أحبيني بلا عقد - الفصل 53 - بقلم أديم الراشد - مكتملة | روايتك

عالم القصص والروايات 📚: 💜🍃💜🍃💜 🍃💜🍃💜 💜🍃💜 🍃💜 💜📖🖌 @ahgeel 🔮🍃 (📖 روايـــــــة احبيني بلا عقد ) *💜ــــــــــــــــــ💜* ـ *. #البارت_ثلاثة_وخمسون👇💙* تميم قرب وهو يناظر عيونها بهدوء: وان قلت عيونك .ضي دفته بمزح : ما زبطت معك ضحك تميم وطلع وضي تضحك :ممثل درجه اولى اما تميم اللي اخذها مزح وطلع لبيته قبل يفتح الباب تذكر كلام هند وحس بضيق لف وهو يدخل المفتاح لجيبه واخذ طريقه لبيت خالد فتح الباب وشاف خالد جالس يتابع مسلسله المعتاد : سلاام فز خالد : تميم هلا تميم : كيفك خالد: تمام وانت كيفك كيف ضي بسلامة راسكم تميم : الله يسلمك الحمدلله ماشي حالنا خالد : وش فيك ضايق تميم : يعني الوضع يحتم اني اتضايق خالد: هونها وتهون وان شاء لله تحصل علاج تميم : اذا لقينا لضي ما لقينا لهند خالد: ليش وش صار تميم : هي الثانيه جايه تقول بتطلق وبتترك الوليد وتروح تتعالج خالد: نععععم تميم : شفت كيف ان حياتي واااو مليانه مفاجأت خالد : وش تحس هاذي ما كفاها مشاكل تبي بعد تعيش ولدها من دونها تميم : ياخي ناس مستهينه بالبعد بشكل انا مو مستوعبه خالد: شلون تترك ولدها ما فهمت هالنقطه تميم :ابد تبي تلم قشها وتطير تتعالج وانا اجلس اربي الوليد بدون ام يعني الواضح او هالولد انكتب عليه نفس قدر ابوه خالد : لا لا ي رجل استغفر وش هالكلام اتوقع بس كلام تميم : ما اتوقع ابدا خطوتها هذاي قويه واتوقع انها تعودت على البعد وصار ما يفرق معها خالد : بتروح مع مين يعني تميم : زياد خالد: معليش يعني مجنونه هاذي وش تحس فيه تميم : والله بيني وبينك ما فرقت معي ابدا وماعندي اي مانع اربي ولدي واجلس انا وياه بلحالنا سعود دخل : تميم هنا كيفك اليوم تميم : حمدلله انت كيفك سعود: حمدلله مريت على ضي تميم : اي من شوي عندها سعود: كيفها تميم: يعني سعود : والله منهاره فوق الخيال تميم : ليش صار لها شي امس سعود : اسكت غرقتنا بدموعها بس تبكي انا اخوها من 20 سنه ماعمري سفتعا تبكي كذا تميم نزل راسه بأستغراب وضيق: مسكينه الله يكون بعونها خالد : وقت ويعدي سعود : وش فيكم واضح فيه سالفه ثانيه تميم :لا عادي نسولف سعود بهدوء وتردد : اقول تميم وش رايك يعني لو قبل تروح لعلاج زوجتك نخطب ونملك احسن مو تميم ناظره بهدوء وابتسم : حلوه مقطوعة الحب وسط هالمشاكل خالد وسعود جمدوا بخوف ضحك تميم : انتظر شوي يمكن ما اروح سعود : ليه تميم تنهد ورجع لوراء وقال خالد السالفه لسعود ناظره سعود بصدمه: تميم اذا مسوي ذنب كبير تستحق عليه كل اللي يصير فيك قولنا وريح ضميري خالد خبطه : استغفر ي غبي سعود: استغفرلله بس هذا كثير خال ددقه: المؤمن مبتلى تميم ابتسم: يعني انا تعودت مافرقت بس الجديد ان فيه طفل فالوسط سعود : الله يكون بعونك انا لو اني مكانك مستحيل اتحمل كل ذا تميم تكى بهدوء: يعني انت محد يلومك حتى لو ما تقبلت المووضوع فالنهايه عندك اهل ما تتوقع منهم الا كل خير سكتو العيال وهم يناظرون بعض بضيق ووقف خالد : انا بطلب غداء تميم : اطلب على قدكم انا مابي سعود :انا بروح البيت احسن ما ابوي يسوي لي مشكله خالد : خير انت وياه انثبروا نتغداء وبعدها كل واحد يطس على بيته حاولوا يعترضون بس خالد طنش وهو يطلب وجاء جلس :اييييه تميم يالييت تقول لاقاربك ان التلفون معاد هو عندك تميم قطب حواجبه: اقرابي مييين خالد: مدري من شوي اتصلت وحده تقول خالي تميم وتتكلم طبعا قلت لها مو رقمك وقفلت تميم :مين بيتصل فيني على رقم البيت يعني سحب جواله وشاف المكالمات الهائله من هند استغرب ودق وهو يقولهم يسكتون: نعم ي هند وش فيهه هند : تميم اللحق تولين فتحت الباب لحرمه ما نعرفها ومصره الحرمه تشوفك اخاف مرسلها ابوك تأذينا فز تميم بذهول وقفل الجوال وطلع لحقوه سعود وخالد:تميييم وش فيك تميم تميم وهو شبه يركض: تولين دخلت حرمه مو معروفه وهند تقول انها مصره تشوفيني خايفين تكون من طرف ابوي وقفوا العيال بنفس ذهول تميم سعود: وش ذا الاكشن اللي عايشين فيه خالد :احيان ودي اشكر ربي اني ماعندي اهل سعود :استغفر الله اهل زي اهله مابي خالد :بس بس خلنا نشوف وش صاير دخل تميم البيت بسرعه وهو ينادي : تولين تولييين تولين وقفت:هلا تميم لف تميم يناظر الحرمه وهو مقطب حواجبه بأستغراب ووقفت الحرمه تناظره وهي تبكي لاشعوريا قربت وهي تناظره وابتعد تميم : مين انتي وش تبين هنا وانتي تولين ليش تفتحين الباب وكأنك جاهله الوضع تولين خافت: قالت تعرفك تميم :واي احد يعرفني تفتحين له الباب حصه ببكى: لا تخاصمها هي ما سوت شي تميم: مين انتي وش تبين!؟ حصه نزلت راسها بضيق : انا حصه ي ولدي تزلزلت الدنيا تحت تميم اللي وقفت عينه عليها : وشو حصه قربت وهي تتكلم بخوف: انا ادري انهم كذبوا عليك وقالوا ان ام سلطان هي امك وادري قالوا اني تركتك وهربت بس والله واللله مو كذا واللله تميم جلس وهو مو مستوعب ان انه قدامه جلست حصه بجنبه وهي ترجع تعيد القصه بتفاصيلها على تميم من جديد ... ...__________... اما تميم كاان كل حرف يتردد عشر مرات بأذنه لف يناظرها بهدووووء كاان يحس بحنية صوتها وصدق كلامها راقبها شوي وهو يرجف كل مكان فيه طلعت حصه صور له وهو صغير واعطته ما كان لتميم اي ردة فعل الا انه ابعد الصور بيده لما اعطته كرت الولاده حقته الاصلي ناظر بقوه وهو يتذكر كلام ام سلطان اخذ الاوراق وجاء جلس جنبها ولا شعوريا حضنها وحضنته وارتفع صوت بكاها .. اما تميم بس كان يرجف بسس بلع ريقه بصعوبه وابتعد بشويش وهو يحاول ياخذ نفس اتجهه للباب بصعوبه وفتحه وهو يستنشق هوا لكن يحس ما يدخل صدره اي هوا طاح على ركبته وهو يأشر لهم لكن محد فاهم عليه ارتخى جسمه وبدى يزرق واغمى عليه صرخت تولين وركضت وهي تسحبه لكن مو قادره ركضت حصه وكلهم ما اقدروا وطلع سعود وابو سعود على الصراخ وكانت تولين تبكي وناسيه نفسها صرخت وهي تقول: سعود اللحق تميم بيموت تكفى ي سعود ما حس سعود بنفسه ودخل وهو يرفع تميم ولف لتولين: وش صار له تولين شافت ابوه وشهقت وهي تبعد حصه : انا السبب انا ناظرها سعود بإستغراب : مين انتي صرخ ابو سعود : سعود اسعف الرجال وانت تسولف انتبه سعود وحمل تميم وهو يركض فيه لسياره واسرع فيه المستشفى €•••• وفي جهه ثانيه وقفت ضي على الشباك لما سمعت الصراخ وجمدت اول ما شافت الموقع لا شعوريا ابتعدت وجلست بخوف تجمعت دمموعها وهي مو قادره ترجع تشوف وش صار وفجاءه اختفى كل الصوت وقفت وقربت وشافت المكان فاضي بسرعه اخذت عبايتها ونزلت واجهتها نوره: وين بتروحيين ماردت ضي اللي بعدتها وركضت للباب فتحته وطلع ابوها في وجهها: ضي وين رايحه ناظرته ضي بخوف: وش صار لتميم ابو سعود مسكها وهو يحضنها : ما صار له شي بس تعب واخذه سعود للمستشفى ابتعدت ضي:  وش السبب ابو سعود : مدري ضي تقدمت وطلعت اتجهت للبيت دقت الباب وفتحت كريمه : مدام ضي اهلا بعدتها ضي ودخلت شافت تولين تبكي تقدمت لها بجمود وخوف : وش صار لتميم تولين : مدري مو فاهمه شي ضي: من السبب حصه من وراء :انا السبب لفت ضي بصدمه : من انتي حصه : انا حصه شهقت وهي تناظرها بصدمه : امه حصه :تعرفيني تزلزلت ضي وهي تجلس بخوف : وش جابك حصه:جيت ابي ضناي الللي ضيعوه مني ضي ما استوعب وقالت: تميم وش سوا تولين ابتدت تحكيي لضي ردة فعلها لفت ضي وهي تشتت نظارتها بصعوبه وخوف من تميم لو كشف اللي سوته غمضت وهي تشد على راسها تولين : ضي انتي بخير قطع الكلام اتصال سعود على تولين اخذت جوالها بتوتر وهي تنسحب وردة : كيفه تميم سعود : تميم بخير بس ياخذ اكسجين ويجي تولين : ليش صار فيه كذا سعود : عنده ربو حاد ويتعبه احيان تولين : تكفى انتبه له سعود سعود : ابشري ي عينه لفت تولين لكن جمدت اول ماشافت ضي تناظرها بصدمه :سعود !!!! تولين شهقت وهي تناظرها بخوف: اتصل من جوال تميم يطمنا ضي ناظرتها بشك : وكيفه تميم تولين :حمدلله احسن ماهضمت ضي الموضوع ولفت ورجعت لصاله جلست جنب حصه : انتي من عطاك العنوان حصه: هو تميم ارسله لزوجي .. #رواية_أحبيني_بلا_عقد ـ #انتهاء_البارت 🔮 *💜ـــــ #يتبــع👇ــــــ💜* 💜📚 @ahgeel 💜📚🖋 🍃💜 💜🍃💜 🍃💜🍃💜 💜🍃💜🍃💜