الفصل 5
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الخـامس🌱
🍒ــــــــــــــــــــــــــــــــــــــــــ🍒
ابتسم علي :تحمليني اليوم ونامي قريبه مني
ريم ابتسمت ودخلت بالفراش بعد ما طفت النور كان على الحافه
علي:ريم قربي لا تطيحين في مسافه هنا
قربت ريم وهي ما تبغى تناظر لعلي اللي كان معطيها ظهره علي اللي كان يحس في تحركها وراه سكنت حركتها بعد نص ساعه والتفت عليها وهو يفكر ان الليله بيكون الحظ من نصيبه وتنام بحضنه رفع نفسه حصلها مغمضه وباين انها نامت حط يده على خصرها وهو يقربها له ودفن وجهه بشعرها وهو يتنفس عطرها
اما ريم كانت صاحيه وحست فيه وكانت خايفه بس تذكرت كلام نجلا وقررت تعطي نفسها وعلي فرصه ونامت هي بعد
٠٠٠
على الفجر مثل عادته ابو عمر يمر على العيال يصحيهم والبنات يدق الابواب عليهم لصلاة الفجر مر من عند غرفة علي ودق الباب بقوه لانه يدري ان علي نومه ثقيل ولو تحترق الدنيا ما درا عنها
صحت ريم على خبط الباب وسمعت ابو عمر :علي علي يالله يا ابوك قم قم لصلاة يالله
التفتت تشوف علي اللي كان نايم ولا درا ان احد ناداه ولا حتى تحرك وابو عمر ينادي برا ردت على ابو عمر وهي مرتبكه :طيب يا عمي بصحيه
ابو عمر:جزاك الله خير
راحت لعلي وتصحي فيه ما صحى وتناديه ماصحى وتهزه بعد ماصحى طرت على بالها فكره وجلست قباله نادته بشويش وسوت نفسها تبكي:علي الله يخليك قوم
فز علي وهو منفجع من صوتها والطريقه اللي تصحيه فيها :وش فيك وش صاير ؟
ضحكت ريم بصوت :ولا شي بس عجزت اصحيك للفجر ما تصحى قلت اصحيك بذي الطريقه
نقز عيونه علي وهو مستغرب الاسلوب والضحكه وتصحيه للفجر :سبحان الله الهادي وبعدين لا عاد تصحيني كذا وتفجعيني عليك
ريم ببتسامه: ابشر
علي قام وهو يحط يده على جبينها:فيك شي
ريم :لا
علي:لا لا جد طحتي من السرير
ريم :لا ..
علي:سبحانك يالله
وقام يتوضى ويلبس ثوبه عشان يروح المسجد وهو كل شوي يجي يشوف ريم مصخنه او لا لانه مستغرب الاسلوب وريم تضحك
طلع علي من الغرفه وهو مستغرب ويضحك قابله بدر:يالله صباح الخير هم كذا العرسان اللي يطلعون يضحكون
علي:امش صلي بس
راحوا صلوا ورجعوا وعلي يحس انه بحلم وش ذا الرضا ي ربي وش ذا القبول دخل ولقى ريم جالسه على السجاده :تقبل الله
التفتت ريم وهي تبتسم :منا ومنك
علي طقت معه حوله وش بها ذي اكيد انها تبي تذبنحي ضحك على نفسه انا وش فيني صرت مثلها
نزل ثوبه ورجع ينسدح وهو من الفرحه با اسلوب ريم ما نام جت ريم وانسدحت جنبه ونامت كان جالس يراقبها وهو يقول : ياربي هو من جد فرجت علي ذي المصيبه ي رب جلس لين الساعه ٨ وهو صاحي وماهو مصدق قام بيروح الشركه وتروش وطلع ولقى على طرف ملابسه مجهزه ثوب وشماغ ومعطره ومبخره بالعود طل براسه يناظر وهو مقطب حواجبه ويضحك لقى ورقه مكتوب صحيني اذا جيت تروح عشان اصلح لك فطورك راح يركض للحمام ويغسل وجهه يمكن يحلم يمكن فيه شي يمكن هاذي هلوسة الموت ورجع لقى كل شي زي ماهو لبس وهو شوي ويوقف قلبه من السعاده راح لريم وباس خدها وما صحاها لانه مايتعرف بالفطور الا قهوه وطلع وهو بيستخف راح لشركه ودخل وهو يسلم على الموظفين والابتسامه شاقه وجهه دخل ولقى طراد موجود
اوووه اووووه طراد مداوم
طراد: جيت على بالي بتسحب وش ذا الروقان
علي وهو يسحب طراد:اجلس اجلس بقولك وش صار معي
طراد:خير وش صار
حكى له علي اللي صار
طراد وهو يلطم خدوده :ي ويلي عليك ياخوي انجنيت ي قليبي حسبي الله على اللي كان السبب يا حوينة شبابك
علي :طراد فكنا من الاستهبال اتكلم جد شوف انا مثلك ما صدقت الا بعد ما تاكدت
طراد: علي البنت ذي مجنونه ودها تعالج بشهار ماهي صاحيه كل يوم تطلع بسيره مره يغمى عليها من الخوف ومره تخبط بالرومانسيه فجاءه عني انها خبله
علي: لا لا اترقع انها تطمنت لي ووثقت فيني
طراد: شوف ولاانها ناوية تقتلك
علي :ي ربي حتى انت فكرت كذا
طراد : باين انها ماهي صاحيه
ضحك علي وقام يرتب شغله عشان يروح لعمه بعد ما يخلص شغله ويشوف وش مشكلة شيخه
.
.
في نص حوسته بالشغل قطع عليه رساله ناظر بطرف عينه شاف الجامحه ترسل رمى الاوراق من يده وأخذ الجوال فتح الرساله (صباح الخير ليش ما صحيتني اسوي لك فطور) وقف علي من الصدمه ورجع جلس ورجع وقف وطلع ركض لمكتب طراد وسط ذهول الموظفين من ركضه لانه معروف بالثقل والصرامه وفتح الباب بقوه :الحق الحق ي طراد الحق
التفت طراد اللي كان عنده اجتماع مع بعض اصحاب المشاريع : خير ي علي وش صاير
تفشل علي من الحاضرين :انا اسف ماكنت ادري ان عندك اجتماع طراد:حصل خير تفضل انظم لااجتماعنا
علي:وقت ثاني مابي اعطلكم
طلع وسكر الباب :وحع مالقى يهتم بالشغل ويجتمع الا الحين وراح لمكتبه وهو يناظر بالجوال ..
