الفصل 2
عالم القصص والروايات 📚:
🌺🌼🎀🌼🎀🌼🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀
#ياما_تجرعت_المرارة_عشـانك💙
🌱 #بدايـة_الجزء_الثاني🌱
🍒ـــــــــــــــــــــــــــــــــــــــــ🍒
طراد: اوك معك حق بس ريم اغلى كان خطبت وتملكت وبعدين طقيته
علي وهو متنح في طراد:انت غبي ي ابني
طراد:لا بس اعلمك
علي:ليتك سكت على نفسك
طراد وهو يضحك ويقرب من علي ويضمه :الله يفرجها عليك ي اخوي علي وهو يرجع يشد على طراد:ايه احس مشتت ولا اني عارف نفسي محتاج وقفتك ي طراد
طراد شد عليه بقوه وبعد صمت قال طراد:علي ؟
علي :لبيه
طراد:لبيه حاج بس ماكنك مغير عطرك
علي وبتنهيده:هذا العطر بعتمده من اليوم ورايح
طراد :بس استغربت هداوته طول عمرك عطوراتك قويه
علي:هذا عطر ريم ابيها قريبه حتى من انفاسي
طراد سكت شوي وقال:الله يعطيك اللي في بالك ويريحك ي اخوي هذا على ماقيل من الحب ما قتل
ضحك علي ورجع يجلس محله
سكت طراد شوي ثم نقز جنب علي :قم بسرعه قم
علي:بسم لله وش فيك
طراد :قم وانت ساكت
علي قام معه سحبه طراد وركبوا السياره وتوجهوا لطريق يعرفه علي زين ويرتاح فيه كثير وصلوا للمكان ونزل علي ونزل طراد وقف علي واخذ نفس طويل وقال:تعرف اللي يروقني ي طراد
طراد :جلس يضحك وفتح الباب الخلفي وطلع كرتون مويه واخذ قلم
علي التفت وهو يضحك :طراد بعد جايب مويه
طراد:افا عليك ماشفت شي ..سحب كيس كبير من ورا
علي وهو مفتح عيونه على الاخر:انت مجنون صح مجنون حتى بخاخات الثلج جايبها
طراد رمى على علي كرتون فاضي وقال:خذ جمع عدتك لا تخسر في حرب النفوس ي معلم
المكان كان في الثمامه كان علي وطراد كل ما تضايقوا او تعبوا من الحياه يجون الثمامه ويجيبون كرتون مويه وبخاخات ثلج ويقسمونها نصين ويبداون يرشون على بعض لين يتعبون
بدوا يفتحون المويه فتحه صغيره من فوق بالقلم ويجهزون العده
وبدا كل واحد يرش على الثاني لين انهد حيلهم اثنين وماتو لعب وضحك بعد ما خلصوا رجعوا لسياره وهم مهلوكين ورجعوا لبيوتهم وكل واحد تروش ونام من التعب
٠٠٠
اما عند البنات كانوا متجمعات عند الكفتيريا بالجامعه
شيخه :ريم وش فيك قولي
نجلا :ريم
ريم بدت تنهار وجلست تبكي : ماتوقعت كل الرجال كلاب ماعاد عندي ثقه في احد
نجلا طاح قلبها خافت انها درت ان علي درا ان مشعل يتحرش فيها:ليه
ريم قعدت تبكي وحكت لهم كل اللي صار معها امس وكانوا منفجعات ما توقعوا ابو مشعل بذي الوقاحه حتى هم بكوا من الصدمه ومهمومات لان حياة ريم ماعاد تنضمن في ذا االبيت
٠٠٠
علي:يعني الحق علي
طراد :ومرتين وتبي تغديني عزيمه وتعشيني رضوه
علي : وجع اي والله وجع عفيه بطن
سعود دخل:كني اشم ريحة عزيمه
علي:اووووه جاء عاد اللي ماتكفيه مفطحات
سعود :اذكر اللي ي زلمه ولو بناكل من خيرات الله
علي :وش عنده السوري
سعود وهو يضحك:تضامن مع امك
علي :هههههه وحذف عليه المناديل
طراد: يالله وين بتغدينا
علي:قم قامت قيامتك قم ..وضحك وهو يقلد امه ويقلدهم :العين تطرأك شو بطيني وكزاب ..
٠٠
اما ريم كانت حايسه في العزايم والقهواي والرجال داخلين طالعين يزورون مشعل وهمومها اللي ما تنتهي ومن كثر ماهي مكروفه قالت:والله والله وهذا حلفان احاسب عليه اول واحد يدق الباب ويخطب لا اتزوجه لو انه سكار نكار وافتك من العيشه هاذي ..
٠٠
عند علي فجاء وهو جالس يتغدى تذكر جده وانه واعده قبل يومين يزوره سحب الجوال وهو مستعجل وشرق وشرب مويه والعيال يخبطون عليه ومايدرون وش السالفه
طراد:بسم الله وش فيك وش صاير
علي :يوه نسيت جدي
طراد :اي جد
علي:كم عندي جد انا جدي حاكم
طراد:وش فيه
علي:هماني كلمته قبل يومين وعدته اني ازوره
طراد:اوف يومين ..عز الله ماسوت خير الجامحه
سعود :من الجامحه
علي بسرعه:فرسي فرسي اللي في مزرعة جدي
سعود بشك:وليه ما سوت خير
علي وهو يخز طراد :يقصد ما ظفرت لان لها يومين ماهي نشيطه
سعود :ايه
طراد ساكت طول الهرجه وعلي اخذ التلفون وظل يدق على جده وجده مايرد عليه :اوه هذا مابيرضى لين اجيه بنفسي
طراد :روح له طيب
علي:وين ي شيخ ناسي زياره ابو مشعل
سعود شرق:من بيزور ابو مشعل
علي وهو يتكي وبنص عين:انا خير في شي
سعود :غريبه وش صاير من البقره اللي حجت
طراد:شايف كيف
علي:ولا شي بس عشان خاطر ابوي وجدي
سعود وهو يستهبل:ايه قول جذيه ي معود طيح قلبنا
علي وطراد مع بعض:قلبنا هههه
علي :انت ثبت على لغه كل لغات العالم سوت حادث معك
طراد :قلبنا
علي:الله يهديك بس انت وحماسك الغير منضبط
.
.
عند الرادارات شيخه ونجلا
شيخه :احلفي
نجلا :والله
شيخه:وش صاير علي بيزور مشعل اكيد اخوك ولى عقله
نجلا:انتي شايفه لكن على ماقيل لجل عين تكرم مرج عيون
شيخه :وش رايك اجيك وننفض غرفة علي
نجلا :ايه تعالي اليوم امي بتدخل تنظفها لانها صايره مزبله
شيخه: يالله بلبس واجي
نجلا :استني لين يروحون وتعالي لانه اذا شافنا مع بعض بيمسكنا تحقيق
شيخه :ايه صح ..
بعد ٣ ساعات جو ا
بو عمر وعياله كلهم للبيت وبدوا يجهزون
عند نجلا كانت جالسه تستنى علي في غرفته دخل علي وهو يضحك اول ماشافها ناظرها وصد ودخل وهو ينزل اغراضه ولا معطيها وجهه نجلا:علي
علي:.......
