الشخصيات
💜🍃💜🍃💜
🍃💜🍃💜
💜🍃💜
🍃💜
💜🖌 @ahgeel 🔮🍃
*🔮ــــ #الشخصيـات ــــ🔮*
بيت الجد ناصر ابو طلال
* الجد ناصر : حبيب وطيب ومسالم متدين ومحافظ وماله شغل بأحد شغله الشاغل صلاته وعبادته وهالشيبان اللي بسنه .
*العمه منى:عايشه مع ابوها في البيت هي وزوجها ماعندها عيال لكن تعد عيال ابو عادل مثل عيالها وتموت عليهم
*طلال ابو عادل : انسان متفهم روحه حلوه عملي جدا معطي عياله كامل الحريه في كل شي معطي كل واحد حرية القرار في حياته شوي شديد لكن تغلب عليه حنيته ومستعد يسوي كل شي عشان خاطر عياله ..
(عائله ابو عادل)
عادل : الابن الاكبر انسان هادي مسالم عملي انسان يحب الحريه مثقف عقله كبير و رزين دايما يكون منصف وعادل لكن اذا تدخل فيصل بالموضوع يطير عقله واتزانه عمره ٢٧ عزوبي ..
*فيصل (بطلنا) : الابن الاوسط او مثل ما يسمونه (مقباس الشر) انسان فوضوي وطايش اهم ماعليه الضحك الوناسه والبنات والغزل ماله شغل لا بدراسه ولا عمل ولا بجديه 24 ساعه يضحك ياكل يرقص المفروض متخرج من الجامعه من سنتين لكن للاسف فاااشل ونص المواد حاملها شغله الشاغل يمنع ابوه من الزواج بعد وفاة امه ضارب الكل بالجدار واللي يعجبه يسويه واللي مايعجبه لو يتقطعون ما يسويه عناده درجه اولى ولا يسمع الكلام له تأثير كبير على اخوانه واذا حقد على احد يتحول بشكل مو طبيعي عمره ٢٤ ..
* نواف : الاصغر عمره ١١منقاد تماما تحت امر فيصل متعلق في فيصل بدرجه كبيره ملقوف نوعا ما عايش تحت هوس زوجة الابو اللي زرعه فيصل في نفسه وكبره واصبح شبهه بالكابوس
حساس حيل وخواف وطبعا بيكون اغلى واحد بالعيله (بعد وفاة ام عادل تغيرت نفوس العيال وصار هاجس فيصل الوحيد انه ما تدخل حرمه غير امه البيت لو اضطر انه يسوي بلاوي زرع المخاوف في قلوب اخوانه وصاروا معه في كل شي وهو اللي متحكم ما ننكر بعد خوف فيصل من زوجة الاب اللي بإعتقاده انها بتفرقهم وتشتتهم وتمحي كل ذكرى حلوه ومرتاحين لوجود عمتهم اللي تاخذ بقلوبهم مكانه كبيره)
٠٠
ابو محمد : الابن الثاني للجد ناصر انسان شديد وعصبي على عهد الشياب اللي زمان ماعنده خرابيط نادرا مايكون رايق ويضحك
ام محمد : مثل اي ام هاديه ورايقه وتحب عيالهاا
محمد : شخصيته طبق الاصل من ابوه رايح بحاله ماله شغل بأحد متزوج وتوها زوجته حامل بأول مولود عمره ٢٧
نسرين : اختهم الدلوعه الكيوت صح اكبر وحده لكن تعتبر اصغر وحده شكلاً وعقلاً كانت منجذبه لعادل وكل فتره تروح لبيتهم بحجة انها تدور على عمتها طبعا وعادل ولا درا عمرها ٢٥
رائد : شاب راكد وراكز بعيد كل البعد عن العصبيه والزن والقلق مشتري راحة باله صاحب لفيصل صحبتهم قويه رغم الاعتراضات اللي تصير على اسلوب فيصل وطريقة حياته الا انه معاه ويزعل ويضيق اذا احد كدر فيصل ودايم بصفه عمره ٢٤
ريمان : الاخت الاصغر لكن اكثر انسانه عربجيه فالبيت لسانها طويل وشخصيتها شوي ثقيله اغلب وقتها مناقر مع اخوانها وعيال اعمامها واكثر شي فيصل
٠
في بيت ام رامي (خالة عيال ابو عادل)
ام رامي : انسانه تحب الفلوس وطماعه ومن بيت لبيت والحش والنميمه ما توقف عادي تبيع عيالها عشان الفلوس
ومصره تزوج بنتها من عيال اختها ي فيصل ي عادل
رامي :ولدها الكبير مبتعث ويدرس في امريكا
وسن: البنت الوحيده بتموت وتتزوج فيصل عينها عليه ومصره الا تتزوجه نفس وضع امها
٠
في بيت بعيد بيت ابو مشاري ( من معارف الجد ناصر )
ابو مشاري : انسان دبلوماسي وراقي من الشخصيات الكبار المهمه له مزاجه ورونقه الخاص بالعربي (انسان جدا هاادي وانحيادي) من اهم مبادئه انه مايضغط على اي احد ومؤمن بالحريه الشخصية لذلك نحصل تربيته لعياله راقيه ومعتمده على الترف والدلع والامبالاة
ام مشاري : غير جدا عايشه حياتها ببرستيجها الخاااص والعزايم والروحات والجيات ومع ذلك ما نست عيالها
مشاري : الكبير نفس شخصية ابوه وله منصب مهم متزوج وعنده اولاد (طارق .يوسف . مصعب)
امل : الاخت الكبيره متزوجه وعايشه برا عندها بنت وحده (تولين)
أديم (بطلتنا) : انساانه فرفوشه حيل روحها خفيفه وجميله متسامحه دلوعة وحساسه تخاف حتى من ظلها دايم مبسوطه وراضيه بحياتها رومانسيه جدا ما تعرف تحقد على احد الكل متعود على حيويتها ورقتها عمرها ٢٠
مروى : انسانه عاقله وعقلها اكبر من عمرها الكل بالبيت ياخذ رايها مثل ما تقولون انسانه لها شأن وراي ومتثقفه عمرها ١٨
٠
العمه سهام (اخت ابو مشاري) مطلقه ماعندها عيال عايشه مع ابو مشاري ببيته نفس شخصية اخوها نقدر نقول فيها شوي كيد وقويه لكن في نفس الوقت طيبه وحنونه
٠
العم يحيى ابو نوره : اخو ابو مشاري (ومثل مايقولون له ابو البنات)
ام نوره : انسانه حقوده ونيتها مو صافيه ابدا وغيوره
نوره : نفس امها شايفين انفسهم وحالتهم حاله
نرجس : نفس الطينه وغيوره ومنافقه وتصرفاتها جدا بشعه ودايما جالسه لعيال عمها من بنات وعيال وتطلع عليهم اشاعات ..
💜📚 @ahgeel 💜📚🖋
🍃💜
💜🍃💜
🍃💜🍃💜
💜🍃💜🍃💜