اما ريم اللي قررت انها تحاول تسعد علي لانه فعلا مايستاهل
وارسلت الرساله وهي تشوف علي قرأها وطول مارد ضحكت وهي تدري ان
ه مصدوم قطع عليها صوت اتصال علي عليها وردت :الو
علي : ي جعله حس ما يغيب
ريم ابتسمت :ليش ماصحيتني
علي وهو مبتسم: لاني طال عمرك ما افطر ولا اكل وانا توني صاحي من النوم لذلك ماصحيتك
ريم: وتروح جوعان
علي:لا انا اشرب قهوه واروح
ريم:اها
علي وهو متردد :ريم الحين انتي جاده خلاص بتظلين كذا عشان اعرف وما اصحى على خيبة امل
ريم:ان شاء الله ..مع السلامه ما اعطلك عن شغلك
علي:فمان الله
٠٠
عند طراداللي كان يحاول يصرف اللي عنده باسرع وقت وخلص و استناهم يروحون وراح ركض لعلي وموظفين الشركه مستغربين من علي اما طراد متعودين على الهبل تبعه
طراد:وش صار
علي وهو جاء يهز كتوفه ويرقص ويغني: فرجت ي اخوك فرجت
طراد وهو مستغرب من علي:وشو
علي وهو يضم طراد ويدور فيه :ابشرك عتق
طراد :في ذمتك وش صار
علي بلغه عن الرساله وان خلاص بيعيش زي العالم والناس
طراد :مبروك مبروك الله يسعدك ي علي انت تستاهل
علي :حبيبي ي طراد
٠
طلع علي وتوجه لبيت عمه ابو ناصر وصل وفتحت الباب ام ناصر
ام ناصر :هلا علي يمه
علي وهو يسلم عليها:كيفك يمه طيبه
ام ناصر: الحمدلله انت كيفك متى وصلت
علي:توني امس وصلت وين البنات
ام ناصر:البنات ببيوتهم الا شيخه فوق
علي لاحظ تغير وجه ام ناصر:يمه شفيك
ام ناصر :ي علي يمه عمك مدري وش صاير له بيزوج شيخه واحد شايب ومتزوج ولا راضي يسمع من احد
علي:ماعليه يمه انا بجلس مع عمي واتكلم معه
ام ناصر:تكفى يمه لا تخليه يزوجها حرام شيخه صغيره
علي:ابشري من عيوني وينه عمي
ام ناصر :راح موعد له بالمستشفى وهو على وصول
علي :شيخه صاحيه طيب
ام ناصر :مدري يمه
علي :بطلع اشوفها انا
وطلع لها وفتح باب الغرفه وحصل الدنيا ظلام والمكيف شغال قرب من السرير وحصلها نايمه وباين متضايقه بغى يصحيها وبعدين تراجع وطلع وسكر الباب ونزل وحصل عمه بوجهه:هلا بعلي الحمدلله على السلامه ياعريس
علي :الله يسلمك كيفك ي عمي طيب
ابو ناصر ؛بخير كيفك انت وكيف زوجتك
علي : الحمدلله من احسن ما يكون
ابو ناصر:والله كنك مختلف ونحفان ذبحتك الهياته في فرنسا
علي: هههههه تقدر تقول
ابو ناصر :ام ناصر وين قهوتك
ام ناصر:الحين اجهزها
علي :عمي بكلمك في موضوع
ابو ناصر:سم
علي:سم الله عدوك لكن شيخه
ابو ناصر :لا حول الله حتى انت شكت لك
علي:لا لا والله ماجابت طاري ولا شفتها من وصلت بس قالت لي امي حرام ي عمي والله حرام شيخه المرحه الصغيره تزوجها شايب
ابو ناصر: عمر السن ماكان سبب لرفض
علي:صادق بس الرجال متزوج وشيخه ماتبي
ابو ناصر:علي لا تناقشني انا عطيت الرجال كلمه
تعب علي وهو يحاول يقنع عمه لكن كان مصر وماحصل حل الا انه يقول :بس بدر اخوي يبي شيخه
ابو ناصر التفت :وش ذا الكلام
علي:ايه وكان ناوي يجي ذي الايام ويخطب وبدر احسن من اللي ماتعرفه
ابو ناصر كنه اقتنع ببدر لكنه تذكر شي:ماهي من نصيبه
علي : ياعم ليه مصر كذا فيه شي يطلبك اياه الرجال
ابو ناصر بتعتعه :لا
علي: ي عمي قلي وش السبب وابشر انا كلي تحت امرك لكن حرام عليك انت جالس تظلم شيخه وفي رقبتك وش بتستفيد اذا رجعت لك مطلقه ومعها كم ولد قلي
ابو ناصر :مقدر ي علي مقدر
علي: طيب ليش
ابو ناصر :الرجال يطلبني مبلغ كبير ولاني قادر اسدده وطلب يتزوج من عندي وانا وافقت
علي :ماهو حل ترمي بنتك كذا كم يطلبك
ابو ناصر:مبلغ كبير ي علي ما تقدر عليه
علي :طيب قول كم
ابو ناصر :٣٥٠الف ريال
علي :تهون كلم الرجال وقله انك تراجعت وبتسدد فلوسه واتركها علي
ابو ناصر:لا ي علي لا انت وراك بيت وناس تبي رواتبها
علي::افا عليك ي عمي شركتي كلها تحت امرك ولا تضيق والحمدلله ربي منعم علي
ابو ناصر:ما راح اقبلها الا اذا كانت دين
علي: تامر امر
ابو ناصر :الله يفرج كربك ي علي ويفتحها عليك بس خل الموضوع بينا
علي :على خشمي
دق ابو ناصر على الرجال واعتذر منه وعصب الرجال بس هدى يوم قاله ان فلوسه بتجيه
طلع علي لشيخه وهو مستانس وفتح الباب وشغل النور
الشيخه قومي الشيخه
شيخه كانت نايمه كب علي عليها المويه قومي
شيخه صرخت : يوووووه ناصر ي تبن
رفعت راسها وحصلت علي واقف ويضحك عليها :متى جيت ؟ وين ريم جت معك ؟
علي : هدي شويه ريم في البيت انا جيت عشان ابشرك بشاره
شيخه: عسى فكتها حالات الصياح اللي تفقع القلب
علي وهو يضحك :ابشرك
شيخه :قول وش البشاره
علي : عريس الغلفه تكنسل
شيخه ما فهمت :اي عريس
علي وهو يأشر عليها:اللي كان بياخذ شمعة قلبي شيوخه
شيخه:مافهمت وش تخربط
علي وهو يهبدها بالمخده :ي غبيه اللي كان بيتزوجك ..
