أحبيني بلا عقد - الفصل 85 - بقلم أديم الراشد - مكتملة | روايتك

عالم القصص والروايات 📚: 🌺🍃🍏🍃🍏 🍃🍏🍃🍏 🍏🍃🍏 🍃🍏 🍏📖🖌 @ahgeel 🍃🍏 📚عـ(القصص)ـالـ(والروآيات)ـم📚 📚 😍 📃 📖 روايـــــــــــــة ✍🏼 {  احبيني بلا عقد للكاتبة أديم الراشد } *🍏ــــــــــــــــــــــــــــــــ🍏* ـ *. #البارت_خمسة_وثمانيون👇💙* وتناظر سعود اللي واقف وصدمته واضحه على وجهه جلس وهو يسمع بكاهم جوا والكل مصدوم ولا حسوا الا براشد اللي طلع وعيونه مليانه دموع وطاحت عينه بعين سعود اللي واقف وهو اول مره من بعد اللي صار يناظر راشد بهدوء انسحب راشد بسرعه وطلع وسعود ما عرف يسوي شي الا انه يركض وراه سعود :راشد راشد راشد : نعم سعود : وقف وقف وفهمني وش صار راشد اللي ما كان في وضع يسمح له لف وهو يقول : تكفى يا سعود مو وقته راح وترك سعود اللي جلس وهو ينتظرخالد يبي يفهم وش اللي صار •••€ انا عند خالد اللي كان من صدمته مو قادر يوقف مو قادر يستوعب بالقوه سند نفسه اخذ الاوراق من تميم وهو يرجف كان كل شي صح كل شي حتى فيه نسخ اصليه من اوراقه فالميتم ودراسته وظيفته وكل شي عنه رفع راسه وهو يحمد ربي وحزين لف لحصه وهو يحضنها اخيرا  اخيييييرا بيقول ( يمه ) اخيرا تميم اللي كان مبتسم بهدوء انسحب وهو يدور على راشد لكن شاف ضي جالسه وعيونها حمرا اتجهه لها وهو يناظرها بإنكسار وقفت ضي بصدمه وقرب تميم وهو يحضنها ماعرفت ضي تقول شي وسكتت وبعد وهي تحاول تهدي تميم •••$ وبعدموجه قويه من البكى والمشاعر رجع راشد وتميم وهم يشوفون امهم للحين تبكي وخالد ما هدا قرب تميم  يبوس راس امه: يمه حبيبتي خلاص عذبتي نفسك انتهى خلاص ولدك وهذا معك وكلنا حولك انتهى خلاص راشد : يمه شوفي جبت ريان بعد يشوف خالد ريان اللي كان مذهول من للي سمعه من راشد قرب لخالد للي وقف برجفه مو متوقع ان ريان وراشد اللي كانو يعرفون وتفرقوا في يوم يصيرون اخوانه ريان تقدم لكنن خالد سحبه يحضنه بكل مشاعر الحرمان اللي عانى منها سنين ابتعد بعد خمس دقايق وجلسوا وهم يحاولون يهدون ويستوعبون تميم : خالد الحين صار لازم تنسى وسواسك وتلتفت لحياتك مع امك واخوانك حصه وهي تحضنه : حبيبي بعيش معي مع امه بيعيش سنين وانا احلم به وادعي له وهو قريب من وانا مو حاسه خالد باس يدها وهو مو قادر يرد من فرحته كمل تميم : الحين بعد ما انتهت قصة خالد  بنتلفت لك يا راشد راشد : شلون تميم : كلمت سعود وابو سعود بيجون الحين صار لازم يعرفون الحقيقه صار الوقت اللي ترتاح فيه انت بعد راشد : بس ابوي يا تميم تميم :ريان الحين بيروح يجيب ابوك انا بشرح له كل شي وهو بعد انلعب عليه ما كان عنده علم خاف راشد ولف يناظر امه اللي مسحت على كتفه : لا تخاف يمه بيجبر ربي كسرك وقف ريان: انا بروح اجل تميم : حاول