الفصل 7
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_السابع🌱
🍒ــــــــــــــــــــــــــــــــــــــــــ🍒
شيخه:اسمعي روحي نادي عمو علي قولي يبغونك جوا اذا قال مين قولي ريم
حور : طيب
ريم:يوه ي شيخه مالي دخل
فوزيه :ريم ترا الوضع عادي قومي اخلص
اصروا عليها وقامت وهي خايفه يكشمها او يرفض
٠٠٠٠
عند الشباب كانوا داخلين جو وضحك وغناء وسوالف وعلي وطراد متصدرين كالعاده قطع عليهم حور:عمو علي
طراد : ي جعلني عمو انا
حور : ابيك
علي : الان
وراح معها وقالت له ان ريم تبيه ولحقها شاف ريم ..
علي : هلا هلا هلا ابوووي
ريم :هلابك
علي وهو يناظرها: وش بك تناظرين كذا
ريم : انت جاي تمشي لين هنا بذا المنظر
علي:ايه ليه
ريم : علي انت تمشي وفيه حريم
علي: ومن الحريم كلهم محارم
ريم: لا ي قلبي جوهره ماهي محرم وخلود ورهام
علي :ي قلبي انتي رهام زوجة اخوي وخلود بعد زوجة اخوي وجوهره حسبت اريام ونجلا
ريم:حت....سكر علي فمها بيده
علي وهو يلف المنشفه عليه :وهذاني تسترت رضيتي خلاص فضي السيره
ريم وهي تبتسم :ايوه كذا
علي:المهم امري وش بغيتي
ريم تذكرت ومسكت يده بحركه عفويه :علي تكفى تكفى قول تم ولاتردني
علي اللي كأن ضربه كهرب وهو يشوفها تترجاه وماسكه يده خفق قلبه وبلع ريقه وسحب يده وهو يجمع نفسه: تم وش تامرين فيه
ريم اللي حست انه نبرته تغيرت وبدا يعرق ويمسح جبينه :وش فيك
علي:ولا شي انتي قولي وش بغيتي
ريم:ايه دخيلك نبي نسبح عبي لنا مويه جديده وقول لرجال ان نحنا فيه عشان مايجون
علي اللي بدا يستوعب نفسه :ي ريم ي حبيبي الحين الساعه ٢ من الليل وش الطاري وبعدين العيال فيه
ريم:ايه احسن عشان ما احد يزعجنا واذ خلصوا العيال تعبي المويه دخيلك ي علي دخيلك لا تخليها بخاطري
علي اللي فعلا بد يفقد اتزانه : شوفي انا كنت ناوي ٩٠٪اني ارفض بس مع ذا الاسلوب معليش مقدر
ريم:يعني كيف
علي: يعني قد قلت لك طلباتك اوامر واستني يطلعون العيال واعبيه لكم واناديكم
ريم وهي تصفق .بروح اقول للبنات وجت بتلف ومسكها علي
علي:تعالي تعالي
ريم :هلا
علي: اسم انك طلبتيني واسم اني وافقت المفروض وش تسوين
ريم:اش اسوي
علي: تشكريني
ريم تفشلت :شكرا
علي :انا اخوك انا
ريم :ليه
علي :صرت عشرين مره قايل لك انا ما تسلمين علي ولا تشكريني ولا تودعيني برسميه
ريم: وش اسوي طيب
علي وهو ينزل راسه عليها بحكم طوله اللي يفوقها بكير وريم بطولها بالقوه توصل نص صدره : اول شي تبوسيني طيب وبعدين تشكريني بكلمه تفتح النفس وخلاص
ريم وهي تتكتف: ماشاء الله شروط واحكام
علي: ايه في مانع اجل انا ما استاهل
ريم وهي تمسك المنشفه اللي رجعها على رقبته:اممم من ناحية تستاهل تستاهل لكن
علي: لكن ايش
ريم قربت وباست خده :شكرا كذا اوك
علي : لا مو اوك
ريم فهمت ودفته وراحت ضحك علي وراح وريم رجعت للبنات وقالت انه وافق
شيخه وهي تغمز:غصب عنه بيوافق وهو يشوف الدلع كله
ريم. مافهمت وسكتت
اما علي اللي رجع للعيال ونزل بمسبح وهو يبتسم ..