شيخه ناظرت لعلي شوي بشك:وانت وش دراك ؟
علي وهو يتكتف:عشان تعرفين اني احبك وادور اخبارك
شيخه:كيف يعني تكنسل
علي:يعني باح خلاص معاد في زواج منه بتجلسين عانس
شيخه :وربك
علي :وربي
صرخت شيخه وضمت علي وهي تنقز: الحمدلله الحمدلله النصر لنا
علي : ههههههه ما انتي بصاحيه
شيخه:وش غير راي ابوي
علي:وهو فيه شي يدخل فيه علي مايتصلح
شيخه :يمه على الواثقين يمه
علي وه
و يضحك: قومي البسي عبايتك وتعالي خل اخذك تسلمين على ريم تراها مشتاقه لك وتحاتيك من امس ولا ريحتنا
شيخه:والله لو تقول تعالي بذبحك لا اقول فدا
علي :هههههههههه يالله بس انا انتظرك عند امي
..
اما ريم كانت تسولف هي ونجلا في غرفة علي
ريم :نجلا لايش كانت ذيك الغرفه الصغيره
نجلا :هاذي الله يسلمك كان علي دايم مسكرها ماندري وش فيها واللي يتجرأ يفتح الباب بيكسر علي يده
ريم:وش فيها ؟
نجلا: مدري بس دايم مفتاحها معاه بس نقل اغراضه اللي فيها لبيتكم
ريم:ماشفتوه وهو ينقلها
نجلا :لا دخل بكراتين وشال كراتين كثيره بس باقي فيها اغراض ولا شفنا شي منها
ريم :عندنا بالبيت غرفه صغيره سألته عنها وقال بيعدين تشوفينها واول ما جينا من السفر دخلها وسكر على نفسه وطول فيها
نجلا :مدري وش فيها
دخلت عليهم شيخه وهي تصرخ :رييييييم
انفجعت ريم :شيخه
جت شيخه طايره وضمت ريم : الحمدلله على السلامه حبيبتي
ريم :يسلمك
جاء علي من وراء شيخه وسحبها ودفها على نجلا :معليش ي العانس وخري عن زوجتي محد يضمها الا انا
ريم انحرجت من علي وكلامه وزعلت على كلمة العانس اللي قالها وكنه مايدري ان شيخه بتتزوج ونجلا انفجعت من علي اللي يعاير شيخه وهو يدري بوضعها تفاجئو بشيخه اللي تضحك:ي شيخ ي زينها من عنوسه يوم افتكيت من ذا الشايب
صرخوا ريم ونجلا مع بعض وسكر علي اذانه:وجع
نجلا :افتكيتي جد
شيخه وهي تضم علي :انقذني سبع البرومبا هذا
ريم:جد الحمدلله ي ربي الحمدلله
نجلا:كفو ي اخ نجلا مالها الا انت بس كيف قدرت على عمي
علي وهو يجلس وياخذ كاس ريم تبع الشاهي ويكمله:سر لو سمحتوا
شيخه وهي تضحك: تبغاه سر تبغاه علن بكيفك اهم شي انا افتكيت
جلست شيخه:صبوا لي شاهي خلوني اذوق طعم الاكل لي اسبوعين ماذقته
ضحكت ريم وصبت لها شاهي:خذي بس سكري حلقك ازعجتينا
شيخه التفت على علي ونجلا:اخس اخيرا نطقتي احسبك تموتين ما تكلمتي
ريم انحرجت جلست علي حس بأحراجها وقام جلس جنبها وضمها :احسن من اللي لسانها منفلت وعانس
شيخه:هههههههههههههه الله يرحم ايام زمان اللي كنا نشتري اللصق ونسكر فمها
نجلا ضحكت وهي تتذكر الموقف: هههههههه تذكرين ي شيخه
علي :في ذمتكم لا ما اصدق
ريم نست نفسها:انكتمي انتي وهي الشرهه على اللي بيسولف لكم
شيخه جلست تسرد لعلي موقفهم مع ريم اللي كانت تسولف لهم سالفه طويله وازعجتهم ولصقوا فمها علي: ههههههههههههههه اثاريك كنتي ثرثاره ي ريم
ريم انحرجت وسكتت علي:لكن ماعليك من العوانس ذول سولفي علي انا لين اموت ما امل منك
شيخه :احم احم احم احم ترانا في الغرفه
علي يضحك: هههههههههههههه ما سوينا شي
طلع علي ورجع لشركه قعدوا البنات يسولفون
٠٠٠٠٠٠٠٠
في الشركه دخل علي وتوجه لمكتبه وهو عنده شغل كثير دق جواله ورد :الو مرحبا
ابو ناصر:سلام ي علي
علي:هلا ي عمي امر
ابو ناصر:انت ماقلت ان بدر يبي يخطب شيخه
علي تذكر انه كذب تورط :ايه
ابو ناصر:كان عاد خاطره فيها خله يجي
علي بورطه :ابشر
وسكر يوه وانا وشهو له الكذب الحين بدر اصلا مايبي الزواج خلقه وانا لصقته في شيخه خل اكلمه واشوف
دخل وحصل طراد وسعود مبسطين ويطفحون طعميه:الله يحوم كبودكم ي الاثنين مانتم صاحين طعميه في الشركه وفي مكتبي
ما سمع رد لانهم يطفحون دخل علي وهو متلطم وجلس يفتح الشبابيك ويرش عطر لانه مايحب ريحة الطعميه وبعد ربع ساعه جاء طراد اللي يمسح يدينه:وش بك شرعت المكتب كذا
علي:من خياسكم الله يديم النعمه
سعود :ي علي ترا من رحت وحنا عليها اليوم تبي تعشينا بمطعم من يوم رحت ماطبينا المطاعم
علي :ليه ان شاء الله
طراد: بسيطه لا تفكر مافيه احد يحاسب
علي:ولعنه انسوا اني ازيد احاسب عنكم خلاص انا صار عندي مسؤوليات
طراد وهو يتربع فوق المكتب:شف والله لو انك تعيل عشر عوايل انك لا تحاسب لا تحاسب
دفه علي من فوق المكتب وطاح على سعود اللي كان جالس على الكراسي اللي قدام المكتب :بعد طرار ويتشرط
سعود:شوفنا ي رجل كيف نحفانين
طراد قام وهو يقول:جعل تدفك ام عيالك
علي:وهي ناقصه ي مسلم
طلعوا العيال ورجع علي لشغله وبعد الظهر طلع وهو رايح لبيت ابوه دخل وهو يشم ريحة طبخ امه وسيده على المطبخ
علي:اااي ي ربي وش ذا الزين من زمان من زمان ي ام عمر عن ذا الطبخ ..
شيخه وهي متربعه فوق الطاوله:اكذب منك مافيه توك امس طافح فيه
علي:من كلمك انتي العانس خليك على جنب وبعدين انزلي كسرتي الطاوله ي دبا ترا شارينها بفلوس
شيخه : على شحم ي سامج جعلك ترجع كل اللي بتاكله
علي :عسااااك بالجرب ي متخلفه
شيخه وهي ترفع جواجبها :ي رب تنصرني
نجلا كانت تطالع علي وهو يتكلم مو راضي يدخل مخها ان علي يقتل احد وريم كانت جالسه على الكرسي وتناظر معاكسات علي وشيخه اللي مستحيل يتقابلون وما يتناقرون ما حست الا ب شيخه طايحه فوق وصرخت شيخه جت بتنزل وانقلبت على ريم
ساعدت ام عمر شيخه اللي كانت ميته ضحك وكذلك علي ونجلا وريم اللي متبطحين ضحك
ام عمر:يبعتلك ي شيخه الهنا شو بكي يا عمتي
كا
نت ام عمر ماتسمع الا الضحك وصوت علي من بينهم يفجر الاذان علي : ههههههههه الله يصيبك ي دبا انقلبتي ي تريله بغيتي تشلين زوجتي
شيخه : ههههههههه الله ياخذك انت وزوجتك قروشتنا كأن ما احد تزوج غيرك ..
اما ريم ونجلا كانت دموعهم من قوة الضحك علي اللي كان يناظر ريم وهي تضحك ي زين ذي الضحكه اللي ماتجي بالساهل ضحك من ضحكها وضحك نجلا
شيخه ضربت ريم:بس وجع متوا ضحك
جاء علي ومسك يد شيخه ولفها على وراء :انتي كفو تضربين ريم
شيخه :مالت عليك وعليها
طلع لغرفته وسحب ريم معه لانه يدري بشيخه بتنتقم منها دخل الغرفه وهو يضحك وهو ريم وقفل الباب واتكى عليه وهو يسمع تهديدات شيخه وخبطها على الباب شاف ريم تضحك قطع عليهم ضربة شيخه للباب وهي تحلف وتتوعد تدارك علي نفسه وراح يغسل طلع وهو يسمع صوت شيخه اللي اختفى وطلع واول ماطلع انكب عليه شي ناظر بثوبه شاف شي اصفر حس بالشي اللي يسيل بين عيونه حط اصبعه عليه وشافه لقاه بيض صرخ علي بكل صوته وهو يسمع ضحكهم عليه راح يركض وراء شيخه ويتحلف انه ليمسحه بشعرها شيخه راحت ورا ابو عمر وعلي يحلل انها لتطلع وهي تلعب بحواجبها ورا عمها وحلف ابو عمر ما يلمسها علي طلع علي يتروش وهو يحلف ويتحلف فيها تروش خمس مرات ولا كانت تروح الريحه وهو يدعي على شيخه
ولما جلسو على السفره جاء بدر وجلس جنب علي
ويناظر السفره وكأنه يدور شي
ابو عمر :وش تدور
بدر:مدري وش ريحة بيض ادور الاكله اللي فيها بيض عبيد وابو عمر ضحكوا وعلي قام وهو يتحلف ومسكه ابوه
بدر :وش السالفه
عبيد علم بدر بكل شي : ههههه قسم محد اخذ حقه منك كامل الا شيخه كل ماتجي تحوسك وتمشي
علي :انا اوريها بس صبرك علي
تغدوا وهم يضحكون على علي وبعد الغدا تذكر علي ابو ناصر وبدر واخذ بدر وراح لغرفة بدر ..
بدر:وش فيك
علي وهو محتار:بدر تثق فيني
بدر : وش ذا السؤال وش فيك
علي : تثق فيني وفي اختياري والا ما تثق
بدر :ايه ليه
علي: اسمع انا تصرفت من وراك لكن اقسم لك بالله انها بحسن نيه لكن اعرف ان ذا التصرف بيعجبك
بدر:تكلم ي علي اخلص
علي سرد له السالفه كلها وليه كذب اصلا
بدر وهو يوقف بصراخ: انت كيف تسمح لنفسك تسوي كذا كيف
علي :ي بدر هدي انت عارف ايش السبب
بدر:وانا وش دخلني بشيخه تزوجت ما تزوجت .
علي:افا ي بدر ترضى شيخه تنرمي كذا
بدر : طبيعي ما ارضى بس ليه تدخلني بموضوع انا مسكره ولا لقيت تحشرني الا مع شيخه اللي مختلفه عني اختلاف السماء عن الارض
علي: اقسم لك بالله انك لو تعرفها بتحبها اذا انت تثق فيني لو واحد بالميه بتوافق
بدر: انت كيف تسوي كذا كيف
علي: بدر خذ وقتك بالتفكير واحسبها من جميع الجوانب وصدقني اذا وافقت وتزوجت شيخه بتدعي لي عمرك كله
بدر: ي عمي طير بس
طلع علي وهو يقوله يفكر وبدر بيموت كيف يتصرف كذا كيف وشيخه شيخه لا لا مستحيل تذكر اللي تسويه مع علي وهو مايحب البنت الخفيفه ابدا والمرجوجه
علي توجه لغرفته وهو خايف من قرار بدر ونفسه يتزوج شيخه يستاهلون بعض والله شاف ريم جالسه وبيدها جوالها اول ما حست فيه رفعت راسها وابتسمت :علي
علي وهو يجلس جنبها : ي لبييه
ريم:لبية حاج بس اذا ما عليك كلافه انا ابغى اروح لجدتي بسلم عليها اسبوعين ما شفتها اشتقت لها
علي:من عيوني كم ريم عندي انا ابشري بعد العصر اوديك تجلسين لين تشبعين منها
ريم :الله يعطيك العافيه طيب بنروح البيت
علي :ايه اصلا كنت جاي اقولك بنمشي
قامت ريم تلبس عبايتها وعلي يفكر في بدر ومصيبته صحى على صوت ريم :يلا انا جهزت
قام علي وهو يمشي باتجاهها وباس راسها :يلا
استحت ريم من علي وانحرجت ومشت وراه وهو تدعي ربي يديم السعاده نزل علي بعد ما ودع اهله ومشوا لبيتهم ..
٠٠
عند بدر اللي كان جالس بالحديقه ويراقب علي يوم راح ومايدري وش يسوي باللي صار انتبه لسيارة ناصر وشاف ناصر ينزل
ناصر:بدير السلام عليكم
بدر:هلا وغلا كيفك
ناصر: الحمدلله انت وش مسوي
بدر : الحمدلله .
انتبه بدر لشيخه اللي نزلت وتوجهت لسياره جلس يناظرها وهو يفكر صحى على صوت ناصر:يالله سلام
وجلس بدر يناظر لين اختفت سيارتهم:الله يسامحك ي علي انا وين وذي المصايب وين ؟
..
وصل علي وريم البيت توجه علي للغرفه وهو دايخ يبي النوم وراح تروش مره ثانيه عن ريحة البيض اللي بدت تخف وتروش بالعطر بعد وريم تناظره وتضحك على شكله ناظرها علي من المرايه وهو يرمي عليها التيشرت :اضحكي مستانسه هاه
ريم:ماني مستانسه اضحك على شكلك ذي سادس مره تتروش فيها وسوست
علي:وعوووه ي ريحة البيض ..اتجه للسرير وهو يقول:انا بريح لين بعد العصر اذا قضيتي قولي لي
ريم :طيب بس لحظه قبل تنام
علي اللي يكلمها وهو منسدح على بطنه:هلا
ريم وهي متردده :ادري اقلقتك بس نفسي اجيب هديه لجدتي مابي ادخل ويدي فاضيه
علي وهو ينقلب على ظهره:اي قلق الله يهديك معلوم مابتروحين بيد فاضيه بطريقنا نمر وناخذ اللي تبين افا بس بعدين انتي تامرين ما تطلبين اذا تبين شي قولي ي علي واتركيه علي
ريم وهي تبتسم:الله يسعدك ما تق
صر
علي وهو يسحبها تنسدح بحضنه :ولو بدنا خدمه تحرز
ريم اللي خافت من سحبة علي وارتبكت وحس علي فيها وقال عشان ما تخاف: خليك زي كذا لين انام تراني شوي دلوع
ريم كانت خايفه بس كابرت على عمرها وظلت منسدحه وهي شبه ترجف بعد نص ساعه حست بيدين علي ارتخت ونفسه انتظم وانسحبت وراحت تفر بالبيت لين يصحى علي
٠٠
عند نجلا اللي كانت تساعد امها وتشوف بدر تغير حاله من بعد ما راح علي
نجلا :بدر وش فيك
بدر :هاه ولا شي ليه
نجلا : ي شينك لا كذبت واضح تكلم
بدر :تعالي تعالي اجلسي ابيك بسالفه
نجلا وهي جايه بصحونها:هاه وش فيه
بدر ضربها على راسها:ودي الصحون وبعدين تعالي
راحت نجلا ركض وحطت الصحون ورجعت :وش فيه
بدر :وش رايك بشيخه
نجلا :نعم
بدر :وش رايك بشيخه
نجلا :كيف يعني
بدر:يوه شيخه كيف وش رايك فيها تصلح لي والا لا
نجلا شرقت: انت وشيخه كيف تجي
بدر :يووه ي نجلا اخلصي قولي لي كيف هي تصلح زوجه
نجلا وهي متنحه :وشو
بدر :وحع نجلا
نجلا: هههههههههههه وش صاير بالدنيا
بدر(الله يسامحك ي علي الله يسامحك ):وش فيه اخلصي
نجلا شافته عصب :انت تعرف شيخه مرجوجه وخبله بس ذكيه وتعجبك وقلبها ابيض تشيل هم الناس قبل همها وماتعرف تزعل وتحقد. وغير كذا جميله
بدر وهو يفكر بنفسه من ناحية مرجوجه وخبله متاكد منها بس مدري عن الباقي قام وراح ونجلا تناظره : وش به ذا انخبل فعقله
٠٠٠
نرجع للجامحه والمعذب بحبها جهزت ريم بعد العصر وراحت تصحي علي اللي تعبت وهي تصحي ما صحى فكرت بفكره بتقومه غصب قربت من اذنه وهي تحمس :علي عللوووووش يلا اصحى اذن العصر وانت بعدك نايم فتح علي وهو خاق ما كان متعود على كذا طول عمره كانوا يصحونه بصياح وصراخ واذ صحى يلقى البيت كله فوق راسه بعدت ريم يوم حست انه صحى وشافته يتحرك ناظر علي فيها وهو يسمي عليها ويذكر الله لا يصكها بعين ريم اللي كانت لابسه فستان اسود هاادي وناعم غمض عيونه وفتحها وهو يقول : يأرض احفظي ما عليك
ضحكت ريم :يلا قوم خلاص
علي اللي خلاااص انتهى : ي جعل مالي خلاص. ي شيخه
ريم وهي تسحبه وتقومه ودفته للحمام وهو منقاد لها:يلا خلص
جاء بيكلمها ودخلته سكرت الباب وهي تضحك
ضرب علي بيده على الباب :ااه ي ربي وش ذا والله اني بموت اكيد بموت كذا كثير علي
ريم اللي كانت تضحك وهي تبخر ملابسه وتعدلهم وراحت تجهز له قهوه تروقه
طلع علي بسرعة البرق من الحمام وهو واضي بيصلي صلى وهو يشكر ربي على ذي النعمه
سلم من الصلاه ودخلت ريم:هاه عساك تميت الصلاة .
علي: الله يسامحني على سهو اللي سهيته فيها عساك العافيه بس
حطت ريم القهوه على الطاوله :تعال تقهوى عشان تروق
علي وهو يجلس جنبها: هو ظل روقان في العالم انا اروق واحد اليوم
ريم تمد الفنجان وهي تبتسم اخذه علي :من يد ما اعدمها
اخذ الفنجان وقام يلبس وقف عند المرايه وهو يعدل شماغه وريم تراقبه تعطر وجاء وقفت ريم على اساس تلبس عباتها بس تفاجأت بعلي اللي سحب العبايه ونزلها من يدها وقرب وهو يضمها بقوه بعد عنها :خلينا نقول تصبيرة. الساعات اللي بتغيبين فيها
انحرجت ريم واخذت عبايتها ولبستها مقلوبه وعلي يضحك عليها عدلت العبايه وطلهعوا وراحوا اشتروا هدية ام محمد
قال علي وهو يجس نبضها:ما بتشترين لخالك
ريم وهو غاصه بدموعها :لا
علي :ليش
ريم :كذا مايحب الهدايا هو
سكت علي ومر بطريقه محل حلويات وقش قش من كل شي
ريم:يوه ي علي كذا كثير
علي :ماعليه اذا زاد يخبونه لبكره
وصلوا بيت ابو مشعل اللي كان واقف عند الباب ونزل علي يسلم عليه وريم سلمت بسرعه ودخلت دخل علي وسلم على ام محمد وطلع وراح لطراد ..