تستعجل وخلك هادي ريان : طيب •••€ وبعد ساعه في بيت تميم الكل كانوا موجودين وبالقوه قدر تميم انه يجمعهم وشرح لهم اللي صار بالتفصيل وكشف لهم كل شي وهالشي صدمهم كلهم تميم : اللي لازم تفهمه يا عمي انت وسعود ان راشد ما خان ولا غدر ما كان فيه يده شي مسير مو مخير اختار ابوه واتوقع محد يحاسبه على بره وابو راشد بطبيعة الحال خاف انه يفقد اخوه وعيال ولده بنفس الوقت محد له ذنب فالقصه هاذي كل المسأله انها عُقد ابوي اما انت يا عمي ابو راشد جاء الوقت اللي تحرر فيه راشد وتخليه يعيش ولا تخاف اخوك هو اللي خسرك انت ما خسرته وبنته بالحفظ والصون الكل كان ساكت ويسمع محد طالع بيده حل لكن تميم قال: ادري محد فيكم يعرف وش يتصرف بس انا بقول بالنيابه عنكم اول شي بطلبك يا عمي ابو سعود وياليت ماتردني ابو سعود اللي كان في صدمه وقال بعد سكوت: تم يا تميم قول يا ولدي تميم : ابيك ترجع نوره لراشد لف راشد يناظر في ابو سعود بخوف وابو سعود يناظره وسعود وبعد صمت قال سعود : نبي منه وعد ما يضيم نوره  وهو يدري انها ما مريت في شي قليل راشد بدون تفكير : نوره في امان الله ثم وجهي الكل التفت لراشد اللي كانت دقات قلبه قويه وكانه بيطلع من صدره ابو راشد اللي كان مصدوم من اخوه وحاس بالذنب اتجاه راشد وقف واتجهه لابو سعود وهو يبوس راسه : انا بنفسي بعتذر لك عن اللي صار منا ويعلم للله ان سعود كان رافض وانا اللي فرضت عليه وسمعت شور غلط طالبينك تسامح وتعطي ابو سعود اللي بدوره وقف وهو يسلم على ابو راشد: الله يسامح الجميع بس الحين ما الشور شوري الشور لنوره وهي للي تقرر لف راشد يستنجد بتميم اللي كان جالس ووقف وهو يقول : نوره عند سعود وضي هم بيكلمونها سعود ناظر تميم ببتسامه وتحرك لضي اللي كانت تسمع واخذها وهم ماهم مصدقين انهم قادرين يشفون جراح نوره •••$ عند نوره اللي كانت خايفه وهي ما تدري وش صاير بس شافت راشد من الشباك وانهارت فزت على دق الباب ومسحت دموعه وهي تفتح شافت ضي وسعود واقفين سعود تقدم وهو مبتسم : جايب لك بشاره يا نوره نوره ناظرته بخوف ورجعت تناظر ضي المبتسمه سحبها سعود وهو يجلسها : نوره اسمعيني زييين ابتداء سعود يشرح لها كل للي صار وكملت لها ضي قصة راشد مع زوجته وشرحت كللللل وكا نوا متوقعين ردة فعلها اللي انهارت تبكي وهي تناظرهم بصدمه ضي: نوره راشد رجع يطلبك ويبيك سعود : شفت في عيونه ندم على شي هو ما سواه منكسر حيل واضح ضي: ما قدر يعيش بدونك وكان هالشي مبين عليه ويفهمه حتى الغبي سعود : نوره ... انا ادري انك تحبينه وادري انك ما تقدرين تعيشين مع احد ثاني نوره اللي كانت تناظرهم بخوف وصدمه وكمل سعود : نوره راشد وعدني من قبل والحين جدد وعده لو يتدخل اللي يتدخل مستحيل انه يتركك ضي :نوره