نجلا :علي رد علي
علي ساكت وهو محروق
نجلا بدموع:علي لا تسوي كذا الله يخليك
علي ما تحمل دموعها ولف بسرعه:ليش ليش ي نجلا ما تكلمتي من قبل ليش ما قلتي لي
نجلا بكى ودموع: وش اقولك وحتى لو قلت لك وش في يدك تسوي بصفتك ايش
عليي بعصبيه:وش بسوي بحرقهم بصفتي ايش هاااه بصفتي ايش انتي عمياء ي نجلا عمياء سكت وهو يتدارك وضعه : روحي الحين خليني البس
نجلا:ماروح لين تسامحني
علي:نجلا روحي
نجلا ببحه بكى :مابي
التفت علي وضمها وهو يمسح دموعها :خلصنا عاد مسامحينك يالله عشان تعرفين اني سامحتك طلعي اغراضك
نجلا بضحكه:على خشمي ي اخو نجلا
علي وهو يضربها بخفيف في خشمها:عليه الشحم ي اخت علي
وراح يتروش وهي راحت تطلع اغراضه
بعد نص ساعه جهزوا كلهم وطلعوا ودقت نجلا على شيخه تجي
٠٠
عند ابو مشعل كان يحتري ابو عمر وعياله ومشعل ساكت بيشوف اخرتها معهم
ابو عمر بصوت جهوري:السلام عليكم ..طريق ي ولد
ابو مشعل :اقلط اقلط ي ابن عمي
بعد سلام وكلام وسؤال عن الحال
ابو مشعل :ولو اني زعلان على علي بالحيل
ابو عمر :مافي زعل ان شاء الله كل اللي صار عتب عيال عم
مشعل :والعتب بذا الشكل
علي :انت اللي نرفزتني وخليت خلقي يطلع
مشعل :وش سويت انا
ابو عمر يتدارك الوضع :حصل خير هذا انتم اخوان حبايب قوموا حبوا خشوم بعض ويحصل خير
علي التفت بسرعه لابوه ومشعل بعد
ابو عمر وهو يغمز لعلي :يالله الله يرضى عليكم يالله
قام علي وسط ذهول اخوانه وابو مشعل ومشعل بعد مد يده لمشعل وقومه وحب خشمه وهو كاره بس يشوف ريم بين عيونه
مشعل من الصدمه تنح والعيال بعد ابو عمر :يالله ي مشعل
قرب مشعل في ذهول وهو حاس انه هدوء ماقبل العاصفه
وحب خشم علي استاذن علي باسم ان عنده شغل وهو كاره ذي الروحه من الاساس
٠٠
اما عند ريم كانت بتموت من الرعب من يوم درت ان علي فيه
وتتخيل في بالها انه بيهجم عليها في اي لحظه
سمعت صوت نحنحه برا وفزت شافته واقف جنب سيارته ويكلم واضح انه متنرفز شافت شلون شكله يفجع وهو متنرفز قالت في نفسها هذا وهو متنرفز اجل لو معصب كيف بيصير شكله فجاءه حسته يناظر الشباك وساكت شافت ملامح وجهه ارتخت ولمعت عينه وباين انه شافها صرخت وخرت بسرعه وهي مرعوبه
وزادت رعبتها ام مشعل بصراخها:انتي مجنونه كل شي تصرخين عليه
ريم :اسفه بس بس
ام مشعل :انكتمي مابي اسمع حسك
٠٠
عند علي كان يكلم طراد وهو بيموت من القهر كيف يحب خشم الغبي مشعل كيف وبين ماهو معصب حس فيه عيون تناظره التفت وهو يدعي انها الجامحه تنح يوم شافها وفهى معها ونسى طراد والجوال والسيره كلها ونسى مشعل ومصايب مشعل
وطراد يصيح على الجوال فز علي على صوت طراد:عليييي
علي :وجع وجع
طراد :وين رحت
علي بهيمان :شفتها تناظرني ي طراد
طراد بزهق:يوه علينا ياخي فكنا ولو يوم من سيرتها
علي بزعل:وش ذا الكللام ي طراد
طراد:انا اسف بس طفشت خلاص غير السيره
علي بزعل :مع السلامه وطوووط
عند طراد بغى يبكي ياخي من ناحيه ريم وبلعناها اما التسكيره في الوجه مابلعناها
٠٠٠
عند ريم جلست تفكر في علي ورعبه قالت بخاطرها احس الرجال ذا وراه مصايب وعمايل الله يستر لا يكون شافني
تذكرت كيف كان لما كان صغير كان حنون عليها ولا يعرف العصبيه كيف كان دايم يحميها من كل شي قبل وبعد ما توفوا اهلها تنهدت وقالت:وش اللي غيرك ي علي
٠٠
عند الملاقيف نجلا وشيخه دخلوا غرفة علي بحجة انهم يرتبونها وبدوا بالتفتيش اول ماطاحت نجلا على السلسال اللي مكتوب عليه الجامحه وصرخت:شيخه الحقي
شيخه جت تركض وطاحت وقامت :وش فيه
نجلا :شوفي السلسال اللي اقولك
شيخه: وش مكتوب عليه
نجلا:مكتوب الجامحه
شيخه:وش يعني
نجلا :مدري بس اكيد يخص ريم
شيخه :اكيد يالله دوري بعد
كملوا تفتيش ومالقوا شي
نجلا:احس لو بنفتش الغرفه الصغيره هاذي بنحصل بلاوي
شيخه:وانا بعد بس مافي مفتاح
نجلا :ايه دايم في جيبه
شيخه بخيبة امل :يالله نطلع
نجلا :يلا خليني نرجع السلسال ونطلع قبل يجي
٠٠
عند علي رجع البيت وماهو معطي فرحته لاحد جاء مسرع لامه وضمها حيل وطلع ركض وامه تضحك وقابل نجلا وشيخه عند باب غرفته وقف فجاءه :خير وش عندكم في الغرفه
نجلا:قالت لي امي انظف غرفتك انا وشيخه
علي :ايه ناظر شيخه..وقال مابتسلمين ي دبا
شيخه ضحكت وجت تسلم عليه:احسبك زعلان
علي :هههههه انا اقدر ازعل عليكم
شيخه :انفدااااك
علي:تعالو تعالو ابيكم
شيخه ونجلا التفتوا لبعض وخافوا علي :تعالوا مافيه شي ..
دخلوا معه وارتصوا على الكراسي الموجوده وجلس علي على السرير واخذ نفس وقال:اسمعوني زين اي مشكله تصير من بعد اليوم مع ريم تنقال لي بحذافيرها ولاينقص ولا حرف
شيخه :وليه وش انت من ريم عشان تنقال لك امورها
علي :اعد خطيبها
شيخه ونجلا صاحوا مع بعض :نععععععععععم
علي :وجع ا
خروا اصواتكم
نجلا:كيف يعني
علي :في ذي اليومين بتقدم لخطبتها وابي منكم تعرفون وشو له تكرهني
شيخه ولا كلمه كانت هاديه هدوء غريب ونجلا زيها
علي :هييييه انتي وهي
شيخه بفغاره : انت تتزوج ريم
علي:ايه ريا عندك شي قوليه
شيخه:ولا شي لكن الله يحفظ عقلها
علي بهواش :ليه
شيخه:بصراحه البنت تخاف منك حتى من سيرتك كيف بتتزوجها اصلا عندها رعب منك
علي :اقدر افهم ليه
شيخه:مدري كذا
علي يحاول يهدي:اذا الخوف مافيه مشكله ينحل لكن طال الزمن والا قصر ريم ماهي الا لي ويلا توكلوا
طلعوا وكلهم مسبوهين نجلا وشيخه ومتنحات
نجلا :سمعتي اللي سمعته
شيخه:على قد ماني فرحانه على قد ماني منصدمه
نجلا :وش مفرحك بالموضوع
شيخه:يعني علي مهما عصب الا انه حنون ويجنن بيحبها وبيسعدها وقولي شيخه ماقالت
نجلا بتفكير:مدري بس الاكيد ان ريم بتنجلط هذا اذا وافقت على علي
شيخه:اتوقع اذا ما بتوافق ترحمي على علي
نجلا :مدري وين كان مخبي ذا الحب كله
شيخه:تبين الصدق احسهم مره لايقين على بعض
نجلا:اقولها تيس تقول احلبيه ي بنت البنت تكره علي كيف تبينها تتزوجه
شيخه:بتتزوجه وتشوفين
٠٠٠
من بكره الصبح اول ما صحى علي اخذ ابوه وراحوا لجده حاكم يراضونه ويقنعونه طول الخط وعلي متحمس حماس رهيب لدرجه ان ابوه كان مستغرب من حالة علي طول عمره الصعب القاسي اللي اخر انسان اتوقعه يحب ويعشق طول عمره غرقان في شغل ودايم معصب ودايم فيه ضيقه كيف قدرت بنت توها ٢١سنه تجيب راسه كيف وصلوا ودخلوا المزرعه وتوجهوا للجد اللي كان عند فرس علي الجامحه
ابو عمر:سلام عليكم
علي:مسه بالخير يالغالي
الجد رحب بابو عمر وتجاهل علي درا علي انه زعلان
علي :افا والله وانا خيال الجامحه زعلان علي ي تاج راسي جعل مالي عمر يوم زعلت
التفت جده عليه بعصبيه:لا تدعي على نفسك امك تبيك
علي وهو يبوس راسه ويده:وانت ماتبيني ي تاج راسي
ابو عمر وهو يضحك:حاصلك يبه اتغانم الفرصه ترا ذي الايام مشاعر علي جياشه
علي:ايه تغانم الوصل وعندي لك بشاره
الجد :قبل كل شي تفسر المصايب اللي انت مسويها
علي :ابشر على خشمي
وشرح له كل شي بستثناء ان مشعل مضايق ريم وعاتبه جده حيل بس رضى يوم قال تراضينا وهو مستغرب ان علي يراضي مشعل اللي مايطيقه
علي بفرحه:والحين بتسمع وش بشارتي
الجد :قول لا عدمتك
علي :يالله تستانس اخيرا بتفرح فيني وبتشوفني عريس
الجد حاكم :قول والله
علي وهو يضحك:وربي
ابو عمر :وجاينك نبيك تروح تخطب لنا البنت
الجد حاكم:ابشر ويبشر اخو نجلا ..لكن ماقلت لي من هي اللي راضي عليها ربي
علي وهو يضحك وعيونه تلمع فرح:ريم بنت عبدالله الله يرحمه
الجد:زين ما اخترت ادب واخلاق وجمال ابشر بعزك بكره نروح
علي في نفسه والله اني خابر والا وش جاب راسي:ايه بتروح وتنام عندنا وبكره من الصباح نروح
جده:ابشر لعيناك ي اخو نجلا
علي :انا بدخل اسلم على اللي داخل
واستاذن وراح الجد:وش غير الاحوال
ابو عمر :والله ي ابوي مدري لو تشوف وش صار فيه ما تصدق ماصدقت ان علي بيحب ويحب ريم اللي مثل الريشه
الجد :الله يوفقه ما كنت ناوي اسامحه لين علمني بخبره اللي يسر ..