عند علي وطراد
طراد : ي شيخ هاذي الاخبار اللي تسر مو الافلام اللي كنت عايشها
علي:مدري ليه احسها اخر عمري
طراد:اقول انطم انت وفالك المريض
علي: ياخي احسها جت علي مره وحده ما لحقت اتقبل شي
طراد: هذا والله ي ابوووي ي ابووي ابلشتنا وانت ضايق منها يوم جاء الفرح قلت احسها جت مره وحده وش ذا التناقض
علي : ي تبن ماني متناقض بس اقول استغربت تغير في ليله
طراد:صح هو التغيير يجلط وانا قلت لك السبب اللي هو ان ريم مجنونه ترجع لك شي وهي تقول طلقني وقول طراد ما قال
علي: اهب وجهك ي ابو بريص تف من فمك
طراد وهو يضحك:شعندها ام عمر
علي :الله ياخذك ي طراد اذكر الله
طراد:ماشاء الله والف من ذكره لكن اذكر لله انت على نفسك احسن ما تحسدها
علي:ماشاء الله الله يدومها ...اوووه نسيت اقولك البلا الجديد
طراد :ما تلاحظ انك في الاونه الاخيره صرت راعي بلاوي
علي :الا بس ضروري تسمع لاني متورط
طراد :تكفى لا تقول مع ريم
علي :لا
طراد:اجل تكلم دامها ماهي ريم
علي: بلا في شكلك وش بك على ريم
طراد بزهق:علي اخلص تكلم ما فيك شي انت وريم يخزي العين على قول امك
علي قال لطراد سالفه بدر صرخ طراد بصوت عالي بنص المقهى اللي كلهم التفتوا عليه تفشل طراد وقصر صوته :مجنون انت وش ذا ما انت بصاحي انت ما تبت من كذبتك
علي: ياخي كانت نيتي كويسه
طراد:ولعنه انت ونيتك زيعالم القصص والروايات 📚:
ن الحين وش يقنع بدر ونقول ومن زين وجهك بعد متكفل ب ٣٥٠ الف من وين بتجيبها وانت تدري ان رواتب موظفين الشركه ومع اللي نخسره في البنيان ٤٠٠الف وش بتسوي ي ذكي
علي:يووووه ي طراد ابيك عون وصرت فرعون
طراد:علي فعلا ماعاد عرفتك صاير غبي وماتعرف تفكر ياخي حبك لناس اعماك اعماك
علي: ي شيخ ماتخمني فلوسي كثر ما يهموني اهلي
طراد:انننن اقول انكتم فلوسك بتروح رواتب المساكين اللي يحترون رواتبهم ولا تنسى العماره اللي تنبني ماقضت للحين
علي :افكر ابيع العماره اللي بالعليا
طراد وهو يمسك راسه: بس جن ترا ذي العماره اللي مطلعتنا من زنقات كثيره ماتبيع اللي بالعليا
علي: اجل
طراد:بيع الجديده اللي تنبنى ممكن تجيب ٢٠٠الف وخمسين ايجار المحل تبع الدهانات و ١٠٠بعدين تعطيه
علي :بس انا وعدت عمي اسكر الدين كله
طراد :من قال قل لعمك كذا اخذ رقم الرجال وكلمه انت واتفق معه وقضينا
علي :طيب وخلصنا من الدين وبدر وش نسوي فيه
طراد: انا ماني مقهور الا من سالفك بدر انت غلطان
علي:يالله ي طراد ادري اني غلطان المهم وش بنسوي ؟
طراد: بدر قراره بيده ي انه يرضى ي انه يرفض وتروح انت تشرح لعمك كذبتك اللي زي وجهك تكذب كذب صغير ويتعدى اما انت كلها مصايب
علي: الله ياخذ اللي يتكلم معك زين
طراد: اطلب لي قهوة ولا تبيني خل اروق اعوذ بالله صرت كومة مصايب تمشي
طلب علي له قهوته وهو شايف طراد معصب وما لامه لانه هو بعد غلطان
طراد نزل قهوته وهو يقول:بما انك طال عمرك مسيتني بمصايب خلني اصقعك بمصيبه
علي :وشو بعد
طراد:مشعل له يومين هربان ولا لقيناه
علي :وشو كيف هرب
طراد:هرب منهم وهو جريح بعد
علي :وهم وين المتخلفين
طراد:كانوا يتعشون
علي: طراد ريم عند جدتها لا يطلع ويسوي لها شي
طراد: لا ماجاء بيت اهله جوهر يراقب هناك ولا حتى مر
علي:اذا ما بيقرب من ريم ماعلي منه
٠٠
نجلا طلعت لاريام وحصلتها تكلم ولما شافتها ارتبكت
نجلا:انتي متى بتسمعين الكلام
اريام قفلت :انتي من سمح لك تدخلين كذا بدون اذن
نجلا:انا سمحت لنفسي مالك نيه يعني تعدلين وتصيرين ادميه صح
اريام :مايخصك
نجلا: اريام فتحي عقلك مهما كان راكان يحبك ولد عمتك ويمكن ما يسوي لك شي لكن ما خفتي من ربك ما خفتي من ابوي واخواني اللي لو يدرون نتفوك والا تحسبين انك انخطبتي صرتي حلال.
اريام:محد بيدري دامك ما تلقفتي وكلمتي زي عادتك
نجلا :اخر تحذير لك ي اريام والا ما اتردد ولا مره اني اروح اقول لابوي واخواني وقبل تفكرين بأي واحد فكري بعلي اللي بيدفنك حيه ولا يفكر بدموعك
طلعت نجلا وسكرت الباب وهي مستغربه من تفكير اختها والمرحله اللي وصلت لها
٠٠٠
اما ريم اللي كانت تسولف مع جدتها وهي تشوف ام مشعل تناظرها بحقد وكيد وابو مشعل اللي جالس يطفح
ام محمد :دخيلك يمه نامي عندنا
ريم :والله ي جده نفسي بس ماكلمت علي ولا ادري وش رايه
ام مشعل:وعلي صار له راي
ريم التفتت وهي اول مره تتجرأ ترد على ام مشعل لانها غلطت على علي لو غلطت عليها كان عادي:علي له رايه من يوم يومه وهو ممشي العيله كلها على امره وهو اللي يديركم من الكبير لصغير
ام مشعل:عشتوا ما بقي الاا ولد السوريه
ريم :ولد السوريه اللي مو معجبك هذا هو شايل الدنيا على راسه ويداري اهله ويحبهم ومغطيهم بخيره مو مثل بعض الناس اللي بس هايت ..
ام مشعل :من تقصدين ي قليلة الادب الحين طلع لك لسان
ام محمد :ام مشعل اقصري الشر وريم ما غلطت
قامت ام مشعل وراحت
ابومشعل:نامي ي ريم هنا
ريم وهي خايفه منه :بقوم اكلم علي واقوله
٠٠
عند علي اللي كان بالاستراحه مع الشباب وهو يسولف ويضحك كالعاده وماكل الجو قاطعه جواله
علي وهو ياخذ جواله ويروح بعيد وهو يسمع تعليقات الشباب عليه رد وهو يضحك: هلا حبيبي
ريم وهي مستحيه: اهلين فيك كيفك
علي: تقدرين تقولين كويس
ريم بخوف :ليه
علي: وانا بعيد عنك اكيد مو تمام
ريم:اوف فجعتني
علي: بسم الله عليك. هاه عساك استانستي
ريم:الحمدلله مره استانست
علي :يعني اجي اخذك ونروح نتعشى في مطعم يحبه قلبك
ريم:ههههههه لا تستعجل جايه لك بالكلام
علي:وش فيه
ريم: جدتي طلبتني انام عندهم واصرت وقلت اكلمك اخذ رايك
علي:لاااااا وش بها علقت على النومه
ريم:مشتاقه لي
علي: وانتي فيه أحد ما يشتاق لك طيب وانا كيف اسوي
ريم :كيف يعني
علي : يعني ارجع البيت لحالي
ريم وهي تتمنى انه يرفض ماتبي تجلس عند خالها: اذا ما تبي عادي ماعندي مشكله
علي: يعني فيه مجال الرفض
ريم :ايه
علي وهو يضحك : اجل لا
ريم :هههههههه على طول
علي: وش اسوي ادمنتك
ريم :يالله مع السلامه
قفل علي وهو مستانس ورجع لشبااب اللي كانو ساكتين ويحاولون يسمعون مكالمته
علي:وجع عساكم بالصمخ
طراد : ي مسكين بتسحب عليك المدام وتنام عند جدتها
علي : انت اللي ينسحب عليك مو انا
ومسكوه طقطقه اما ريم رجعت لجدتها
ريم :جده علي رفض
ام محمد : هو ليه
ريم سكتت وفهمت جدتها غلط : عطيني اكلمه انه موب ميت اذا صبر يوم
ريم: لا لا ي جده
ام محمد اخذت
جوالهاا ودقت على علي بعد شوي سمعوا صوت علي وراه اصوات شباب: الو مرحبا
ام محمد:سلام ي علي انا ام محمد
علي(اوووف وش عندها علقت على النومه حلت لها الحين يوم تعدلت احوالنا ):هلا ي جده امري
ام محمد: مابيك تردني وقل تم
علي من غير نفس:تم ي جده امري
ام محمد :ابي ريم تنام عندي مشتاقه لها وبعدين انت امسك عمرك ذا الليله ما بتموت
ضحك علي اللي فهمها وقال: بكيف ريم تبي تنام تنام
ام محمد : اجل تراها بتنام لا تجي تاخذها. وسكرت
علي :يالليل من ذا العجوز عز الله بتستقعد لي في حياتي
طراد :وش بك تحلطم
علي: ياخي ذا العجوز امتحنت اهلي
طراد اي عجوز لا يكون ام محمد وش سوت بعد هي
علي: ياخي علقت على نومة ريم عندها
طراد:طيب وانت وش ضارك
علي: توعدت عليها ي طراد صح انها احيان تجلط بس ما اقدر بدونها
طراد:ترى بكب الشاهي عليك عشان تصحصح مالك اسبوعين من تزوجتها قال تعودت قال ٢٦ سنه عزابي فرقت يوم وبعدين المفروض انك تفرح وترجع تنام بوضعك الطبيعي من دون فصلة مجانين
علي عصب:طراد. قسم بالله لو تكلمت كذا عن ريم كذا ثاني مره لازعل
طراد: خلاص ياخي تصطفل انت وهي
علي:الحين ام من السوريه امي والا امك
طراد:امك
علي:وراك تقلدها
طراد:على كيف امك محد فيه سوري الا امك انا بروح اتزوج سوريه احس. اني انتمي هناك واشبهم
علي:انت وسوريه الله يجمع على خير
طراد:وش ناقصني
علي: ابد كامل كامل
طراد: اجل اليوم بعوضك وانام عندك اعوضك عن غياب الجامحه
علي:اعوذ بالله انت بدال ريم وش ذا الغضب
طراد:انكتم بس والله اني احسن منها على الاقل ماني مجنون
علي :طراد
ضحك طراد:خلاص اسف
٠٠
عند ريم اللي كانت تسولف مع جدتها وتعشوا وقامت جدتها بتنام وراحت ريم غرفتها وجلست تقلب بأغراضها القديمه وهي تقلب لقت ميدالية ابوها اللي جابوها من اغراضه لما مات تذكرت يوم اخذها مشعل وراحت شكته لعلي وضربه اخذها منه وعطاها ريم وبعدها جاء ابو عمر وهاوش علي وطقه لانه عور مشعل
ابتسمت :من يومك ي علي ما خليتني لحالي الله يقدرني واسعدك
٠٠٠
عند علي اللي بعد ما تعشى هو وطراد وحاسب عنهم غصب عليه طلعوا يلعبون كورة قدم في ملعب قريب من المطعم وكان التنافس قايم بين فريقين خلصوا لعب على الساعه١٢ وراح علي وطراد لبيته وسعود راح لبيته
في بيت علي اللي دخل وهو يشرب مويه ادخل البيت بيتك
طراد :معلوم بيتي وتوجه سيده للمطبخ واخذ مويه
علي راح يجيب ملابس لطراد :خذ هاذي ملابس
اخذ طراد الملابس وراح يتروش وعلي دخل يتروش وبعدها طلعوا وراحوا يتابعون فيلم وكالعاده علي نام على نص الفيلم وطراد كمله كله ونام
٠٠
عند ريم جمعت اغراضها وحطتها بكرتون صغير وقفلته وقامت بدلت ملابسها وقفلت الباب وسحبت المفتاح وراحت تنام وهي متطمنه وطول الوقت تفكر في علي وش يسوي وين راح دخلت للواتس وشافت اخر ظهور له كان الساعه١٠والحين الساعه ١ قالت احتمال نايم وسكرت الجوال ونامت هي بعد ..
