أحبيني بلا عقد - الفصل 61 - بقلم أديم الراشد - مكتملة | روايتك

عالم القصص والروايات 📚: 🌼🍃🌼🍃🌼 🍃🌼🍃🌼 🌼🍃🌼 🍃🌼 🌼 📖🖌 @ahgeel 🌼🍃 🌼📖 روايــــة احبيني بلا عقد ... 🌼ــــــــــــــــــــ🌼* ـ *. #البارت_واحد_وستون👇💙* عند هند اللي وصلت للمستشفى اللي بتتعالج فيه وكلمها الدكتور وكان فيه امل كبيير في علاجها انسدحت على  السرير وهي تبكي بذكرى تميم والوليد وكان ودها لو هم عندها ويساعدونها بأزمتها دخلت سحر وهي مبسوطه : والله الجو مررره حلو ليتنا من زمان جايين ومفتكين من حايل وحرها ماردت هند وهي ما تبي الا القصيم وتميم والوليد ناظرتها سحر: هند وش فيك المفروض انك مبسوووطه وفرحانه علاجك ماشي والجو حلو هند ببكى : علاجي ولدي وزوجي زفرت سحر : يووه ي هند خلاص كلها فتره ونرجع ويرجع لك ولدك اما تميم بقلعته خليه مع هاللي ساحرته وان شاء الله تتزوجين وتعيشين حياتك بعد هند : مابي شي ابي اشوفهم بس لفت سحر بضيق وهو تطلع لزياد اللي كان جالس بهدوء وهو يشرب قهوه وجلست بقرف وكان زياد متجاهلها تماما سحر: اووووه وانت اشفيك بعد صاير نفسيه زياد كان يحاول ما يفسد مزاجه ومطنشها سحر: زيياد اكلمك انا شفيك وش صاير ليش متغير ما انت زياد الاول زياد لف بهدوء : والله انا مثل ما انا انسان للحين سحر: وش قصدك!! زياد : قصدي انك انتي اللي متغيره وصايره مقرفه وتفكيرك مقرف سحر: تكلمني كذا ي زياد غيروك علي زياد : زياد وزياد وزياد انتتييي ليش مو قادره تشوفين اغلاطك لييييش جالسه تحرضين اختك وتحطمين حياتها وتخربين حياتها معك انتي اللي الحين بتجاوبين وش اللي غيرك وش اللي خلاك كذا وين الانسانه العاقله الطيبه اللي كانت حبيبتي وزوجتي ماني شايفها معاد اعرفها وقف وهو يقول بتهديد شديد اللهجه: صدقيني ي سحر لو ما تتعدلين لرميك وراي وامشي ولا اشوفك سامعتني طلع من المستشفى وهو ضايق اما سحر اللي كانت مصدومه من كلامه لكن وقفت بقهر وهي معتقده ان تميم مغيره عليها بعد •••€ العصر دفنوا ام سعود وطلعو للعزاء والكل حزين اما تميم كان تفكيره مع ضي وخايف انها تنهار وتقول كل شي هو عادي ما همه بس ما يبيها توتر علاقتها مع اهلها في مثل هالوضع اما سعود اللي كان منهار بشكل مفجع وخالد يحاول انه يهديه ابو سعود  في حال يرثى لها ••€ اما عند البنات كانت ساميه ماسكه نوره وهي تهديها وتولين معاها سعد اللي مايدري بشي بس يبكي من بكى اهله نجوى كانت مع ضي اللي كانت بغرفتها ورافضه انها تستقبل معزين حاولت نجوى معها تطلع بس ابد مافيه فايده كانت تبكي وهي تلوم نفسها قربت نجوى/ ضي حبيبي انتي مالك شغل ربي كاتب هالشي ضي اللي نست نفسها: انا لللي كذبت انا للي ذبحتها وخليتها تشيل همي انا اللي خطتت انا قطبت نجوى: شلون يعني قطع عليهم الباب وكانت سعد: ضي تميم بيجي وقفت ضي وهي تصرخ : لا لا يجي لاااا لا دخل تميم وهو متجاهل صراخها وتقدم وهو يدري بإنهيارها واشر لنجوى لما شافها مصدومه: اش صار نجوى: مدري تقول كلام مو مفهوم تميم :وشو نجوى: مدري تقول انها السبب وانها خططت واشياء ما فهمتها زفر تميم بضيق : مو مشكله اطلعي ولا تكلمين احد عن هالموضوع نزلت نجوى : زين قرب تميم وهو يجلسها سكر فمها وهو يقول : ضي ي بنت الحلال استهدي بالله انتي مالك ذنب ابد انا الذنب ذنبي ما كان لازم اني اقبل من البدايه انا الغلطان في كل شي ناظرته ضي بحزن يكسر القلب : بس انا اللي دخلت بيتك ولا تبت تميم قال بهدوء وهو يناظرها : مثل ما دخلتيه قويه ما بتطلعين الا ضي القويه وغير هذا مرفوض نزلت ضي راسها وهي مهلوكه من صدمتها وحزنها انخفض صوت بكاها الين ما غفت بدون ما تحس تحرك تميم وطلع لكنه حصل نجوى برا تنتظره : شتسوين هنا نجوى: كنت انتظرك بكلمك في وضع ضي تميم : وش فيه وضعها ؟! نجوى بتردد : خالي تراها جالسه تقول كلام مو مفهوم ويخوف وموضوع التخطيط مو مريحني تميم