الفصل 4
عالم القصص والروايات 📚:
🌺🌼🎀🌼🎀🌼عالم القصص والروايات 📚:
وش صار
ريم:ولا شي بس الباب يدق
علي وهو يناظرها:طيب شوفيه
ريم:اخاف احد يبيك
علي وهو يقوم ويلبس التيشرت تبعه: امري لله
فتح الباب وهو قافله معه ولقى بدر في وجهه : الحمدلله على السلامه طولت الغيبه
علي وهو يبتسم:هلا بك بدير وهو يسلم عليه:ادخل
بدر :لا لا مستعجل جيت بس اسلم وانفذ قرار ام عمر
علي استغرب :وشو
بدر اشر له بيده يعني اصبر وهو يفتش بجواله ويدق على امه ويحطه على السبيكر سمع علي صوت امه: الو بدر ياموه وصلت عند اخوك شو عامل الدرصان
علي وهو يضحك :ي حي ذا الحس وحشتيني يمه
ام عمر : يامو علي اشتقت لك ي ابني شو عامل ليش ما اجيت عنا يامو
علي وهو ياخذ الجوال:وانا بعد اشتقت لكم بس كنا تعبانين من السفر وقلت نريح ونجيكم توني صحيت وناوي اجي لكم
ام عمر:اي الله يوفقك ياموه تعا لعنا عاملتلك المجدره اللي بتحبها والكبه وحراق بأصبعوه وكل شي ياموه
علي :وااااه ي ام عمر شو هالاغراءات من عيوني ظرف ساعه واكون عندكم
ام عمر: عم نستناك ياموه
علي :مع السلامه
بدر:انا بمشي ي دوب الحق اجيب اغراض امي عشان تطبخ لك علفك
علي. وهو يضحك:يمممه يالغيره
سكر الباب وراح لريم
علي:ريم ي عيني اجهزي رايحين لامي مجهزه العشاء لنا
ريم:ان شاء الله
علي وهو يضحك :مصلحه لنا مجدره وكبه تاكلين اصابعك وراها ابتسمت ريم وراحت تجهز وعلي اخذ ملابسه وراح للحمام الثاني عشان يجهز هو بعد بسرعه
٠٠
عند طراد اللي كان متوتر مايدري وش يسوي وكيف يبلغ علي ان مشعل هرب اتصل على جوهر:سلام جوهر وش صار معك جوهر:والله طال عمرك اختفى مالقينا له اثر
طراد وهو يصرخ : كيف يعني انا وش قلت لكم
جوهر: ي عم طراد مالقينا له اثر
طراد:الله ياخذكم ما عمركم فلحتوا بشيء
٠٠
في بيت ابوعمر بعد نص ساعه وصل علي ولقاهم كلهم على الباب الا نجلاا سلموا عليه وهو يسمع ترحيب امه وضحك اخوانه
ام عمر: ايه هه هلا نورت السعوديه
علي وهو يضحك:لا تعوديني على الدلع ياموه
ام عمر وهي تضم علي:تطلع على قبري ان شاء الله لابق لك الدلع ياموه
عمر :استغفر الله العظيم رجال طول بعرض ولابق له الدلع
علي :استغفر الله ي النحاسه وش تبي وش تبي وش عليك
ابو عمر: ماعليك منهم ي علي ترا بغوا ينتحرون وكل يوم يقولون موب حلو جونا من دون علي
علي وهو يبوس راس ابوه.والله انا اللي بدونكم ولا شي
راح ابو عمر يسلم علي ريم ودخلوا جلسوا
التفت علي:وين نجلا
ام عمر:نجلا ي علي كتير تعبانه ومتسطحه فوق
علي بخوف :وش فيها
ان عمر:حراره وسخونه ياموه
فز علي وقامت معه ريم وراحوا نجلا وعلي يسرع بخطواته وفتح باب غرفتها المظلمه وهاديه شغل النور واتجه لها شافها نايمه وهي تعبانه جلس على ركبه ونص وهو يحط يده على راسها :نجلا
فتحت نجلا وشافت علي وريم قبالها فزت وهي تضم علي : جيتوا ليش ما احد قالي وخليتوني استقبلكم
علي وهو يضمها : ما كنت ادري انك تعبانه والا جيت اول ما وصلت من المطار
نجلا وهي تبكي :وحشتني البيت من دونك شين
علي :اووه نجلا تكفين لا تبكين ترا صار عندي اكتئاب من البكى
نجلا ضحكت وهي تدري ان ريم مأذيته بالبكى:خلني بوقف وخر خلني اسلم على الشينه اللي وراك ..