بعد ساعتين فتحت ريم على اللي جالس يمسك رجولها وفزت وكانت بتصرخ بس سكر فمها وجلست تدفه وتضربه
علي: ريم بسم الله عليك هذا انا علي ريييم ريييم
ريم فتحت وهي تبكي علي وهو يوخر يدها :بسم الله عليك هذا انا ارسلت ماشفتي الرساله
ريم وهي مفجوعه وخايفه دفته وضربته على صدره:وخر عني وخر
علي عرف انها مفجوعه ؛انا اسف عبالي شفتي الرساله
ريم وهي ترجع تنسدح وحيلها منهد من الخوف انه يكون مشعل وهي تبكي ولا ردت عليه
علي وهو يقرب :ريم حيبيي انا اسف ماتوقعت انك ماشفتي الرساله ولما حصلت الشباك مفتوح قلت اكيد فتحتيه لما قلت لك
قبل ساعه صحى علي يشرب مويه ومر الغرفه بطريقه حس انه اشتاق لها وفكر يروح يسوي لها مفاجاءه وليته انثبر وما راح وارسل لها رساله وقال افتحي الشباك انا جاي ريم كانت نايمه ولا شافت الرساله ولما جاء علي حصل الشباك مفتوح وتسلق واستغرب انها نايمه وجاء يصحيها وريم كانت خايفه من مشعل
علي : ريم انا اسف ما يسوى علي شوق يسوي بي كذا
ريم وهي تمسح دموعها وقامت وهي تضم علي :فجعتني ي علي والله فجعتني كنت دقيت
علي ضمها وهو حاس فيها ترجف: ورب البيت انا اسف ورب البيت اسف
بعدت ريم وهي تمسح دموعها علي كان يسب نفسه ومقهور من غبائه مدري وش فيني صاير غبي : خلاص روقنا
ريم :ايه
علي :هيا بعدي لي مكان بجي جنبك قطعتي قلبي من الخوف
بعدت ريم وهي تحمد ربها انه علي : انت اللي فجعتني
علي وهو يأشر على رقبته:مو مشكله نعتبره رد اعتبار عن اللي صار فيني يوم زواجنا
ريم ضحكت ريم وقرصت خد علي :يمه على اللي ينتقمون
علي قطب حواجبه وهو مستغرب بس ضحك :وتقولين وش جابك من البيت احد يلقى ذا الدلع والجمال ويقعد بالبيت
ريم ارمشت بسرعه : اكيد لا
علي اللي اخذ نفس وهو يناظر الدلع اللي قباله سمع ام محمد تدق الباب : وش تبي جدتك
ريم وهي منحرجه ومفجوعه :مدري
ام محمد:يمممه ريم وش ذا الصوت اللي عندك من تكلمين افتحي الباب
وقف علي وتخبى في الدولاب وهو يدعي ان ربي ياخذ ذي العجوز ريم فتحت الباب : كنت ا
كلم علي ي جده
ام محمد :وعلي ذا ما يعرف ينام سكري الجوال ماعليك منه ونامي
ريم :ابشري واول ماسكرت الباب طلع علي من الدولاب:وبعدين مع جدتك هاذي مره كفايه مخليتك تبعدين عني الحين تبيك تسكرين في وجهي
ريم:هههههههههههههههه جدتي كذا طبعها ناري
علي:وانا ربي باليني بالنار كلها
ريم: هيا روح يلا لا تجي تذبحك
علي:افا كذا روح
ريم وهي تضحك: وش اسوي بكره بنلتقي
علي :مقبوله يالجامحه
ريم: ههههههههههه
وقف علي عند الشباك وهو يفتحه : تعالي ودعيني قبل اروح
ريم وهي جايه تمشي :مع السلامه
علي وهو يناظر بطرف عينه :مع السلامه تنقال لنجلا لشيخه لجدتك بس ماهي لي انا لي سلام خاص
ريم:كيف
جاء علي وهو يضمها :كذا تودعيني
ريم انحرجت :يلا روح
طلع علي وهو يضحك ونزل وركب السياره ورجع البيت
رجعت ريم لفراشها وهي تضحك عليه
اما علي رجع للبيت وهو يدعي ان طراد باقي نايم لانه ممكن يذبحه لو دري انه رايح لريم دخل وحصل طراد نايم حمد ربه وراح ينام .
٠٠٠
في الصباح صحى علي وصحى طراد وراحوا لشركه وطراد نايم وعلي يالله يصحي بنفسه دخلوا وابتدوا يشتغلون
طراد:ابي انااااااام
علي: طراد انكتم تراي حتى انا فيني نوم خلنا نخلص شغلتنا ونطس ننام
٠٠
اما عند ريم اللي صحت وهي مروقه على الاخر حصلت البيت فاضي تذكرت جدتها يوم تقول انها بتروح تزور وحده من قرايبها قريب راحت المطبخ وصلحت فطورها واخذته لغرفتها شافت نجلا تراسل بالقروب
نجلا :بنات تجمعوا بقولكم شي له اسبوعين مو مريحيني احتاج مساعدتكم
شيخه:وش فيك
ريم:وش بك ي بنت
نجلا قالت لهم عن الرساله والدم اللي شافته على ثوب علي ليلة زواجه ورساله اللي يقول تم طال عمرك اخفيناه وقالت انها شاكه ان علي قاتل احد
شيخه: نجلا ي غبيه وش ذا التفكير وش يخلي علي يقتل واذا بيقتل مابيجي للبيت بثياب مليانه دم
نجلا :وهو يوم شافني ارتبك وصرف الموضوع
ريم انصدمت وخافت انه يكون جد كانت تناظر مناقشات شيخه ونجلا وهي ترجف ورجع لها خوفها من علي وسوستها انفتح باب غرفتها والتفت وحصلت ابو مشعل واقف وشكله مريب نطت وهي تقول:وش تبي هنا
ابو مشعل:اخيرا اجتمعنا ي رييييم اخيرا
ريم وهي تصرخ:بعد بعد لا انادي جدتي بعد
ابو مشعل:نادي ليييم يصفي اللي براسك محد بالبيت
جلست ريم تصرخ وهو يضربها ٠
🍒ــــــــــــــــــــــــــــــــــــــــــ🍒
#الـى_هنا_ينتهي_الجزء_الـ5⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