بهدوء ويحاول ما يتوتر : لا لا بس عشان مصدومه وعشان سالفة العيال تحس انها ظغطت على امها حست نجوى ان فيه شي وقالت: ين مو مشكله انا بنزل اشوف  لك الطريق تحركت وهي تفكر وش ممكن يكون صاير ولا تدري على ايش تحكم وهي ما تعرف اي شي عن زواجهم وحياتهم عند سعود اللي جالس بصمت وهدوء حزين قرب له راكان وهو يقول : سعود تولين تبيك جوا اذا ما عليك كلافه ناظره سعود بهدوء وكأنه يتذكر وغمض وهو يقوم مشى وهو يترنح دخل البيت اللي صار يخنقه من جميع الاتجاهات غمض وهو يرفع يده يبي يمسح دموعه لكن يد خفيفه انمدت لعينه قبل يوصلها فتح عيونه وشاف تولين واقفه قباله وهي حزينه وجهها احمر لا شعوريا جلس بإنهيار وابتداء يتمتم بحزن خضعت له تولين وهي تحضنه بخوف عليه بالقوه كانت قادره تسيطر عليه رغم انهياره القوي •••€ في مكتب ابو سلطان دخل مرجان وهو يقول : ابشرك الضحيه استوت وباقي بس امرك ي طويل العمر لف ابو سلطان وهو مبتسم : اجل ضحوا فيها ي مرجان وخلو اللي ما درا يدري مرجان : ابشر طال عمرك طلع مرجان بعد ما اخذ حزمه فلوس بفرح وهو متجاهل بشاعه الموقف اللي ينفذه .-------------------. •••€ مرت ثلاث ايام العزا والوضع معروف ومعتاد عليه وابتداء المعزين يختفون وقف خالد واتجهه لسعود وهو يقول : سعود قوم ارتاح ي اخوي اهلكت نفسك سعود بحزن: وش اللي باقي لي اصلا غير الهلاك خالد : لا تقول كذا ي سعود باقي معك ابوك واخوانك وهم سندك وانت لهم ظهرر لازم تكون قوي وتستجمع نفسك تعوذ من ابليس ولا تغضب ربي عليك سعود : خايف من البيت مابي ادخله وهي مو فيه قال خالد بدون تردد: تعال معي لبيتي ترتاح فيه فتره وقف سعود اللي اعتبر عرض خالد حبل نجاه له من عذابه في فراق امه ••€€ اما عند ضي اللي كانت جالسه بغرفتها لحالها وهي تحس بخنقه اصر تميم عليها تروح معاه بس رفضت ما تبي تضعف ابدا كفايه الحالات المزريه اللي مرت فيه قباله وقفت وهي تحس انها من كثر ما تبكي خلصت دموعها اتجهت لشباك وهي تفتحه اخذت نفس عميق وجدد دموعها المقهوره على امها ••€ انا تميم اللي ما صدق نام الوليد وطلع وهو يحس بضيق وخنقه ضايق على ضي وضايق من الوضع كله جلس قبال الباب وعينه على شباك ضي وفز اول ما شافها فتحت الشباك تعلقت عينه وهو ينتظرها تطل لكن تفاجاء برجعتها القويه وكأنها كارهته اما ضي اللي ماكانت متوقعه وجوده ما قدرت ما تبكي ما قدرت ما تنهار بعدت بسرعه وهي قلبها يدق جلست وهي تحاول تكون قويه بلحالها لكن عجزت الكل منهار سعود هرب من البيت ونوره في وضع مزري وابوها يا دوب يواسي نفسه ما قدرت تجلس بين اطياف امها ركضت وهي تسحب عبايتها وطلعت وهي تبكي اما تميم اللي ما مداه يتجاوز الصدمه الاولى في هروبها الا تفاجئ بطلوعها المنهار وهي تمشي مثل الضايعه بالحاره ركض وهو يناديها : ضي ضييييي ضي مسكها وهو يثبتها: وين رايحه ضي بسم لله عليك ضي دفته بضيق وهي تحاول تتحرر : ابعد عني ابعد عنننننني تميم : وين رايحه ي مجنونه في هالليل ضي بضعف : مخنوقه مو قادره اتحملل مخنوووووقه ابعد عني الله يخليك ابعد تميم : ضي تعوذي من ابليس تعالي معي اذكري الله ضي : تميم الله يخليك اتركني الله يخليييك بموووت بمووت تكفى اتركني احتار تميم ما يدري وش يسوي تركها وهو يقول : طيب وين بتروحين انا اوديك ضي :ما ابيك تروح معي بس اتركني بتنفس شوي وارجع حاول تميم بس رفضت ضي تركها وراح لكن ما طاوعه قلبه ورجع يتابعها من بعد شافها طلعت وهي تمشي وجلست في حديقه قابلتها كان خطر عليها بس كان يبيها ترتاح ظل ساعات يراقبها ولما تاخر الوقت مره تقدم وهو يقول : ضي شهقت ضي برعب ولفت وزفرت براحه لما شافته: ليش جيت تميم : تعالي معي تاخر الوقت وصار خطر تعالي نرجع البيت وبكره روحي لاي مكان تبينه.. #رواية_أحبيني_بلا_عقد *🌼ــــــ #يتبع👇ــــــــ🌼* 🌼🖌📖 @ahgeel 🍃🌼 🍃🌼 🌼🍃🌼 🍃🌼🍃🌼 🌼🍃🌼🍃🌼