ضحكت ريم وابتسم علي اللي اول مره يسمع ضحكتها :انتي الشينه ي العصلا
نجلا وهي توقف بتعب :تعالي سلمي وانتي ساكته
سلموا على بعض وبكوا وعلي سكر اذانه : ي ربي انتم عندكم دموع زينا والا خزانات
ضحكوا وبعدوا عن بعض نجلا :اذكر الله
علي :ماشاء الله وقومي البسي وانزلي معنا ترا مره تحت شين بدونك
نجلا وهي تكتف : ادري
راحت نجلا تلبس وعلي جلس على سريرها وهو يبتسم وش كثر يحبها ولا يتحمل يشوفها تعبانه طلعت نجلا وشكلها مبين تعبان
ونزلوا
ابو عمر :ايوه كذا انزلي مو معتزله
عمر:ذبحها الشوق للمنحوس هذا
نجلا وهي تجلس جنب علي وتضمه:ناس تستاهل ان احد يشتاق لها
بدر :الله يخرب بيتك على ذا الذوق الخايس
ام عمر :علي ياموه شبك نحفان وشك تعبان شو صاير لك
علي :ولا شي يمه بس تعب السفر
بدر : اللي يشوف وجهك ما يقول عريس
عمر :خله ي رجل تلقاه مجهد عمره
علي:هههههههههه ابلع العافيه ي مسلم
ودخلت نوره:يووووه يووووه اشوف الانوار طالعه من البيت
عبيد:التسليك في البيت اليوم بالكيلو
علي:منور فيك ي نواره
نوره وهي تضحك: الحمدلله على السلامه
وراحت تسلم عليهم وجلسوا يسولفون ويضحكون وقامت ام عمر تحظر العشاء
وراح علي كالعاده ينقنق على قوله ويلحقها من قدر لقدر ومن صحن لصحن وحضروا العشاء وتعشوا
بعد العشاء حلفت ام عمر الا ينام علي وريم هنا وحاول علي يراوغ بس مافي فايده واضطروا ينامون عندهم راحوا الشباب المجلس وطلع ابو عمر وام عمر ينامون والبنات راحوا غرفة نجلا الا اريام اللي استاذنت وقالت انها تعبانه
عند الشباب اللي دقوا على طراد يجي وجلسوا يسولفون ويلعبون بلوت وحماس فل عندهم
علي اللي كان مركز على حركات طراد المريبه وباين انه متوتر
وطراد اللي كان مايدري كيف يبلغ علي بهرب مشعل
والباقين داخلين جو في اللعب والضحك
عند البن
ات اللي كانوا متجمعين بغرفة نجلا ويتقهوون
نوره:ريمه كيف علي معك ان شاء الله مو مزعلك
ريم ابتسمت وهي تتذكر حنية علي واسلوبه معها: الحمدلله كويس
شاركت رهام زوجة عمر:الله يوفقك حبيبتي تستاهلين علي ويستاهلك لا يغرك جنانه تراه ينحط ع الجرح ويبرى
ريم:صادقه
اما نجلا كانت منسدحه على نوره: احكي لنا عن باريس
ريم تورطت :تجنن ي نجلا ما تتوقعين شلون جميله على الطبيعه
وكملوا سوالف وبعد نص ساعه راحت رهام ونوره وجلست نجلا وريم نجلا:ريم وش ذا الحال اللي عليك وعلى علي وش صاير تكلمي
ريم : مافيه شي
نجلا:اخلصي وانتي ساكته
ريم قالت لها كل شي صار فيها نجلا تناظر ريم ببلاهه :مو من جدك مو من جدك ريم وش ذا وش ذا دخيل الله اشرحي
ريم:نجلا فكيني ي اختي ترا نفسيتي تعبانه
نجلا :حرام عليك اللي تسوينه بعلي مايسوى عليه كل ذا
ريم :ادري بس مو بيدي
نجلا :الا بيدك اتركي الهبل عنك وعطيه من قيمته شوي اصحي سولفي معه اهتمي فيه اكل ما اكل نام ما نام تعبان هلكان بيموت ي ريم لا يغرك علي ترااه ضعيف من جوا يفرح بأقل شي يحب الاهتمام يحب احد يحاتيه ويسأل عنه
ريم: بس اخاف منه
نجلا :تغلبي على خوفك تغلبي عليه هذا زوجك سكتت نجلا شوي وناظرت ريم بشك: لا يكون للحين علي ينام على الكنب وزواجكم على ورق
ريم رفعت راسها بخوف:ايه
نجلا :ي ريم حرام عليك حرام هاذي حقوق له اذا منعتيه يغضب عليك ربي
ريم : مو بيدي ي نجلا
نجلا بعصبيه :احمدي ربك ان ربي مرسلك علي اللي معطيك جوك ومخليك والله لو هو غيره ما وفرك من اول ليله اصلا انا مستغربه صبره عليك
ريم :تكفين ي نجلا ماني عارفه وش اسوي
نجلا ::من اليوم ورايح تنتبهى على تصرفاتك معه وتحاولين تدارينه اقل شي
ريم :حاضر بس تكفين شيخه لا تدري بتذبحني
نجلا بأسى:شيخه شيخه الله يكون بعونها
ريم :ليه
نجلا قالت لريم كل السالفه وريم تناظر بصدمه :كيف كذا
نجلا:مدري وش صار له عمي
ريم:يالله وش بتسوي
نجلا :للحين مايدرون
علي :وش فيها شيخه ؟
نجلا :ولاشي
علي :نجلا اخلصي
بعد ضغط من علي تكلمت نجلا وقالت له السالفه علي كان مستغرب تفكير عمه وكيف يسوي فيها كذا وليش
نجلا :علي تكفى ساعدها والله لو تشوفها يتقطع قلبك عليها
علي :ابشري بكره اول ما اصحى بروح لعمي واشوف السالفه انا الحين بروح انام
نجلا :تصبح على خير وهي تأشر لريم تلحقه
قامت ريم وراحت مع علي اللي توجه لسريره اللي نفر ونص وهو يبتسم
ريم :بتنام
علي وهو مستغرب انها تكلمت :ايه ليه تبين شي
ريم :لا لا بس قلت سرير شوي صغير ما بيكفينا
علي :لا ماعليك يكفي ..
ريم :اها
قام علي ونزل ثوبه ولبس بنطلون البيجامه وجاء انسدح وهو مشتاق لغرفته ولسريره مشتاق لنفسه القديمه اللي كانت ما تعرف من المشاكل شي
بعد شوي جت ريم ووقفت قبال علي وهي ما تدري كيف تنسدح لانها مضطره انها تلزق فيه عشان ماتطيح ..
🍒ــــــــــــــــــــــــــــــــــــــــــ🍒
#الـى_هنا_ينتهي_الجزء_الـ4⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #