طفلتي اليتيمه - *بارت16* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت 16* *ليلة_من_فبراير* *☆☆ ☆* بسد بوساتهم دفنوا شگد انياب واگول يجوز چانت عن حسن نيه ويمر طاريي ويذكرولي الشينات واصد لغيبة اسمي التنوكل نيه ووينه ووينه الگاه بيه يبيع وين الانه منطي من هوى الريه ❤️ نهاوند ـ ضحكتلي ريتال وابتسمت الهه طلعت سدت الباب وراحت .. باوعت للغرفة استغربت عبالك قديمة يعني مو مثل غرفة العرسان الاشوفهه جديدة وحلوة حتئ الجرجف قديم ومشگگ وجوه المخدات وصخة فد مرة باب الكنتور الاخير مخلوع ومايل المراية مفطورة ماعرف شبية حسيت بغربة وخوف سمعت گحة بصوت عالي برة بقيت متخشبة بمكاني حسيت صوت الباب انفتح ودخل واحد التفتت حتئ اشوف هالصباح منو ؟ ـ هو انتي هناوند مو ـ رجال كلش عجوز وجبير بالعمر هواي طويل وضخم عندة بطن جبيرة شعرة متروس شيب حاط عرقجين علئ راسه ملامحة غليظة عيون كبار خشم جبير خدودة متروسة شفايفة كلش كبار لابس دشداشة بيضة وبطنة كلش عالية . . متت خوف منة هو يتقدم واني ارجع ليورة… هناوند منو ـ غير هذا اسمج العاوي مثل اهلج .. تعاي تعاي شبيج بايكة هوئ وخايفة .. ـ أأ أ أنت صباح؟ ـ شفايتلي اني ابوه مو هوة .. هسة يجي وتشوفي ـ تنهدت من الخوف ارتاحيت من كلي اني ابوه.. يعني الولد شاب مو عجوز ويخوف مثل هذا ـ تعال يووول صبيــــح الـعاااار وينــــك نهاوند ـ صرخ بعالي صوتة تعال صبيح العار.. استغربت ليش يكلة عار .. اجئ يمشي برهدنة وهداوة وحاط ايدة بجيب بنطلونة وشكلة كلش عصبي ويخزر ابوه بنضرات تخوف بس مو هو نفسة الجان واكف يم ارشد ودعاء تتحسدني عليه.. لابس بنطلون كابوي ووتيشيرت وشحاطة بس عبالك شايفتهم شكلهم مألوف اكيد جانو يجون لبيت جدو علمود يشوفون عمو ناصر وشفتهم هناك .. وكف يمة ويباوعلة بعين غضب صباح ـ ليش تكلي عار كدامهه ـ ها هـــع هم صدك العار ميشوف نفسة عار .. دشوف شزوجتك باوع .. كمر تسوة راسك وراس الخلفوك وعشيرتك ـ تتؤ اهووو رجعنة لهل حجي التافه ـ انجب لــــگ .. وعندك لسان تحجي يا… خلي نسكت احسن وانتي ..هذا رجلج عريس الهنا يلة اني اعوفكم .. ولو ادري مدبر شي صباح ـ كافي يابــــة ماضربتك علئ ايدك وكلتلك زوجني اخذهه اذا تريدهه ـ هو بيدييي .. اااااخ الله .. ـ عافنة الرجال العجوز وطلع يضحك .. بقئ يمي هالولد الشاب شكلة عادي وجهه طويل عيونة صغار بي هواي ملامح من ابوه لاا ضعيف ولا سمين متروس ماعرف شكد عمرة بس مبين جبير ـ شبيج تباوعين علية؟ ـ ها.. لا مو قصدي شي ـ شحجولج عني شنو سمعتي احجي كولي ليش هيج تباوعين مستغربة ـ محد حجئ شي عنك ـ هاي من بدايتهه اشتغل الجذب.. احجي شسمعتي عني خلي افتهم ـ والله العظيم ماحجو شي اصلا ماعرفك ولا حتئ اعرف شكلك بس اعرف اسمك صباح.... عافني وراح كعد علئ الفراش ـ شبيج تباوعين مستغربة شنو ماكلولج انتي شلون اجيتي هنا وعلئ شنو زوجوج ـ لا ـ لا خوش .. زين تعرفين ليش زوجوج الي ؟ ـ غير انت تريد تتزوج وكالو يريدون يزوجوك ومستعجلين واحنة عدنة عزة وصار هيج زواجنة سريع ـ وانتي مثل الغبية صدكتي ـ بقيت ساكته ماعرف شجاوبة .. بس احس بروحي اريد ابجي هواي يغلط عليه ـ مرة عمج مبين عليهه وحدة كاولية اصلا حتئ الكاولية اشرف منهه تلعب علئ الف رجال والف ــــ منكمل احسن بس عمج كمش وعار اكثر منهه لان مبقيهه علئ ذمته ـ منو تقصد ـ شنو هاي اضاهر عدكم هواي كاوليات بالبيت ومحتارة عليمن احجي يعني عليمن مرة عمج الاسمهه ام وسام ـ اي هاي مرة عمي ..شبيهه؟ ـ لا سلامتج .. بس مبين عليهه كحبـ تعالي كعدي هنا ليش واكفة ـ اتقدمت خطوتين وكعدت علئ الحافة ـ باعي اي شي تسمعي عني لاتصدكي .. وماريد تكعدين يم اي بشر بهالبيت كلهم ميحبوني ويضلون يحجون عليه لاني احسن منهم فـ احسن شي تبقين بغرفتج متطلعين منهه بس للحمام والتواليت فهمتي اعتبريهه اوامر وغصبا عليج تنفذيهه بعتبار اني زوجج وقوام عليج واكدر اكسر راسج اذا ماسمعتي كلامي ـ هذا ليش هيج يحجي عبالك عندة عداوة ويايه.. ـ شو ماجاوبتي ـ زين ليش هيج ـ الأسئلة. هم. ماحبهه تنفذين وانتي ساكته والا اشوفج وجه ماشايفته بحياتج لاعبالج احد يضحك علئ صباح لا اني اقتلة لليضحك عليه والله اقتلة ـ ياستار يارب .. حاضر ما اطلع ـ وهاي غرفتي اكره ما اكررره احد يلزمهه معليج بيهه ـ يعني شلون ـ يعني لا تنضيف لا ترتيب هذا الكنتور كلـــة الي مالتي فقط لااغراضي المراية ماحب تتنضف اابد هيج عاجبتني وصخة شكلهه حلو ـ بس لاتصيح ـ ااصيح بكيفيي و الجرجف اذا شفتج شايلته وغاسلتهه لو حاطة غيرة احسبي نفسج صرتي وصلتين من الكتل ـ باوعت الغرفة سيان من الوصاخة التراب ماكلهه اكل الزبل بكل مكان شلون راح اعيش هنا .. زين وين اخلي ملابسي؟ ـ خليهن بمكانهن مو هاي جنطة ولامتهن لو تريدين تصيرين براسي مرة معدلة وعدهه كنتور ومن هالخرابيط ـ انت ليش هيج تعاملني ـ لعد شلون تريديني اعاملج وحدة اهلهه ذابيهه ذبة الجلب لا والله حتئ الجلب مو هيج يسوون بي بابا انتي حاسة علئ نفسج تعرفين اهلج شسوو بيج ؟ ـ زوجوني ـ انتي بحياتج ماشايفة زواج لو تستغبين بابا اهلج باعوج النة.. حتئ عقد محكمة ماعندج تدرين بشكد باعوج بدفترررر شكبررة ااااااخ لو اكدررر احصلله للدفترر ااااخ جان انحلت مشاكلي بس شسوي لقسمتي السودة ومنو الراح يتورط وياج غير حظي المصخم ـ كلشي مافتهمت منة .. انزويت لوحدي ميته قهر علئ نفسي اريد افتهم ليش بهالطرية اتزوجت ليش يكول باعوج اهلج زين ليش يكول اتورطت وياج ليش مو مثل البنات حالي شنو ديصير يا الله .. وينج يمة ازدهار تعالي شوفي مصيبة بنتج تعالي اخذيني وياج بداعج اختي الحان وغلاتهه عندج مقبوض كلبي وخايفة وابد ممرتاحة.. ـ لا تبقين تعقجين بوجهج وتتبجبجين وتسوين روحج مظلومة ـ اني كلشي ممفتهمة منك ولا من هالزواج يعني اريد افتهم اني ليش هيج اتزوجت ـ مرة عمج الكـحـ… ماحجتلج ـ لو حاجيتلي جان مأسألت ـ يلة اني اجاوبج ابوية انطة لعمج ناصر فلوس علئ اساس قرض ويرجعهن اضعافهن مضاعفة اله بس الصار وية هالانفجار عمج خسر كلشي وكعد علئ الرنكات وابوية صار يطلبة كل شهر اكثر من القبلة فما لكة غير ينطيه بنت اخو بمكان الفلوس بس ها لا عبالج ابوية اقتنع بيج لا ابوية بخيل ومينلعب بهالسهولة وفرض عليهم بعد دفتر ونص فوكاج ـ كلشي مفتهمت يعني شنو ـ انتي شكد عمرج؟ ـ دخلت بالارباطعش سنة ـ هممم .. ياصف واصلة ـ ثاني متوسط وطلعت مكملة بي ـ انتي يتيمة مو ؟ ـ اي ـ تعرفين شنو يعني ربا؟ ـ قاريتة بالاسلامية بس ماعرفة شنو يعني ـ يعني ابوية نطة فلوس لعمج الاغم وكالة. خلال شهر تسددهن الي واذا اتاخرت ابقئ اضاعف السعر براسك وعمج قبل ـ هاي شوكت الحجي ؟ ـ من زمان ماشفتي تعدلت احوال عمج و تتحسن شغلة واشترة سيارة وشارك بمشروع وصارت احوالة تمام ـ اي صح سيارة جديدة اشترة ـ همزين بديتي تفتهمين .. ووااانتي نطوج بمكان هالفلوس وبعد راح ناخذ منهم دفتر ونص فوكاج يعني انتي بلاش جيتي لهنا ولج حتئ الخدامة يدفعولهه اجرة وانتي هذا حالج.. افتهمتي هسة شنو انتي لو لا ـ دنكت راسي وكمت ابجي مافتهمت كل الحجي الكاله بس الفهمته عمي وزوجته ودعاء و اولادة تونسو بالفلوس واني كلشي ماحصلت واجيت مثل الخدامة هنا وراح انجبر اعيش بنص هالوصاخة ولازم اتحمل بعد مصايب ماعرفهه شنو ـ الافلام الهندية ماريدهه هنا بجي ومدري شنو ترة كلبي خلصان منهه ـ مسحت دموعي وكلتله.. حاضر ـ واختي ريتال ابدددد متكعدين يمهه ـ ليش هية حبابة جابتني للغرفة وكلتلي شنو تحتاجين صيحيلي ـ زينة مو زينة اذا اشوفج يمهه كاعدة لو دتسولفون اكص رجليج ولسانج.. ـ دنكت وكلتلة.. حاضر ـ أ أ ..كومي ذبي ملابسج وتعالي يمي ـ عزا .. يعني شلون اذب ملابسي واجي ـ ليش ولج شحاااجيلج عني احجيي شكاايليين ـ وروح ماما الله يرحمهه ماحاجيين شي بس يعني استحي ـ اااني رجااال افتهمتتتتي لووو لااا ـ عزا يالله هذا شبي عيونة خزرني بيهن وصارن حمر ويحجي بعصبية وهم عليه يريد يضربني ـ كومي بدلي.. شنو مرة عمج الكحبـ ماخلتلج ملابس نوم ـ اتذكرت سيت النوم الشترتة خاله ام عمر .. بس اخذتة منال ودعاء.. اشترتلي خاله ام عمر بس منال اخذته مني ـ اضاهر اني مو بعينهم هالكواويد يصبرروولي ـ تعبت من حجية مدعرف شيريد وكلشي مدمفتهم منه ـ يلة ميخالف.. هسة راح اعوفج وانزل عندي شغل ومتواعد وية ناس بس باليل اني اعلمج واثبت لهذول الكلاب كلهم… اني رجال ونص غصباا عليهم ـ حجئ هالحجايتين وطلع وعافني مفتهمت ليش يكول اني رجال ونص بقيت كاعدة واتلفت بالغرفة الصبغ مال الغرفة مكشر وكلش تعبان والسكف مليان خيوط