عمر :علي علي شوف فوق
علي رفع راسه:وشو
عمر وهو يضحك: ابشركم ي عيال داحرين الشيطان اليوم
العيال: هههههههه
علي: ي ويلكم من الغيره ي ويلكم ههههههه
ناصر قررب من علي :علي خلك ثابت
علي فهم قصده وغطس بالمويه وهو يسوي نفسه يغسل وجههه هو مافيه شي بس كذا يستهبل عليهم
بعد نص ساعه طلعوا العيال قالهم علي ان البنات بيجون وغير المويه وراح وهو لاف المنشفه عليه عشان مايعلق مع ريم ثاني مره طلع فوق لغرفته اللي كان جده معطيه اياها هو بالذات من بين كل العيال لانه يحبه ومسويها من احسن شي عكس العيال اللي ينامون بالمجلس دخل يتروش وطلع ولبس البيجامه توجه لسرير جات ريم
علي:ترا عبيت المويه وقلت للعيال يعني خلاص روحوا لها
ريم:يعطيك العافيه انا بلبس وانزل
علي :وين على الله
ريم :للمسبح
علي :قبل تعالي المسبح توه ما جاء ربعه مطول يعبي
ريم كانت تمشي: وش بغيت
علي سحبها وجلسها وحط راسه على رجولها: قولي لي حكايه زي امس لما قلتي لراشد وقوليها وانتي تلعبين بشعري
ريم: علي اكيد تمزح بتفهمني انك غيران من راشد البزر
علي:ومن قالك ان راشد بزر وبعدين وش فيها اذا حكيتي لي حكايه اصلا حطي في بالك كل ليله بتحكين حكايه
ريم ضحكت وهي تمسك شعره وتحكي له حكايه ما طولت عشر دقايق وغط علي بالنوم حطت المخده تحت راسه وغطته زين وهي تراقبه سبحان الله شخصيته من جوا غير راحت للبنات وقالت لهم
نجلا:وراك طولتي
ريم وهي تضحك: لا تسالين اخوك انلقب بزر
نجلا :ليه
ريم: امس جاء راشد بينام مع علي واصر ان علي يحكي له حكايه وعلي كان تعبان قلت له انا بحكي له واليوم يقول اجلسي احكي لي حكايه لين انام مثل راشد
شيخه انفجرت ضحك
ريم وهي تضحك: شايفين كيف
شيخه وهي تضحك: اما حكايه ويغار من راشد عز الله استخف اخوي ..
نجلا:ههههه قلت لك علي غيور وبزر بعض الشي
ريم: امانه لا تجيبون له طاري طيب عشان مايقول هاذي بس تتكلم
شيخه ونجلا يضحكون:لا ماعليك ما بنقول
وراحوا المسبح ولقوا باقي البنات هناك وطبوا سوالف وضحك
وصراخ وكل شي
٠٠
عند بدر اللي انجلط من اصوات البنات وهو من النوع اللي يصحى على الهمس ولا ينام بسهوله حاول حاول مافيه فايده قام وتوجه للمسبح وكان بيدق القزاز وينادي نجلا ويقولها يرخون صوتها بس سمع نوره اخته تقول:ان شاء الله بزواج بدر
شيخه: هههههه نوره حبيبتي انا بتزوج وازوج عيالي وعيالي بيزوجون عيالهم وبدر باقي يبحث عن عروس المستقبل
نجلا: ههههههههه ي شيخه بدر رايق يبي وحده رايقها كلامها بهمس ونعومه وماينسمع لها حس ومالقاها للحين
شيخه:ولا بيحصل قسم بالله انه انسان فاضي ماوراه شي في الحياه
ريماس:ليه
شيخه: ياختي احسه عايش كذا من دون شي ماله تفاعل ابد الا وين ويين
نجلا :لا يغرك صح ساكت بس لا تكلم يسكت اللي حوله
فوزيه :صح غريب عن اخوانك كلهم منتهين واضحين ولهم تواجد الا هو
شيخه:احسه الساكت الناكت وراه مصايب وقولوا شيخه ماقالت احس اللي بتتزوجه منكوبه احسه يطفش دايم ساكت ماله حركه
بدر اللي يسمع كلام شيخه بالحرف ويعرف صوتها رجع وهو يقول بنفسه(جنيتي على نفسك ي المنكوبه اعلمك الساكت الناكت وش بيسوي )
راح انسدح وهو يفكر وغط بعد ما سمع اصواتهم خفت وشكلهم راحوا
٠٠٠
من بكره الصبح العيال كانو صاحين من الساعه ٨ لما صحوهم الشياب وهم كل واحد مايطيق الثاني يبغون النوم وعلي كان نايم في غرفته
الجد حاكم:عبيد قوم جب لي الدله
عبيد :ان شاء لله
عمر:جدي ورا ما تقوم علي زينا والا ناس وناس
بدر : اي والله حنا ننكرف وهو ينام
طراد اللي كان متكي على بدر:فعلا هذا اضطهاد ومانقبل به
ابو طراد :وانت من قالك اقبل قم تعدل وانت ساكت
طراد: تمون يبه تمون "
"
تعدل وهو يشوف العيال كل واحد وجهه يجيب الضيم
بعد شوي دخل علي :صباااح الخير
الشياب بس :صباح النور
علي وهو يناظر العيال: خير وش بكم ردوا اقل شي
عمر :اقول امشي انطق وانت ساكت نايم لين الظهر في المكيفات وجاي يقول وش بكم
ناصر وهو متلطم:وزد عليها نايم عند المدام
بدر: ويصحى على الكلام الحلو والهمس وحنا نصحى على مويه وعصي وقرف
علي :بسم الله وش بهم ذول كايشين
طراد: اللي يده في مويه مو مثل اللي يده في النار وش بهم ذول
صاحين من صبح الله ونكرف وبدون مكيفات وسهرانين وبنموت من الجوع عشان حضرتك تصحى ويحطون الفطور ونتسمم مع بعض
علي : وجع وانا وش دخلني شايشين علي كان صحيتوني معكم
طراد وهو يقلده:كان صحيتوني معكم احد يقدر يقرب لغرفتك انت والا ماكان وفرناك
عمر: ماشاءالله عنده محامين وجيوش
علي:تكلم عدل انت وياه
ابو عمر وهو يضحك:شايشين عشان ابوي ما رضى يصحونك ولما راحوا يصحونك بالسر رفضت عمتك ساره وامك
علي:ههههه الله يحميني من عيونكم
عمر:الله ياخذ عقلم عشان نرتاح ..
حطوا الفطور وافطروا العيال وهم خلاص بيموتون وبعد الفطور
الجد حاكم:بدر قوم صب لنا القهوه ي ابوي
بدر:وشو وعبيد وعلي جالسين وانا اصب
ابو عمر: مابتموت قم
بدر :علي لا تزودها وقم صب القهوه ترا طفح كيلي منك
علي: والله لو هم طالبين مني كان من عيوني بس طلبوك قم انت
ابو عمر:قم ي علي
بدر:تستاهل
قام علي وشال الدله الجد حاكم:والله ما يصبها الا طراد
طراد اللي كان شبه غافي فز:نعم وش دخلني انتم قلتو بدر
الجد حاكم:نبيك انت تقهوينا
طراد:مايصير ابدا مايصير انا ضيف كيف تهيني
حذف ابو طراد عليه المنديل:اقول قم بس
قام طراد وهو مغبون صب للكل ويوم قرب لعلي تعمد انه يصب شوي من القهوه على رجوله وفز علي :الله يصيبك
طراد :معليش والله تعب النوم
علي :تعب النوم هاه ..كب الفنجان اللي في يده على طراد وكان دافي
طراد اخذ فنجان شاهي كان من زمان مصبوب وبارد وكبه على راس علي وبدت الحرب وهرب طراد وعلي وراه باابريق الشاهي كله اللي كان دافي وكبه عليه واستمروا
٠٠٠
اما البنات اللي كانو يتقهوون ويسولفون
شيخه:وش بها الجوهره ماعاد تجلس معنا
ريم:مدري
نجلا:يمكن تعبانه
نوره :توي قابلتها مافيها شي
شيخه :اشوفها صايره تجلس مع صيتوه
نجلا : ايه
فوزيه:الله يستر منها
شيخه :نفسي اسوي شي بصيته بس مدري ايش
نجلا :اي والله
ريم :ليه ما تخرعونها
شيخه :قد سويناها معاها
خلود :اتركوها ي بنات فكونا منها
شيخه:لا لا ضروري نسوي شي
جلسوا يفكرون بشي ..
اما عند العيال اللي هجدوا بعد ما هزأهم ابو طراد وراحوا يتروشون
علي دخل الغرفه وحصل ريم تكلم وبدا ينزل ملابسه ريم صرخت وهي تسكر الجوال :وش تسوي ي مجنون
علي :بنزل ملابسي
ريم :تنزل ملابسك هنا نزلها في الحمام الموكيت بتخربه
علي ضحك وراح يكمل في الحمام وتروش وطلع وحصلها مجهزه ملابسه وواقفه تعدل شعرها عند المرايه
٠٠
عند شيخه اللي طفح كيلها وهي تنادي في ريم طلعت وهي حالفه تصفقها وفتحت الباب وصرخت بكل صوتها :رييييم
ريم اللي فزت والتفتت على الباب وعلي اللي كان واقف شاف شيخه انحرجت رجع
ت وسكرت الباب وهي تدقه : ادخل
سمعت ضحك علي من ورا الباب وهو يفتحه : ادخلي وبعدين وهو يشد اذنها دقي الباب دقي الباب ..
شيخه: فكني بس وانتي وجع متى قلت تعالي لازم كل الناس يدرون اني اناديك متخلفة
علي وهو يلف يدها ويشد شعرها : وش عندك تصارخين عليها ومن المتخلف
شيخه: يالليل علي فكني ي بزر مو اطيب لك ترا
علي:اوووه وش بتسوين
شيخه وهي ترفس فيه :يووه ي علي فكني
علي :اذا قالت ريم فكها افكك
شيخه :الله ياخذك انت وريم معك
علي :ماشاء الله تعالي تعالي
طيحها على الارض وثبتها وهو يقول لريم جيبي طرحتك
ريم:ليش
علي :ريم عجلي
جابتها وثبت يدين شيخه وربطها ورا ظهرها ووقف جاب السكارف تبع ريم وربط رجولها عشان ماتقوم :ها شيوخ وش بتسوين
شيخه:والله لانتقم بس صبرك علي والله
علي شالها:ريم شوفي طريق
شافت ريم الطريق ونزل علي وهو يتنحنح ودخل الصاله وحط شيخه بالنص والكل يضحك واخذ ريم بيدها وطلع وهو يضحك على شيخه وريم تضحك
٠٠٠
عند العيال كلهم انصرعوا نوم والشياب ناموا هم بعد كان الجو حلو وشوية مطر وغيوم ماكأنه الظهر
اخذ علي ريم وراح بها على الاسطبل اللي فيه الجامحه فرسه اللي كان لونها اسود بلمعان
ريم :الله فرس ي علي
علي وهو يمسك لجام الجامحه :تدرين وش اسمها
ريم : لا
علي :هاذي الجامحه
ريم وكأن الاسم مر عليها: وش معناه
علي :معناه الهاربه او العاصيه
ريم:وليش سميتها كذا باين هاديه
علي: لا هاذي اول ما اشتريتها كانت عاصيه حيل وتعبتني وكسرتني وماقصرت معي بالقوه روضتها وتعودت علي والحين صارت تعرفني ولا تعصاني
ريم: انا قد سمعت الاسم
علي ضحك:قد ناديتك فيه
ريم: ايييه صح تذكرت
علي :انتي كذا جامحه وعاصيه تعبتيني حيل لكن اقدر اقول اني شبه روضتك
ريم ضحكت على تشبيهه :ههههههه وش اسوي كان لي اسباب
علي :هههههههههه ماعلينا بعدين نحل ذي السالفه تعالي الحين اركبك عليها وناخذ بها فره
ريم استانست وراحت ركب علي بخفه ومد يده لريم اللي كانت خايفه وعلي يضحك عليها حملها وحطها قباله وهو يمسك اللجام ويتمشى فيها ريم كانت ماسكه ثوب علي وهي خايفه تطيح لانها جالسه على جنب ورجولها في جهه وحده :علي اخاف اطيح
علي وهو يمسكها بيد ويد ماسكه اللجام:لا تخافين وانتي معي
كان يركض بها شوي وشوي يوقف ويهدي قطع عليهم صوت شيخه اللي تصارخ ورا:جعلك تطيح انت وياها ذابحتكم الرومانسيه طيب طيب