ابوعمر:بيني وبينك يبه خايف ان ابو مشعل مايعطيه ثم والله لايموت
الجد:وليش مايعطيه علي رجال كلن يتمناه وفوق ذا توه عمره٢٦وعنده اموال ماهي عند احد بعمره وكله من تعبه
ابو عمر:يقول علي ان مشعل يبيها فاكيد ما بيعطي علي ويخلي بنته
الجد :غصب عليه بيعطي مهوب علي اللي ينرد شي في خاطره
٠٠
عند علي سلم على الجميع جاء بيطلع وجت صيته
صيته :جيت ي ولد السوريه
علي:لاحول ولا قوة الا بالله هذا شي مايخصك
صيته : ههههههه ما يخصني ي ولد امك
علي طلع من جنبها وهو ماوده يخرب فرحته بريم راح لفرسه اللي يحس انه جاء الوقت اللي يبشره بقدوم سميته اقبل على فرسه وبكل مهاره ركب الفرس وانطلق فيها وهو يحكي له وجع قلبه وفرحة سنينه قابل الهوا وكنه يقوله يشيل شوقه ويوصله للجامحه
اللي اسرت علي اللي ماعمره التفت لمره اقبل على ابوه وجده وهو لو يوزعون فرحته على البلاد كفت ووفت نزل من فرسه بكل مهاره وتوجه لابوه وجده وببتسامه:تحبون نمشي
الجد :اصبروا خلونا نتغدى ونروح
ابو عمر : اللي تامر فيه ..
عند ريم خلصت شغلها وراحت تريح عند جدتها وهي في قلبها شي مقلقها ولا تدري ايش انسدحت عند جدتها وغفت حلمت ب علي جاي لها من بعيد يركض وضمها وقال لها واخيرا يالجامحه فزت ريم برعب وهي خايفه تعوذت من ابليس وراحت تشرب مويه وكانت تفكر في الحلم الغريب العجيب وفي الاسم اللي ناداها فيه علي صحت من سرحانها على احد ماسك كتفها لفت بسرعه وشافت ابو مشعل: خالي وش تبي
ابو مشعل وهو يقرب بزياده:ولا شي ابي اشوفك
ريم لزقت بالبراده وهي ترجف :خالي وخر حرام اللي انت تسويه وخر
ابو مشعل :وش الحرام انتي كلك حلال
ريم دفته وراحت تركض لجدتها وتدعي ربي يرسلها اي احد يفكها من ذي المصيبه كيف كيف خالي يتحرش فيني انا الاقيها منه والا من ولده والا زوجته
٠٠
بعد العصر حرك علي وجده
وابوه من المزرعه متوجهين لبيت ابو عمر وعلي متحمس وصورة ريم ما فارقت عينه وصلوا بعد ما نشف حلق ابوه وجده من كثر مايصرخون عليه يهدي السرعه دخل علي البيت وقابله عمر وضمه وقابله بدر وضمه وقاابله عبيد وضمه وكلهم انصدموا صحوا على صوت ابوهم وهو يضحك :سلموا على جدكم ي عيال
سلموا كلهم وهم يسمعون دندنة علي بصوته الشجي يغني
علي:غني يمه غني وارقصي بكره ولدك بيصير عريس
ام عمر بصدمه:شو ياموه بتحكي الصدق
علي وهو يمسكها بيدينها ويدور فيها:ايه يمه ايه
ام عمر :والله والله لاخطب لك بنت بيحكوا فيها كل العالم
علي :مايحتاج تخطبين البنت جاهزه وهذا جدي جاي بيخطبها لي بكره
ام عمر بزعل :شو ياموه وانا اخر من يعلم
علي وهو يبوس راسها:لا ي قليبي بس الشغله مستعجله انتي فرديها وروقي ولا تخربين فرحتي
امه وهي تبوسه:ومين بنت الحلال
علي:ريم بنت عبدالله الله يرحمه
ام عمر:لك ربي يحفظها لك يخزي العين شو مرتبه وحركه
علي :افا عليك مانجيب الا الطيب
ام عمر:الله يوفقك ياموه ويكتب لك نصيب
علي :اميين
نزل علي مسرع مثل البرق واخوانه مستغربين
ضحك ابو عمر :سكروا افواهكم وباركوا لاخوكم بكره بنخطب له
اللي شرق واللي ضحك واللي اتشنج
بدر:يمه علي بيتزوج وش صاير الشمس طالع من الغرب
علي:ما راح ارد عليك لكن احسن بسبقك وانت خلك خلل في حضن امك
بدر: قوم قوم قال خلل الله يخلي لي امي اللي تدلعني
عمر :ماشاء الله مبروك ي علي
علي وهو يبوس خده:الله يبارك فيك ي ذوق
عبيد:مبروك الله يتمم لك
قرب له علي :قوم مابيها ناشفه كذا ضمني وبارك لي
عبيد يضمه:مبروك
علي:عقبالك
استاذن علي بيروح لطراد وراح ركض لطراد وكسر باب البيت دق
طلع ابو طراد مستغرب:علي خير يبه شصاير
علي بفشله:ابد بس ابي طراد
ابو طراد : الله يهديك وانت طول عمرك طاير اركد الحين انادي طراد بس ادخل تقهوى
علي:تسلم تقهوى معك العافيه بس انا مستعجل
ابو طراد:اجل ادخل صحه انت مالي خلق اطلع الدرج مافيه احد
طلع علي بعد ما اخذ له ابو طراد طريق وراح ركض فتح باب الغرفه وشاف طراد نايم في العسل والجو بارد والظلام واللحاف طاير عنه جاا يركض ونط على طراد: قوم قم بارك لي
طراد من الخرشه طاح من فوق السرير وكب المويه وجاء بيقوم وزلق وطااح ثاني مره وعلي ميت ضحك على السرير ..
طراد : لعنه انت ي تنفس ي يطير عقلك مره وحده اتزن ي رجل اتزن
علي وهو مازال يضحك:اول شي بسم الله عليك ثاني شي ماجور كان اوجعك شي ثالث شي ابشرك بكره بروح اخطب جبت جدي هذا هو بالبيت
طراد نسى وجعه ونط على علي وطاح هو وياه :مبروك الله يتمم لك تزوجها ي رجل والله لذبح ضحيه
علي وهو يدفه:قوم عني بس قال ضحيه
طراد :ايه يبه هاذي الاخبار اللي توسع الصدر وقف على السرير وقام يقلد ام علي :اوويها وعلوش بدو يتجوز اوويها والحمدلله كنو عتق رقبه واوويها موووتوا يالحساد غيره كلووووش ههه
علي:هيا قوم ي ام زكي وروح خذ لك دش بسوي عشاء بالاستراحه خل نروح نهيص ونرقص
طراد وهو يتوجه القبله: ياربي تمم عليه الروقان وتخليه يعشي فينا ويغدي ي رب
علي حذفه بالمخده وهو يضحك : عجل والا بكنسل
طراد :افا عليك برق
بعد نص ساعه جهز طراد وطلع هو وعلي
٠٠٠
عند ريم كانت تراسل نجلا وشيخه في قروبهم وقالت لهم عن حلمها وقامت شيخه تلمح لها عشان ماتنصدم :يمكن بتتزوجين علي
ريم برعب ؛لا ي شيخه وش ذا الفال
نجلا :ليه
ريم :والله اخاف منه وماعاد اصلا اثق بكل الرجال ما افكر اتزوج اصلا
شيخه بتسرع:ايه عشان تخللين عند خالك وولده وكل يوم واحد يوريك اصناف العذاب
ريم:وش اسوي يعني
نجلا :ريم حبيبتي اذا جاك عريس كويس تزوجي. احسن من عيشتك اللي تجيب الضيم كفايه عليك التحرشات من خالك والا مشعل يهون امره
شيخه وهي تحاول تقنع ريم بالزواج: ي ريم تراك تدرين انك مهدده بشرفك من خالك وولده لكن تزوجي سريع وانستري قبل تنفضحينن بشي مالك فيه ذنب .....
ريم بخوف:لا تقولوا كذا ي بنات وربي تخوفوني
نجلا :احنا مانخوفك احنا نفتح عيونك عشان ما تتورطين
جلست ريم تفكر بينها وبين نفسها وقالت اهم شي اطلع من ذا البيت لو اتزوج زبال اهم شي الستر
٠٠٠
عند علي سواء عشاء كبير في الاستراحه ولم اصحابه كلهم ونزلو كلهم رقص وغناء واكل ولعب وماقصروا
٠٠
من بكره الصبح صحى علي من بدري وراح يحلق ويتهندم ويتعطر ويكشخ ورجع البيت وصحى كل. اللي بالبيت
وهو بيموت من الحماس
جده :علي اركد اركد لا تصير خفيف
بدر يضحك:ااااه ي ربي لو درينا الزواج بيهبلك علينا والله ما نزوجك
نجلا وهي متكيه على كتف بدر ونعسانه :انت صاحي تراك بس بتخطب وماتدري يعطونك والا لا مسوي كل هالهليله ومصحي المسلمين من الصباح
علي:انتي بالذات انكتمي ي نفسيه ي عدوة الفرح
نجلا وهي تكش عليه:مالت حتى مالت اجل عدوة الفرح
شوي الا نوره وعمر جايين وبعيالهم
عبيد :الله حتى ذولي صحيتهم
علي وهو يضحك ويقوم يسلم:اهلا اهلا ادخلوا
عمر وهي قافله معه:والله لو ما توخر لا بدله على راسك انخبلت في عقلك انت
تراها خطبه خطبه انت انهبلت وانت ما تزوجت اجل لو بتتزوج وش بتسوي
علي :شوفوا اليوم براحتكم مسحوا بكرامتي الارض ماعندي مشكله يوم مفتوح
وكنهم ما صدقوا استلموه كلهم
٠٠
عند ريم صحت من بدري وفي قلبها قلق خالها قالها تنظف المجلس بيجي رجال وقامت تنظف وتغسل وتصلح قهوه وشاهي
بعد ربع ساعه
جا الجد حاكم وابو عمر وعلي وباقي اخوانه
ابو مشعل: يالله حيهم
الجد : البقى كيفك وكيف مشعل
ابو مشعل :الحمد لله كلنا نشكر الله
الجد حاكم :الحمدلله ..وين هي ام محمد خلها تجي بنشوفها ونسلم عليها
ابومشعل :ابشر
وراح ينادي امه وجاء هو وياها وبعد السوال والسلام
الجد حاكم :اول شي سبب زيارتنا اليوم نتطمن على مشعل ومن بعدها نبي نطلب يد كريمتكم ريم لولدي علي
ابو مشعل وام محمد مستغربين :كيف
ابو عمر:بصراحه يا ابو مشعل علي يوم قرر يخطب اصر ابوي عليه انه ما ياخذ الا ريم وريم بنت الف واحد يتمناها ونتشرف لو اخذناها لعلي
ابو مشعل :والله انا تفاجات وماكنت اتوقع ذا الموضوع علي يشرفني ازوجه وماينرد لكن البنت لها ولد خالٍ يبيها
الجد حاكم:ولد خالها لا شغل ولا مشغله
ابو مشعل :يرزقه ربي
الجد :لا توقف نصيب البنت ي ابومشعل والا وش رايك ي ام محمد
ام محمد:والله انا اشوف دام النصيب جاء ليه نرده خاطري افرح بها قبل اموت
ابو مشعل :لكن ....
قاطعه علي :ابو مشعل لا هنت ابيك بكلمة راس برا
الكل تفاجاءو وخافوا علي :لو سمحت
قام ابو مشعل ووقف هو وعلي في الحوش
علي :اسمعني زين ي ابو مشعل كلنا ندري ان ولدك عاطل وما منه فود وتدري زين اني اذا ماخذت ريم بابتليك في نفسك انت ولدك واطلع لك مصايب بتموت ما لحقت اخرها وتعرفني مجنون واسويها لكن اذا استهديت بالله واعطيتني البنت يوم الملكه بتاخذ في يدك ٥٠ الف ريال وملكية دور كامل في عمارتي اللي بالعليا ومحل من محلاتي اللي انا فاتحها وارض وش رايك
ابو مشعل بفجعه بكمية الاغراءات اللي بعمره كله ما جمع حق المحل بس فكيف بيجي كل ذا
علي :هاه وش قلت تعطي
ابو مشعل :ااا بس
علي : ولمشعل ٣٠الف وش قلت
ابو مشعل :هاه
علي :نقول تم
انعمت عين ابو مشعل اللي كان عايش على التقاعد وفجاءه تجيه كل هاذي الاموال :تم
ورجعوا وعلي ابتسامه شاقه وجهه
ابو مشعل :تم وعلى بركة الله
الكل كانوا متسغربين التغيير المفاجئ بس سكتوا وباركوا
الجد :ابو مشعل ما ودك تاخذ راي البنت
ابو مشعل وهو خايف ان ريم ترفض وتضيع عليه الفلوس :البنت رايها من رايي لكن بشوف
وراح :ريم ريم
ريم بخوف :نعم
ابو مشعل:اسمعي ترا علي خطبك مني وانا وافقت وعلى ذا الاساس بتوافقين لو اسمع كلمة لا بذبحك حتى لو جت امي بتقولين اللي يشوفه خالي
ريم :بس ..مسكها ابو مشعل من شعرها :مافيه بسبسه اذا قلتي لا او اني اجبرتك قسم بالله لذبحك
ريم وهي تبكي :طيب
رجع ابو مشعل وقال : ابشركم جت الموافقه والبنت تقول رايها من راينا علي نقز من الفرحه وده يصيح بس ماسك نفسه والكل بارك له وسلم عليه وحددوا الملكه بعد يومين من دون حفله بس عشاء وكلن يتيسر لين الزواج
طلع علي من الفرحه ودق على كل الناس وبشرهم ما وصل بيتهم الا طراد معه :علي
علي وهو يضحك: بارك لي ي طراد بارك لي
طراد وهو يضمه ويضحك: مبرك مبروك ي اخوي الله يكتب لك خيرها
علي وهو يضم طراد:كلها خير كلها
طراد:قلي قلي وش صار بالضبط
علي :تعال في المجلس
علم علي طراد بكل السالفه وطراد متنح:نعم
علي :والله
طراد :صاحي انت تعطي ذا الكلب كل ذا علي حنا مالقيناها في الشارع تعبنا
علي :جعلها فدا ريم هي بس تجي لو يبي الشركه ياخذها
طراد:علي صادق
علي :والله
طراد:لا حول الله انهبلت رسمي
علي : ااه ي كثر ما راح من هم على قلبي بكره اول ما اصحى بروح لطبيب وبشوف وش صار
طراد:وخله يكشف على عقلك يمكن يلاقيه محترق
علي :انت وش بك المفروض تفرح لي
طراد :انا فرحان بس ليه كل ذا كان مسكته وصفقته وخليته يوافق غصب
علي :ومن قالك اني بعطيه كل ذا بعطيه الدور و٥٠الف بس دفعة بلا
طراد:ايوه واللي قبل شوي
علي:كانت مجرد اغراء
طراد :من متى وانت بذا الخبث علي اقولك ترا ذا الحب ماسوى خير فيك
علي وهو ينسدح على الكنب :ياليت الايام تركض بس لين يجي يوم الزواج وتوقف هناك
طراد وهو يبوس يده وجه وقفى. :يالله لا تزغ بعقولنا على العموم مبروك وانا بروح انام هلكت وانا في الشركه وبعض الناس يخطبون
علي:خذ راحتك ابوي خذ راحتك
٠٠٠
اما عند ريم كانت بحاله يرثى لها كانت تبكي وتبكي وجدتها عندها :يمه خلاص اذا ماتبينه نرده
ريم بخوف من ابو مشعل:لا بس انا فقدت امي وابوي ماعليك ي جده روحي نامي وانا بنام
راحت الجده وريم قفلت الباب واستمرت في بكاها اخذت جوالها ودقت على نجلا: الو نجلا.
نجلا:هلا ريمه كيفك
وفي ذي اللحظه دخل علي على نجلا وسالها من شافها ارتبكت سحب جوالها وشاف الاسم وضرب قلبه بقوه وعطى نجلا بعد مافتح الاسبيكر
ريم وهي تشهق:نجلا وينك
نجلا بارتباك وهي تناظر علي:موجوده وش فيك انتي ؟
ريم وهي تبكي :علي
علي ي نجلا
نجلا :وش فيه
ريم :خطبني خطبني ي نجلا خطبني
نجلا :طيب وش فيك المفروض تفرحين انك انخطبتي
ريييم :نجلا وش فيك كنك ما تدرين اني اكرهه
علي غمض عيونه بقوه وسكت واشر نجلا تسال ليه
نجلا:ليه طيب.
ريم :موب وقتك تكفين تكفين اقنعي اخوك يخليني تكفين نجلا انتي تمونين عليه
علي اشر لها تقول طيب نجلا:ابشري اكلمه بس خليه يجي
علي قام وطلع وسكرت نجلا واتصلت على شيخه وقالت لها اللي صار شيخه دقت على ريم:سلام
ريم :هلا شيخه سمعتي شصار فيني
شيخه بهواش: مجنونه انتي احمدي ربك انك بتتزوجين وتفتكين من عيشة خالك
ريم :بس انا مابي علي
شيخه :ومن تبين ان شاء الله ريم تكفين افهمي اذا ما تزوجتي علي بتاخذين مشعل اللي انتي عارفه بلاويه ولا بتخلصين لا من ابوه ولا امه ولا احكي لك عن سواد العيشه اللي بتشوفينها اسمعيني ي قلبي وافقي على علي لا يغرك شكله وعصبيته والله حنون وينحب وصدقيني ي ريم لا يحطك بعيونه واذا تثقين فيني تزوجيه والله بتشكريني لا يغرك صراخه هو يصارخ علي انا ونجلا ويضربنا بس يرجع يعتذر ويراضينا ولا تنسين ان الزوجه غير وبتحبينه وبيحبك
ريم وهي تبكي :بس خايفه
شيخه :شوفي ي ريم انا ونجلا وراك مستحيل نخلي علي ياذيك ووراك جدي حاكم وابو عمر والدنيا ما انتي لحالك
ريم :مدري مدري
شيخه :صلي ركعتين واستخيري
ريم :ان شاء الله
شيخه:يالله حبيبتي تصبحين على خير وحطي كل ظروفك قدامك واتخذي قرارك على اساسها
سكرت شيخه وراحت ريم تتوضي وتصلي حست براحه بس فيها خوف ..
من بكره الصبح طلع علي على المستشفى وقابل الدكتور وجلس يساله عن حالته كشف عليه الدكتور
الدكتور :شوف ي علي احنا لنا سنين نعالج وفيه تحسن بسيط جدا لكن انا في اخر مؤتمر حضرته في امريكا في علاج يناسبك هناك بنجربه ونشوف وان شاء الله خير
علي :واتشافى ي دكتور
الدكتور:نقول ان شاء الله
طلع علي وهو قلبه مقسوم نصين قسم فرحان انه في علاج وفرحان بريم وقسم حزين متوتر خايف ما يلاقي علاج وتنكسر علاقته بريم
٠٠
وبعد يومين من الاحداث جاء اليوم المنتظر يوم الملكه وكان علي في الشركه يضبط ملكية الدور لابو مشعل وال٥٠الف
وطلع وراح البيت وهو مستانس وفرحان
٠٠
اما عند ريم كانت تجهز وهي حزينه وخايفه وكانت شيخه عندها وتدعمها وتقويها وكانوا الناس متجمعين ببيت ابو مشعل
٠
على الساعه ٨ العشاء جاء الشيخ وملك لهم والكل يبارك وفرحان ومشعل شابه بصدره نار وحالف ينتقم منهم ويخرب زواجهم
وابو مشعل على جمر ينتظر الفلوس والمالكانات وعلي محد في فرحته وتوتره وريم حاله ثانيه كل ما تصلح شكلها يخرب من البكي والبنات يدارونها والكل يحسبها فاقده امها وابوها بس
رفضت يدخل علي يلبسها الشبكه تكدر خاطر علي شوي بس مو مهم عطى امه تلبسها هي وجده حاكم
دخل الجد حاكم ولبسها بمساعدة ام عمر وهي ترجف وخايفه سلم عليها وطلع اما علي كان ضايق شوي ومرتاح من جهة انها صارت نصيبه جاء ابو مشعل :اقول ي علي ي ولدي انت باقي على وعدك
علي وهو ضايق:ايه ايه تعالي بكر&#عالم القصص والروايات 📚:
و يرجف :شيخه جيبي مويه وتعالي بسرعه
شوفي انفتح الباب وجت شيخه ومعها نجلا قفلت الباب شيخه ونجلا صرخت وسكرت فمها شيخه وجلست تبكي نجلا ذبحتها ذبحتها ي علي
علي بهمس:انكتمي ما صار لها شي شوية اغمى ودوخه من البكى شيخه ترش على وجه ريم مويه وعلي جالس على ركبه وريم طايحه بحضنه رفعت راسها شيخه بتسائل ولاحظت روج ريم على يد علي طاحت المويه من يدها وحطت يدها على فمها
ضربته على صدره وهي تبكي بعد:على اساس بتكلمها على اساس ما بتسوي لها شي
علي حاول يتدارك الوضع بس كلهم منهارات حاول يسكت شيخه لين سكتت وفهمها السالفه ورفعوا ريم على السرير وبدوا يصحونها بالمويه والعطر اما نجلا كانت جالسه بزاوية الغرفه وساكته وعلي وشيخه يصحون ريم بعد عدت محاولات صحت ريم واول ماشافت علي بكت زياده علي قال لشيخه انه بيروح وهي تدق على امه تدق على ابوه يسعفها هزت شيخه راسها ونقز علي من الشباك وصلح شماغه وتهندم وهو خايف وحاول يكون طبيعي جاا يمشي والجوال باذنه ويحاول يضحك اول ما وصل لاحظ طراد تغير وجهه :وش صاير وش ذي المويه اللي عليك ..
علي بارتباك :بعدين اقولك تعال نجلس وجلسوا شوي ويدق جوال ابو عمر وسمعوا الصياح والبكى جوا ودروا ان ريم اغمى عليها ودخلوا ودخل علي اول واحده وبسرعة البرق حمل ريم بين يدينه وغطاها بعبايتها وطلع فيها وهي مثل الجثه طلع من بينهم كلهم والكل منفجعع واسعفوها بسرعه واخذوها للمستشفى ودخلوها وعلي يرجف عند الباب والكل عنده ومحد يدري وش السالفه الا علي وساكت وطراد شاك فيه
بعد ربع ساعه طلع الدكتور وتجمعوا عليه وقال لهم :انهيار عصبي وارهاق وان شاء الله بتصير احسن
علي حط يدينه على راسه وهو يرجف شافه ابوه وجا :علي اذكر الله بسيطه ان شاء الله
حمر وجه علي وعرق وبانت عروق جلس على الكرسي وهو يتذكر كل اللي صار ما توقعت تخاف مني كذا ليه وش سويت ليه
بدوا الناس يرجعون لبيوتهم بعد ما تطمنوا على ريم وجت جدتها تبكي وقالت انها لها يومين تبكي فاقده اهلها ومع ارهاق الجامعه اغمى عليها وطراد مسك علي. :انطق وش فيه وش صار ؟
رفع راسه علي : انا السبب انا السبب
طراد وهو يهزه :وش سويت
علي قاله و طراد حط يده على راسه :انت صاحي هااااه صاحي انت زدت الطين بله ي غبي بتصير عند البنت عقده منك قالت ما تبي تشوفك خلصنا ما تبي تشوفك لازم تسوي مصيبه
علي وهو منهار: كان قصدي اكلمها بس ما طاعت كنت ابي اسكتها
طراد وهو يضرب على الطاوله :تقوم تقفل فمها ي غبي اكيد خافت
علي : احسبها بتسكت احسبها بتسكت
طراد :لا حول الله
علي :وش السوات وش السوات.