عنكبوت البنكة وصخة سيان ريحة الغرفة ابد مو طيبة صار عندي فضول قاتل اريد اشوف شنو بالكنتور ليش يكول ممنوع تلزمي .. اتقدمت وضليت واكفة اريد امد ايدي وافتحه اخاف .. بس هو طلع اكيد مو هسة يجي فتحت باب الكنتور وياريت مافتحتة ملابس كلهه وصـــخة وصايرة شي فوك شي مو معقولة شنو هذا عبالك لامهن من الشارع وحاطهن بالكنتور صايرة خيسة من القذارة تلعب النفس جواريبات مطشرة حتئ ماكدر اميزهه من الوصخ البيهه دفاتر مشككة وقديمة واوراق بكل مكان بالكنتور اقلام مكسرة براغي ودرنفيسان واشياء كهربائية واكو بعد اشياء ماعرف شنو هية كل باب افتحه انصدم بيه هو الكننتور خمس بيبان مو جبير بس متروس زبل.. رحت لاخر باب فتحتهه شفت ملابسه بيهن .. صح مخربطة وشي فوك شي بس نضيفات مو وسخات مثل القبلهن.. رحت للجرباية فراشهه خفيف عبالك جودلية مو فراش الجرجف من الوصخ هتيان ومتملخ اتقربت للمراية فتحت المجرات صفنت علئ البيهه اشكال المشوطة من كل شكل ولون قراصات ماشات طاك بوند بس كلهن وصخات وقديمات مكياج مكسر ومبهذل فتحت الجزامة بيهه شحاطات واحذية نسائية نفس حال الملابس وصخات وعلئ جهة احذيته اليلبسهن عزا شلون راح اعيش بهيج وصاخة فتحت باب الغرفة مديت راسي شفت اكو حمام تواليت بنهاية الممر علئ كل جانب اكو غرفتين البيت عبالك مهجور اشو محد موجود بي ولا اسمع صوت احد وين راحو قبل شوي جانو موجودين رديت رجعت دخلت وسديت باب الغرفة .. هية مو جبيرة صغيرة بس لو تتنضف وتترتب تصير حلوة زين شلون انضفهه وهو ميقبل شلون اعيش بنص هالزباله والوصخ فتحت الجنطة وطلعت دشداشة وغيرت ملابسي بس بقيت الشال ع راسي مانزعته فتحت البردة مال الشباك جانت متروسة تراب وحتئ قماشهه واكف عبالك من القذارة .. فتحته وبقيت واكفة شفت النهار بعدة طالع بس مادري ساعه بيش الشباك ميطلع علئ شارع من الجهتين بيتين عاليات وعدل يطلع علئ كراج بيت جيرانهم. الو البيت يعني حتئ اذا اضوج ما اكدر افتح شباك واتفرج بنايات سادة الشمس والهوئ.. هو هذا الزواج الجنت احلم بي غرفة وملابس ومكياج وسفر وطلعات وونسات ورجال حباب ياخذني اشوف خواتي اتخيلت راح اخلص من منال واذيتهه للأبد يمكن وكت بالاتعس تعبت من الوكفة وضهري كام يوجعني اتمددت علئ الفراش ريحة الوصخ والعفونة لعبت نفسي كمت اركض من مكاني يا الله وين اروح شسويت ياربي من ذنب حتئ هيج يصير بية واتعاقب صار الليل واني علئ نفس كعدتي كلش تعبت وراسي كام يوجعني عطشت وجعت بس استحي انزل او بالحقيقة اخاف انزل ومحد منهم صعدلي وسألني شنو محتاجة احتاجيت حمام عفت الغرفة وطلعت رحت للحمام اركض استحي لا احد يشوفني دخلت وقفلت الباب شفت المي والصابون مقاومت راسا نزعت ملابسي وسبحت علئ السريع خاف صباح يجي او غيرة .. احس روحي كلش توصخت من هالغرفة الوصخة لبست ملابسي علئ السريع و طلعت اركض من الحمام للغرفة وسديت الباب .. اوووف همزين محد شافني فتحت الجنطة وطلعت خاولي صغير نشفت وجهي وشعري بي حتئ مشط ماجبت ويايه من البيت عبالي هنا كلشي راح الكة ولو شعري كصير ميحتاج امشطة جريت الشال ولفيت شعري.. انفتحت الباب ودخل صباح ـ شنو هاي عود ليش غسلتي؟ ـ ماكووشي بس حسيت بروحي وصخة وردت اغسل.. هجم عليه ولزمني من دشداشتي ـ لج اااحجي ليشش غسلللتي شتقصدييين ـ كمت ارجف ماعرف شجاوبة .. لـ لـ ليش شنو السبح حرام لو ممنوع بهالبيت لو شنو مفهمت ـ اعرف شتقصدين يابــنت الكــــلب ديررري بالج تعيديههه ـ اذا تعرف شأقصد لعد خليني انظف الغرفة ماكدر انام لو اتمدد بيهه كلهه سيان ووصخة نفسي لعبت منهه ـ انجبيي ادبسززززز غرفتي انضفف منج ومن اهلج العااار ـ ماجاوبته من سبني والله يا صباح ما العب بشي من غراضك بس خلي انظفهه ـ عود انتي علمود هالسبب سبحتي؟ ـ اي بس لاتزعل .. تعبت كلش واتمددت علئ الفراش بس متحملت عبالك نايمة بوسط الزباله ـ انتي زباله يابنت الزباله ديري بالج تحجين هيج كدامي ـ انت ليش كل شوي تغلط عليه هو اني شحجيت قابل انت ماعندك عيون وتشوف الغرفة شكد وصخة .. ركض عليه كفخني وجر الشال مني وطلع شعري راسا كام يضحك ويصيح بصوت عالي ـ تعاااال ابو صباااح تعاااي ام خزااااام تعاااي ريتاااال تعااالو شوفو هاااي الكررعه المعيوووبة كل عقلكم اني اتزوووج وحدة معيووبة مثلهـــه ليشش شتقصدوون ـ ردت اخذ الشال منة بس ما قبل جرة وشمرة برة الغرفة كلهم التمو يم الباب ابو صباح ـ هاا ولك شبيك تجعررر ـ. تعاال تعاال شوف الزوجتهه الي هية هاي خلقة اخلااق .. شبيية ادخل علئ كررعة ام خزام ـ هاي شنو .. صدك عود ليش انتي ماعندج شعر نهاوند ـ لا عندي هيانه صباح ـ غشييتوني تريدوني اتزووج كرعه ليش شبيةة شنااقصني شتقصدوون احجوو ابو صباح ـ اااش لا تجعرر وتتسئ نفسك ولك ام خزام ـ لا عاد لاتحجي بالناقصك ـ ليش هيج تعاملوني شمسوويلكم ريتال. ـ اهداء صباح هاي شبيك ياعيني خطية البنية ترة حلوة واذا شعرهه كصير هادي باجر يطول ـ انتي معلييج ريتال لاتدخليين.. تـ تعاال يابة مو كلت بنية حلوة وماناقصهه شي ليش شنو شبية تزوجوني كرعه شناقصني ابو صباح ـ لاتحجي بالنقص وتخليني افشلك.. بس اخر مرة شفتهه جان شعرهه واصل لجتفهه شمدريني ليش مكصوص ام خزام ـ خابرو عليهم وشوفو شيكولون ابو صباح ـ طبعاا اخاابرة دافع بيهه دفترر قابل ماخذهه ببلاش نهاوند ـ دافع بيهه دفتر ... شكد توجع هالكلمة اتذكر امي من جانت تحجي تكول دفعت بهالغرض هالكد .. حتئ الدموع كامت تخاف تنزل من الموقف طلع ابو صباح التلفون وخابر علئ ناصر سمعت صوته من رد عليه شكد كرتهه فوك كرهي اله بالجذب ما سأل عليه ... شنو بعد راح اشوف منهم ياالله ابو صباح ـ يابة شنو هالبضاعه المضروبة الناطينياهه ناصرـ لا تكولهه ابو صباح كول غيرهه.. شبيهه بنت اخوية ؟ ـ شبيهه شنووو تسوي نفسك غشيييم ومتعرف منقصلــكم دفتررر كاامل تريدوون تغشووني تواالي عمرري تخسوون اذا انتو تغشووني وتلعبون عليةة ـ بسس كول انطيني ااشااررةة اذا طلعت مو بنية هسة اجي اذبحهه ابااب بيتكم ـ مو هذا الاقصدة .. بس ليش كرعه وماعدهه شعر بنتكم؟ وين طيرتو شعرهه ـ يا ابوو صباح وكعت كلبييي كل عقلي دخل عليهه وطلعت معيوبة ـ واالله عاد بنت اخووك وانت اعرف بيهه ـ عمي اذا علئ الشعر تهون ـ لا والله ههههع اسمع ولك .. راح يصيرين دينك دفترين الا ربع مو دفتر ونص هواي عليهه دفتر هاي و مو اني التنطيني بضاعه مغشوشة والله يعلم بعد شنو المغشوووش بيهه وخلي اباالك كلشي بحسابــــة ناصر ـ لا هذا موو حجي ابو صباح انت ماخذلك بنية عمرهه ارباطعش سنة الكل يتمنة يتزوج بنت بهالعمر هيج بنات يصير مهرهن غالي واني نطيتكياهه بأقل سعر ـ هذا العندي مااعاجبك طززز هسة ارجعهه الكم واخذ كل فلووسي كاش شمستفاد من هالكرعة منال ـ جيب التلفوون يانااصر جيب متعرف تحجي الو ابو صباح ـ نعم بشنو تريدين تقنعيني هالمرة ـ هاا مو هيج الحجي ياخوية غير افتهم بشنو اعتراضك علئ البنية ـ كرعة ـ لالا صددك كاصة شعرهه الادبسزز ولا ااادري ـ شعليه .. تدرين او لا المهم البضاعه ناقصة ومضرووبة وتتحوول فلوس عليكم ـ لا يا خوية مو هيج ابو صباح انت رجال اخو خيتة مشهودة الك بين الناس تقبلهه علمود هالزعطوطة الكاصة شعرهه بدون مندري احنة نخسر هالكد فلوس هسة هي يمكم سووي بيهه مابدالك هية بعد صارت جنتكم من ايدك هاي لايدك هاي ام خزام ـ ضحكت عليك بكلمتين مو ـ بعدة ما انخلق اليضحك علية .. منال ـ منو اليكدر يضحك علييك بعدة امة ماجابته.. بس ياخوية ابنك هم مو صاحي يعني انت تعرف صباح بعد صباح ـ هاا هاا شووفو شلون هالغرييبة تحجيي علييه يااابة شلون تخلييه تحجي علييه شلوون ابو صباح ـ اشو تحجين علئ ابني كدامي لا خجل ولا مستحة منال ـ لالا عيني منو يحجي علئ ابنك لو احجي علييه جان مانطيته بنتنه وانت شفتهه وردة مفتحه ستوهه كبرت وراح تتربئ علئ ايدكم وترة هية مو مثل بنات هالوكت الله يستر منهن ومن مصايبهن هاي انطيتهه الكم كلشي متعرف جايبتهه الكم بزونة مغمضة وتفيدكم بأبنكم لاتحجي ولا تفضحة يعني ستر وغطة عليه يا ابو صباح ابو صباح ـ هذا الحجي كلة ميمشي وياية اطلبكم دفتريين الا ربع واااي كلمة منكم متعجبني ارجعلكم بنتكم واخذ حكي كامل منكم ومن عيوونكم . فتهمتوو نهاوند ـ سد التلفون وباوع علية بنضرة احتقار ونزل ونزلت وراه ام خزام وبقت ريتال يمنة ريتال ـ شبيك صباح خطية البنية مبينة حبابة والله ـ ماكو احد زين بهالوكت كلهم جلاب ـ زين خلي تنزل يمنة ترة هية لا اكلت ولا شربت من ساعه الاجتي صباح ـ عود تريدين تقنعيني مانزلت يمكم نهاوند ـ لا والله ابد حتئ ميتة عطش واخاف انزل انت متقبل ـ لا متنزل.. روحي ريتال جيبي مي وتعالي نهاوند ـ راحت ريتال وضلينة لوحدنة مو طبيعي هالرجال يتحرك هواي بالغرفة رايح راد دوخني من هالحركة يصفن ويحجي وية نفسة بالمراية خلاني انرعب فوك ما اني مرعوبة منة ـ ليش تباوعيلي هيج اني مو مخبل ـ اني ماحجيت شي ـ تعاي تعاي انام وياج واشوفج اني رجال ـ من يحجي احس راح تصير بية جلطة من الخوف .. اجئ وكعد يمي علئ الجرباية ابتعدت شوي عنة ـ شبيــــج ـ مابية شي اجتي ريتال دكت الباب ونقذتني ـ جبتلكم مي وهذا عشئ وبطل ببسي وكلاصات .. عيني نهاوند اي شي تريدي انزلي اخذي من المطبخ لاتستحين صباح ـ متنزل لاي مكان يلة روحي ريتال .. ـ زين عيوني زين لاتعصب راح انزل .. يلة باي ـ جابت صينية بيهه تمن وتبسي وطرشي وكباب عروك مسوين .. كعد ياكل وقدم الصينية عليه بس شربت مي ما اشتهيت اكل من الوصخ الكاعدة بنصة ـ شو متاكلين ؟ ـ لا ماريد ما اشتهي ـ احسن.. تكولين مرة عمج ماحجت شي وياج ـ والله ماحجت شي ويايه بس اعرف اسمك حتئ عمرك ماعرفة ـ هممم اي شي سمعتي منهه لا تصدكي ـ هزيت راسي بمعنئ اي.. كمل عشئ وراح غسل ورجع حالتة غريبة هو نضيف ملابسة نضيفة ليش الغرفة هيج حالهه ليش متروسة وصخ صار عندي فضول اسألة بس اخاف راح اتمدد علئ الفراش وعدل ضهرة ـ تعالي يمي ـ بلعت ريكي من الخوف .. اتقدمت وكعدت علئ الحافة ـ اتقدمي لاتخافين ـ مد ايدة وجرني عليه حضني وبقئ يشم بية ويبجي استغربت منة ليش يبجي و ليش هيج حاله اتمدد علئ الفراش وجرني حتئ اتمدد وياه كل كلام دعاء اجئ ابالي وكمت ارجف .. هذا شراح يسوي بيه ـ ليش ترجفين ـ ها .. لاا مابية شي ـ تشوفيني رجال مو ـ اي طبعا انت رجال ـ تدرين اني اكبر منج بعشرين سنة ـ لا ماعرف عمرك ـ انتي مواليد 1992 واني مواليد 1972 ـ ماجنت اعرف ـ من يسألوج شنو راح تكولين ـ منو يسألني ـ اهلي ـ مو متقبل اكعد وياهم ـ وراح تسمعين كلامي ومتكعدين وياهم؟ ـ يعني .. غير هيج اسوي واسمع كلامك ـ اي عفية .. اني احب اليسمع كلامي كلشي انطي بس همين من يسألوج شنو راح. تحجين ـ عن شنو يسألوني ـ انتي بس كليلهم صباح رجال مابي شي ـ اي.. حضني قوي لصدرة وصار يتحسس جسمي بين الخايفة وبين المسلمتلة امري ضل اكثر من نص ساعه يتحسس ويبوس بية ما تجاوبت وياه لاني خايفة وهو هم ماحجئ شي ولا تعصب عليه وبعدين تركني ودار ضهرة حسيت عليه يبجي مادري ليش حنيت عليه كعدت علئ حيلي ولزمت جتفة .. صباح شبيك.. ليش تبجي ـ لاا تتوهمييين نفسج كلشي مابية و نااااامي مااابية شي.. ناااامي ـ من الخوف راسا سويت نفسي نايمة بس الريحة خانكتني ماكدر انام صار الصبح حسيت عليه كعد وغير ملابسة ونزل وسمعت صوتة طلع لبست الحجاب ورحت للحمام غسلت وجهي.. فتحت باب الحمام وصارت بوجهي ام خزام مرة كصيرة وسمينة ولابسة فوطة وداكة حنجهه عبالك كحلهه بحنجهه.. ـ شنو هاي عود صدك سبحتي ـ لا ماسبحت بس غسلت وجهي ـ اي زايد علييج هههههههههه ـ استغربت من حجيهه شتقصد هاي عافتني ونزلت واني ورجعت للغرفة صافنة علئ الغرفة اريد انضفهه بس خايفة زين خلي انزل جوة بلكي افتهم شي .. وكفت يم الدرج والباب المقاببيل غرفتنة انفتحت وطلعت منهه ريتال صباح الخير ـ هلو نهاوند صباحو حبي وين صباح ـ طلع ـ تعالي نزلي جوة نسوي ريوك ونسولف ـ خاف يجي صباح ويشوفني ميقبل ـ ههه لا لاتخافين منا للعصر يلة يرجع تعاي تعاي ـ نزلنة سوية ودخلنة للمطبخ بيتهم نضيف وحلو صح مابي هواي اثاث بس زين المطبخ بعد احلئ كاونترات خشب بي وسنك كلش جبير وعدهم ثلاجة ومجمدة فرشت جودلية ريتال بالكاع وخلت الريوك وكعدنة نتريك انتي شصيرين من صباح ـ اني اختة من غير ام ـ هاا والله حسيت انتي اختة لان تحنين عليه ـ صباح مسكين يانهاوند وحباب ميئذي احد الا اذا اتاذة ـ زين ليش هيج غرفته ـ سالفته طويلة وكلش مؤلمة شكد مايقسه عليه اكول اخوية هو عصبي بسرعه يتعصب بس ميضرب بسهولة ـ معقولة ..البارحة رعبني خلاني ابجي ـ اي صح هوة ياهو اليشوفة وميعرفة هيج يحجي وياه يحاول ينطي هيج انطباع عنة انو هو قاسي وكذا بس هذا مو ثوبة ولا هو هيج ـ ماكلتيلي ليش ميقبل انظف الغرفة ـ ماكدر احجي هسة الحياية راح يكعدن خلي اكمل طبخ وتنضيف واصعد يمج احجيلج .. ـ تريدين اساعدج بشي ـ لا ميحتاج .. منا لساعتين اخلص واجي ـ عفتهه وصعدت للغرفة اباوع علئ الحايط واعيد كلام ريتال كالت عصبي بس ميأذي وميضرب خلي انضف الغرفة والله بعد ماكدر رديت اتعوذت من الشيطان وسحبت نفسي خاف يجي علئ حضي ويكوم يضرب وياذي .. فاتحة الكنتور وصافنة بالهدوم عبالك ملابس نسأئية بس مطينة ووصخة جريت وحدة من الملابس هاي تنورة اي والله ملابس نسوان عزا ومكياج بهذاك المجر هذا ليش محتفظ بيهن بقيت انبش وادور بالملابس .. نسيت نفسي شكد مر من الوقت وانفتحت الباب فزيت وكمز كلبي عبالي هذا صباح.. ريتال ـ شبيج بايكة طن هوئ الله يساعدج ـ من الخوف .. بس تعاي فهميني الله يخليج شنو هالمصايب ملابس مال بنات بالكنتور وهناك عندة مكياج وهاي الوصاخه شنو ـ كعدي وعلئ كيفج لا تستعجلين .. حدة وحدة افهمج ـ وين اكعد بهالوصخ ـ اي والله حقج .. اوكفي خلي اجيب جرجف من غرفتي ونكعد عليه ـ راحت جابت جرجف فرشتة وكعدنة نسولف ـ شوفي يابة.. ابوية متزوج 8 مرات ـ شنو؟ ـ اسمعي بعدني ماحجيت .. متزوج وعندة ولد وبنات هواي اكبر من صباح ام صباح هية الثالثة بالنسوان ماتت خطية وعافت صباح واربع بنات وراهه وامي هية ام خزام الخامسة بالترتيب ـ عزا هاي انتو شكد ـ اي عندي 15 اخ و18 اخت ـ وينهم ؟ ـ لا اطشرو وية الوكت وحدة من نسوان ابوية اخذت جهالهه وعافته وراحت.. مكدرت تتحمل العيشة وياه.. مثل مكلتلج صباح من الزوجه الثالثة وجان قبلة اكثر من عشر اطفال اخوتنة الكبار جان هواي ينضرب من نسوان ابوية واولادهن هواي يضطهدو ويأذو يعني… ـ كالت يعني وسكتت .. يعني شنو مفهمت كلنة ننضرب اني هم شبعت كتل من منال مرة عمي ـ لا مو هيج مو ضرب عادي .. جانو يضربون صباح علئ المنطقة الحساسة مالتة هواي اخذ ضرب وجلاليق قوية عليهه اكثر من مرة يغمئ عليه بس محد يهتم بيه ـ زين ليش ممنعتيهم او ابوه ليش ما وخرهم عنة ـ لا ..اني جنت مموجودة بس كلهم يحجون بهالشي يمكن لان ماعندة احد يدافع عنة وكره نسوان الاب تعرفي .. كالو جانو يضربو جلاليق علئ هالمنطقة ويتأذة ويبجي ويصخن وكلتلج اغمئ عليه بس محد يهتملة عبالهم عركة اطفال راحت ايام واجتي ايام وكبرنة.. بس هو ماجان علئ طبيعته دائما حزين شأئت الاقدار وحب وحدة بالجامعه ـ يعني وياه بالجامعه؟ ـ لا ابوية بخيل علينة لدرجة متتخيليهه ماخلانة نوصل للجامعه البنات زوجهن وخلص منهن والولد بطلهم ويطلعهم للشغل حتئ يستفاد فلوس من شغلهم ويخلص من مصاريف المدارس ـ بخيل وتزوج 8 ؟ ـ محد جان يدري بي بخيل الكل يعرف بي فقير وماعندة فلوس .. وانتي تتصورين هذني دافع بيهن مهر لو مكلف نفسه؟ لا .. بس ابوية الوحيد لجدي هو الوحيد علئ 9 بنات وجدي راد تستمر ذريته يكولون ماراد يكون عندة حفيد وحفيدين لا راد فريقين طوبة واكثر شسوة عاد .. ضل يزوج بأبوية ويكلة خلف واني اصرف عليهم معليك.. اخر شي مات جدي وبقينة احنة تايهين وراه هههه ـ عزة ريتال هاي صدك تحجين ـ اي والله جدي جان عندة محل مخضر ويصرف علئ احفادة وامهاتهم منه بس من مات الاوضاع تخربطت وراه وبعدين صارت حروب وكلش بين علينة الفقر وكام ابوية يشتغل بالربا ويكدس فلوس واحنة كلشي مندري عبالنة فقير وماعندة جنة نستغرب من نسمع من الناس ابوية مداينهم ملايين ومرات منصدكهم لان منعرف شلون شكلهه الملايين واحنة الف دينار ماشايفي ـ بس بيتكم حلو ـ اي اني اكلج.. ابوية يحب يصرف علئ نفسه من شوي صارت بيدة فلوس.. كام يلبس ويشتري النفسة اتصوري حتئ راح لسوريا من صار السقوط .. بوكتهه خطية اتوسل صباح بأبوية حتئ يروح يتعالج وياه بس ماهتملة وما اخذة ولا عبالك ابنه من دمة هذا ـ خطية ـ المهم امي ونسوان ابوية اجتمعن وقررن يصيرن ايد وحدة ويسون هالبيت .. تدرين بيتنة جان بس كاع وغرفتين بلوك مدري طين يكولون بس امي اشتغلت بالربا وية ابوية ماعرف مين دبرت فلوس وصار الهه نسبة وياه ومرة ابوية دلاله والثالثة هم وياهن وابوية اشترك همين وبنو هالبيت وكعدن ـ وين باقي نسوان ابوج ـ ماتن بس من كبرو ولدهم مو مثل ام صباح ماتت وولدهه صغار ـ اوف .. اي ماكملتيلي عن صباح .. منو هاي الحبهه ـ اسمهه سجئ جانت طالبة جامعيه وهو سايق الخط مالتهه .. مات عليهه وحبهه حب مصاير وهي هم حبته البنية راد من ابوية يساعدة بالزواج بس ماقبل كلة دينار ما اصرف عليك انت زوج روحك .. بقئ صباح