ضحكوا ريم وعلي:ريم تمسكي بقوه
تمسكت ريم وانطلق علي بالفرس ونط الحاجز وهو يركض ورا شيخه اللي راحت تركض بخوف وهي تدعي عليهم رجع علي للساحه اللي كان فيها والبنات يصيحون ويشجعون وصار علي ياخذ بكل وحده لفه وشيخه هناك تحلف فيهم
٠٠
بعد ساعه جات الخدامه تقول لهم ان الغدا صار جاهز وضروري يجون نزل علي عن الجامحه وتوجه بها لمكانها المعتاد وتركها فيه ورجع للبنات اللي كان هو متوسطهم وجنبه ريم يسولفون مع علي ومستانسين اول ما وصلوا نادى علي امه وعمته ساره
ام عمر:اهلين يامو شو بدك
ساره :علي وش بك
علي مسك ريم من كتوفها :شوفوا ريم امانه عندكم انتبهو لها من العانس اللي هناك تراها بذمتكم
ام عمر بزعل :شو هاد الحكي يامو عيب عليك تقول عن شيخك هيك
علي يضحك:عم امزح يامو شو بنا
ام عمر : ولو كان يامو مابيصير خطي يامو بتجرحا
علي:ابشري بس انتبهوا على ريم
ساره :ماعليك لا تخاف
ترك علي ريم عندهم وراح لقسم الرجال ولقاهم كلهم متجمعين على السفره راح يغسل ويجي جلس وهو يشوف العيال حالتهم مزريه كل واحد متكي على الثاني وعين مفتوحه وعين مسكره النوم لاعب فيهم ضحك على اشكالهم ولا علق خلقه حاقدين عليه لو بيقول شي بيكبون الصحون فوق راسه بعد الغدا رجعوا العيال ينامون وعلي يحاول يصحي فيهم مارضوا والشياب سوالفهم ماتعجبه اخبار وقرف
علي وهو منسدح في نص المجلس وهم حواليه كأنهم جثث :ي عيال يلا تكفون قوموا خلاص ماشبعتوا
بدر :علي قم فارق
علي:يلا عاد
طراد رفس علي برجله:قوم انقلع لمدامك وريحنا
علي وهو يحاول يستفزهم عشان يصحون : المدام مشغوله والا كان ماجلست عندكم ..
ما سمع تعليق لانهم فعلا ناموا وهو منسدح خطرت عليه فكره ونط وطلع وسكر الباب وراح يركض وراء الاسطبل كان هناك احواض ورود كثيره الوان واشكال دور علي لوحه خشبيه وحبال وكان فيه شجره طويله وكبيره وجلس يصلح مرجيحه لريم على الشجره وبعد ماقضى منها وثبتها صار يزينها بالورد وصار شكلها جميل تأخر وهو يسويها وتعب وهو يسويها ويزين فيها جلس لين المغرب
٠٠٠
عند العيال اللي صحوا العصر وهم يدورون علي شافو سيارته وخمنوا انه عند المدام على قولهم
بدر :راشد تعال
راشد :نعم
بدر: روح لعلي وقوله ترا العيال صحو وينادونك
راشد :وينه طيب
بدر :مدري شوف غرفته او شوف البنات يمكن عندهم
راح راشد دور علي وسأل عنه مالقى رجع
راشد:بدر مالقيته
طراد:وين راح يعني
راشد:مدري
راحوا يدورونه عند الاسطبل ماحصلوه ورجعوا ولقوا الجد حاكم مثل عادته مجمع الحريم والرجال مايدرون وش الفايده بس كذا
جلسوا
ابو عم
ر:غريبه وينه الملقوف ماهو معكم
بدر:مدري دورناه ماحصلناه شكله رايح مثل عادته للمزارع اللي جنبنا او المحطه
ابو عمر :غريبه مابين من بعد الغدا
وجلسوا يسولفون والسوالف مقتصره على الشياب والباقين مستمعين
قبل المغرب طراد:ما كأنه تأخر بزياده ..