طراد:السوات انك تقوم تنقلع منها لو صحت البنت وانت في المستشفى بتموت والناس بيفهمون انك السبب
علي :مقدر
طراد:وش ما تقدر تبي تذبحها انت
علي :لا
طراد :قم من هنا وانا اعرف واحد هنا يطمنا عنها كل شوي
علي :بس طراد
طراد: خلصنا عاد
قام علي وهو يدف نفسه دف ويحاول يداري طراد وراح وجلس في الاستراحه وكل خمس دقايق يسال عنها
٠٠
عند نجلا وشيخه كانوا منهارات
نجلا:قلت لكن ما سمعتوني ذبحتوا البنت
شيخه :والله ما توقعتها تخاف لذي الدرجه ولا توقعت علي بيسوي كذا
نجلا وهي تشاهق:ويلي عليها كل اللي حواليها عوج
شيخه :انا بدق على علي بشوف كيفها ودقت :الو علي
رد علي وصوته رايح :هلا شيخه
شيخه وهي تبكي :كيف ريم
علي وهو ضايق :قالوا انهيار عصبي وارهاق وبتطلع خلال ٢٤ساعه
شيخه :لا تروح لها تكفى
علي بألم :طيب ...شيخه
شيخه :نعم
علي :انا اسف والله العظيم كان قصدي اسكتها بغيت اكلمها بس ما طاعت
بكت شيخه:حصل خير. لكن الله يستر من عواقبها
سكرت وعلي ضايق وزعلان توجه لمسجد المستشفى وجلس يصلي ويدعي ان ربي يسهل عليه ويزيل خوف ريم
٠٠
بعد ٢٤ ساعه طلعت ريم وهي منهاره ولا قالت ولا كلمه ولا علمت باللي صار دخلت غرفتها انسدحت وهي تتذكر كل شي
زاروها نجلا وشيخه ولا رضت تكلمهم وزعلانه عليهم وحاولوا يفهمونها وهي ما تتكلم
٠٠
عند علي كان جالس دخل عليه طراد :لا متى بتظل كذا
علي ببرود:وش تبيني اسوي
طراد :قوم فز على حيلك وغير ذي الحاله
علي :ما راح اسوي شي لين احل ذي المصيبه
طراد:قوم معي وتعال خذ دش وصحصح وروق وروح زورها من بعيد بس لا تجيها خلك بالمجلس ماله داعي الشك
علي التفت :بس انا خايف
طراد :تعوذ من ابليس وروح واللي عقد روس الحبال يحلها
قام علي ولبس وجاب ورد وجاء سلم على ابو مشعل وعطاه الورد وطلع رجع للبيت وطلع لوحه وبدا يرسم منظرها وهي طايحه بين يدينه وفي حضنه وكتب تحتها ليلة لقى ذبلت بها الجامحه طلع من الغرفه وراح ينام وهو ما حوله نوم بس يداري نفسه
٠
.
عند ريم كانت متخذه الصمت موقف لها ولا تكلم احد عينها على الشباك وساكته زاروها نجلا وشيخه ولا رضت تكلمهم وزعلانه عليهم دخل ابو مشعل وهو معه الورد حطه في حضنها :وقال هاذي من علي
ريم ارتجف داخلها وظلت ساكته
طلعوا كلهم وسكروا الباب
رفعت ريم الباقه وهي تناظرها كانت جميله حيل وريم تحب الورد بكت حيل :ليه ي علي تس
وي فيني كذا
لقت البطاقه وطلعتها لقت مكتوب فيها بخط بيده المرتب والجميل
( الحمدلله على سلامتك ..انا اسف ما كان قصدي ااذيك كنت بهديك عشان اقدر اتفاهم معك انا اسف )
مسكت الكرت وشققته وهي تبكي بحرقه
٠٠٠
عند علي كان جالس جنب السرير ومسند راسه على السرير ويفكر منهد حيله ويحس انه صار يخبص تفاجئ بفتحت الباب اللي كانت قويه شاف نجلا جايه مسرعه وجهها مايتفسر وقف وتوه بيتكلم الا جلست نجلا تضربه على صدره :حرام عليك حرام
علي طاح قلبه يحسب ريم صار لها شي :وش فيه تكلمي وش فيه
نجلا وهي تبكي:ريم ماعاد تكلمنا بسبتك ولا عاد تثق فينا مارضت حتى ترد السلام علينا انتم ليش كذا ليش قلت لك لا تدخل ما سمعت الكلام البنت بتموت والسبب انت كيف طاوعك قلبك ؟
علي وهو يمسك نجلا :والله ماكان قصدي والله كنت بكلمها بس ماطاعت
نجلا :وش اسوي الحين البنت تعبانه ماعاد تحس باحد عيونها على الشباك ولا تبكي
علي جلس وهو حاط يدينه على راسه :مدري ي نجلا لكن بحلها بحلها
طلعت نجلا وهي تبكي وقام علي لبس وطلع مافيه حل الا انه يواجهها ويكلمها راح لابو مشعل وقال ان حاب يتطمن على ريم
راح ابو مشعل لريم وكانت منسدحه :قومي قومي علي جاي يزورك
ريم فزت:لا مابي
ابو مشعل وهو يشد شعرها :اي كلمه ادفنك حيه تنكتمين وتقابلينه ولا اسمع صوتك فاهمه
ريم ظلت تبكي وابو مشعل راح ينادي علي دخل علي وهو يسمع صوت بكاها وتقطع قلبه
ابو مشعل:بس ي ريم هذا علي جاء بيزورك من قدك
علي :ابو مشعل بعد اذنك اتركنا لوحدنا
ريم رفعت راسها لخالها وتأشر له لا بس ابو مشعل ما عطاها وجه وطلع وقفل الباب ريم لزقت بالسرير وهي تبكي :وخر عني لا تقرب مني
علي :ابشري بس انتي هدي انا بجلس مكاني ماني متحرك بس انتي اهدي
ريم ما زالت تبكي وهي منهاره ومسكره اذنها اجبر علي عشان تسمعه انه يخوفها ويستخدم صوته عشان تسكت قرب منها وسحب يدها من اذنها وصرخ فيها :اسكتي
ريم خافت وسكتت واضطرت انها تسمعه جلس علي وهو ماسك يدينها وحاطها بحضنه ارتخت ملامحه وقال :ريم ي حبيبي لا تجيريني على شي انا ما احبه حاولي تسمعيني بدون مايصير بينا تتش ..اول شي انا اسف قد شعر راسي على اللي سويته الحين او قبل كان المقصد اني ابيك تسمعيني لكن انتي الله يهديك وثاني شي ليش زعلانه على نجلا وشيخه ترا والله مالهم ذنب انا اجبرتهم وعصبت عليهم يفتحون الشباك ويطلعون والا هم مايبون والحين هم زعلانين علي راضيهم ترا ذبحوا نفسهم من البكى وثالث شي اقدر اعرف ليه تكرهيني
ريم كانت دموعها ورا بعض وهي ساكته ولا نطقت بحرف ولا جاوبت على اي شي تعب علي من بكاها ومن سكوتها وقرر يطلع ويخليها اخذ طرف شماغه ومسح دموعها وجهها وباس راسها وقال اسف وطلع وترك الورد اللي جابه معه على الطاوله
بعد ما طلع علي جمعت ريم رجولها وحطت يدينها في حضنها وبكت لمست في كلامه حنيه بس ماتدري ليش تخاف منه تغطت ونامت وهي تتنفس ريحة عطر علي في كل زاويه من غرفتها
٠٠٠
عند علي طلع وهو حاس انه بيقدر يحببها فيه طلع لشركه ودخل وهو حتى مارد السلام وهاذي اول مره يسويها تعدى الكل ودخل مكتبه وسكر الباب وبدت تتوافد عليه الاشغال وحده ورا الثانيه وهو مره يشتغل ومره يسرح بتفكيره لين دخل عليه طراد وسعود
طراد وسعود :سلام عليكم قربوا يسلمون عليه
طراد وهو يمسك كتف علي: كيفك اليوم
علي ويهز راسه:الحمدلله احسن
سعود :كيف زوجتك رحت لها
علي وهو مرخي راسه:ايه توي جيت من عندها ماشي حالها ماهي ذاك الزود
جلس طراد: وش صار معك
علي تنهد :ما اخذت وعطيت بالحيل بس كلمتها عن البنات لانها زعلانه عليهم وقلت لها مالهم ذنب حاولت افهم سبب الكره بس ماتكلمت وكانت طول الوقت تبكي
سعود :لا حول ولا قوة الا بالله وش بتسوي
علي وهو يشبك يدينه :ولا شي بحتري لين الله يفرجها
٠٠
بعد اسبوع من الاحداث
نجلا وشيخه عند ريم بعد ماكلمتهم وسامحتهم وقالت ان علي جاء وشرح لها الموقف وقالت لهم كل اللي صار معها كيف صارخ عليها
نجلا :معليش حبيبتي هذا علي اذا محد سمع له يصرخ فيه بس يشهد الله انه ندمان وطول الاسبوع ضايق
شيخه :وفوق ذا علي يحبك والله يحبك
ريم :طول الاسبوع كان يتصل علي كل ساعتين مارديت عليه وبعدها صار يدق على جدتي واضطريت ارد عليه بس اقوله بخير واسكر
نجلا :ريم لا تسوين كذا علي ما يستاهل هذا هو ما نساك وهو في قمة شغله وشركته منهاره ومع ذلك يدق ويسال عليك
شيخه :ريم انتبهي تضيعينه من يدينك زواجكم بعد شهرين وانتي ما سويتي شي اللي مثلك جالسه تستعد
ريم:مالي خلق ..
شيخه :غصب عليك بيصير لك خلق واول ما يوصل المهر بتنزلين وتدبشين
ريم بزهق :يوه ي شيخه
نجلا :الحين روقوا لين يجي المهر وبعدها يحلها حلال
ريم بخوف:تتوقعون يضربني
نجلا:لا لا مستحيل علي مهما عصب قلبه رهيف قسم يحطك بعيونه وتراه ما يحب يشوف دموع احد ينهار على طول
شيخه:واذا شفتيه بس رفع اصبعه عليك لا عاد تكلميني في حياتك
٠٠
عند علي كان حايس هو وطراد وسعود الشركه مرت في ازمه عجيبه
غريبه ومع ذلك كان كل اهتمامه بريم كل ساعتين يشيل الجوال ويتصل عليها مع انه يعرف الاجابه بس يرتاح لا سمع صوتها اخذ جواله وتجاوز سعود وطراد ودق رقم ريم
سعود لطراد:الرجال انهبل تارك شغله وكل ساعتين يدق
طراد :قول الله لا يبلاك هذا ابتلا
سعود :والمشكله انها ساحبه عليه ولا تعطيه حرف
طراد:مسكين علي دايم الدنيا ضده لكن الله يسهل له ..
عند البنات قطع عليهم صوت جوال ريم برقم اللي هو رقم علي
اخذت شيخه :ردي
ريم :لا مابي
نجلا :ردي ي ريم حرام هاذي ثاني مكالمه
ريم :يوه ما ابغى
شيخه فتحت الخط وحطته سبيكر وقالت ريم تتكلم
علي :الو الو ريم
ريم: ......
تنهد علي :انتي طيبه بخير ان شاء الله مافيك شي
شيخه قرصت ريم وصرخت ريم علي :ريم ريم فيك شي ليه تصرخين
ريم :ولا شي طلع لي صرصور وراح
ضحك علي : بسم الله عليك
ريم صارت تتنفس بسرعه وسكتت
علي :انتي بخير
ريم:ايه الحمدلله شيخه تاشر له تقوله وانت
ريم بلخبطه وخوف من شيخه :و وانت
علي تنح:هاه
ريم سكتت
علي بدا يستوعب :بخير دامك بخير
ريم كانت مرتبكه وعلي نسى وش بيقول من سؤالها مع انه بسيط بس فرح فيه واستبشر خير فيه
ريم :مع السلامه
علي بسرعه:ريم دقيقه
ريم :...
علي :ا...انتي عندك حساب في البنك عشان احولك مهرك
ريم خافت وسكتت:....
علي:عندك والا لا لاني مابي احولها على حساب خالك ما اظمنه
شيخه دقت ريم وتكلمت :ايه عندي
علي ابتسم على صوتها المرتبك :طيب ارسليه لي رساله نص ساعه وتكون الفلوس بحسابك
ريم سكتت وبعدين قالت بسرعه :شكرا
ضحك علي بصوت عالي على برائتها وقال عفوا
وسكر علي توجه لمكتبه وسعود وطراد يناظرونه ومتنحين
طراد:خير وش ذا الضحك عساه خير
علي :خير خير
سعود :بشر
علي بحماس :ريم ريم سألتني عن اخباري
سعود وطراد مع بعض : ههههههههه
طراد وهو يلمس راس علي:حبيبي مصخن
علي باستغراب :وش فيكم
سعود وهو يضحك: انت فرحان عشان قالت وش اخبارك
علي حز في خاطره ضحكهم عليه وكنهم مايعرفون شي: مقارنة بالحال اللي كنت عايشه بشاره لي يوم قالت شلونك
طراد حس نبرة علي تغيرت:ترا نمزح بس مستغربين
سعود :اسف علي بس استغربت توقعتها قالت احبك اقل شي
علي بنص عين:قم فارقني انت وياه مامنكم الحين الا في الطقطقه
انتبه على جواله اللي جته رساله ورفعه شافه من ريم تمنى انه يكون فيها شي يفرح بس للاسف ما كان الا رقم الحساب
جلس يحول لها مهرها وهو مبتسم وسعود وطراد مدخلين روسهم معه
طراد :علي
علي رفع راسه على طراد:نعم
طراد وهو يصافحه ويسلم علي:معوض خير في عقلك وقلبك
جاء سعود من ورا طراد بيسوي زيه بس ماحسوا الا بعلي منزل عقاله وطايح ضرب فيهم انحاشوا الاثنين وسكروا الباب
وعلي رجع لشغله وهو يدعي ربه انها بداية خير
٠٠
عند ريم كانت تضرب شيخه :الله ياخذك الحين يقول هاذي مطفوقه
نجلا وهي تضحك:حرام عليك شفتيه وشلون تنح يوم قلتي وانت وخق اجل لو قلتي احبك وش بيصير
شيخه وهي تضحك: بنفتح عزا اليوم الثاني
ريم جلست وهي تصرخ عليهم وهم يضحكون
شيخه وهي توقف وتضرب تحيه لريم :صراحه جزاك الله خير اول مره اسمع علي هادي وخاق بدعتي
٠٠٠
وصل المهر لريم وبدوا البنات كل يوم ينزلون معها ويدبشون
وعلي كل ساعتين يدق على ريم واذا ماردت دق على نجلا المهم يسمع صوتها ومرت الشهرين بسرعة البرق وبدا خوف ريم يزيد وتوتر علي يرتفع
قبلها بيوم عند علي كان يتمشى هو وطراد ببيته اللي جهز من كل شي وبأحسن شي وهو يتخيل ريم في كل زاويه
طراد :صراحه بدعت بدعت ما توقعت كل ذا الشغل
علي :متى على الله تنوره صاحبته
طراد :الغرفه الصغيره اللي هناك لايش وليش مقفله.
