر مافاتك بعض الناس اللي ماتوقعته يتأثر بس لو تشوفه فاااهق طول الوقت وهو يبكي تقول جواه خزانات ماهي دموع وعلى بكيه وحده طول الشهر اللي راح
عبيد وهو يضحك:اصلا كنت ماني مستوعب كمية الحريه اللي بعيشها ومابلقى احد يطقني ويهزأني كل ساعه
الكل : هههههههههههه
بدر وهو يضحك:قول كذا اقول صح ماتوقعت كل ذا الدموع عشان علي
ناصر:اتركو عبيد على جنب حنا قامت عندنا القيامه في البيت والله ي ناس عندنا ماكنت تدل وشهو البكى والشهر اللي فات ماسكتوا لا بقى مناديل ولا مناشف ببيتنا من كثر الدموع انا رحت اشتري لي قارب قلت كود نغرق
ضحك علي وهو يلتفت لشيخه اللي تحلف من بعيد والكل ضحكوا عليها : هههههههه
عمر :لا لا باقي باقي واحد كان نفسي بس اشوف شكله وهو ضايق والا زعلان والا حتى يبكي لكن يوم شفته ندمت ماتوقعته شين لذا الدرجه
علي ضحك وهو عارف انه يقصد طراد
بدر :الشاهد الله انه شين بالحيل لا تسأل ي رجل طول الوقت كان جالس قدام بااب الغرفه وملطم وجهه منفخ وعيونه وصارت مثل الفناجين واذا احد مره والا كلمه بكى
ناصر :في ذمتي انك صادق اصلا كنت اسأل كل واحد يطلع بوجهي الا هو
طراد اللي كان ساكت ويطالع فيهم بطرف عينه: قول والله انت وياه هذا اذا دل دل على نحسك انت وياه وش تبوني اسوي هاه ارقص والا جيب قهوتي واتقهوى
فواز:بسم الله عليك وش بك عصبت
عمر وهو يضحك:لا تستغرب هاذي حالته له شهر يقلب من اصغر كلمه عقب ماكان مايسكت من الضحك ..
علي وهو يضحك وحذف المخده اللي جنبه على طراد:تعلموني فيه ترااااه شين لا يغركم الضحك والسوالف ترا قلبه على الرفرف راحمه ربي اللي معطيه طولت البال والتطنيش والا كان كل يوم ننقذ امه وابوه من الفيضانات اللي بتصير بسبة دموعه
طراد :الشرهه موب عليك على اللي يبكي عشانك لو اني داري انك بسبع ارواح وبتعيش ما بكيت كان سحب
علي وهو يناظر فيه :عيني بعينك اشوف .
الكل :ههههههه
عمر : افا ي طراد اثاريك مو شي وانا اللي كنت بناسبك
طراد:يوم النحس اللي بناسبك فيه
وكملوا سوالف والضحك والطقطقه ومره مع علي ومره عليه
٠٠٠
وبعد ماتعشوا وخلا البيت منهم طلع علي يبي يرتاح ويعيش حياته الاولى بخيرها وبشرها وساعده بدر لين وصله سريره ومشى وكان علي مشتاااق لريم بمعنى الكلمه له يومين ما شافها ولا مرت عليه بسبب الرجال والضيوف بعد خمس دقايق دخلوا نجلا وشيخه وريم
شيخه: كيفك ي معلم شو عامل تئبرني
علي وهو يضحك:منيح ي ستي شو عامله انتي سمعت انك غرقانه بدموعك شو صااير معك
شيخه وهي تضحك وتضرب على راسه: ابد احسب انك بتموت مازوجتني انت تقول بتزوجني
انفجر علي ضحك هو ونجلا وريم علي وهو يضحك: لا تخافين ي العانس مابموت لين ازوجك ..
🍒ــــــــــــــــــــــــــــــــــــ🍒
#الـى_هنا_ينتهي_الجزء_الـ8⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