عمر: تلقاه جاي خلاص
بدر:غريبه اول مره يغط زي كذا
٠٠
اما عند ريم اللي كانت جالسه بالصاله وهي تشوف شيخه زعلانه عليهم وماتجلس معهم وضحكت عليها
ام عمر :ريم ي عمتي ما إجا علي لسى
ريم :لا ي عمتي ما جا مدري وين مختفي اتصل عليه مغلق
اقبلت عليها الجوهره
ريم :هلا الجوهره وش فيك تناظرين كذا
جوهره بحقد:مكسور خاطري عليك
ريم :ليه
جوهره بتشمت :فوق انك يتيمة مغدوره من زوجك ويخونك ي حياتي وانتي مالك اسبوعين
ريم:كيف يعني
جوهره وهي تقرب :امممم ابد علي يحبني وانتي اخذك اجر وحسنه يكسب فيك اجر وحان عليك من اللي يسوونه فيك خالك ولد وخالك والا هو ماطق لك خبر ولا تزوجك الا بعد ماشيخه لعبت في مخه واقنعته
ريم :وش يخليني اصدقك
جوهره :اثبات كلامي انه لو يبيك او حتى يفكر فيك كان دخل عليك اقل شي وتمم عليك زواجه لا يغرك اللي يسويه مايبي يكسب ذنبه فيك
ريم :فارقيني بس
ضحكت الجوهره وراحت وريم خافت من كلامها كيف عرفت باللي سواه خالها ومحد درا الا علي ونجلا وشيخه وش دراها ان علي ما تمم زواجه منها انزعجت وخافت من كلامها انه يكون صدق دقت على علي ومارد
٠٠٠
عند علي اللي خلص وجاء ركض عشان ياخذ ريم ويوريها المرجيحه وكان مبسوط على اللي سواه راح لقسم الحريم وقابلته جوهره
علي بحسن نيه:سلام جوهره كيفك
الجوهره :تمام وانت
علي: الحمدلله جوهره شفتي ريم شي
جوهره (الله ياخذها):ايه جدي مجمعهم كلهم هناك
علي:اها وليش مانك معاهم
جوهرة تذكرت كلام صيته لها وسوت نفسها حزينه:انا عندي مشكله ماني قادره احلها وخايفه
علي بقلق الاخو على اخته:وش فيه وش صاير معك ؟
جوهره:مقدر اقولك
علي باصرار وهو عادها مثل خواته:لا لا مايصير قولي تراك زي اختي واخاف عليك
جوهره(زي اختك ي علي نشوف الحين زي اختك والا يختلف رايك ): طيب مو هنا اخاف احد يسمعنا واروح فيها .
علي بدون تفكير وهو خايف عليها طول عمره يحبها عشانها هاديه وبنت عمته ساره وعادها تماما مثل خواته ولايفرق بينهم وشايل همها وعلي من طبيعته يشيل هم غيره ويقلق :طيب تعالي نبعد شوي
جوهره بحيله :تعال هنا في المستودع عشان اقول براحتي
راح علي معاها وهو واثق تمام فيها :قولي وش فيه
صيته اللي كانت تراقب الوضع من بعيد وتقدمت باتجاه الباب
جوهره وهي تمثل البكي :انا
علي :وش فيك وش صاير قولي انا ملاحظ تغيرك بالفتره الاخيره
جوهره لمحت صيته تأشر لها عند الباب وشالت طرحتها ونقابها وعبايتها وهي تضم علي:انا احبك انا ابيك اترك ريم وتعال لي علي انت ماتدري وش كثر احبك
عند صيته اللي بدت تصرخ وتجمع عليهم :الحق ي راكان الحق راح شرفك ي راكان
الرجال سمعوا الصراخ وجو ركض
الجد حاكم :وش بك تصارخين ي مره
صيته :الحق على اللي انت مأمنه بيتك واهلك شوف ولد السوريه وش يسوي يلعب على الحبلين
ابو عمر:وش تقولين انتي انجنيتي
فتحت صيته الباب والكل عيونهم عليه علي اللي كان واقف ومصدوم من فعلت الجوهره وبعدها انصدم من صراخ صيته وعجز يستوعب وكان متنح ومفجوع
ابو عمر دخل وهو يمسك علي: وش جابك هنا وش تسوي هنا مع البنت لحالك وليه كاشفه عليك وهي ماهي محرم لك
علي اللي كان لسانه معقود من الصدمه عجز ينطق وارتبك وكأنه فعلاً مسوي شي
الجد حاكم:علي انطق وش جابك هنا
علي عجز حتى تطلع منه الحروف اما الجوهره اللي بعد ماتسترت نطقت : نحنا ي جدي نحب بعض وكنا بنقولكم ونتزوج بس ...