يشتغل تكسي و فيتر اي شغله تجي كدامة يشتغلهه كوة جمع جم فلس واشترة هالغرفة .. كولي صارت القسمة وصار يوم زواجهم كل الناس جانت منتضرة صباح ياخذ زوجته ويطلعون العلامة التبين رجولة الرجل وعفاف البنية ـ غشاء البكارة تقصدين ـ اي هو .. بس صباح ماكدر يسوي شي وصار علج بحلوك الكرايب انتضرته زوجته اكثر من سنة ماكدر ياخذهه العلاج جان غالي بزمن التسعينات ويحتاج مراجعه دائما مو يوم ويومين وجان حصار كوة يحصلون الفلوس وابوية همين ماقبل يساعدة امي ونسوان ابوية هم ماوكفو وياه وبقو يكلولة الخصي ومو رجال اشكال حجي سمع منهم ـ زين وين خواته ـ خواته اتزوجن وكل وحدة حارت بنفسهه هواي حاول وية نفسة جان يشتغل ليل نهار حتئ يعالج نفسة بس ماكو فايدة الئ ان اهل زوجته اجوي عليهه واخذوهه منه وهي هم ما حجت طلبت الطلاك وتنازلت عن كلشي وراحت حتئ هدومهه عافتهه ـ يعني هاي البلكنتور ملابسهه ـ اي مالتهه ـ وليش مطينات هيج ـ ابوية وامي ونسوانة الباقيات سوو هيج بالهدوم .. اتعاركو مرة من المرات وهمين سمعو هالكلام الخصي مو رجال مو كدهه مابيك خير وطلع من البيت صعد ابوية ونسوانة وشالو ملابس طليقته وشمروهه بالحديقة وجان مطر وطين وهيج صارت ـ ليش ماغسلهن يعني هو محتفظ بيهن لان يحب زوجته غير ينظفهن ـ من يوم العافته سجئ ماقبل يغسلهن يكول بيهه عطرهه واذا ينغسلن يروح عطرهه.. اتأزمت حالته اكثر من عرف بسجئ اتزوجت وخلفت .. وهسة ولدهه صارو كبار ـ شكد صار عدهه جهال ـ يمكن اربعه ممتاكدة شكد .. بس اخر شي سمعنة سافرت طلعت خارج العراق.. هسة عرفتي شنو حالة زوجج ـ والحل شنو اني ممارة عليه هيج امور ـ اكيد انتي بعدج صغيرة وينج وين هالسوالف خطية ـ ليش انتي شكد عمرج ـ اني جبيرة.. هواي اكبر منج عمري 26 سنة ـ وشعجب ممتزوجه ـ اتزوجت من جان عمري 16 واطلكت بعمر الـ 20 ـ ليش اطلكتي ـ زوجي واهلهه اخذو فلوس من ابوية وابوية اعتبرهه ربا همة جانو متصورين دين عادي بس من كلهم ربا راسا طلكوني كلولة انت متحترم العشرة ـ وعندج جهال ـ اي عندي 4 ولدين وبنات اثنين بس ماخذهم ابوهم ميقبل حتئ اشوفهم يكول انتو عائلة متشرفني رغم همة يدرون هذا شغل ابوية من زمان بس المصالح تضاربت بيناتهم واني وجهالي وكعت بيهه ـ هواي انقهرت عليهه وعلئ صباح حسيت صباح مثل قصتي همين مستضعف مثلي وشابع طن كتل بدون ذنب.. زين هو شنو يشتغل ـ عامل فيتر وية صديق ابوية ـ وشكد ينطي ؟ ـ يوميتة 25 الف بس ابوية ياخذهن ويبقيلة شي قليل ميكفي .. ـ ليش ياخذهن هو مو يشتغل ـ ابوية. محد يكدر يحجي وياه .. اخوتي البقية مساسي وعدهم امهاتهم يحننون كلب ابوية عليهم بس صباح غير شكل ميعرف يسايس ودائما تصير خلافات بيناتهم وماعندة ام ولا حتئ نسوان ابو تحنن كلب ابوية عليه ـ وانتي شعجب تحبي ـ ما اضم عليج اني هم جنت مثل البقية اشوفهم شيسوون اسوي مثلهم واصنف واضحك عليه بس من اخذو جهالي مني اندكرت خفت لايصير بيهم مثل مديصير بصباح ابوية ميريد جهالي وميريد يصرف عليهم ولا طليقي يقبل يرجعني لو ينطيني جهالي واني وجهالي وكعنة بالنص وهسة محرمة منهم نهاوند ـ اخذتنة السوالف وسمعنة صوت الباب انفتح كمزت ريتال وطلعت من الغرفة دخل صباح وبيدة علاكة صغيرة ـ هاي جبتهه .. اكليهه اذا تريدين ـ الله يساعدك ـ هلو شكرا ـ تريد تسبح ـ احد كلج اني وصخ ـ لا والله ابد مو هيج قصدي بس لان راجع من الشغل سإلتك.. ـ هسة اني اخذ ملابسي واروح ما احتاج مساعدة من احد ـ اخذ منشفتة وملابسهه وراح سبح طلع من الحمام ... ووكف كدام المراية يعدل بشعرة بأيدة.. ـ ماعندك مشط تمشط بي ـ شسوي بي اذا انتي هم كرعه شعدنة نجيب مشوطة ـ سكتت ماجاوبته ـ امشي صبيلي غدة ـ اي .. نزلت اني وياه شفت نسوان ابو كامن يضحكن من شافونة هو راسا اتنرفز وعاط عليه كدامهم ـ امــشــي صبيلــــي قـــزرقـــط ـ كلش انهضمت منة .. ليش يخجلني كدامهم .. كلتلة اي دة اصب ليش تعيط همستلي ريتال ـ لاتجاوبي هيج اسكتي صباح ـ شنو ولجج ماسمعت شحجيتي ريتال ـ ماحجت شيي صباح علئ كيفك والله ماكالت شي خطية ـ بقيت ساكته وهو يحجي اشكال الحجي والغلط عليه صبيت الغدة وخليتة بالصينية .. وين تريد تتغدة ـ بالـــــهـــول ـ نتر بية وكال بالهول اخذتة وخليتة بالهول علئ الطبلة وعفتة ـ تعالي وين ـ اريد اصعد للغرفة ـ ليش اتغديتي ؟ ريتال ـ ابد حتئ ريوك مقبلت تتريك تكول خطية صباح طلع بدون ريوك ـ لعد تعالي اتغدي نهاوند ـ جنت كلش مقهورة وخجلانة بنفس الوكت .. لا شبعانة ماريد ـ من اكول تعالي اكعدي تجين بدون كلام ـ حاضر.. كعدت اتغديت وياه كوة اكلت شوي البيت كلة غريب عليه والمكان غريب انفتحت الباب ودخلو 4 ولد كبار ووياهم ابو صباح ابو صباح ـ صاير رجال ويكعد هو ومرته يتغدون فلاح ـ يلة يالله نفرح بطفل يكون خزام ـ مين يحسررة هههههههه نهاوند ـ كلهم ضحكو من هالحجاية راسا ترك الاكل صباح وابتعد ـ شيلي الزقنبوت ـ اي .. اخذت الصينية للمطبخ واسمعهم يضحكون عليه خصوصا ابوه هواي يصنف ويذب حجي عليه.. غسلت الصينية وراسا صعدت فوك كلبي كلش انعصر عليه انتضرتة يجي بس ماصعد ماعرف ليش يسكت الهم .. بعدين عرفت من ريتال طلع… رجعلي تالي الليل عيونة مورمة عرفت باجي هواي .. جوعان؟ ـ ماعايشين حتئ بس نزقنب .. ماريد ـ زين تاكل وياية نستلة ـ لا ماريد ـ عفت النستلة علئ جهه وكعدت .. نام علئ الجرباية وجرني يمة ـ تحبيني نهاوند ـ خجلت من كلاامة .. استحيت ارد .. راسا دفعني وجر ايدة ـ ليش ساكتة ـ أ إ أاخجل ـ لا لاتخجلين .. تعالي ـ مثل البارحة بقئ يتحسس جسمي باسني من رقبتي حسيت عبالك نتلة كهربائية صارت بجسمي .. ضل علئ هالحال بس مانزعنة ملابسنه دعاء كلتلي ننزع ملابسنة بس صباح ماطلب هالشي .. ثلث ساعه تقريبا وابتعد عني كام وضرب باب الكنتور بايدة وخسفهه خلاني اتجمد بمكاني اشوفة يشهك ويبجي كعدت علئ حيلي ماعرف شسوي جاب موس وكام يشرح بايدة ويصرخ ـ ليش هناا احـــس وهناك ماا احس بشـــي ليشش ليشش يالله ليشش شنوو ذنبيي ليشش هيج ديصـــــير بيية ليشش ـ اخاف اتقرب عليه بس شفت ايدة تجري دم كمت اصرخ كافي كــاافي صبــاح ايدك كامت تجرري دم كاافي الله يخلييك كاافي .. صعد ابوه واخوته علئ صوته لزمو وضمدو ايدة وهمين يستهزؤن بي شنو هالبشر يشوفون شخص هيج حالتة تعبانة ويستهزئون بي.. ليش.. لفو ايدة واجئ نام بفراشة بقيت طول الليل سهرانة وخايفة من المنضر الشفتة.. مر اكثر من اسبوع علئ هالحال احس بصباح انسان زين حباب طيب بس ميكدر يعاملني بشكل زين كدام اهلهه كلتلي ريتال يريد يثبت وجودة ورجولتة كدامهم وهيح يتعامل وياج فـ لازم اتحمل .. يمكن اتحمل معاملتة بس هالزباله ماكمت اتحملهه ابد احس جسمي توصخ وصار بي جرب واحك بشعري مادري صار واهس بية او صدك اكو شي .. خلص بعد ما اكدر خلي انظفهه وشيصير خلي يصير.. اتفقت اني وريتال باجر انضف الغرفة من يطلع صباح وهي اتبرعت تغسل الملابس والبردات واي شي ينغسل لان امهه راح تطلع لبيت اختهه وترجع للعصر وتكدر تشتغل ويايه براحه لان امهه تمنعهه تنضف غرفة اخوهه بحجة تخاف عليهه طلع صباح وكمزت من الفراش جبت مكناسة طويلة وسعفت واجتي ريتال اخذت الملابس والجراجف والبردات وكلشي لمت واخذته تغسله بالغسالة واني نضفت تنضيفة ذبيت كل حيلي بهالغرفة جابتلي ريتال بسمار وجاكوج وعدلت الباب المشلوعه حسب الاعرفة والاكدرلة ومسحت الكنتور من برة ومن جوة بقاصر وزاهي وجلف جلفته مسحت الشباك كلهن عصرتهن بالنشافة وجابتهم فتحت الشباك وهويت الغرفة الاحذية لزمتهه وجلف بالحمام المكياج والقراصات كلهن فرك وجلف .. قديمات من التسعينات وهو محتفظ بيهن واحنة هسة بسنة 2006 سنين صارن موجودات هنا مابقيت مكان مانضفتة حتئ ورة الكنتور وفوكاه صعدت ساعه 11 الصبح كلشي كملنة وجابت ريتال الملابس نضيفة وناشفة صح متأكلات من الطين وتايخات بس علئ الاقل نضيفات جنة نشتغل واحنة مرعوبين من الراح يصير ومدنكدر نحزر ردة فعل صباح حسيت الغرفة صارت شكل ثاني كلشي بيهه نضيف الكاع جلفتهه بقاصر وزاهي احس براحه نفسية مو طبيعيه خليت ملابسي وياه بنفس خانت الكنتور ملابسة قليلة وملابسي هم قليلة دخلت سبحت وكملت وطلعت انتضر صباح ريتال. ـ نهاوند اي شي يصير لاتجيبين سيرتي ـ يعني هو شنو. راح يسوي ـ ان شالله ميسوي شي بس لاتجيبين سيرتي ـ تحجي هيج بس وجهه يكول غير شكل حتئ غدة ماتغديت من الخوف صار العصر واجئ صباح احس جسمي صار ينتفظ من الخوف فتح الباب ودخل .. وصفن بالغرفة وفتح عينة وخزرني عيونة انتقامية جانت ومرعبة ـ هــــاي شمســــــــوية بالغـــــرفة؟! وللحكاية بقية……….. 🥀