تقبلين تتزوجين راشد وفي هاللحظه قامت نوره وهي تحت تاثير صدمه وجلست بسرعه لما حست بدوخه مسكها سعود بخوف :نوره تسمعيني ضي : نوره انتي في وجهه تميم قبل لا تكونين في وجهه راشد واقدر اقولك تثقين بتميم سكتوا كلهم ينتظرون ردها ولكن فاجأهم ابوهم لللي دخل واتجهت لنوره وهو يبوس راسها: نوره انتي تعرفين وين سعادتك وانتي تقررين مع مين بتعيشين انسحبت نوره لغرفتها وهي تبكي بانهيار مو مستوعبه ان ربي استجاب دعائها ورجع لها راشد اللي متاكده انه مايسويها وبعد فتره طلعت وهي تقول : قولوا لراشد اني ابيه فز سعود وضي بفرح وطلعوا اما نوره رجعت وهي تبكي فرح وتسجد ربي شكر •••€ عند راشد اللي كان مو قادر ينتظر وكان يلف المجلس بدون ما يحس ومتوتر لدرجه انه مو قادر يتحمل الحرف وقف على الشباك وهو خايف خايف كثييير بعد ولف على صوت ابوه : وجدان وش بيصير فيها غمض راشد وقال عنه تميم : راشد ما اذى وجدان من 5 سنين ما اذاها في اقسى ظروف حياته مستحيل ياذيها في فرح قلبه راشد ابتسم لتميم : هذا هو قالها ووجدان ببيتها معززه مكرمه واذا بغت تطلق الله معاها قطع الصمت دخول سعود اللي مبتسم اللي اتجهه للتميم وهو يضحك : نوره في وجهك وذنبها برقبتك ضحك تميم وهو يحضنه : نوره بوجهي من زمااان لف سعود على دخول ابوه اللي قال : نوره لك يا راشد لكن احذرك وانذرك ان اذيت شعره منها يتكلفك حياتك راشد اسرع وهو يبوس راسه بحب : وانا حياتي فداها الكل اقبل يسلم على راشد بحب ويبارك له ولف سعود يدور خالد ماشافه تميم ابتسم لسعود وهمس له : لا تخاف خالد مع امه لف سعود بقوه وهو يقول : وشو تميم : انتظر والحين بشرح لك جلسوا الكل وهم مبسوطين وفرحانين واتصل تميم في ابو راكان وراكان وسلطان وناداهم يجوون لبيته واجتمعوا وحكى تميم لهم كل الحكايه وانجلط سعود اللي ماكان مصدق ونط على خالد يبوسه ويسلم عليه بفرح ووقف تميم وهو يقول : بما انه انحلت اغلب المشاكل باقي شي بسيط خالد بيقوله لك يا ابو راكان ابو راكان لف ببتسامه : قول يا خالد خالد ناظر تميم بخوف وتذكر سالفة نجوى ولف لسعود اللي ابتسم له وهو يأشر ( يقول ) الكل صار يناظر خالد اللي توتر وقال بإرتباك واضح : يعني انا قلت لتميم من قبل بس ما توقعته يفاجأني بمثل هالوقت بس بقولك يا ابو راكان اني .... اني بطلب يد بنتك على سنة الله ورسووله الكل ابتسم وارتفعت الاصوات وابو راكان مصدوم ولا عرف وش يقول وكمل خالد : اكبر بناتك الله يخليها لك لف راكان يناظر سعود اللي لف يناظر يد خالد اللي للحين بجبيرتها وانفجروا ضحك وابتسم تميم معهم بهدوء خالد ناظرهم بحقد ابو راكان ابتسم ... #رواية_أحبيني_بلا_عقد 🍏👈ـ #انتهاء_البارت 💚 *🍏ــــــــ #يتبـع👇ـــــــ🍏* 🍏📚😍 @ahgeel 🍃✏️📖🍏 🍃🍏 🍏🍃🍏 🍃🍏🍃🍏 🌺🍃🍏🍃🍏