ماكملت الا براكان اللي انقض عليها وهي يضربها وعلي كان مثل الصنم من الفجعه مسك ابو عمر راكان وطلعه ورجع لعلي :مالك وجه تتكلم ي خسارة تربيتي وثقتي فيك
علي اللي بالقوه نطق:انا .....
قطع عليه صوت الكف اللي انطبع على وجهه والكل يشوف دفه ابو عمر وطلع علي اللي مايمديه رفع راسه الا راكان معه وطاح فيه ضرب وعلي كان من الصدمه ما قدر حتى يدافع عن نفسه تدخل طراد وبعد راكان عن علي ووقف علي اخذو العيال راكان اللي طلع يسحب اخته تقدم الجد وهو مصدوم من علي وفعلته :كيف تسوي اللي تسويه كيف كيف تخون الثقه ليش ماقلت لي بالحلال وتبشر ليش
علي جاء بيتكلم وضربه جده كف :اسكت اسكت لا اسمع صوتك واطلع من قدام وجهي
الباقين اللي كانوا منفجعين وماتوقعوها من علي كانوا متمنين انه يتكلم بس سكوته وعدم دفاعه عن نفسه اثبت شكوكهم ..
طلع علي من بينهم وهو مصدوم ومكسور كيف تضيع ثقتهم فيه كيف
اتجه فوق وهو بياخذ اغراضه عشان يطلع حصل ريم قباله في الغرفه كانت تبكي وصدقت كلام الجوهره العصر بعد اللي شافته وسكوت علي اللي اثبت عليه خيانته توجه لها وهو ماهمه الا هي يبي يفهمها بس انصدم منها بعد :وخر عني وخر. بأي حق جاي بأي حق بعد ماخنتني واستغليت ضعفي كان قلت كان قلت انا وثقت فيك بس مانك قد الثقه وخر
علي ان
ايفين دخل ابو عمر وشافهم يضربون علي بجهاز ضربات القلب بمحاولة إنعاش قلب علي التفت للجهاز شاف مافي اي ردة فعل من قلب علي
٠٠
عند ريم كانت تصلي هي وام عمر والبنات ويدعون لعلي ودموعهم سيول ومايدرون علي وش صاير فيه
٠٠٠
في المستشفى كان علي تحت يدين الدكاتره والمنقذين لكن بلا جدوى اعلن قلب علي عن التوقف واعلن عن تعبه من ايامه وسنينه وقف قلب علي وابتعدوا الدكاتره وطفت الاجهزه
طلع ابو عمر يبكي ويصرخ بكل صوته قابله طراد وبدر وناصر اول ما سمعوا خبر وفاة علي امتلى ممر المستشفى بالبكي والنواح تجمعوا كلهم وابتدت مرحلة الحزن راح بدر لبيتهم يبلغ امه وريم اول ما دخل جت نجلا :هاه بشر صحى علي
ام عمر:بدر يامو صحي اخوك
ريم:طمنا ي بدر
بدر وهو متلثم بشماغه ضم امه وهو يبكي ويقول: راح علي يمه راح علي يطلبك الحل يمه
صرخت نجلا :لاااااااااااااا يممممه علي لااااااااا
ام عمر اللي صرخت : ولليييييي ي حوينة شبابك ي بني ي ربي دخيلك
ريم اللي طاحت مغمى عليها من الخبر مسكتها رهام وهي ترش المويه على وجهها وهي تبكي
صحت ريم وهي تبكي :لااااا تكفون علي لا تخليني لااا مالي غيرك ي علي تكفى
بدر اللي انخنق وهو يداريهم طلع وهو يسمع الصراخ والبكى جلس قبال الباب وهو ينوح ويبكي ..
🍒ــــــــــــــــــــــــــــــــــــــــــ🍒
#الـى_هنا_ينتهي_الجزء_الـ7⃣
#نكمــــــــل_غدا_باذن_الله
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