علي وهو يلتفت لها:هاذي قصتي
طراد وهو يرفع حاحبه:كيف
علي : قصتي مع ريم من يوم حبيتها الى يومك هذا موجوده فيها من صور من ذكريات من الهدايا اللي كنت اجيبها لها بس مقدر اوصلها من رسم من اغاني والى ماله نهايه
طراد بستغراب:ي سبحان الله شلون انت عايش بالحب ذا كله وهي ماطقت لك خبر
علي وهو يضحك:بيجي اليوم اللي ادق بابك واقول بارك لي جرحي برى ي طراد
قرب طراد وضم علي:الله يجيبه على خير ي عريس والله يفرحك ويزيل همك .
٠٠
عند ريم كان البيت كله مستنفر ونجلا وشيخه هناك اللي يغلفون الدبش واللي يجهزون فستان ريم واللي يغني واللي يرقص
اما ريم كانت خايفه وجالسه بغرفتها وتمنت ان امها معها وخايفه من الحياه مع علي دخلت شيخه :ريم وش تسوين
ريم: ابد جالسه اودع غرفتي
شيخه :قومي تقهوي معنا قبل يجون يشيلون الدبش
قاموا ورقصوا واستانسوا وفلوها بعد نص ساعه جاء علي وطراد ومعهم سياره كبيره وبدوا يشيلون الاغراض وعلي مستانس وفرحان راحت نجلا وشيخه ونوره وريماس واريام وفوزيه يرتبون دبش ريم وجلست ريم لحالها قامت ريم بتروح تصلح عصير لها وهي متوجهه للمطبخ طلع لها في وجهها مشعل ريم صرخت وبعدت مسكها مشعل:على بالك بتروحين من البيت كذا لا انا ضروري اعطيك هديتك وسحبها لغرفته وريم تصرخ وتبكي وتترجاه
مشعل:اجل انتِ والكلب اللي اسم
ه علي بتتزوجون ويروح دمي كذا وياخذ علي ذا الجمال قبلي معصي
وريم تصارخ وتبكي .
عند علي طاح جواله في غرفة ريم يوم يطلع الدبش ورجع ياخذه حاول يدق عليه وترد ريم وتعطيه بس محد رد جاء يدق الباب بس لقيه مو مسكر نادى محد رد عليه وخمن ان مافيه احد لو فيه احد بيرد دخل وراح لغرفة ريم بياخذ جواله سمع صراخ ريم وراح ركض اتجاه الصوت لقى ريم تصرخ وتدف رجال عنها والرجال يضربها ويصرخ فيها عرف الصوت علي وجاء ركض
علي :مشششششششعل ي كلب
التفت مشعل ولا حس الا بعلي يوم سحبه وطاح فيه ضرب وسب وشتم وبعد منازعات وضرب بين الاثنين دف مشعل علي وقدر يهرب لحقه علي وما مسكه ورجع لريم زي البرق لقاها متقوقعه على نفسها وتبكي ومنهاره مسكها علي من كتوفه انبرشت عليه على بالها مشعل وصارت تضربه وتبكي وتترجاه يبعد عنها
جلس علي يهزها: ريم رييييم فتحي عيونك انا علي علي رييييم
بعد محاولات فتحت ريم عيونها وهي تتمنى انه علي ولا مشعل
بكت اول ما شافته وضمته :الحمدلله انك جيت الحمدلله انك انقذتني الحمدلله
شد عليها علي وهو يتمنى يلحق مشعل ويذبحه بس الزمن طويل
ريم كانت تبكي بحضن علي وعلي يقرأ ويسمي عليها بعد تقريبا نص ساعه غفت ريم في حضن علي من التعب وقام علي وحملها بخفه وهو يدعي على مشعل ويحمد ربه انه نسى جواله
حطها بسريرها ولحفها تمسكت ريم فيه وجلس جنبها لين دخلت بالنوم وقام وفتح الشباك وطفى النور باس راسها وطلع ركب سيارته وخرها بعيد عن البيت عشان محد يدري انه فيه ورجع ركض ونط من الشباك وقفل باب الغرفه وجلس عند راس ريم وهو يقرا ملامح الخوف في وجهها لمح نقش الحنا في يدها قرب يدها وباسها وهو يشم ريحة عطرها فيها وكل خمس دقايق كانت تفز وتصرخ وعلي يهدي فيها
بعد ساعه جو اهلها وعلي طلع من الشباك لانه لو لقوه بتصير سالفه والوقت تأخر
نزل وركب سيارته واخذ جواله الثاني اتصل على رقم
علي :الو
جوهر:هلا ي استاذ علي امر
علي :ابيك الحين تجمع رجالك وتدور لي واحد اسمه مشعل محمد ال ....
جوهر :ظرف يوم طال عمرك
سكر علي الجوال وتوجه للبيت وهو متنكد وما كنها ليلة عرسه
وصل البيت واتصل على طراد وقال كل السالفه ومات طراد من القهر وانقهر على صديق عمره اللي من جر في دحديره وحلف الا يجيب مشعل ويربيه نزل علي للبيت وتوجه لغرفته واول ما دخل اشتغلت الانوار ومع صراخ وبلالين وشموع اعتلى صوت امه من بين الضيج :اووووووويها ياما قعدوا جنبي اوووووويها وياما حرقوا قلبي اووووييييها وقالوا علي مابيتجوز
اوووووووييييييها تجوز ونصرني ربي كلوووووووووووووووووووش ضحك علي لامه بفرحتها مع انه ماله خلق بس عشان امه واخوانه تجمعوا عليه يغنوا ويستهبلون ويرقصون وصاروا يرمون علي في السماء ويرجعون يمسكونه وعلي ميت من جوا بس ماوده يخرب عليهم فرحتهم
٠٠
في بيت الجد حاكم
كانت الجوهره تبكي وتصيح وتدعي على ريم ضاعت احلامها مع علي ضاعت
انتبهت لصوت صيته وراها :ليش تبكين كذا
الجوهره خافت:مافيني شي
صيته :اتكلمي سرك في بير
جوهره :ولا شي وقامت بتروح
ومسكتها صيته :تبكين على اللي مايتسمى
جوهره انفجعت:مين
صيته :علي
جوهره :وش دراك
صيته :دريت لكن انا بنتقم ولك واخليك تتزوجينه وغصب عليه
جوهره وهي تبكي:كيف
صيته :اجلسي اقولك
٠٠٠
عند ريم صحت الساعه ٣وقامت تصلي ركعتين وهي تدعي ربها ينتقم من مشعل ويوفقها مع علي ويحببها فيه ماتدري ليه كارهته وهو ماسوى معها شي
٠٠٠٠
اما عند مشعل كان يدق على باب بقوه وجهه كله دم
......:مين
مشعل :انا مشعل افتحي .....فتحت الباب : مشعل وش جابك
مشعل وهو يدفها:جيت هنا هربان
......:هربان من مييين
مشعل :بتخبى هنا فتره وارجع
........:توك ذكرتني توك وانت اللي رميتني من البيت وتبيني اخبيك
مشعل:انتي سبب كل هذا ي مشاعل انتي اللي حطيتي راسنا بالتراب
مشاعل :ماسويت شي غير اني حبيت
مشعل :انكتمي لا تخليني انبلي فيك
مشاعل :هربت من مين
مشعل:علي
مشاعل:محد مبرد قلبي الا علي وش مسوي عشان يدور عليك
مشعل:قصه مالك فيها روحي دقي على زوجك الدكتور يجي يضمد جراحي
مشاعل :طيب
راحت تتصل على زوجها وجاء
صلاح :سلام عليكم
مشعل :.........
صلاح قرب وهو يدري ليه مشعل مارد :سلامتك من ايش جروحك
مشعل:عالج ومالك دخل
صلاح ناظر مشاعل وسكت عشانها وبدأ يعالج فيه وبعد ما خلص ولفه راح وسأل مشاعل
صلاح:وش جابه مو كان متبري منك
مشاعل:هربان عندنا عشانه اخر محل يفكرون يدورون فيه عليه
صلاح :هربان من ايش
مشاعل:علي تذكره صاحب شركة .......
صلاح :ايه طول عمرهم مايتدانون بس وش يخليه يهرب اعرف مشعل دايم يتحركش بعلي
مشاعل :مدري
صلاح :خير انا برجع لدوام ما اقدر اخلي مكاني فاضي ..
🍒ــــــــــــــــــــــــــــــــــــــــ🍒
#الـى_هنا_ينتهي_الجزء_الـ2⃣
🎀 @ahgeel 👌👈 🌺
🌼🎀🌼
🎀 🌼🎀🌼🎀
🌺🎀🌼🎀🌼🎀🌼